vivid
05-26-2005, 12:03 PM
[align=justify:0504ae1fb3]--------------------------------------------------------------------------------
الساعة اتناشر باليل
و الناس في سابع نومة
و الشخير عاكل في السماء
ما في صوت إلا هوهيو الكلاب
جارتنا (كلتوم) شالت توبها المشجر
و كربت بيهو نصها
لمن (الكرشة) بتاعتها اتكومت قدامها ذي (الدلوكة)
و قالت كدا اتشعبطت ليك في الحيطة الحدودية
البتفصل بين بيتها الحدادي و المدادي بـ(حي البهلة)
و بين بيتنا العامل ذي علبة الكبريت
الله يجازي محنك يا (كلتوم)
و الله الحيطة دي طولها تلاتة أمتار
لكن لحدي هسي انا راس (كلتوم) دا شفتو بي فوق الحيطة كيف ما عارف
الله بسعلني انا قلتا يمكن يكون (كلتوم) دي شالها حمار النوم
و هي ما جايبة خبر
المهم مدت لينا رقبتها مترين بي فوق الحيطة
و فتحت ليك خشمها العريض داك
و قعدت تجعر ذي المخنوقة : يا فيفيد - فيييفييييد - فيفييييييييييييييد
انا قمتا من النوم مخلوع ذي الطقتني عقرب
و قعدت اتلفت ذات اليمين و ذات الشمال
عشان اشوف البنادي في (فيفيد) دا منو
لكن ما لقيت أي زول
بس الساعة الرفعت ليك فيها راسي فرق الحيطة
كان أشوف ليك شبح (كلتوم) متكوم في راس الحيطة
انا : كلتوم!!!!! بسم الله الرحمن الرحيم !!!!! مالك قاعدة في راس الحيطة
كلتوم : ود يا (فيفيد) - خالك بلة نايم و الا صاحي؟
انا : يا كلتوم الساعة اتناشر الناس كلهم غرقانين في النوم
كلتوم : جميل جداً
انا : هو شنو الجميل جداً
كلتوم : قوم يا (فيفيد) يا ولدي أمشي بشويش كدا
و أفتح حُقة التمباك بتاعت خالك (بلة) و جيب لي منها (سفة تمباك)
و الله يا ولدي (التمباك) راميني رمية عدوك
انا : التمباك راميك كيف يا (كلتوم) -
هسي انتي طالعة في الحيطة ذي متسلقين الجبال
كلتوم : ستين مرة يا (فيفيد) قلتا ليك انا عندي (الضرس)
انعل أبو دي (خرمة)
الخرمة بتاعت الساعة اتناشر باليل دي
انا ما شفتها إلا عند (كلتوم) جارتنا
و الله النساوين ديل قصتهن قصة
الواحدة تلقى سفتها ذي دقار اللوري
لمن تجي تسألها العلمك سف التمباك شنو
تقول ليك علمني ليهو (الضرس)
طيب كان كدا خلوني أسألكم
لو الضرس علمكم سف التمباك
العلمكم شرب السجار شنو؟
يكون وجع الحلق يعني؟
الغريب في الأمر انو في عيد الضحية
كانت كلتوم دي بتقرمش ليها في عضم بتاع مقرشة قدر الليلة و باكر
قام انحشر ليها حتة عضم في فرقات سنونها
جاتني كارا توبا في نصها و تتوحوح ذي اللحست ليها شطة
و فاتحا خشمها ذي كبوت النيسان
و قالت لي : عليك الله يا فيييفييييد
تعال أمرق لي العظم دا من سنوني
و الله انا لمن قعدت أفحص في سنونها
يا سبحان الله
ذي رصت السبحة
سنونها كاملة و سليمة من أي سوسة أو شرمة
قمتا قلت ليها بعد ما مرقتا ليها العضم : يا كلتوم
ضرسك العلمك التمباك في الصف الفوق و الا التحت
قامت قالت لي: دا الضرس الفي طرف لساني يا (سجم الرماد)
كدي سيبونا من (كلتوم)
و خلونا مع مناهل
مناهل دي بت ذي الليل
تكوي في الفكك
دي بت كشافة عدييييييل كدا الواحد ما بقدر يعاين ليها مرتين
دمار
إرهاب
صاحبة صوت ملائكي رهييييييييييييييييييييييييب
كانت هي البلبل و الفنان بتاع الدفعة بتاعتنا في الجامعة
لكن يا عيني مدمنة تمباك بي شراهة
كنت اليوم داك بشرح ليها عشان الامتحانات قربت
قامت البنت دي و بدون ما تخجل مني طلعت ليها علبة بتاعت (نيفيا)
و الله انا افتكرت انو البنت دي تكون عايزة تمسح (شلاليفا)
من السقط و البرد بتاع (أمدرمان)
بس اكتشفت انو مكشوفة الحال دي
عاملة علبة (النيفيا) دي حُقة بتاعت تمباك
و الله البنت المسلطة دي كرضمت ليها (سفة)
قدر حبة الطعمية
و ختتها في نص لسانها
و بي طرف اللسان
و بحركة قردية كدا تنم عن المهارة و الخبرة الطويلة في هذا المجال
قسمت (السفة) دي علي قسمين
ختت القسم الأول
تحت الشلوفا العليا عند بداية الضرس الأول ناحية اليمين
و ختت القسم الثاني
تحت الشلوفا العليا عند بداية الضرس الأول ناحية الشمال
دا كلو عشان الواحد ما يشوف الكرضمة بتاعت (السفة) في شلوفتها الحلوة
مدهش جداً يا (مناهل) و منكم نستفيد
انا : عندك ضرس يا (مناهل)؟
مناهل : لا لا لا يا (فيفيد)
بس ذي ما انت عارف اني بعد الامتحانات
عندي حفلة في (الريفييرا)
و لازم أظبط صوتي كويس
يا نسوان دي دعوه من مناهل بتقول ليكم
أنو التمباك بيظبط الصوت
فماذا انتم فاعلون؟!!!
لكن
في ناس بيرميهم التمباك
و في ناس بترميهم المخدرات
و في ناس بيرميهم الشاي
و في ناس بترميهم المريسة
و في ناس بترميهم الجبنة
و بمناسبة الجبنة و المريسة دي
نحنا مربين لينا غنمايتين
واحدة اسمها (الزريقة)
و التانية اسمها 0شواطين)
الغنمايتين حقننا ديل كمان قصتهم قصة
أولاً : غنمايتنا 0الزريقة)
مزاجها راااااااااااااااااااااايق
ذذي مزاج معلمين كبار
و كل الجلاكين بتاعين (حي البهلة) بيحترموها و بيقدروها
و بيكنوا ليها كل الود و الاحترم
عرفين ليه؟
كدي خلونا نعرف
خالتي (السعدية)
متعودة تقلي البن تحت ظل الشجرة بتاعت النيم بتاعتنا
عشان تظبط بيهو الجبنة بتاعت المغربية
غنمياتنا (الزريقة) كل يوم تجي من السرحة
تقوم تصنقر جنب خالتي (السعدية)
و هي تقلي في البن بتاعها
و تقعد تشمشم في ريحة البن
اها اليوم داك خالتي (السعدية) جاتا ملاريا
و الله لمن غطيناها بالبطانية من الحمى
قامت غنمايتنا (الزريقة) جات من السرحة
و رامياها ريحة البن
و قومي يا الغنماية و اتكومي جنب خالتي (السعدية)
خالتي (السعدية) رامياها الملاريا
و غنمايتنا (الزريقة) راميها ريحة البن
تلاتة يوم الغنماية دي ما بتتفاهم معانا
لا بتجر كراع
لا بتحرك ضنب
لا بتهز راس
راقدة سلطة
ا
ها لمن خالتي (السعدية) طابت من الملاريا
قالت لي : يا فيفيد
كدي جيب لي الكانون
و جيب ليا شوية (بن) خليني أقوم بيهو الغنماية دي
و الله الساعة الدخان بتاع (البن) دا عكل في السماء
انتي يا الغنماية قومي من رقدتك ديك
و قومي اتعركي في توب (خالتي السعدية)
يعني ذي البتقول لي خالتي : جزاك الله خير
ثانياً : غنمايتنا (شواطين)
مرتع صباها كان في (الصعيد)
و بالتحديد في منطقة (أبو حجار)
حاج سعيد بعد ما قبض حق الغنماية من اخوي الكبير
قال ليهو بالإنجليزي : BE CARE
اخوي المسكين ما عرف الكلام دي بيعني شنو
إلا بعد أن شرفت الغنماية المصون بيتنا العامر (بحي البهلة)
ناس الحلة سموها (شواطين)
نسبة لي شيطنتها المبالغ فيها
مرة تاكل زراعة حاج (متولي)
مرة تاكل عيش حاجة (علوية)
مرة تشرط هدوم حاجة (الشول)
مرة تلقاها طالعة في ريسين البيوت
مرة تلقاها نايمة في سرير حاج (التجاني)
الغنماية دي قصتها مع الخرمة و القرفة حاجة غريبة جداً
يوم كدا عمتي (فاطنة) قاعدة تغسل في هدومها
انتي يا (شواطين) تعالي و اقعي ليها في طش الغسيل بتاعها
و جدعت ليك
كراع شرق
و كراع غرب
و كراع جنوب
و كراع شمال
و الضنب وقفتو ذي اريل تلفزيون
عمتي قالت كدا و لفحت توبا في كتفها
و جرت لي محمد احمد البطري
الراجل كتر خيرو جاء و كشف علي شواطين
و قال ليها : يا حاجة (فاطنة) غنمايتك سكراااااااانة سكرة معلمين
بعد يومين اكتشفنا انو شواطين
قاعدة بتمشي لي بيت مشبوه جنبنا
و بتاكل عندهم المشكاب بتاع المريس
لكن الظاهر انها تقلت فيهو
بس يا جماعة دا كلو هين بس كعبة رمية مرض حامد
يوميات فيفيد
نُشرت في
26/05/2005م[/align:0504ae1fb3]
الساعة اتناشر باليل
و الناس في سابع نومة
و الشخير عاكل في السماء
ما في صوت إلا هوهيو الكلاب
جارتنا (كلتوم) شالت توبها المشجر
و كربت بيهو نصها
لمن (الكرشة) بتاعتها اتكومت قدامها ذي (الدلوكة)
و قالت كدا اتشعبطت ليك في الحيطة الحدودية
البتفصل بين بيتها الحدادي و المدادي بـ(حي البهلة)
و بين بيتنا العامل ذي علبة الكبريت
الله يجازي محنك يا (كلتوم)
و الله الحيطة دي طولها تلاتة أمتار
لكن لحدي هسي انا راس (كلتوم) دا شفتو بي فوق الحيطة كيف ما عارف
الله بسعلني انا قلتا يمكن يكون (كلتوم) دي شالها حمار النوم
و هي ما جايبة خبر
المهم مدت لينا رقبتها مترين بي فوق الحيطة
و فتحت ليك خشمها العريض داك
و قعدت تجعر ذي المخنوقة : يا فيفيد - فيييفييييد - فيفييييييييييييييد
انا قمتا من النوم مخلوع ذي الطقتني عقرب
و قعدت اتلفت ذات اليمين و ذات الشمال
عشان اشوف البنادي في (فيفيد) دا منو
لكن ما لقيت أي زول
بس الساعة الرفعت ليك فيها راسي فرق الحيطة
كان أشوف ليك شبح (كلتوم) متكوم في راس الحيطة
انا : كلتوم!!!!! بسم الله الرحمن الرحيم !!!!! مالك قاعدة في راس الحيطة
كلتوم : ود يا (فيفيد) - خالك بلة نايم و الا صاحي؟
انا : يا كلتوم الساعة اتناشر الناس كلهم غرقانين في النوم
كلتوم : جميل جداً
انا : هو شنو الجميل جداً
كلتوم : قوم يا (فيفيد) يا ولدي أمشي بشويش كدا
و أفتح حُقة التمباك بتاعت خالك (بلة) و جيب لي منها (سفة تمباك)
و الله يا ولدي (التمباك) راميني رمية عدوك
انا : التمباك راميك كيف يا (كلتوم) -
هسي انتي طالعة في الحيطة ذي متسلقين الجبال
كلتوم : ستين مرة يا (فيفيد) قلتا ليك انا عندي (الضرس)
انعل أبو دي (خرمة)
الخرمة بتاعت الساعة اتناشر باليل دي
انا ما شفتها إلا عند (كلتوم) جارتنا
و الله النساوين ديل قصتهن قصة
الواحدة تلقى سفتها ذي دقار اللوري
لمن تجي تسألها العلمك سف التمباك شنو
تقول ليك علمني ليهو (الضرس)
طيب كان كدا خلوني أسألكم
لو الضرس علمكم سف التمباك
العلمكم شرب السجار شنو؟
يكون وجع الحلق يعني؟
الغريب في الأمر انو في عيد الضحية
كانت كلتوم دي بتقرمش ليها في عضم بتاع مقرشة قدر الليلة و باكر
قام انحشر ليها حتة عضم في فرقات سنونها
جاتني كارا توبا في نصها و تتوحوح ذي اللحست ليها شطة
و فاتحا خشمها ذي كبوت النيسان
و قالت لي : عليك الله يا فيييفييييد
تعال أمرق لي العظم دا من سنوني
و الله انا لمن قعدت أفحص في سنونها
يا سبحان الله
ذي رصت السبحة
سنونها كاملة و سليمة من أي سوسة أو شرمة
قمتا قلت ليها بعد ما مرقتا ليها العضم : يا كلتوم
ضرسك العلمك التمباك في الصف الفوق و الا التحت
قامت قالت لي: دا الضرس الفي طرف لساني يا (سجم الرماد)
كدي سيبونا من (كلتوم)
و خلونا مع مناهل
مناهل دي بت ذي الليل
تكوي في الفكك
دي بت كشافة عدييييييل كدا الواحد ما بقدر يعاين ليها مرتين
دمار
إرهاب
صاحبة صوت ملائكي رهييييييييييييييييييييييييب
كانت هي البلبل و الفنان بتاع الدفعة بتاعتنا في الجامعة
لكن يا عيني مدمنة تمباك بي شراهة
كنت اليوم داك بشرح ليها عشان الامتحانات قربت
قامت البنت دي و بدون ما تخجل مني طلعت ليها علبة بتاعت (نيفيا)
و الله انا افتكرت انو البنت دي تكون عايزة تمسح (شلاليفا)
من السقط و البرد بتاع (أمدرمان)
بس اكتشفت انو مكشوفة الحال دي
عاملة علبة (النيفيا) دي حُقة بتاعت تمباك
و الله البنت المسلطة دي كرضمت ليها (سفة)
قدر حبة الطعمية
و ختتها في نص لسانها
و بي طرف اللسان
و بحركة قردية كدا تنم عن المهارة و الخبرة الطويلة في هذا المجال
قسمت (السفة) دي علي قسمين
ختت القسم الأول
تحت الشلوفا العليا عند بداية الضرس الأول ناحية اليمين
و ختت القسم الثاني
تحت الشلوفا العليا عند بداية الضرس الأول ناحية الشمال
دا كلو عشان الواحد ما يشوف الكرضمة بتاعت (السفة) في شلوفتها الحلوة
مدهش جداً يا (مناهل) و منكم نستفيد
انا : عندك ضرس يا (مناهل)؟
مناهل : لا لا لا يا (فيفيد)
بس ذي ما انت عارف اني بعد الامتحانات
عندي حفلة في (الريفييرا)
و لازم أظبط صوتي كويس
يا نسوان دي دعوه من مناهل بتقول ليكم
أنو التمباك بيظبط الصوت
فماذا انتم فاعلون؟!!!
لكن
في ناس بيرميهم التمباك
و في ناس بترميهم المخدرات
و في ناس بيرميهم الشاي
و في ناس بترميهم المريسة
و في ناس بترميهم الجبنة
و بمناسبة الجبنة و المريسة دي
نحنا مربين لينا غنمايتين
واحدة اسمها (الزريقة)
و التانية اسمها 0شواطين)
الغنمايتين حقننا ديل كمان قصتهم قصة
أولاً : غنمايتنا 0الزريقة)
مزاجها راااااااااااااااااااااايق
ذذي مزاج معلمين كبار
و كل الجلاكين بتاعين (حي البهلة) بيحترموها و بيقدروها
و بيكنوا ليها كل الود و الاحترم
عرفين ليه؟
كدي خلونا نعرف
خالتي (السعدية)
متعودة تقلي البن تحت ظل الشجرة بتاعت النيم بتاعتنا
عشان تظبط بيهو الجبنة بتاعت المغربية
غنمياتنا (الزريقة) كل يوم تجي من السرحة
تقوم تصنقر جنب خالتي (السعدية)
و هي تقلي في البن بتاعها
و تقعد تشمشم في ريحة البن
اها اليوم داك خالتي (السعدية) جاتا ملاريا
و الله لمن غطيناها بالبطانية من الحمى
قامت غنمايتنا (الزريقة) جات من السرحة
و رامياها ريحة البن
و قومي يا الغنماية و اتكومي جنب خالتي (السعدية)
خالتي (السعدية) رامياها الملاريا
و غنمايتنا (الزريقة) راميها ريحة البن
تلاتة يوم الغنماية دي ما بتتفاهم معانا
لا بتجر كراع
لا بتحرك ضنب
لا بتهز راس
راقدة سلطة
ا
ها لمن خالتي (السعدية) طابت من الملاريا
قالت لي : يا فيفيد
كدي جيب لي الكانون
و جيب ليا شوية (بن) خليني أقوم بيهو الغنماية دي
و الله الساعة الدخان بتاع (البن) دا عكل في السماء
انتي يا الغنماية قومي من رقدتك ديك
و قومي اتعركي في توب (خالتي السعدية)
يعني ذي البتقول لي خالتي : جزاك الله خير
ثانياً : غنمايتنا (شواطين)
مرتع صباها كان في (الصعيد)
و بالتحديد في منطقة (أبو حجار)
حاج سعيد بعد ما قبض حق الغنماية من اخوي الكبير
قال ليهو بالإنجليزي : BE CARE
اخوي المسكين ما عرف الكلام دي بيعني شنو
إلا بعد أن شرفت الغنماية المصون بيتنا العامر (بحي البهلة)
ناس الحلة سموها (شواطين)
نسبة لي شيطنتها المبالغ فيها
مرة تاكل زراعة حاج (متولي)
مرة تاكل عيش حاجة (علوية)
مرة تشرط هدوم حاجة (الشول)
مرة تلقاها طالعة في ريسين البيوت
مرة تلقاها نايمة في سرير حاج (التجاني)
الغنماية دي قصتها مع الخرمة و القرفة حاجة غريبة جداً
يوم كدا عمتي (فاطنة) قاعدة تغسل في هدومها
انتي يا (شواطين) تعالي و اقعي ليها في طش الغسيل بتاعها
و جدعت ليك
كراع شرق
و كراع غرب
و كراع جنوب
و كراع شمال
و الضنب وقفتو ذي اريل تلفزيون
عمتي قالت كدا و لفحت توبا في كتفها
و جرت لي محمد احمد البطري
الراجل كتر خيرو جاء و كشف علي شواطين
و قال ليها : يا حاجة (فاطنة) غنمايتك سكراااااااانة سكرة معلمين
بعد يومين اكتشفنا انو شواطين
قاعدة بتمشي لي بيت مشبوه جنبنا
و بتاكل عندهم المشكاب بتاع المريس
لكن الظاهر انها تقلت فيهو
بس يا جماعة دا كلو هين بس كعبة رمية مرض حامد
يوميات فيفيد
نُشرت في
26/05/2005م[/align:0504ae1fb3]