الهواتف المحمولة ( الجوال أو الموبايل)

[abumoram22]

السلام عليكم ورحمة الله وبركاته
وين يا أخوانا ناس برامج الجوالات والرسائل الظريفة وخفايا الجوالات أدونا طلة الله يديكم العافية

[عبدالله إبنعوف]

[table=width:100%;:d92dbd70c1][cell=filter:;:d92dbd70c1][center]الأخ الأستاذ سمير

أولا الرسالة الي إنت أرسلتها لأخونا عن الزوجات والله عينه ، ولا إيه ؟

هاك الرسالة دي :

بشتاق ليك
مطر نازل يكب
يروي الأمل فينا
وتر مشدود على الغيمات
عمر ممدود فرح لينا
ودايماُ إنت في الخاطر
حنين أمات وقلدة جدة
لي وليدة وتحجينا
ريحة بن
دعاش مطرات
لبن بقرات
ومعاك بتهون قواسينا


وتانية:

ممكن الزول ينسى إسمو
وينسى يومو الطالعة شمسو
وينسى ناسو وليهو ينسو
بس كيف ينساك إنت
وانت نفسك ياها نفسو

وتالتة طريفة:

في مسطول عرض إبنه على الدكتور
الدكتور قال ليهو الولد مسمم بي لبن صلاحيتو منتهية
رد عليهو المسطول صاح أصلوا رضعتو حبوبتو إمبارح

ورابعة:

مسطول مشى يخطب بت
أهل البت جابو ليهو شاي ليبتون
صاحبنا طلع الخيط لقى الكيس
قال ليهم أها من قولة تيت
عاملين لينا عمل


والله بقينا نحن المساطيل ما عارفين الجماعة في السودان هم بيألفو الرسائل ولا مكتوبة في كتب وهم بيتداولوها ، أفتونا يا جماعة بجيبوا الكلام دا من وين ؟ الواحد في اليوم بتجيهو أكثر من أربعة أو خمسة رسائل ، وأعتقد الجوالات في السودان الناس بستعملوها للرسائل فقط

مع تحياتي[/cell:d92dbd70c1][/table:d92dbd70c1][/center:d92dbd70c1]

[Nola]

[]اها حبة رسائل للناس الحلوين:


تبقي بدون جليس مامشكله

يبقي الدمع في العين حبيس مامشكله

لو ليلي تنسى حبيبها قيس مامشكله

لوتنسي العروس اسم العريس مامشكله

بــــــــــــــــــــــس

شوقنا ليك المشكله ورينا حل للمشكله


*****

اشتقت ليك وكتبت

ليك قدر المسافة

البينا والشوق والحنين

واشتقت ليك راجي

القدر يجمعني بيك

يطوي المسافات والسنين

عايش على امل اللقاء

في دنيا ما بتعرف تلين

****

لو أي واحد فاكر إنو ممكن يبلغ خانتك .

أو حتى يشغل مكانتك . يبقى مخدوع .

يبقى واهم .

يبقى ما شاف حلاوة ابتسامتك .

*****

يوم تجيني رسالة منك ينهزم حزن السنين ..

ينكسر هم الليالي وقسوة الأيام تلين ..

ويشدو عصفور المواسم ويحضن الآفاق حنين ..

*****

القمر وكتين يضوي يستدين منك مهابة ..

انتا ما الفرح الحقيقي بسمة في زمن الكآبة ..

أنتا نورك لما يسطع يقهر الشمس المهابة ..

وتبقى غيرك كل حيانتا صفحة بس من غير كتابة ..

*****


عندما ينعدم الأمن

وينتشر الظلم في الارض

عندما تحزننا الغربة

ونقضى الليل سهر

وهموم

وقتها سنهتف جميعاً

وبصوت وااااحد
















حنانة
النسى اهلو ما نسانا[/align]

[abumoram22]

الاخ أبوهبة
الأخت نولا
لكما الشكر والتفدير على المرور والاستجابة ونأمل في المزيد