حاج محجوب لا زال يهيم بحاجة السرة

[محمد قسم الله عبد القادر]

ذلك الصباح، كنت خارجا إلى السوق حين رأيت حاج محجوب خارجا يعدو بسرعة لا تتفق البتة مع جسده الممتلئ لحما وشحما ثم سمعت صوت ارتطام شي صلب بالباب من الداخل وحاج محجوب يرفع يده إلى رأسه ليحيمها. توقفت وأنا أعلم السبب، وحين وصلني خفف من سرعته والتفت خلفه في توقع وجل، ولما لم ير أحدا يطارده ابتسم، تخيلوا لقد ابتسم، ثم وبأنفاس متقطعة أخبرني أن هذه المرأة في أحد الأيام "بتودرو وتلحقو أمات طه" كنت أعلم أنه لا يزال يحبها بنفس ذلك القدر المعهود فيه منذ تزوجها، لكن كيف استطاع ذلك إلى الآن فذلك شأن نجهله وكثير من نساء الفريق يمتن لهفة ليعرفن سره. يبدو أني قد تسرعت ، دعوني أولا اقدم لكم حاج محجوب

حاج محجوب جارنا زولا طيب وفي حالو، بس مرات قدرك يرميك في مره زي مرتو حاجة السرة. الزول دا ما بسمع الكلام وكت نصحناهو قبل يتزوج، كلمناهو أنو الناس بقولو ما تتزوج الأكبر منك حجماولا علما ولا مالا إلا إذا كان من الناس البحملو البتجيهن إن الحكومة انقلبت. بس الزول دا المرة كانت شارقاه وما عندو سيرة غيرا.
"ياخوانا الليلة جيت ماشي بعدل حوش البلولة أشوف ليك بتو السرة شايلة ليك شافع أختها وترفع فيهو يافوق وتنزلو والشافع يضحك، ياناس وحاة الفكي الفاضل أنا قلبي ينط مع الشافع دا من كلوتي الشمال لكتفي اليمين وبالعكس، ويا ناس البنية وكت اتلفتت وعيني لاقت عينا قلبي دا كست ليو سما واطة ما لميت فيه، بس الكان بضرب ويدق في عروق راسي دا شنو ما عرفتو، غايتو أنا الشويفعة دي كان ما عرسوها لي أنا بجن الجن الراسو عديل دا"
وكررنا عليو الوصية والنصيحة،
"يا المحجوب الشويفعة دي يادوب عمرها ستاشر سنة وطولا قدرك مرة ونص، وهي لسة ماشة في زيادة, وانت عمرك اتنين وعشرين سنة ، يعني إتا بعد دا محلك سر، ماك ماش زايد ولا شبر، تحين شويفعتك دي أختاها، لا وكمان على العليها الناس ديل انت عارف ناس شعيتين وبتاعين مخامشة"
"ياناس، وحاة الفكي الفاضل أكان شفتوها بيعيني ديل علا الواحد فيكم كرعيو محل يودنو ما يعرف"
كان هذا قبل خمسا وعشرين عاما، كبر فيها المحجوب وكبر فيها بطن المحجوب وصار يبدو مع قصر قامته كنصف الدائرة، وحدث ما توقعناه، لقد زادت طول السرة وزادت حدة طبعها وشدته. ورغم أنه قد أنجب منها سبعا من البنين والبنات إلا أن هذا لم يشفع له عندما تخرج الأمور عن الطور. كلمات تلك المرأة كانت كالرصاص تخرج من فيها وتصيب الجميع فلا تخطئ. أبناءها وبناتها اعتادوا الجو المتوتر، بل أنهم كانوا يحتملونها ويكادون يستمتعون حين يطير فردة حذاء في طريقه إلى رأس أحدهم، ولأنهم كانوا في حال توقع لنوبات غضبها وما يصحبها من قذائف الهاون المتطايرة يمنة ويسرة فقد كانوا يعملون حساب الأشياء الحادة فيبعدونها من متناول يدها.
حتى كان ذلك الصباح الذي لم يكن جديدا بالنسبة لكلينا، لكن دهشتي لثبات حبه لها وولائه الذي لا يعرف الحدود ما انفكت هي هي منذ زواجهما قبل خمسا وعشرين سنة



يا ناس منتدى رفاعة الجميع، هل من تفسير لهذه الحالة، وماذا تفعل لو كنت في موضع عمنا محجوب؟

[محمد قسم الله عبد القادر]

مافي حد عاوز يقول حاجة

ان شاء الله كلكم يبقن ليكم زي حاجة السرة، والما عندو واحدة منهن يلقاها في أمو

عالم ما عاوزة تتعاطف مع الزول المسكين دا، ولا دايرين يفتونا

[vivid]

ان شاء الله كلكم يبقن ليكم زي حاجة السرة

أنا كنت متوقع ألقى (ديك حاجة السرة) ضمن النضمي السمح دا
:012::012::012:
ديك حاجة السرة
ينوم بالنهار
و يعوعي و يشاغب بالليل
لا ريّح الجداد لا خلى ناس البيت ينوموا
:012:

[محمد قسم الله عبد القادر]

والما عندو واحدة منهن يلقاها في أمو




أنا كنت متوقع ألقى (ديك حاجة السرة) ضمن النضمي السمح دا
:012::012::012:


، والما عندو واحدة منهن يلقاها في أمو



تصدق ولا ما تصدق على كيفك ، بس دايرك تعرف أني لما كتبت الاقتباس الفوق دا كنت في بالي انت، والغريبة انت لما اقتبست حذفتو هو بالذات

[ياسر عبيد]

انت اصلك ما سمعت بالفنان البقول
الريده الكتيرة ياحنين .....شقاوة
والفنان البقول
احلى ما فى الدنيا ريدنا واحلى ما فى الريد عذابو
وعزبني وزيد عزابي امكن قلبي يقسي
تحياتنا ليك يارائع علي الوصف الجميل للحاج
و لما الريد يفوت حده ..يبقى مصيرنا فى يدو

[محمد قسم الله عبد القادر]

[size="6"
تحياتنا ليك يارائع علي الوصف الجميل للحاج
[/size]

تعرف يا ياسر أنا ببدا قراية الجريدة دايما من آخر صفحة شان الواحد يجي للحاجات البطمم البطن في الصفحات السابقة بمناعة من راحة الأعصاب البلقاها في الصفحة الآخيرة دايما
الكلام دا مقدمة شان أقول ليك أنا أول ما أدخل المنتدى بقرا ليك وجبصي - الله يطراو بالخير -وفيفيد ونفر آخر قبل ما أمشي أقرا الحاجات البتعمل عسر الهضم بتاعة كشة والشباب إياهم
تحياتي لود البشير والمعتصم وود الإمام

[ياسر عبيد]

أنا كنت متوقع ألقى (ديك حاجة السرة) ضمن النضمي السمح دا
:012::012::012:
ديك حاجة السرة
ينوم بالنهار
و يعوعي و يشاغب بالليل
لا ريّح الجداد لا خلى ناس البيت ينوموا
:012:

ما تلخبط بين الديوك وتجيب لينا النبيشة
والمعروف الديك الذي ينام بالنهار ويعوعي بالليل هو ديك الحاجة بهانة
وهو نفس حال الفنانين هذه الايام
اما ديك حاجة السرة فهو ديك حسن الصوت.. كأن عيونه خرزٌ له في الشمس ألوانُ

[محمد قسم الله عبد القادر]

ما تلخبط بين الديوك وتجيب لينا النبيشة
والمعروف الديك الذي ينام بالنهار ويعوعي بالليل هو ديك الحاجة بهانة
وهو نفس حال الفنانين هذه الايام
اما ديك حاجة السرة فهو ديك حسن الصوت.. كأن عيونه خرزٌ له في الشمس ألوانُ

البوست حقي أنا ونا داير اقلبو ديكة "جمع ديك" ، العندو اعتراض يقدموا لي مع تلاتة بيضات، ومن هس البيضات مقبولات والاعتراض مرفوض


يقولون فلان مشى وجا زي ديك البطانة ، واصل المثل أن ديك البطانة عندما يأخذونه للبيع في تمبول يربطونه في مواسير اللوري من الخارج ويكون مدلدلا "أي رأسه إلى أسفل" فلا يرى من الطريق شيئا في الذهاب ولا في العودة إن لم تكتب له بيعة ترضي صاحبه. لذلك لا يسأله أحد عن خبر إلا وأجاب صادقا بأنه زي زي اب زيد لا غزا ولا شاف الغزو
بالله رايكم شنو في تنوين مدلدل الفوق دي، علم ولا ما علم؟


والبوست دا من أسي ولي قدام عودي فيو عود "شنو كدي ما عارف"،،،، ما بتذكر نهاية العبارة دي، والعارف يقول لينا ويشرح لينا أصل العبارة

[محمد قسم الله عبد القادر]

ما تلخبط بين الديوك وتجيب لينا النبيشة
والمعروف الديك الذي ينام بالنهار ويعوعي بالليل هو ديك الحاجة بهانة
وهو نفس حال الفنانين هذه الايام
اما ديك حاجة السرة فهو ديك حسن الصوت.. كأن عيونه خرزٌ له في الشمس ألوانُ

البوست حقي أنا ونا داير اقلبو ديكة "جمع ديك" ، العندو اعتراض يقدموا لي مع تلاتة بيضات، ومن هس البيضات مقبولات والاعتراض مرفوض


يقولون فلان مشى وجا زي ديك البطانة ، واصل المثل أن ديك البطانة عندما يأخذونه للبيع في تمبول يربطونه في مواسير اللوري من الخارج ويكون مدلدلا "أي رأسه إلى أسفل" فلا يرى من الطريق شيئا في الذهاب ولا في العودة إن لم تكتب له بيعة ترضي صاحبه. لذلك لا يسأله أحد عن خبر إلا وأجاب صادقا بأنه زي زي اب زيد لا غزا ولا شاف الغزو
بالله رايكم شنو في تنوين مدلدل الفوق دي، علم ولا ما علم؟


والبوست دا من أسي ولي قدام عودي فيو عود "شنو كدي ما عارف"،،،، ما بتذكر نهاية العبارة دي، والعارف يقول لينا ويشرح لينا أصل العبارة

[محمد قسم الله عبد القادر]

من الأمثال الدارجة في السودان (زى ديك المسلمية يعوعى وبصلتو فى النار)

من الأمثال الخاصة في كريعات وهي بالمناسبة منتهى الحنكشة "زي ديك العدة لما يكون لابس حفاض"،
أصلا نحن عادة حضارية جدا،، أي حاجة عندنا لازم نطبق فيها الدعوة الكوكبية للـ "Recycling"

[معتصم سليمان بابكر]

البوست حقي أنا ونا داير اقلبو ديكة "جمع ديك" ، العندو اعتراض يقدموا لي مع تلاتة بيضات، ومن هس البيضات مقبولات والاعتراض مرفوض


يقولون فلان مشى وجا زي ديك البطانة ، واصل المثل أن ديك البطانة عندما يأخذونه للبيع في تمبول يربطونه في مواسير اللوري من الخارج ويكون مدلدلا "أي رأسه إلى أسفل" فلا يرى من الطريق شيئا في الذهاب ولا في العودة إن لم تكتب له بيعة ترضي صاحبه. لذلك لا يسأله أحد عن خبر إلا وأجاب صادقا بأنه زي زي اب زيد لا غزا ولا شاف الغزو
بالله رايكم شنو في تنوين مدلدل الفوق دي، علم ولا ما علم؟


والبوست دا من أسي ولي قدام عودي فيو عود "شنو كدي ما عارف"،،،، ما بتذكر نهاية العبارة دي، والعارف يقول لينا ويشرح لينا أصل العبارة


حبيبنا محمد

كييييييييييفك ياممتاز

هو اعتراض ساي !!!!!!!!!!
اعتراض بعكاكيزو الليلة
انت الوداك تهابش في الديوك شنو ؟؟؟
انت ماعارف انو في ناس هنا متخصصين ديوك

غايتو الليلة مافي شيء بحلك مني الا كان الرابط البكوس
ليهو يكون راح مع الهاكر الأخير
لكن كان لميت فيهو شيل ديوكك سريع من هنا
ولمهن على ديوكنا

عند اللفة بس :
---------------
اصلوا مافي شيء أكتر من الديوك

[ياسر عبيد]

البوست حقي أنا ونا داير اقلبو ديكة "جمع ديك" ، العندو اعتراض يقدموا لي مع تلاتة بيضات، ومن هس البيضات مقبولات والاعتراض مرفوض

والبوست دا من أسي ولي قدام عودي فيو عود "شنو كدي ما عارف"،،،، ما بتذكر نهاية العبارة دي، والعارف يقول لينا ويشرح لينا أصل العبارة

اسي في زول غالطك في بوستيك الظاهر عليك انت النوع البجيب ديك يشبه ديك الجيران وبعد كم يوم ياكلو ويتصلبت في ديك الجيران فعليك الله بوستيك دا وسِمو
وشنو حكاية التلاتة بيضات دي ياخوي المعروف ان الديك له بيضة واحدة في العمر(يقول ليك زي بيضة الديك) نجيب ليك البيضتان التانيتان من وين يعني

[محمد قسم الله عبد القادر]

[color="magenta"][size="4"][font="arial"]عند اللفة بس :
---------------
اصلوا مافي شيء أكتر من الديوك

ههههههه

في انتظار الرابط,
إن شاء الله ما تلقاو

[ياسر عبيد]

من الأمثال الدارجة في السودان (زى ديك المسلمية يعوعى وبصلتو فى النار)

من الأمثال الخاصة في كريعات وهي بالمناسبة منتهى الحنكشة "زي ديك العدة لما يكون لابس حفاض"،
أصلا نحن عادة حضارية جدا،، أي حاجة عندنا لازم نطبق فيها الدعوة الكوكبية للـ "recycling"
اذا كان ديكم بيلبس حفاض طيب ما سمعت الشاعر البقول كان عيونه خرز له في الشمس الوان
اها دا ديك رفاعة ومركب (عدسات)ملونة يا خوي

[محمد قسم الله عبد القادر]

نجيب ليك البيضتان التانيتان من وين يعني[/size][/color]

والله ياخي اتصرف , هو الديك دا إلا يعوعي

[معتصم سليمان بابكر]

ههههههه

في انتظار الرابط,
إن شاء الله ما تلقاو

هههههههههههههه

الليلة وقعت وماسميت انت مالك بتهابش في الديوك

الليلة شيل شيلتك ساااااااااي

كدي اركب الديك ده بسم الله الرابط ده شوفو
بوديك وين

http://www.rufa3a.com/board/showthread.php?t=20386


عند اللفة بس :
--------------
أها البوست هولي عفيتو ليك لله والرسول
اتجدع فيهو زي ماداير ياحبيب

[ياسر عبيد]

يا معتصم تابعت الرابط لكن الظاهر عليو طووويل جيت صادي
وعجبني ديك الهايفات حقو توديه لي بوست الطيب بتاع الساعة الرابعة و22 صباحا داك

[معتصم سليمان بابكر]

يا معتصم تابعت الرابط لكن الظاهر عليو طووويل جيت صادي
وعجبني ديك الهايفات حقو توديه لي بوست الطيب بتاع الساعة الرابعة و22 صباحا داك


هههههههههههههههههههههه

عارف طويل لأنو مليااااااااااااااااااان ديوك ياياسر

[ياسر عبيد]

والله ياخي اتصرف , هو الديك دا إلا يعوعي

ااااااااااااي لازم يعوعي ولا شن فائدته (جداد ما عندنا)
وكمان بالتوقيت المحلي مع مراعاة فروق الوقت

[الصادق عبدالله ضرار]

ود قسم الله
انت مدهش آخر جاءنا إلى هنا ليمتعنا
تعجبني العبارات والدلالات البلديه (خالص)
ذلك لاني من تلك البيئة النقيه
القصه روعه من كل ناحيه
فإن كانت واقعيه
يكفي انك جعلتها لنا منظوره بالحرف
وفي انتظار الديوك قصد القصصص الاخرى من الوقع الجميل
وتحياتي لكريعات وتمبول وكل الشرق

[محمد قسم الله عبد القادر]

ود قسم الله
انت مدهش آخر جاءنا إلى هنا ليمتعنا
تعجبني العبارات والدلالات البلديه (خالص)
ذلك لاني من تلك البيئة النقيه
القصه روعه من كل ناحيه
فإن كانت واقعيه
يكفي انك جعلتها لنا منظوره بالحرف
وفي انتظار الديوك قصد القصصص الاخرى من الوقع الجميل
وتحياتي لكريعات وتمبول وكل الشرق

الصادق ود عبد الله
كل الشكر لك ، أنا لو كل مرة بسمع كلام زي دا ما المنتدى وقع معاي وقعة الما سمى