عفوا..عمو ابو هبة

[روان مصطفى سليمان]

الف سلام وتحية..لعمو ابو هبة..
انا ياعمو والله ما نسيتك..انت اصلاً روح جنتنا ونداها..
ولولاك ماكنا هنا..وما كانت جنتنا.. ولاكان في حد اتمتع بشذاها..
انا قلت ناس عمو نزار(الاول والتاني..)عشان هم الbody gards
بتاعين جنتنا.. عشان ما نخاف يعني..ومنحونا الثقة
اما انت يا عمو غني عن التعريف لانك الbossبتاع جنتنا وبتاع
الموقع كله.. يعني صمام امان..
وكلكم دايما بتدعمونا وبتشجعونا..الله يخليكم لينا..
ولمن تجي هبة ما حنخليك تاخدها مننا لانو نحنا شوية.. وبعدين
هي معاك في البيت..
هي حسي قدر شنو ياعمو ؟؟

باي..عمو..
روان00

[Nazar Hussien Babkir Frie]

ابوهبة : اها شوفته حلاوة الرد وانا وصاحب اسمي طلعنا بودي قارد وقبالين بيها لانو جنتنا دي حنحرسها بالمهج لانو دي مستقبل رفاعة ، وعارف نزار اخوي حيوافق انو يكون بودي قارد معاي بس انا بوجه لانو انا حركتي شوية تقيلة وطبعا الود نزار خفيف وظريف وكمان عندو قلم بيخوف كل من يقترب من جنتنا وكمان جاب لينا صفوية ونحن منتظرنك تجيب لينا هبة الصغيرة بعد شويتين ، عشان ما تتعب من المتاوقة ، ونحن جاهزين لمهام الحراسة يالاب الروحي لنا جميعا وليس لناس الجنة بس .
وعافين ورضيانين عليكم يا عصافير الجنة رنو وتنو وصفوية وفي انتظار القادمين الجددمن بنات رفاعة واولادها الصغار ، ونوموا قفا الجنة محروسة!!!!بناسها الحلوين الصغار .
ولكم فائق ودي وتقديري
رئيس حرس الجنة بحكم الاقدمية .
ولا رايك شنو ياالنائب الثاني نزار الكرور؟؟؟

[عبدالله إبنعوف]

الرائعة روان

تحية وإحتراماً

تعرفي كل يوم بنتعلم منك شيء جديد ، حفظك الله ورعاك ودمت ذخراً لوالديك ولينا كلنا ، والله إنتي في منتهى الروعة , ويا جماعة إنتو أخدتو الموضوع جد أنا كنت بمزح معاكم بس ، وهبوية يا رنو بتسلم عليك كتير وعلى وئام وكل العائلة وصفوية الجديدة وكمان على أعمامها الأول والثاني ، وبتقول ليك أصبروا علي شوية أنا عمرى لسه ما كمل الثلاثة سنوات ونصف وتاعبة أبوي كتير ، لما يجي يقعد في الكمبيوتر أنا بطلع في ظهروا وفي رأسوا ومصرة إنو الكمبيوتير دا بتاعي أنا ما بتعاعو هو ، علشان أتعلم بسرعة وأحصلكم في جنتكم الوارفة الظلال

أما أخوانا ديل الواقفين في باب الدور الثالث أنا متأكد بعد شوية حيتعبوا خالص لأنو الدور الثالث دا حيكون زي البنوك السعودية لما يكون عندها إكتتاب لي بنك جديد ولا شركة جديدة الأعمى شايل المكسر ، وأعتقد حيحتاجو لحرس مجموعة معاهم ، في الوقت داك نحن حنكون واقفين معاهم وكمان نحننتدب جماعة خفاف صغار زي هوبة وحنخليه هو يختار الجماعة المعاهو

يا نزار الأول نزار الثاني ما عندو كلام حيقبل حيقيل لأنك وقفت قدام الجنة دي قبلو

ودمتم ودام عزكم