رياضة رفاعة في خطر

[عادل الريح]

نعم رياضتنا في خطر - والخطر بدأ عندما تحركت مناطق زي تمبول - وودراوة وقالوا دايرن يعملوا اتحاد ات محلية خاصة بهم ... طبعا عارفين ده معناه شنو ... معناه الرياضة عندنا تموت زى ما حولنا الى محلية تابعة للريفي - وبصراحة لو لا علاقات اتحادنا المحلي القوية - بالاتحاد العام كان ممكن الامر ده يحصل - ولو قدر الله وفازت مجموعة التجديد في اية انتخابات مقبلة بالاتحاد العام المناطق سوف تحصل هذه المناطق على ما تريده - لان شداد ضد الفكرة ولان الامر في النهاية تكتيك بتاع انتخابات واتحاد رفاعة وغيرة من الاتحادات المؤيدة لشداد - وصراحة انا النقطة دي عجباني مرة - وتحية خاصة لهم - بس لازم يعملوا مليون حساب للنقطة دى وان شاء الله في الجمعية العامة لانتخابات الاتحاد العام يحاولوا اصدار قرار منها بعدم خلق اندية محلية جديدة خاصة في منطقتنا وده ممكن لو جماعتنا فطنوا للموضوع من الان

[الصادق عبدالله ضرار]

يديك العافيه ود الكيه

كمان مع المنتدى الرياضى نتمنى ان نعرف اخبار الدورى فى رفاعه اول باول ياريت

[Nazar Hussien Babkir Frie]

الاخ عادل الريح : ود الكية
لقد قراءات موضوعك حول الخطر الذي تعاني معه الرياضة بمدينتنا رفاعة والذي اثرت فيه موضوع انشاء اتحادات فرعية خاصة بالمناطق المجاورة لرفاعة ومدي تاثير ذلك علي الرياضة بمدينة رفاعة ، مع العلم بان الرياضة بمدينة رفاعة لم ولن تتطور مادام اهلها بعيدون عنها علما بان الرياضة قد اضحت الان تعتمد اعتمادا كليا علي الموارد
المالية فالزائر الى الاندية بمدينة اول ما يلاحظه غياب تام لمعظم ابناء المدينة من ارتيادها اللهم الا من يقبضون على الجمر من ابناء مدينتنا، فالسواد الععظم من الرواد هم من قاطني المدينة الجدد ، فلا هم لهم سوي ازجاء الوقت في لعب الضمنة ووورق الكوتشينة اما الهتمام بالنادي من حيث انه مؤسسة تربوية شاملة لكل مناحي الحياة سواؤ اكانت ثقافية ام اجتماعية ام رياصية ، فلتتطور الرياضة في رفاعة او غيرها من المدن الصغيرة لابد من ايجاد سبل الدعم المادي لها من راس المال المحلي اي من الموسرلاين من ابناء رفاعة فهم من يقع علي عاتقهم كيفية استثمار الرياضة حتي تعود بالنفع على المدينة وعلى ابنائها ، كما ان المبادرات الفردية قد نضب معينها ودوننا مبادرة المرحوم الاستاذ الجليل عليه رحمة الله عبد المنعم الاغبش في جمعه لشباب رفاعة فى تلك الفترة الجميلة التي عاششتها المدينة من نهضة رياضية افرزت العديد من المواهب التي اذدهرت بها الرياضة برفاعة وامتد تاثيرها لينطلق منها سانتو اخوان نحو القمة الهلال والمريخ ، كما انني الحظ ان المبرزين من ابناء رفاعة يكون غاية طموحهم هو اللعب لاندية الحصاحيصا لمدة موسم او موسمين وبعدها العودة لرفاعة مرة اخري وهم كثر ماعدا لاعب او لاعبين نتقلوا لفرق بورتسودان اخرهم يوسف الصيني الذي انتقل موخرا لمريخ العاصمة ، فام المشاكل في رفاعة هي عدم قدرة انبائها المبرزين رياضيا على مفارقتها لارتباطهم بعلاقات اجتماعية تشدهم نحو البقاء برفاعة دون الطموح للارتقاء بمواهبهم نحو افاق ارحب اي نحو القمة الهلال والمريخ ، هذا ما عن لى للرد عليه مع الوعد بالرد على الاخ نادر المريخابي لنعيد شيئا من رونق المداعبة عند التقاء الهلال والمريخ فموعدي معك نادر بعد انتهاء المبارة لتكون اولى رسائلي اليك متمنيا الا تهرب حينما ينتصر الهلال على المريخ كالعادة .
وشكرا
ابوفاطمة

[عادل الريح]

عليك نور ابو فاطمة - تعرف الخطا الاستراتيجيى القائمة عليهو الرياضة مش في رفاعة في السودان كله هو ان كل اندية الاقاليم تعمل كمصانع عشان تفرخ لاعبين لاندية الهلال والمريخ - ودى مشكلة عدم تطور الكرة السودانية - يعنى في النهاية الناس تعمل وتجتهد لانك في النهاية الدورى يا المريخ او الهلال - دي اتحاد شداد حاول حلها بطريقة الدورى المفتوح وعشان كدى اندية الخرطوم كلها ضده - وديل ناس المصالح - وفعلا الرياضة في رفاعة دايرة وقفة - والله كل شئ في رفاعة داير وقفة - وبصراحة نحن عشان تطور ويكون في تنافس حقو نعمل تيم للهلالية ودرواة وتمبول والجنيد وتكون ضمن الاتحاد زمان كانت في بانت وابو جلفة - والكلام ده قارنة بتيم العزبية اي مباراة كانت طرفها العزبية دخلها بيكون في السماء - وبعدين الوضع تغير نحن في الشعلة سجلنا بلاش الوحيد السجل بشئ سانتو الكبير وبعجلة - انا اخوى عبداللطيف ابنعوف قالى بجيب ليك كدارة ادداس والله لليوم ما جاءت ولا انا سألته منها ( اطنه الوقت داك كان جافل على اخونا عبدالله ) مع العلم انا وعبداللطيف كنا طلبة في العالي وحماس عبداللطيف هو الدفعه لذلك شوف الفرق بين الامس واليوم

[عبدالله إبنعوف]

الأخ العزيز عادل

كلامك دا عديل وسمح ، واضرب لك مثل أخوانا " حفظهم الله " عثمان الإسيد وصلاح إشتانير كانوا بجوا من الخرطوم على حسابهم يلعبوا الماتش وتاني يوم يرجعوا الجامعة وحتى جزم الكورة كانت على حسابهم ، وريسنا العظيم والكبير في كل شيْء " عبدالرحمن حاج عبيد " حفظه الله ومتعه بالصحة والعافية ، كان يحدٍر للجماعة ويقول ليهم " ياجماعة ما تشوفوا عثمان وصلاح ديل " ، " والله حدرتو كانت تذوب جبل " والكل بيقيف ليه تعظيم ، ولما كان ينادي واحد من اللعيبة أو الإداريين " وهو قاعد في السباتة - قعدتوا المفضلة " المُنادى عليه دا يتحصن ويقرأ آية الكرسي وياسين ويسأل نفسو ألف مرة ويقول " ياجماعة أنا الليلة مالي عملت شنو " .

لك أخي عادل ، أن تقارن بين لاعب اليوم وإداري اليوم ولاعب الأمس وإداري الأمس ، يا ترى هل هناك أي وجه مقارنة أو شبه .

بعدين حقك محفوظ بالنسبة للأديداس بس إنت أمش ألعب في الشعلة الآن وبنفس المستوى ، بس تعرف عبداللطيف غلط يا ريت لو قال لي ، معليش دي غلطة نحاسبو عليها لما يدخل معانا هنا

لكم خالص المودة والتقدير Wednesday, June 01, 2005 11:02:12 AM

[عبدالله إبنعوف]

الأخ العزيز عادل

كلامك دا عديل وسمح ، واضرب لك مثل أخوانا " حفظهم الله " عثمان الإسيد وصلاح إشتانير كانوا بجوا من الخرطوم على حسابهم يلعبوا الماتش وتاني يوم يرجعوا الجامعة وحتى جزم الكورة كانت على حسابهم ، وريسنا العظيم والكبير في كل شيْء " عبدالرحمن حاج عبيد " حفظه الله ومتعه بالصحة والعافية ، كان يحدٍر للجماعة ويقول ليهم " ياجماعة ما تشوفوا عثمان وصلاح ديل " ، " والله حدرتو كانت تذوب جبل " والكل بيقيف ليه تعظيم ، ولما كان ينادي واحد من اللعيبة أو الإداريين " وهو قاعد في السباتة - قعدتوا المفضلة " المُنادى عليه دا يتحصن ويقرأ آية الكرسي وياسين ويسأل نفسو ألف مرة ويقول " ياجماعة أنا الليلة مالي عملت شنو " .

لك أخي عادل ، أن تقارن بين لاعب اليوم وإداري اليوم ولاعب الأمس وإداري الأمس ، يا ترى هل هناك أي وجه مقارنة أو شبه .

بعدين حقك محفوظ بالنسبة للأديداس بس إنت أمش ألعب في الشعلة الآن وبنفس المستوى ، بس تعرف عبداللطيف غلط يا ريت لو قال لي ، معليش دي غلطة نحاسبو عليها لما يدخل معانا هنا

لكم خالص المودة والتقدير Wednesday, June 01, 2005 11:02:12 AM

[عادل الريح]

مشكور يا عبدالله والله ما بتقصر - وانا بالموضوع قصدت اورى فقط مجد الرياضة الماضى وعلاقة الاداري واللاعب والمشجع بالنادي كانت كيف - وعبداللطيف رفيق درب وزميل دراسة وهو ونزار فريجون وعلى موسى ود حلوانىلا كانوا السبب في تسجيلي للشعلة مع انو انا كنت اقرب للاهلي - والحمد لله الشعلة كانت مدرسة استفدنا منها كثير جدا - وتشرفنا بمعرفة عمالقة مثل الوالد والعم والمربي ابو الحاج - بابكر عبدالرحيم - الطيب بشير الطالب - الاستاذ عبدالرحيم المدني - ابو رجلية - والاستاذ سمير المدني - وانتو عرفانكم لما جاءنا ست فنانيل المريخ ما لبسه وقالوا ده جابوه ناس الشعلة في السعودية - الله يديم المحبة والود بين الاخوان ويحفظ كيان الشعلة دوما وابدا

[عادل الريح]

مشكور يا عبدالله والله ما بتقصر - وانا بالموضوع قصدت اورى فقط مجد الرياضة الماضى وعلاقة الاداري واللاعب والمشجع بالنادي كانت كيف - وعبداللطيف رفيق درب وزميل دراسة وهو ونزار فريجون وعلى موسى ود حلوانىلا كانوا السبب في تسجيلي للشعلة مع انو انا كنت اقرب للاهلي - والحمد لله الشعلة كانت مدرسة استفدنا منها كثير جدا - وتشرفنا بمعرفة عمالقة مثل الوالد والعم والمربي ابو الحاج - بابكر عبدالرحيم - الطيب بشير الطالب - الاستاذ عبدالرحيم المدني - ابو رجلية - والاستاذ سمير المدني - وانتو عرفانكم لما جاءنا ست فنانيل المريخ ما لبسه وقالوا ده جابوه ناس الشعلة في السعودية - الله يديم المحبة والود بين الاخوان ويحفظ كيان الشعلة دوما وابدا

[عادل الريح]

مشكور يا عبدالله والله ما بتقصر - وانا بالموضوع قصدت اورى فقط مجد الرياضة الماضى وعلاقة الاداري واللاعب والمشجع بالنادي كانت كيف - وعبداللطيف رفيق درب وزميل دراسة وهو ونزار فريجون وعلى موسى ود حلوانىلا كانوا السبب في تسجيلي للشعلة مع انو انا كنت اقرب للاهلي - والحمد لله الشعلة كانت مدرسة استفدنا منها كثير جدا - وتشرفنا بمعرفة عمالقة مثل الوالد والعم والمربي ابو الحاج - بابكر عبدالرحيم - الطيب بشير الطالب - الاستاذ عبدالرحيم المدني - ابو رجلية - والاستاذ سمير المدني - وانتو عرفانكم لما جاءنا ست فنانيل المريخ ما لبسه وقالوا ده جابوه ناس الشعلة في السعودية - الله يديم المحبة والود بين الاخوان ويحفظ كيان الشعلة دوما وابدا