دعوة لمقاطعة المؤتمر الوطنى (انتخابات)

[لطفى احمد عمر]

بسم الله الرحمن الرحيم
(قالوا انا تطيرنا بكم لئن لم تنتهوا لنرجمنكم و ليمسنكم منا عذاب اليم )
صدق الله العظيم

[لطفى احمد عمر]

لا تهمنى السياسة
و لا السياسيين
ان يحكمنى من هو من
اقصى اليمين
او
اقصى اليسار
او
الوسط
هذا لا يهمنى
المهم عندى ان يشمل البرنامج الانتخابى
للحزب الذى ساصوت له
تطوير مدينة رفاعة
و من ثم السودان
و ان المس التطور فى رفاعة قبل الانتخابات


نواصل

[لطفى احمد عمر]

هل تسبب مثل هذه المواضيع اى حرج او صداع لادارة المنتدى
مع وجود كمبات مهولة امن النت او امن الشبكة العنكبوتية؟؟

[عزمي]

معاك على طول
مش رفاعة بس
كل أرض البطانة

يا تو حاكم زار البطانة

يا تو معتمد زار البطانة

في ناس بتشرب هي وبهائما من حفير واحد

في ناس ماتت من سوء التغذية

في ناس ماتت من السل

الجزيرة التي كان كل السودان يأكل من خيراتها

أصبحت معهمشة كل التهميش

وقالو شنو ؟ ناس الجزيرة هم ( ماصين ) خير السودان

[لطفى احمد عمر]

الاخ عزمى
احييك
بس يا عزمى تشوف اقرب عشرة افراد مؤثرين فى محيطك
و هاك يا نقة
ما تخليهم الا و تقنعهم بانو الجبهجية ديل ما حيجيبوا لى رفاعة اى خير
و انهم و لاسباب تاريخية دايرين يمسحو رفاعة من خريطة السودان
و العشرة ديل يا عزمى تلزمهم انوا كل واحد منهم يوعى معاهو عشرة و كدة
تعرف يا عزمى انو فى واحد فى المنتدى ذكر انو اجمل شئ فى رفاعة هو مبنى المؤتمر الوطنى
و انو المستشفى راقدة مريضة تفترش تراب الارض
فى واحد فى رفاعة بقبل كدة
و ما خفى اعظم يا عزمى
محسوبية
موزعين كل شئ بيناتهم
و الباقيين ان شاء الله يموتوا
و اللا يتحرقوا
ما هاميهم
همهم كلوا كيف يتمكنوا
و كيف يفقروا الشعب عشان يذلوهوا بى لقمة العيش
و يسهل عليهم شراية الذمم بى حبة دنانير فى وقت الحارة



عزومى انت

[لطفى احمد عمر]

عزمى

البضاعة اخبارها شنو؟؟

[ابراهيم محمد احمد المك]

قالوا يا لطفي يا أخوي

زبيدة كانت بتتفسح مع هارون الرشيد ، وشافت الحريم بشيلن في الموية من النيل وبلعبن بالطين مبسوطات، فاشتهت ذلك ( أن تخمج الطين برجليها ) فأمر الخليفة بغرفة ملئت بالعنبر والمسك والزعفران وعليه شوية موية ( بدل الطين) وخمجت زبيدة في الخلطة دي زين لمن فترت .. اها .. يوم زعلت من اخونا هارون فقالت ليه ما معناه إني ما شفت معاك خير يوم واحد ...
فقال لها ود الرشيد : ولا يوم الطين ؟

اها .. ولا كبري رفاعة ؟

يا لطفي يا أخوي لو لسه الناس محتاجين يحرشوهم عشان يقولا لا.. أو نعم .. يبقى لسه الناس ما فهموا حقوقهم في ممارسة أي نوع من الديموقراطية ولا يستحقونها .. والشاطر من يستفيد ليس لنفسه ولكن لتحقيق طموحات الناس في رفاعة لانها حقهم المشروع ، وهذه المجابهات أورثت رفاعة جفوة مع كل الحكومات التي مرت على السودان .. وظلت رفاعة هي الخسرانة دائماً .. وكما تفضلت يحكم اقصى اليمين ولا اقصى اليسار ولا الوسط مش مهم .. يبقى المهم أن تنصلح حال الناس وحال رفاعة ، والمهم أن نطالب من يأتي للسلطة بحقوقنا المشروعة بغض النظر عن الجهة التي ينتمى اليها..

لك المحبة والتقدير

[جبصي]

قالوا يا لطفي يا أخوي

زبيدة كانت بتتفسح مع هارون الرشيد ، وشافت الحريم بشيلن في الموية من النيل وبلعبن بالطين مبسوطات، فاشتهت ذلك ( أن تخمج الطين برجليها ) فأمر الخليفة بغرفة ملئت بالعنبر والمسك والزعفران وعليه شوية موية ( بدل الطين) وخمجت زبيدة في الخلطة دي زين لمن فترت .. اها .. يوم زعلت من اخونا هارون فقالت ليه ما معناه إني ما شفت معاك خير يوم واحد ...
فقال لها ود الرشيد : ولا يوم الطين ؟

اها .. ولا كبري رفاعة ؟

يا لطفي يا أخوي لو لسه الناس محتاجين يحرشوهم عشان يقولا لا.. أو نعم .. يبقى لسه الناس ما فهموا حقوقهم في ممارسة أي نوع من الديموقراطية ولا يستحقونها .. والشاطر من يستفيد ليس لنفسه ولكن لتحقيق طموحات الناس في رفاعة لانها حقهم المشروع ، وهذه المجابهات أورثت رفاعة جفوة مع كل الحكومات التي مرت على السودان .. وظلت رفاعة هي الخسرانة دائماً .. وكما تفضلت يحكم اقصى اليمين ولا اقصى اليسار ولا الوسط مش مهم .. يبقى المهم أن تنصلح حال الناس وحال رفاعة ، والمهم أن نطالب من يأتي للسلطة بحقوقنا المشروعة بغض النظر عن الجهة التي ينتمى اليها..

لك المحبة والتقدير



ديني أنا

والله أستاذ

[لطفى احمد عمر]

مرحب بالاخ ابراهيم
اها .. ولا كبري رفاعة ؟

الكبرى مشروع قديم من سنة دو
يعنى اى حكومة تطلع البترول كان حتعملوا
و دا ما يعنى انو عمل ما مقدر
لكن البحر ما بيابا الزيادة
بعدين الكبرى بشيل الناس برة رفاعة
القصد فى النهاية تطوير المدينة
و امكانية استقرار المواطنين داخل المدينة
يعنى دايرين نطالب الحكومة تعمل لينا مصانع صغيرة
عشان الناس يقعدوا فى مدينتهم
اتخيل انو ود الرشيد دا لو كان حفر ليهو حفير بس
بدل حركتو العملها دى
مش بالله كان اولادنا لحدى هسه يخمجوا فيهو
نحن ما دايرينهم يا حبيب يضربوا لينا البوهية بس
لكن قبلها دايرنهم يحفروا لينا الاساس و يبنوا الحيطة
بعداك ان شاء الله يرشوها بى جير ما مشكلة
بعدين زبيدة دى مالا خمجانة كدى

يا لطفي يا أخوي لو لسه الناس محتاجين يحرشوهم عشان يقولا لا.. أو نعم ..

مش ممكن برضوا تتفهم توعية و مش تحريش !!!

يبقى لسه الناس ما فهموا حقوقهم في ممارسة أي نوع من الديموقراطية ولا يستحقونها ..

حتى و لو كان الناس مغيبين ؟
و اجهزة الاعلام مملوكة للدولة
يوجهوها على حسب الديمقراطية الفى راسهم
لا يا حبيب ما تظلم الناس ساكت
و الله الناس الغبش الطيبين ديل يستحقوا اكتر من ديقراطية
لو بالتوعية او بالتحريش (على حد تعبيرك)

والشاطر من يستفيد ليس لنفسه

دى يا ابراهومة
و الله ما فهمتها
ممكن تتشرح لى
صدقنى ما فهمت قصدك شنو
لكن زى العندى شعور انو سم فى دسم
(اللهم اخزيك يا شيطان)

ولكن لتحقيق طموحات الناس في رفاعة لانها حقهم المشروع ، وهذه المجابهات أورثت رفاعة جفوة مع كل الحكومات التي مرت على السودان .. وظلت رفاعة هي الخسرانة دائماً .. وكما تفضلت يحكم اقصى اليمين ولا اقصى اليسار ولا الوسط مش مهم .. يبقى المهم أن تنصلح حال الناس وحال رفاعة ، والمهم أن نطالب من يأتي للسلطة بحقوقنا المشروعة بغض النظر عن الجهة التي ينتمى اليها..

متفقين
الا فى حكاية الجفوة دى
لانها بتفرض علينا من الحكومات
و ما من اهل رفاعة الطيبين
و الله ما كدة

مليارات من الود
بقدر قروش الجبهجية

__

جبصى ازيك

[جبصي]

[

جبصى ازيك[/COLOR][/SIZE][/FONT][/CENTER][/QUOTE]

كويس

أنت كيفك:mh19:

[عبدالمنعم الدابي]

الاخ عزمى
احييك
بس يا عزمى تشوف اقرب عشرة افراد مؤثرين فى محيطك
و هاك يا نقة
ما تخليهم الا و تقنعهم بانو الجبهجية ديل ما حيجيبوا لى رفاعة اى خير
و انهم و لاسباب تاريخية دايرين يمسحو رفاعة من خريطة السودان
و العشرة ديل يا عزمى تلزمهم انوا كل واحد منهم يوعى معاهو عشرة و كدة
تعرف يا عزمى انو فى واحد فى المنتدى ذكر انو اجمل شئ فى رفاعة هو مبنى المؤتمر الوطنى
و انو المستشفى راقدة مريضة تفترش تراب الارض
فى واحد فى رفاعة بقبل كدة
و ما خفى اعظم يا عزمى
محسوبية
موزعين كل شئ بيناتهم
و الباقيين ان شاء الله يموتوا
و اللا يتحرقوا
ما هاميهم
همهم كلوا كيف يتمكنوا
و كيف يفقروا الشعب عشان يذلوهوا بى لقمة العيش
و يسهل عليهم شراية الذمم بى حبة دنانير فى وقت الحارة



عزومى انت


,والله دي دعاية انتخابية فريدة يا لطفي ، يا الله الشاطر يكبر كومو

[لطفى احمد عمر]

ود الدابى

ان شاء الله تكون جهزت عشرتك
و عشيرتك
عندهم الاجهزة الاعلامية
و عندنا الناخبين
و طلباتهم
اهلنا و بسمعوا كلامنا
لاننا هم و هم نحن
تعرف نحن لازم نجهز لستتنا الانتخابية
و من هسى
الشغلانة بقى فيها ديمقراطية (زى ما قال ابراهيم)
كمية احزاب
و بعد كدة الدايرنا اليجينا
و ما خايفين من اى واحد
المرة دى
يدقسوا و يعادونا يكونوا ماتوا بى نارهم
و الحشاش يملاء شبكتو
تسلم يا حبيب

__

الحمد لله يا جبصى
اسمع الروقين نفع معاى
رايك شنو؟

[لطفى احمد عمر]

رفاعة تغرق...تغرق...تغرق...

http://www.rufaaforall.com/board/showthread.php?t=10210#

[جبصي]

[__

الحمد لله يا جبصى
اسمع الروقين نفع معاى
رايك شنو؟[/center][/color][/size][/font][/quote]

ممكن تورينا برنامجكم شنو

بإختصار بالله

[لطفى احمد عمر]

بإختصار بالله
يا حنين انت
خايف على الباندويث و اللا شنو؟

جبصى جيصى
الروقين كيييف؟

[ابراهيم محمد احمد المك]

الكبرى مشروع قديم من سنة دو
يعنى اى حكومة تطلع البترول كان حتعملوا
و دا ما يعنى انو عمل ما مقدر
لكن البحر ما بيابا الزيادة
بعدين الكبرى بشيل الناس برة رفاعة
القصد فى النهاية تطوير المدينة
و امكانية استقرار المواطنين داخل المدينة
يعنى دايرين نطالب الحكومة تعمل لينا مصانع صغيرة
عشان الناس يقعدوا فى مدينتهم
اتخيل انو ود الرشيد دا لو كان حفر ليهو حفير بس
بدل حركتو العملها دى
مش بالله كان اولادنا لحدى هسه يخمجوا فيهو
نحن ما دايرينهم يا حبيب يضربوا لينا البوهية بس
لكن قبلها دايرنهم يحفروا لينا الاساس و يبنوا الحيطة
بعداك ان شاء الله يرشوها بى جير ما مشكلة
بعدين زبيدة دى مالا خمجانة كدى

الغالي لطفي
حياك الله..

صحي الكبري مشروع من سنة دو .. لكنه حلم أو مجرد فكرة ، وفكرة محاربة بشدة، ومرفوضة من بعض الجهات لاعتبارات نعرفها كلنا..

أولاً نتفق انه الحكومة دي هي الطلعت البترول الحقيقي ومش عينة في (قزازه) .. وهي العملت الكبري كان من عندها ولا من عند الجبهجية الصينين .. إتفقنا..

ثانياً : الكبري يشيل الناس وبرضو يجيب الناس .. وبعدين يا أخوي .. وده موضوع تاني داير ليه وقفه ، ليه أغلب أولاد رفاعة الحلوين المتعلمين والمتنورين زي ضل الدليب يرمي بعيد وكلهم طلعوا وخلوها وسكنوا المدن القصية، اها .. من وين يجيها العمار ، ومنو البطالب بالحقوق والناس ضربت العمارات السوامق وخلوا الكرو والجريف واللوبيا؟ (وقلبها براك وأعمل احصائية وشوف الفاقد كم )

ثالثاً : دايرين نطالب الحكومة تعمل لينا مصانع .. كلام جميل .. طالبوا الحكومة دي ولا الحكومة الجاية دا من حقكم وما ضاع حق وراه مطالب .. وبالله يالطفي نحن شوية؟ قصدي اولاد رفاعة ورجال رفاعة .. وبنات رفاعة.. ما شاء الله وتبارك الله منثورين درر في كل البلدان ، وأغلبنا في مراكز مرموقة في مختلف المجالات والتخصصات ،والحال بسط والحمد لله .. طيب : قول لي منو فينا فكر نتجمع ونعمل لينا مشروع يعود على رفاعة وعلينا بالخير والبركة؟ قول لي منو شال ليه دراسة جدوى ومشى بيها لمسؤول عشان تنمية رفاعة في أي مرفق محتاجة ليه ؟.. وأبداً لا اقلل من الجهود المقدرة التي تبذلها الروابط والكيانات الاخرى والافراد من أجل رفاعة، ولكني اتحدث عن شركات ومشاريع تجد الاهتمام عند المسؤولين وتجد المتابعة مننا ونجد كلنا جدواها عندما تتحقق ( تعليم بكل مراحله ، مراكز شباب ، مكتبة ، رياض وملاهي للاطفال ، نقل ،مستشفيات خاصة ، زراعة ، صناعات صغيرة- انتاج خضروات وفواكه ودواجن وأسماك الخ( الامن الغذائي ونصدر كمان )... مافي .. ما في يا أخوي وخيرنا ميسر لغيرنا ..
ورفاعتنا بعزها وعلمها وثقافتها وجمالها ورقة ناسها وأصالتهم لا تقل عن ( زبيدة ) في زمانها .. وود الرشيد قاعد حي وموجود بس نحن ندلل .. ( ودي ما فيها سم في الدسم )..


حتى و لو كان الناس مغيبين ؟
و اجهزة الاعلام مملوكة للدولة
يوجهوها على حسب الديمقراطية الفى راسهم
لا يا حبيب ما تظلم الناس ساكت
و الله الناس الغبش الطيبين ديل يستحقوا اكتر من ديقراطية
لو بالتوعية او بالتحريش (على حد تعبيرك)

اعتقد بل اكاد اجزم أن حرية التعبير المتاحة لدينا في السودان
لا توجد عند الكثيرين من حولنا .. وفي تلفزيون السودان دا شفنا الناس بيقولوا رأيهم في الحكومة بكل صراحة ووضوح وكذلك في الصحف واجهزة الاعلام الاخرى، بجانب أن هناك منابر اعلامية اخرى غير مملوكة للدولة يعني المسألة ما لدرجة تكميم الافواه ، والناس مفروض تكون اتعلمت من التجارب الطويلة المريرة وأي سوداني بقى عنده وعي سياسي بحد أدني يمكنه من التمييز بين الصالح والطالح في الحياة السياسية على وجه الخصوص ، وأنا قلت الكلام ده عشان أهلنا ذاتهم قالوا المحرش ما بكاتل .. والرهاب ما جم مويه ، والمقدم ديمه راجع وما بِصل ...


دى يا ابراهومة
و الله ما فهمتها
ممكن تتشرح لى
صدقنى ما فهمت قصدك شنو
لكن زى العندى شعور انو سم فى دسم
(اللهم اخزيك يا شيطان)


أنا قصدي زي قصدك إنت تماماً .. وإنت قصدت انه الهدف الاساسي هو مصلحة رفاعة تجي من يمين تجي من شمال تجي من وسط مش مهم .. وشطارتنا نحن أهل رفاعة إننا نستفيد لصالح رفاعة من أي جهة تولت الامر ، يعني ننسى الانتماء الحزبي الضيق ونتتطلع للمصلحة العامة من أجل رفاعة.. وخالي من سم في الدسم ، إتفقنا؟

متفقين
الا فى حكاية الجفوة دى
لانها بتفرض علينا من الحكومات
و ما من اهل رفاعة الطيبين
و الله ما كدة

مليارات من الود
بقدر قروش الجبهجية


وحنتفق اكتر انشاء الله طالما هدفنا واحد وهو مصلحة رفاعة فوق كل اعتبار..

واتفق معاك تماماً ناس رفاعة طيبين وحبوبين وحلوين ، لكين برضو فيهم المشاغبين ، ولو استعرضنا برواقة كده تاريخ رفاعة السياسي بلنقى الاشارات دي واضحة ، وده ايضاً يعتبر محمدة لرفاعة لانها مدينة نالت وعيها مبكراً ، ومنها انطلق شعاع العلم والمعرفة، فكان لا بد من التأثر بمختلف التيارات الفكرية والسياسية ومصادمتها لمختلف الانظمة والحكومات التي تعاقبت على السودان .. وربما كان تهميش رفاعة في السابق نوع من العقوبة على هذه المهابشات..
لكين نحن اولاد النهار ده ..
الكبري قام - يودي الخير ويجيب الخير وتاني زول بغرق في معديه مافي باذن الله .. والبنطون كتر خيره ما قصر ..
والدعوة قائمة من بوستك دا لكل أبناء وبنات رفاعة نفكر في حاجة كبيرة ومفيدة للبلد ، والاقتراحات مطلوبة والجدية مطلوبة اكتر .. وربنا يوفق الجميع ..
وبفضل مليارات تحاياك القدر قروش الجبهجية اصبحت أرفل في نعمة من الود والمحبة .. دامت بيننا .. ودامت رفاعة بخير ما دمنا نفكر فيها بهذا الصدق ..

إتفقنا تب.. خليتك عافية

[جبصي]

ممنون للأخ لطفي

أتحت لي فرصة قراءة مداخلة المك

التي تكتب بماء الذهب

[الرشيد حسن حشيش]

الاخ عزمى
احييك
بس يا عزمى تشوف اقرب عشرة افراد مؤثرين فى محيطك
و هاك يا نقة
ما تخليهم الا و تقنعهم بانو الجبهجية ديل ما حيجيبوا لى رفاعة اى خير
و انهم و لاسباب تاريخية دايرين يمسحو رفاعة من خريطة السودان
و العشرة ديل يا عزمى تلزمهم انوا كل واحد منهم يوعى معاهو عشرة و كدة
تعرف يا عزمى انو فى واحد فى المنتدى ذكر انو اجمل شئ فى رفاعة هو مبنى المؤتمر الوطنى
و انو المستشفى راقدة مريضة تفترش تراب الارض
فى واحد فى رفاعة بقبل كدة
و ما خفى اعظم يا عزمى
محسوبية
موزعين كل شئ بيناتهم
و الباقيين ان شاء الله يموتوا
و اللا يتحرقوا
ما هاميهم
همهم كلوا كيف يتمكنوا
و كيف يفقروا الشعب عشان يذلوهوا بى لقمة العيش
و يسهل عليهم شراية الذمم بى حبة دنانير فى وقت الحارة



عزومى انت

تنظيميا كلام زي الورد
لكن ما نورتونا بالبديل
ياخي مين جاء قبل الانقاذ دي وعمل شيئ ممكن نفتخر بيهو

ما يقوم يجي واحد يصنفني سلبي

[عبدالمنعم الدابي]

ثالثاً : دايرين نطالب الحكومة تعمل لينا مصانع .. كلام جميل .. طالبوا الحكومة دي ولا الحكومة الجاية دا من حقكم وما ضاع حق وراه مطالب .. وبالله يالطفي نحن شوية؟ قصدي اولاد رفاعة ورجال رفاعة .. وبنات رفاعة.. ما شاء الله وتبارك الله منثورين درر في كل البلدان ، وأغلبنا في مراكز مرموقة في مختلف المجالات والتخصصات ،والحال بسط والحمد لله .. طيب : قول لي منو فينا فكر نتجمع ونعمل لينا مشروع يعود على رفاعة وعلينا بالخير والبركة؟ قول لي منو شال ليه دراسة جدوى ومشى بيها لمسؤول عشان تنمية رفاعة في أي مرفق محتاجة ليه ؟.. وأبداً لا اقلل من الجهود المقدرة التي تبذلها الروابط والكيانات الاخرى والافراد من أجل رفاعة، ولكني اتحدث عن شركات ومشاريع تجد الاهتمام عند المسؤولين وتجد المتابعة مننا ونجد كلنا جدواها عندما تتحقق ( تعليم بكل مراحله ، مراكز شباب ، مكتبة ، رياض وملاهي للاطفال ، نقل ،مستشفيات خاصة ، زراعة ، صناعات صغيرة- انتاج خضروات وفواكه ودواجن وأسماك الخ( الامن الغذائي ونصدر كمان )... مافي .. ما في يا أخوي وخيرنا ميسر لغيرنا ..


أبو خليل

لك التحايا والود

لو رجعت في بوست قديم من هذا القبيل للنقطة دي بالذات ، تجد أن كثير من المداخلات بتميل للرأي القائل أنو عدم التنمية في رفاعة يرجع لمواقف ناس رفاعة المعارضة دائماً

بس وجهة نظري انطبقت بشكل كبير جداً مع الفقرة ( ثالثاً ) ودي الحقيقة ، عدم تنمية المنطقة كان بسبب تقاعس أبناءها وليس بسبب مواقفهم

[عبدالمنعم الدابي]

ياخي مين جاء قبل الانقاذ دي وعمل شيئ ممكن نفتخر بيهو

ما يقوم يجي واحد يصنفني سلبي


ودحشيش

كيف حالك يا طيب

حاشاك إنت ما بصنفوك سلبي ، بس قولتك للحقيقة دي عجبتني

[ابراهيم محمد احمد المك]

أبو خليل

لك التحايا والود

لو رجعت في بوست قديم من هذا القبيل للنقطة دي بالذات ، تجد أن كثير من المداخلات بتميل للرأي القائل أنو عدم التنمية في رفاعة يرجع لمواقف ناس رفاعة المعارضة دائماً

بس وجهة نظري انطبقت بشكل كبير جداً مع الفقرة ( ثالثاً ) ودي الحقيقة ، عدم تنمية المنطقة كان بسبب تقاعس أبناءها وليس بسبب مواقفهم


الغالي عبد المنعم

لك التحايا واطيب الامنيات

قالوا العترة بتصلح المشي ، والمشوار قدامنا لسه طويل ورفاعة محتاجة الكتير، وقبل ده محتاجة وفاء ابنائها ، ومشوار الميل يبدأ بخطوة ، واليد الواحدة ما بتصفق ، عشان كده العمل الجماعي فيه بركة وخير .. وخلونا نقول بسم الله ونبدأ من بوست لطفي المبروك دا ونناشد ابناء رفاعة الحالهم ميسورة شوية ونبدأ بمشروع حيوي ومحتاجة ليه رفاعه أي مشروع صغير من مشاريع الامن الغذائي مثلاً .. وربنا يوفق الجميع ..

لك تقديري وامتناني

[ابراهيم محمد احمد المك]

تنظيميا كلام زي الورد
لكن ما نورتونا بالبديل
ياخي مين جاء قبل الانقاذ دي وعمل شيئ ممكن نفتخر بيهو

ما يقوم يجي واحد يصنفني سلبي


الغالي ود حشيس .. نصيحتن تخضرك ..

لك صادق ودي

[لطفى احمد عمر]

الاخ العزيز ابراهيم
ليك وحشة

أولاً نتفق انه الحكومة دي هي الطلعت البترول الحقيقي ومش عينة في (قزازه) .. وهي العملت الكبري كان من عندها ولا من عند الجبهجية الصينين .. إتفقنا..

يا ريتو لو كان لسة عينة فى قزازة , كان البطن بتكون باردة و كان السودان يكون عندو شوية امل بانو ممكن يكون دولة , البترول شايفنو يكب شرررررر برة القزازة , و قروشو تكب شرررررر جوة الجك , عاملين جيوبهم المنفوخة دى و (كلو شر فى شر يحمدو سيدهم)
اسمع يا انت : قروش البترول مشت وين؟
قالوا مرة واحد والاهم لى مصلحة , و قام سال عوض الجاز السؤال الفوق دا
رد عليه : اشترينا بيها زى زممكم دى

كلهم طلعوا وخلوها وسكنوا المدن القصية، اها .. من وين يجيها العمار ، ومنو البطالب بالحقوق والناس ضربت العمارات السوامق وخلوا الكرو والجريف واللوبيا؟ (وقلبها براك وأعمل احصائية وشوف الفاقد كم )

اسالنى دبل!!!
البطالبو بالحقوق فى
و الطالبو بالحقوق برضو فى
لكن البسمع لى طلباتهم منو؟
بعدين اتخيل لى انو شئ طبيعى تفوت مدينة ما فيها اى مقومات التمدن
كدى و رينى المتعلمين الحلوين ديل يعملوا شنو بى شهاداتهم فى رفاعة؟
فى ليهم اى مجال عشان يعيشوا و يستقروا فيها؟
و اللا بى شهاداتهم دى يقعدوا يضايقوا الناس البتزع اللوبيا
و يباروا الضللة من شجرة محنة لى شجرة نيمة لى ضل الدليب
ديل لو لقوا ليهم اى فرصة عمل فى رفاعة اكيد ما حيمشوا لى غيرها
لكن الفرص قاعدة تتسرب من بين ايدى رفاعة لمصلحة مدن اخرى
(كدى قلب معاى و شوف المقصرة فيهو الحكومة شنو و الاعتراف بالذنب فضيلة)

ثالثاً : دايرين نطالب الحكومة تعمل لينا مصانع .. كلام جميل .. طالبوا الحكومة دي ولا الحكومة الجاية دا من حقكم وما ضاع حق وراه مطالب ..

تمام

طيب : قول لي منو فينا فكر نتجمع ونعمل لينا مشروع يعود على رفاعة وعلينا بالخير والبركة؟ قول لي منو شال ليه دراسة جدوى ومشى بيها لمسؤول عشان تنمية رفاعة في أي مرفق محتاجة ليه ؟..

منو القال الناس ما مشت؟
و منو القال الناس ما اتلملمت
لكن كل الجهود تصاب بالشلل التام لانها بتقف امام حائط سد الجبهجية
الورق ما بمشى لى قدام
لكن لو ما كنت جبهجى
و اللا موالى
و اللا عندك ضهر جبهجى كبير (احترنا و ما عرفناهو ضهر واللا جبهة)
و كمان قالوا الجبهجى بقاسمك بالنص و يمكن النص ذاتو ما تلم فيهو
يعنى نهايتو لو عندك جبهجى امورك حتسلك و لو ما عندكم تموت بى نارك

وأبداً لا اقلل من الجهود المقدرة التي تبذلها الروابط والكيانات الاخرى والافراد من أجل رفاعة، ولكني اتحدث عن شركات ومشاريع تجد الاهتمام عند المسؤولين وتجد المتابعة مننا ونجد كلنا جدواها عندما تتحقق ( تعليم بكل مراحله ، مراكز شباب ، مكتبة ، رياض وملاهي للاطفال ، نقل ،مستشفيات خاصة ، زراعة ، صناعات صغيرة- انتاج خضروات وفواكه ودواجن وأسماك الخ

يا ريت , بس يدالشعب (الضعيفة) ما بتصفق براها
و المفروض انو يد هى الحكومة التتمد قبل كل شئ
كدى النسالك : انت الناس الصارفين ليهم قروش و مقعدنهم فى مكاتب ديل بعملوا فى شنو؟
ما بعرفوا احتياجات مدنهم ؟ حاجة غريبة
و برضوا قدر الناس ما تمد يدها تلقى يد الحكومة راجعة لى وراء , التقول الناس شاحداهم


( ودي ما فيها سم في الدسم )

مصدقك يا الاخو

اعتقد بل اكاد اجزم أن حرية التعبير المتاحة لدينا في السودانان دا شفنا الناس بيقولوا رأيهم في الحكومة بكل صراحة ووضوح وكذلك في الصحف واجهزة الاعلام الاخرى، بجانب أن هناك منابر اعلامية اخرى غير مملوكة للدولة يعني المسألة ما لدرجة تكميم الافواه ، والناس مفروض تكون اتعلمت من التجارب الطويلة المريرة وأي سوداني بقى عنده وعي سياسي بحد أدني يمكنه من التمييز بين الصالح والطالح في الحياة السياسية على وجه الخصوص
و انا اجزم بان جزمك دى ما مختوتة فى رفوفها
كدى اول حاجة ورينى ياتو قناة دى الانت ببتفرج عليها , السودانية الواحدة دى!!
لا لا لا ما ظنيتها ياها ذاتها
يا اخوى دى بين الجبهجى و الجبهجى بجيبوا ليك جبهجى
و اى واحد منزلنو فى الانتخابات الجاية بداوا يلمعوا فيهو من رمضان القبل الفات
بالله فى كم حزب نازل معاهم انتخابات؟
كدى احسب لى فرص الاحزاب كلها و قارن نسبة ظهورهم فى التلفزيون مع الجماعة الطيبين
و بعدين حرية الصحافة دى وين و ناس الامن بقراوا الصحيفة قبل الطبع
يشطبوا المانافع و كدة
الله يرحم محمد طه محمد احمد
بالله عليك كم مرة قفلوا ليهو الجريدة
و اقاموا عليهو الحد
(برضوا نحن مؤمنين و بنقول انو كتلو الله , آآآآآى كتلو الله , انا هسه قلت حاجة تانية)
(بالمناسبة المرحوم الزبير و المرحوم د. قرنق و كلوا من ركبوهو التونسية برضوا كتلم الله)
جرايد كتيرة حصل اوقفوها قبل الطبع
بس كدى ورينى الحرية دى وين
قلت لى شنو : يعنى ما لدرجة تكميم الافواه؟
ها ها ها حلوة دى عجبتنى شديد
بارك الله فى النت البقى يخلى الناس تتكلم

أنا قصدي زي قصدك إنت تماماً .. وإنت قصدت انه الهدف الاساسي هو مصلحة رفاعة تجي من يمين تجي من شمال تجي من وسط مش مهم .. وشطارتنا نحن أهل رفاعة إننا نستفيد لصالح رفاعة من أي جهة تولت الامر ، يعني ننسى الانتماء الحزبي الضيق ونتتطلع للمصلحة العامة من أجل رفاعة.. وخالي من سم في الدسم ، إتفقنا؟

متفقين يا الحبيب و دا ياهو بداية كلامى زاتو , لكن المؤتمر الوطنى هو الحاكم , و نحن معايشين التجاهل بتاعهم
و عارفين الحقد التاريخى الدفين للاسلاميين ضد المدينة و جد خافيين انهم يكرروهو تانى
كدة اتفقنا؟

وحنتفق اكتر انشاء الله طالما هدفنا واحد وهو مصلحة رفاعة فوق كل اعتبار

فوق فوق رفاعة فوق

وربما كان تهميش رفاعة في السابق نوع من العقوبة على هذه المهابشات

دا ياهو ذاتو الخايفين منو

لكين نحن اولاد النهار ده

صحى
و تفتيحة شديد

والدعوة قائمة من بوستك دا لكل أبناء وبنات رفاعة نفكر في حاجة كبيرة ومفيدة للبلد ، والاقتراحات مطلوبة والجدية مطلوبة اكتر .. وربنا يوفق الجميع

يا ريت , لكن اليد الواحدة ما بتصفق
و يد الحكومة هى الاعلى و يا ريتها تهتم بدعم رفاعة بدل ما تسال عن المساعدة
معقول بس ياناس نحن حنشترى حصين للسوارى و يمكن بكرة نبنى مراكز شرطة كمان
الحكومة وين من دا كلوا يا سبحان الله
نحن منتظرين منها اكتر من كدا بكتييييييير
و ايد على ايد تجدع بعيد
اثنى اقتراحك و نخلى البوست يكون مفتوح لدعم رفاعتنا الحبيبة
و لمقاطعة المؤتمر الوطنى فى الانتخابات
و كلوا واحد يشوف ليهو عشرة فقط لا غير

وبفضل مليارات تحاياك القدر قروش الجبهجية اصبحت أرفل في نعمة من الود والمحبة .. دامت
بيننا

و ازيدك منها كمان
و كلى ثقة فى انك حتوزع معاك للناس المحتاجين ليها
بدون محسوبية و لا تعالى و من غير طمع و لا تمكٌن
و تذكر انو الناس سواسية كاسنان المشط
لا فضل لجبهجى على اى سودانى تانى الا بالاخلاص للوطن
ما تقوم بمليارات التحايا دى كلها براك

إتفقنا تب.. خليتك عافية

بالحيل كدة اتفقنا تب
ارقد عافية

___

جبصى ازيك
معليش المكالمة انقطعت
حاولت تانى ما اتوفقت
ساحاول ان الله مد فى العمر
و بعد المكالمة كنت داير اقول ليك اتكلم ما عشرتك يا صديق
حتى و لو كان العشرة راسهم فاضى
يعنى ما فيهو و لا صوفايا واحدة
لانو عندنا ليهم روقين
لكن لاحظت انو انك ممكن تكون احسن فى خانة العدو النافع
اقلاهو انك ممكن تساعد فى عتالة موية الدهب
و ان شاء الله المرة الجاية ترفع الدهب الاصلى
انت زمان كنت بتدك حصة اللوغريثمات و اللا شنو
كانو بعلمونا انو من صفات المنافق
ان يظهر خلاف ما يبطن

مشتاقين ياجبصبص
اسمع , انت مالك متجبص كدة؟

[لطفى احمد عمر]

تنظيميا كلام زي الورد
لكن ما نورتونا بالبديل
ياخي مين جاء قبل الانقاذ دي وعمل شيئ ممكن نفتخر بيهو

ما يقوم يجي واحد يصنفني سلبي

الحبيب الرشيد حاشاك انت من السلبية
تعرف يالرشيد انو اى دولة بترولية بتظهر عليها معالم النعمة بعد خمسة سنوات بس
و بتنتشر الرفاهية على كل المواطنين بعد عشرة سنوات
رفاهية رفاهية مش اى كلام
و هسه البترول بدأ تصديره من 1999
و النعمة ما ظهرت الا على الجبهجية و بس
يالرشيد تجى بى شركتك عشان ما تشتغل
تلقى الجماعة مكوشين على كل شئ
و يمكن تلقى ليك فتات تاكلوا و يمكن لا
يا الرشيد كدى و رينى العاجبك فى رفاعة شنو

عزمى
في ناس بتشرب هي وبهائما من حفير واحد

في ناس ماتت من سوء التغذية

في ناس ماتت من السل

و فى ناس البحر هددها
و فى ناس ما قادرة تاكل
و فى عجايز و اطفال ما لاقيا تتعالج
و فى ناس ما قادرة تواصل تعليمها عشان تعول اهلها المحتاجين
ناس طول عمرهم مزاعين و ما عندهم معاش
يقدروا يعيلوا نفسهم كيف لو ما ولدهم بطل التعليم
و مشى يغسل العربات فى الخرطوم
و ناس
و ناس
يا الرشيد لو اى فريق كورة ادوهوا قروش البترول دى
كان عمروا السودان كلوا
مش الجبهجية بس
يا الرشيد انت زولنا تب
بس الناس ديل قاعدين يخمونا ساكت
بالاعلام بتاعهم دا
كلوا ما واحد منهم يفتتح ليهو ان شاء الله لو ملهى ليلى
يجيبوا ليك الكاميرات و التلفزيون وراهو
الناس ديل ما بجيبوا الوش الكعب ابدا
و قدر الوشيش الجميل و البوهية الضاربنها فى الشوارع
ياها البجيبوها لينا فى التلفزيون
يا الرشيد منو الفى رفاعة بياكل لحمة كل وجبة
منو البياكل فواكة مرة فى اليوم
يالرشيد انت زولنا تب و اصلا ما حتتصنف منهم
ديل مافى زول بتشرف بيهم
و حتى هم ذاتهم بقوا يزوغوا من اسم الجبهة
بقى اسم مخجل حتى ليهم هم انفسهم
لانهم عارفين هم بعملوا فى شنو
و عارفين الممكن اليتعمل شنو
يا الرشيد الله معاك
و معانا
و مع رفاعة

___

الصدوق الصادق ود الدابى
اشكر لك مرورك
و اقدر وجهة نظرك تماما
و رايى فوق فى الرد على الاخ الرشيد

[mohamed elhag abdelmahmoud]

دمغة غريق
دق مندوب شركة تحصيل فواتير ( التلفونات) باب منزل (حاج الطاهر)

………………………………………………………………………..

- ده منزل الطاهر فضل الله

- نعم

- نحنا فواتير التلفونات ( وناوله فاتورة التلفون)

خرج (حاج الطاهر) نظارة القراءة من جيب جلابيته وبدأ يقرأ في تفاصيل الفاتورة .. محادثات عالمية محادثات محلية .. هاتف جوال … ضريبة.. (ثم) دمغة غريق

-(حاج الطاهر في استغراب وهو يضع أصبع سبابته أمام (دمغة غريق) مخاطبا المتحصل :

- كدى اقرا ليا دى شنو ؟ دمعة شنو؟

- دى يا حاج ما دمعة … دمغة … بالغين مش بالعين .., دمغة غريق .. ألف جنية بس

- مش في ألف جنية بس.. هي ذاتا شنو؟

- والله يا أستاذ أنحنا بنحصل بس القروش لو عندك أي أسئلة أمشي (شركة التلفونات) هناك ح يشرحوا ليك الموضوع

في الشركة

-عاوز أقابل الزول المسئول عن التحصيل

- شفت الممر داك.. أمشي عديل تاني لف شمال تاني لف يمين أول مكتب يقابلك دا مكتب مديرالتحصيل

وبالفعل بعد أن قام (حاج الطاهر) بمتابعة (الوصف) وجد نفسه وجها لوجه امام مكتب (مدير التحصيل)

- السلام عليكم

- وعليكم السلام.

- والله في الحقيقة أنا بس عندي استفسار..

- (مبتسماً) إتفضل

- الحقيقة جاتني فاتورة التلفون وفيها ألف جنية مكتوب قداما( دمغة غريق) - مواصلاً- أول حاجة الشئ الأنحنا عارفنو إنو الدمغة دى (طابعة) بلصقوها لمن الزول يجى يقدم طلب … والحاجة التانية (غريق) شنو ؟ وأنا مالي ومال المسألة دي .. محادثاتى وبدفعها ليكم .. تأني ما عندكم معاي حاجة - مواصلاً- إنتو يعنى لازم تاكلو اموال الناس (بالباطل)؟

- (بعد ان إستعدل المدير فى جلسته) : يا أستاذ ما ( تهيج) ساكت.. أول حاجة أنحنا ما قاعدين ناكل مال زول بالباطل لأنو المسألة دي أجيزت من المجلس التشريعي للولاية..والنواب الأجازوها ديل إنتو الإنتخبتوهم .. يعنى هم بمثلوكم .. يعنى هم موافقين نيابة عنكم .. يعنى بالعربى إنتو موكلنهم .. وهم أصدرو القرار دا ونحنا ما علينا إلا التنفيذ.. والحاجة التانية (الحكومة) ما شغالة بالتسميات شغالة بالجوهر.. بالمضمون ..الدمغة بلصقوها .. يدبسوها .. ما مهم .. المهم تندفع .. هسع لو المسائل تسميات كان تكون فى حاجة إسمها (المساهمة الإلزامية) هو فى (مساهمة) وكمان (إلزامية)؟ القصة يا استاذ (جوهر ومضمون) التسميات ما مهمة.

- أها وهسع حكاية (دمغة الغريق) دى شنو …؟

- والله أنا ما بقدر (أفتيك) فى المسألة دى لكن لو عاوز تعرف أكثر.. لحسن حظك (منظمة الغريق) ذاتا المبنى بتاعا أهو داك.. العمارة الصفراء ديك ممكن تمشي تأخذ منهم معلومات وتعرف الحاصل شنو.

في المنظمة

مبنى المنظمة عبارة عن ( فيلا) فخمة ذات سياج معدني أنيق معلقه عليه بعض اللوحات الإعلانية التي تحض المواطن على تقديم الدعم والمساعدة للمنظمة من أجل القيام بدورها الإجتماعي فتلك لوحه تقول:

( أيها المواطن الكريم تبرع بكفن غريق تكسب ثواباً) وأخرى تقول : ( من كفن غريقا فكأنما أطعم عشرين مسكيناً) وثالثة تقول : (الغرقى أخوانكم فتبرعوا لهم) ورابعة تقول : (الغرقان فى ذمة العايش) ، بعد أن قام (حاج الطاهر) بقراءة كل تلك اللوحات .. ومتع ناظريه بذلك (القطيع) من السيارات البيضاء الفارهه موديل العام (المرصوصة) فى المكان (المسقوف) المعد لها … قام بدخول المبنى حيث طلب من موظف الإستقبال مقابلة المدير العام للمنظمة .

مع المدير

دلف (حاج الطاهر) الى مكتب المدير العام .. المكتب فسيح .. التكييف مركزى .. تتدلى من حيطانة ستائر ايطالية بينما غطيت أرضيته بالسجاد الإيرانى .. به طقم جلوس (أمريكى) فاخر وقاعة إجتماعات أنيقة من الخشب (المصقول اللامع) .. أمامها مكتب نصف دائرى يجلس عليه السيد المدير بوجه لامع تبدو عليه أثار النعمة و(الراحات) و(التكييف طويل المدى)

- السلام عليكم

- وعليكم السلام ورحمة الله تعالى وبركاته إتفضل- مشيراً الى أحد كراسى الجلوس الوثيرة ، جلس(حاج الطاهر) ثم قال مخاطبا السيد المدير :

- والله فى الحقيقة أنا جاتني في فاتورة التلفون دمغتكم دي وقلت أجي أقابلكم أعرف الحاصل شنو ؟ وما مدى

( مشروعية) دفع الدمغة دي.

- والله يا أخي نحنا (بنثمن) فيك الروح الطيبة دي وتجشمكم مشاق الحضور لي دارنا المتواضعة عشان تتعرف على ما تقوم به هذه المنظمة من عمل خيري يهم المسلمين جميعا … في الحقيقة المنظمة دي جات نتيجة لتزايد حالات الغرق..كل يوم والثاني يقولوا ليك ثلاثة أصحاب مشوا البحر غرقوا…ناس مشوا رحلة ما رجعوا .. وحافلة وقعت من الكبري الركاب ما إتلقو.. وجثه طافية في النيل.. الناس ديل كلهم ( الحكومة) تجيب ليهم ( غطاسين) من وين ؟؟؟ وتجيب ليهم ( بكاسي) تشيل جثثتهم من وين ؟؟؟ .. وتجيب ليهم ثلاجات تحفظ جثتهم لحدت ما أهلهم يتعرفوا عليهم من وين ؟؟؟…من نجيب قروش الإجراءات.. حمل الجثمان للمشرحة.. وضعة في الثلاجة.. تشريحه.. تصويره وعمل إعلان في الجرائد عشان أهلو يتعرفوا عليهو.. وفي حالات (عدم التعرف) عملية تكفينو ودفنو.. من وين ؟؟؟ وما تنسى مرات بيكون الزول الغرقان دا ذاتو ( مكتول) وفي الحالة دي نحنا في المنظمة بنتابع مع (الشرطة) - مواصلاً- الصرف دا كلو الحكومة تصرفوا من وين ؟؟ - ثم متسائلاً- في (ميزانية الدولة) في بند ذى دا ؟؟ ما لازم( منظمات المجتمع المدنى) والمواطن يساهم في المسألة دي.. أنت هسع ذاتك ما ممكن بكره تقع بيك عربية وإلا (حافلة) في النيل( يجيبو ليك غطاسين من وين )؟ بإختصار نحنا مسئولين من (الغريق) من لحظة (دخولو المويه) الى لحظة دخولو (القبر)

- دا كلو كلام جميل لكن أنا ذنبي شنو؟

- ذنبك شنو كيف يا أستاذ ؟؟.. مش أنت زول (مسلم) والبغرقوا ديل كلهم إخوانك فى (الإسلام) ؟

- (حاج الطاهر فى إستنكار) لا .. البغرقو ديل كلهم (مواطنين) وبس وممكن يكونو ما (مسلمين) وكلامك دا ضد (الدستور) وإتفاقية …

- (المدير مقاطعاً) لا أنحنا الناس الما (مسلمين) ديل عندنا ليهم (إدارة) براها فى المنظمة إسمها (إدارة غير الناطقين بها) .. (بالشهادة) يعنى !!
- لكن هسع ( السودان) كلوا يدفع ( للغريق) دا؟ مسلم على غير مسلم ..يعنى لو التلفونات دى فيها مليون مشترك وانتو قاعدين تاخدو (الف جنيه) من كل واحد يبقى بتجمعو ليكم (مليار جنيه) فى الشهر .. دا غير العاوز يطلع او يجدد جواز او بطاقة او رخصة قيادة أو عاوز يطلع شهادة بحث دى كمان مليارات - ثم متسائلاً - إنتو بتودو القروش دى وين؟ أصلو القاعدين (يغرقو) ليكم فى الشهر كم؟
- يعني أنت بس دي ( بالذات) عاوز تعرف أنها ماشة وين انت هسع ( الباقين) عارفم بمشوا وين ؟ عندك هسع دمغة ( الطريح) ودمغة (الشليق) ودمغة (الحابل) ودمغة ( النابل) زائد كنانه والرهد … ديل كلهم عارفهم بمشوا وين؟

- (حاج الطاهر محتداً) هو نحنا (تطير عيشتنا) ما نعرف ولا حاجة .. يا أخى انا بس عاوز أعرف دى .. أيوه دمغة الغريق دى .. الباقى دا بيجى يوم نعرفو !!
- (المدير فى برود) : أكيد تكون يا استاذ افتكرت انو القروش دى كتيرة .. أول حاجة يا أستاذ لازم تعرف انو مسألة انتشال الجثث دى مسألة مكلفة عاوزة ليها صرف كتير .. لنشات وغطاسين وجازولين وخلافه .. عندك مثلاً الراجل الوقع من كبرى (الإنقاذ) وانتحر الاسبوع الفات عشان ما قدر يدفع مليون جنيه رسوم ولدو الدراسية .. دا نحنا بس عشان نلقى الجثمان بتاعو المسألة كلفتنا تلاتة مليون ..

- طيب لو كان أديتو التلاته مليون ما كان حل مشكلتو وما إنتحر !!

- يا أستاذ انا بكرر ليك دى ما مسئوليتنا .. دى مسئولية ديوان الزكاة .. صندوق التكافل .. الرعاية الاجتماعية .. طلاب دعم الصندوق ..نحنا مسئوليتنا (محدده) و تبدأ من لحظة موت الغريق داخل الموية وحتى ندفنو !!

- (فى استنكار) يعنى القروش دى كلها .. يعنى كم مليار جنيه فى الشهر كلها ماشه غطاسين ولنشات وجازولين .. معقول بس؟؟

- طبعا لا يا استاذ .. القروش البتفضل قاعدين نوظفها .. قاعدين نعاين للمستقبل .. هسع لما يجى يوم الناس دى كلها تغلبها المعايش تكابس البحر وتنتحر والله ما تلقى الا المنظمة دى تسترها .. نحنا - يا أستاذ- مستعدين (للغرق الجماعى) ال ح يحصل وعاملين حسابنا .. ومش كدا وبس نحنا عملنا مشروعات استثمارية نوظف فيها القروش دى عشان تنمو وتعمل رصيد كويس نقدر نجابه بيهو اى حالات (غرق جماعى) .

مشاريع إستثماريه ذى شنو؟؟

- طيب تعال اتفرج على الصور (وفتح السيد المدير البوم كبير ملئ بالصور الملونة) شفت دى الشايفها دا .. المبانى أم اربعين طابق دى .. دى (أبراج الغريق التجارية) فى قلب الخرطوم وبتنفذ فيها شركة (صينية) و ح نبيعها شقق ومكاتب .. - يقلب الصفحة- والبصات السفرية السياحية الفاخرة دى شفتها ؟.. دى مية وخمسين بص أسسنا بيهم شركة (سفريات الغريق) الخرطوم/مدنى/بورتسودان/دنقلا … -يقلب الصفحة - وكل صيدليات (الغريق) الفى العاصمة دى بتاعتنا .. ولسع عندنا مشروعات كتيرة .. دا كلو يا أستاذ (إستثمار) عشان (الغريق )….يعني السودان دا كلو لو ( غرق) أنحنا ممكن بي امكاناتنا دي( نحصلو) ونشيلو ندفنو!! .. أها بعد دا فى زول يقول نحنا قاعدين نهمل الغريق؟؟ زول يقول إنو البلد ما فيها (آليات) لدرء الكوارث ؟؟!!

- طيب انتو وكت القروش دى كتيرة كدا وعملتوها (عمارات) وشركات و(إستثمارات) ما تفكرو تساعدو المواطنين (الغرقانين) فى (الديون) و الفقر والمرض ودا ذاتو يكون شئ وقائى عشان ما يمشوا و(يغرقو ليكم)؟

- والله يا استاذ حسب (النظام الأساسى لمنظمة الغريق) نحنا بنعنى بمساعدة الغريق (البحرى والنيلى) وحتى البغرق فى (ترعة) .. لكن الغريق (البرى) دا ما معانا !! - مواصلاً- ده مسئولية (الرعاية الاجتماعبة) .. نحنا المواطن (الغرقان) دا همنا الاول والأخير ولازم يلقى عناية تليق بيهو مش هنا وبس حتى لو (بره السودان) .. وبالمناسبه إنت معزوم عندنا الجمعه الجايه ؟

- (الطاهر فى إستغراب) : معزوم عندكم بى مناسبة شنو؟

- بى مناسبة إفتتاحنا لمكاتب (جهاز شئون السودانيين الغرقانين بالخارج)!!

[ام احمدوامجد]

[[mohamed elhag abdelmahmoud;268676]دمغة غريق
[



- - ذنبك شنو كيف يا أستاذ ؟؟.. مش أنت زول (مسلم) والبغرقوا ديل كلهم إخوانك فى (الإسلام) ؟



- (حاج الطاهر محتداً) هو نحنا (تطير عيشتنا) ما نعرف ولا حاجة .. يا أخى انا بس عاوز أعرف دى .. أيوه دمغة الغريق دى .. الباقى دا بيجى يوم نعرفو !!
- بى مناسبة إفتتاحنا لمكاتب (جهاز شئون السودانيين الغرقانين بالخارج[/SIZE
[SIZE="4"]
مباااااالغة طبعاً ...!!! شر البيلة ما يضحك ..!!! غايتو بالغو فى عم الطاهر ..بلاغ شديد اللهجة ..!!!
أنا لو محلو طوالى على كبرى الأنقاذ ...!!! مش هو الأنقاذ ياهو المغرق البلد ..!!! وهم جاهزين موية
ونور للغرقانين ..؟؟ بس كلو كوم وجهاز شئون الغرقانين بالخارج دى كوم تانى..!!! يعنى
الواحد لو غرق بره برضو تخصصهم ...ما شاء الله ..!! عولمة والله ..!!!

تلحيقة
لطفى ...معليش بس الحكاية عجبتنى والله ...!!!

[لطفى احمد عمر]

عزيزى ود الحاج

الله يخضر ضراعك

- طيب انتو وكت القروش دى كتيرة كدا وعملتوها (عمارات) وشركات و(إستثمارات) ما تفكرو تساعدو المواطنين (الغرقانين) فى (الديون) و الفقر والمرض ودا ذاتو يكون شئ وقائى عشان ما يمشوا و(يغرقو ليكم)؟

دا قلب الموضوع
الجماعة ديل ممكن يغرقوا السودان كلوا عشان يستفيدوا من دمغة الغريق
مش برضوا المرحوم الزبير قال نحن حنقتل ثلثى السودان عشان نعيش مع الثلث الصالح
اتخيل دا كلام نائب رئيس دولة الكيزان الاسلامية

اخوانا العشرة ماشين بى ليلهم ساكاهم صبرة
اوصيك بالعشرة المبشرين
كلام العشرة دا ما فبهو اى هزار
و اوصى كل من تابى نفسه بالكتابة هنا
او من غير المسجلين بان يولوا امر توعية العشرة افراد عناية خاصة

[الرشيد حسن حشيش]

الحبيب الرشيد حاشاك انت من السلبية
تعرف يالرشيد انو اى دولة بترولية بتظهر عليها معالم النعمة بعد خمسة سنوات بس
و بتنتشر الرفاهية على كل المواطنين بعد عشرة سنوات
رفاهية رفاهية مش اى كلام
و هسه البترول بدأ تصديره من 1999
و النعمة ما ظهرت الا على الجبهجية و بس
يالرشيد تجى بى شركتك عشان ما تشتغل
تلقى الجماعة مكوشين على كل شئ
و يمكن تلقى ليك فتات تاكلوا و يمكن لا
يا الرشيد كدى و رينى العاجبك فى رفاعة شنو



و فى ناس البحر هددها
و فى ناس ما قادرة تاكل
و فى عجايز و اطفال ما لاقيا تتعالج
و فى ناس ما قادرة تواصل تعليمها عشان تعول اهلها المحتاجين
ناس طول عمرهم مزاعين و ما عندهم معاش
يقدروا يعيلوا نفسهم كيف لو ما ولدهم بطل التعليم
و مشى يغسل العربات فى الخرطوم
و ناس
و ناس
يا الرشيد لو اى فريق كورة ادوهوا قروش البترول دى
كان عمروا السودان كلوا
مش الجبهجية بس
يا الرشيد انت زولنا تب
بس الناس ديل قاعدين يخمونا ساكت
بالاعلام بتاعهم دا
كلوا ما واحد منهم يفتتح ليهو ان شاء الله لو ملهى ليلى
يجيبوا ليك الكاميرات و التلفزيون وراهو
الناس ديل ما بجيبوا الوش الكعب ابدا
و قدر الوشيش الجميل و البوهية الضاربنها فى الشوارع
ياها البجيبوها لينا فى التلفزيون
يا الرشيد منو الفى رفاعة بياكل لحمة كل وجبة
منو البياكل فواكة مرة فى اليوم
يالرشيد انت زولنا تب و اصلا ما حتتصنف منهم
ديل مافى زول بتشرف بيهم
و حتى هم ذاتهم بقوا يزوغوا من اسم الجبهة
بقى اسم مخجل حتى ليهم هم انفسهم
لانهم عارفين هم بعملوا فى شنو
و عارفين الممكن اليتعمل شنو
يا الرشيد الله معاك
و معانا
و مع رفاعة

___

الصدوق الصادق ود الدابى
اشكر لك مرورك
و اقدر وجهة نظرك تماما
و رايى فوق فى الرد على الاخ الرشيد


اخونا لطفي تحيات مسائية
دا ما الخفنا منو نفسو هو التصنيف السلبي
ياخي الحكاية ما حكاية خم بالاعلام ابدا وطبعا لا
كدي اول حاجة قسم لي البترول البتقول فيهو دا
نص للحكومة المركزية ونص لحكومة الجنوب
ونص للصين يبقي السودان كدولة مديون بنص
وح يندفع من الشعب القاعد تفتش انت لتنميتو
ويتذوق حلاوة البترول وبالنسبة لحكاية الوش
الكعب الوش الكعب عمرو ما بيتغطي ولو
قدروا غطوهوا حسب ما بتقول انا في اعتقادي
يبقي نجاح ونجاح كبير والشئ البغطي الشين
سمح واذا كان كذلك فهم الخيار المطروح
كل ما دعاني للمشاركة الغرق في الحيرة لانني
قررت ان اقاطع الانتخابات من اولها ولكن
حينما تطرح مقاطعة لجهة معينة يعني
وجود بديل افضل وكلنا امل في اقلامكم
وأطروحاتكم الانتخابية المقبلة للبديل الناجع
الذي يخرج رفاعة وغيرها الي بر الامان
فاي الاحزاب قدم او حاول ان يقدم او يمكنه
ان يقدم في المستقبل بديلا لهذا المؤتمر
الذي دعوتنا لمقاطعته

[لطفى احمد عمر]

العزيزة امهم

شفتى التعولم دا كيف
من الليلة ما فيش اى بحر للمغتربين
لانو الضريبة بكون فيها زيادة ترحيل بالجو
جمارك جنازة
ضرائب اسلامية
رسوم مرافق
و حاجات كدة بجيبوها من وين انا ما عارف
لكن عارفة عشرة فى الغربة يعملوا ليك عمل النار فى الهشيم
يكلموا ليك كل سودانى مغترب
و يدخلوا لا جوة الحدود السودان
ما يخلوا ليك سودانى الا و يكلموهوا
اصلوا المغتربين ديل سمهم فاير
و سلميلى على العولمة
و جيرانك و حبانك
و العشرة

[لطفى احمد عمر]

اخونا لطفي تحيات مسائية
دا ما الخفنا منو نفسو هو التصنيف السلبي
ياخي الحكاية ما حكاية خم بالاعلام ابدا وطبعا لا
كدي اول حاجة قسم لي البترول البتقول فيهو دا
نص للحكومة المركزية ونص لحكومة الجنوب
ونص للصين يبقي السودان كدولة مديون بنص
وح يندفع من الشعب القاعد تفتش انت لتنميتو
ويتذوق حلاوة البترول وبالنسبة لحكاية الوش
الكعب الوش الكعب عمرو ما بيتغطي ولو
قدروا غطوهوا حسب ما بتقول انا في اعتقادي
يبقي نجاح ونجاح كبير والشئ البغطي الشين
سمح واذا كان كذلك فهم الخيار المطروح
كل ما دعاني للمشاركة الغرق في الحيرة لانني
قررت ان اقاطع الانتخابات من اولها ولكن
حينما تطرح مقاطعة لجهة معينة يعني
وجود بديل افضل وكلنا امل في اقلامكم
وأطروحاتكم الانتخابية المقبلة للبديل الناجع
الذي يخرج رفاعة وغيرها الي بر الامان
فاي الاحزاب قدم او حاول ان يقدم او يمكنه
ان يقدم في المستقبل بديلا لهذا المؤتمر
الذي دعوتنا لمقاطعته

و حياك عزيزى

معليش لكن الجماعة مركزين على الاعلام بشدة و ما بخفوا الموضوع دا
الرئيس عمل ليهو مؤتمر عديل و دعى كل الاعلام السودانى داخل و خارج البلاد
للتغطية و التمويه على افعالهم الشيطانية

مدام اصلوا (اربعة) انصاص راحت شمار فى مرقة
و بقوا يكابسوا فى المواطنين عشان ما يغطوا التكلفة
مش كان ارحم لينا يكون فى قزازتو؟

يا الرشيد انت حكاية الوش الغطوهو دى جبتها من وين
كلامى واضح و صريح ياهو دا تانى , معليش

و قدر الوشيش الجميل و البوهية الضاربنها فى الشوارع
ياها البجيبوها لينا فى التلفزيون

مش يعنى غشوا الناس و غطوا على افعالهم
يعنى قايلين نفسهم بغشوا فى الناس
و ضاربين بوهية ساكت و ما شغالين باصول المواضيع
ما بقدروا يا الرشيد يدسوا العكب , لانو واضح للعيان
لكن بحاولوا يخدعوا الناس البسيطين بى اعلامهم

افترضت جدلا بان الدعوة تعنى وجود البديل الاحسن
و نسيت انها ممكن تعنى ان لا اسوأ منهم على الاطلاق
صاح و اللا ما غلط؟
و انا ما دعيت للتصويت لحزب معين
بقدر ما دعيت لان يقاطع المؤتمر الغير وطنى
قالوا قلب المؤمن دليلوا
و انت بالتحديد دلاك على ان تقاطع الانتخابات
و انا دلانى ان ادعوا الناس لعدم التصويت للاسوأ
البوست دا ما دعاية انتخابية لاى من الاحزاب
و زى ما ذكرت فى البداية
لا يهمنا يمين او يسار او وسط
المهم من يصلح حال السودان
و لى انا تحديدا من يصلح حال رفاعة
و من ثم السودان
و بعدين اعيد كلامى تانى , اعذرنى

يا الرشيد لو اى فريق كورة ادوهوا قروش البترول دى
كان عمروا السودان كلوا
مش الجبهجية بس

و انت تقول لى الاربعة انصاص
و لازم يتموهوا من الشعب

ودعتك لى امين الوداعة

[لطفى احمد عمر]

و عشان خاطر عيون حبيبنا ابراهيم
مشروع جاهز

مبروك لاهلنا ناس البطانة

http://www.rufaaforall.com/board/showthread.php?t=23698

و الدعوة اجددها لكل من يقرا هذا البوست بان يختار عشرة افراد من محيطه
و يقنعهم بان لا يصوتوا للمؤتمر الوطنى و يلزم كل منهم بان يختار عشرة آخرين
و هكذا

يا داخل هذا الدار صلى على النبى المختار

[ابوعاقلة علي محمد يحي]

لا تهمنى السياسة
و لا السياسيين
ان يحكمنى من هو من
اقصى اليمين
او
اقصى اليسار
او
الوسط
هذا لا يهمنى
المهم عندى ان يشمل البرنامج الانتخابى
للحزب الذى ساصوت له
تطوير مدينة رفاعة
و من ثم السودان
و ان المس التطور فى رفاعة قبل الانتخابات


نواصل


ما دام بتصوت بعد ما تلمس التطور ما عندك مفر غير المؤتمر الوطني
لأنو هو النفذ المشروع المتروك على الورق كل هذه السنين ( الكبري )
وارجو ان نترك الكراهية السياسية ونلتفت الى ما ينفع البلد واهلها
ونكون صادقين مع انفسنا ولا ننقاد الى كل هذا الهرج السياسي من احزاب
خبرناها سنين عددا ....... واخيراً ليس هناك حزب من الأحزاب خلي تماماً
من اصحاب الهوى والمتكسبين ونسأل الله ان يولي الأصلح

[ابراهيم محمد احمد المك]

و عشان خاطر عيون حبيبنا ابراهيم
مشروع جاهز

مبروك لاهلنا ناس البطانة


http://www.rufaaforall.com/board/showthread.php?t=23698


لطفي سلام

يا أخوي مشروعك دا بدأ بفكرة وانتهي بدردشة .. كدي شوف مشروع غيره ..

مع تمنياتي لك بالتوفيق في كل مشاريعك

[لطفى احمد عمر]

ما دام بتصوت بعد ما تلمس التطور ما عندك مفر غير المؤتمر الوطني
لأنو هو النفذ المشروع المتروك على الورق كل هذه السنين ( الكبري )
وارجو ان نترك الكراهية السياسية ونلتفت الى ما ينفع البلد واهلها
ونكون صادقين مع انفسنا ولا ننقاد الى كل هذا الهرج السياسي من احزاب
خبرناها سنين عددا ....... واخيراً ليس هناك حزب من الأحزاب خلي تماماً
من اصحاب الهوى والمتكسبين ونسأل الله ان يولي الأصلح

برضوا راى
شكرا لمرورك الجميل اخى ابو عاقلة

[لطفى احمد عمر]

لطفي سلام

يا أخوي مشروعك دا بدأ بفكرة وانتهي بدردشة .. كدي شوف مشروع غيره ..

مع تمنياتي لك بالتوفيق في كل مشاريعك



افو افو يا المك
مش انت القلت نعمل البوست دا للمشاريع و التطوير؟؟
نطيت و اللا شنو!!
المشروع دا زمان كان مجرد ونسة و دردشة
و عشان خاطر كلامك انت جبناهو ليك
عسى و لعل ان تحيا العظام و هى رميم
لو المشروع دا استمر مجرد ونسة
يبقى كلو حيكون ونسة X ونسة
كدى يا المك يا اخوى النحاول نشوف لينا طريقة
نتعامل بيها مع الجهات التنفيذية و نوصل ليها المشروع دا
و حتشوف الضرب تحت الركب من جماعتنا الطيبين
يعنى اى مشروع يقوم لازم بالنص
كما قيل
كدى خلينا النشوف آخرتا

تسلم يا الحبيب

[لطفى احمد عمر]

طلب خاص جدا

هل لى برقم تلفون الدكتور
حسن عبد الله الترابى
او اى وسيلة اتصال بسيادته

مع اختلافى التام معه
الا اننى آمن بان لكل مرحلة رجالها

الرجاء ارسال الرقم على الخاص
و دمتم

[لطفى احمد عمر]

منقول

محاولة لوصف الأوضاع في السودان

الأخوات والأخوان الكرام.. لكم دومـًا التحايا والتمنيات الطيبة
مما لا شك فيه أن الوصف التفصيلي للأوضاع في السودان اليوم لا تكفيه عدة مقالات طويلة، ناهيك عن مقال صغير، ولكنها محاولة لوصفٍ مقتضب، ربما يكفي لبيان جانب يسير من المعاناة التي يعيشها الشعب السوداني اليوم، ممثلا في أكثريته الفقيرة، علما بأني لا أتحدث هنا عن الأوضاع في مناطق الحرب، كدارفور وأبيي، وغيرهما، حيث تحوَّل المواطنون إلى لاجئين، يعيشون في الخيام، بعد أن قـتل منهم من قتل، وأغتصب من نسائهم من أغتصب، ولا عن مناطق التهميش، حيث لا علاج ولا تعليم ولا خدمات من أي نوع، وإنما أتحدث عن المدن والولايات الأفضل نسبيا، بما فيها ولاية الخرطوم، ثم إني لا أتحدث هنا عن الأوضاع السياسية، بشكل عام، مما قد يعرفه الجميع، ولا عن الأوضاع القانونية والقضائية، التي ربما لا يشعر بأثرها، ولا يهتم لها، سوى الذين تنشأ بينهم نزاعات مدنية أو جنائية، وإنما يقتصر حديثي هنا على أوضاع التعليم، وما بعد التعليم، والصحة، والمعيشة، في ظل التوجهات السياسية والاقتصادية الحالية، ومنها سياسة (التحرير) الاقتصادي، ثم هناك ظاهرة شركة كويست (Quest) إن صح أن هذا هو اسمها
أوضاع التعليم:
إذا نظرنا إلى الوضع التعليمي، في السودان، لأبنائنا وبناتنا، فإنه محزن ومزعج، فقد صارت الجامعات كثيرة، ولكنها مزيفة وباهظة التكاليف، في آن ٍمعا، فهي أشبه بشركات تسعى للحصول على أكبر قدرٍ من الربح مقابل إعطاء شهادات للطلاب، بحيث يعتبر الواحد منهم خريجا جامعيا، دون أن تؤهله تأهيلاً حقيقيا، في المجال الذي يدرس فيه، ودون حتى أن تثـقفه تثـقيفا يجعله قادرًا على تعليم نفسه بنفسه، وحتى جامعة الخرطوم العريقة، فقد أفسدوها، بالتعريب، وبالتسييس، وبطرد الأكفاء من الأساتذة، وإحلال الموالين، الخ، فصارت مزيفة كبقية الجامعات الكثيرة التي لا حصر لها.. وأما المدارس الثانوية فهي إمَّا (مدارس خاصة) بتكاليف باهظة، لا يقدر عليها إلا الأثرياء، ومع ذلك غير مضمونة التأهيل، وإمَّا (مدارس حكومية) وهذه لا ينجح من طلابها، نجاحا يؤهله للمنافسة في الجامعات الأقل تكلفة، إلا القليل، وكذلك شأن المدارس الابتدائية.. والمدارس الحكومية هي أيضا ذات تكاليف مزعجة، ولكنها أقلَّ كثيرًا من تكاليف المدارس الخاصة، والغريب أن وزارة التربية والتعليم قد ظلت تصرح بالصحف، من حين إلى آخر، أن التعليم الحكومي في المراحل دون الجامعية مجاني تماما، وأنها لم تفرض أي رسوم، من أي نوع، على الطلاب، بينما يعلم الجميع أن المدارس الحكومية، في الواقع، تفرض رسوما متعددة ومتنوعة على الطلاب
وكما هو معلوم فإن أهل (الإنقاذ) قد غيروا المراحل التعليمية، فجعلوا فترة المرحلة الابتدائية (8) سنوات، من الصف الأول إلى الثامن، وأسموها (مرحلة الأساس).. وأما مناهج التعليم فقد كانوا في بداية عهدهم قد ألغوا مادتي التاريخ والجغرافيا، في مرحلة الأساس، وابتدعوا بدلا عنهما مادة أسموها (أحوال البلاد والناس) ثم ألغوها، وأدخلوا أسماء أخرى، كبديل لمادة التاريخ، منها (نحن والعالم الإسلامي) و(نحن والعالم المعاصر)، وأما الجغرافيا فلم تعد تدرس إلا في المرحلة الثانوية، كما عمدوا إلى التوسع في دراسة (الفقه الإسلامي)، والخطاب الديني السلفي المتطرف، والمفاهيم النابذة للآخرين، غير المسلمين، والحاضة على قتالهم واضطهادهم وكراهيتهم، كما أدخلوا الحفظ الإلزامي لسور وأجزاء طويلة من القرآن الكريم، وأغلبها من السور المدنية، إن لم تكن كلها، وغير ذلك مما يظنون أنه يخدم أغراضهم السياسية المستقبلية، وباختصار فقد عبثوا بمناهج التعليم كما يشاؤون
ثم ماذا بعـد التعليم؟؟
يتخرج كل عام عشرات الآلاف من الخريجين، من تلك الجامعات المزيفة، وهم غير مؤهلين، ثم حتى لو افترضنا جدلا أنهم قد تأهلوا في التخصصات التي درسوها، فلا يتم استيعابهم في وظائف، فليس هناك سياسة تنسق بين الاحتياجات والتعليم والتوظيف، فقليل جدًا منهم من يجد وظيفة هنا أو هناك، وغالبا ما تكون الوظيفة غير ذات صلة بالمجال أو التخصص الذي تخرج فيه، وأحيانا يشترطون في التقديم لبعض الوظائف، (بطاقة خلو طرف) من الخدمة الوطنية الإلزامية، وليس مجرد (إذن تعيين) أو (موافقة على التعيين) فيحرمون بذلك شريحة واسعة من حق التقديم للوظيفة، وأما الأكثرية العظمى من الخريجين فهي لا تجد وظائف مطلقا، ومنهم خريجات وخريجون، فأما الخريجات، فيبقين في البيوت، في انتظار الزواج، وفرص الزواج نفسها ضعيفة، لدى أكثرهن، لأسباب لعل من أبرزها اتساع رقعة الفقر، بمعنى ازدياد عدد الفقراء، وتقلص حجم الطبقة الوسطى، وتركز الثروة في أيدي الأقـلية الثرية، وذلك نتيجة لسياستي (التمكين) و(التحرير) الاقتصادي، فبسياسة (التمكين) حولت (الإنقاذ) جزءًا كبيرًا من الثروة إلى أيدي أقليات معينة، ثم أكملت الباقي بإتباع سياسة (التحرير) الاقتصادي، ومعلوم أن هذا (التحرير) الاقتصادي ليس سوى تعميق وتوسيع وتشديد لنظام الرأسمالية القائم أصلا، وسألقي عليه لمحة سريعة لاحقا في هذا المقال.. وأما الخريجين، الذكور، فمنهم من يبقى عاطلا، عطالة سافرة، ومنهم من يقتحم بعض صور العطالة المقـنــَّعة، كالسمسرة وغيرها، ومنهم من يدخل سوق التجارة، وهذه تحتاج إلى رأس مال، يبدأ به، وإلا فشلت، وأمَّا فرص التأهيل العلمي الحقيقي، ثم التوظيف في نفس المجال، لأبناء الغالبية الفقيرة، من غير ذوي الوساطات، فهي نادرة ندرة الكبريت الأحمر، وربما أندر منه.. ومن الخريجين من يلهث وراء الوساطات، من ذوي العلاقات بالموالين، ومنهم من يبحث عن فرص عمل بالخارج، الخ، الخ، غير أن المشكلة تظل قائمة، ومقيمة، لدى أكثرهم
الأوضاع الصحية:
هناك نظام تأمين صحي، نشأ نتيجة لاتباع سياسة (التحرير) الاقتصادي، حيث تترك الخدمات الطبية للقطاع الخاص، مع تحرير الأسعار، فيرتفع سعرها بصورة خيالية، فيعجز عنها المواطنون، فيقدم لهم نظام التأمين الصحي، كبديل، حيث يدفعون مبلغا من دخولهم، بصورة دورية (ربما تكون شهرية أو ربع سنوية، حسب المبلغ) للجهة التي تكفل لهم التأمين الصحي، وعندما يحتاجون للخدمات الطبية، يذهبون إلى مستشفيات وصيدليات معينة، تابعة لجهة التأمين الصحي الذي أشتركوا فيه، وبعد كل هذا لا يجدون علاجا مجانيا، أو شبه مجاني، وإنما تخفض لهم الأسعار نسبيا فقط
أوضاع المعيشة عمومــًا:
العديد من الأحياء، وربما أغلب الأحياء، بالعاصمة، لا تضخ إليها مياه صالحة للشرب، في الحنفيات، فكثيرًا ما تجيء المياه معكرة، مليئة بالطين، وأحيانا تجيء صافية في ظاهرها، ولكنها في كل الأحوال لا تستوفي المعايير الطبية للمياه الصالحة للشرب، فأما الأثرياء فيشربون فقط من (مياه الصحة) وهي زجاجات بلاستيكية معبأة تباع في البقالات، فلا يشربون من ماء الحنفيات مطلقا، وأما الغالبية الفقيرة فتشرب مياه الحنفيات، ومنهم من لديه مقاومة طبيعية جيدة في جهازه المناعي فيقاوم أغلب الأمراض المنقولة عبر المياه، ومنهم من يمرض كثيرًا فليجأ إلى التأمين الصحي سالف الذكر.. ورغم عدم صلاحية المياه، فإنها في بعض الأحياء أو في بعض المربعات داخل الأحياء غير متوفرة، فسكان مربع (-) -، مثلا، -(حذفت ثلاث كلمات بواسطة لطفى)، وهو مربع في حي من أحياء قلب العاصمة، وليس من الأطراف المهمشة، لا يحصلون على الماء، حتى لو استخدموا موتورًا كهربائيا لسحب الماء، إلا في الثلث الأخير من الليل، فيملؤون منها الأزيار والبراميل الخ، ثم يستخدمونها بالنهار
وأما الكهرباء فهي غالية بحيث لا يستطيع الفقراء تركيب مكيف واحد بالبيت لمواجهة حر الصيف الرهيب، لأن المكيف، حتى لو كان من نوع (Cooler) ذي الاستهلاك الأقل للكهرباء، فإنه يستهلك من الكهرباء ما يعجزون عن دفع ثمنه، علمــًا بأن أسطح الغرف وسقوفها هي غالبا من الزنك الذي يضاعف من حرارة الجو ويحولها إلى لهيب لا يطاق، ولستُ أدري لماذا لا يستخدم الناس السقوف الخشبية، ولكن يبدو أنها لا تصلح إلا في مناطق ذات تربة صخرية، مثل أم درمان، وأما النوع الذي يسمى (العقد) من السقوف، فهو مكلف، وأما الخرسانات فهي خاصة بالبناء المسلح ذي الطوابق، الذي يختص به الأثرياء، ملكا أو استئجارًا.. ثم إن الكهرباء، حتى للذين لديهم مكيف بالبيت، كثيرًا ما تقطع في فترة الصيف، فيضطر بعض أثرياء الحي إلى تشغيل المولـِّد الكهربائي (Generator) المثبت في الشارع أمام المنزل، بصوته المزعج الرهيب، فتجتمع على الجيران كهرباء مقطوعة، وحرارة جو رهيبة، كأنها من فيح جهنم، مع أصوات مولدات كهربائية مزعجة، وكذلك الحال بالنسبة للمكاتب في الأسواق وأماكن العمل
وأما السلع اليومية الضرورية، كالخبز والخضروات والزيت والبصل والسكر واللبن والصابون، الخ الخ، فإن أسعارها مرتفعة بصورة لا يوجد أدنى تناسب بينها وبين الدخول، إلا لدى ذوي الدخول العالية، وهم أقـلية، وأما السلع أو الخدمات الضرورية الأخرى، كالحصول مثلا على نظام انترنت سريع، غير النظام البطيء العادي، ليبحث الخريج فيه عن فرص عمل، أو منح دراسية، أو أي شيء مما يخدم قضية التعليم أو التوظيف لديه، فإن ذلك من رابع المستحيلات، إلا لدى الأثرياء
أنواع السلع والخدمات:
لعل من المعلوم أن هناك نوعين من السلع والخدمات: وحيث أن (الخدمة) نفسها تسمى (سلعة)، فلنقل أن هناك نوعين من السلع:
1) سلع يحتاج إليها الإنسان بطبيعته، سواء كانت ضرورية أو كمالية، وهذه أسميها هنا السلع الحقيقية، أو الايجابية
2) وسلع لا يحتاج إليها الإنسان بطبيعته، ولكنه قد يشعر بالحاجة إليها إذا خضع لتأثير مؤثر يوهمه بالحاجة إليها، وهذه أسميها هنا السلع الوهمية، أو السلبية
وبعض السلع الوهمية ممنوع قانونا، مثل المخدرات، وهذه لا تهمني هنا، وإنما يهمني هنا السلع الوهمية المباحة قانونا، ومنها ما هو ضار صحيا، كالسجاير، وبعض المشروبات الغازية، وبعض المعلبات المحفوظة بمواد حافظة ضارة، الخ الخ، ومنها ما هو ضار اجتماعيا، كالسلع التفاخرية والتبذيرية، مثـل (آخر صيحات الموضة) في عالم كذا وكذا، ومنها ما هو ضار ثـقافيا وأخلاقيا، كالسلع الإفسادية والتضليلية، مثـل الأفلام والأغاني الهابطة والمبتذلة، ومثـل السلع التي تتعامل مع المرأة كأنها مجرد (أنثى) لا دور لها في الأسرة وفي المجتمع، ولا قيمة، سوى (الأنوثة والجاذبية) ومن أمثالها أدوات وخدمات المكياج والزينة المبالغ فيها، ومنها ما هو غير ضار صحيا أو ثـقافيا، إلا أن مجرد استهلاك سلعة أو خدمة، بمقابل مادي، دون أن يكون الشخص محتاجا إليها حاجة حقيقية، هو عمل ضار اقتصاديا واجتماعيا وأخلاقيا.. وأحيانا يتم شراء بعض السلع الحقيقية (الايجابية) لغرض آخر وهمي أو سلبي، غير الغرض الأصلي الايجابي منها، كمن يشتري سلعة معينة رغم أنه لا يحتاج إليها، ولكنه يشتريها فقط لمجرد احتمال أن تكون هي السلعة الفائزة بالجائزة، فعندئذٍ تعتبر السلعة وهمية أو سلبية.. ومن السلع الوهمية ايضا الأجهزة التي تكون رديئة الصنع وزهيدة الثمن نسبيا، ثم تحتاج لاحقا إلى قطع غيار، كل فترة، بحيث تكلف في النهاية ثمنا أكبر مما تكلفه السلعة الجيدة من نفس النوع.. ومن السلع ما يكون حقيقيا في حد ذاته، ولكنه يصبح وهميا لارتباطه بنوع خاص من الملحقات، بينما كان من الممكن أن يتعامل مع النوع العادي منها، كبعض أنواع الأجهزة المصممة بحيث لا تتعامل إلا مع نوع معين من المفاتيح أو الأدوات، بحيث أن من يشتريها يضطر إلى شراء مفاتيحها وأدواتها الخاصة، ومن صور الوهمية في السلع أيضا التعدد والتنوع في أشكال وألوان وملحقات واسبيرات الأجهزة التي تؤدي نفس الوظائف، بحيث أن من يشتري الشكل الجديد من الجهاز لا تصلح له أدوات الشكل القديم الموجودة لديه، فيضطر إلى شراء أدوات وملحقات الشكل الجديد الذي اشتراه، وهكذا إلى آخر صور وطرق التفنن والإبداع في وسائل إلزام المستهلك بشراء سلع وخدمات كان في غنىً عنها
سياسة التحرير الاقتصادي:

نواصل

[لطفى احمد عمر]

سياسة التحرير الاقتصادي:
تتمثل سياسة التحرير الاقتصادي فيما يلي:
1) أن تترك الدولة مسألة انتاج السلع والخدمات، فيما عدا الخدمات السيادية المرتبطة بالدولة كالأمن والدفاع والقضاء، الخ، للقطاع الخاص (الشركات الخاصة)
2) أن تترك الدولة الشركات الخاصة حرة فيما تنتج من سلع وخدمات، فلا تتدخل الدولة إلا بمنع السلع الممنوعة كالمخدرات، ومراقبة السلع المحتاجة إلى رقابة خاصة كالأدوية، وما إلى ذلك، وفيما عدا ذلك تترك الشركات الخاصة حرة فيما تنتج من سلع وخدمات
3) أن تترك الدولة الشركات الخاصة حرة فيما تتخذ من وسائل لتوزيع وتسويق ما تنتج من سلع وخدمات
4) أن تترك الدولة الأسعار حرة فلا يتحكم فيها سوى قانون العرض والطلب
وحيث أن الشركات الخاصة، كما هو معلوم وبديهي، لا تهمها مصلحة الناس (المستهلكين) ولا تعنيها، ولا تهمها وفرة الانتاج، وعدالة التوزيع، وما إلى ذلك من المعاني والقيم الاقتصادية، وإنما يهمها فقط تحصيل أكبر قدر من الأرباح، فإنها لذلك تتجه تلقائيا إلى تسويق ما تنتج من سلع وخدمات، وليس إلى إنتاج ما يحتاج إليه الناس بطبيعتهم، إلا بالقدر الذي يدخل به في مجال التسويق، فسياستها، في كل مكان، هي العمل على تسويق ما تـنتج، وليس إنتاج ما يُطلب، أو قـل السعي إلى خلق حاجة المستهلك لما تـنتج، بهدف خلق الطلب لما تنتج، وليس إنتاج ما هو مطلوب أصلا، أو ما يحتاجه المستهلك بطبيعته.. ولكي تخلق الطلب فإنها تتجه إلى إيهام المستهلك بحاجته إلى السلعة أو الخدمة التي تقدمها، ومن وسائل التأثير الايهامي الدعايات والإعلانات، التي تـتبارى، وتـتـنافس، وتـتـفـنن، وتبدع، في وسائل ترغيب المستهلك في ما تقدم من سلع وخدمات، حتى أن العديد من الشركات قد صار يقدم جوائز قيمة، كسيارة جديدة مثلا، كل شهر، أو كل أسبوع، بحيث تعطى الجائزة، عن طريق الاقـتراع، لأحد مستهلكي السلعة أو الخدمة التي تقدمها الشركة، مما يجعـل الملايين، ممن لا يحتاجون إلى السلعة أو الخدمة، يشترونها رغم عدم حاجتهم لها، وكل منهم يمني نفسه بأن يكون أحد الفائزين بالجائزة، فتحقق الشركة بذلك أرباحا طائلة، تغطي بجزء يسير منها ثمن الجوائز التي تقدمها، بينما يصير الباقي ربحا صافيا لها.. وحيث أن العديد من منتجات الشركات الخاصة إنما هو سلع وهمية، فإنها إنما تمتص الثروة تدريجيا وعلى المدى الطويل من أيدي الأكثرية المستهلكة إلى أيدي الأقلية المنتجة لتلك السلع
فإذا كانت الشركات الخاصة محلية، بمعنى أنها تسوق منتجاتها الوهمية في نفس البلد الذي تحمل جنسيته، فإنها تمتص الثروة من أيدي شعبها نفسه، ولكنها تبقيها بالدولة، فهي عندئذٍ لا تفقر الدولة، ولكنها تفقر الشعب، وأما إذا كانت الشركات الخاصة أجنبية، تحمل جنسية دولة أخرى، وتسوق منتجاتها الوهمية عند شعبنا، فإنها عندئذٍ تمتص الثروة من شعبنا ودولتنا، في آن ٍمعا، وتتجه على المدى الطويل إلى إفقار الشعب والدولة معا
وسياسة (التحرير) الاقتصادي الحالية هي فتح البلد كسوق لكافة الشركات، المحلية والأجنبية، وحيث أن السودان إنما هو قطر مستهلك، أو قل مستورد، بمعنى أنه يستورد ويستهلك من السلع والخدمات أكثر مما ينتج ويصدِّر، فإن سياسة (التحرير) الاقتصادي تتيح للشركات الأجنبية أن تغزوه بمنتجاتها الحقيقية والوهمية مما يؤدي في النهاية وعلى المدى الطويل إلى إفقار الشعب والدولة معا، وتحويل الثروة تدريجيا إلى جهات أجنبية.. ولعل فيما تقدم بعض التوضيح لطرف يسير من سوء وسلبية ما يسمى بالتحرير الاقـتصادي، وهو في الحقيقة ليس تحريرًا اقتصاديا، وإنما هو، على العكس، تسلط اقـتصادي، تمارسه الأقـلية الغنية، على الأكثرية الفقيرة، بينما تقف الدولة متفرجة، فلا تصدر قانونــًا يحمي المستهلكين من تسلط المنتجين عليهم، والإضرار بهم، ونهب أموالهم.. بينما لو كانت الدولة ذات حكومة رشيدة ومسئولة، لأصرت أولا على توعية المستهلكين، ولأصرت ثانيا على وضع قانون يحميهم، ويحافظ على الثروة القومية، وعدالة توزيعها بين المواطنين، وذلك بوضع قيود، على الأقل، على الانتاج ووسائل التوزيع، إن لم يكن على الأسعار، ثم إنها لو كانت أكثر وعيا ورشدًا ومسئولية لتولت هي بنفسها إنتاج السلع والخدمات، بقطاعها العام، ولاتجهت إلى إنتاج السلع والخدمات الحقيقية، الضرورية والكمالية، التي يحتاجها المستهلك بطبيعته، لأنها لا تهدف إلى الربح بقدرما تهدف إلى مصلحة الشعب، وترقيته، وإثـرائه، وترفيهه
وحيث أن هذا المقال قد طال أكثر مما توقعت فسوف أترك موضوع شركة كويست (Quest) إلى مقال لاحق.. ونواصل بإذن الله

[لطفى احمد عمر]

طلب خاص جدا

هل لى برقم تلفون الدكتور
حسن عبد الله الترابى
او اى وسيلة اتصال بسيادته

مع اختلافى التام معه
الا اننى آمن بان لكل مرحلة رجالها

الرجاء ارسال الرقم على الخاص
و دمتم

العتالة مشوا وين
الكلام بقى تقيل
بقى دهب مش موية

ارجوكم النظر فى طلبى بعاليه
و لكم جزيل شكرى

[ابراهيم محمد احمد المك]

طلب خاص جدا

هل لى برقم تلفون الدكتور
حسن عبد الله الترابى
او اى وسيلة اتصال بسيادته

مع اختلافى التام معه
الا اننى آمن بان لكل مرحلة رجالها

الرجاء ارسال الرقم على الخاص
و دمتم


لطفي يسعد أيامك ..
ده كلام شنو؟

[لطفى احمد عمر]

لطفي يسعد أيامك ..
ده كلام شنو؟

و ايامك الاسعد يا حبيب
ياهو الكان زولهم ذاتو , و اللا انا غلطان؟
مش قلت ليك لا يمين و لا يسار
و لا ما بينهما
صدقتنى!!
تذكر بان
لكل مرحلة رجالها

[لطفى احمد عمر]

الله اكبر , الله اكبر
عاشت ثورة الانقاذ
التى تتدثر بلباس الدين
و العروض عريانة
و التى تطبق شريعة الله على العباد
قال احد العارفين ان الاخوان المسلمين
ليس بهم شئ من اسلام
الا فى اسم حزبهم

http://www.youtube.com/watch?v=vqy3ba_WTME

http://www.rufaaforall.com/board/showthread.php?t=24123



فعلوا ما فعلوا و نسوا انهم اتوا على ظهر دبابة
اللهم انقذنا من الانقاذ
اللهم و لا تحجز لهم مقعدا فى اى من دوائر رفاعة الانتخابية
و كل دوائر السودان

[لطفى احمد عمر]

باذن الحى القيوم ساعود قريبا لنقل
موضوع شركة كويست (Quest)
لتعم الفائدة الجميع
و حتى تنكشف بعض من عورة المتاسلمين الخاسرين