البعاااااااتي جاااااااكم ....معاه الغول

[ايهاب صالح سليمان]

تعرفوا يا ناس جنة الاطفال ....زمان امهاتنا كانوا بخوفونا لما ما نشرب اللبن بعدد من المخلوقات الخرافية وكنا بنصدق ونخاف ونشرب اللبن بالكورة كمان ومرا ت بالجردل.... من امثلة المخلوقات دي (البعاتي) وده شكلو .....(والله ما عارف ) كدي اسالوا نزار الكرور عمكم يمكن بعرفو .............والتاني( الغول) وده انا برضو ما بعرفو اسالوا منو بابا ....والتالت (ابو لماس ) وقالوا لينا ده بيجي بالليل يلمس بطن الولد والا البنت يشوف لو شرب اللبن والا لا ؟؟؟ ....هسي يخوفوكم بشنو انتو يا بنات الزمن ده ...انتو ينفع معاكم الترغيب بس ولغة الحوار ...ممكن الواحدة ببساطة تقول (ما ليش نفس ) انما نحن زمان مافي حاجة اسمها ما عاوز ....بالغصب ...علي العموم انا بخوفكم بالبعاتي والغول وابو لماس لو بتخافو منهم .....جااااااااااااكم
ايهاب صالح سليمان

[البرينسيسه]

سلام يابراعم
انتو عارفبن ناس ايهاب اخير مننا انحنا الواحد فينا لمن تجيوه قحه ممنوع اغيب من المدرسه وادوا دواين
واحد حق الدكتور والتانى بلدى وهو لبن مع بيض مخلوطين بى الخلاطه واذا ماشربت ما حيدوك المصروف اسع ياروان كان قالو ليك اشربى البيض النى مع البن بتشربيهو ؟ ما اظن

[روان مصطفى سليمان]

هاي يا هوبا ياولد عمي ..
أول حاجة نشكرك كتير عشان جيتنا في الجنة
صراحة حكايتك حلوة والمفردات زاتها حلوة
(الغول والبعاتي) لكن عليكم اسامي مخيفة :?
يمكن زمان كنت بتخافو عشان الدنيا بتكون بالليل
وظلام لكن حسي نخاف من شنو الحكاية كلها
نهار في نهار .يعني خوف مافي :wink:
وكتر من حكاويك امكن تقدر تخوفنا :twisted: :evil:
تاني حنسميك ابونا الغول ولا البعاتي اختار :P :P

روان..

[روان مصطفى سليمان]

هاي خالتو سلمى..
نشكرك يا خالتو عشان دائما بتدخلي جنتنا
اما قصة اللبن المخلوط مع البيض :? :?
فدي ما بقدر عليها ممكن كل واحد براه
اللخبطة ماتمام حقتهم بتطمم البطن
في الزمن دة ولا شنو؟..

روان..