روان وصفاء ووئام ...زعلانين منكم

[ابو النيييييز]

روان (اذيك)

وين مختفيه
وحاصل شنو بقي منتداعم بنزل كل يومين وتلاته موضوع بعد خراج روح
وغير موضوع المواضيع حتي انت مشرفة المنتدي بقيتي بتدخلي بمزاجك وتغيبي بالايام رغم انه الوقت وقت عطله..يعني في المدرسه ح اكون دخولك كل شهر
جد زعلان منك..
واحرجتيني مع ناس منتدي حواء برادايس البقوا كل يوم انزلوا موضوعين وتلاته واربعه والناس بتجيهم جارين جري
المهم ما عاوز اتكلم كتير لاني زعلان كتير ..لكن ختي في بالك انه خالك زعلان منك بالجد

[روان مصطفى سليمان]

هاي خالو ..نزار
انت وين؟؟وعمو نزار (ابو فاطمة)وين؟؟
ابو فاطمة مسجل غياب ليهو اسبوع..ان شاء الله خير...
ومن يوم بقيناهو حارسنا ما شفناهو..يللا اظهر ياعمو نحنا بقينا
محروسين..بين الادارة وفوقنا ناس حواء..
اما انت ياعمو نزار الكرور..برضو مسجل غياب ولمن ظهرت طلعت
الرابع علىطووول...
حتى عندي موضوعين من اسبوع وانت ما قريتهم وهم:
[قصة الحكم السريع ,, الغاز للاذكياء..]..
حل اتنين من الالغاز وبغششك التالت..بس ماتكلم زول..o.k
شوف ياعمو انا عندي مواضيع كتيرة..وبكرة حتشوف..
وانا كل يوم بخش لكن لما القى ما في زول رد على مواضيعي بطلع...
يللا اظهروا..

روان..

[Nazar Hussien Babkir Frie]

الابنة روان :
لكي العتبي حتي ترضي عننا ، ونحن وافقنا نكون حراس للجنة انا واخوي الصغيروني ابو النيز ، وشوية المشغوليات خلتني ما ارد على مواضعيكم ولكن والله بدخل بالدس وبقراء كل موضوعاتكم ، ولكن الالغاز ما بقدر احلها وافتكر كلمتك في الوضوع ده قبل كدا ، بعدين مساعدي ابو النيز ما مقصر بغطي غيابي عنكم ، ولكني موجود ولابدوواقف جنب الباب حق جنة الاطفالوبعاين للداخل والمارق وعاجبني كثرة الزوار للجنة وكمان عندي ليكم مفاجاة عما قريب وانتظروها وانتظروني وفكروا المفاجاة حتكون شنو !!!!؟؟
ولكم فائق التقدير ليك يارنو ولتنو ولصفوية ولكل اصدقاء الجنة خاصة الود بيبووبعدين الود ايهاب ود عمك انا زعلان منو لانو طلع مريخابي وانا عارفك هلالابية ابا واما رايك شنو نخليهو ابقي هلالابي معانا .

[روان مصطفى سليمان]

هاي عمو نزار..(ابو فاطمة)
كيفك عمو..وكيف فطومة..
فعلا ياعمو انا بشجع في السودان الهلال..وفي اسبانيا بشجع برشلونة مع بابا بعد
ماساب ريال مدريد لكن ماما لسة مع الريال..وفي العالم بنشجع البرازيل كلنا..
ياعمو كلك مفاجآت ..وانا منتظرة مفاجأتك ..وانا بقول يمكن تكون جبتا لينا طفل
يشارك معانا في الجنة..
وشكرا ياعمو ونحنا في انتظار المفاجأة..

باي...
روان