بالعديل والزين

[أبوشيبه]

http://www.rufaaforall.com/board/uploaded/614_1189055928.jpghttp://www.rufaaforall.com/board/uploaded/614_1189056010.jpghttp://www.rufaaforall.com/board/uploaded/614_1189056028.jpghttp://www.rufaaforall.com/board/uploaded/614_1189056146.jpg

معليش ياجماعةالحنة مفترض كان تكون ببشكة لكن للأسف اعتذرت لأنه عندها حفلة في العزيبة

[عوض أبوسن]

سلام أخ شيبه
ناس في قمه الطرب
بس الأثنين ماعندهم زمن
يا ربي الأيقاع كان شنو
العروس في اللقطه الأولي علي اليمين
شكلها بترقص عشره بلدي مع أنه في دلوكه في ركن الصوره
بس صلحتها في الصوره الأسفل مباشره
العريس زمنه ما بطال ما بين عرضه و تمتم
يا ريت نعرف القصه يا شيبه
لك التحيه و أدام الله الفرح

[abdalla]

شكرا يا ابو شيبة على هذه الروائع الجميلة
وهذا يؤكد ان مراسم وطقوس الزواج عندنا
فى السودان من اجمل واروع العادات والتقاليد
التى حافظنا عليها على مر التاريخ ..
(واللى ما اتزوج على الطريقة السودانية
اتظلم ) ......

[عثمان محمد الحسن حتلوب]

يا أبوشيبه صور أكيد رائعة ،،، لكن عايزين شوية تفاصيل يعني العريس أكيد ما سوداني لكن العروس سودانية .. والعرس واضح أنه في السودان من الجماعة المشاركين ومن اللمبة الكشافة في الحوش.. يعني الشمار بيكون كاتل كتيرين..

[أبوشيبه]

سلام أخ شيبه
ناس في قمه الطرب
بس الأثنين ماعندهم زمن
يا ربي الأيقاع كان شنو
العروس في اللقطه الأولي علي اليمين
شكلها بترقص عشره بلدي مع أنه في دلوكه في ركن الصوره
بس صلحتها في الصوره الأسفل مباشره
العريس زمنه ما بطال ما بين عرضه و تمتم
يا ريت نعرف القصه يا شيبه
لك التحيه و أدام الله الفرح

الفاضل ود أبو سن

خالص التحايا والاماني تلو الاماني

كل مافي الموضوع انت عارف انه العروسة كانت شغالة لحد قبل ساعات من الزفاف يعني ماحبسوها وعلموها الرقيص عشان كده نعذرها وحبوبتها كانت في بلجيكا يعني ماحاضرة التحضيرات الاولية للفرح والعريس جايي داخل يادوبك من الفاشر ....عشان كده ماليهم الحق والسوهو دا والله كتير منهم وخاصة العريس العرضة العرضها دي واحد كدا من الخرتوم مابعرضها ......

ولك كل الود المقيم

[أبوشيبه]

شكرا يا ابو شيبة على هذه الروائع الجميلة
وهذا يؤكد ان مراسم وطقوس الزواج عندنا
فى السودان من اجمل واروع العادات والتقاليد
التى حافظنا عليها على مر التاريخ ..
(واللى ما اتزوج على الطريقة السودانية
اتظلم ) ......

العزيز عبدالله
صباحاتك ضحكة طفلين يلموا الرملة فوق الطين

صحيح ان تقاليدنا وطقوسنا في الزواج ينعدم مثيلها في جميع انحاء العالم وهي دائما محط انظار كل من يشاهدها لأول مرة ، وفي مرات عديدة قدمنا في الجامعات الهندية مشاركات طقوس الزواج وفي كل مرة السودان يحصد الكؤوس بهذه المشاركات، والعقبال عندك لو لسه ماعملتها وانا عملتها بس بدون هذه الطقوس مما جعل الكثيرون يعبوا عليّ ذلك... ودمت

[أبوشيبه]

يا أبوشيبه صور أكيد رائعة ،،، لكن عايزين شوية تفاصيل يعني العريس أكيد ما سوداني لكن العروس سودانية .. والعرس واضح أنه في السودان من الجماعة المشاركين ومن اللمبة الكشافة في الحوش.. يعني الشمار بيكون كاتل كتيرين..


الفاضل عثمان
خالص الشكر والامتنان على المشاركة ، حكاية انه العروس سودانية ،،، طبعا واضح انها ماسودانية نحنا عندنا حمرة قد تصل 80% بس مش 200% ،والعروسة والعريس الاثنين اسكوتيش بس مفعمين بالتقاليد والفلكلور السوداني وعلى فكرة الزيهم كتار (بس الاعلام ضعيف) لوووووووووووووول :mh11: ولك كل الاماني الممكنة