رسالة

[صفاء الجعلي]

سلام سليم اطيب من النسيم يصل الى وجه احلى خال في العالم الى خالو(نزار)
مع تحيات ابنتك
صفو

[البرينسيسه]

حبابك الف
يالله صفويه عاوزنيك تشاركى معنا

[Nazar Hussien Babkir Frie]

مليون مراحب بيك ياصفوية: مرحب بيك عضوة فاعلة ونشيطة في منتدي جنة الاطفال ، وانا طبعا نزار الثالث عشر صاحب خالك نزار الاول، وممكن كمان تسميني جدو نزار ، ويلا انا عاوزك تكوني شاطرة وفالحة زي خالك نزار الاول ، وتورينا ابداعك لانك اهلا له ، وكل يوم او يومين عاوز امر على الجنة القي موضوعك الجميل نازل ، عشان انت ورنو حتشكلوا ثنائي عصافير الجنة ، وعشانا نحن ناس جدونزار الثالث بنفرح كلما شاهدنا ابداعات رفاعة المستقبل عبر النت ، وبرضو كمان ليك هدية بس خالونزار اوعي يشيليها منك لانو عارفو حيقوليك نتقاسمها زي ما عمل مع رنو ويلا شدي حليك معانا وكلمي كمان صاحباتك انو يجو ويشاركومعكم في جنة الاطفال .
وتسلمي لماما وبابا وخالو نزار وجدو نزار الثالث عشر .
جدو
ابوفاطمة

[ابو النيييييز]

اذيك يا صفويه( غصبا عن عين روان زاتها ...اذيك بالذ ذنب)
..... الحمد لله اخيرا قدرتي تسجلي في المنتدي ...انا قربت ارسل ليك خبير اجنبي
يلا يا ست الناس ذي ما قال ليك عمك نزار الاول عاوزنك تشدي حيلك ...وتلمي لينا الناس العندك والبتعرفيهم كلهم ...يعني عاوزين الناس لما ادخلوا موقع رفاعه اول حاجه اجو جارين لمنتدي الاطفال...والحاجه التانيه كلام عمك نزار الاول ده ما تمشيه ساي يعني موضوع الهديه ...واول حاجه قولي ليه نتيجتك وتاني لو احتجتي اي حاجه ما تطلبيها مني ولا من ابوك طوالي رساله خاصه لعمو نزار الاول ...يعني دفعناك ليه...وبقيتي اخت فاطمه...وتاني في واحده اسمها هبه لو ابوها ما رسل ليك هدية النجاح لما تلاقيها امسكيها اديها قرصه حاااره....يلا يا ست الناس منتظرين ابداعك انت ورنو و وئام وما تعملوه لينا كله جكس فتشوا معاكم شوية اولاد ابرونا...

[عبدالله إبنعوف]

مرحب بيك يا صفوية

وجيداً جيتي ، يلا خلينا نشوفك مع روان ووئام ، تعرفي دايماً نزار الأول بيكون في أول الصف يعني شافك قبل من نشوفك نحن وسبق خالو " بالمناسبة خالو هو نزار الثاني " ما كلمك . والليلة خالو حيقع في مشكلة لأنو في واحدة عسولة زيك كدا إسمها روان باقية ليهو في رقبتو لو غلط في حاجة يا ويلو وسواد ليلو .

الجائزة تستاهليها قبل ما نعرف النتيجة ، أما هبة كان قرصتيها شيلي شيلتك أصلها ما بتخلي حقها يعني حتعضيك حتعضيك ، وبعدين أدوها شوية كدا وحتكون معاكم هنا ، الأيام دي عاملة شغلتها كلها المتاوقة في الكمبيوتر وبقت تعرف تمسك الماوس مع أنو أكبر من يدها ، ومن كترة المتاوقة خلت أمها زاتها تتاوق معاها وأظنهم الإتنين حيجو قريب .

وبعدين شايف خالك قنعان منك شوفي لو نزار الأول طنش ، مرحب بيك هنا معانا خليك أخت لهبة

لكم الإعزاز والإجلال

عبدالله

[عبدالله السفاح]

[highlight=#FFFFCC:288cbead64]صفوية العسل
ازيك يا صفوية عايزين نشوف إبداعاتك ومنتظرين الكثير منك

خالك عبدالله السفاح[/highlight:288cbead64]