المريخ يسقط في فخ الرومان ...والهلال يدك ثلاثة

[ايهاب صالح سليمان]

واصل المريخ مسلسل سقوطه كالعدة هو وغريمه الهلال خارج حدود العاصمة وفقدان النقاط بكثرة خاصة في مدنى وبورتسودان وكسلا ...ورغم ان المريخ نجح الموسم الماضي في الحد من هذه الظاهرة الا انه عاد اليوم وخسر نقطتين ثمينتين من الاتخاد ودمدني في مباراة انتهت بالتعادل السلبي ....وفي العاصة كان الوضع مختلفا حيث دك الهلال العاصمي حصون الخرطوم 3 بخمسة اهداف مقابل هدف .......لينتزع الصدارة من المريخ
ايهاب صالح

[Nazar Hussien Babkir Frie]

لايهاب وكل مريخابي كان فرحان بيتر لعاب يامريخاب :
ما قلت ياايهاب انو الفوز الذي جاء على حين غرة من الزمان لن يدوم عندكم طويلا واهو جات التعادلات وبعدها الهزائم لانو تيم الوالي مهزوم طوالي وانت غايتو غالبين تجننوا ومدرنين تحننوا ومهزومين تبكوا عديل ، وهاك يا شكاوي وفي منو في صلاح البلدوز ، وانشاء الله تكسبوها ، علشان تلحقوا الخمسات الشي المحيرني انو حسبو كان لاعب انتو ناس اتحاد مدني عندهم برنس ولاشنو ، ولا يظهر انو بيتم تجهيزو لمبارة الدورة الثانية عشان برضوا يراقب البرنس ، دحين كدا النسالكم وينو العجب (محجوب جوبا ) وينو قلينو ووينو ديوب المعطوب طبعا العذر كلوا انو السعودي موقوف وانشاء الله درون الاتحاد اجيب معاهو اختو هزيمة من التاكا الكسلاوية ولا يمكن تحن اصلو اللون واحد وكمان ما تنسوا انو الوالي فاروق مريخابي وما برضي المريخ ينهزم في ديارو الكسلاوية هسي السفر بالطايرة ولا البص اصلوا البص ده بيجيب معاهو الهاجس النفسي وحيذكرني بحادث شهداء المريخ لهم الرحمة جميعا ، عشان كده عايزين طيارة وكمان معاها دبارة وينو الفكي اصلو قالوا ود قريش ما اداه حقو لليلة!!!!؟؟؟
اكان زعلان كلموا ناس بيتر في الميدان كلموا!!!
وبيتر اسرائيل لعاب ياود ياميزووياهوبة كمان
المهند جاكم ما قلت ياايهاب الود لعاب وعليك الله يا ايهاب ذي الود مهند بيقعد بره .تعرف ياهوبة دورت لمقالات الود مزمل مالقيت ليهو اي سيرة ، قلت اقراللود ياسر المنا لقيتو زعلان تعرف قال شنو قال الحافز الدولاري هو السبب ن يعني عليك الله يا هوبة اغلبوا الهلال سيد الاسم وما ياخدوا حافز دا كلام ده اما اماسا لقيتو عامل مقارنة بين وش السعد ورانكو دا درون لو كانت هزيمة كان قالوا عازين ابوجريشة تاني .
وشكرا ليك لكنك تجاهلت الوصف الحي للمبارة وكمان قون مهند انشاء الله يكون عجبك واتخيلوا معاي في شباك شيكوزي ، ولا احسن قون عزمي واللي حيدخل زيو كتير يوم لقاء الدورة التانية ومن هسع نحدد منو دامر ، سفاري ، ولا حسبو .
الشكاوي بدات بصلاح الياس وحتنتهي بمعتز كبير اصلو تسجيلو كان غلط كبير .
وبالخميس انتم مدعويين لسهرة كبري مع خمسيات بني هلال ، وطبعا ناس المرغني ديل اهلنا متعودين على التمنيات وبكره بنشوف العجب والقلق لانو مزمل بيقول فتحوا للهلال والدليل وجود مهند وبهجة مع الهلال .
وكلو درون وانتو صابرين وكل هزيمة وانتو باكين زكل شكوي وانتو خسرانيين .
ولكم الود التقدير
وماتنسي ياايهاب الرد سريع عن طريق محطة خمسة ودي البداية والجاي فظيع وبيتر وراكم المناظر بس .
سلام جاكم ، تعرف رديت بعد يومين عشان انت ربطت التعادل بالاعتياد مع العلم انكم السنة المضت كنتوا بيتقولوا عقدة الولايات انتهت مريخيا اها الرجعها شنو . الحقني يا مجدي ورجع لينا الاثنين لانو الثلاثة دي صعبة علينافي الميدان .