عودة طبق الاسبوع

[البرينسيسه]

نسبة رغبة بعض الاعضاء فى وصف اكلات ساقدم كل اسبوع طبق جديد
وبما اننا فى فصل الصيف نفضل اكل الوجبات الخفيفه مثل السلطات والشوربات وكمان الرز والمكرونه والمفاريك بالكسره ناس رفاعه الويكه دى حقتنا طبعا بلا منازع .

صلصلة الطماطم#المقادير:
نصف كيلو طماطم
2ملقه سمن
بصله مبشوره
او
نصف تومه
ملح
بهارات
فلفل
شطه.
#الطريقه
يسخن السمن ويضاف اليه البصل المبشور او الثوم الناعم ثم يضاف عصير الطماطم والتوابل والملح ويترك على نار هادئه 1/2 (نصف ساعه) وتقدم مع اطباق المكرونه واللحم.

[Nazar Hussien Babkir Frie]

بعد السلام والاحترام والتقدير
مشكورة يااخت علي الاطباق الشهية دي ولكن دحين دي حقت الشباب النحاف ، ونحن الناس السمان ومكان(قولوا ما شاء الله ) عاوزنا لينا اطباق خاصة بالحمية ، عشان الاكلات دي لو اكلناه معناها ا انو المشي تاني بغلبنا ، وذي بيقولوا العافية درجات ، ويلا الطبق الجاي يكون خاص بالناس السمان ذي ، مع انو ما مقصرين من الرياضة لكن برضو كل يوم السمن زايد والله يكون في عونا .
ومنتظرين طبق بكرة الخاص بينا ان شاء الله .
وسلام وامان .
ابوفاطمة

[Nola]

المكرونه واللحم.[/i]

يا برنسس سلمى

اها والما بياكل مكرونة ولحمة

يعمل شنو :cry: :cry: :cry:

[البرينسيسه]

انسه نولا
لك كل الود والتقدير
اولا انا سعيده جدا عشان انتى رجعت لينا

المبياكل مكرونه ولحمه ياكل مكرونه بالجبنه او ياكل رز
ولو كان مابحب دا كلو ياكل اى مفروكه بيكسره
او سلطه خضار بعيد عنك الايام دى عندنا رطوبه قاتله
الوضع مابيستحمل اكل فيه دهن

[عبدالرحمن على حسن]

[quote="البرينسيسه"][color=#ff0022]نسبة رغبة بعض الاعضاء فى وصف اكلات ساقدم كل اسبوع طبق جديد وبما اننا فى فصل الصيف نفضل اكل الوجبات الخفيفه مثل السلطات والشوربات وكمان الرز والمكرونه والمفاريك بالكسره ناس رفاعه الويكه دى حقتنا طبعا بلا منازع .

أين وعدك بتقديم طبق جديد كل اسبوع ؟؟؟

ما تقولى عمك دا قاعد ليك. لكن العجايز الزى حالاتنا الما متعودين على اكل السوق و شاءت ظروف تعليم الاولاد ( و البنات ) ان يعودوا فى الزمن الضايع لحالة العزوبية قد يجتهدوا فى التجريب لملء البطن أو الفراغ خاصة بعد استهلاك كل الوجبات الجاهزة التى حضرتها أم العيال قبل سفرها !!!

أيه رأيك بعد سلطة الطماطم تدخلى لينا على سلطة الاسود ؟

لك الشكر مقدما

[Gharada]

لو خليتها يوم بعد يوم ، أو مرتين في الاسبوع احسن من اسبوعيا .

وبعدين اهم شىء مكرونة البشاميل ، ولا اقول ليك خلى الفي بالي يكتب الوصفة عشان نحن ضقنا مكرونتوا وما فيها اي كلام .

قرضة ،،،

[البرينسيسه]

سلااااااااااااااااااااااااااام
ياعمو عبدالرحمن
سلطة الاسود
المقادير
2اسود
ليمونتين
بهارات (ملح فلفل قليل من الثوم المطحون)
الطريقه
يقطع الاسود على دوائر ثم بترك فى ماء وقليل من الملح
لمدة 5 دقائق وثم يوضع على الزيت حار لمدة دقيقتين او 3
بعد التحمير يوضع على ورق حتى يشرب الزيت
التطعيم
اذا عاوزو بالدكوه تدوب الدكوه مع ليمونتين وملح وباقى البهارات اعلاها
ويمكن اضافة كاس زبادى
بس بالدكوه احلى على ما اعتقد وممكن كمان تقطع طماطم وبصله وفلفل اخضر.
وبلهناء والشفاء

[البرينسيسه]

بعد السلام والاحترام والتقدير
مشكورة يااخت علي الاطباق الشهية دي ولكن دحين دي حقت الشباب النحاف ، ونحن الناس السمان ومكان(قولوا ما شاء الله ) عاوزنا لينا اطباق خاصة بالحمية ، عشان الاكلات دي لو اكلناه معناها ا انو المشي تاني بغلبنا ، وذي بيقولوا العافية درجات ، ويلا الطبق الجاي يكون خاص بالناس السمان ذي ، مع انو ما مقصرين من الرياضة لكن برضو كل يوم السمن زايد والله يكون في عونا .
ومنتظرين طبق بكرة الخاص بينا ان شاء الله .
وسلام وامان .
ابوفاطمة
هلا بيك يا ابو فاطمه
معليش الرد جاك متاخر
انت بقى بيقدر ماتلقى اكل بسيط حاول ماتشبع و يستحسن ماتاكل عيش خالص
وبيقدر الامكان تاكل مسلوق ومشوى

[عبدالرحمن على حسن]

شكرا يا أميرة على الوصفة الظريفة ...
طبقت التعليمات بحذافيرها و طلعت حاجة فنانة (بس ناقصة نفس ست البيت) .. و دعيت ليك !!
بالمناسبة "الحكومة" طباخة درجة أولى بس مافى طريقة نقول ليها اكتبى لينا وصفات حتى لا تضيف لينا مسئوليات زيادة على وريق الملوخية و غسيل العدة !!
فى انتظار الجديد المفيد ... لك خالص الشكر و التقدير .

[vivid]

البرنسيسة

ازيييييييييييييك

شنو ما فيها ضيافة

عيلا نشحدكم يعني

الله يكفينا شر الشحدة و مد الليد

دحين قولي لي

طبقك دا فوقو لحمة و الا لا

لو فيهو خسمتك بالرسول ترسليهو لي في جدة

و العنوان برسلو ليك في الخاص

بس لو ما فيهو لحمة

اديهو لي نزار فريجون ود حي السناب

ديل احلى طبق عندهم السخينة و الرشوشة

و اللماصة بي الحلبة

و الحي طبيخهم شغلو القطر قام








عليكم الله شوفو البت دي لسة ما عزمتني

برنسييييييييييسة

[البرينسيسه]

السلا م عليكم
من الله ماخلقنى ما شفت لى زول بيشحد الترحاب
الا حبابك ياود فلانه دحين امك اسمها منو
العذابه الله اكفينا شركم ذى ماقال فيفيد
رايكم شنو اعلمك سوات صنية البطاطس
ياجماعه الواطه لسه حر فكلوا ماعملنا حاجه خيفيفه اكون احسن

المقادير
3 بطاطسات
2بصله
2طماطم
فلفل اخضر
دكوه
توم
بهارات(ملح فلفل شطه خدرا)

الطريقه
تقطع البطاطس على دوائر وتحمر
يقطع البصل على دوائر ايضا
يوضع البصل المقطع على حله او صنيه يستحسن بس العذايه لو ماعندهم صنيه ممكن اختوا فى حله
وتسمح بزيت او سمن
وبعد ذلك توضع البطاطس المحمره حتى يغطى البصل
وتخلط الطماطم مع قليل من الصلصه والدكوه والبهارات
وتقطع الفلفليه وتوضع فوق البطاطس
ثم تصب المخلوط الطماطم بالدكوه
وتدخل الفرن او توضع على نار هادئه الى حين ان تسبك
ممكن توضع لحمه مفرومه او لحمه عاديه حسب الرغبه
منقول

[الصادق عبدالله ضرار]

يديك العافيه
لكن اخونا يظهر ببقى قدر الباب من الوصفات العجيبه دى
غريبه زمان كان بياكل فى الرويال فى الخرطوم ما بقى كده
هسى غير.... [s17:cb811b5131]

[Abdo Osman]

اديك العافية
دايرين حلويات زى الكيك والبسبوسة وغيرها

[عكود]

الله يسالك يوم تموتى دى وصفة ليك

[الروبي]

بسم الله الرحمن الرحيم


دايرين لينا ملاح نعيميه بالكسره يا اخت برنسيسه وخاصه الايام ذى ماقلتى صيف

وشوفى لينا معاها تحليه كدى عشان ابو فاطمه ده يضرب فيها تمام ونزوقوا من التحليه

لانه ذى ماقال ماشى فى زياده 000 [s24:c44ce89d4a] [s32:c44ce89d4a] [s56:c44ce89d4a] [s62:c44ce89d4a]

[صديق الاخضر]

السلام عليكم
الاخت البرنسيسه شنو طبق الروبى ده مافى ليوه وصفه ولا شنو ولا الطبق حرق وبتعملى فى واحد تانى ولا الغاز قطع؟

انا من متبيعين اطابقك وبطبق فيها فى الشباب يوم الميز يكون على بس باقى لى النعيميه وهو رمضان قرب يلا خلينا النستفيد منك وتاكدى بكره بفوتك فى التبيخ

صديق الاخدر
ابورزاز

[البرينسيسه]

بعد التحيه
شكرا الاخ صديق عن سوالك بس انا كنت فى السودان وماكنت قاعده ادخل النت بس من الاسبوع القادم ان شاءالله حارجع ليكم تانى

[البرينسيسه]

السلام عليكم
بمناسبة حلول فصل الشتاء والواحد بكون عاوز حاجه سخن عشان كدا انا الاسبوع دا حاوريكم وصفه قد تكون جديده لى بعضكم

شوربة العدس
المقادير
1كوب من العدس
1/2 كوب من الارز
4 ملاعق كبيره من مكعبات الخبز المحمص فى زبده
4ملاعق كبيره زيت زيتون
1 ملعقه صغيره كمون
4فصوص ثوم
بصلتان مفرومتان
ملح وفلفل حسب الرغبه
الطريقه
يغسل العدس جيدا ثم يوضع فى النار مع البصل الفروم واربعه اكوب من الماء
عندما يبدا فى الغليان يرفع ليوضع على نار متوسطه
يضاف الارز بعد غسله ويترك لمدة 20دقيقه حتى ينضج مع اضافة الماء اذا احتاج الى ذلك
عند التقديم يرفع العدس من النار ويخلط الزيت مع الكمون والتوم المفروم والملح والفلفل ويضاف العدس مع التقليب
يغرف العدس فى اطباق عميقه ويقدم مع الخبز الحمر فىالزبده

[فيصل يوسف حامد]

[align=justify:d86aec7ae9]الاخت الكريمه الرنسيسه...تحياتي،

الله يعطيك العافيه...فأنا من محبي العدس بصورة لا توصف وبالذات الشوربه ، وقبل يومين بس زوجتي في خلاف معاي لاني بأكل في العدس لي ثلاثة أيام ...فقالت لي شنو الحكايه نحن ح ناكل عدس على طول قلت ليها علي كيفك أنا لسع ما زهجت منو كان عايزه أي حاجه أكليها براك ...وهي طبعاً كان ما أكلت معاها الحاجه ما بتعرف تاكلها....المهم كمان عندي معاه نكته عجيبه ....زمان وأنا في الجامعة كنت ساكن مع ناس خالتي في الثورة ...وفي فترة بقينا أنا وإثنين من أولاد خالتي في البيت عزابه لفترة كذا يوم ...أول يوم للعزوبيه قلت ليهم يا جماعه أنا الليله عايز اسوي ليكم ملاح عدس تاكلوا صوابعكم وراه ...في الحقيقه أنا ما حصل طبخت لي عدس إطلاقاً ...يعني ممكن أسوي لي سليقه ول دمعه ...لكن طبيخ كدا عديل لا ...المهم الجماعه طبعاً لعابهم سال من الكلام ساكت ...جبت العدس وغسلته وختيتو في الحله مع الزيت والبصل والطماطم ...وبعد غلت الحله لمدة لا أذكرها ...جبت مصفى وصفيت العدس وكبيتو في برميل الوسخ ...وخليت المويه في الحله ...صراح منظر الحله ما عجبني معقول بس كدة القصه ول كيف...المهم حسيت بغلطة ما...وأصبحت الحله متداولة بيننا كل واجد أشيلها وعاين ليها بإستغراب ...والبقول ليك وينو العدس...والبقول ليك دا عدس دا ول مويه مطره...وجلسنا نضحك لمدة طويله جداً ....وإلى هذه اللحظة أنا بضحك لاني تذكرت الموقف...وكانت النتيجة غداء بسلطة طماطم ممزوجة بالدكوة السودانية الاصلية...
وإلى هذه اللحظة أنا ما بعرف أطبخ العدس ...والبركه في زوجتي أصبحت تجيده على جوده...ولكن بيني وبينك في اليومين ديل ما ح أقدر أقول ليها سويه لي....
شكراً أختي على هذا الطبق الذي أسال لعابي من الصباح كدا...ومزيداً من الاطباق...

أخوك فيصل يوسف [/align:d86aec7ae9]

[كاريكا]

شكراً البرنسيسة ,, لمجهودات المكرونة الجبارة أكل الناس الهااااااااااااااااااااااااااي

بس انا اؤيد كلام العضو الروبي واشكرو لفكرة النعيمية , بس سبقني ليها . فقط زيدو عليها العصيدة
وتكون علي شرط حارة , واكيد طعمها ما حيكون زي المكرونة . . .
فلك الشكر مرة أخري ..
كاريـــــــــــــــــــــــــكا

[الصادق عبدالله ضرار]

ملاعق كبيره من مكعبات الخبز المحمص فى زبده

البرنسيسه حمد على العود
بس نمره 4 دى نلقاها وين خبز محمص ده واربعه معالق
اجمل شئ شوربة العدس
رغم انو الماعارف بقول عدس

[البرينسيسه]

بسكويت اللوز

المقادير:
ـ نصف كوب زبدة ـ نصف كوب سكر ناعم ـ كوب ونصف الكوب دقيق بالخميرة ـ بيضة ـ نصف كوب لوز مفروم للتزيين ـ ملعقتان من مربى البرتقال..

طريقة التحضير
1ـ اخفقي الزبدة بالسكر ثم اضيفي الدقيق والبيض واستمري في الخفق حتى تحصلي على عجينة متماسكة 2 ـ اعملي منها كويرات صغيرة وغطيها باللوز، ثم ضعيها في صينية فرن واضغطي في وسط كل كرة بالاصبع 3 ـ ادخليها الفرن على درجة 160 مئوية لمدة 15 دقيقة ثم اتركي البسكويت ليبرد وزيني

وسطه بالمربى قبل تقديمه للضيوف

[قمر]

اختي البرينسيسه والله وصفه رايعه وجربتها وطلعت جميله اريد ان اشكرك عليها وربنا اديك العافيه 0وعندي استفسار صغير ممكن امدك ببعض الوصفات 0؟وقلت من المستحسن ان اخذ رايك في الموضوع ولك مني التقدير

[الصادق عبدالله ضرار]

يابت الجعلى وينك
عاوزين لينا وصفة شوررررررررررربه كاربه كده

[البرينسيسه]

سلامات
االاخت قمر
ياهلا بيك وحبابك مليون
انا سعيده بانك تزويدنى بى بعض الوصفات لانه ذاتى ماقاعده اكون فاضيه ادخل دائما