عفوا.. ايها الكبار فنحن دائما منسيون.

[روان مصطفى سليمان]

بسم الله الرحمن الرحيم..
الى عمو عبد الله المحترم.. بعد التحية.
السلام عليكم ورحمة الله وبركاته.. انا الطفلة روان مصطفى سليمان من الرياض وعمري 9 سنوات بالصف الرابع الابتدائي والحمد لله نجحت بتفوق واحرزت 100% وسانتقل باذن الله للصف الخامس. يا عمو اعجبتني جدا فكرة الموقع العالمي الرهيب لرفاعة وكنت اتمنى ان يكون لنا نحن الاطفال نصيب من العالمية فانا مثلا واخوتي بنحب الحاسوب جدا وبنتعامل معه بمهارة فائقة ودايما بنشارك في قنوات الاطفال وبرامجها المختلفة فمن باب اولى اطفال بلدي . لان لنا ايضا عالمنا الخاص ولنا ابداعاتنا وامالنا وطموحاتنا وهنالك دائما ما نود قوله .. لذلك نرجو منك يا عمو ان تسمح لنا بنافذة صغيرة نطل من خلالها ولتكن (منتدى الصغار) مثلا حتى نحقق ذلك التواصل ..
اليوم قمت بتسجيل اسمي مع المشتركين الكبار واتمنىان ينقل اسمي لقائمة الصغار(بعد موافقتك الكريمة على الفكرة) وشكرا لك..


الطفلة روان مصطفى سليمان.. :oops:

[SudanDream.NET]

رنو
كل سنة وانتي اجمل وارئع واحلي وكل شي حلو انتي :wink:

انا حبيتك شديد يا رنو شديد شديد
احنا عيونا ليك ونعمل ليك قسم للصغار ومنتدى كمان
اي حاجة احنا حاضرين ليك يا رنو.

وكل عام وانتي الاولى وسلمي لي على بابا قول ليو عمو عاطف يبارك ليك نجاحي.

وفي امان الله
والله يحفظك يا رنو.

[عبدالله إبنعوف]

الإبنة العزيز روان

تحياتي ليك ولوالدك العزيز مصطفى ولباقي الأسرة الكريمة ، ولك الشكر والتقدير إنك فتحت باب جميل جداً للصغار ، ثم ألف مبروك النجاح وعقبال الشهادات العليا

وشوفي الرد الأول دا من مصمم الموقع وحقق ليك أمنيتك على طول وكمان هو إقترح إنو إنتي تكوني المشرفة على الموقع ، يلا عاوزين نشوف إبداعك ومعاك كل الصغار من أبناء وبنات رفاعة

ودمتم جميعاً في حفظ الله ورعايته

عمك عبدالله

[SudanDream.NET]

منتدى الاطفال جاهز يا رنو

http://www.rufaaeast.com/board/viewforum.php?f=11


الله يحفظك يا رنو

[Nazar Hussien Babkir Frie]

اولا بعد السلام
اهنئك بالنجاح الذي انت اهلا له ، وعقبال ماتكبري ونشوفك مهندسة كمبويتر كبيرة وعظيمة دائما كعظمة اهلك ناس رفاعة سواء اكان ناس الحلة الجديدة او ناس فريق الموية ، طبعا ناس الادارة سوف لا يرفضون لكي طلبا، لما لانكم انتم بنات واولاد رفاعة الذين نرجو منهم الكثير ، فالمستقبل لكم انتم وحدكم .
يالله شدي حليك معانا ورسلي للمنتدي كلما يخطر ببالك قصة ،رسمة ، حكاية اي شي تري انه يهمك انت وصديقاتك وانا عمو نزار بدعوك من هنا انت تسهمي بتعريف صديقاتك بنات رفاعة الفي سنك وبتعرفيهم بانو اشتركوا معاك في المنتدي ، واعى تبقي كسلانة ذي ابوك تسجلي وتاني ما نشوفك ظاهرة في المنتدي ، يعني لازم تبقي ذي عمو معتصم نشيطة وتكبتي لينا طوالى .
مع امنياتي لكي بالتوفيق والسداد ومزيدا من التقدم والاذدهار والنجاحات المشهودة لكي ولبقية اخواتك .
ويالله مع السلامة
عمك
ابوفاطمة

[روان مصطفى سليمان]

الى الاعزاء المحترمين عمو عبد الله وعمو عاطف..
لا استطيع ان اعبر لكم عن مدى سعادتي وفرحي بتنفيذ رغبتي بهذه السرعة المذهلة!! (وانا بالجد فرحااااااااااااااااااااااانة شديييييد :lol: ) ويعجز لساني عن الشكر لتحقيق امنيتي وهذه اجمل هدية تلقيتها في حياتي حتى الان.

واعدكم بانني ساكون عند حسن ظنكم بي وسابذل قصارى جهدي حتى اجعل هذه الجنة مليئة بكل ازهار رفاعة وعصافير السودان اجمع..
ودمتم لنا دائما ووفقكم الله لما يحب ويرضى.
ابنتكم روان.. :lol: :lol: :o

[روان مصطفى سليمان]

هاي عمو نزار..
شكرا جزيلا على رسالتك وتشجيعك لي وانشاء الله ارفع راسكم كلكم بعطائي المتواصل حتى التقي بفاطمة ابنتك هنا . اما بابا والله ما كسلان لكن دوامه طويييل ومتواصل وانت اكتر واحد عارف ظروفه لانك كنت شغال معاهو صاح؟
لكن نحن هنا بدلا عنه لا نستطيع ان نغطي غيابه وعلى الرغم من احتجابه لكن هو دايما معكم
والبركة فيكم يا عمو دايما مساهماتكم ومشاركاتكم حاضرة..


الابنة روان.

[Nazar Hussien Babkir Frie]

[ الابنة الحلوة: رنو
اشكرك على رسالتك الحلوة لي وانشاء الله فطمة تطلع زيك شاطرة وفالحة وتعرف تتامل مع الكمبويتر ، طبعا ان ماقصد اقول انو اوبك كسلان لاني عرف دوامه طويل لكن يوم الجمعة ممكن يشارك معانا بالمساهمة في الواضيع وانتي ذاتك لازم تصري عليهو انو يكتب ،خاصة وانت الان في الجازة وانا عاوز بكرة القي اول موضوع منك .ويلا ورينا ابداعاتك حفظك الله ورعاك .
تقبلي سلام فاطمة
وشكرا
ابو فاطمة

[الدالى]

اهل روان ان شاء الله العمر كلو يارب