الغرفة العجيبة ...

[روان مصطفى سليمان]

[highlight=#FF9999:78865c0ede] الغرفة العجيبة .. أصدقائي الأطفال :
الغرفة العجيبة دية غرفتنا أنا وأخواتي .. وهي اكبر
غرفة في المنزل وهي العالم الخاص بنا وهي مقسمة
لعدة أقسام وأركان ..
أولا ركن الكمبيوتر وأتباعه وهو أهم الأركان ثم
ركن المكتبة وهي مكتبة خاصة بنا تحتوي على الكتب
المختلفة والقصص والمجلات والروايات والألغاز
وغيرها وركن اللعاب المتنوعة فيها مختلف لألعاب
حتى ترضي كل الأعمار بما فيها الشطرنج وعندي حكاية
مع الشطرنج سأحكيها لكم المرة القادمة أما بقية الأقسام
قسم الرسم والتلوين والملصقات والصور وغيرها ثم قسم
Play station والكاسيت ....
وهذه يا أطفال غرفتنا العجيبة كما يحلو لنا تسميتها وهي
جميلة جدا لأنها عالمنا الخاص نمارس فيه هواياتنا المختلفة
ونقضي فيها أجمل الأوقات وكل من يزورنا من الأطفال
والأصدقاء يحبها ولا يود الخروج منها لأنها ترضي
الكل مهما كان ذوقه وهوايته وعمره ...
لذا أقول لكل طفل أن يهتم بغرفته ويجمع كل هواياته
بداخلها حتى يمارسها بحرية في عالمه الخاص....
روان .. [/highlight:78865c0ede]

[البرينسيسه]

صغيرتى رنو
الله احفظك يارنو واخليك لى ماما وبابا انتى واخواتك
يارنو ان شاءالله غرفتكم الحلوه دى تكون مرتبه ونظيفه
وكمان ياريت يارنو تكونى بتساعدى ماما
رنو الحلوه ممكن ترسلى لينا صورك انتى واخواتك
سلامى الى اخواتك وماما
خالتو

[ايهاب صالح سليمان]

بنت عمي واختي الصغيرة والامورة والعسل ....روان (مافي داعي طبعا لاسم الدلع هنا )
طبعا انا من اشد المعجبين بغرفتكم دي وانشاء الله لو ربنا رزقني ببنات او اولاد حلوين زيكم كده حاعمل ليهم غرفة زيها يمكن الزمن داك تكون مختلفة لكن حاكون حريص انها ترضي كل الاذواق زي غرفتكم ...ودي احلي حاجة فيها ...انا شخصيا رغم اني كبير (ما كبير شديد يعني كبير شوية هههه) عندي حاجات كتيرة تصلح لي فيها طبعا اول حاجة الكمبيوتر واهم حاجة المكتبة لاني بحب المطالعة شديد 0 طبعا رهام لسه ما جابت كتب جديدة . ... وplay station طبعا ...ومنتظر قصتك مع الشطرنج ما كلمتينا بيها قبل كده......
مع تحياتي عزيزتي ....وفقك الله ورعاك واتمني لك دوام النجاح
اخوك وود عمك ....
[marq=up:15a749974f][glow=#FFCCCC:15a749974f]ايهاب [/glow:15a749974f][/marq:15a749974f]

[روان مصطفى سليمان]

هاي ايهاب..
شكراً جزيلاً لانك اخيراً شرفت جنة الاطفال..
وبيك نورت.. طبعا انت شاهد على غرفتنا
العجيبة..ونحنا في انتظار ما وعدتنا به يوم
الجمعة الفات..ماتكون نسيت ..
وياريت تدعمنا وتشاركنا دايماًًًًً ..

روان. :P :P

[ايهاب صالح سليمان]

شكرا يا روان ....وتأكدي انني معك دائماً وتحت الخدمة في اي لحظة ....عاوزينك تكوني احسن مشرفة في المنتدى وجنتكم تكون احلي ملتقي للناس .... انت عارفة يا بنت عمي انا بتردد لما اكتب للاطفال يمكن لاني بطبعي بحب الواضيع الساخنة والتي تحتاج الي جهد ومعارك الكتابة التي تحتاج الي مقدرات خاصة ومهارات قوية ....بس الكتابة ليكم انت شئ مختلف لانكم تستحقوا احلي الكلمات والتعابير ...وحندعمك دايما ونؤازرك بكل ما اؤتينا من قوة انت ووئام ...والبقية التي ستاتي انشاء الله
مع تحياتي ...
اخوكم
[glow=#FF33FF:fda5b4d1de][marq=up:fda5b4d1de]ايهاب [/marq:fda5b4d1de][/glow:fda5b4d1de]

[ابو النيييييز]

شنو يعني عاوزه تقولي غرفتكم حلوه واحلي من غرفتي...
حلااااة لكلك...
انا غرفتي احلي بكتيييير
اول حاجه فيها كميه من الساندوتشات وفيها ملايتين واحده فيهم من الصين والتانيه من الهند
وفي كمبيوتر لكن علشان تصلي ليه لازم تكوني بتاعة اكروبات ...تنطي السرير وتنطي المكتب وتقعي في درج بتاع كتب وتقومي تتنفضي وبعدها تصلي للكمبيوتر سالمه غانمه...المهم لما تصلي للكمبيوتر ده مفروض ما تفكري في القومه مره تانيه علشان لو قمتي الا الجليل الرحيم ارجعك تاني...بس ح تقابلك مشكله واحده ...رجلين الكرسي...رجلين الكرسي يا روني انا لي 6 شهور عاوز اعرف نهايتم وين ما عارف...المهم هم جالسين علي الارض لكن بينهم وبين الارض شنو ده الما عارفه...وفيها مكيف الود السقيل بتاع المكيفات السنه الفاتت قال ح اجي اصلحه ولسه ما جا...وفيها تلفزيون بس ما متأكد انه ملون ولا حركات منه براه بجيب الصوره ابيض واسود...وفيها تلفون ما ح تقدري تعرفي مكانه الا اذا ضرب وسمعتي الجرس وفي الحاله دي ارفعي المرتبه امكن اكون تحتها لانو الصوت جاي ضعيف......شفتي غرفتي احلي من غرفتك كيف...لو عاوزه تبدلي انا ما عندي مانع بس خلي عمو نزار الاول ادفع ليك الفرق

[Iehab Abdeleliah Mohamed]

awal sheey al salam 3leekoom al bint rawan,, 6ab3an ma3k iehab Abdeleliah,,, ,,ya3ni ma ehab salee7. walhi al zaheer 3leek moonazma shadeed ma zay wad 3ameek ehab salee7.... wa da a7san sheey 3maloo abook,,, 3lameek al seedg wa al neezam,,,, ma tabgi zy ehab salee7,,, efateesh lay shoorab al koora gabli al tamreen bee dageega wa egoom edoog ( islam egool liha sheeltee al shoorab leee3bti beehoo kombleta wa kida ya3ni. Rabana yawafeeegeek wa ya wa yawafeeg akhwateeek kaman. yala bye salam Hooba :P

[روان مصطفى سليمان]

هاي..ايهاب امريكا
اول حاجة شكرا ليك لانك طليت علينا من بعييييد(من امريكا)
وياريت تشوف لينا طفل طفلين من رفاعة في امريكا وعادي
انا بعرف انجليزي وحرد عليهم واتواصل معاهم .وزاتو دايرة
اعرف اطفال امريكا ديل عاملين كيف!!
يعني بنقدر نتفاهم..
اما بخصوص شراب ود عمي ايهاب ياخي حرام عليك
الزول ده عندو شرابات كتيييرة وخاتي منها عندنا.(في درجه)
لانو مرات بمشي التمرين يوم الجمعة من عندنا..
يلا ..باي
وفي انتظار تواصلك معانا..
روان

[روان مصطفى سليمان]

هاااااااي عمو نزار الكرور..
والله انا شاكة تكون البتتكلم عنها دي غرفة ( انت متاكد انها غرفة
يعني ما مستودع ولاحاجة زي كده؟؟؟)
طيب كيف بتتعامل مع الحاجات دي كلها ..ولا اتعودت عليهم
الظاهر كرورك كتيييييييييييييييييير يا نزار الكرور :wink: :wink: :lol: :lol:
شوف يا خالو انا حساعدك عشان ترتبها..وتبقى زي غرفتنا
مرتبة (وكان جوك ضيوف ما تخجل منها..وتخليهم واقفين برة لغاية ما تفتح
ليهم ممر جواها) .لمن تكون مرتبة انت زاتك حتتكيف منها وتنوم بمزااااااااااج
وعينك للتليفون.. وكان وقعت منك هللة تقدر تشوفها.
كل يوم طلع منها حاجة انت ما عايزة او ما محتاجها..وخلال اسبوع
حتلقاها بقت فاضية.وبعدين رتبها..بس!!
كدي انشوف الاسبوع الجاي حتعمل شنو...وكان ما عملت فيها
حاجة معناها انت عاجباك كدا وفي حالة زي دي تبقى متحف.... :roll: :roll:
روان..

[الكاهلى]

غرفتك يا روان خياااااااااااااااااااااااااااااال:017::012::SnipeR (23):مبروك عليها

[محمد معتصم]

الله ياريت انا الان تكون لي انا واخوي الصغير انا احب الغرف ... وانا ارحب با ( روان مصطفى اسليمان ) على المجهو الكبير و الخط الكبير