منتظرنك ...الرائعه روان

[ابو النيييييز]

روان...ما ح نستعجل عليك
لاننا متأكدين انك ح تبدعي
عارف انك عندك خطط كتيره ح نشوفها ونحن بنبتسم ليك
عندي اقتراح صغنتوتي قدر كده
رايك شنو تحاولي تجمعي الاطفال الموهوبين من ابناء رفاعه
وتخليهم اعرضوا لينا الحاجات العملوها
سوا في مجال الكتابه...الشعر...الاختراعات...الدراسه...واي حاجات تانيه
وعلشان الفكره تبدأ ابدي لينا بنفسك
واوعدك اني لما اقرا انجازاتك ح اقول ما شاء الله
لاني شايقي والشايقيه عينهم حاره
ما شاء الله عليك يا روان

[روان مصطفى سليمان]

هاي عمو الكرور..
والله يا عمو كلمت كل الصغار بجنة الاطفال عشان يشاركو معانا
لكن ما في طفل سجل ومعظمهم بيتصلوا بي بالتلفون حتى
قلت ليهم ممكن تشاركوا عبر الايميل بتاعي برضو ما جاني رد
وانا لسة مستمرة عشان اشجعهم . ونقطة البداية انشاء الله
حتكون مني انا واختي وئام . وبرضو في حاجة يا عمو ياريت
تساعدني فيها شوف كم واحد مشترك في موقع رفاعة قريب
متين مش؟ يعني ديل ممكن يكون عندهم اطفال المفروض
يشجعوهم والماعنده اطفال الله يرزقه لكن بكون عنده اولاد
اخو او اخت او صديقه او جيرانه صاح؟..
وانا من هنا بطلب من اي مشارك انو يحفز اي طفل ويساعده
ويعلمه الطباعة (ساهلة والله.) .
خلاص اتفقنا يا عمو .. وياريت يا عمو تبدأ باطفالك..o.k
وشكرا جزيلا يا عمو..
روان.