ما برانا

[ياسر عبيد]

دخلت السياسي بالغلط
اصلا انا ما بحب الكلام الكتير
كلمة وغطايتها
وحلفت ما ارجع الا اخت بصمة
قال لي صديقي ارجع السودان ونعمل مشروع وشرح لي الفكرة
بس هي قائمة علي نهب الاموال العامة وعندما احتجيت بابتسامة ماكرة قال ياخي ما برانا الناس كلها شغالة كدا(يعني انا انهب وانت تنهب وشيلني واشيلك ) وزي ما قال علي الحاج الراجل اليجي يحاسبنا
الكلمة بتاعت ما برانا اصبحت هي المتداولة في جميع القطاعت سواء في المستشفيات وسرقة الدواء(وما براهم) اوالبنوك(وبرضو ما برانا) او المحليات(وما برانا) او.......الخ اقول ليكم حاجة
ازكر لي محلة فيها (برانا فقط) وليك جائزة براااااك

[طلال]

الرائع ياسر عبيد اثنى بشده كلامك ماعندى قضيه با السياسه بس للاسف قلبى على البلد وللاسف دا الحاصل اختلط الحلال با الحرام والخبيث با الطيب وزول قلبو على البلد مافى والكل داير يغنى بالصاح با الغلط حلال حرام ما مال دوله وما برانا رشاوى باى اسم حوافز نسريات مفتوحه والوجع راقد ربنا يصلح حال البلد ويهدى الجميع بس العقاب اول الحساب ثم العقاب ودا المهم لو فى حساب وعقاب ماكان بكون الحال كدا وانا عن نفسى حقى مابقول ماعافيهو لانو دا الحاصل بس اسلوب فيهو نوع من العجز ومع اى وسيله بتمع وتردع وحابدا بلسانى البسرق ولو باى صوره غير مباشره بسموه حرامى وعقابو فى الشريعه بتر اليد وفى الحديث للنبى (ص)فى ما معناه لو سرقت فاطمه بنت محمد لقطع محمد يدها ودا البنطالب بيهو ولو يصبح نصف الشعب السودانى بيد واحده

[مسك]

ياسر عبيد ~ رفضك للمشروع دا ~ طبيعة الضمير الحي ~ تحيه لك وتقدير ~

[ابوبكر محمد]

حاسب ضميرك وإتذكر انو الله شااااااااايفك اعمل وكانو البلد دي حقتك براااااااااااااااااااااك

[مصطفى كشة]

دخلت السياسي بالغلط
اصلا انا ما بحب الكلام الكتير
كلمة وغطايتها
وحلفت ما ارجع الا اخت بصمة

يا سر عبيد

صحى الليلة مـــــــــــــــــــــــــــــــــــــــــا بررررررررراك

[يوسف البشير يوسف]

برانا برانا نشيل الشيلة
برانا برانا نشيل الشيلة
لبيك يا بلدي
لبيك يا وطني

غايتو يا ياسر الناس الما براهم دييل
مساكين و الله و لو عايزين اتوبو الا
اشيلو ليهم لستا باسامي البلد كلها
و احومو عليهم واحد واحد عشان اوقعو ليهم
بانهم مسامحنهم و عافين ليهم عن حقهم
من المال العام
دبل كيك : الغريبة شاهدتا لي فلم علي( نايل كوميدي)
قبل يومين تلاتة يحمل نفس الفكرة .

[altayeb]

دخلت السياسي بالغلط
اصلا انا ما بحب الكلام الكتير
كلمة وغطايتها
وحلفت ما ارجع الا اخت بصمة
ياسر عبيد
و نعم البصمة حتى و لو جيت بالغلط
و عشان ما بتحب الكلام الكتير نوجز ليك
ناس الثقافة قالوا ممكن تتغير على مستواها المادي
بمعني نركب كامري لو الحمار بقي ما مواكب ...
أما المستوي ( الايديولوجي ) فمن العسير تغييره
و في السودان فشلت النظرية و أصبح كله قابل
للتغيير فتبدلت القيم و ( الذمم) و أصبحنا نصف
الحرامية سارقي عرق الشعب بالأذكياء و الشطار
و برانا دي ما تفتش ليها ... و كان عرفت أخد الجايزة
بس ما تنسي تعمل أبو القاسم ....