الف سلام و اجل تحية لاهل البطانة

[Mutaz S. Elemam]

الاسم:معتز صديق الامام
السكن: رفاعة .ألساحةالشعبية
العنوان: USA- Philadelphia, PA
الوظيفة: System Administrator
لحالة الاجتماعية: متزوج ولى ابن (أحمد 3 سنوات)

أٍسال الله العلى لقدير ان يديم بيننا الود و التواصل

[عبدالله إبنعوف]

أهلاً بيك معتز ومنور بيتك والساحة الشعبية كلها

سعداء نحن بوجودك معنا رغم البعد الزمني والمكاني ، لكن نشعر بأنك بيننا في هذا التواصل الحميم الذي إختصر الزمان والمسافات

تحياتي لأم أحمد وقبلاتي لأحمد وياريت تجيب كل المعاك هناك في الإستيت

حفظكم الله وأعادكم لنا سالمين

عبدالله

[الصادق عبدالله ضرار]

الاخ الحبيب بطاطس

وينك يارجل انتو امريكا دى فيها شنو بتقطع الناس كده ولى بتلمو فى ابوصلعه انشاء الله يتلم ليكم ونشوفكم راسماليه كبار بس فى السودان تنقلو التكنلوجيا لينا وتنفعو اهلكم
كل الوقت فى المسنجر بعيد من الجهاز جننتنا
تحياتى لى ام احمد واحمد

وماتنسى بلدك واهلك وتاخدك الغربه

[Abdo Osman]

,والله يا ود الاما م
راميانا جبنة شوفتكم
ازيك وامريكا معاكم
وينك وايام زمان يا مان
يالله سلام

[Mchamza]

مرحب مرحب ابوراس..والا نقول بسبوس علي حسب اسم الدلع بتاع الاهليه..
ابقي اظهر وخلينا نسمع عنك يا غالي..
محمد حمزة

[معتصم سليمان بابكر]

السلام عليكم يامعتز

حفظكم الله فى غربتكم الحقيقية المامتل غربتنا دى

ومرحبتين بيك فى المنتدى والف مرحب

وعليك الله كان التيمان ديل قريبين منك قول ليهم وينكم ماظاهرين مع الناس

اقصد مهند وايهاب عبدالاله

تحياتى لك ولمن معك
وسدد الله خطاكم

[الدالى]

ياهلا المعتز وبكل ناس الساحه الشعبيه

[امير بشير حمد]

هلا ببلاد العم سام
أخونا معتز صديق الامام لك كل الود والسلام ونرحب بيك وأنت تتجاوز حواجز الزمن الفسيح متخطياً المساحات الجغرافية لتكون قريباً من أحلك وأحبابك وأصدقائك ونسأل الله أن يمتد حبل التواصل بينك وبين من تحب يا مراحب

[Abdo Osman]

ود الامام امريكا ديه دستك والا ايه الحاصل
يا ابو احمد ؟؟

[عاصم عثمان حمد]

وينك يا راجل الحكاية شنو ياخي , المهم ازيك وعامل شنو اخبارك مقطوعة من زمن.

[ابومصطفي]

الصديق الغالي معتز كيفك وكيف احوالك وانشاء الله احمد وامو طيبين وكل سنه وانت طيب



اخوك طارق الحوري

[Abdo Osman]

وين الناس ؟؟