المريخ والفريق اليوناني على صفيح ساخب باستاد المريخ

[نادر الداني]

يلتقي مساء اليوم وباستاد المريخ فريقا المريخ السوداني وفريق يوفا اليوناني وهو احد اعرق الفرق اليونانية الزائرة الى السودان وكان الفريق قد لعب امس الاول امام الهلال وخسر اللقاء بنتيجة 2/صفر احرزها صالح بهجة وهيثم طمبل في شوط المباراة الثاني .. وكانت المباراة قد صاحبها عاصفة ترابية ( كتاحة رفاعة ديك) ادهشت اليونانيين وخلتهم ما يشفوا لحدي ما هذمهم الهلال وصرح مدرب اليونانيين بان الكتاحة كان لها القدح المعلى في الهزيمة ويبدو ان المريخ مطالب اليوم وعلى اثر تصريح اليوناني بانزال الهزيمة بالفريق الزائر حتى يثبت تألق الكرة السودانية امام الاوربية اليوم .
المريخ الفريق العريق سيدفع مدربه الكرواتي برانكو اليوم بتشكيلته الاساسية التي ستلعب امام الهلال يوم 11/6/2005م في منافسات الدوري الممتاز وهي بروفة جيدة للقاء الهلال بالرغم من ان لقاءات هلال مريخ او مريخ هلال لها طعم خاص ولا يمكن اخضاعها لمستوى الفريقين قبل اللقاء فغالباً ما يخسر المتألق وهذه هي كرة القدم عندنا..
آخر المداد :
الخواجة الجديد بتاع الهلال قال انو اندهش من مستوى الهلال الممتاز امام يوفي اليوناني والله قصة عجيبة خواجة برازيلي جاي من البرازيل شاف كورتها ويندهش من مستوى الكرة السودانية امام احد الفرق الاجنبية الاوربية قصة عجيبة يعني الخواجة كان قائل انو الهلال حايخسر ولا شنو
** المريخ مطالب اليوم بالفوز باكثر من هدفين حتى يرد على مدرب الفريق اليوناني ويثبت تفوف الكرة السودانية ..
ولكم خالص الود والتحية
نادر الداني

[Nola]

كتب الاخ نادر :
الخواجة الجديد بتاع الهلال قال انو اندهش من مستوى الهلال الممتاز امام يوفي اليوناني والله قصة عجيبة خواجة برازيلي جاي من البرازيل شاف كورتها ويندهش من مستوى الكرة السودانية امام احد الفرق الاجنبية الاوربية قصة عجيبة يعني الخواجة كان قائل انو الهلال حايخسر ولا شنو

والله مدرب خواجه يقول كلام زي دا الا يكون واحد من اتنين:

1: مدرب خواجه M. in Chaina
2. او مدرب ليق مركب مكنة مدرب درجة اولى :lol: :lol:

ويلا لي بعدين نشوف مجريات المباراة