شكرا...عمو نزار

[روان مصطفى سليمان]

[highlight=#9966CC:961e6828f6] رسالة شكر…
هاي عمو نزار الأول (أبو فاطمة)
وصلتني أمس مع بابا هديتك الرائعة
جدا جدا .وهي ذلك الدرع الجميل الذي
سيظل تاجاً على رأسي ووساماً أعتز
به وسوف يظل معي طوال حياتي
ليحفزني لمزيد من التفوق والإبداع
إن شاء اللّه .
وأشكرك يا عمو نزار (1) وأشكر كل
منتدى البهلة الأدبي . ودمتم لنا فخراً
ودعماً ..
الابنة روان…[/highlight:961e6828f6]

[Nazar Hussien Babkir Frie]

الابنة رنو :صباحك ورد :
اولا الشكر ليك انتي يامبدعة ، وانتي تستاهلي اكثر من كده ، تعرفي انا ما كنت عاوز نزار الكرور يعرف الجائزة شنو ولكن طالما انتي صرحتي بيها فهنيئا له معرفته بالجائزة ، وهي انابة عن كل اعضاء المنتدي خاصة ناس منتدي البهلة وانا طبعا عاوزك يوم تكتبي لينا فى منتدي البهلة الادبي لانك من الان عضوة اصيلة في المنتدي ، وكمان ما تخافي ما حنجيب ليكي برطوش خال فيفيد ، نحنا لمن تجي لمنتدانا بنستقبلك بالورد والزهور ، وكمان في حاجة تانية لو ربنا سهل والتقينا في الاجازة في رفاعة حنخليك تزوي فريق البهلة عشان تعرفيهو وتعرفي كمان فريق السناب وديم العوض ، لانو انا عارف انتي ما بتعرفي في رفاعة الا فريق قدام والحلة الجديدة ، بس عاوزك توعديني انك تاني تقولي انا بت رفاعة وليست بت جدة ( ونيابة عني اعتذري لرهام )لانو انا كتبتليها الكلام ده في البوست الخاص بيها .
وياود الكرور انشاء الله تكون ارتحت من هم معرفة الجائزة .ويلا واصلي ابداعك .
مع كل الوداد
عمك وخالك
ابوفاطمة

[Nazar Hussien Babkir Frie]

الرجاء قبول اعتذاري لخطئ في كتابة الاسم يارنو الصحيح وئام .معليش عمك بكتب بدون النظارة .
ابوفاطمة

[عبدالله إبنعوف]

الإبنة الغالية روان

حفظك الله ورعاك إنت وأخوتك والوالد والوالدة ، وحقيقة إنتي رائعة وتستاهلي كل الجوائز ، أخونا نزار الأول سبقنا كلنا ، فله الشكر والتقدير ، وحقيقي إنت خليتي لركنك الصغير مذاق خاص ، أشعر به جنة وارفة الظلال والعصافير تصدح فيها والفراشات تطير من حولها ، وتأكدي تماماً إنو حيجي اليوم ، وذلك قريباً جداً ، حتلقي كل أعضاء المنتديات متحكرين عندك هنا ، وبعدها أكيد حيصيب المنتديات الأخرى البوار وحتكون فاضية تشكو الوحدة

لكي ولأخوتك كل الشكر والتقدير

[ابو النيييييز]

اذييييك يا روان...
..تاني اذيك
عشره مرات اذيييك..
وبركه الهديه الوصلتك...رغم اني اشك انها تكون لعبه بينك وبين عمو نزار الاول وكمان معاكم عمو عبد الله...علشان انا اغتاظ...
المهم اذا كان موضوع الدرع ده صحيح صوريه لينا وانشري صورته هنا في المنتدي...
وبعدين هو اساسا لي اجيب درع ...مووش هو عارف ان الدرع ما ممكن نقسمه
وبعدين برضه عمو عبد الله ده عاوزين منه وعد قاطع انك لو نجحتي السنه الجايه وبنفس التقدير اجيب ليك هديتين واحده ليك و واحده لي...

[عبدالله إبنعوف]

الغالية روان

الأخ العزيز نزار الثاني

تحياتي ليك ولي نزار الأول ونزار الثاني

تعرف موضوع إنو روان تنجح دا كلام ما فيه شك ، وهي بإذن الله حتنجح مرتين ، مرة السنة الجاية وقبلها محتمل الأيام أو الأسابيع القادمة ، يمكن يكون أقل من شهر ، تعرف كيف ؟ العمارة النحن ساكنين فيها ( المنتديات ) فيها إطناشر دور ، الركن بتاع روان لما تحسب منتدى الإدارة في الدور الأرضي ، بس خلينا نحسب بالسوداني ، الركن بتاع روان في الدور الثالث ، تعرف حيصل شنو كل أو معظم أعضاء المنتديات دي حيطلعوا الدور الثالث مباشرة ، وحيقعدوا مع روان ومن الروائع بتاعة روان هم حيكونوا مبسوطين جداً ، كلهم حيقولوا في نفسهم ياخ الجماعة بتاعين العام والتعارف ديل بعيدين جداً عشان كدا أحسن ننزل من هنا ولا نتعب نفسنا بالطلوع والنزول ومحتمل نلاقي واحد ونحن طالعين يغلس علينا يخلينا ما نجي تاني خالص .

تعرف دا حيكون النجاح الأول ، إيه رأيك ! وليك علي مش الهدية حتكون ليها هي بس هي ووئام وإنت كمان ، وأكثر من كدا حندعوهم كلهم يجونا في الخبر علشان الهدية تكون أكبر ، بس ما عارف إنت حتدعو أخونا نزار الأول ولا لا لأنو شايفك مغتاظ منو .

لكم الإعزاز والإجلال

[Nola]

الحبيبة روني

[moj=up:74a845da85]الف الف الف الف

مـــــبــــروك النجاح [/moj:74a845da85]
معليش يا حبيبه التهنئة جات متاخره

واقبلي مني الورد دا عربون اعتذار للتاخير

http://www.arab3.com/upload/images/Jul05/maab1973_z2gEFb.jpg


خالتو ... نولا

[روان مصطفى سليمان]

هااي خالتو. .نولا
شكرا جزيلا على التهنئة وعلى الورد الجميل جدا(بس يتخيل لي انك اجمل منه) :wink:
وطلتك حلوة علينا كتري منها.. والله لا يحرمنا منها
ودايما شجعينا وادعمينا يا خالتو عشان نبقى زيك لمن نكبر..
بااي..
روان

[روان مصطفى سليمان]

هااي خالو الكرور00
ياخالو انت حكايتك شنو مع حرف الزاي؟؟ قلت لي اذييك وبقيتهم عشرة
لانو نحنا بنقول ازيك بالزين او الزاي !!! الزين حقتك دي حقت الاذية والاذى.
سمحة الزاي.. وانا عارفاك حتزعمطني لكن ما قدرت اسكت...
اما الدرع حخليهو عندك فترة وعندي فترة زي كاس العالم.. لكن في النهاية
طبعا لازم يرجع لي بعد المرة الرابعة(اتفقنا..)
باي...
روان

[عبدالله إبنعوف]

الإبنة العزيزة روان

ربنا يحفظك ويخليك ، شايف يا نزار التاني منهم نتعلم ، تعرفي عندي ليك إقتراح ، وآمل أنو نزار يثني ويوافق على الإقتراح ، يا روان تفتحي فصل لتعليم الكبار عندك هنا في الدور التالت ( منتداكم العامر )
لأنو أصبح يجذب كتير من الأعضاء واول ما يدخلوا بيمروا عليكم قبل ما يدخلوا أي منتدى ، قلت شنو يا نزار

مع إعزازي

عمك عبدالله

[ابو النيييييز]

روان والله بالغتي عدييييل...
في داعي تشمتي فينا الناس ديل..
تخلي عمو عبد الله اشتغلني بجنبه
وخالتو موناليزا تشتغلني بالجنبه التانيه
معقوله بس؟
اها انا هسي اقول ليهم شنو؟؟؟
...وبعدين خلااااص حبكت معاك ال(ذ) دي
جد انت من ما جابو ليك الدرع ده بقيتي لا شغاله بخالك ولا كلام الناس في خالك
وبعدين انا بعد كده امشي ليك وين؟؟
لو مشيت العام عمو عبد الله ح احكي بالموضوع للجماعه
ولو جيت هنا ح اجي ماري بناس حواء وخالتو موناليزا بتاعة المشاكل ديك ح تكلم زول زول
لغاية الموضوع ما اصل لناس عمو نزار الاول وعمو معتصم سليمان ...وديل اخير منهم الاتنين الاوائل
المهم شوفي.. في الموضوع ده بالاخص المعيط حاصل حاصل
يعني من هسي شوفي ليك باروكه علشان تلبسيها