المساعد الشخصي الرقمي

مشاهدة النسخة كاملة : قمة الهلال والمريخ افتتاح كاس العالم

مجدى الامام
06-10-2010, 09:17 PM
علي نغمات صوت المذيع العربي المتآلق عدنان بن حمد كانت صوت القمة يرتفع .. وتزداد درجه الحراره بحراره اللقاء والذي جاء علي صفييح من نار
وربما حمم من البراكيييين .... انتهي الشواط الاول وكانت فعلاً قمه من حيث الاداء والحماس والجمهور لم ينقصها غير ( الكوره اهداف كما قال عدنان بن حمد )
من خلال متابعتي لفت انتباهي امتلاء اجسام بعض اللعيبه ( سمن بدون تركيز ) علي راسهم العجب وطارق مختار والمعز محجوب ( بالله الواحد عنقرتو سيف ما يدليها )
ودبما من علي حسب انتمائي كهلالابي انو الحكم بدرالدين عبدالقادر قسي علي الهلال بعض الشي في كثير من احتساب الضربات ... ربما بعد نهايه المباره العوده لتحليلها
بعيداً عن نقض الهدف بتاع الجني اب راس زي راس النوكيا .....
لعب الهلال مباراة قويه ويستحق ان نشيد به وربما لو ركز وواصل بنفس النفس ممكن تكون في اهداف كثيره .....
غلطه طارق مختار تحسب عليه وكذلك تسديده بتاعت المريخ قووووووويه ابدع المعز محجوب في ابعادها
علي ايتو حال انتهي الشوط الاول بالتعادل السلبي .. ويعتبر الشوط 75٪ هلالابي ...


نشوف الشوط التاني
ميرغني
06-10-2010, 09:28 PM
أخ ود الامام
شاهدت الشوط الاول من المبارة
شوط لايرتقي ان نطلق علية ( قمة)
الملفت للنظر روعة الاستاد والنجيل الطبيعي
ابوشروق
06-10-2010, 09:28 PM
.. ويعتبر الشوط 75٪ هلالابي ...
نشوف الشوط التاني


هههههه
مجدي قالو ليك بنحضر فيها في الراديو
انا في اعتقادي نسبتك كترتها شوية
ولسة المبارة ماخلصت
واكيد حمراء باذن الله
مجدى الامام
06-10-2010, 10:45 PM
وشعللها عدنان بن حمد في الشوط التاني ...
شعللها بحماس الجمهورين وكل من في المستطيل الاخضر
وزلزال بقوه 7 رختر هز مهند تاااااااااااااااااااااهر العرضه جنوب معلن الهدف الاول للهلال
وتنفس الازرق الصعداااااااااااااااااااء ..... وتوالت الاحداث والمستجدا ت والعك الكروي وكذلك الجمهووووور
ظاهره غريبه وعيب مشاهدتها علي الفضائيه السودانيه .. وهي ظاهره ( الفليق بالطوب ) مسآله غير حضاريه
وكذلك تحسب علي الجمهور والنادي وعلي كل السودانيييين ..... ( لنا عوده مره اخري حول هذه الظاهره )
التحكيم في الحقيقه ضعيف جداً حيث فشل بدرالدين عبدالقادر في اداره المباره فشل واضح ... في كثير من القرارات
الخطآ ... حيث لا يرقي بان يدير مباراة تعتبر قمه بين الفريقين .... طرد بله جابر ... وكذلك معز محجوب عند تمثيله للاصابه
غير مبرره لطرده علي حسب مجريات الاحداث ....
تحدث عدنان بن حمد عن مدثر كاريكا كثيراً قبل دخوله وبعده مدح يثلج صدر كل الهلالاب ..وكانت توقعاته بهدف ثاني
وفعلها كاريكاااااااااااااااااا في الدقيقه 96 والاخيره بعد الزمن الضائع والذي استمر ثلاث دقائق اخري ...
تفوق الهلال تفوق مستحق علي المريخ بهدفين علي الطريقه البرازيليه ... اعادت للهلال رونقه وبهاءه من جديد
وفعلوووووها فتيه الهلال ... شعللوها في القلعه ... افتتاحيه كآس العالم بالسودان .. برازيل السودان
خميس ولا احلي .... فرحه مستحقه ... في احلي خاتمه الدوره الاولي من الدوري الممتاز
واستمر اللعب 99 دقيقه وعشرون ثانيه .. علماً بان الزمن المحتسب في الزمن الضائع 6 دقائق ...

معقوووول يا بدرالدين ....

الف الف مبروك لكل الهلالاب وهاردلك للاخوه في المريخ
مجدى الامام
06-10-2010, 10:49 PM
أخ ود الامام
شاهدت الشوط الاول من المبارة
شوط لايرتقي ان نطلق علية ( قمة)
الملفت للنظر روعة الاستاد والنجيل الطبيعي

المباراة كانت احداثها مثيره من حيث الفريقين فالقمه جاءت من حيث اهميه المباراه
وحقيقه كانت مباراة جميله لولا تلك الاحداث ... عموماً كان الشوط الثاني ممتعاً
شكراً الاخ ميرغني لحضورك الانيق
وهاردلك
الرايح
06-10-2010, 11:05 PM
والله كورة اقل مانقول عليها رائعة
مظهر جميل اهداف ملعوبة وحركة دائبة لكل اللاعبين
دايرين شنو اكتر من كدا لنقول مبارة قمة
واجمل مافيها بصراحة وكل تحيز فوز الهلال
مجدى الامام
06-10-2010, 11:05 PM
هههههه
مجدي قالو ليك بنحضر فيها في الراديو
انا في اعتقادي نسبتك كترتها شوية
ولسة المبارة ماخلصت
واكيد حمراء باذن الله
الحبيب تكعيييييب ابوشرووووق
سلامات يا باشا
وجاتك في قونينك سامحتك
وعلي شاكله ارررص يا حضري كان احدهم ان اعتلي عارضه المريخ
واعلان احتلال القلعه الحمراء ابتداء من تاريخ اليوم

اها ان شاء الله ما كملتها في الراديوووووو


هارك
مجدى الامام
06-10-2010, 11:08 PM
والله كورة اقل مانقول عليها رائعة
مظهر جميل اهداف ملعوبة وحركة دائبة لكل اللاعبين
دايرين شنو اكتر من كدا لنقول مبارة قمة
واجمل مافيها بصراحة وكل تحيز فوز الهلال

يا ود لا ايه القماااااال ده

ياخي والله فرحونا بالجد


مبرررووووك عليك
ابوشروق
06-11-2010, 03:34 AM
الف مبروك ليكم