عاجل تحرك المتمردين نحو الخرطوم

[عبدالله السفاح]

أفاد مصدر أمني رفيع المستوى للمشاهير أن قوات خليل ابراهيم وفصيل منفصل من قوات مناوي اتجهتا نحو الخرطوم وقد صدرت أوامر من الحكومة لجميع قوات الدفاع الشعبي والمدني للتجمع فورا لصد العدوان

نقلاً عن موقع المشاهير
http://http://www.almshaheer.com/modules.php?name=News&file=article&sid=3833


التعليق على الخبر

ربنا يكضب الشينة .. ويجنب بلادناشر المصائب والفتن

اللهم اميييييييييييييييين

[مها عبدالله سليمان]

عبد الله ياخوي الجماعه ديل مبتهجين خالص والسهرة بي سيف الجامعه كمان ( شغلً تلفزيون السودان وإنت تشوف ) بتكون دي حركة في شكل ورده علشان يشغلوا الناس بي مصيبه من مصائبهم الجميله حكومة الفساد والفبركه ماااااااااا بتحيروا !!!

تحياتي وشكلك كدا ح تخلينا مساهرين

[عباس حمد]

عبد الله السفاح تحياتى
القوات المسلحة السودانية قادرة على صد كل عدوان باذن الله الناس تطمئن من الحاجة دى و بس الخبر لسع ما مؤكد
واتمنى ان يكون هذا الخبر صحيحاً لسحق العدؤ نهائياً لانه لم يستفيد من الدرس السابق ...

[عبدالله السفاح]

عبد الله ياخوي الجماعه ديل مبتهجين خالص والسهرة بي سيف الجامعه كمان ( شغلً تلفزيون السودان وإنت تشوف ) بتكون دي حركة في شكل ورده علشان يشغلوا الناس بي مصيبه من مصائبهم الجميله حكومة الفساد والفبركه ماااااااااا بتحيروا !!!

تحياتي وشكلك كدا ح تخلينا مساهرين





ما دا المحيرني مافي اي شيئ بدل على

كلام ناس المشاهير .... بس انا سمعته الخبر دا

من الصباح ( في قوات من الحركة مدعومة من اثيوبيا اتحركت من جهة الشرق )

ومن كم مصدر .... واتمنى ان تكون فعلاً حركة في شكل وردة ونطلع نحن الداقسين

احسن من دخول بلادنا في صراعات وحرب قد تطال الأخضر واليابس ...

وبرضوا نقول ربنا يكضب الشينة ..

مع ودي

[عبدالله السفاح]

عبد الله السفاح تحياتى
القوات المسلحة السودانية قادرة على صد كل عدوان باذن الله الناس تطمئن من الحاجة دى و بس الخبر لسع ما مؤكد
واتمنى ان يكون هذا الخبر صحيحاً لسحق العدؤ نهائياً لانه لم يستفيد من الدرس السابق ...

بالفعل قواتنا المسلحة قادرة على صد اي عدوان

وهذا ما ظهر ابان الغزو التشادي الاخير ...

ومهما اختلفنا مع الحكومة وسياساتها ..

الا اننا لا نرضى بأي حال من الاحوال

ان يمس بلادنا شر ... وكلنا ساعة الحارة لها

مع ودي

[الصابر]

تسلم يا عبدالله

وزي ماقلت كلنا ساعة الحارة لها...

ونفديك ياسودان.

الصابر

[الفنان]

الله يكضب الشينة يالسفاح .............

:frown:

[خال هيثم]

يا ناس تلفزيون السودان مافيهو اى حركه غناء ساااااى
الكلام ده جد ولا .............

[altayeb]

http://www.almshaheer.com/newsimages/meduim/paganamomsplm.jpg

قرار من رئيس الجمهورية برفع الحصانة عن باقان أموم
أصدر السيد المشير عمر البشير رئيس الجمهورية قراراً رفع بموجبه الحصانة الدستورية عن السيد باقان اموم ...


http://www.almshaheer.com/newsimages/breakingnews_315292.jpg


افادت مصادر امنية للمشاهبر ان مستشار رئيس الجمهورية مني اركو مناوي قد فقد السيطرة على قوااته بدارفور وان الحكومة ننخوف من التحركات السرية التى ققامت بها تلك القوة وقوات الدكتور خليل ابراهيم مساء الاربعاء وقال شهود عيان للمشاهير ان قوات كبيرة من الدفاع الشعبي والقوات المسلحة شوهدت في شوارع امدرمان في طريقها الى جهة غير معلومة

هل مايحدث بالسودان حقيقي و إلي أين نساق ؟؟؟؟؟؟

[altayeb]

بالإتصال علي الكثير من الأهل و المعارف بالسودان أجمع الكل
علي وجود إشاعات و صلت لدرجة دفعت بالبعض لإخراج أبنائهم
و بناتهم من المدارس تحوطا..... و لا يوجد شيء في الشوارع أو الأطراف
و إن أفاد شهود العيان بدخول العديد من الدبابات لسلاح المهندسين....
و نسأل الله الأمن و الأمان لكل أهلنا في كل مدن و قري السودان

[Omar Hassan]

بالإتصال علي الكثير من الأهل و المعارف بالسودان أجمع الكل
علي وجود إشاعات و صلت لدرجة دفعت بالبعض لإخراج أبنائهم
و بناتهم من المدارس تحوطا..... و لا يوجد شيء في الشوارع أو الأطراف
و إن أفاد شهود العيان بدخول العديد من الدبابات لسلاح المهندسين....
و نسأل الله الأمن و الأمان لكل أهلنا في كل مدن و قري السودان

فعلاً الأخ الطيب الإشاعات على قفا من يشيل

الناس بدأت تخزن في المواد التموينية

ناس الخرطوم إتصال بأمدرمان وناس الأقاليم آخر قلق

في الأخبار مناوي فقد السيطرة على قواته

[مجدى محمد مصطفى]

الأخوين

عبد الله السفاح

الصابر

تحياتي


ذكرتم

وكلنا ساعة الحارة لها

ونفديك ياسودان.

سوال بسيط هل بتعتبروا السودان هي الخرطوم فقط ؟ وأن كانت الأجابه بلا فلماذا تصرون على أن الذين يحملون السلاح في أطراف السودان كافه ليردوا الظلم عن أنفسهم يعتدون على السودان ؟

لماذا تختزلون السودان في حكومه تحارب المواطن أما بالسلاح وأما في قوته وقوت أبنائه .

الأصرار على تصوير من يحملون السلاح ضد النظام القائم على أنهم ضد السودان أصرار غريب خصوصا وأننا في الغالب نقر بحق هؤلاء في مطالبهم والتي يمكن أختصارها في رغبتهم في العيش بكرامه .

صحيح الحرب شر ولكن يجب أن نرفضه في السودان كله وليس في الخرطوم فحسب , ويجب أن نسمع بالمقابل أدانه لما تقوم به القوات المسلحه الحكوميه في كل مدن السودان خاصه في دارفور الجريحه .

فالحرب كر وفر وبما أنها كذلك فمن الطبيعي أن يكر القوم أيضا على النظام , وقد أثبتوا في هجومهم السابق أنهم لا يستهدفون المواطن العادي بل يستهدفون قوات النظام .

فلماذا يا أخوي هذا الخلط في الأوراق ؟؟؟

مع التقدير

[جبصي]

كل أجزائه لنا وطن

إذ نباهي به ونفتتن

مستعدون وجاهزون خلف القيادة لصد العدوان

والضرب بيد من حديد على رؤوس كل من يصيد في الماء العكر من الخونة داخل وخارج البلاد

يسمون الغزة والمخربون وقتلة الأطفال والنساء ومروعي الآمنين بأصحاب حق

عجبي

ولكم أفنت الورى الفتن

ما عايزين نصرف عربي كتير

خليهم يجو

وحسبهم أخوات نسيبة

[abualdood]

بالفعل قواتنا المسلحة قادرة على صد اي عدوان

وهذا ما ظهر ابان الغزو التشادي الاخير ...

ومهما اختلفنا مع الحكومة وسياساتها ..

الا اننا لا نرضى بأي حال من الاحوال

ان يمس بلادنا شر ... وكلنا ساعة الحارة لها

مع ودي


تسلم أخوي عبدالله دي الوطنية ولا بلاش

[abualdood]

كل أجزائه لنا وطن

إذ نباهي به ونفتتن

مستعدون وجاهزون خلف القيادة لصد العدوان

والضرب بيد من حديد على رؤوس كل من يصيد في الماء العكر من الخونة داخل وخارج البلاد

يسمون الغزة والمخربون وقتلة الأطفال والنساء ومروعي الآمنين بأصحاب حق

عجبي

ولكم أفنت الورى الفتن

ما عايزين نصرف عربي كتير

خليهم يجو

وحسبهم أخوات نسيبة



تعرف يا جبصي صاحبي

الضرب دا بيوجعم شديد ، ما شفت الدموع كيفن جرن .
قالوا أصحاب حق ...... قالو

[ابراهيم محمد احمد المك]

اللهم جنب بلادنا شر المحن والإحن ما ظهر منها وما بطن ، واحفظ اللهم أهل السودان من كل شر ..

[مجدى محمد مصطفى]

كل أجزاء السودان لنا وطن رغم كيد و ظلم الكاذبين و المنافقين .

أي مواطن سوداني له الحق في أن يحيى بكرامه وأنسانيه ودمه وماله وعرضه حرام عليكم وله الحق في مقاومه كل أعتداء عليها .

المؤتمر الوطني ليس السودان وموظفي وزبانيه البشير ليسوا عزه وسياده السودان , تلك العزه والسياده التى ينتهكها ليلا ونهارا مجرمي النظام ومتلقفى موائدهم اللئام .

نرفض العنف في كل السودان ونتفهم يأس البعض من خير في هؤلاء المجرمين وحمل السلاح , فقد أكد المجرم البشير أنه لا يرعوي الا بالقوه وبالسلاح .

الخرطوم جزء من السودان وهي مثلها مثل برتسودان وأمري و كجبار والفاشر والجنينه ونيالا وجوبا وملكال ومن يسكنون هناك هم ذاتهم من يسكنون في الخرطوم مواطنين سودانيين وبذلك نرفض العنف في كل السودان .

نرفض أيضا تدثر بعض العنصريين المأفونين بدثار الدين والعروبه لخلق فتنه سيكونون أول من يدفع ثمنها .

وليعلم هؤلاء الأنتهازيين أن أول ما قام به الرسول الكريم أن اخى بين الناس لا فرق بين عربي ولا عجمي الا بالتقوي .

السودان للسودانيين وليس لمجرمي وزبانيه نظام الأنقاذ المأفون .

الحرب كر وفر وأن لم تتوقف الحرب في كل مدن السودان سيصل الحريق الى الخرطوم شاء الزبانيه أم أبو وحينها لن نجد لهم صوتا سوي البكاء والعويل كما عودونا داثما .

عودوا الى رشدكم وأتقوا الله ربكم وكفو عن زرع الفتنه وأثاره البغضاء والكراهيه بين أهل السودان , وبهذا فقط تتحلون بالوطنيه فليست الوطنيه الهتاف الأجوف لمجرم مأفون مثل البشير يده ملطخه بدما ء مئات الألاف من المواطنين السودانيين .

[محمد احمد ابراهيم امام]

الاخوة الاعزاء : تحياتى لكم جميعاً :
رؤيتنا لهذا الخبر ينبغى على موسسة الجيش وضع الحيطة والحزر وتأمين الثغور وأيضا على الناطق الرسمى بالاعلام لأظهار الحقيقة للشعب حتى يتأهب للمدافعة عن نفسه ..... بذلك نحن ندين كل أساليب القتل التى تحصل فى وطننا الحبيب فى دارفور ،،، وفى أبيى ،،، وفى جنوب السودان ،،، وفى أمرى ،،، وكجبار .... وفى أم درمان ندينها بقوة من كل الجوانب الحكومة او الحركات المسلحة ويجب كل من قام بأرتكاب جرائم فى حق هذا الشعب بان يتقدم الى محاكمات عادله وناجزه .... وينبغى على الحكومة بان تستلهم العبر لتسعى للاجماع السودانى السودانى لحل ازماته بعيداً عن التماطل والخداع والمراوغة السياسيه حتى ننعم بوطن يسع الجميع ..
هذا مع حبى للجميع .
وطن