المساعد الشخصي الرقمي

مشاهدة النسخة كاملة : ابوشروق ... الطمبور صديقنا


الرايح
06-02-2010, 07:49 PM
غني ياطنبور ردد الالحان اطرب الحلوين خفف الاحزان
( مساحة خاصة للطنبور )

ابوشروق
06-02-2010, 08:07 PM
غني ياطنبور ردد الالحان اطرب الحلوين خفف الاحزان
( مساحة خاصة للطنبور )

العزيز الرايح
أنت دائما الذي يحرك الوجدان والمشاعر
وأكاد أحس و أتلمس حنينك للطمبور
وحاة الله كان في الخاطر البوست
بس سبقتني عليها والله
ويالله واصل الابداع

ابوشروق
06-02-2010, 08:10 PM
يالله نبدا قول واحد
ماشى على تضيق
كل ما اقول تفيق القاها ماشى على تضيق
إتــواتا القـدر خطـواتى وانســد الطريق

تايه فوق عباب افكارى ما قادر اريـق
انقر للطيوف مزمارى حايم فى الفريق

لازمنى السهر فى ليلى اصبح لى عشيق
وآآه اصلو المصائب غير ماشافت رفيق

قلبى وراك حالك ليلو مو شايف طريق
لا زولاً يقول ياحليلو لا قلباً شفيق

غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق

آه انا من عوادى زمانى كيف اقدر اطيق
هجرى ولوعتى وحرمانى فوق جرحى العميق

من نار الجحيم يا الغالى قلبى حرق حريق
واتبرا الغريب من حالى وابتعد الصديق

حتى زمانى وكت الشده فى احلك مضيق
لى زهرة شبابى اتعدا وامتص الرحيق

ابوشروق
06-02-2010, 08:10 PM
http://sudaniyat.net/up/uploading/mashi_aly_tadeeg.mp3

الرايح
06-03-2010, 09:53 AM
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح

بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى

ابوشروق
06-04-2010, 07:50 PM
والله يا ست الجمال أنا ما ني باكي علي ضياع أمالي فيك
لاحتي نادم حظي ساعة جابني ليك
وخلاص قنع قلبي القبيل ميال عليك
يقنتو يا ست الجمال علمتو ما يشتاق يشيل الشوق يجيك
مع اني يا ست الجمال عارف جمالك في الجمال طاغي ورهيب
وعارف مشاويرك طوال لو ماني عاشق كان مشيها علي صعيب
ما شفتي قلبي وحالو كيف؟ من وقدة الشوق اللهيب
وصبراً يطوَل يبقي زل والنوح كمان للمثلي عيب
وانا قلبي يا ست الجمال طيرا سماهو أفق رحيب
رحَال وما اتعود شمس تشرق عليهو محل تغيب
وين قولك القلتيهو لي انو الزواج قسمة ونصيب
دايرة الرجوع و ما بيامنك قلبي الجروحو بدت تطيب
انيسهو يا ست الجمال الماضي فات والجاي غيب
ولوميني آه لوميني آه لوميني آه
لوميني ما انتي القدرتي علي وقلبك اختار زول سواي
وخطواتك اختارن درب عكس المشنو قبيل معاي
مع السلامة بقولة ليك واعبر بحور الشوق براي
دنياكي منها شن لقيت ياما سقيت ريدك دماي
والذكري منها بعتبر لو روحي حنت للوراي
ولو مرة اضناني المسير بركز علي صبري وغناي
بعد الحصل والله يا ست الجمال
من شوقي ليك حاضن الصبر ونيران هواكي ايام طوال
ودربك مشيتو بلا امل ولقيت وصول آخرو المحال
وحملت آلام فرقتك الفوق حدود الاحتمال
صديت ولسان الحال يقول يا غافل الاحلام ضلال
واحترته فيك كيف كن يا ست الجمال
ماشين وقلبك شاغلو غير
لو جيتك القاكي السراب وتجيني تلقيني الغدير
غلطان أنا غلطان أنا غلطان أنا
غلطان انا السكنتك اعماقي البعيدة
ووهبتك الحب الكبير
غدارة يا ست الجمال مغرورة يا ست الجمال
غدارة عزت نفسي اعظم من جمالك بي كتير

ابوشروق
06-04-2010, 07:51 PM
http://sudaniyat.net/up/uploading/setgamal.wma


التحميل من

هنـــــأء (http://sudaniyat.net/up/uploading/setgamal.wma)

الرايح
06-05-2010, 08:10 PM
مشكور يابوشروق علي تحفة النجار الرائعة ( ست الجمال )

الرايح
06-06-2010, 10:14 AM
لا تكتر غيابك تاني شان مايبقي عااادي

http://www.alsegeed.com/upload/uploads/kyabek_aldogag.mp3

وليد محمد خير
06-06-2010, 11:11 AM
الرايح
من طيب نسمات الشمال
هذا البوست بوست سوف يلقى الدعم
وماعندك مشكلة طيفور بكسر وانا بفسر

رائعة الشاعرصلاح حاج سعيد والفنان الطيب عبد الله
لقيتو واقف منتظر

مشاركة الغناء الفنان / طارق العوض (طمبور)

لقيتو واقف منتظر .. تشتاق عيوني لطلعتو
نفس الملامح والشبة .. والمشية زاتا وقدلتو
اللفتة و التوب و القوام اوصاف حبيبى و روعتو

للحفظ والاستماع
هنـــا (http://www.mesdar.com/forum/attachment.php?attachmentid=409&d=1232026165)

الرايح
06-06-2010, 05:21 PM
الرايح
من طيب نسمات الشمال
هذا البوست بوست سوف يلقى الدعم
وماعندك مشكلة طيفور بكسر وانا بفسر

(http://www.mesdar.com/forum/attachment.php?attachmentid=409&d=1232026165)

تعالو كسروا وفسروا علي كيفكم والدايرنو اعملوهو
بس كونوا موجودين دا المهم

ابوشروق
06-07-2010, 06:41 PM
أنت لـى ويـن ماشـى يافاقـد سبيلـك
جـوة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
أنــت باديـلـك طـريـق مابنتهيـلـك
***
ضـارب الوديـان تفـتـش والـبـرارى
فى ضـلام الـروح تهبـش ماكـا دارى
انـو مكتوبلـك مصيـر ذى الغـفـارى
ولامتيـن تقعـد تصـارع مستحيـلـك ؟
***
انت حلمك تمسـك الضـو بيـن ايدينـك
الشعاع مابتمسك رغم انو فيك ومالى عينك
السـراب سـراب يسـرب فـى سنينـك
وانت ماك عـارف شمالـك مـن يمينـك
***
ماشى وين يا عابر ارجـع لـى صوابـك
باباك المسـدود تصـور حتـى بابـك !!
فيـه مكتـوب ليـك مليـون ماحبابـك !
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك
***
الحلم جنبك قريب لكنو فـى بعـد الثريـا
ياشعـاع مـن نـازل الــذات العلـيـا
داير اضمـك مـرة بـس بينـات ايديـا
وداير اصرخ مرة فى وش الزمان المابقدر
كـان صراخـى يخفـف الالام شـويـة
أو صـداه يخـدرك يحـجـاك يقيـلـك
***
اّهـة ياسخـريـة الاقــدار خـسـارة
ويا وجع ناس اصبـح الانسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور احلامو قبل اليـوم دا هيلـك
***
داير أكونلو حتـى لـى لحظـات انانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك

ابوشروق
06-07-2010, 06:44 PM
http://www.albrkal.com/upload/uploads/Assrab.mp3

فاقد سبيلك
حمل من هنــــاء (http://www.albrkal.com/upload/uploads/Assrab.mp3)

الرايح
06-09-2010, 10:54 AM
بتقولي لي روحتكم
ياريتني لـو افضـل معـاك رايـح ...
ولـو طـول العمــر
يـا طالعـة من نفس الصباح منسربة
في النيل والجريفات الخدر
يـا نازلـة زي قطـر النـدى
الغسـل الـورود عنـد الفجـر
يا نسـمة هابّة مع الصـباح
شايلة الخصوبة على الجناين والتمر
لـو راح قليـبي تبـع هـواك
ان شـاء الله عنـو ولا جمـع
وكـل الخطـاوي السـار دريبـا معـاك ... عنـها مـا رجـع
يـا طلـة القمــر الهـزم
ليـل الضـلام في الجـوف سـطع
يـا انـت يا واحــة نخيــل
في الصحـرا سـبّلت التــرع
رَوَتْ المســافرين العطـاشـى
طفـت حـرارة الجـوع شـبع
وتقــولي لي روحتكـم ؟
مـا الروحـة أنـتي معـاك لقــا
يـا مـاسـحة بي حلـو الكـلام ،
المُـرّة ، والنـّوح ،والشـقا
شـاره الفـرح فـوق البيـوت
حرفـك سـبيـل للنـاس سـقا
ومـا سمعنـا يـوم روحـتي زول
في الدنيـا طش ومـا اتلقـا
يـا السـاقية في الزمـن الرهـاب
هـم في الحقيقـة الرّوحـوك
مـا عرفوا سحرك وسر منابع الروعـة فيك
والمابعرفوك بجهلوك
آه يـا الوهـيطـة كمـا البسـيطة
ظـهرتِ في زمنـاً حَلـوك
لكن جمـوع الكادحين ، المتعبين ،
ملـح الأرض ضايقين حُلـوك
يا الفيـك طبـع النيـل بتدّي بلا حسـاب
زي التقول النيـل أبوك
وتقـولي لي روحتكـم ؟
يا ريـت معــاك دايمــاً نــروح
يـا بـت حبْيبـين القسـا
ويـا ضحكـة الفجـر الصبــوح
يـا جابــرة خـاطر الانكسار
جوّانــا ويـن منـك نـروح
عشـقـك موسّمنـا وقـدر ما نضـاري نلقـي العـين تبـوح
وبين إرتطـام مـوج الأسف والحسرة
بنحسّك فرح نبضاً وروح
يا طالعة من لجـة عُباب الحـزن
في الزمن الرمـاد فـالاً سـمح
فاجّـة المشارق زي شمس
طلعت على ليل الحـزانا الدّوب صِـبح
وسايقـة المراكـب لي مراسي الدهشة فينـا
وكت نشوفك ننشرح
وفي حضرتك .. تخجـل حروفنـا وتنزوي
ويضاءل القول والشـرح
وتقولي لي روحتكم ؟





width=292 height=224

الرايح
06-09-2010, 05:13 PM
http://www4.0zz0.com/2010/06/09/14/894451792.jpg (http://www.0zz0.com)

الطمبــور سماحتــو القمـرة مالـي سمـانا

الليــل والسكــون والرمـلة كالمرجـانه

نتلملــم نكــون فـي شـلة زاهـية الـوانا

نضــحك ننبســط لـما الصـباح يلقـانا

http://www4.0zz0.com/2010/06/09/14/894451792.jpg (http://www.0zz0.com)

ابوشروق
06-14-2010, 08:12 AM
اعذرينى وسامحيني كنتا قاسي وكنتا جاير
وهسع بحلف ليك وحاتك لى غرامك ماني ناكر
رغم إنو جفاي طال برضي ظلمك لى عاذر
انت ما زول مسامح زين وجبار للخواطر
شوفني من فارق حنانك في الجحيم والويل بدافر
كلما ما يظهر لى خيال انا تاني تظهر لى تحاصر
ريدي قاربو انا كنتا سايقو ليك قريب للحجرة عاصر
فجأة هب عصار عليهو جاهو موج بزبدو نافر
ساقو فات روح بعيد في متاهات الدرادر
راح مصوب يا حليلي داجي وحظي عاسر
اصلى بحر الريد بخبرو ليلو محفوف بالمخاطر
خلى قيس يفقد عقيلو وساب جميل يرحل يهاجر
اما دهري برايا خابرو تب عنيد ومعاي مكاجر
للحظوظ دايما بينحس وللأماني الحلوة هاجر
بالقدر ده الكون مسير ماشي بي احكاموا ساير
مهما يفعل بينا نحن بيها نرضي نقولوا حاضر
الله ما بيترك عبادو لينا حافظ ولينا ساتر
والعذاب بيصل حديدو اصلو لابد ليهو آخر
يا حليل طيري البغرد صبرو قل فرّ طاير
بالجبر فارق جنان باقي خيرها كتير ووافر
ماخلاص قلبي الحنين خلى حبك وماهو شاعر
ام عهدو الخير وليك ديمه طاري ليك وذاكر
الا قبال ما يوادعك ومن عذابو الفيهو صابر
جاب قلم معدوم مثيلو من مدادو يبقي زاجر
حبه يكتب ليك رساله هي آخرة الآواخر
فيها احساسات مشاعر زول صبح لريدو شاعر.

ابوشروق
06-14-2010, 08:14 AM
http://www.tumboor.com/uploader/uploads/sam7eeny.mp3


للحــفظ (http://www.tumboor.com/uploader/uploads/sam7eeny.mp3)

الرايح
06-14-2010, 09:37 AM
ريدي قاربو انا كنتا سايقو ليك قريب للحجرة عاصر
ـــــــــــــــــــــــــــــــــــــــــ
ابوشروق
اكتلنا بي ميرغني النجار دا انت يوم !

نبع الحنان
06-15-2010, 03:28 PM
أبوشروق & الـرايح

دائما بين حروفكم اجد روحا تتمزج بما بنا من وجدان

وشعور يخرج لنا بروعه البيان....

ولكم تمنيت ان لا تنتهى بى الكلمات......!!!؟؟؟

فلا يسعنى غير قول الصمت فى حرم الجمال جمال

فدمتم بكل تميز وابداع .........

اشكركم موضوع اكثر من مميز .

http://sudaniyat.net/up/uploading/10258

ابوشروق
06-16-2010, 07:58 AM
أبوشروق & الـرايح

دائما بين حروفكم اجد روحا تتمزج بما بنا من وجدان

وشعور يخرج لنا بروعه البيان....

ولكم تمنيت ان لا تنتهى بى الكلمات......!!!؟؟؟

فلا يسعنى غير قول الصمت فى حرم الجمال جمال

فدمتم بكل تميز وابداع .........

اشكركم موضوع اكثر من مميز .

http://sudaniyat.net/up/uploading/10258

انتى دايماً كعادتك تخطفين الانفاس بمرورك الراقي
وتقتلين فينا الملل بتنوع مواهبك
وتسرقين الابتسامه قسراً
لك الشكر مرات ومرات
كل الود علي المرور

ابوشروق
06-16-2010, 08:01 AM
http://lh6.ggpht.com/_0pw0QJOoyI8/TA6cor-pQJI/AAAAAAAAAnQ/cOCGYDw1Ipc/endkgyheen.gif
تندلقي حن ....
مرات جفاكي بلا اذن ..
شن تلقي إن ماتت عيون اللهفة ...
و الشوق داير يجن
غنيت لهن ..
لمن موهدب فزتبن ..
ختيت لهن رغم المخاوف أمنهن ..
ناديت لهن فهمني شي .. وشابيت لهن اضحك و ائن ..
وانا اقسى كيف.. اقسى كيف .. ما ياني فيهن ومنهن..
لا تجرح الاشواق اذا شابن عليك لا تجرحن ..
ولا تحرج الافكار .. ازا ما انفج ضيق ضيقتهن
اهديت لهن عمري الفضل .. اهدن لي اروع ما اظن
وانا اشقى كيف وجداني فيك صدق العشق يتخللن ..
يسعد صفاك ايامي وارقد مطمئن ..
وينسف جفاك احلامي واصبح واعي جن ..
عانيت عشان اصل الضفاف القيف يلوح والبوح يصن..
وانا ارسى فيك .. والفيك يزيد الفي وزن ..
شقّيت صحاى الدهشة بيك وادهشتهن ..
منّيت دواخل الروح تتوهكــ وتنسجن ..
لازَم يقيني ثبات خطاي آه يا رجا الزول اليقن..
تندلقي واجفس استأنسك لوعة وسماح يتآنسن..
الدنيا ما بترجى السكات .. والفيها ما عاد ينضمن..
اضمن تلاقي الامنيات باكيات تكفف دمعهن ..
سهر المياه في نيلا روح .. زكرى الجروح اتقبّلن ..
وعاين مدى الاشواق طمح .. ينحس بس ما بينتبن ..

ابوشروق
06-16-2010, 08:02 AM
http://sudaniyat.net/up/uploading/tindlgyhin.mp3

الرايح من هنــــــاء (http://sudaniyat.net/up/uploading/tindlgyhin.mp3)

الرايح
06-19-2010, 11:25 AM
http://www.alsegeed.com/upload/uploads/tyoalhjro_aldogag.mp3

طيور الهجرة ... مدنى النخلى

ابوشروق
06-24-2010, 09:28 AM
بكتب ليك
مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
وأعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
لينا تغنى بى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. وفى محراب هواكى اجلس مع الجُلاّس
واخلى الباقى واتغتابو .. لو بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
بشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
تولِّع فيها نار الله ..
وتصبح كوم رماد وهباب
وتمرقى إنتى والنَّاس المعاكى قراب..
وما دعيت خاتي الا الفراق اسباب ..

ابوشروق
06-24-2010, 09:31 AM
بكتب ليك
غناء / ميرغني النجار


http://algadwa.com/uploader/uploads/bktiblik.mp3

الرايح هنــــــا (http://algadwa.com/uploader/uploads/bktiblik.mp3)

الرايح
06-24-2010, 10:06 AM
ليك من غير ماتقولي سلام بقول اهلاً حباب
مشكور ياجميل

الرايح
06-28-2010, 07:31 AM
نســـــــــــــــــــــــــــــــــتمع تاني
@ ست الجمال @


http://sudaniyat.net/up/uploading/setgamal.wma

ابوشروق
06-28-2010, 08:37 PM
عـــارفك ما لــي .. لكـــن الكــي .. في الجـــرح النــي .. يشفـــي وحـــرّاق
والشــوق الفـــي .. مطعـــون بالــبي .. والـبـي محنـــة وآهـــة وأشــــــواق
الميــت وحـــي .. والقـــلب الصـــي .. في سجــن الــروح لا فــاق لا راق
فتشـــــت عـــــلي .. وأنا بيـــن إيــــدي .. لكـــن إيــدي بينـــن ســــاســــاق
لـــي إي طــريق .. وأنـا ياتــو رفيـــق .. لي أي زمــان .. لي ياتــو رفــاق
أنا ياتــو مضيــق .. لو مـــرة تفيـــق .. في أي حـــريق .. كنــت اللحـــاق
كم ضــاقت ضيق .. وإنشـــر بـــريق .. والفــــاك الريــق .. من ريـدك ضـاق
عارفــك مجهــول .. في عــرض الطــول .. في أي هطــول .. تنــزل أفــراق
وشفقــان من طــول السكــة ذهــول .. وآه لمــا تطـــول .. مليـــاني فــراق
هــزّاني زبـــول .. وردك يا زول .. وأنا عمــري خــريف .. عنـدك ما حــاق
عارفــك مكســوف .. عاميــك الشــوف .. حــد أقـــدر أشــوف .. ضلــك رقــراق
ديــل ياتـو حــروف .. آمنــات من خــوف .. تسكـــن في جــوف .. حلم الأوراق
عارفـك ملهــوف .. تحــت أي ظــروف .. أنســى المــألوف ..
أكسيــني كســوف .. أكسيــك إشـــراق

الرايح
07-03-2010, 12:01 PM
أبوشروق & الـرايح

دائما بين حروفكم اجد روحا تتمزج بما بنا من وجدان

وشعور يخرج لنا بروعه البيان....

ولكم تمنيت ان لا تنتهى بى الكلمات......!!!؟؟؟

فلا يسعنى غير قول الصمت فى حرم الجمال جمال

فدمتم بكل تميز وابداع .........

اشكركم موضوع اكثر من مميز .

http://sudaniyat.net/up/uploading/10258

لما الشرق بان فجر الغرام بدأ في الطلوع
دعيني استعير كلامك ..
الصمت فى حرم الجمال جمال ،، وكفي

ابوشروق
07-05-2010, 05:34 PM
الرايح عذب ذي ماكا داير

http://www.tumboor.com/uploader/uploads/azabe.mp3

هنـــــا (http://www.tumboor.com/uploader/uploads/azabe.mp3)

الرايح
07-09-2010, 10:49 PM
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى

ابوشروق
07-11-2010, 07:37 AM
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى

http://algadwa.com/uploader/uploads/bktiblik.mp3

الرايح
07-15-2010, 08:09 PM
الناس في سعــاده وبهجه انا بحر الهمـوم ضماني
وين قـــارب نجاتي آخلقو ولا انا دايمــا الأخراني

عيني بالدمـوع مليـاني عيني بالــــدموع مليانـــي
ماعـارف المحن بمشيلا ولا هي قاصــدي تتلقاني
ــــــــــــــــــ
ليه ما اكتب غنـاي بدمعي وامزج بالحزن الحاني
اشعار تحكي عن مأساتــــي تشـرح للبعيد والداني
ــــــــــــــــــ
داير اقـــولا ياخلق الله ياخلق الله مــــــالو زماني
لارحم الصغر في صغري لارحم الكبر في كياني
ــــــــــــــــــ
الناس في سعــاده وبهجه انا بحر الهمـوم ضماني
وين قـــارب نجاتي آخلقو ولا انا دايمــا الأخراني
ــــــــــــــــــ
ياريت السعــــاده قريبي كان تسمعني أو تلفـــاني
لكن كيف أصيـح ليها والعبرات معضــــي لساني
ــــــــــــــــــ
اهرب من دناي وين أمشي ياريت الامــاني اماني
طال ما الدنيا ياهـا الدنيا طال ما ياني ياني انا ياني
ــــــــــــــــــ
ياسجم السجم يابخـــــــــتي ياحظــي المولي وفاني
كيفن في الشقــــاوه عترتا والخير فاتني وإتعــداني
ــــــــــــــــــ
اه يامرتـــــــي المليــــــوكه يانار قيدي قيـدي وتاني
من مغصا مقطع قلــــــبي في جــــواي كاتمو لساني
ــــــــــــــــــ
اه ياقدري كـــون في همي راجيك من قبل ترجـاني
هـــــــم وأحـد بودر سيدو متلمــات علـــي تمــانــي
ــــــــــــــــــ
في ها الدنيا شــن ســويتا متعـــــــذب كانـي الجاني
شان لاتبــتا لااستغفرتا من حب زول مـلك وجـداني
ــــــــــــــــــ
حتي الكان كفر بي سببي دا بي صور الجمال أغراني
اصلي انا من لمحـــــتو كفرتا إتشهـــدتا وأســـلم تاني

الرايح
07-18-2010, 06:01 PM
http://www.tumboor.com/uploader/uploads/nglllll%20(1).mp3


لا تكتر غيابك تانى شان ما يبقى عادى
بعد وادعنا الهموم رحلت مقبلة غادى
عانقنا الفرح اتشابكت لنا ايادى
لا تكتر غيابك تانى شان ما يبقى عادى
ــــــــــــــــــــــــــــــ
يا زولى الوسيم الللمفاتن بادى
يا ناير الوجاهه الكل اليوم مزدادى
انا والليل الظلوم منه الشحوب وسوادى
حالف ما يفوت داخلو الصباح ما راضى
النوح والانين فات لازمن حسادى
انزلى يا هموم فوقن دوام مترادى
لا لا لا تكتر غيابك تانى شان ما يبقى عادى
ــــــــــــــــــــــــــــــ
فات زمن الحسار زمن الالم كان زادى
ايام باكى ديمة والنجوم شهادى
ارقصى يا حسان قبلة وشمال اتهادى
وارحل يا غمام للواطة واسقى الوادى
وارشعى يا مطور واتحرقص العبادى
لا تكتر غيابك تانى شان ما يبقى عادى
ــــــــــــــــــــــــــــــ
يا حليلو القبيل كن للعيون صيادى
سبتها روحى عندك خاضعة ليك منقادى
لا تكتر غيابك تانى شان ما يبقى عادي
ــــــــــــــــــــــــــــــ

الرايح
07-18-2010, 06:07 PM
http://www.alsegeed.com/upload/uploads/kyabek_aldogag.mp3

ابوشروق
07-18-2010, 09:29 PM
http://koorasudan.com/vb/signaturepics/sigpic6374_3.gif
ياشروق
http://sudaniyat.net/up/uploading/yashroog.mp3
http://www.mzaeen.net/upfiles/JkC53379.gifhttp://www.mzaeen.net/upfiles/JkC53379.gifhttp://www.mzaeen.net/upfiles/JkC53379.gif

مجدى الامام
07-19-2010, 01:26 AM
الطمبور حنين يجرك بكل حسك في عالم من الزكريات الدفينه جواتك
يرنم بدواخلك .. فتتقافز فرحاً ...
استميحني يا ابوشروق في ان اسرج الرايح بعض من ..!!
مررت من قبل علي علي توقيع المبدع عوض جلاص مطلعها يقول

وليد مخلوق للقرايي
خزين مدخور للجسام
تتمر نيتو التخايي
الاما مزهلل الآم
سوقني معاك يا الحمام
سوقني معاك يا الحمام

وتلاته اولاد متراصين فوق عنقريب يحكوي عن عنوان طفوله
واحدهم يحمل نبله ... ليصتاد ....

يا ريت لو نلقي الاغنيه دي

اصلها عميقه وقويه وبتخليك سارح في عالم تاني

ابوشروق
07-19-2010, 08:21 AM
وليد مخلوق للقرايي
خزين مدخور للجسام
تتمر نيتو التخايي
الاما مزهلل الآم
سوقني معاك يا الحمام
سوقني معاك يا الحمام


سوقني معاك يا حمام

سوقني محل ما الحبيبة
قريبة تراعي الغرام
غريبة الاشواق حبيبه
يجيبه منام في منام

سوقني محل ما المحنة
وايادي تقطر سلام
سماحة الحياة فوق اهلنا
وبلادي تقرقر وئام

غلابة وامان مو الطيابة
ضكاري بصاره وكرام
حبابه الحبان في بابة
وتدخلوا علي الحرام

فقاري ولكن غنايا
غنايا بهذا الغمام
بهذا النيل كم نغايا
وتراب النرميهو قام

ارادة القمرة البتقدر
براها تضوي الضلام
شعاع شمشنا يا مخدر
واذا يبس لا يلام

فيابا خرابه الحرابه
وخرابة فكر سوسي سام
خرابة الكل نفسوتابي
عقابه تلم عم سام

وليد مخلوق للقرايي
خزين مدخور للجسام
تتمر نيتو التخايي
الاما مذهلل الام

درب من دم ماب يودي
حرب سبه حرب حرام
تشيل وتشيل ماب تدي
وعقب اخرتا انهزام

بطان الشيطان قديمة
وبعد دا منو العرشو دام
اذا الانسان ماليه قيمة
علي ايش خلفو سام وحام

تعالوا الدم ماهو موية
ولاها تراي المسام
خباري بحمر في اخوي
وطراوة الخوة ابتسام

تعالوا نحانن بعضنا
نخل قلبو علي التمام
نبضنا يشهل ارضنا
وارضنا تجم العضام

تعالوا بدل نبني ساتر
نخيب ظن الصدام
نطيب للعازة خاطر
نقوم لاطفاله سام

اخير كراكة بتفتح
حفير وتراقد الركام
ام الدبابة البتكشح
شخير الموت الزؤام

تعال لي غابتك يا خيرا
تعال لها يا اسده الهمام
بدل دوشة يغني طيره
ومحل قنبلة عش نعام

بلد صمي وشعب واحد
عصية علي الانقسام
ابية وبكراها واعد
صبية زمشهاده تام

بساطه احمدي كم يشيلنا
وتشهلنا علي الدوام
نقل ليلنا تقوي حيلنا
ودليلنا تمام التمام

نلقم سقف المتاهة
نجم هداي في الضلام
ونطعم حرف النزاهة
لايئلافك يا حمام

دمقراطية وامان
سوا00 سوا عالين مقام
مواريثنا المن زمان
محصنة في اروع نظام

بريدك يازول بريدك
بعشقك حتي الهيام
اريحيتك عد تزيدك
مهابة وليك القيام

عهدي معاك يا حمام
يا حبيب الرسل الكرام
رسول الامراء العظام
عصامي علي مايرام

ماب تهدل في خنادق
ولا بتقدل فوق حطام
ولاب تنزل في فنادق
وسطنا مراعيك قدام

فيا ملدوغ من اديس
معوق في كوكدام
تعال عمر فينا ميس
كفانا طشيش الكلام

جناحيك جنوب شمال
وامش طوف يا حمام
محل غصن العزة مال
عليك وعليهو السلام

حكيم الطير يا مهبر
شراكة القتلة اللئام
متين باسم الحق تكبر
وبالرحمة تصلي امام

فلاحة العالم تعمر
محبة مودة ووئام
تقص الايد التدمر
تشمر ساعد السلام

سوقني زمن كلو عافي
نتاجو علم خيرو عام
بري ايمة من المنافي
وطن وافي علي الدوام

ابوشروق
07-19-2010, 08:45 AM
سوقني معاك ياحمام
بصوت عبدالعظيم منصور بالعود
http://www.albrkal.com/upload/uploads/a.azim_soogny.mp3

ابوشروق
07-21-2010, 10:26 AM
أمانة عليك
الشاعر : خالد الباشا


أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد .. سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

عهودي معاك أموت واقف .. علي باب الهـــــــــــــــــــوى المفتوح
انا البرحل محـــــــــــل ترحــــــــــل .. غمامة عليكا و ين ما تروح
لأنك إنت في الوجـــــــــــــــــــــدان .. مشكن بين حـــــــنايا الروح
موسمة بيــــك تفاصيلـــــنا .. و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك ..
أمانة عليك ..

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك .. منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح .. أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل .. تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ..
أمانة عليك ..

تخت بالك علي الجواك .. علي الحلم البنينا بيـــــــــــوت
تخت بالك علي الجواك .. علي الحلم البنينا بيـــــــــــوت

ابوشروق
07-21-2010, 10:30 AM
http://sudaniyat.net/up/uploading/amanaalek.mp3

الرايح
07-21-2010, 07:07 PM
كل ما اقول تفيق القاها ماشى على تضيق
إتــواتا القـدر خطـواتى وانســد الطريق
***
تايه فوق عباب افكارى ما قادر اريـق
انقر للطيوف مزمارى حايم فى الفريق
***
لازمنى السهر فى ليلى اصبح لى عشيق
وآآه اصلو المصائب غير ماشافت رفيق
***
قلبى وراك حالك ليلو مو شايف طريق
لا زولاً يقول ياحليلو لا قلباً شفيق
***
غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق
***
آه انا من عوادى زمانى كيف اقدر اطيق
هجرى ولوعتى وحرمانى فوق جرحى العميق
***
من نار الجحيم يا الغالى قلبى حرق حريق
واتبرا الغريب من حالى وابتعد الصديق

***
حتى زمانى وكت الشده فى احلك مضيق
لى زهرة شبابى اتعدا وامتص الرحيق



http://sudaniyat.net/up/uploading/mashi_aly_tadeeg.mp3



للحفظ (http://sudaniyat.net/up/uploading/mashi_aly_tadeeg.mp3)



الشاعر : محمد سفلة

الرايح
07-24-2010, 12:14 PM
الذكريات مالت علي الحيل تتكي مال حيلا هداهو الوقاف
والامنيات مالت علي الليل تشتكي لملم ضلامو الليل وخاف
شرقت شمس يوم الفراق صبحت ديار الشوق جفاف
واتلاشن ايامي الخضر وانتابكني ايام عجاف
ـــــــــــــــــــــــــــــ
في حضرتك مضت السنين ذي سرعة الايام خفاف
وبلاكي تتمدد تطول ايامي تبقي رداف رداف
ياحليل اماسنا الحنان ياحليل ليالينا العفاف
ياحليلنا من بعد السفر قلبينا يبقو رهاف رهاف
ـــــــــــــــــــــــــــــــ
الفتنا كانت امنيات يحلم بها الموج والضفاف
سرق القدر فرح السنين مديت حبال صبري الضعاف
راضيبو حكمك ياقدر لا بي ريبة ولا خلاف
باكر بشير الخير يجي شايل البشاير لي زاف
ــــــــــــــــــــــــــــــ
نتلاقا في حضن الامان يرحل زمن عطشان وجاف
تزهر حقول مر ابا صيف نشفت مع الايام نشاف
تصدح مصابيح الغرام تزدان فرح يوم الزفاف
انا وانتي والشوق نتفق وافراحنا تملا الكون هتاف
ــــــــــــــــــــــــــــ
ابحرت من شاطي الظنون جيت لليقين والاعتراف
سافرت فوق سرج الخيال طيفك خطر ببالي طاف
لا مل حيلي من السفر لا كلت افكاري الطواف
عارف ثمار جرف الامل بجنيهو في اخر المطاف
ــــــــــــــــــــــــــــ
http://www.alsegeed.com/upload/uploads/alzkat_aldogag.mp3

مجدى الامام
07-24-2010, 12:53 PM
مشكور عمنا ابوشروق لتلبيه النداء بس الاغنيه كنت دايرا بصوت طنمبور اصلو حنين
بالعود ما ركبت لي في راسي لانو اتعودنا نسمعا بنمة طمبور ...

بوست موفق ... لكل محبي الشوايقه وفنهم الراقي

التوقيع :
زول بمووووت في الشوايقه

ابوشروق
07-24-2010, 05:11 PM
التوقيع :
زول بمووووت في الشوايقه

وبصوت ودالنصري يامجدي
شكرا ليك كتير كتير ياذوق

http://www.sudani.cc/s-tanbour/mohamedalnasri/sogni_maak_ya_hamam.mp3

ابوشروق
08-01-2010, 04:41 PM
ياحبيب ده سلام شنو
من بعيد مالو سلام جفى

http://www.albrkal.com/upload/uploads/Iesa7.mp3

ابوشروق
08-02-2010, 07:49 PM
بلاد الشوق
مشيت بعدك بلاد الشوق .. غشيت في سكتي الأطلال
لقيتك لسة في الخاطر .. وفي مرقة شمس باكر ..
ملان بيك طول حياتنا جمال
رسومات روعتك تذكار .. علي ابواب بيوت الحي ..
محل تاوق .. لقيتك شوق .. مشتت في الشوارع ضي ..
اماسينا البتسهر بيك .. نجيماتنا البتشهد لي ..
وراك لاجفن الدمعات .. ولا اتلاقن رموش عيني ..
اونس بيك نصايص الليل .. احجيك دندنة وموال ..
سألت عليك براي النيل .. تميراتنا وعصيفير الهوى الصداح ..
لقيتك في عيون الناس .. حنين ساكن القلوب مرتاح ..
بتطلع من حكاياتنا .. وخيالاتنا .. بعيد شايفك رهاب رحراح ..
انادي عليك شموس تمرق من الواطه .. قلوب بيضا .. شعاع وصباح ..
يبق نورك مع الفجاج .. علي النخل العزيز وطوال ..
اتاريك إنت كلنا بيك .. بلاك نحن وبيوتنا شجن ..
تموت سيرة الفرح نبكيك .. نتوه مانلقى لينا وطن ..
جناينا وضرانا الفوق .. قمارينا وحسيس القوق ..
رحل كل البلد وياك .. نزل جواك .. حنين وسكن ..
وأنا ( الكاتلني ) من يومداك .. علي عينيك عيوني بكن ..
اقالد ذكرتك جواي .. وأعيش باقي العمر رحال ..
سلامات وين نزل محياك ... تحياتنا وأمانينا ..
اكيد باكر نجي ونلقاك ... قمر باهر أماسينا ..
تبل شوق القلوب ترتاح .. علي نمك غناوينا ..
(لدايات) شايك الرماي .. مزاجات قهوتك جواي ..
احاسيس فيني تتحكر .. جمال نيلنا وعصارينا ..
نضاريك في العيون تظهر .. بريق لهفة ودمع هطال ..

ابوشروق
08-02-2010, 07:57 PM
بلاد الشوق

http://sudaniyat.net/up/uploading/blad20.mp3

الرايح
08-03-2010, 12:00 PM
رسومات روعتك تذكار .. علي ابواب بيوت الحي
محل تاوق .. لقيتك شوق .. مشتت في الشوارع ضي ....

ابوشروق
08-04-2010, 08:02 AM
بلداً هيلي نا
كلمات والحان طارق الأمين
بلداً هيلي نا..
دموعها.. دموعي نا..
أساها...أساي أنا..
ضميرها..ضميري نا..
كل آمالي نا..
السلام يملاها..يطلع من هنا..
و الحَمَام يتشابى!
تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة زي أم كيكي و الربٌابة.
البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌبة

ابوشروق
08-04-2010, 08:03 AM
http://www.tawtheeg.info/tawtheeg/shamel/salahalrasheed/nanci6.mp3

ابوشروق
08-04-2010, 05:20 PM
حتي لو كان جاي باكر
لا تسيبني هنا وتسافر
إحتمال الأرض توقف
وتابي تشرق شمس باكر
***
أنت لو عارف عيونك
ياخي لو عارف عيونك
لي حروفي بقت دفاتر
أصحبت بيتي , وملاذي
جنتي , وسوتني شاعر
***
ريدك السماء في وجودي
إنشر تب ماليهو آخر
ريدك البحر المدد ...
بين مراكبي كسح تتدافر
والرياح .. هبت .. صباح
وأنا وأنت دايبين في المشاعر
ما بنسمع الا آخر الليل
مع الطير المهاجر ....
***
يسحب الأيام وراهو
تبقي ماضي وبرضو طاير
قصدو يعبر ويلقي مرسي
وماتقول أنا ريدي عابر
***
من شهور ما قادر أصرح
خايفو يرجع قلبي خاسر
الا آه أنا من غرامك
و الغرام المخفي كافر

ابوشروق
08-04-2010, 05:21 PM
http://algadwa.com/uploader/uploads/jybakr.mp3

الموج الازرق
08-05-2010, 08:39 AM
حتي لو كان جاي باكر
لا تسيبني هنا وتسافر
إحتمال الأرض توقف
وتابي تشرق شمس باكر
***





كلااااام جميل يارايع

الرايح
08-05-2010, 11:14 AM
يا مالي عيني باليقين ماليني لا حد العشق
لمتين تتوارى وتبين لا بتصفى لا يوم نتفق
انا كلما اعتب عليك من شوقي بالشوق بتحرق
يسبقني درويش الغرام والقاهو في ريدك غرق
امرق من الوهج العلي وادخل عليك زى البرق
تدخل متل ضل الضحى وبرااحة تمرق منسرق
فاض الحنين والريد بحر و الشوق بحر واشواقي من شوقك فرق
فرق المشاعر الما نست قدر الحبيب لا شمت فيهو الخلق
فرق الحنين من زول بريدك بي صدق
كل ماطراك بالفرحة يشهق منشرق
وإنت الهناك لا حن قلبك لا شفق
يا مالى عينى باليقــــــــين ..

لو توهك وهم الظنون من ياتو سكة بتحلق
ولو كل عشرة تهون تهون عليك ماتسوى حاجة وتستحق
أمرق يداك باب المروق .. لو مرة نقدر نفترق
وأدخل بدسك فى العروق ما أصلو دساس العرق
يامالى عينى باليقيــــــــــــــن
ــــــــــــــــــــــــــــــــــــــــــــــ
http://sudaniyat.net/up/uploading/dsas-aslalnahal.mp3
ـــــــــــــــــــــــــــــــــــــــــــــ

ابوشروق
08-10-2010, 06:51 PM
لوتتصدقي يا محاسن لمن خبرك جاء وصلني
انا جيت ابارك جراحي تنزف لدياركم ساحبة ظني
بي بشيشكن يا عيوني يا دمعوع لا تفضحني
طالما الاقدار بتحكم غصب عنك وغصب عني
جيت في ليلة زفافك برضاي ورغبة مني
انا جيت اضم الشوق واقالد وانضم الاشعار واغني
جيت في فرحك اشارك جيت اقول مبروك واهني
جيت امد ايدي البترجف لي ايادي ملاني حني
انا جيت اعاين واملا شوقي
في العيون العذبني
انا جيت اودع في خدودك البي صفاهن جرحني
كان مناهن اعيش معاهن أه دا لو كان بالتمني
قسمة والاقدار ارادن يحرمني ويحرمني
التمن املي البنيتو حتىلي شوفتك امني
ادي حالي انا يا ليالي لي بكاي ماك دار تحني
كنت في عتمت همومي اللبن ما يرحمني
وانتي في عش السعادة أه انا الشوقك كتلني
ابكي في زحمة سنيني في الليالي العاكسني
الوداع الوداع الوداع يا نور حياتي يا امل خاب فيهو ظني
بي بشيشكن يا عيوني يا دمعوع لا تفضحني
طالما الاقدار بتحكم غصب عنك وغصب عني

ابوشروق
08-10-2010, 06:57 PM
http://www.tumboor.com/uploader/uploads/mahasin22.mp3

ابوشروق
08-15-2010, 02:36 PM
أنت لـى ويـن ماشـى يافاقـد سبيلـك
جـوة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
أنــت باديـلـك طـريـق مابنتهيـلـك
***
ضـارب الوديـان تفـتـش والـبـرارى
فى ضـلام الـروح تهبـش ماكـا دارى
انـو مكتوبلـك مصيـر ذى الغـفـارى
ولامتيـن تقعـد تصـارع مستحيـلـك ؟
***
انت حلمك تمسـك الضـو بيـن ايدينـك
الشعاع مابتمسك رغم انو فيك ومالى عينك
السـراب سـراب يسـرب فـى سنينـك
وانت ماك عـارف شمالـك مـن يمينـك
***
ماشى وين يا عابر ارجـع لـى صوابـك
باباك المسـدود تصـور حتـى بابـك !!
فيـه مكتـوب ليـك مليـون ماحبابـك !
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك
***
الحلم جنبك قريب لكنو فـى بعـد الثريـا
ياشعـاع مـن نـازل الــذات العلـيـا
داير اضمـك مـرة بـس بينـات ايديـا
وداير اصرخ مرة فى وش الزمان المابقدر
كـان صراخـى يخفـف الالام شـويـة
أو صـداه يخـدرك يحـجـاك يقيـلـك
***
اّهـة ياسخـريـة الاقــدار خـسـارة
ويا وجع ناس اصبـح الانسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور احلامو قبل اليـوم دا هيلـك
***
داير أكونلو حتـى لـى لحظـات انانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك

ابوشروق
08-15-2010, 02:38 PM
http://www.albrkal.com/upload/uploads/Assrab.mp3

ابوشروق
08-25-2010, 04:27 PM
الرايح بالله شوف
النوار ده كيف مبدع

width=496 height=250

الموج الازرق
08-26-2010, 03:02 PM
مااحلاك يانوار
ومااجملك ياابوشرووووووق

الرايح
09-07-2010, 11:45 PM
الطمبور صديقنا وعزنا وملجانا

ابوشروق
09-13-2010, 08:28 AM
الطمبور صديقنا وعزنا وملجانا


ما قلت لي رغم الظروف
حأسكنك جوة الحروف
وسكنت في حرف البكى
لون عيوني ضباب وخوف
تاوقت مابين الرموش
سدت ملامح الوجعة شوف
ورجعت تاني اقول كفاي
غير الحرق ما عندي جوف
مالقينا بيت،،،
مالقينا بيت،،،
مالقينا بيت لو حتى من الطينة طوف
لا حتى حتة نسوره ومن حولها ندور نطوف
ونلبي لامن ننكفي وفي وشنا نعيد الوقوف
مالقينا بيت،،،
مالقينا بيت،،،
مالقينا بيت يسترنا من عين القدر
ما الدنيا ضاقت بالبشر
فتشنا جحر النملة قصينا الاتر
لمن دخلنا علي النمل قالينا خشو بلا زعل
قرصنا ما قاصد هو شر **** عبر عن الفرح الغمر
وبي قلبو لمن شافنا قال **** معقولة يتواضع بشر
ويسيب في بيوت الدنيا **** يزهد في ترابها وفي البحر
ويخلي كل مفاتنا **** وآمالها واحلام العمر
ويعيش مع النمل البكد في **** الصخرة شان حبة امل
جحرا مضلم مافي نور **** لا حتى طاقة ولا قمر
لاموية لا جدول يكب **** لما الخريف يتكي المطر
مالقينا بيت،،،
مالقينا بيت،،،
مالقينا غير جحرا تبيت النملة فيهو
وسكنا ما دافعين ايجار لما النمل ما هان عليهو
تلقانا واقعين في الأرض ويدوسنا في سكة مشيهو
وقال لينا في الصيف اسكنو
ولما الشتا يزور الديار نفرح معاكم بي مجيهو
مالقينا بيت،،،
مالقينا بيت،،،
ما لقينا بيت نتكل عليو كل الهموم
مالقينا غير ناسا تنوم شان تصحى تاني عشان تنوم
واحلامنا ما بتقدر تقوم
كيفن بتتقطر مطر قبال تكون اصلا غيوم
مالقينا بيت،،،
مالقينا بيت،،،
يا دنيا دست في حشاها مساحتا
نكرت ولد انسانا قالت ماخلق آدم زمان من طينتا
يا زايلة زالت من قليبا محنتا
لا نحنا شاحدين حنها لا حتى دايرين سكنتا
باكر على الجنة بنعيش والدنيا تعرف غلطتا

ابوشروق
09-13-2010, 08:30 AM
ما قلت لي رغم الظروف
حأسكنك جوة الحروف
وسكنت في حرف البكى
لون عيوني ضباب وخوف
تاوقت مابين الرموش
سدت ملامح الوجعة شوف
ورجعت تاني اقول كفاي
غير الحرق ما عندي جوف
مالقينا بيت،،،


http://sudaniyat.net/up/uploading/malgeenabet.mp3

الرايح
09-13-2010, 10:49 AM
http://www.ashefaa.com/goup/images/34158877180759517381.gif (http://www.ashefaa.com/goup/)

الرايح
09-20-2010, 07:30 PM
عندك خبر ،،
لليلي حبي انا مافتر
لاجف قلبي من النزيف لا اتهد حيلي من السفر
شايلك حسيس قلبي البدق ..إيقاع حياتي علي وتر
يعزف مع الدم مشتهيك .. زي لهفة الصي للمطر
راجيك تبلي الشوق تجي .. في موسم الغنا والزهر
يخضر جفاف دنيانا ريـــــــــــــــــد تطرد ضلمتنا القمر
عندك خبر ،،
لايوم أموت تبريني ياأجمـــــــل قــــــــــــــــــــدر

****************
عندك خبر قلبي البموت بي شوقو ليك
يهواكى رغم المستحيل
يهواك طال مانبضو حي
وطال مابيسقي أرضنا نيل
يهواكي زي ما العازة ريد
مدلوق علي قلب الخليل
يهواك دروب من شوق وشوق
مزروع علي طرف البحر
ومسنود علي أكتاف النخيل
ماقلبي بي شوقك بدأ
يا منتهي العشق النبيل

****************
أما الخبر .. ياحلوة لاقدر الأسى
للفرقة لاجور السنين
تكتف إرادة زول دفن
إحساسو في قلبك حنين
مستني نور طيفك يصل
ولهفة عويناتك تبين
احكيلا كيف .. الدنيا صيف
وكيفن بلاك الكون حزين

****************
وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق

روز
09-20-2010, 07:37 PM
هاااااااااااااااااااااااااااااي إزيكم يا مبدعي و يا أهل الطمبور ...

عبدالله محمد سليمان بابكر
09-21-2010, 12:22 AM
ماشاء اللله ادينا الخير صب الشعر كما تصب البقرة لبنها يازول

الرايح
09-22-2010, 11:30 AM
أرحل يا حمام شيل اشواقي وارجوك لا تغيب
وصل كل مشاعري وريدي لي دار الحبيب
قولو قليبي يا محبوبي غيرك ما بيطيب
واي ديار بلا عينيكَ فيها اكون غريب
السبب المعذب قلبي وخلى الراس يشيب
فراقك يا اعزّ الناس بعد ما كُت قريب

الشوق والحنين البيّ أكتبو ليك ملام
وخايف من يكون في غيبتي جابولك كلام
لو كان البُعاد نسّاكَ لي عهد الغرام
ما كان يا جميل تحرمني شوفك والسلام

ارحل يا حمام قول ليهو اصبر يا جميل
ولو مالت عليّ الدنيا عنك ما بميل
كيف انسى البلد والخضرة والنيل والنخيل
والوجه السحرني جمالو والطرف الكحيل

مشتاق لي نجيمة تضّوي لي قلبي الطريق
وللبسمة التفيض حنية من ثغرو الرقيق
تهت انا في ديار الغربة لا زاد لا رفيق
وما كان يا زمان ترميني بي ما لا اطيق

ما فارقني طيفك لحظة في ليلي البهيم
وياما الشوق بِرجع سيدو لي دارو القديم
لا بد الزمان يجمعنا والحال يستقيم
وانسى ايام شقاي والقاكِ وارتع في النعيم

ابوشروق
09-29-2010, 07:57 AM
مسافة السكة وأرجع ليك
معاي الشوق وغنواتو
أنا البهواك وقلبي عليك
وأنا الزول البريد ذاتو
كنت بحدد الميعاد
لو عاف متين أرجعو
كنت بقصر المشوار
وأبقى مع الزمن أسر
عإلا مصيري في الأيام
هي البتقول وأنا البسمعو
ما لاقاني في الدنيا زولاً حظو كان فاتو
مسافة السكة مهما تطول
برضو مصيري أرجع ليك
ألم شحن السنين الفات
وأقيل في ظلال عينيك
أنا من سنين دنياي
بخاف أحزاني ترسى عليك
وألم باقي العمر تحنان
وأقول للناس حكاياتو
ما يهمك كلام الناس
وحاتك إنت ما ناسيأنا
البحسب عشان ألقاك ثواني الفرقة أنفاس
يعارف لوعتك يا روح
وكيفن انت بتقاسي
أعمل إيه مع الأيام مع قلبي وصباباتو

الرايح
10-03-2010, 12:08 PM
ما قلت لي رغم الظروف
حأسكنك جوة الحروف

الرايح
10-04-2010, 06:19 PM
انا قلبي ياست الجمال
طيراً سماهو افق رحيب

ابوشروق
10-12-2010, 05:31 PM
http://www.albrkal.com/upload/uploads/Shogi laik.mp3

الرايح
10-19-2010, 08:40 AM
يحكيلك البي من تباريح الغرام
يرجوك تتعطف علي لو في المنام ،، من شوقي ليك

ابوشروق
10-20-2010, 09:23 AM
مسخت لى البلد فى بعدو ضم سئم حياتى
داجى قليبى فى نار وجدو ليل ونهار يهاتى
عاد قولى لى مين بعدو بنسج اغنياتى
مين فى الناس بيخلد قلبى لى حضنو ويتاتى
فات خلانى حاضن جرحى مسخت امسياتى
بثيت للقمر اشواقى ليهو بسط شكاتى
تتباكا النجوم قالت لى مسكين ماك خاتى
بمشيلو واقولو ارجوك حن ليهو ابقى راتى
ما فضل لى فى دنيايا شئ غير ذكرياتى
حتى الذكرى ليها نهاية لابد يوما اتى
اولى كنت ما بتنصتلو ضم حديث وشاتى
ايه الجد عاد الليلى تتقصد مماتى
برضى انا ليك برسل شوقى واعذب امنياتى
انت بقيت لى روحا تانى فيك مامازجت ذاتى
بالراح داير ازيلو ظمايا كتروا يا سقاتى
عاد يمكن عساها الليلى تبقى هى طوق نجاتى
داير اختم باسمك ديمة يا المحبوب صلاتى
عود فك الاسار من ايدى لملم لى شتاتى

ابوشروق
10-24-2010, 08:03 AM
سلام يا زولة سلام يا زولة
في جواي تحوم بين القلب والروح
تسد باب الفرح تالاي
وتفتح كل مشاعري جروح
كمل صبر الليالي معاي
خريف أحزاني برقو يلوح
ودلق مطر الهيام جواي
جراحات الوله والنوح تسوقك غربة من دنياي
تسوقني عليك غربة تروح
لو بأيدي حتفي هواي
ده حال العاشق المجروح سلام يا زولة في جواي http://www.darg3l.com/upp/2054_1257145156.mp3

الرايح
11-03-2010, 10:34 AM
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح

بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى

ابوشروق
11-10-2010, 07:02 AM
ازيك ياحبيب
http://www.sudani.cc/s-tanbour/mohamedalnasri/dol_alsihaba_album/aazik.mp3

الرايح
11-20-2010, 09:46 AM
[/b


http://www.albrkal.com/upload/uploads/Assrab.mp3

أنت لـى ويـن ماشـى يافاقـد سبيلـك
جـوة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
أنــت باديـلـك طـريـق مابنتهيـلـك
***
ضـارب الوديـان تفـتـش والـبـرارى
فى ضـلام الـروح تهبـش ماكـا دارى
انـو مكتوبلـك مصيـر ذى الغـفـارى
ولامتيـن تقعـد تصـارع مستحيـلـك ؟
***
انت حلمك تمسـك الضـو بيـن ايدينـك
الشعاع مابتمسك رغم انو فيك ومالى عينك
السـراب سـراب يسـرب فـى سنينـك
وانت ماك عـارف شمالـك مـن يمينـك
***
ماشى وين يا عابر ارجـع لـى صوابـك
باباك المسـدود تصـور حتـى بابـك !!
فيـه مكتـوب ليـك مليـون ماحبابـك !
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك
***
الحلم جنبك قريب لكنو فـى بعـد الثريـا
ياشعـاع مـن نـازل الــذات العلـيـا
داير اضمـك مـرة بـس بينـات ايديـا
وداير اصرخ مرة فى وش الزمان المابقدر
كـان صراخـى يخفـف الالام شـويـة
أو صـداه يخـدرك يحـجـاك يقيـلـك
***
اّهـة ياسخـريـة الاقــدار خـسـارة
ويا وجع ناس اصبـح الانسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور احلامو قبل اليـوم دا هيلـك
***
داير أكونلو حتـى لـى لحظـات انانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك

الرايح
11-29-2010, 03:59 PM
سلام يا زولة سلام يا زولة
في جواي تحوم بين القلب والروح
تسد باب الفرح تالاي
وتفتح كل مشاعري جروح

ابوشروق
11-30-2010, 08:59 AM
أمــانة عليـــــك...

أمانة عليك .. تخت بالك علي الجـواك .. علي الحلم البنينا بيوت
علي السر الدفنا كـــلام .. تحت وجع الليــالي سكوت
امانة عليك .. قبل ترحل مــــع الأيام .. تشيل حلو الأمــاني تفوت
تدس في بير حواسك ريـــد .. سقينا وفــــاء وحمينا يموت
وامانة علي يظل إسمك حروف من نور علي حيطة الفؤاد مشخوت
****
عهودي معاك أموت واقف علي باب الهوي المفتوح ..
انا البرحل محل ترحل .. غمامة عليكا وين ماتروح ..
لأنك إنت في الوجدان .. مشكن بين حنايا الروح ..
موسمة بييك تفاصيلنا .. ومضمدا بي غناك جروح ...
.تعيش في ذاتي والذكرى .. متل صفق الشتا المحتوت
****
امانة عليك سنين الإلفة بيناتنا .. قمر ليلاتك الصافي
تفاصيل روعتك جواك .. منابع إحساسك الدافي
حواس خليتا يالمحبوب .. وراك لافينا لامافي
تموت بي شوقك الأفراح .. امد با للهفة اطرافي
مكان ماعشت في الأعماق .. هناك كلك عشق مختوت
****
اماني وراك مابتنساب .. علي طرف العيون دمعات ..
امش وانا بالأماني ارجاك .. سنين عمر الجفا الجايات
*****
وامانة عليك محــل تنزل تمد حبل المحبة صلات
يشع نور الوفا الماليك .. تبق ليــل الفراق غنوات
وامانة عليك ....
أماااانة عليك ..
تخت بالك علي الجواك علي الحـــلم البنينا بيوت

الرايح
11-30-2010, 10:05 PM
عهودي معاك أموت واقف علي باب الهوي المفتوح

الرايح
12-02-2010, 04:18 PM
http://2.bp.blogspot.com/_6old1USuzyY/S9IW9-DCrgI/AAAAAAAAAEA/44BtnYFCtkc/s320/%D9%84%D9%84%D9%85%D8%B1%D8%A9+%D8%A7%D9%84%D8%AB% D8%A7%D9%86%D9%8A%D8%A9.JPG
نسأل عليك بلاد بلاد شايلنك الشوق التقيل
عاصرين بكاك في الفؤاد وين انت وين
دسيت ملامح بكره وين خليتنا للزمن الرماد

http://www.prnamg.com/za7arf/fawasl/pr10.gif
ماك عارف الايام سفر جيتك مطر مدلوق علي عطش الوهاد
زي طلة الغائبين سنين مكتوله بي شوقم بلاد
ضاقت ليالينا الزمان ضاعت نماسيها القمر
كل الكلام أحرف انين لهفة وحنين غربة وسفر؟
http://www.prnamg.com/za7arf/fawasl/pr10.gif
نسأل عليك درب الرجوع الكان يجيبنا من البحر
نسأل عليك حتي الرمال الحاضنه لحظات السمر
وين يا حبيبي بلا وداع سلمت نفسنا للقدر
وين طلتك زي الشموس من فيض الافراح تكب
وين روعتك ذي الغمام وكتين تلاوي الريح يصب
http://www.prnamg.com/za7arf/fawasl/pr10.gif
الشوق حبيبي ملا البيوت وملانا لا عينينا حب
نحلم تلوت الليل نقول عند فجه الفجاج تكب
وين ودتك ريح الفراق يا شادي وين في ياتو غيوم.

ابوشروق
12-02-2010, 04:31 PM
width=292 height=224

الرايح
12-02-2010, 04:34 PM
لو راح قليبي ترك هواك ان شاء الله عنو ولا جمع
وكل الخطاوي السار دريبا معاك عنها مارجع
ياطلت القمر الهزم ليل الضلام في الجوف سطع

ابوشروق
12-02-2010, 04:40 PM
حاجه خاصه ليك وللفي البال

http://www.youtube.com/watch?v=wPIY3doLt8w

الرايح
12-02-2010, 04:42 PM
شكراً كتير ابوشروق
امانة عليك محــل تنزل تمد حبل المحبة صلات
يشع نور الوفا الماليك .. تبق ليــل الفراق غنوات
وامانة عليك ....
أماااانة عليك ..
تخت بالك علي الجواك علي الحـــلم البنينا بيوت

الرايح
12-05-2010, 08:44 AM
كل ما اقول تفيق القاها ماشى على تضيق
إتــواتا القـدر خطـواتى وانســد الطريق

ابوشروق
12-05-2010, 09:02 AM
يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

الرايح
12-11-2010, 04:24 PM
حواس خليتا يالمحبوب .. وراك لافينا لامافي
تموت بي شوقك الأفراح .. امد با للهفة اطرافي

اسامه الطاهر
12-11-2010, 08:27 PM
مساء السعادة كيف اخبارك واحوالك انشاء الله بخير ياابوشروق مشكور كتير ع ابداعاتك وزوقك الجميل دة واتمنى المزيد من ابداعاتك وع الناقة والجمال والروعة دي

الرايح
12-12-2010, 05:21 PM
مساء السعادة كيف اخبارك واحوالك انشاء الله بخير ياابوشروق مشكور كتير ع ابداعاتك وزوقك الجميل دة واتمنى المزيد من ابداعاتك وع الناقة والجمال والروعة دي

مرور بطعم البخور ،،
شكراً ياحبيب

ابوشروق
12-14-2010, 08:46 AM
width=592 height=291

ابوشروق
12-15-2010, 03:37 PM
بتتوسل
تقول نرجع
وتسكب في الظلام دمعات وتتوجع
تنادي القمرة والنجمات ومابتشفع
وتتوسل عشان نرجع
متين كان الهوي البناتنا
كلو كلام وزي قولك لعب شفع
متين كان الحلم في رايك اكبر
من نشيل آهاتو نتوجع
متين ياظالم
اللوعة وسهر عينينا
كان تمثيل وحزناً فينا متوقع
وتتوسل عشان نرجع
زمان سمعتك الآهات
وغنيت في هواك مقطع
وجيت الليلة ماقادر
اغني عليك وليك اسمع
جروح سميتها ليك أشعار
كلما اقولا بتقطع
محال نرجع
قواسي هواك والأيام
مصيرا تعود القلب المساهر الليل
وبكرة جروحو ينساها ويفتش تاني ليك بديل
يلاقي صباحو بي ضحكة
ويماسي الفرحة طول الليل
ومايهتم للذكري
بكرة الدنيا تمحي الفرقة
تفضل كلمة وحدة .. (حليل)
****
ومابنرجع
سوي اتصافينا
ولا فقدنا احساسنا البيتوجع
محال نرجع
محال نرجع
م
..ح
....ا
......ل
........ن
..........ر
............ج
..............ع

الرايح
12-16-2010, 04:23 PM
http://www12.0zz0.com/2010/12/16/14/780665139.jpg (http://www.0zz0.com)

عنــــــــــــدك خبر لليله حبي انا ما فـــــــــــــــــــــــــــــــــتر
لا جــــــــــــفي قلبي من النزيف لا انهدي حيلي من السفـــر
شايــــــــلك حسيس قلبي البدق و ايقاع حياتي علـــــي وتر
يعـــــــــزف مع الدم مشتهيك زى لهف الصي للمـــــــــــــطر
راجيــــــــك تبلي الشوق تجي في موسم الغني و الزهـــــــــر
يخضــــــــــر جفاف دنيتنا ريد يطـــــــــرد ضلمتنا القــــمر
عنـــــــــدك خبر قلبي لا يــــوم اموت تبريني يا اجمل قـدر
  

عند خبر قلبي البموت من شوقوا ليك يهواك رغم المستحيل
طـــــــــال ما نبضوا حي و طــــــــال ما بيسقي ارضنا نيـــــل
انا عمـــــــري بي شوقــــــك بدي يا منتهي العشق النبيـــــل
اديني من ضيــــــــــك سمــــــاح قويني يا صبري الجمـــــيل


  

اما الخـــــبر يا حلوه لا قدر الاسي لا الفرق لا جور السنـــــين
تكتـــــف ارادة زول دفــــــــن احساسوا في قلبك حنـــــــــــين
مستــــــني بس طيفيك يجي و لهــــــــفة عيوناتك تبــــين
اوريه كيـــــف و الدنيا صيف كيفن بلاقي الكـــــون الحزين
يا حلـــــــوه لا تبكي المصــــــــير قدر الموالفين الفــــــــــــراق
و قـــــــــدر المتلنا مشي الهجير سفر الاماني طويل و شـــــاق
يسعــــــــدني انك بت هواي من تبيــــــــنا شفع دقــــــــــــاق
مقــــــــروسه في جواي ريد محفوره ساساتك غــــــــــــــــراق

http://www12.0zz0.com/2010/12/16/14/780665139.jpg (http://www.0zz0.com)

ابوشروق
12-17-2010, 03:28 PM
http://2.bp.blogspot.com/_6old1USuzyY/S9IW9-DCrgI/AAAAAAAAAEA/44BtnYFCtkc/s320/%D9%84%D9%84%D9%85%D8%B1%D8%A9+%D8%A7%D9%84%D8%AB% D8%A7%D9%86%D9%8A%D8%A9.JPG
ياكابـي فــي جـوايـا نـيـل .. ومـزروعـة فيـنـي صـفـوف تـمُـر
وصـارانـي فــي صمـتـك كــلام ومارقـانـي فــي ليـلـك بُـــدر
جاييـكـي فــي الـزمـن الـحـرام سامحيـنـي والقـيـلـي الـعُــذر
اشـواقـي زي شـوقـك غــرام واشواقـنـا نـحـن قـــدرقـــدُر
قــدرك تشـيـلـي الـلـيـل مـعــاي تبكـيـنـي وابكـيـكـي الـعـمُـر

http://www.prnamg.com/za7arf/fawasl/pr10.gif
عارفاني بي شوقك بموت
يامـارقـة مـنـي تعـالـي جــاي .. خشـيـنـي بـــي درب الـبـصـر
دسـيـنـي فيـكـي دمـوع حـنـيـن .. وكـتـيـن يـزازيـكـي الـسـهـر
يـا سـر حيـاتـي.. انــا اليـبـاس .. لــو انـتـي احسـاسـك مـطــر
وين ما تكوني الحب معاك والشوق معاك والمتلي يبقولك ضهر
يازولتـي واحشانـي العيـون .. و واحشنـي نـوم عينـي الطـفـر
ياريتـو كـان بـي يـدي اكـون .. كـت ببقـى طيـرة واجيكـي فــر
تـلـقـيـنـي قــدامـــك يـقــيــن .. لاجــابـــو لـيــكــي ولاخــبـــر
وآآآ دهـشــة الـحــزن الـغـيـاب ...الـجــوه احـسـاســك حــفــر
يـــوم يتـبـهـل فـرحــك حـبــاب .. بـــي دقـــة الـبــاب الـنـقــر
يـاروحـي فــي آخــر الـكـلام .. صـبـرك عـلـي الدنـيـا انتـصـر
وانــا فــي البـدايـة كتـبـت لـيـك .. مـاضـل مــن كـــد وصـبــر
قلـبـك قفلـتـي عـلـي حبـيـب .. مــا خــت قـلـبـو عـلــي حـجــر
رغــــم الـغـيـابـات الـتـطــول .. بـيـنــات تفـاصـيـلـك حــضــر
كــان ضـلــك الـمــا مـــل يـــوم .. او مـــن مساسـقـتـك فـتــر
يبـراكـي فــي الـلـيـل والـنـهـار .... حـاويـكـي باقـيـلـك غـفــر
آه ياحبيبتـي مـن الحـروف .. مـن قافيـتـي ( وزي ده)الفـتـر
خزلتنـي يـوم دايـر ابــوح ... يــوم مِـرتِـق احسـاسـي انكـسـر
لكـنـي بـرضـي كتـبـت لـيـك .. وحـفـرت فـــي الـمـرفـأ الأتـــر

http://www.prnamg.com/za7arf/fawasl/pr10.gif
يازولة
يازولـة منـي ومـن هـواي .. مــن ضــو صباحـنـا مــن القـمـر
من نيلنا وكت النيل يفيض .. مـن شوقنـا ساعـةالشـوق مطـر
فتـشـت لـيـك والـنـاس مـعـاي .. فتـشـت لـيــك خـــلا و بـحــر
شـديـت خـيـول شـعـرك رحـيـل .. اضنـيـت مرافـيـك بالـسـفـر
وانــاجـايـي فــي دربــي الطـويـل ..لا انـهــد حـيـلـي ولافـتــر
كــــان زادي اشــواقــك يـقـيــن .. مــاضــل مـن كــدّ وصــبــر
كـــل المـحـطـات بالـحـبـاب .. لافـتــات معـلـقـة فـــي الـشـجـر
لا قـانــي احـسـاسـك وريـــف .. قـيـلـت بـيــك والـدنـيـا حـــر
وانــا فــي محطـاتـك بـــراي .. قـطــر المحـبـيـن يـــوم عـبــر
نـاديــت جـمــوع الحـاضـريـن .. نـادونــي بـيــك نـفــر نـفــر
وكـأنــي مـكـتـوب فـــي غـنــاك .. وكـأنــو احـسـاسـك وتــــر

http://www.prnamg.com/za7arf/fawasl/pr10.gif
تنضـاري مـالـك فــي العـيـون.. ويــن بالعـيـون زول إنسـتـر؟
ده انـا بسمـع إحساسك طبـول .. مـشـدودة مــن جـلـد الـزهـر
وكـان نفسـي يـوم انـا احكـي ليـك ..عــن رحلتـي ونـار السـفـر
عـن شوقـي يـوم النـاس تنـوم .. وانـا وانتـي واللـيـل والقـمـر
ابـكـيـكـي لا حـد الـجـفـاف .. وارويــــك بـالـدمــع "الـهـمــر"
في اللا مكـان .. والـلا زمـان .. فـي ساعـة مـن عمـري العبـر
يتـكـون إحساسك غـمـام .. يـنــزل عـلــي عـطـشـي الـمـطـر
وكتـبـت لـيـك ابـيـات قصـيـد .. ونشـيـد .. وغـنـوات الـمـطـر
وكـتـبــت لــيــك قُــبــال اجــيــك .. قُــبــال يجـمـعـنـا الــقـــدر
كتـبـت لـيـك خـاتـم الـمـنـى .. وعـشــم المسـافـريـن والـسـفـر
وكتـبـت لـيـك لاتزعـلـي .. وشــوق والـحــزن مالـيـنـي صـــر
وكتـبـت لـيـك وكتـبـت لـيـك ... كتـبـت لـيـك عـنــدك خـبــر؟؟
دايــمــا امـانـيـنـا الــســراب .. وحـبـالـنــا ديــمـــة بـلا بــقــر
يـابــت وحـــاة شـــوق الـعـيـون .. بـالانــي دمـعـاتــك مــطــر
احـزنـي انــي نـويــت اجـيــك .. ودهدهـنـي مـن جـيـتـك قـــدر
نـوعـد ولابنـفـي بالـوعـود .. ونـخـتـار مـــن الأدنـــى الـقـعـر
تـاريـنــي ادمــنــت الـغـيــاب .. وتـاريـهــا اشــواقــك بــحـــر
عارفـانـي بــي شـوقـك بـمـوت .. مـالــك بتـديـنـي الـسـهـر !!
.

الرايح
12-17-2010, 09:44 PM
وكـان نفسـي يـوم انـا احكـي ليـك ..عــن رحلتـي ونـار السـفـر
عـن شوقـي يـوم النـاس تنـوم .. وانـا وانتـي واللـيـل والقـمـر

الرايح
12-22-2010, 08:27 AM
اما الخـــــبر
يا حلوه لا قدر الاسي
لا الفرق لا جور السنـــــين
تكتـــــف
ارادة زول دفــــــــن
احساسوا في قلبك
حنـــــــــــين

ابوشروق
12-25-2010, 11:01 AM
تحياتي للجابرابي

width=600 height=300

الرايح
12-30-2010, 06:01 PM
كيف اوصلك ! وكيف اقدر انساك ! وهواك مابينترك
احترت فيك واحترت في القلب اليفكو وينشبك

الرايح
01-02-2011, 09:36 AM
http://lh6.ggpht.com/_0pw0QJOoyI8/TA6cor-pQJI/AAAAAAAAAnQ/cOCGYDw1Ipc/endkgyheen.gif
تندلقي حن ....
مرات جفاكي بلا اذن ..
شن تلقي إن ماتت عيون اللهفة ...
و الشوق داير يجن
غنيت لهن ..
لمن موهدب فزتبن ..
ختيت لهن رغم المخاوف أمنهن ..
ناديت لهن فهمني شي .. وشابيت لهن اضحك و ائن ..
وانا اقسى كيف.. اقسى كيف .. ما ياني فيهن ومنهن..
لا تجرح الاشواق اذا شابن عليك لا تجرحن ..
ولا تحرج الافكار .. ازا ما انفج ضيق ضيقتهن
اهديت لهن عمري الفضل .. اهدن لي اروع ما اظن
وانا اشقى كيف وجداني فيك صدق العشق يتخللن ..
يسعد صفاك ايامي وارقد مطمئن ..
وينسف جفاك احلامي واصبح واعي جن ..
عانيت عشان اصل الضفاف القيف يلوح والبوح يصن..
وانا ارسى فيك .. والفيك يزيد الفي وزن ..
شقّيت صحاى الدهشة بيك وادهشتهن ..
منّيت دواخل الروح تتوهكــ وتنسجن ..
لازَم يقيني ثبات خطاي آه يا رجا الزول اليقن..
تندلقي واجفس استأنسك لوعة وسماح يتآنسن..
الدنيا ما بترجى السكات .. والفيها ما عاد ينضمن..
اضمن تلاقي الامنيات باكيات تكفف دمعهن ..
سهر المياه في نيلا روح .. زكرى الجروح اتقبّلن ..
وعاين مدى الاشواق طمح .. ينحس بس ما بينتبن ..

ابوشروق
01-02-2011, 08:51 PM
ياحبيب ده سلام شنو
من بعيد مالو سلام جفي

http://www.albrkal.com/upload/uploads/Iesa7.mp3

الرايح
01-03-2011, 10:51 AM
ياحبيب ده سلام شنو
من بعيد مالو سلام جفي

http://www.albrkal.com/upload/uploads/iesa7.mp3

الدنيا ما بترجى السكات ..
والفيها ما عاد ينضمن
ايش نسوي ،، عزراً

الرايح
01-11-2011, 12:56 PM
حقــــــــــــك علــــــي ..

حقك علي .. واللوم علـي ..
طالب السماح والمعذرة ..
صفيلي قلبك بالرضا .. والعفو عند المقدرة
********************
لما الحزن فاض بي ودفق .. والهم طواني واعترى
غير قصد اني جنيت عليك .. ولساني زلّ وافترى
غامرني احساس بالندم .. مسخ حياتي وكدرا
في جوفي زي سماً زعاف.. بي غفلة يكتل بالضرا
*******************
الغنية مارقي من الضلوع .. أوزن ربابتي واطنبرة
ملياني بالاسف العميق .. عذب ضميري وفي سرى
عينيا اكتحلت أسى .. سهراني جافاها الكرى
دمعاتة تتجمد تقيف.. حد شوفها ما فات محجرا
يا المني شان خاطر وفاك أردع هواجسي وأزجرا
واتحاشا فيك لغو الكلام .. دايما خواطرك اجبرا
*******************
ما البيني والبينك .. متل حن السحاب الممطرة
البينا والبين الودي ..ما عمرها انفصمت عرى
رضياني ينشف ريقها من طول الرحيل والدردرة
من دمعها النخلة ارتوت ..واتمطقت طعم الترى
رضياني تفني وتنعدم مطعونة وسط الخاصرة
تتلوى تتحرقص برق .. شق البوادي ونورة
*******************
يا روحي قمرية هواك .. أنا لي تقاتي بدودرا
ولفتها ومديتلها بي كفي ...عيشة وسكره
لو وشوش الريح في الغصون بدد آمالها ونفرا
بي ريشة ريشة وبالصبر ..بابنيلة عشها في الضرة
*******************
بحق من خلق الجمال .. ورسم المحاسن صورا
انا رائي فيك نقا الوجود ...قدامي انت المنضرة
سواك الله مليكة فوق عرش القليب متحكرة
ختاك بين درر العفاف ..تتلالي في التاج جوهرة
*******************
انا ما بنتقص حنك علي .. لا يوم مشاعرك بانكره
حفظ الجميل والامتنان .. طبع النفوس الخيرة
اصلو المشاعر ما بتدوم ..لو عايشي بالغش والكرا
والريد دروب ما ب يتمشن .. لو خطوة الزول لا ورا
******************
خطواتي لا قدام عليك .. ما اتعبها السير فترا
عجلاني لو تقدر تطير ليك .. كل ما الشوق تاورة
لو تاني يوم اغلط عليك .. بي كلمة جارحي مؤثرة
إن شاء الله ..يا نور العيون .. انا جرحي لا طاب لا برا
إن شاء الله .. يا نور العيون .. أنا جرحي لا طاب لا برا

ابوشروق
01-12-2011, 08:32 AM
الدنيا صح فراقه لكن القلوب يا الدنيا مداكي الامان


وعـشم المسافرين الرجوع ولو ماكدي
ماكان في زول فات المكان
وانا لي حـبيب يــــوم دار يـسـيـب قال لي
قـريب برجع عشان نبني البيوت
نرسم خطوط الضو علي طول الـمكان



يا الله وين خاتم الـمنى
في رمشة العـيـن الأبـت بالـشـوق تـنـوم القاك هـنا
ارقــد عـلـي حضـنـك انــوم تمـلانـي ريــد املاك غـنا
مـا انتـي يــا بـحـر الشـعـاع الشمـسـو غـابـت مــن سنه
لـسـع بيغـسـل قلـبـي نـــور يشـرقـنـي يـــا ضـــي الـهـنـا
يـــا الـقـمـره ويـــن السـنـسـنـه لا حــتــي فــــي طــــرق
الــشـــعـــاع الــــمــــن زمـــــــــان فــــوقـــــك بــــنـــــا
هي اقـلـبي الصـفحه الـعـلي الـسـماء مـن هــناك مادام هنا
زولي البدي الدنيـا نـور ضلـم رحيلـوا الامكنـه



تراهو زي ما الطيف يمر الليل يمر اليوم يمر والعام يمر
وانـا فـي الـدريـب الفـتـا بيـهـو ألــم اتــر قـدمـك واصــر
ارجـي المسافريـن وانشـدن هـوي فـي المـدن مـا شفـتـوا
زول شـــــــايـــــــل بــــشـــــاشـــــات الــــفـــــجـــــر ؟
مـزج الصباحـات بالمغيـب لــون خــدودوا مــن العـصـر
وآه يـا بـيـوت لا دقــه بــاب لا فــات حيطـنـا العنكـبـوت



وانا لسه راقد في الرصيف
راجيك تقيف قدامي قبال ما اموت
دنيا من بعدك يباس ينشرا فــي الـوديـان سكوت
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا

الرايح
01-13-2011, 01:51 PM
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا

ابوشروق
01-13-2011, 07:38 PM
احلف يمين .. انك ولا متل البشر
وانك بشر ...
وانك حواس
تنزل علي قلبي اليباس ..
كشحة رزاز ونقط مطر ...
تاقيت عليك باب العيون
سديت ممرات النظر
فتشت كل الجاني شوق ..
مريت عليهو قدر قدر ..
جيتيني كيف ؟؟
جيتيني كيف ؟.. ومافيا باب متكول قصادك وما اتكشر
وانا من زمان الليل طويل
قفلت أبواب الهوى وسلمت مفتاحا البحر ...
جيتيني كيف ؟؟؟
جيتيني كيفن والعمر
عديت محطاتو وعبر
شقيت فيافي الأمنيات ..
هداني احساسي وفتر
ما كنت قايلو بجيبني ليك
درب المحبين (الوكر)
تفضح عيوني هوايا ليك
يمرق احاسيسي الوتر ...!
غيرك منو البملانا شوق
يقلب نسايم ليلنا حر !
يدخل علينا متييين يريد
يمرق .. قليبنا يجرو جر
عذبني ريدك ما براي ..
اولاد بلدنا وناسنا صر
يانور عيونا وكت يتوه .. في الرملة والليل والقمر
يافيض مشاعرنا الطمح .. ماخلّ في عالمنا بر ..
زيك شويين مااا كتار .. في الدنيا انتي نفر .. نفر

الرايح
01-16-2011, 12:06 PM
ا
لو قدرتي يوم سافرتي شوقي
وحنيني جريتو بالليل فوق ربابة
تسافري ونحن مشتاقين نشوفك
ترجع كيف خطاك ما جاتنا دابا
وحاتك انت يا املي المنور
منك جاتني في قلبي الاصابة
واقف راحي فوق القيف رجوعك
تايه امشي وانشد في الجلابة
أراقب طيفك الفجراوي لو زار
اشابي عليهو يا ما قلبي شا با
لكن بس عزاي انا ماني اول
ولا آخر موجع الصبابة
فراقك يا أم ضمير نكد حياتي
وزرع في قلبي أشواك الكآبة
أسيبك كيف وكيف تنساكي روحي
وعيونك في القلب غرزت نشابا
وكل ما قت اعبر عن غرامي
أنا الفارسي بحس منك مهابة
ولو فكرت ارجع ماني قادر
بدونك نحن ما طاشين ضهابه
مشتاق ليك جمر الشوق كواني
تهاتي الروح مؤبدة في عزابا
أسيبك كيف وانا الشايف عيونك
بحور دفقت مويتي علي سرابا
ترحلي مني زي ضل السحابة




..

..

ابوشروق
01-18-2011, 08:13 AM
بيناتنا كان ساح العرق
واتقصقص العشم القبيل كان المرق
ساند قفا الإحساس وكان
شايل عرش بيتنا البنينا من الصدق
يا غالية بس ..
لو مافي شي
فضل علامة من العشق
ما قايلو بظهر في الوشي
ومن بين عيوناتك يّبق
يحرق حبال وصلي القبيل
وكل الغنا الشلناهو ليل
في لحظة إتحته وحرق
ومركب هوانا بعد فرد
أشرعتو في الأحزن غرق
يا غالية انا المليان أسف
لوشفتي يوم قلبي الحزين
يوم أتختف لون فرحتي
ويوم اتهزم بينا الحنين
يا غالية مات فيني العشم
وقنّعتي عمري من السنين
يوم شال سعادتي هوا الندم
وشتّتّني في الأيام انين
يا غالية ما اترفعت قدم
الا الله قاللّها كوني
كوني كانت من عدم
يوم سقت دربي بعيد وكم
قاومت يا غالية السنين
ومرقت من جواك حريق
بس لسّه في جواي دفين
وآه ما مرق زول من حريق
مرقة سبيبة من العجين
يا غادة حرقان بي بكاك
ويا حلوه اسف لو هواك
تكنّتي في الأيام ندم
وضريتي بي ريح الهلاك
وانا يوم .. معاك
ازرينا في المجهول عدم
يا غادة ما كان المني
والله ما كان العشم
يا حلوه ينبشنا الكلام
وبين الحطام
تلقيني عضمة بلا لحم
لا انت .. آخر بت
ولا انا .. آخر اولاد الزمان
لا ريدنا آخر ريد
ولا اتكشحت مواعين الشجن
يا غالية لسه الدنيا في
ولسه بنعشق ونشتهي
وايامنا لسع ما إنتهن
قبال أعاين في وشيك
دمعة أساك ..
ويا ريتا يا غالية إنتهن
قبال اجيك ..
قبال يسوق قدرن خطاك
يا غادة اسف لو بكن
عينيك علي أيامي المعاك
سامحيني يا غالية الزمن
هو الساقنا لي مدن الهلاك
يا حلوه بدفع في تمن
غفلة قليبي انا يوم نساك
بس لو فضل جواك شي
ولسّع بريقك ما إنطفا
وجواك عقاب حبي القبيل
أتمده في الأيام وفا
سامحيني يا ما عشمت فيك
لو قلبك المجروح عفا

ابوشروق
01-20-2011, 07:49 PM
width=500 height=300

الرايح
01-26-2011, 07:57 PM
لا تجرح الاشواق اذا شابن عليك لا تجرحن

اسامه الطاهر
01-28-2011, 03:48 PM
كاتبني وين وعن ياتو شيخ خلاني اجري وراك

ابوشروق
01-29-2011, 07:09 AM
عندك خبر .. !!؟
لليلي حبي انا مافتر...
لاجف قلبي من النزيف ..
لا انهد حيلي من السفر ..
شايلك حسيس قلبي البدق ..
إيقاع حياتي علي وتر
يعزف مع الدم مشتهيك ..
زي لهفة الصي للمطر ...
http://t0.gstatic.com/images?q=tbn:ANd9GcRrNgWf88RvZekZmC0RktKJ08rmx_JuQ 8xs2vRsVDWEoMGHbqyKUw&t=1
راجيك تبلي الشوق تجي
في موسم الغنا والزهر
يخضر جفاف دنيانا ريد
يطرد ضلمتنا القمر
عندك خبر ..!!
لايوم أموت تبريني ياأجمــل قـدر
عندك خبر .. قلبي البموت بي شوقو ليك ..
http://t0.gstatic.com/images?q=tbn:ANd9GcRrNgWf88RvZekZmC0RktKJ08rmx_JuQ 8xs2vRsVDWEoMGHbqyKUw&t=1
يهواكى رغم المستحيل
يهواك طال مانبضو حي ..
وطال مابيسقي أرضنا نيل
يهواكي زي ما العازة ريد
مدلوق علي قلب الخليل ..
يهواك دروب من شوق وشوق
مزروع علي طرف البحر
ومسنود علي أكتاف النخيل
http://t0.gstatic.com/images?q=tbn:ANd9GcRrNgWf88RvZekZmC0RktKJ08rmx_JuQ 8xs2vRsVDWEoMGHbqyKUw&t=1
ماقلبي بي شوقك بدأ ..
يا منتهي العشق النبيل
أما الخبر..
ياحلوة لاقدر الأسى
لاالفرقة لاجور السنين ..
يكتم إرادة زول دفن ..
إحساسو في قلبك حنين
مستني نور طيفك يصل ..
ولهفة عويناتك تبين
احكيلا كيف .. الدنيا صيف
وكيفن بلاك الكون حزين
http://t0.gstatic.com/images?q=tbn:ANd9GcRrNgWf88RvZekZmC0RktKJ08rmx_JuQ 8xs2vRsVDWEoMGHbqyKUw&t=1
وآخر خبر ....
ياحــلوة لاتبكي المصير .. وقـدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هــواي .
تبينـا من شفع دقـاق
مغروسة في جوايا ريد .. ومحفورة ساساتك غُراق

الرايح
02-02-2011, 06:26 PM
شايلك حسيس قلبي البدق ..
إيقاع حياتي علي وتر
يعزف مع الدم مشتهيك ..
زي لهفة الصي للمطر ...

ابوشروق
02-04-2011, 04:16 PM
ساهــرت ناجيتــك وحيــد ..
والكــون ضـــلام
رسلـت نسـام الدغيـش يهديـــك ســــلام
يحكيــلك البـي من تبــاريح الغـــرام
ويرجــوك تتعطــف علــي ..
لو فــي المنــــام
من شوقي ليك


http://www.albrkal.com/upload/uploads/Shogi laik.mp3

الرايح
02-04-2011, 05:36 PM
راجيك تبلي الشوق تجي
في موسم الغنا والزهر
يخضر جفاف دنيانا ريد
يطرد ضلمتنا القمر
عندك خبر ..!!

ابوشروق
02-05-2011, 06:30 PM
ضحك الدرب لمن خطاك لبست زفاف حلم الرجوع
إتوهط الفرح الفريق لاقاكي بي ضي الشـــــــــموع
إتوحّـــدت لغة المكـــــان نست العيون طعم الدموع
مرحب حبابك يانشـــيد إيقاعو من تحت الضـــلوع

http://graphics.elysiumgates.com/images/christian3divider.gif
إندفق الريد دون قصدغمر القلوب من فيض هـــواك
ماقصّــر القمري الصباح قوقا ودلقني علي لقـــــــاك
وأنا بين مصدق ومندهش جواي تبنت حروف غناك
رقصت أناملي أنا من طرب لحن القوافي المشتهـاك
يادوبــــو إندمل العشم قلـــد الامــاني علي قـــــــــدل
شـــلت الامل طفلا رضيع لوليتو بين إيدي صـــــهل
رضعتو من أصبع غناي كشكشتلو الاحساس غفــل
http://graphics.elysiumgates.com/images/christian3divider.gif
وأبا ما ينوم حارس خطاك الجايه ماشه علي مـهل
عين الشمش يادوب شروق فردت شعاعا علي المدى
الالفه بين زهره وفراش مكتوبـه بي قـــطر النـــــدى
أنا بينـــي بيناتك غرام ســامي وشريعتو محــــــــدده
فيــــهو التواصل فـــرض عين واللقيا ســـنه مــؤكده
والدنيا كانت نص نهار مسنود علي شعبة هـــــــجير
جات نسمه داعبت العرق فــعرفت إنو الجــــاي خير
http://graphics.elysiumgates.com/images/christian3divider.gif
تاوقت من طــــاقة الحلم لفحتني مــــوجه من العبير
شفتك مرقتي من الزقاق باسمه ومجرتقه بالحـــرير
ضهبت كراعي من النعال بالفرحه ماحـــسيت حفا
وجريت عليك علي العموم ساترني قــــرباب الوفا
شـــــــايل قليبي المشتهيك حاضن جراحو النازفه
ضميهو ينســــاهو الالم فرحة رجوعك بس كفـــا

http://graphics.elysiumgates.com/images/christian3divider.gif

الرايح
02-07-2011, 10:44 AM
http://graphics.elysiumgates.com/images/christian3divider.gif
تاوقت من طــــاقة الحلم لفحتني مــــوجه من العبير
شفتك مرقتي من الزقاق باسمه ومجرتقه بالحـــرير
ضهبت كراعي من النعال بالفرحه ماحـــسيت حفا
وجريت عليك علي العموم ساترني قــــرباب الوفا
شـــــــايل قليبي المشتهيك حاضن جراحو النازفه
ضميهو ينســــاهو الالم فرحة رجوعك بس كفـــا

http://graphics.elysiumgates.com/images/christian3divider.gif

ابوشروق
02-08-2011, 09:23 AM
الضرب فوق الميت
إعدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص واللا تنى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعه من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دمو صديد
والموت قبل أجيك صدقنى ياهو مصيرى تانى أكيد
الشقى فيها أمسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه أرزح فى الظلام والقيد
وخايف تبقى فيها اقدارى حاكمه على بالتأبيد
لويجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يابوحه غيرك ماحأبقى سعيد
ودونك لو هدولى ثماره برضىء أشوفه مره شديد

الرايح
02-08-2011, 10:39 AM
ومابشعر بقيت بالطعنه مهما كان مداها بعيد
الله يعينو دا !

ابوشروق
02-11-2011, 03:36 PM
مابتخيل

أنا ما بتخيَّل إنو تروحي وتسكني بين طيات الذكرى
وشايلة معاك في روحِك روحي
****
ما بتخيَّل أصبح باكر وألقاك مافي قُصاد عينيا
وكيف إتحمل فقد الدنيا الفيها أحلامي إترسمت ليّا
عُمرُو ما كان البعد مسافة وإلا الطيف كا ملَّ الجيَّه
وما بتتخيلي هزت قلبي لحظة طيفكِ ماشي عليًّا
****

ما بتخَّيل وين راح أمشي لمن ترحلي مني تروحي
كيفن يصبح ذكرى البينّا وسيل أشواقنا ولحظة بوحي
ما حأسيبكِ ترحلي وأبقى بين نيران أحزاني ونوحي
ولو لا حت لنا فرقة بقوللها لأ يا فرقة أرجوك لا تلوحي
****
أنا ما بتخيَّل إيه راح أبقى لما أعيش في الدنيا بِدونِك
وكان خليتكِ وين راح ألقى الكت بلقاهو يشع في عيونِك
أبقي معايا مودّة ورحمة يا الفي قلبي هواك وسكونِك
كوني في عوني أنا بي تحنانك شان بي شوقي أكون في عونِك
****
ولما الشوق كان جابك ليّا ما خيّبتَ أشواقِك فِيّا
وإتشربت إحساسك شهقة دون ما أحس بك إنتي هدية
ما صدقتِ أنا إني لقيتك أم وحبيبة وروح وأُخية
هم الفُرقة أنا كاتلني كيفن عاد بي هم الجيّة




http://www.sudani.cc/s-tanbour/mohamedalnasri/ma_batkhayal.mp3

اسامه الطاهر
02-11-2011, 04:26 PM
مساء النور
الدنيا بدونك ظلام
وبعادك والله حرام
يااحلى واجمل غرام
ازكرني لوبسلام

اسامه الطاهر
02-12-2011, 10:40 AM
جمال الليل في نظرة عيونك
ونور البدر مرسوم بجفونك
وكل الكون مايسوى بدونك

الرايح
02-13-2011, 07:44 AM
ما صدقتِ أنا إني لقيتك أم وحبيبة وروح وأُخية

ابوشروق
02-18-2011, 09:01 PM
معذور لو قلبي اشتهاك

ما إنت عارف فرقتك ما بيحملا القلب الهواك …
معذور…

دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني ألحق بيك سريع نتلاقى والأشواق هناك
جاييك هارب من سنين جاييك واقع في حواك

غلبو النواح يوم فُرقتك بالدهشة خانس وإتعبر
ما بين نوازع الروح إليك هايم وبين حُكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر

ما كان هو فاهم يومو داك إيه ضحكة البرق اللصف
ولا كان هو شايف للهموم الجاية واقفات ليهو صف
ولا كان هو حاسس بالغرام الباني في الغيم إتنسف
لقى نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدَّ ورجع
ما كان غشانا الحزن يوم لا فُرقة بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صِبح يومها التزور مُره ووجع

معذور… لو قلبي اشتهاك
___________

ابوشروق
02-26-2011, 09:55 AM
http://www.youtube.com/watch?v=U_Qbn7yWmUc&feature=player_embedded

الرايح
03-14-2011, 05:22 PM
مشكور يالحبيب

ابوشروق
03-16-2011, 07:53 AM
سافر يا جرح جواي فوق جناح السرعة
الموج يوم يضارب الشاطئ
والريح لما تطفئ الشمعة
والمحبوب وقت يجرحني لو ضميرو يحس أو يوعا
جرح الريدة كان يتعد من ضمن العجائب السبعة
الضايق عقارب الريدة يرميهو الأثر بالخلعة
بنوت حواء ما لاتنو بالخوف والشجن واللوعة
بالليل والجراح نتاحة والناس ناموا بعد الهجعة
شفت بنات نعش في دمي يتهادن بهيات طلعة
يا قلبي الحزين اسمعني خت قرض الصبر في الوجعة
قول لي كيف تفيدك عترة وانت وقعت كم من وقعة
اتشهدت واستغفرت وغسّلت العليك بي دمعة
اتيقنت قلت براك ما ليك تب عشم في رجعة
مالك قلبي من تطراها بالبيك لا بتحس لا بتوعى
منحوس انت من ما قمت اصلك ما بتفوز بقرعة
سعدك لو تجيبو كرامة كان مديت زمان القرعة
في المر ما عليك ملامة أشرب ما تفضل جرعة
الناس قالوا لي انساها لو داير تطيب بسرعة
حاولت وغلبني انساها ذكراها صبحت لي طبعة
طلعتا في صباح ايامي لا غابت خميس لا جمعة
سرقت بالي ما فضل لي منو قدر اعد لسعبة
يا ست الحسان احلامنا ما بنلقاها عن ست ودعه
في دنيا الغرام والريدة البكا والنواح ما بدعة
زول كانت مشاعرو عليك جاري زي الحجر في الفلعة
محتار نارو كيف يطفيها مادام النفس بقى ولعة

ابوشروق
03-16-2011, 08:00 AM
width=350 height=20

الرايح
04-16-2011, 07:58 PM
جرح الريدة كان يتعد من ضمن العجائب السبعة

الرايح
05-26-2011, 05:26 PM
http://www.youtube.com/watch?v=AzGbcZhumS4&feature=share

ابوشروق
05-27-2011, 08:49 PM
ياوفاء ليه بتردي المويه
انت حرام عليكي تشيــلي
ماكان حقو تملي الباقة
شان هي عليكي فاضية تقيـلي
انت الزيك ما بخدموُ
الا بس الظـــروف عزيلي
والضيف ان جاء للشايقية
رابع يوم وقعت طويلي
وما برضاكي تمرقي بره
بعض الناس نفســـو رزيلي
راجنــك تمرقي يشوفو
كـيف ايد الله فيكي جميــلي
قالوا المويه من ايديك
دوى يشفي الرويحتو عليلي
لوبلقالي منها شربة
في السنــة مرة تطفي غليلي
عودك حكمة السواهو
زودو فوق ندايدو خصيلي
ضيعو وســوه لي خــوفي
ينعقد اوعي تنسي تميـلي
وحيلك كلو في عينيك
والايد ما خلق لهاحيـلي
ايديك تتعــبه الهبابه
والعين متعيباله قبيــــلي
جاتني امس العشيه بليبه
لبيه تشكــي من الزعل تشكيـلي
قالت انت شلتي جمالنا
خليتي لنا حاجه قليــــــلي
ليه يدوكي بي ماعونو
شان زي ماك دايرة تكيلي
وعارفك من زمان
يا عيني اصلك نا مابتعوسي عديلي
تكشفي حالي للدايرنو
ما برضيك شئ غير بهديلي
الشئ قبل لساني يقولو
حالا دمعة دمعة تسيلي
لو ما انت شن وراني
عينا ناعسه والا كحيلي

width=2 height=2

الرايح
05-30-2011, 06:29 PM
الله عليك يارائع ،،

الرايح
05-31-2011, 05:53 PM
http://www.asrar-albnat.com/uploaded/379_1175079959.gif

مليت من الغربه آعلى ياولدىياايدى اليمين
داير الرجوع بس كيف يكون يكون وتفكيرى فيهو أنا من متين
كل ما أقول اصبر شوي باكر تكون الحالة زين
القي الظروف ياها الظروف بل زايده سوء بحلف يمين
وآخد لى لفته على الزمان القاها مرت كم سنين
لمتين بتتفك القيود القاسي قلبها ما بيلين

جيت فاكر أنى أكون سعيد بى مال بيجرى على اليدين
لكنو مقسوم ياالعزاز رزقا يكون دايما ضنين
والشى العجيب مما وصل ولليلى فوق اكتافى دين
حسره وهموم متواليات والدمعه يوت هالابه عين
نيران مولعى فى القلب مسكين فقد لضرا الأمين
كان عيشتو هاديه قبل يجى وفى بيتو كان قوتو اليقين
والليله في الأهوال دوام يصرخ ومو لاقى البعين
وينك بعدتى على ليه وأنا ليكى كاتلنى الحنين
يالسمحه سموكى القرير والناس تجيك من وين ووين
وأنا قمت منك شن أقول غير ده المسطر في الجبين
يادرة الوطن العزيز ياالنادره ياالماليك وزين
عشمى ومناي ارجع واجيك أنا غيرهواك متل السجين
داير اكون بين الاهل محضون وحاضن اعز طين
داير حياتى مع الصحاب واللقمه مابين العوين
يالوبه شمر للضراع والليلى جيت أوصيك دحين
كونك تقصرمااظن وأنا عارفو طبعك ياالخزين
يات من معلم درسك شاكرك علم وخلقا يزين
ما عليك خوف مادام معاك زولا مسمى الزين وزين
آنت البتعرف للأصول كاسب رضاء الوالدين
من قمت درفونا صغير ماكت يوم نيا عجين
دايما مواظب ومجتهد في الجانبين دنيا ودين
ورافع السماوات غير عمد داعيهو ينصر وليك يعين

http://www.asrar-albnat.com/uploaded/379_1175079959.gif

http://www.youtube.com/watch?v=LrMZuXdiZZ4

Mai Elshain
06-02-2011, 04:47 PM
سلاماااااااااات من هنا ليييي كريييييمي

الرايح
06-10-2011, 02:03 AM
http://www.youtube.com/watch?v=wPIY3doLt8w&feature=related

حلم الطيور
07-20-2011, 11:55 PM
اشارات الوداع
هو كـان شايف اشـارات الــوداع فـي الـعـيـن
قدر جاي وامل راحل حزن قدر الفراق والبين
نـذر قدرو المداقر عمـرو لازم عمـرو يـتـودر
نـتر جـرحو بيبشر دمـو بـاكـر دمـو بـتـقـطر
عـرف فـرحـو السقـاه حـنـانـو والراجيهو بتاخر
شـعـر حـلـم السـنـيـن الـعـاشـو قـدام عينو بتبخر
رجع لايام زمان لا قاهو في درب العمر صدفة
ايديهو الرادة ياها ايديه تضمو وبينا يدفا
عيونو الحزن ما هداها بل زادها الالم لفه
قليبو في يوم فراقو الابدي فارق حتى بالالفة

فضل جنب الحبيب ساهم فضل ساهر قريب منو
شرب على قدر ما اداه الله من القليب حنو
فضل في كل ثانية يريدو ابدا ما انشغل عنو
نذر كل العمير والعافي كان يفداه لكنوا

الرايح
08-17-2011, 10:04 PM
الذكريات مالت علي الحيل تتكي مال حيلا هداهو الوقاف
والامنيات مالت علي الليل تشتكي لملم ضلامو الليل وخاف
شرقت شمس يوم الفراق صبحت ديار الشوق جفاف
واتلاشن ايامي الخضر وانتابكني ايام عجاف
ـــــــــــــــــــــــــــــ
في حضرتك مضت السنين ذي سرعة الايام خفاف
وبلاكي تتمدد تطول ايامي تبقي رداف رداف
ياحليل اماسنا الحنان ياحليل ليالينا العفاف
ياحليلنا من بعد السفر قلبينا يبقو رهاف رهاف
ـــــــــــــــــــــــــــــــ
الفتنا كانت امنيات يحلم بها الموج والضفاف
سرق القدر فرح السنين مديت حبال صبري الضعاف
راضيبو حكمك ياقدر لا بي ريبة ولا خلاف
باكر بشير الخير يجي شايل البشاير لي زاف
ــــــــــــــــــــــــــــــ
نتلاقا في حضن الامان يرحل زمن عطشان وجاف
تزهر حقول مر ابا صيف نشفت مع الايام نشاف
تصدح مصابيح الغرام تزدان فرح يوم الزفاف
انا وانتي والشوق نتفق وافراحنا تملا الكون هتاف
ــــــــــــــــــــــــــــ
ابحرت من شاطي الظنون جيت لليقين والاعتراف
سافرت فوق سرج الخيال طيفك خطر ببالي طاف
لا مل حيلي من السفر لا كلت افكاري الطواف
عارف ثمار جرف الامل بجنيهو في اخر المطاف
ــــــــــــــــــــــــــــ
http://www.alsegeed.com/upload/uploads/alzkat_aldogag.mp3

الرايح
11-30-2011, 10:23 AM
http://www.youtube.com/watch?v=e1ucxT-XGHE&feature=related

ابوشروق
01-24-2012, 08:56 AM
http://imagecache.te3p.com/imgcache/74dffefdcc58b958600d862ae4a37ca8.jpg

WIDTH=400 HEIGHT=18
حليــلي
.قالو جاني علي رويحتي انا
وسمو ريدتنا السخافا
الا ما اهتميت وحاتك
وكت بشوف دنيانا يافا
ايدي فوق مجداف هوانا ومهما كان بعد المسافة
قصدي مركب ريدنا ترسى
وتلقى بين عينيك ضفافا
كنت فاكرك يوم عرفتك
في زمن ريدنا المعافى
خاتفة من تاجوج جمالا
وماخدي من مريم عفافا
حتى زهرتنا البتبسم
زي عروس في يوم زفافا
للقدر سبتيها راضي
لما عجل بي نشافا
درتي الفقدت بريقا
وبهجتي الصارت خرافة
ذكرتك بينات ضلوعي
ولسة في عينيا فافا
الا بعدك ما بجرب
تاني دنيا الريد بخافا
ولا عيونك قلبي بقدر
في الزمان يعشق خلافا
كت مجازف بي حياتي
وروحي ساكت الله شافا
داجي زي عرب الصحاري الراجي تشرب من جفافا
آآآه علي روحي البتصرخ
وانتي ما هماك هتافا
والمصير قداما اسود والضياع اخر مطافا
الزمان علمني اصبر
كلما سلط لي آفه
والسنين من قُم صغير
اصلي ما شُف غير عجافا
الوداع يا زول دواخلو
ماها زي ظاهرو القيافه
الوداع يا دنيا ليا اتفرش بالهم لحافا
الوداع اخر كلامي ويلا نتجرع زعافا
وقبل اقول انا في الرسالة
ليكي بكتبا فوق غلافا

الرايح
01-28-2012, 09:27 AM
اجمل الاشعار الشايقية
تشكر ياحبيب

الرايح
02-06-2012, 10:22 AM
الطمبور صديقنا وعزنا وملجاءنا وكتين السنين تفتح بوابة احزانا
مما قمنا نسمع فيهو لا ملينا لا ملانا ذي ابل الرحول شايلي السقي وعطشانا

ابوشروق
02-21-2012, 08:40 AM
كلما أقول أنساك لا بيني لا بينك
القى الحنين جواي
يسأل يقول وينك
مع إني لي سنين
بينات زنازينك
عشمان أطول في يوم
وأدخل بساتينك
فجر الأماني الطاش
عشمتو بي لينك
بعد اطمئن خلاص
جيت بي قوانينك
حبيت عيونك ديل
من جوة احساسي
قدستهن تقديس
في شعري وأنفاسي
كانن معاي كالطيف
في الهيني والقاسي
لكن بدون أسباب
جافنني يا ناسي
جواك وتر حساس غالبني تفسيرو
وقتين يرن تنداح نغمة مزاميرو
فيهو بلقى هناي
وأفهم تعابيرو
لو حتى فيهو شقاي
أنا ما بدور غيرو
مما عرفت الريد
وأهديتك احساسي
جواي سؤال مطروح زاحمني في أنفاسي
ليه إنتا دون الناس
دايما علي قاسي
قول لي ياتو يوم راعيت اخلاصي
بلقاك معاي بلقاك في كل لحظة ويوم
بقراك كتاب مفتوح
في زحمة الخرطوم
بلقاك يوم العيد
ويوم مولد المعصوم
بلقاك نخيل مدود
فوقو القماري تحوم
بمشيهو مهما طال مهما بقيت محروم
لامن أموت في رجاك
ولا القيامي تقوم
http://www.sudanyat.org/upload/uploads/la_beni_la_beenak.mp3

ابوشروق
12-08-2012, 04:13 PM
جميله وجد
جميله وجد وليك الحق تقعدي بعيد
وبينك وبينا يصبح سد
سالتك بالذي سواكي ابدع وصورك هزب
تقولي سلام
عشان انداح
واقولك الف ميه مرحب
زيك مفترض ما يقرا لا يكتب ولا يتعب
تجيهو شهاتو عند البيت
إلا الدنيا بس بت كلب
لو ريسنا يسمح لينا
ياتو الصح وياتو غلط
يسن منشور قرار جمهوري من بابكم يسوي زلط
وزير الخطه والاسكان يحاكمو لانو شغلو غلط
سواء الجامعه في امدرمان
وبيتكم في الصحافه زلط
لو باليد تدرسي عام
وندرس عام
عشان الدفعه ما تحبط
عشان نضمن نجاجه اكيد
وباكر ما يقولو سقط
لو باليد نجيب الطلبه يوقفو صف
ونبدا ننقي بالدرجات
منو العادي ومنو الاسمح
عميدنا يقيف ويتكلم منو أللقمة يترشح
نجلس امتحان قدرات
جمال ووسامه
كل الساحه تضوي نجف
a تخديها دون تصريح وكلنا جمله ناخد

نوار
12-09-2012, 08:49 PM
اغاني الطمبور روعه وانا من محبيها يسلمووووووو وهااااااااااااااااااك واحده
عافي منك
علاء الدين عبدالرحيم
عبدالرحيم ارقى
عـــافــيـــة مــنــك وراضــيــة عنــك سـو رضايـا ومـــا بـيــخــــيــــب الـرضــا والـدتــو يـا جــنـايـا
أنت مـن يـا دوب صـغــيــر مـن زمان دايماً مـعايا أنــت ديـمـه أمـامـي سـايــر مـا بخـليـك بـي قـفايـا
ما بتغيب من عيني لحـظـة ولا حصـل سبتك ورايا لا من الله يشيـل أمانتوا أنا بـبقي خاصاك بالرعـاية
ليَ يــرعــاك الـبـيــرعـي لـيَ بـيــك يبـــرد حشايـا أصــلـك أنــت هـديـه مـنـو والله بـيـك أجزل عطايا
جيـتــنـي واحـد مالـي تــانى رحمـه في آخر صبايا قـبــل مــا أفــقـد قــدرتـي وقـبــل مـا تنـهـار قـوايـا
جيـتـنـي ذي بـدر منـور وفجـأة طلـيــت فـي سمـايا انـت لــمـا خـلاص كـبـرتـا دار تسيبني أعيش برايا
دار تفـارقـني وتسـافـر والحـزن يصـبح جـزايا كيـف يهـون لك تحـزن أمك شان تحقق ليك غاية
كان مسـافر شـان عـلاجي بلقي في شوفـتك دوايـا وكان عشـان تسقـينا نهلك نحن بي حنك روايا
كان عشـان كـرعيـنا راحـل نحـن بي بعـدك حفايا كان مهاجر شان تعرس خير أبوك مالي التكايا:smilie14:
خيرو وافر أبوك يحمدوا مراحو مليان بالسعايا وبالقروش الجيب مجكن ولسه برضو الجايا جايا
برضـي منـك مـا بقـصـر بحـفـر أديـك المعـايا كان ده كلـو كمـان شُـويّ بتلقـي في دهـبي الكفايا
أصـلـي مـن سـويـتـو نـاذرا إبـقـي لـي أيـام قـسـايـا خـاتـا للـزمـن البعـانـد لي سعـادتك يا عشـايا
أنـت مـن شبـيـت صغـير راسي ما بتحتاج وصايا ما حصل خيبتا ظني ولا فشل فيك زين غنـايا
لا تسـيـب أمــك تـهـاجــر يـمـه محـتـــاجــي الحـمايا لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا أنت سـاعـة تـبـقي جنـبـي تـبـقـي ضُـلـي وتـوب قفايا
ومـا بخــاف ظـلـم الـلــيـالي وأنـت يــاك عـكاز عمايا دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذاياعـلـي حـجــر دايـمـاً قليـبـك وقليـبـي كـله عليـك جنـايا

الرايح
03-08-2014, 08:56 AM
أنت لـى ويـن ماشـى يافاقـد سبيلـك
جـوة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
أنــت باديـلـك طـريـق مابنتهيـلـك
***
ضـارب الوديـان تفـتـش والـبـرارى
فى ضـلام الـروح تهبـش ماكـا دارى
انـو مكتوبلـك مصيـر ذى الغـفـارى
ولامتيـن تقعـد تصـارع مستحيـلـك ؟
***
انت حلمك تمسـك الضـو بيـن ايدينـك
الشعاع مابتمسك رغم انو فيك ومالى عينك
السـراب سـراب يسـرب فـى سنينـك
وانت ماك عـارف شمالـك مـن يمينـك
***
ماشى وين يا عابر ارجـع لـى صوابـك
باباك المسـدود تصـور حتـى بابـك !!
فيـه مكتـوب ليـك مليـون ماحبابـك !
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك
***
الحلم جنبك قريب لكنو فـى بعـد الثريـا
ياشعـاع مـن نـازل الــذات العلـيـا
داير اضمـك مـرة بـس بينـات ايديـا
وداير اصرخ مرة فى وش الزمان المابقدر
كـان صراخـى يخفـف الالام شـويـة
أو صـداه يخـدرك يحـجـاك يقيـلـك
***
اّهـة ياسخـريـة الاقــدار خـسـارة
ويا وجع ناس اصبـح الانسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور احلامو قبل اليـوم دا هيلـك
***
داير أكونلو حتـى لـى لحظـات انانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك[/QUOTE]

http://www.albrkal.com/upload/uploads/Assrab.mp3

فاقد سبيلك
حمل من هنــــاء (http://www.albrkal.com/upload/uploads/Assrab.mp3)

الرايح
05-07-2014, 10:37 PM
الطمبــور سماحتــو القمـرة مالـي سمـانا

الليــل والسكــون والرمـلة كالمرجـانه

نتلملــم نكــون فـي شـلة زاهـية الـوانا

نضــحك ننبســط لـما الصـباح يلقـانا

الرايح
10-14-2014, 12:26 AM
http://lh6.ggpht.com/_0pw0QJOoyI8/TA6cor-pQJI/AAAAAAAAAnQ/cOCGYDw1Ipc/endkgyheen.gif
تندلقي حن ....
مرات جفاكي بلا اذن ..
شن تلقي إن ماتت عيون اللهفة ...
و الشوق داير يجن
غنيت لهن ..
لمن موهدب فزتبن ..
ختيت لهن رغم المخاوف أمنهن ..
ناديت لهن فهمني شي .. وشابيت لهن اضحك و ائن ..
وانا اقسى كيف.. اقسى كيف .. ما ياني فيهن ومنهن..
لا تجرح الاشواق اذا شابن عليك لا تجرحن ..
ولا تحرج الافكار .. ازا ما انفج ضيق ضيقتهن
اهديت لهن عمري الفضل .. اهدن لي اروع ما اظن
وانا اشقى كيف وجداني فيك صدق العشق يتخللن ..
يسعد صفاك ايامي وارقد مطمئن ..
وينسف جفاك احلامي واصبح واعي جن ..
عانيت عشان اصل الضفاف القيف يلوح والبوح يصن..
وانا ارسى فيك .. والفيك يزيد الفي وزن ..
شقّيت صحاى الدهشة بيك وادهشتهن ..
منّيت دواخل الروح تتوهكــ وتنسجن ..
لازَم يقيني ثبات خطاي آه يا رجا الزول اليقن..
تندلقي واجفس استأنسك لوعة وسماح يتآنسن..
الدنيا ما بترجى السكات .. والفيها ما عاد ينضمن..
اضمن تلاقي الامنيات باكيات تكفف دمعهن ..
سهر المياه في نيلا روح .. زكرى الجروح اتقبّلن ..
وعاين مدى الاشواق طمح .. ينحس بس ما بينتبن ..[/QUOTE]