بحري ..... نفر [الأرشيف] - منتديات رفاعة للجميع

مشاهدة النسخة كاملة : بحري ..... نفر

Nola

05-30-2005, 01:21 PM

منال احمد عبد الجبار

الخرطوم بحري

موظفة - برنامج الامم المتحدة الانمائي UNDP

طبعاً في سؤالين بخلو البت تخش في غيبوبه

1. الحاله الاجتماعة : عازبه :lol: :lol: :lol: :lol:

2. العمر : في احد الصباحات الندية 8/8/1973 :( :( :( :( :(

vbadmin

05-30-2005, 10:48 PM

الابنة منال
لك التحية والتقدير واهلا ومرحبا بك وربنا يديك طولة العمر ويجعل كل أيامك أفراحا وتجاوبي على السؤالين وأنت هاشة وباشة

فلانه الفلانيه

06-25-2005, 03:22 PM

مرحبه ياخت منال
ياريت لو كان عندى اخو من رفاعه كان عرستو ليك بما انك معجبه بناس رفاعه
بس اخوى واحد واكبر منك بسنه وعندوا ولدين بضرا ان شاءالله راجل مره .
يابحرى سر الهوى وغير بحرى مالى دوا

الصادق عبدالله ضرار

06-25-2005, 05:12 PM

الاخت فلانه
الاخت منال رتنا اسمها
انت لسه
اختنا سلمى الجعلى برضو
ياريت نعرفك

Abdo Osman

06-27-2005, 11:41 AM

السلام عليكم فى مدينتانا رفاعة
من رفاعة سلام
وكمان من عبدالمنعم سلام

فلانه الفلانيه

06-27-2005, 02:16 PM

الاخ الصادق
انا واحده معجبه جدا بناس رفاعه
وبمنتدهم بس عندى ملاحظه
لى العنصر النسائى عندكم مشراكتوا ضعيفه جدا ماذى باقى المنتديات
ولا بنات رفاعه مامثقفين وبعرفوا اتعملوا مع الانترنت؟والكمبيوتر خاص بالرجال عندكم بس؟

عبدالله إبنعوف

06-27-2005, 02:35 PM

الأخت فلانة الفلانية

تحياتي

السؤال الذي يفرض نفسه هل أنتي من رفاعة ؟ هنا بتقولي إنك معجبة بناس رفاعة ، وبتقولي للأخت نولا لو كان عندك أخ من رفاعة كان حتزوجيه ليها ، وفي منتدي نشاطات الرابطة بتقترحي إرسال الملابس المستعلمة لأهلنا في رفاعة ؟

إن كنت من بنات رفاعة فإيدك معانا أطرحي فكرة إنضمام الموقع والمنتدى على الأخوات وياريت تثقفيهم كمان وتعلميهم كيف يستعملوا الكمبيوتر والدخول للإنترنت .

مع تيحاتنا جميعاً

فلانه الفلانيه

06-27-2005, 09:26 PM

ياريت لو كنت من ناس رفاعه لو الزول باختار اصلوا كان غيرت اصلى وبقيت من رفاعه الله اهنيكم بى بلدكم . لكن ما اتخيل انه لو اى واحد منكم طلب من زوجته تشارك حاترفض خاصة انوا البلد دى مافيه موضوع لى النسوان يعنى فى فراغ قاتل.

معتصم سليمان بابكر

06-28-2005, 12:51 AM

الاخ المحترم جدا abuheba

لافض فوك ربطك رهيييييييييييب والله (سؤالك الله أعلم كان تلقى ليهو اجابة مقنعة )

ودى رفاعة الفهم والعلم ورفاعة دايما باهلها

ودعنى من هنا احى الاخت نولا واقول ليها الف مرحبتين حبابك بين اخوانك ناس رفاعة

سائلا الله العلى القدير ان يمتعكم بالصحة والعافية

الصادق عبدالله ضرار

06-28-2005, 04:00 AM

الاخت فلانه

كيفك
طبعا قلت انو العنصر التسائي مشاركتو ضعيفه من بنات البلد ودى حقيقه امكن بعض الاخوات بدخلوا من غير تسجيل او معظمهم مشغولات بالبيت والاولاد....لكن اتمنى فى محيطك انك تدعى من تعرفى وسر الرجال انو النت بقى اليوم فى مكان الشغل والبيت فلهذا السبب بدخلوا اكتر...

يدك معانا
ومرحب بيك كان من رفاعه ولى لا المهمه انت معانا انتماء فى كل الاحوال...
دمت

Nola

07-04-2005, 08:52 AM

الادارة

شكرا علي الترحيب

واعتباري منكم وبتكم

Nola

07-04-2005, 09:04 AM

الاخت فلانة الفلانية

حبابك عشره يا اختي بيناتنا

اجل معجبة اشد الاعجاب بي ناس رفاعة لم وجدته

من تعامل راقي واحترام منذ ان اتيت اليهم في دارهم

شكرا ليك ....

بس يا اختي ..

تمنيت لو كنت انزلتي بوست تعريفي عشان الواحد يكون عارف بتكلم مع منو

هسي انا المن خارج رفاعة عرفت بنفسي بكل وضوح ولم اجد اي حرج في ذلك.

اتمنى ان تعرفي عن نفسك وسوف تجدي كل ترحيب من ناس رفاعة.

نولا

Nola

07-04-2005, 09:09 AM

abdo Osman

الله يسلمك ومشكور علي الترحيب

Nola

07-04-2005, 09:11 AM

معتصم سليمان

يديك العافية ... ومشكور علي الترحيب

انا بين اهلي واخواني واجد مهم كل احترام وتقدير

Abdo Osman

07-05-2005, 08:46 PM

ناس بحرى ازيكم
داير اقول ليكم دوما رفاعة الترحاب شيمتها فعلى العموم نشكركم على الرد والاهتمام الصادق وانشاء دوماً وانشاء تعم الفائدة لنا ولكم ...
والختام سلام
ومن رفاعة سلام
وكمان من عبدو عثمان أحــــــــر سلام

نـــــزار الدانـــــــــي

07-06-2005, 10:20 AM

"فلانه الفلانيه"الاخ الصادق
انا واحده معجبه جدا بناس رفاعه
وبمنتدهم بس عندى ملاحظه
لى العنصر النسائى عندكم مشراكتوا ضعيفه جدا ماذى باقى المنتديات
ولا بنات رفاعه مامثقفين وبعرفوا اتعملوا مع الانترنت؟والكمبيوتر خاص بالرجال عندكم بس؟[/quote]

الأخت فلانة الفلانية

أولاً : تحية طيبة لك
ثانيا : مرحب بيك وسط أهل الكرم والجود والعلم والثقافة والرياضة و ....الخ
ثالثاً : انت الظاهر ما بتعرفي ناس رفاعة كويس ـ الظاهر مرة دخلت على الإنترنت وبالصدفة لقيت المنتدى بتاعهم ودخلت وقلت ما قلت ...
رابعاً : كلامك عن فراغ بنات رفاعة صحيح ولكن فيه دخن يعني قد يكون في شوية فراغ لكنه فراغ خارج عن الإرادة يعني الواحدة فيهم لو تهيأ ليها الإنترنت ما كانت قصرت لكن العين بصيرة والايد قصيرة والحالة دي عامة ليس في رفاعة وحدها بل تشمل كل بنات السودان حتى بنات الخرطوم ولو وجدت بنات رفاعة عشر ما يجدنه بنات الخرطوم لتحولت عاصمة السودان إلى رفاعة بلا منازع
ثم إن كلامك عن فراغ بنات رفاعة ، يفترض الواحد لما يدخل على الإنترنت يدخل عشان يستفيد ويثقف ويتعلم ،،،مش عشان يقضي وقت ويقتل الفراغ
خامساً : مسست ثقافة بنات رفاعة بتلميح ساخر مغزاه عميق ،،، ورداً على ذلك أقول : إنني لا أود أن أطيل في مدح بنات رفاعة ولكن يكفي (ولا فخر ) أنه ماذكر تعليم البنات في السودان إلا وذكرت بنات رفاعة بل ويكفي أن أول مدرسة للبنات في السودان كانت وما تزال قائمة شامخة موجودة في رفاعة ويحضرني في هذا المقال حادثة طريفة لا أستحضر حالياً أين قرأتها المهم في حاجة كبيرة في السن مرة دخلت البنك تقضي بعض المعاملات فطلب منها الموظف المختص أن تبصم على الأوراق (يعني ما متخيل إنو في حاجة كبيرة ذي دي ممكن تكون بتفك الخط ناهيك تكون متعلمة أو مثقفة) المهم ما كان من الحاجة إلا وأن أخرجت قلماً أنيقاً ووقعت توقيعاً ولا كوفي عنان ذاتو يوقع زيه ،،، طبعاً موظف البنك (الكلام دة طبعاً في الخرطوم) إندهش ولكنه كان يريد أن يزيل هذا الإندهاش بسؤال يرسخ القاعدة التي يرتكز عليها اعتقاده فقام سألها طوالي : ياحاجة إنت من رفاعة :!: ولا تعليق

Mchamza

07-06-2005, 10:48 AM

:P اكييييييييييييييد من رفاعه..

Nola

07-06-2005, 11:02 AM

الاخ عبدو سليمان

كدابي بكم انتم اهله وناسه

ومشكور مره ثانيه

وبرضو من رفاعة فرع بحري سلام

Nola

07-06-2005, 11:05 AM

الاخ نزار الداني

لا فض فوه

اوجزت فابنت

وشكرا علي المرور

فلانه الفلانيه

07-07-2005, 01:50 AM

لك الف سلام وتحيه
الاخ نزار الدانى
والله العظيم من حلف بى الله ماخلا حاجه انا بعرف بيتين فى الشرقيه عندهم انترنت فى البيت بدخلوا بعاينوا بعيونهم ساى بعدين يانزار لو انا مريت بس ما كان بتلاقنى مشاركه فى كم موضوع انا المزعلنى انه رفاعه بلد العلم وكل حاجه لكن النسوان ال انا شفوتهم فى البلد دى من رفاعه راسن فاضى ما عندهم غير قالو وقلنا والكلام الفارغ والله انا عاشرتهم بعدين ماتزعل اى مكان فيه الخير والشر مثلا بقولوا الشوايقه بخلا كلهم بالتاكيد لا
بعدين يانزار ماهم لو بدخلوا بكون فى موضوع الواحده بتتكلم عن الموضوع القرتو فى الانترنت
وعلى الفراغ حاصل سوا كان فى نت او غيروا
يارب ترد غربتنا

البرينسيسه

07-07-2005, 04:45 PM

الاخت فلانه الفلانيه
ياجماعه هوى خلونى لى البت دى يانزار ويالصادق وياعبدالله بن عوف(ابوهبه)
انا بنت وهى بنت بنقدر نتفاهم مع بعض
يافلانه الفلانيه انتى منو وعشان تشاركينا بجديه ياريت مافى داعى تتطاولى على رفاعه العلم والمعرفه والحضاره والرقى والفهم والذوق رفاعه اى حاجه سمحه واحنا والله مابنرضىا فيها والمنتدى دا حاتجنى منه ثمار كتيره واهو دا عملوا منتدى حواء وحاتشوفى ابدعات ناس رفاعه وتعالى بعد سنه وزورى رفاعه ومنتداها ورينا رايك ونادى معاك علانه

nozhajamila

11-18-2006, 05:48 PM

ندى بكرى

11-18-2006, 10:18 PM

Nola

11-19-2006, 01:12 PM

بمناسبة مرور عام ونصف العام على تأسيس الموقع بحثت في المواضيع القديمة فأحببت رفع هذا البوست الذي يبين تاريخ إنتساب الأخت نولا للمنتدى ، وعمرها بالمنتدى يساوي عمر المنتدى مما يعني أنها من أوائل الذين شاركوا في وضع اللبنات الأولى للأخت نولا . التحية للأخت نولا وهي تشارك معنا برأيها ومالها من أجل رفاعة , ولها الشكر

ياسر احمد ...

ياااااااااااااااااااااااااااااااااااااه ... دا جبتو من وين الليله .؟؟؟

اعدتني لي الزمن الجميل والله ... يوم ان حططت رحلي ... في البيت الحميم منتدي رفاعة ... وكان الاستمرار هو ما حض ايامي ودفعها من غير احتراس الى هذا الذى يسمونه حميمة التواجد ... بين اناس يجيدون الحنين ... والاخاء ....

وكل ما ادركه الآن وبعد مرور العام ونصفه هو انني فى عالم يجلله الانقياء.... يكتبون كلمات يشدها الحنين الى ارض النيل ...

ياسر ...
لك دوما .... فى القلب مكان

Nola

11-19-2006, 01:16 PM

نولاً البندولة عاااام

مديد ,,, شكـــــــــرا الرائع ياسر ونولا تستاااااااااهل :mh258:

ندي بكري ...

البت الاعتزاز

يكفي عبورك من هنا زينة والق للبوست ...الشكر كله لعبورك الراقي ...

وليتي اكون كما تريني بكل ذالك الجمال...

ندي ...
ضجيج من الود لو تسمعين

بت الجنيد

11-19-2006, 04:39 PM

حين دارت فصول الحياة بافراحها ...

كان الفرح في كل الفصول ...

المنقة نولا يافرح كل المواسم ...

* الكلام دا بالجد ...:mh44: