المساعد الشخصي الرقمي

مشاهدة النسخة كاملة : كلمــــــــات الأغاني


الصفحات : [1] 2 3

nozhajamila
11-26-2006, 08:52 PM
راجعت هذا المنتدى جيدا لمعرفة ما إذا كان هناك بوست يعني بالتوثيق لكلمات الأغاني السودانية فلم أجد ذلك ،،، لذلك آثرت إنزال هذا البوست لعمل موسوعة للاغاني ككلمات مكتوبة حتى يكون منتدانا هو الجهة التى تقصد لهذا الغرض ،، علشان كده بنتمني من كل الأعضاءالمشاركة بالتوثيق بكلمات الأغاني دون ذكر المناسبة وما شابه ذلك ،، وعدم المداخلة بعبارات الإعجاب بكلملت الأغاني حتى لا نفسد هذا العمل ،،،، ويا ريت كل الناس تتعاون معانا . ومشكورين يا حبايبنا
وببدا ليكم بأغنية الشوق والريد :

الشوق و الريد كل الأشواق
والحب البان في لمسة إيد
وأغاني نقولا00
والدنيا زهور00في عينينا
تصبح كل يوم 00زي طفل وليد
**************************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا
*************************

سندباد
11-27-2006, 06:11 AM
اغنية قبال ميعادنا بي ساعتين
الفنان خليل اسماعيل
الشاعر تاج السر عباس
****************

قبال ميعادنا بساعتين أبيتو أنا وأباني البيت

أغالط نفسي في أصرار وأقول يمكن أنا الماجيت

وطالت وقفة الأشواق معاي جمب المكان ذاتو

أنا ورعشة ظلال الليل وقلبي حزينة دقاتو

وفات ميعادنا فات روح وشال الليل حكاياتو

أنا المستني في الميعاد وليك حبل الصبر مديت

وأغالط نفسي في أصرار وأقول يمكن أنا الماجيت

تخيل كيف مشاعري أنا أنا المصلوب علي الميعاد

أعود كيفن ملآن غربة وأشيل الليل عذاب وسهاد

وياريتك ما وعدتينى وياريتنا نحن كنا بعاد

وبرضي رجعت متصبر معاي خطواتي راجعة البيت

وأغالط نفسي في أصرار وأقول يمكن أنا الماجيت[/color]

nozhajamila
12-03-2006, 02:04 PM
بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى
بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربه ساحل .. لا جزر .... لا طوق نجاة
بتخيلك لمة صغار ونسة و حجى
و قمراً طلع ضوى الدساتر و بهرجا
بتخيلك في كل شي لمن ابالغ وانتشي
لما تخذلني الخطى و يأبى المشي
و بتخيلك

Nola
12-03-2006, 03:26 PM
دمعة الشوق

نسمة الأسحار لي لقاء الهبِّي
أنا مساهر ونومي متخبي
يا دمعة الشوق كُبِّي
انتحل جسمي والمحال طِبّي
مصدرو الزهرة الفي نواحي سُهيل
يا دمعة الشوق كُبِّي
حكم حُبّي أرعى نجم الليل
يا دمعة الشوق كُبِّي

*******
انشغال فكري وابتداد لُبّي
وشحوب لوني كله من حِبي
يا دمعة الشوق كُبِّي
انشغل بالي وانتزع قلبي
أما آمالي طوّحت بالميل
يا دمعة الشوق كُبِّي
حكم حُبّي أرعى نجم الليل
يا دمعة الشوق كُبِّي

***********
صدري مزماري والدموع شُربي
أنطرب كلما ذكره يخطُر لي
يا دمعة الشوق كُبِّي
ماله جافي نفور !!
ما بيدور قُربي
وأنا مالي دوام لخياله أميل
يا دمعة الشوق كُبِّي
حكم حُبّي أرعى نجم الليل
يا دمعة الشوق كُبِّي

********
حين قوامو يميل للغصون يسوي
وازدهار مَحيو اللي البدور يُخفي
يا دمعة الشوق كُبِّي
في جبينو تشوف حِكمة الربِ
زي سواد حظي جوز نواعسه كحيل
يا دمعة الشوق كُبِّي
حكم حُبّي أرعى نجم الليل
يا دمعة الشوق كُبِّي

***********
يابديع الزي وأزهر اللّونِ
ياخفيف الروح يا سما الصونِ
يا دمعة الشوق كُبِّي
خلقك مولاك زِينة للكونِ
حبّب الأرواح في هواك ياجميلِ
يا دمعة الشوق كُبِّي
حكم حُبّي أرعى نجم الليل
يا دمعة الشوق كُبِّي

*******

عهدي بيك ياجميل دأبك الحُلم
أرى هجرك لي نيّر الظلم
يا دمعة الشوق كُبِّي
وإنت عارف نوع حبي ليك سِلمي
شوقي مهما ازداد برضي شايفو قليل
أنا شوقي مهما ازداد برضي شايفو قليل

nozhajamila
12-03-2006, 07:49 PM
قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى

Nola
12-04-2006, 09:04 AM
بـــرضي لـيكَ المولي الموالي وفـيـكَ لازم الصـبـر الجـميل
لـو تـحول دون قـصدي العوالي برضي اخوض في بحوري واوالي
لـيـك اخـراج درري الـغـوالي وانـشـي شعري وزجلي وموالي
اشـدو واحـدي واهـدي الحوالي في ثـنـاك قـليـل يا جـمـيل
يـاسـمـا الغـايات يـامـلاكـا ومـن تـطـاول لـي نيل علاكا
عــشــت دُمْ ياحـلية حـلاكا يا حـياة انفـسـنا وهــلاكـا
لـو صـليت فـي النـار ماسلاكا قـلبـي راضـي و هـاك الدليل
إنُّـو صـابـر و حـامـل بـلاكا مـرّة ارحـم يـكـفي القـلـيل
جـدَّ وجــدي وآن انـفـقـادي ديـما هـايـم رايـح وغـادي
بحـري دمـعي وفي النار رقادي يطـفي نـاري الماء في اعتقادي
مـالـو زادا وزاد فـي انتـقادي عـاذلـي فـيـكَ وعُدِم الخـليل
خـلـي نصـحك يا خـالي غادي عـن صـراط الحـب مابـمـيل
كـيـف افيق و اسمع نصح هادي ياالـغرامـك اوجـب سُـهـادي
اعـيا جـدي واعـيا اجـتـهادي ايـه يفيـد يـاليـل فيك جهادي
جـمـري قـايد وانا روحي هادي لـي خـروجـا فـضـل القليل
يالـفراقـك لي كـيانـي هـادّي مِـنِّـي لـيك الشـكر الجـزيل
تشـكـي كـتر النـوح العَيـالك ديـما تـطـرا ايـام زاهـيالك
مـرة تـهدي تقـول الحـيـالك كالنـسـيـم اليـتّـم عِـيالك
قـاسـي فـاتـك هـاتك و يالك مـن مُـرائـي وصـدقك قـليل
انـت عـاشـق وبـالجـد خيالك مِـنُّـو سـاكن ظـلاً ظـلـيل
يا مـنـايـا ظـروفـي العصيبة حـايـلة دونك ومـاليّ صـيبة
قـالي هـاك اقـوالاً مـصـيـبة كـل نـفـساً تـوجد نـصـيبا
واليـصـيبا المـولي اليـصـيبا بالـقـدر كـم عـزَّ الـذلـيل
كـم ربـوعـاً اجـدب خـصـيبا ومـافـي فجـراً مـا عقبو ليل
المـكـارم خـلقـي الجـمـيله والمـحـامـد ســالك سـبيلا
وديـمـا شـارب مـن سلسبيلا مـن اخـاير اخـيـر قـبيـلة
و مـن اعـالي العـايـلة النبيلة كـل صـميـماً لصـمـيم بديل
واللــيالـي حـيـنا و قـبـيلا للجـلـل مـعـدود الجـلـيـل

nozhajamila
12-04-2006, 08:07 PM
هاهي الأرض تغطت بالتعب ..
والبحار اتخذت شكل الفراغ ..
وأنا مقياس رسماً ..
للتواصل والرحيل ..
وأنا الآن الترقب و انتظار المستحيل ..
أنجبتني مريم الأخرى ..
قطاراً وحقيبة ..
أرضعتني مريم الأخرى ..
قوافي .. ثم أهدتني المنافي ..
هكذا قد خبروني ..
ثم قالوا لي ترجل ..
وأنا لست أدري ..
ما الذي يدفعني دفعاً إليك ؟
ما الذي يجعلني أبدو حزيناً ..
حين أرتاد التسكع في مرايا وجنتيك ..؟
لا عليك ..
فعلى هذه السفوح المطمئنة ..
نحن قاتلنا سنيناً وإقتتلنا ..
نحن سجلنا التآلف في إنفعالات الأجنة ..
وإحتوانا البحر والمد اليقاوم والشراع ..
يا هذه البنت التي تمتد في ديناي ..
سهلاً وربوعاً وبقاع ..
ما الذي قد صب في عينيك شيئاً ..
من تراجيديا الصراع ..
*** ***
والمدى يمتد وجداً عابراً هذى المدينة ..
خبريني هل أنا أبدو حزيناً .. ؟
هل أنا القاتل والمقتول حيناً والرهينة ..؟
هل أنا البحر الذي لا يأمن الآن السفينة ..؟
خبئني بين جدران المسام ..
قبليني مرة في كل عام ..
وأنا أشتاق أن أولد ..
في عينيك طفلاً من جديد ..
أرتدي اللون البنفسج ..
أعتلي شكل الهوية ..
ضيعتي مريم الأخرى سنيناً ..
في إنتظار المجدلية ..
آه لو تأتين ..
من عميق الموج من صلب المياه ..
كالرحيل كالترقب وإنتظار المستحيل ..

Nola
12-05-2006, 12:52 PM
يـانـجوم الليل اشهدي عـلـي لوعتي وتسهُّدي
عـلـي بُـكاي و تنهُّدي

من ليه حُسن الكون هُدي النـافر الجـافي الهَدي

يـا عـيني يوم تشاهديْ اقريْ السلام و استشهدي

يـا عـيني دمـعك بنِّدي قـول الـعـوازل فنِّدي

انـا لـي غرام يامعاندي في زهـرة الخـد الندي

قـمـراً حـماني تهجُّدي وتركـني فـاقد منجدي

آه مـن صفارو العسجدي وعينو المِتِل عين الجدي

ياعـيني ابـقي اترصدي عسي توجدي ما تقصدي

مهـما جَرح قلبي الصدي هو برضو غاية مقصدي

يامـن خـرقت عـوايدي ونظـمـت فيه قصايدي

لو عـمري شيئاً في يدي لوهـبتـو ليك ياسيدي

Nola
12-05-2006, 11:34 PM
يا صديقى الأول بان فى ود سلفاب ...... لغز لا يتأول جمال وكمال

كنت ناعم بال قلت لروحى اتجول .. أقتل اللحظات فى الشباب واتغزل

فجأة والإدراك فى خاف واتعطل........ لما نورك بان شفتو غز ووقل

شاف غلى ذهول وجهه هش وهلل .. قال صباحك خير قلت أحلى وأجمل
جمــــــــــــال وكمال
قال تشرف لو فى الديار تتفضل .. قلت ليو شاكرين يا كريم المنزل
جمــــــــــــال وكمال
وفات أرخى طرفو وفات والمزاج إتبدل .. خلى طرفى يجول والرباط يتحلحل

حكمة يا ابراهيم كل جمالو مكمل .. شك سهمو وفات صاب قليبى الأعزل
ليلا بوبـــــــــا وطال

القديم مدبــــور والضمير إتوسل .. عل ردفو يطيع والصدير يتمهل

الوريد مبـــــروع فوق كتيفو مهدل .. و الصدير عوام زى سحابا رحل
جمــــــــــــال وكمال
ليلى بوبا وطال حاكا ليلوالمسدل .. وصفو حورى جنان فى فريقنااتنزل

مابقول دا فلان والحديث إتسلسل ..

Nola
12-05-2006, 11:40 PM
أنا يا طير ..أنا يا طير ..بشوفك
فرحااااااان ..فرحان وبتغني
حبيبك معاك ..وحبيبي غاب عني
أنا يا طير موله ..محزوناً لأني
وحيد حبيبي غايب
و آه يا طير ..وتاري علي مصايب
ومن أدهى الغرايب لي أقرب حبايب
صدو و بعدو مني
أنا يا طير حبيبي للآلام تركني
بتدلل علي وبالهجران هلكني
زعلاااااان..مني صدى..حبيب روحي
وبي رأيو استبدى
اتناسى المودة واعتاد التجني
يا ريت .. يا ريت
لو كنت زيك لو يجدي التمني
حبيبي يكون معايا
وفي الأشجار نقيل و بالأغصان نميل
وفي خفة جناحك وحرية صراحك
و في الأفنان نغني..

Nola
12-05-2006, 11:54 PM
الصباح الباهي لــــــونك
وضاحة يا فجر المشارق
غابة الأبنوس عيــــــونك
يا بنية من خبز الفـنادق
...
شيدتي في جواي صوامع للفــرح
وفتحتي في دنياي مسارح للمرح
...
وبقيتي لي سكة وعــــيون
لا قدرت أطولك شان أجيك
لا قدرت من غيرك أكـــــون
وأنا بيك مــاليني الكـــــلام
حركت بيك عصب السكـون
جلبت ليك الغيـــــم رحـــط
طرزت ليك النيل زفــــــــاف
حــــرقت ليك الشوق بخور
وفرشت ليك الريد لحــــاف
لا السكــــة بيك بتنتهـــي
ولا معاك مليت طـــــــواف
وضاحة يا فجر المشــارق
الصباح الباهي لـــــــــونك
يا بنية من خبز الفنـــادق
غابة الأبنوس عيـــــــونك
...
وضاحة
لو طال الطريق
بيناتنا وإترامي المــــــــدى
وصنّت مسامعك من نداي
شربت فيافيك الصـــــــدي
ما تحني هامات النخيــــل
ما ترمي دمعات الـــــندي
ما تشنفي الزمن الجميل
دا العمــر يــا دابـــــو إبتدأ
..
والعمر إيه حيكون بدونك !!
الصباح الباهي لونــــــك
يا بنية من خبز الفنادق
غابة الأبنوس عيــــــونك ..

عوض أبوسن
12-06-2006, 04:03 AM
الأخ ياسر لك التحيه والتهنئه علي أختيار هدي الماده المحببه وأتمني أن أكون منأحد ضيوفك و أتمني أن أكون خفيفا...
مشاركتي الآولي رائعه شاعر ورائد الحقيبه في نظري شيخنا ود الرضي...
ليالي الخير

ليالي الخير جادن من المحبوب
نسايم الليل عادن من المحبوب

شفت في الآحلام ظبي يتهادن برخيم نغمات خلي تنادن
عبرات الشوق بي ازدادن تلكم احلام ليت تمادن

شفت الحسن الحافل رافل في ثياب العز و العز كافل
رانع واحل تايه غافل لادن هادل ضامر كافل

هادي ساكن امن قادل بهجه هيبه حاكم عادل
لافح فره وطارح سادل ليل عسعس كاسي الهادل

بوبح جيده وأبصر واقل ظن مراقب صدق العاقل
قلب المخضوب فوق الفاقل تل اليمني ومشي متاقل

رنا متخاوف بارق لجه بعضه في بعضه ترادف لج
نصفو تثني وأخر لج لاطم أمواج من غير لج

رفع الهدب شفت محور نوره تدفق صعد اتدور
فكر في شي فضل اتصور بسم النوار فتح نور

فيه تأمل أيسر بند لدن المثمرغصنه البندي
مايقه ترقرق شهر الهندي فوح منو العرف الرندي*

وصحيت ندمان نومي انقل ترخرخ جسمي وقواي كل
تناوم غش لكن كلا هيهات يعود الكان ول


*العرف الرائحه الطيبه
*الرندي شجر صغير طيب الرائحه

nozhajamila
12-06-2006, 07:38 PM
يستحيل عن حبك اميل
بسـاهـر اللـيل ياجـمـيل
صافي حبي الفيك ما عميل
الليل في قلبي روضة وخميل
يافريع الطيب الثميل
مـيـل و خـلي العالم يميل
ــــــــــــــــــــــــــــــــــــــــــــــــــ ــ
كيف اطيق من بعدك قعاد
مـرة هـجري و مرة البعاد
ليت طيفك يرجع يعاد
يبـقي صادق و يوفي المعاد
ــــــــــــــــــــــــــــــــــــــــــــــــــ ــ
ياجلي الاحزان يا مصون
ياالظـبية الضاربة الحصون
تلقي قامتك تزري الغصون
امـا حسـنك اهاج الشجون
ــــــــــــــــــــــــــــــــــــــــــــــــــ ــ
سح دمعي وللصبر هاد
ضـل حظي و بقي لوني هاد
قلبي والالام في اتحاد
كـف لحـاظك يا بـدرهـاد
ــــــــــــــــــــــــــــــــــــــــــــــــــ ــ
انا الشافي وخاصم المريض
انا اللابس هيبة وعرض
كرم اخلاق لاتعترض
نسب للغير وعلي فرض
ــــــــــــــــــــــــــــــــــــــــــــــــــ ــ
انا الغيث الفرج الهموم
انا الساقي الحساد سموم
انا بعكر صافي الدموم
انا الكايد أعداي عموم

Nola
12-07-2006, 12:07 PM
كلو بمضي و كلو بالايام بروح..
لا سعيد دامتلو فرحة.. ولا حزين بيدوملو نوح
لاهية بينا الدنيا لاااعبة.. فيها نتغرب نتوه..
القلوب بالشوق تحرق.. و الجروح تشفي الجروح

كلو بمضي و مهما تقسى مصيري انسى..
انت ما شفت الصباح كيف بطل زي احلى همسة
و يضوي بي نورو الروابي و يضفي فوق كل حسن لمسة..
و تنطلق ارواحنا فيهو.. بي شراع ما ليهو مرسى
و ننسى او نتناسى انو.. كل صباح لابد يمسى

كلو بمضي.. و كل ايامنا الخوالي.. و كل ليلة
بكرة تمضي.. زي فصول دنيانا في موسم رحيلا
و السنين و احلامنا و العشرة النبيلة..
تبقى زكرى.. و في صحاري الفرقة واحتنا الظليلة

برضي مااااااااااااضي في ابتعادي.. فراقي زادي
برضي ماااضي في ابتعادي و ريدي زادي
برضي ماضي في ابتعادي ريدي زاااادي
و رحلة الاشواق طويلة

nozhajamila
12-07-2006, 01:25 PM
ياجـوهـر صـدر المـحافـل روحـي معـاك اتلـطفـيـلا
مالـنور الـفي حـليـهو رافل في حُـق نـهدو قـلوبنا قافل
كالظـبي الفـي مـقـيلو غافل تـارة يميـل والتـانية جـافل
وجـهو يــنور والبـدر آفـل فـوق للـبدر يزيــد نفـيلا
يــالنـور خـدك لاح مـقابل للـشعر الـطال لـيلو سـابل
سـهـم الحـاظك ليـنا نـابل بـي كل شي دون هجري قابل
ينسـب نـوحي عـلي البلابل وانــت القــمرا بتنـسبيلا
ليك جوز عين نعسـان وكاحل خصراً يمـيّل وصـدرو راحـل
لـي وجـداً لي جسـمي ناحل بـحر الشــوق مـاليه ساحل
بيـني وبـين الـنوم مـراحل ويـن للطيــف انا القي حيلة
الـفـرع الـبـتـّنـي راتـل طيرو ينوح في غصـونو حاتل
وهـو نـديم لي فكـري شاتل الاسـد الـفي القيــد ينـاتل
يـتـأكد مـاليـهـو كـاتـل غـير مكـحـول ظبـي النتيلة
ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة
يالـمـرنوع الـكـتفو هـادل في دروعو ولمـعـاصمو جادل
انـا سـاهر والـليـل سـادل شـرط الـحاكم يبــقي عادل
لا اقــبل بـهـواك مـبـادل كيف اعشـق وارضـي البديلا
امـنـع طيفـك لي يـقـاتـل داخـل قلبي انا لــيك مـنازل
يالائــم لاتـبـقـي عـاذل انا في الحـب لي روحـي باذل
العـاشـق يـسـمع لي عاقل خلـّي نصيــحـتك عني زيلا
فوق الجـمـر و دمـعي باهل كيف نار تشــعل في مـناهل
ضاق بي الكـون مع انو ماهل نومي تصعّب ووجـدي سـاهل
لو بي حـالة دهـري جـاهل في الانجـم اســأل سـهـيلا
لـي طيـفك مالقــيت وسائل غير بسط النســمات رسـائل
اغـرب شـي واعـجب مسائل حلـم الصاحـي ودمـعو سائل
لو شـكيـت في امـري سائل الـبدريـن كـونـك مـثـيـلا
زايـد شـوقي ودمـعي هـامل جمر الحب لي جـسمي شـامل
حتـي الطـيف لـي لا يـجامل مـع كـلاً مــا كــنت آمـل

Nola
12-07-2006, 02:06 PM
انـت حـكمة انـت آيـة و لاّ انـسـان انت
صاحي ولاّنايم ولاّ طرفك من طبعو نعسان

انـت راحي انـت روحـي انـت انسان عـيـنـي يـا صــاحي وانـت احـسـان

انـت نـادي انـت هـادي انت ميسان انـت ظـافـر انت ضـافر اسـود وفـرسان

انـت شـادن انـت لادن انـت فـتّـان انـت ضـامر انـت سـامر انـت هـتّـان

انـت نـادر انـت نـاضر انـت بستان انـت صـافي انـت نـافي زور و بـهـتان

ياحـيـاتي يامـمـاتي هـاك سـطران الصـبـابة ومـر عـذابا و قـلبـي اقـران

انـت سـاهي انـت لاهـي انـت بطران فـي دلالك فـي جـلالك ياسـامي وكـران

ياصـفـايـا يا وفـايا هـاك بـرهـان عـن غـرامي و طول هيامي السابني ولهان

عـزّ قـربك امـا بـعدك مـالو لي هان قـلبـي خـافق هل توافـق قـدري ينـهان

يا حـبيـبي كـون طـبيبي امري حيران طـول نهـاري ثم ليـلي سـاهي سـهران

طـال عـذابي صاح غرابي جوّي عكران دمعـي هـامي شوقي نامي و فرشي نيران

انـت حـالي انـت عـالي انـت سلطان انـت سـاطـع و انـا ساجع بي غناك طان

طـال انيـني فـاق حنيني الحان لأوطان والـيلـومـني فـي هـواك ياسيدي غلطان

Nola
12-07-2006, 02:19 PM
في رونق
الصبح البديع
قوم يا حمام يا حمام
اسمعني الحان الربيع
قوم يا حمام حي الغمام
انا لي فيك شوق واهتمام
اسمعني من شدوك صدى
أهو ده الربيع ناضر بدا
ومن الرياض ...... يدا
وشاها بي قطر الندا
في رونقا الصبح البديع
صحت الورود في كل روض
وتبسم الزهر الربيع البديع
اهي الطبيعة الكون تحلى بمنظرا
للعالمين سفرك بأحلى مناظرا
من روضى تغني لناظره
أطيارا عائدة "عاشقة" زائره
هي والنسيم
هي والنسيم في مناظرا ترسل حقائق وجوهرة
هي نزهة بل
هي آية من صنع البديع الوديع
قوم ياحمام أنا أنا
حي الغمام أنا
اسمعني
أسمعني عن تصويرو كيف
هو اية في الجنس اللطيف
وبالأختصار
هو حسن صار فوق الجميع

nozhajamila
12-09-2006, 01:35 PM
يا ربيع الدنيا في عينيا يا نور قلبي يا معنى الجمال يا اُختا روحي يا أماني هواي
عشت في دنيا الخيال
أنا فيك عشقته الروعة ما أحلاها في الدل والدلال
والمعاني الراسمة نور إشراقة في عينيك ظلال
وابتسامتك لما تأسر قلبي تحكي عن المحال
تحكي عن شوقك إلياتحكي عن بُعد الوصال
*******************************************
من قلبي من اجل المحبة وهبت ليك شعر الغزل
مع انو قدامي الطريق أنا عارفو يا لسمحة انقفل
مافي قسمة مافي يا نور قلبي حتى بصيص أمل
ما قدرت اقرب من ضراك وما قدرت لي فراقك اصل
*******************************************
يا حبيبه ليه
ليه قلبك قسا وكتمتِ ما تُخفيهُ عني
أنا عشت في حبك مقيم
ما عرفت نُكران أو تجني
وما عرفت غير حُبك غرام
وسرحت فيهو سنين بغني
ووهبت دمعاتي الغوالي
ووهبت روحي أنا وهبت فني

Nola
12-09-2006, 01:38 PM
كيف الحياه غير ليمك
في بعدك أصبح حظي زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني أرسل لي نسيمك
و أنعش لي روحي بندى جسيمك
أو طيب المسك الفايح من تبسيمك
يا أماني حياتي البيك نور إقليمك
يتمنى التبري يلمع كأديمك
مشتاقه الشمس تظفر بي ليمك
تاخد من نورك تلثم لي قديمك
يا فرع البانه المايل في خميلك
من قامتوا حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني إيه بيني وبينك
غير كوني بريدك و حياة خدينك
كف عني صدودك يا روحي و بينك
ليك حق في صدودك و تيهك و تذليلك
ليك حق تهجرني ... و يكتر تعليلك
ما دام فردي ... على جيلك
تمتاز بالعفه المانعني أجيلك
مع صدك و هجرك لا زلت أريدك
و منام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي إيدك

Nola
12-10-2006, 09:15 AM
نفسـى فـى داخلـك أعايـن
وأروى روحى وأشوف منابعك
يــــــا ســــــلام
الصحرا فى عينيا تتواثب جناين
ماخدة صوتـك مـن جـداول
وما خدة صورتك من كهـارب
مـولـداً ميـدانـو حـافــل
كـلـمــا يـصـبِّــح
تجيهـو الـنـاس جحـافـلْ
يـا سـلام .... يـا ســلام

لمّـا تعبـرى فـى الشـوارع
شوفى كيف النـاس تصـارع
ناس تطفِّـر .. ونـاس تدفِّـر
فـى البشابـى علـى نجومـك
وفى البخبْ .. كايس تخومِـك
وكل زول من عِـنْ سُلافـك
لا لا .. قـال دايرلُـو كــاسْ

مرّة طربان .. شلـت صوتـك
شـــــان أغــنـــى
قـلــت آه يـالـيـل .. وآه
إنتى أول .. وإنتـى تانـى
وإنتى تالـت .. وإنتـى رابـع
نـافـرة زى صـيـد الـخـلا
وصافيـة زى نبـع المنـابـع
وقلتى لـى غنـاى .. خـلاص

حلـوة عينيـك زى صحابـى
عنيدة كيف ... تشبه شريحتين
مـــــن شــبــابــى
حلـوة عينيـك زى صحابـى
وزى عِنـب .. طـوّل معتّـق
فـــــى الـخــوابــى
وسمحة زى ما تقول ضيوفاً
دقّـــــوا بـــابـــى
.. فرحى بيهم سال .. مـلا
حــتـــى الـكـبـابــى

Nola
12-10-2006, 09:16 AM
اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن
انسان لكن مفردا
حاز النور حاز اللدن
غصنة مهفهف املدا
وهيبة اسد فى عيون شدن
يالجبره المازجه العجن
وجسمك بالطيب انعجن
اذا النسمااات بيك عرجن
طبقات الجو يتارجحن
والانفس يتهيجن
انتى نرجس من الوسن
لعيونها الاعين جسن
وان اية الحسن الاسن
وغصون الروض يتمايسن
فى ذالك الزى الحسن
وكل حسن مالك حسن
روضك زى عارضين صفن
حلاك سحرك ماسحر فن
كواكب النور البلصفن
بصفاتك مااتوصفن
بدور الكون لو ينصفن
يسجدن ليييك ومايكون وفن
فيك عيون بالحسن ازدرن
ومهما افكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن

nozhajamila
12-12-2006, 07:42 PM
بس كيف هانت الايام ونسيتو يا انتو



يا الروحتو طولتو
و عني ما سألتو
يالكنتو مني قراب
أنا وين
ووين
إنتو

و

أيام وراها أيام
أتكاملت أعوام
لا شوفة تفرحني
لا حرف شوق لا سلام
كيف هانت الأيام
و نسيتو يا إنتو
انا وين
ووين
إنتو

و

عهد الوداد خنتو
والكان عزيز فتو
بدلتو ريدو خلاص
البيهو ما عرفتو
وين بالو ودرتو
يا الودرتو
ونسيتو
يا انتو

و

أ ريت بريدكم جاب
كلمات تواسي الغاب
كان شوية ارتاح
اصلو المحبة عذاب
واصلو الزمن غلاب
غلبني يا انتو
انا وين
ووين
انتو

و

قالوا المحبة عذاب
واصلوالزمن غلاب
غلبني يا انتو
انا وين
ووين

Nola
12-13-2006, 09:58 AM
ماهو عارف قدمه المفارق

يا محط آمالي السلام

في سموم الصيف لاح له بارق

لم يزل يرتاد المشارق

كان مع الأحباب نجمه شارق

ماله والأفلاك في الظلام

يا دهر أهوالك تسارق

منها كم كم شابت مفارق

ما علينا الفات كله فارق

رقنا وله نعيد الملام

من حطامك أنا غصني وارق

في شن أبقيت للطوارق

غير قليبا في همومه غارق

ولسانا برده الكلام

ويح قلبي الما انفك خافق

فارق ام درمان باكي شافق

يا أم قبايل ما فيك منافق

سقي أرضك صوب الغمام

يا بلادي كم فيك حاذق

غير الهك ما أم رازق

من شعاره دخول المأزق

يتفاني وشرفك تمام

مسرح الغزلان في الحدايق

والشوارع الغر والمضايق

قول لي كيف أمسيت دمت رايق

دام بهاك مشمول بالنظان

مجلس اللذات في النمارق

والترف لا زال وصفه خارق

ضاري حسك فاح جانا مارق

وله قاطعو الريح ما هو لام

في يمين النيل حيث سابق

كنا فوق أعراف السوابق

الضريح الفاح طيبه عابق

السلام يا المهدي الامام

أين مني الودعته شاهق

باكي ناهد لسه مراهق

عيني ما بتشوف الا شاهق

أين وجه البدر التمام

أين مني الفي زهوه باسق

في شبابه نقي من مفاسق

بين ثيابه البيض المناسق

حولك اشبه رتل الحمام

يا بريد الجو فوقي حالق

ميل علي الروح ليها خالق

عدت سالم قول وأنت عالق

مقرن النيلين كيلو كام

الحبايب لفتوا الخلايق

بيني وبينهم قطعوا العلايق

ان دلال ان تيه كله لا يق

نحن ما مجينا الخصام

يا جميل يا نور الشقايق

أملأ كأسك واصبر دقايق

مجلسك مفهوم شوفه رايق

عقده ناقص زول ولا تام

من فتيح للخور للمغالق

من علايل ابروف للمزالق

قدله يا مولاي خافي حالق

بالطريق الشاقه الترام

ما يئسنا الخير عوده سايق

الحي يعود ان أتي دونه عايق

الي يوم اللقا وانت رايق

السلام يا وطني السلام

Nola
12-13-2006, 10:02 AM
ما بنسي ليلة كنا تايهين في سمر بين الزهور
انا وانت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

Nola
12-14-2006, 10:20 AM
أنا صادق في حبك لو قلبي
يتصل بي قلبك .. هذا مقصودي
********
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي
*******
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
*******
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
******
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
******
قلت له بحق .. ربك أسلي كل ...... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي

Nola
12-14-2006, 10:21 AM
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
*******
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
******
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

Nola
12-14-2006, 10:23 AM
يا ضنين الوعد
أهديتك حبي
من فؤاد يحمل الحب
إن يكن حسنك مجهول المدى
فخيال الشعر يرتاد الثريا
كلما أخفيته بالقلب
تنبيء عنه عيناك ولا يخفى علي
أنا أن شئت فمن أعماق قلبي
أرسل الألحان شلالاً روياً
وأبث الليل أسرار الهوى
وأصوغ الصبح ذوباً شاعرياً
لا تقل أني بعيد في الثرى
فخيال الشعر يرتاد الثريا
يا ضنين الوعد

كان بالأمس لقاءنا عابراً
كان وهماً ... كان رمزاً عبقرياً
كان لولا أني أبصرته
وتبينت ارتعاشاً في يدي
بعض احلامي التي أنسجها
في خيالي واناجيها ملياً

ومضة عشت على إشراقها
وانقضت عجلى
وما اصغت إلي
كلمة خبأتها في خافقي
وترفقت بها براً حفياً
من دمي غذيتها
حتى غدت ذات جرس
يأسر الأذن شجياً
وافترقنا وبعيني المنى
قالها الدمع فما أبصرت شيئاً

إن تكن أنت جميلاً
فأنا شاعر يستنطق الصخر العصي
إنت تكن أنت بعيداً عن يدي
فخيالي يدرك النائي القصي

Nola
12-14-2006, 10:24 AM
يا غالية يا نبع الحنان
انا حبي ليك فاق الظنون
واخلاصي باقي مع الزمان
خليني جنبك يا حبيبة
قلبي مات ما تقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
وكل دقة في قلبي بتسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص إليك
دايرك تكوني شريكة لي
واكون معاك أخلص حبيب
يا غالية يا نبع الحنان

Nola
12-14-2006, 10:25 AM
لمحتك .. قلت بر آمن
بديت أحلم
ألملم قدرتي الباقيه و أشد ساعد علي المجداف
تلوح لي مدن عينيك
وترفع لي منارة بسمتك سارية
وبديت أحلم
وكلما الريح تطارد الموج
ويبقى جبال .. ضباب أزرق ..أزيد أصرار
وأحلف بيك
أغير سكة التيار ... واقول يا إنتي يا أغرق
واخاف وأخاف ..
أخاف الضفه ترجع بيك .... قبل ألحق
أخاف غيم المنى الشايلل
تسوقو الريح ويتفرق
واخاف وأخاف
أشد ساعد علي المجداف
واجيك بي قدرتي الباقيه
حطام انسان ..موسم بى شقا الدنيا و
مقسم قلبو في الأحزان
أجيك فنان
أشد أوتارى أحكيلك

حكاية انسان
وهب لى سكتك نفسو
رسم صورتك على حسّو و
ربط ساعد على المجداف
واخاف و أخاف
أخاف الضفه ترجع بيك قبل ألحق
أخاف غيم المنى الشايل
تسوقو الريح ويتفرق
والاقيك يا أماني سراب
مواهبي عليه تتدفق

Nola
12-14-2006, 10:27 AM
أفكاري الحيارى
ضاعت بإختيارا
حبيبي آه أنا قلبي تاه في يوم الزياره
الدنيا وعمارا
و الجنة و نعيما بزهورا و ثمارا
الناصع بياضا و الخاطف صفارها و الفاتح حمارها
فصود في خدود يضون و خدود بدون أماره
يرسلوا نور ملون أحمر أخضر أصفر
فاتن يا سماره
إلتفت و أهداني نظرة بزري بالزهر و إزدهارا
مثلت فيها الوداعه و خفة الروح و المهاره
دا الجذب قلبي بي فنه
نظرة مني ونظرة منه و إرتفعت الحراره
و إلتهبت العواطف و أصل النار شراره
شال منام عيني و توارى
سابني وحدي أشدو وجدي
و أرسل الآهات مرارا
ماهو عارف البي لأنه لسه ننّو
حوله ناس بالعيد يهنوا
و ناس متابعنه ويغنو
و أنا روحي ليه تتوق
داعيها حادي الشوق
هايمه في ليلها ونهارها
و إنت يا الناعسات عيونك
الله لعيوني السهارى

Nola
12-14-2006, 10:29 AM
الريد جو قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامنا الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
جربت هواهم
قليبي انكوى
تاريهم جارو
وماصانو الهوى
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
جربت هواهم
قليبي انكوى
تاريهم جاروا
وماصانو الهوى
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى

nozhajamila
12-17-2006, 07:21 PM
الأستاذة نولا
سلام مربع ليك ،،،،، حقيقة كنت متوقع الأقي البوست واقف لكن شكرا ليك وأنت تثرينه بهذه الكلمات ،،،، رغم إني طلبت انو البوست يكون بدون تداخلات ،،،، ولكن وجدت نفسي مجبرا على كتابة هذه الكلمات في حقك ،،،، فشكرا كثيرا لك نولا ،،،،، ومتأسفين للغياب الغير مرغوب


سطر أخير

أها كيف الجو عندكم في هولندا ،،،، عندكم برد ولا ما عندكم ؟

nozhajamila
12-17-2006, 07:33 PM
زيدني من دلّك شوية وكتر الأشواق عليا
بكرة قلبك يصفى لي وتملى بالأنوار عينيا
***************************************
في بحور الشوق مسافر
زادي نظرة وابتسامة
يوم اشوفك ابقى قادر
ارسى في بر السلامة
ألقى نفسي بين ايدك
وانسى عيني في عينيك
أنسى كل الدنيا حولي
إلا إنت وشوقي ليك
***************************************
لما انت تكون معايا
ما بفكر في الزمان
لا بداية ولا نهاية
لا اللي جائي ولا اللي كان
كل لحظة تبقى جيل
وكل لمحة يوم طويل
في عينيك يبدأ نهاري
وامسي بيك حلمي الجميل

Nola
12-20-2006, 10:09 AM
قولي الكلمة لصمت الليل
وكوني النجمة
وامشي معانا الدرب طويل
وكوني النجمة
وأدي الفرح إمتد مساحة
نادي الأمل الجوه عيونا
شوق الشوق أتجدد تاني
باقي أحلامنا جدار من كونا
قولي الكلمة لصمت الليل
وكوني النجمة
وامشي معانا الدرب طويل
وكوني النجمة
إيد مبسوطة تقابل الحنة
نغم الليل السال شبال
نخلة تغازل في عيون طفلة
وحفلة ورقصة فال
قولي الكلمة لصمت الليل
وكوني النجمة
وامشي معانا الدرب طويل
وكوني النجمة

Nola
12-20-2006, 10:12 AM
يا قلبى يا مكتول كمد
أعصر دموع ....هاك غنوة لى سيد البلد.....يحليلو
حليلو قال سايب البلد...يحليلو
حليلو كيفن يبتعد
كيفن نسيبو يروح بعيد
فى رحلة مجهولة الأمد
ياحليلو
كل العمر كان لحظة واحدةنشوفو والشوق يستجيب
نسكر نغيب
نسكر نغيب ..من لطفوا..من دلو الحبيب
من لونو زى كرز المغيب
الراقى محلو السمر
دى شفايفو زى ياقوت ندر
من شكلو زى نص القمر
مبتل مثير
مبتل مثير ....مخلوق اشان أحلى الزهور
وأشواقنا تتعطر تطير..من نفحة من مجرى العبير
من لمسة جيدو النضير
من لفظة من ثغر المثير
الفيهو أيام السمر
بيهو القلوب كم تأتمر لو مرة سيد الناس أمر
بنظرة بتدوب حجر ...لى بسمة بتضوى العمر
يا حليلووووو
حليلو قال ناوى السفر ...كيف الوداع لامن يحين وقت السفر
أهديك زهور ...حاشاى انا وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان...وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا اشان استريح..الدنيا بعدك مابتسر....يا حليلو

Nola
12-20-2006, 10:14 AM
ياروعة لو عز اللقاء فرقنا يا حلوة القدر
دي الروعة قاسم مشترك ما بين وجيهك والقمر
يـــا روعـــــة
بيناتنا مشوار من أفق مطبوعة للقلب الشفيف
أنا شلتو ريدك يا مناي داريتو في قلبي الرهيف
فردت أشرعة الخيال لي دنيا ما طلاها زيف
ومشيت على شط الهوا وصابر على المد العنيف
يـــا روعــــــة
أنت الملاذ لو غبت يوم أشواقي عنك بسألو
ما نحن والشوق والزمن جور الحبيب ما بنحملو
عشان نعيد خيط الأمل لازم جفاك نستحملوا
لازم قساك نستحملو
ونرجع الماضي البعيد مشوار هوانا نكملوا
يـــا روعـــة

Nola
12-20-2006, 10:16 AM
حليل ارض الجزائر
و المراكب و الطنابير الترن
حليل.. ناس ليلى
ساعة.. الليل يجن
يا غالية.. يا تمرة فؤادى
الليلة ما عاد المراكب شرقن
و القمرى فوق نخل الفريق
فاقد الاهل يبكى.. و يحن
نحمل رسائلنا و اشواقنا
لي حبايبنا.. و الاهل
و للقاطعين الرسائل
الاحلى من عسل النحل
لذات الضفائر الطائشة
بين مجلس عشيرة و بين اهل
و بخجل.. بتسأل الزائر
بلدنا..حبايبنا..اهلنا
راحو للحلة لا بيكاتبوا
لا بيفيدونا.. الحصل
حليل الراحوا خلو الريح
تنوح.. فوق النخل
حليل الفاتو لدار الاهل
بدون.. اهل
الجروف الكابة من شاطئ النهر
صااب.. المحل
و النخل متاكئ وين صوت طيرو
و وجوج.. فى امل
يااااا امل

Nola
12-20-2006, 10:18 AM
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك
ومديت يميني بلا كلام ما قدرت قدامك أقيف
ورجعت حابس أدمعي في الليلة ديك
في الليلة ديك والناس تشارك فرحتك
حسيت بإني غريب هناك وغريبة إنتي في دنيتيك
حسيت معاني الفرقة
حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك

Nola
12-20-2006, 10:20 AM
قصة الريد القديمه
بسألوني عليها ديمه
و كل ما حاولت أنسى
صحوا ذكراها الأليمه

إيه تقول بالله فكر
حبيبي لو سألوك إنت
كيف بعد قمة هنانا
هان عليك الريد و هنت
ما غريبه هتقول عليّ
إني غدار و إني خنت
و برضو ما بتقدر تصدق
إنت في أعماقي كنت

سيبها قصة ريد و ولت
و الأيام يا ناس كفيله
لو بفيد الماضي حسره
كنت أندم كل ليله
ياما ناس كايسين وفايا
ساميه أغراضهم نبيله
و لسه في حدقات عيوني
أحضن الآمال و أشيلا

كنت ما سائل وراك
عن شبابي و عن مصيري
ما بقيت زي الفراشه
و إهتديت لي زهره غيري
يا خساره كسرت قلبي
شفت فيك أملي و مصيري
إنت حبيت المظاهر
و حبي من آخر ضميري

Nola
12-20-2006, 10:21 AM
عصفور
قلنا راح مع الاياام
عدى من ايدينا رااح
اصلو يا العصفور دا حالك
من ما سويت ليك جناح
يعنى كان صارحت مالك
نحن ما بينا الصراح
كيف نلوم عصفور حنين
مرة بيقاسى الرياح
و مرة تلقاهو بيغنى
فوق فريعو مع الصباح
و مرة فى ارض المحنة
و مرة فى ابعد بطاح
اطرا يا عصفور حبابيبك
و انت فوق حلتنا راحل
جايبك الصيف من دايرك
شايلك الشوق للسواحل
فرح ايامنا الحزينة
و بالسلامة تانى واصل
كان نسيت موسمنا ديا
فى المواسم الجاية حاول

Nola
12-28-2006, 01:20 PM
انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

Nola
01-11-2007, 09:31 AM
ضامر قوامك لان

قلبك قسى وجافيت ليه يا جدي الغزلان

أسهرت جفني ملان

يذرف دمع نازل كالمزن في الهملان

ما بصح لي يا فلان

طرفك دوام ناعس وأنا طرفي ما غفلان

ظهرت شكلك بان

كوكب منير أشرق من فوق غصين البان

كم ليك محب تعبان

درب العشق ساهل ودرب الوصال صعبان

كالظبية في اللفتان

أما الخديد ناعم ذي زهرة البستان

تجد الطباع آمن

وحسن بديع رائع منظر جميل فنان

لا يحصى وصفه لسان

وجهك بدر كامل من البدور إحسان

ما قصدي فيك لمسان

مقصودي بس شوفتك لا تضيعني يا انسان

القمري في الاغصان

ذكرني ألفاظك وقلبي انطرب فرحان

يتواري لي لمحان

بروق درر فاهك بالراح والريحان

ليه كفك اتحنن

وليك قلب قاسي ما فيه لي حنان

يالراقص الفنان

حبك ملك قلب وجننت عقلي جنان

Nola
01-11-2007, 09:33 AM
عيون الصيد ناعسات عيونى وعيون النيل حاكن عيونى

نسيت قلبي وروحى ونسونى وفقدت الكانوا يآنسونى

ليالى هناى جد عاكسونى وأخاصم النوم كيف درسونى

فقدت صحابي لا تنصحونى خطاب وعتاب كف بارحونى

عيون الصيد الجرحونى سرورى يتم لو يلموحونى

مع الآلام هاجت شجونى وأطبا الكون ما عالجونى

جفوا وبي نفورهم هيجونى متين فى الطيف يصبوا ويجون

غلبنى أسير هيا درجونى على الأطلال ليل عرجونى

هواى شريف لا تحرجونى وعلى الأكفان لا تدرجونى

مقر أملى وفيهم ظنونى يزيدوا دلال وتزيد جنونى

لذيذ تعذيبهم لو ضنونى وصالهم آه راحتى ومنونى

Nola
01-11-2007, 09:35 AM
لسـّة بيناتنا المسافة .. والعيون ..

واللهفة والخوف .. والسكوت

ورنة الحزن البخافا

تعدّى بى الفرحة ... وتفوت

وأمشى بى الحسرة .. وأموت

الأمانى الفى سفر

قبل الزمن .. كايسة الموانى

يوم تجيبنى عليك .. بصدّق

إنو مرة الحظ طرانى

وإحتوانى معاك شجن .. عذبنى قبلك

ولسـّة منك .. جايى تانى

تمشى وين الخطوة عنك

ما الزمن بى الحب بلاكا .. وإبتلانى

لى عيونك يا مداين الفرحة والحب .. والجسارة

عندى ليك مليون بشارة

وألف خير ... والكلمة شارة

وإنتى لمـّا الحب يهـوّم بى عيونى

وفى عيونك بى قى حائر .. بالأمارة

الفرح منك .. يجينى

يعترينى الخوف عليك

خطوة منك .. خطوة ليك

راجى منك بس إشارة

وكلمة تدينى البشارة

ولاّ بيناتنا المسافة ؟

Nola
01-14-2007, 09:50 AM
في ضميرك سر كتمتـــو بس مشــاعرك ليــه تخــونه
حبي ظاهر وأنـــت حبــك شــايفه تــايه في عيـونك

في عيــونك كلمــة ســارحة والفــؤاد عايـــش عليــــها
فيــا إيـــه يـا نور عيــونـي فيهــــا إيــه لــو بحت بيها
والفـــؤاد عطشــان وحـــاتك شـــايف ملامح ريده فيهـا

من زمــان نـاداني صـــمتك من زمــــان نـــادانـي ليـك
من زمـــان حبيــت دلالـــــك والصـــفات الحلــــوة فيــك
اكتفيـــت بســـر عيــــونك مـن بعيــــد يشـــقلني بيــك

إنــت مهمــا صـــنت ســــرك أو منعــــت علــيَّ قلبـــك
مســـتحيل تمنـــع مشـاعرك عشـــان تعبــر لي محبـــك
مســتحيل تكتــم مشــاعرك مســـتحيل تغضــب محبــك

Nola
01-14-2007, 09:52 AM
بالمعزة .. بالمودة البينا بي اغلي الصلات

بالهوي العشناهو بي اعصابنا خمسة سنين ومات

بالعذاب الشفتو والسر الكتمتو معاك

وباقي الطيبات ... استحلفك اترك سبيلي

وسيبني وحدي اقاسي مر الذكريات


انا بي حناني الغالي خصيتك

وحبيتك بكل جوارحي وعواطفي العميقة

انا شلت من اجلك هموم الدنيا

قاسيت من صعابا وكل ضيقا

لسعادتك انت كم ضحيت واتغربت

ما خليت طريقة ..

في مسيري المضني

من اجل الحقيقة

كل طائر مرتحل عبر البحر قاصد الاهل

حملتو اشواقي الدفيقة

ليك يا حبيبي للوطن لترابو لشطآنو للدار الوريقة

لكن حنانك لي او حتي مشاعرك نحوي ما اكنت حقيقة

كانت وهم كانت دموع مسفوحة بي احرف رقيقة

ما بايدي لو ضباب الغيرة اعماني وزيف للحقيقة

انت انا بي حناني انت كياني

انت الدنيا

بهجتا وشروقا

من حصل زلة خطايا معاك او ضلت طريقا

هل تصدق تنتهي قصتنا يا اجمل حقيقة

نحن عشناها بدموعنا وبالضنا في كل دقيقة

يا حبيبي لم تزل قصتنا قصة حب

اقوي من الحقيقة

Nola
01-14-2007, 09:53 AM
انا والنجم والمساء .. ضمنا الوجد والحنين

جف في كأسي الرجاء .. وبكت فرحة السنين

آه يا شاطئ الغد ... اين في الليل مقعدي

وأين بالله موعدي

يا خطاها

يا خطاها علي الربا

عطر انفاسها الصبا

تحمل الشوق والصبا والخيالات موكبا

وانا كلما دنا

طيفها الحلو وانثني

عادني الهم والضني

في الدجي شاق مسمعي

صوتها الملهم النغم

في الهوي هاج مدمعي

حبها الخالد الالم

كلما لاح بارق من محياها خافق

مات بالهم عاشق

انها رقيتي التي خلدت لحن شهرتي

اشعلت ليل وحدتي

بالاسي والصبابة

يا رؤوي البحر اشهدي

ها هنا كان مقعدي

وهنا كان موعدي

انا والنجم والمساء

Nola
01-14-2007, 09:55 AM
ليه تقول ايامنا راحت وانتهينا
يا حبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل عذابا

انت عايش .. كل ايامك محنة
وانا بحرق كل عمري في الصبابة
يا حبيبي .. ليه حياتنا ما تبقي جنة
ننسي ظلم الدنيا .. ناخد من شبابا
نبعد الشك من قلوبنا .. والمظنة ..
نمشي في درب الاماني المستطابة

لست ادري هل عذابي ام عذابك كان اكثر
لست ادري
وحين شق الدهر بينا والفراق المر اجبر
لست ادري
غير اني كنت ادري ان حبي كان اكبر
فلماذا كنت تخشي .. انت ماضي المسير
يا حبيبي

كل واحد ليهو في تاريخو ماضي
وليهو ذكرة حب قديمة
وانت عارف لما اخترتك حبيبي
كان في قلبي جرحي ينزف بالهزيمة
لكن انت صرت اغلي حب عندي
وكنت راضي معاي بظروفي الاليمة
وكنت راضي معاي بالشقا البتبع خطاي
والمآسي المرة في طفولتي اليتيمة
ليه ما نصبر ونتحمل يا حبيبي
بكرة نلقي الدنيا بي خيرا ونعميا
يا حبيبي

nozhajamila
01-16-2007, 07:52 PM
الاستاذة العزيزة نولا
شكرا كثيرا وانتي تتحفينا بهذه الكلمات الجميلة .
شكرا ليك وما قصرتي تب سديتي الفرقة بمزااااااااااااج .
وان شاء الله نحن نستقر عشان نقدر نواصل معاك في هذا البوست اللذيذ .
شكرا لك انابة عن كل ناس المنتدى.

nozhajamila
01-16-2007, 08:03 PM
لا سلام منك ولا منك تحية
للوراك خليتو عايش في الأسية
ما حرام يا الفنجري ما تسيب وصية.
قمت زي طيرا غريب سافر عشية .
ما قبيل وصوني يا حليل الوصية .
كنت مكضب أنا كنت كنت ناسي
دابو صدقت المفارق عيونو قوية
ــــــــــــــــــــــــــــــــــــــــــــــــــ ـــــــــــــــــــــــــــ
السواقي النايحة نص اللليل أنين الدنيا ممزوج في بكاها
زي طيورا في الفروع محتارة بتفش جناها
البيوت والناس بتسأل عن صبية
فارقت حلتانا زي طيرا غريب سافر عشية
ما حراتم ماضيك يصبح ليك اسية
يا سلام لو كان جفاك بي حسن نية
كنت نسيتنا الوصية
المفارق عينو قوية
ــــــــــــــــــــــــــــــــــــــــــــــــــ ــــــــــــــــــــــــــ
أوع ليل الغربة ينسيك ريحة الطين في جروفنا
والتميرات البهبن ديمة راقصات في حروفنا
الدعاش والغيم رزازا في العصير بالفرح بلل كتوفنا
نحن راجعين في المغيرب المغيرب المغيرب
للديار ما حد يشوفنا لا نشوفو لا يشوفنا .

nozhajamila
01-19-2007, 12:08 PM
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
ــــــــــــــــــــــــــــــــــــــــــــــــــ ــــــــــــــــ
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
ــــــــــــــــــــــــــــــــــــــــــــــــــ ــــــــــــــــ
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمّع قليبو كـلام حـنين
هـدهد مـشاعرو ودوبـو
الـناس سعيدهم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
__________________

nozhajamila
01-19-2007, 12:17 PM
ظلم الزمان الخاني يا ريتو لو كان خـــــــــانك
ليه جرت واتنكرت لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
وعشقت ارض التاكا الشـــــــــاربه من ريحانها
ــــــــــــــــــــــــــــــــــــــــــــــــــ ـــــــــــــــــــــ
كلمني قوليا فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
ــــــــــــــــــــــــــــــــــــــــــــــــــ ـــــــــــــــــــــ
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
ــــــــــــــــــــــــــــــــــــــــــــــــــ ـــــــــــــــــــــ
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها

Nola
01-23-2007, 09:45 AM
داوي ناري والتياعي .. وتمهل في وداعي ..

يا حبيب العمر هب لي بضع لحظات سراع ..

قف تأمل .. مغرب العمر وإخفاق الشعاع

وأبك جبار الليالي هدّه طول الصراع

وا !! ضياع الحزن بالدمع على العمر المضاع

وهتاف القلب بالشكوى على غير انتفاع

ما يهم الناس من نجم على وشك الزماع

غاب من بعد طلوع وخبا بعد التماعى

طال بي سهدي واعيائي وقد حان اضجاعي

وإذا الراحة حانت بعد لأي ونزاع

فصدور الغيد سيان .. وأنياب السباع

أه لو تقضي لشتيت باجتماع

كم تمنيت وكم من أمل مر الخداع

وقفة أقرأ فيها لك أشعار الوداع

ساعة أغفر فيها لك أجيال امتناع

يا مناجاتي وسري وخيالي وابتداعي

ومتاعي لعيوني وشميمي وسماعي

تبعث السلوى وتنسي الموت مهتوك القناع

دمعة الحزن التي تسكبها فوق ذراعي

Nola
01-23-2007, 09:51 AM
الشاغلين فؤادي وتاييهن فاييقين
اصلي البي نازف دمع المايقين

النسيم عودني اقوم من نومي تاب
مشغول فكري سارح مشطوب انشطاب
يالنسيم بالله تجيب ردالخطاب
أوع الجاهلة نيا وما بتحمل عتاب

من القبلي لاح لي برق لمع
والصيد في الخمايل يا ناس اجتمع
قومو يا احبة نسترق السمع
ما بطيق القعدة والمايق دمع


شوق احبابي لي مولاي قدرو
انسلبت لحومي وعضاي خدرو
لاموني العوازل بي حالي ازدرو
هم شايفين دلالو وتايهين ما درو
سامرت الكواكب لما البدر لاح
منادي الفجر نادى وقال يا اهل الصلاح
صلو الوقت حاضر .. قامو اهل الصلاح
وانا الليل قايمو .. لا خيال لي لاح

البلابل ناحت في الليل الهجيع
سهرانات عيوني ومابيات الضجيع
من الحالة ديك اخير لي النجيع
واحسرة شبابي ما لقيت لي وجيع

Nola
01-29-2007, 12:52 PM
مـن بـف نفسـك يالقطـار
ورزيم صدرك قلبـى طـار

وين الحبيـب ؟؟ ... .إنـت
شلته ........ جيبو يالقطار

كـم قربـت مـن حبـيـب
وكم بعدت ... مـن قريـب

مـا خليـت لـى نصـيـب
غير البكا ....... .والنحيب

جوفـك بياكـلـه اللهيــب
وأنا جوفى بياكلـه الحبيـب

من بعده قصنـى الرطيـب
من غير شك أصبح شجيـب

كم كم سريـت مـن خليـل
وكم فرقت خليل من خليـل

وأجريـت دمعـى البسيـل
وأبليـت جسمـى النحـيـل

قلبـك أقـوى مـن الحديـد
أجبـر مـن قلبـى البريـد

كل ما ... أتخيـل صفيـره
مـن جوفـى يـذداد زفيـر

ليت لجناحى ...... الكسيـر
لحبيبى ........ يقدر يطيـر

يا حليـل شخصـه العظيـم
يـا حليـل محيـو الوسيـم

يا حليل ...... قلبه الرحيـم
السافر ....... سكن الدويـم

تجرى شمـا لاً أم .. يميـن
قلبك قط ........ ما بيليـن

عيشتى ...... عيشة السجين
أن من غيـرة خـده المتيـن

أنا ما داير.......... السفـر
لكن............. نفذ القـدر

ايه السبب لى ...... الكـدر
غير عجلاتك....... يا القطر

Nola
01-29-2007, 12:53 PM
لى نية فى قمر السما مقاصدى ... ما اجسما

أبنى الفكر وأهدما والعين تسيل ....دمع الدما

والدمعة مرات أعدما لحبيبى .. .روحى أقدما

يا ليته ...... يرضى يخدما

حواسى .....مالها كلما هبت نسيمة ..... .تألما

روح يانسيم ليها كلما لو جاهلة ....... كنت أعلما

حن المعذب ............. للما

عجباً ملاك ساكن حمى فى حماية الحيا إحتمى

منعو الدلال يظهر حما هلك النفوس وأبى يرحما

من هجرو يا حامى .... الحما

بديها ......... روحى تقسما بدل الزهور .......فى مواسما

مهما النفوس ..... قدرن سما تفدى العيون ..... الباسما

الفى القلوب ....ممضى اسما

كم من محاسن أعظما فيك خايلة خلقة منظما

زى معنى شاعر ناظما صفا بهجتك ..........ما أعظما

شوفتك ظمأ ....... وترى الظما

حى المسالمة ....... ومسلما الذكراها ..... .أنسى وقلما

الذكرى ........ دايماً مؤلمة لله أمرى ................ أسلما

والقمرة ما لقيت .......... سلما

Nola
02-03-2007, 12:12 PM
نديمي دعــك من عثــرات قـــولي
بـاسـم الثــغر يلـــوح بالأمـــــاني

لا تظــنني أبيـــد العــمر لهــــــوا
إذ أنـــا جســـم بــه البـــركان يغلــي

ســوف يــأتي باســـم الثغــر يلــوح بالأماني
ضـــي عينيـــه بريــق وغمــوض ومعــــاني

يحمــل الروح إليّ ... يــــزرع العطــف نديــــا
يســكب الآهــات همســـا في ثنــايا أذنيـــا
وبهـــا أحيـــا وأنســى مـا ضــناني .. لا تســلني

عندمـا يبــدو حبيبـــي فــوق أفــق القلــب يحبـــو
حولــه هــالات نـــور بهــا الأضــواء .. تخبــو
وأغـاريــد الأمـــاني في حنــايــاي تشــبو

مثـل ســريان الحقيقــة في مشــــاعرنا العميقــة
مثــل حلــم الـــدهــــر يــأتيك سـريعا في دقيقـة

عنــدما أنســى كيـــاني لا تســــلني
ضــي عينيـــه بريـــق وغمـــوض ومعــاني

عهــده بالحــب أيــام ســتكثر وتطـــول
ويــح نفســــي منـــك يا بــدري إذا حــان الأفــول

قبــل أن نحصــد زرعــه مــاؤه كـــان دمعـــا
وتبــاريحـــاً وشـــوقاً وصـــدوداً وأمـــل ...
إنمــا قلبــي عنيــد ... لا يبـــالي ... لا يمـــل
ينظـــم الحـــب أغـــاني
لا تســـلني
ضـــي عينيــــه بـريــــق وغمــــوض ومعــــاني

Nola
02-03-2007, 12:15 PM
انا امدرمان تأمل في نجوعى
انا السودان تمثل في ربوعى
انا ابن الشمال سكنته قلبى
علي ابن الجنوب ضميت ضلوعى
انا امدرمان سلوا النيلين عنى
وعن عزمات فتاي عند التجنى
فخير بنيك ياسودان منى
سلو الحادي سلوا الشادي المغنى
انا امدرمان اذا ما قلت اعنى
فما نيل المطالب بالتمنى
تجيش النفس بالآمال لكن ولكن هذه لم لا تدعنى
انا امدرمان مضي امسي بنحسى
غدا وفتاى يحطم قيد حبسى
واهمس والفضاء يعلن همسى
واهتف والوري يعرف حسى
واخرج للملأ في ثوب عرسى
وابسم بعدما قد طال عبسى
فيا سودان اذ ما النفس هانت
اقدم للفداء روحي بنفسى

Nola
02-03-2007, 12:16 PM
ماهو الفافنوس ماهو الغليد البوص

ود المك عريس خيلا بجن عركوس

أحيّ علي سيفه البحد الروس

ما دايرالك الميته أم رمادا شح

دايراك يوم لقى بدميك تتوشّح

الميت مسولب والعجاج يكتح

أحيّ علي سيفه البسوي التح

إن وردن بجيك في أول الواردات

مرنا مو نشيط إن قبّلن شاردات

أسد بيشه المكرمد قمزاته متطابقات

وبرضع في ضرايع العنّز الفاردات

كوفيتك الخوده أم عصا بولاد

ودرعك في أم لهيب زي الشمس وقّاد

وسيفك من سقايته إستعجب الحدّاد

وقارحك غير شكال ما بقربه الشدّاد

يا جرعة عقود السم

يا مقنع بنات جعل العزاز من جم

الخيل عركسن ما قال عدادهن كم

فرتاق حافلن ملاي سروجهن دم

Nola
02-03-2007, 12:19 PM
عارفنى منك

لا المسافة ولا الخيال يشغلنى منك

عارفنى

*********

ببقى بعدك فى الأسى

وتبقى إنت الظالم .. القاسى .. النـِّسى

وغصب عنى أشيل ظنونى

وأقول عليك .. إنت المسامح

فوق شجونى

أعيش زمان بالفرقة جارح

وفى إحتمالى وبالى إنـّكْ

إنت سايق فينى ظنك

**********

تحرمنى منك

والمواعيد لا بتشيل منـّك .. تودِّى

لا الشجن قادر قادر يسوقنى عليك

.. أعدِّى

لا التحايا ولا المشاعر الحيـّة

فى عمق الحنايا

لا رسالة تجينى منـّك

لا خبر طمنـِّى عنك

وإنت سايق فينى ظنك

رغم إنك .. إنت عارف

إنـّو منك .. لا الزمن يقدر يحول قلبى عنك

لا المسافة ولا الخيال يشغلنى منك

********

يا هوى الألم النعيم

خليك على الوعد القديم

وخلينى فى الشجن الأليم

وأبقى فى كل المداين

سكتى .. وسفرى الجحيم

تبقى أيه الدني من بعدك .. تكون

وأبقى أيه بعدك .. أكون؟

عارفنى منك ...

Nola
02-03-2007, 12:20 PM
كتبت ليك

لا بينى بينك ريدة .. لا قصة غرام

إخترت ليك

أجمل حروف .. وأصدق فواصل نادرة

فى لغة الكلام

لا قصدى ألهو معاكى بى كلمات غنا

لا شعرى ليك مرجيحة من شعر الغمام

كتبت ليك والله يا قمر الزمان

شان جيتى بى زمن المحنة

وشفت فى عينيكى .. حس أهلى القُدام

كتبت ليك وأنا جايى من زمن الشقا

الممدود على وش الثوانى .. مظللا

تتمدد الساعات سنين

تتفتح الأحزان غريبة .. ومذهلة

وأشتاق أفتش نسمة .. فى الزمن العذاب

وأيامى من كتر الأسى

وكتر العزوف .. والإغتراب

صارت حروف مترهلة

لحظات أسيفة .. ومهملة

كتبت ليك

ووقفت ليك .. لامن لقيتك جايه من قلب الطريق

ولمحت فيك راحة المشاوير البعيدة

ونفحة النسمة الحنينة

الجاية من قلب الطريق

حسيت عجايب الدنيا .. إتلمـّت .. بقت

جايـّانى من عصراً سحيق

عينيكى حس أطفال بنادوا القمرة لى الغايب .. يعود

وجبينك الضوّاى

حجا الحبـّوبة فى الزمن السعيد

وأنا فى قساوة الموحش

الزمن المكهرب .. بى الحريق

أنا حيلتى أيه

قوليلى يا قمر الزمان

غير أتـّكى .. وأحلم معاك

وأحضن أماسى الصحو ..

والأمل البريق

nozhajamila
02-27-2007, 02:24 PM
ليه بنهرب من مصيرنا نقضي ايامنا في عذاب
ليه تقول لي انتهينا ونحن في عز الشباب
hr
نحن في الايام بقينا قصة ما بتعرف نهاية
ابتدت ريدة ومحبة اصبحت في زاتا غاية
كنت تمنحني السعادة ولي تتفجر عطايا
ولما اغرق في دموعي بتبكي من قلبك معايا
hr
نحن في ماضينا قوة قوة تتحدى الصعاب
تفتح الليل المخيم تمشي في القفر اليباب
كنا للناس رمز طيبة وكنا عنوان الشباب
اسه تايهين لينا مدة بنجري من خلف السراب
hr
تاني ما تقول انتهينا بتنهي جيل بنظر الينا
باني امالو و طموحو ومعتمد ابداً علينا
نحن بالدنيا ديا انحن عز الدنيا بينا
تاني ما تقول انتهينا انحن يا دوب ابتدينا

nozhajamila
02-27-2007, 02:41 PM
من غير ميعاد
واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
hr
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
hr
لو مرة بعدك يا زمان الغربة تجمعنا الصدف
أنا كيف اعود من طيبة أول نظرة للدار منكسف
وا ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
hr
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نسيم في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار

nozhajamila
06-28-2007, 03:24 PM
ولى المساء والواله المحزون في جـوف الضباب
و أنا اهيئ زيـنتـي و اعد مفتخـر الثياب
آمـلا لقياك الحبـيـب و يصـدنـي زهو الشباب

أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن


تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال


غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام


غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!
ـــــــــــــــــــــــــــــ

nozhajamila
06-30-2007, 10:58 PM
بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..

عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو

قلت ارحل
07-01-2007, 06:53 PM
بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..

عاشت في شعوري أحلى هدندوية
الوارثات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي في رفاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو

تسلم نزهة جميلة

nozhajamila
11-09-2007, 01:57 PM
:mh91: :mh91: :mh91:

محمد عبدالمنعم العليقي
11-10-2007, 11:00 AM
الاخوة حاتم وضيوفه المكملين الروعة
ليكم التحية علي هذا الجمال والذوق الراقي والاختيار الانيق الموفق واتمني المواصلة.

تخريمة:
من رايي ان نذكر اسم شاعر الاغنية ان استطعنا لذلك سبيلاً حتي نعطيهم حقهم ونقدر لهم هذا التدفق الرائع.

ياسر عبيد
11-11-2007, 03:46 PM
NOLA .......مسكونة بالابداع.. نزهة جميلة جداً جداً

nozhajamila
11-27-2007, 05:07 PM
في الضواحى وطرف المداين
يلا ننظر شفق الصباح
ــــــــــــــــــــــــــــــــــــــــــــــــــ ــــــــــــــــــــــ
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
ــــــــــــــــــــــــــــــــــــــــــــــــــ ــــــــــــــــــــــ
للقنيص الخيل خفَ راسن
نحن ما بنخاف من مراسن
المكارم غرقنا ساسن
والمجاهل مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
ــــــــــــــــــــــــــــــــــــــــــــــــــ ــــــــــــــــــــــ
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
ــــــــــــــــــــــــــــــــــــــــــــــــــ ــــــــــــــــــــــ
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
ــــــــــــــــــــــــــــــــــــــــــــــــــ ــــــــــــــــــــــ
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
ــــــــــــــــــــــــــــــــــــــــــــــــــ ــــــــــــــــــــــ
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
ــــــــــــــــــــــــــــــــــــــــــــــــــ ــــــــــــــــــــــ
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ــــــــــــــــــــــــــــــــــــــــــــــــــ ــــــــــــــــــــــ

محمد عبدالمنعم العليقي
11-27-2007, 05:23 PM
تسلم اخي الحبيب ياسر واسمح لي اشاركم التدفق دا، الاغنية دي عاجباني شديد، وهي احدي اغنيات الطمبور يغنيها الفنان محمد النصري وكلماتها للاستاذ: محمد المهدي حامد:


خيرا أعم

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع

دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول

دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان

دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم

أم غدي
11-28-2007, 10:03 AM
يا سلام عليك يا محمد


ويلا شوف الروعه لما تجتمع كلمات إدريس جماع مع الأستاذ الكبير الراحل المقيم الفنان سيد خليف وشوفوا الجماااااال


أ على الجمال تغار منا
ماذا عليك إذا نظرنا
هي نظرةً تنسى الوقار
وتسعد الروحَ المعنىّ
دنياي أنت وفرحتي
ومنى الفؤاد إذا تمنىّ
أنت السماء بدت لنا
واستعمصت بالبعدِ عنا
هلاَّ رحمتَ متيما
عصفت به الأشواق وهنا
وهفت به الذكرى فطاف
مع الدجى مغنى فمغنى
هزته منك محاسن
غنى بها لمّـَا تغنّى
يا شعلة طافت
خواطرنا حواليها وطفنا
أنست فيك قداسة
ولمست إشراقاً وفناً
ونظُرت في عينيكِ
آفاقاً وأسراراً ومعنى
كلّم عهوداً كيف كنا
كم باللقا سمحت لنا
كم بالطهارة ظللتنا
ذهب الصبا بعهودِهِ
ليت الطفولة عاودتنا

محمد عبدالمنعم العليقي
11-28-2007, 10:15 AM
يا سلام عليك يا محمد


ويلا شوف الروعه لما تجتمع كلمات إدريس جماع مع الأستاذ الكبير الراحل المقيم الفنان سيد خليف وشوفوا الجماااااال


دنياي انت وفرحتي
ومنى الفؤاد إذا تمنىّ
أنت السماء بدت لنا
واستعمصت بالبعدِ عنا




لو ادريس جماع ماكتب غبر البيتين ديل بس لكان برضو اشعر شعراء عصره.

خالد علي فضل المولى
11-28-2007, 06:57 PM
لو ادريس جماع ماكتب غبر البيتين ديل بس لكان برضو اشعر شعراء عصره.

أنتو الاثنين شوفو دي:
لما تشتاق للمشاعر تملى دنياك بعبيرها
لما تشتاق للعواطف تنسجم تلبس حريرة
أبقى أسأل عن قلوبنا
بتلقى فيها كنوز محبة
وتلقى فيها بحور حنان
وتلقى فيها الشوق يغني
وتلقى فيها الريدة فارده جناحها .. تشتاق للربيع
*****
لما تقسو عليك ليالي الوحده
والليل يبقى ليل
والنجوم تلمع بعيد وتسخر من السهران وحيد
أبقى أسال عن قلوبنا
بتلقى فيها كنوز محبة
وتلقى فيها بحر حنان
وتلقى فيها الشوق يغني
وتلقى فيها الريدة فارده جناحها .. تشتاق للربيع
****
أنت ما برضك حبيبنا
والحنان الفي قلوبنا .. أصلوا نابع من عيونك
والمحبة فيها لو ما أنت
ما كانت محبة
وكل أشواقنا ومشاعرنا وأحاسيسنا النبيلة
إنت ما أهديتها لينا وكيف تضّيع أحلى ما أهديت يا غالي
****
كنز محبة ** الفنان زيدان إبراهيم

محمد عبدالمنعم العليقي
11-28-2007, 08:38 PM
أنتو الاثنين شوفو دي:
لما تشتاق للمشاعر تملى دنياك بعبيرها
لما تشتاق للعواطف تنسجم تلبس حريرة
أبقى أسأل عن قلوبنا
بتلقى فيها كنوز محبة
وتلقى فيها بحور حنان
وتلقى فيها الشوق يغني
وتلقى فيها الريدة فارده جناحها .. تشتاق للربيع
*****
لما تقسو عليك ليالي الوحده
والليل يبقى ليل
والنجوم تلمع بعيد وتسخر من السهران وحيد
أبقى أسال عن قلوبنا
بتلقى فيها كنوز محبة
وتلقى فيها بحر حنان
وتلقى فيها الشوق يغني
وتلقى فيها الريدة فارده جناحها .. تشتاق للربيع
****
أنت ما برضك حبيبنا
والحنان الفي قلوبنا .. أصلوا نابع من عيونك
والمحبة فيها لو ما أنت
ما كانت محبة
وكل أشواقنا ومشاعرنا وأحاسيسنا النبيلة
إنت ما أهديتها لينا وكيف تضّيع أحلى ما أهديت يا غالي
****
كنز محبة ** الفنان زيدان إبراهيم


ياسلام عليك اخ خالد والله فعلاً من الروائع وزادها روعة صوت العندليب، وعلي ما اعتقد هي للشاعر التجاني حاج موسي، مشكور علي التدفق الجميل.
بالله لو عندك (اذا الخاطر سرح عنك) حاول الفانا بيها ونكون شاكرين.

أم غدي
11-29-2007, 12:21 AM
ياسلام عليك اخ خالد والله فعلاً من الروائع وزادها روعة صوت العندليب، وعلي ما اعتقد هي للشاعر التجاني حاج موسي، مشكور علي التدفق الجميل.
بالله لو عندك (اذا الخاطر سرح عنك) حاول الفانا بيها ونكون شاكرين.



شكراً يا خالد على امتاعنا بكلمات هذه الأغنية الجميلة بحق والتي عندما يتغنى بها الاستاذ زيدان تشعر أنك أمام فنان حقيقي فنان يجرى الفن فيه كما يجرى الدم في شرايينه .

ولك أخي الغالي محمد كلمات أغنية إذا الخاطر سرح عنك برضو لشاعرنا التجاني حاج موسى وغناء زيدان ابراهيم



إذا الخاطر سرح عنك .. مؤكد انو راح ليك .

وهّـــوم في ربّي الأحلام قريــــب منــــــك

سقـــــــــت غيماتـــــــو واديك

وأذا خليتــــــــــني في ظنـــــك ..

بتــــنزل روح تهــــــيم بيـــك

ويبقي وجودي رهن اشارة بس منك

أكلف روحي تسقي خطاي هوا تجيك

يا المخلوق بالون الطيف ..

أوصف فيك ..اوصف كيف ..؟!

يا الحيرتّــه أوصافــــي

يا الســـر العميق خافـــي

بـحر ما طالــتوا مرافـــي

وأبلغ من وصف شاعـــر

عشان تتخته في قوافــــي

ومنك تبتدي الريــــــــدة

وبعدك ريدة جد مافــــــي

محمد عبدالمنعم العليقي
11-29-2007, 12:59 AM
وشكراً ليك انتي كمان، ابداع حقيقي والله.

اها دي كمان اغنية لمحمد ميرغي، من كلمات الشاعر اسماعيل حسن:

اشتقت ليك

اشتقت ليك...
ساعة المسا فرد الجناح
ولملم مصابيح النهار
والكون شرب لون الجراح
والعتمة نامت في الدروب
والليل لبس اجمل وشاح
في اللحة ديك اشتقت ليك... واحتجت ليك
في اللحظة ديك..
والناس بتسال عن بلاد اصلو مامعروفة وين
ياقلبي لي زولاً بئن حاضن الاسي عبر السنين
في اللحظة ديك اشتقت ليك شوق السحابة الراحلة
في جوف الشتا
عطشانة تحلم بالخريف
بقيت ضعيف...
في اللحظة ديك مديت معابر شوقي ليك
وحنين حنيني الطاغي ليك
كايس مجيك
وداير يجيك
في اللحظة ديك...
اشتقت ليك واحتجت ليك....

حافظ جعفر حسن
12-01-2007, 07:44 AM
يا سلام عليك يا محمد


ويلا شوف الروعه لما تجتمع كلمات إدريس جماع مع الأستاذ الكبير الراحل المقيم الفنان سيد خليف وشوفوا الجماااااال


أ على الجمال تغار منا
ماذا عليك إذا نظرنا
هي نظرةً تنسى الوقار
وتسعد الروحَ المعنىّ
دنياي أنت وفرحتي
ومنى الفؤاد إذا تمنىّ
أنت السماء بدت لنا
واستعمصت بالبعدِ عنا
هلاَّ رحمتَ متيما
عصفت به الأشواق وهنا
وهفت به الذكرى فطاف
مع الدجى مغنى فمغنى
هزته منك محاسن
غنى بها لمّـَا تغنّى
يا شعلة طافت
خواطرنا حواليها وطفنا
أنست فيك قداسة
ولمست إشراقاً وفناً
ونظُرت في عينيكِ
آفاقاً وأسراراً ومعنى
كلّم عهوداً كيف كنا
كم باللقا سمحت لنا
كم بالطهارة ظللتنا
ذهب الصبا بعهودِهِ
ليت الطفولة عاودتنا




تسلمي يا أم غدي على هذا الأختيار الموفق ولكن قصيدة مليانة وخاصة البيت الذي يقول
انت السماء بدت لنا واستعصمت بالبعد عنا
منتهى البلاغة

مريم الاخرى
12-03-2007, 03:45 AM
راجعت هذا المنتدى جيدا لمعرفة ما إذا كان هناك بوست يعني بالتوثيق لكلمات الأغاني السودانية فلم أجد ذلك ،،، لذلك آثرت إنزال هذا البوست لعمل موسوعة للاغاني ككلمات مكتوبة حتى يكون منتدانا هو الجهة التى تقصد لهذا الغرض ،، علشان كده بنتمني من كل الأعضاءالمشاركة بالتوثيق بكلمات الأغاني دون ذكر المناسبة وما شابه ذلك ،، وعدم المداخلة بعبارات الإعجاب بكلملت الأغاني حتى لا نفسد هذا العمل ،،،، ويا ريت كل الناس تتعاون معانا . ومشكورين يا حبايبنا
وببدا ليكم بأغنية الشوق والريد :

الشوق و الريد كل الأشواق
والحب البان في لمسة إيد
وأغاني نقولا00
والدنيا زهور00في عينينا
تصبح كل يوم 00زي طفل وليد
**************************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا
*************************


عز المزار

من بعد ما عز المزار

والليل سها وملت نجومو الانتظار

والشوق شرب الموأويل

وانجرح خاطر النهار

وبقيت اعاين فى الوجوه

واسال عليك وسط الزحام

قبال أتوه

يمكن الاقى البشبهك

ما الليل براح

والشوق تعالى بيندهك

شايلاهو وين الليل معاك

عصفورة حناحتها النجوم

وانا بى وراك

بسال عليك مدن ....مدن

واعصر سلافة الليل حزن

بسال عليك فى المنفى

فى مرفا السفن

امكن طيوفك اخريات الليل تمر

تملا البرحات للحزين طول العمر

ما نحن بين الامنيات والتضحية

بين المعزات والعذبات فى الحياة

بينا الهوى اخلاض على قلبى انكوى

وكلام كتير قلناهو اخر الليل سوى

انوراح نتلاقى لو طال النوى

لكن كلامنا الكان وكان

خايف يكون شالو الهوى


كلمات الشاعر عبد العال السيد

لحن وغناء الراحل المقيم الاستاذ مصطفى سيد احمد


مريم الاخرى

كل الاحترامات

nozhajamila
12-11-2007, 01:11 PM
يا جميله..
ومستحيله
انت دايما زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عليّ..
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعليْ رحالى
لمداين فوق عيونك يا محالى
ريّحينى..
أسُتْرى حالى
فرحينى
عيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتو فى صم الحجارة
وبحت للشمس البتقدل..
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرة أسرح..
ومرة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر علىْ..
ولا عندى حيلة

nozhajamila
03-24-2008, 09:34 PM
ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله

Taghrid Rachid Moubachar
03-26-2008, 12:29 AM
همسات من ضمير الغيب تشجى مسمعى
وخيالات الأمانى رفرفت فى مضجعى
وأنا بين ظنوني و كياني لا أعى



عربدت بى هاجسات الشوق إذ طال النوى
وتوالت زكرياتى عطرات بالهوى
كان لى فى عالم الماضي غرام و انطوى



كان لى بالأمس أحلام وشوق وحبيب
كان لي للجرح طبيب لا يجاريه طبيب
كان ما كان وبتنا كلنا ناء غريب



سكر السمّار و الخمّار فى حان الغرام
وأنا الصّاحى أرى فى النور أشباح الظلام
وبدت كأسى على راحى بقايا من حطام



عادنى الوجد إلى ليلى وكأسى مترع
وسعير الحب يشقينى ويشقى مضجعى
ولهيب الشوق يدعونى فهل أنت معى

عثمان محمد الحسن حتلوب
03-26-2008, 01:37 AM
يا أخوانا لو في واحد عارف كلمات الأغنية بتاعت ود اللمين .. شم نفسك مسك العشاري .. يتكرم ينزلنا لينا .. وياريت لو في شرح لبعض المفردات .. مثل يا خالق المسي (هل هو تصغير للمساء) ...

nozhajamila
03-27-2008, 08:44 PM
اقول ليها عويناتك ترع لولي وبحار ياقوت

مناحات ريد حزاينيه بغازل فيها مأساتي

وفي شرف العبور ليها بموت واكسر شراعاتي

تقول لي غناك حزين غناي حزين

وانا الواهب قصائدي الباكيه للفرحه

وانا البديها شان ريدي وصباي طرحه

قول ليها عويناتك زي سواد قدري

مكحله عمري من بدري

لو بقدر اسافر في بريق لحظك وما ارجع

تقول لي خايفاك تتوجع واتوجع

اقول ليها عويناتك ديار وعدي

مسوره بي جدار صمتك

عذابي معاك بريدك قبل ما اعرفك

ولو بقدر اشيل من الزمن وقتي

بموت في لحظه واوهب ليك عقاب عمري

عباس حمد
03-27-2008, 09:34 PM
السلام عليكم
شكراً على القصيدة الرائعة روعة عبقرية ود الامين و هو يتغنى بها و يحملنا بها الى مساحات من الحب و الهيام فالتحية لك و لذوقك الراقى و احساسك المرهف :mh09: :mh09:

عباس حمد
03-27-2008, 09:38 PM
هجرة عصافير الخريف
الأستــــــــــــاذ محمد وردي
كلمات أسحق الحلنقي
********************
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
...
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
....
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن

وليد الهادي
03-30-2008, 10:00 AM
ياطير ياطائر
يا طير يا طاير من بعيد فوق الغمام
من ربوعي أحمل الشوق يا حمام
انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام
يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام
ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

وليد الهادي
03-30-2008, 10:01 AM
اخادع نفسى بى حبك
أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

وليد الهادي
03-30-2008, 10:02 AM
الحزن القديم
وردي
كلمات: عمر الطيب الدوش


الحزن القديم ..
ولا إنتِ
ولا لون الفرح...
إنتِ
ولا الشوق المشيتْ بيهو..
وغلبْنى أقيف...
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه..
ومن شهقَة زهور عطشانَهْ
فوق أحزانهْا..
متْكَّيهْ..
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى..
معاكْ يجينى زمن..
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي..
خُطانا الإلفَهْ والوحشَهْ..
وتمشى معاي... وتْرُوحى..
وتمشى معاي وسط روحى
ولا البلْقاهو بِعْرِفنى...
ولا بعرِف معاكْ ..روحى

وليد الهادي
03-30-2008, 10:13 AM
الود

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب

أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ

وليد الهادي
03-30-2008, 10:17 AM
غلطة

اسماعيل حسن


قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه

وليد الهادي
03-30-2008, 10:17 AM
وتر مشدود

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

وليد الهادي
03-30-2008, 10:19 AM
عذبني
عذبني وزيد عذابك
يمكن قلبي يقسى
وزي مانساني قلبك
يمكن قلبي ينسى
يازين
عذبني وتفنن
في ألوان عذابي
ما تمسح دموعي
ما ترحم شبابي
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتناسى
الكان بيني بينك
ما تطرا العشرة
والفات من سنيني
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتنكر
للحب والحنان
للريد والمودة
وكل الكان زمان
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين

وليد الهادي
03-30-2008, 10:33 AM
توعدنا وتبخل بالصورة
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة
يا نسمة في عز الصيف هبت
يا روح الروح
يا آمالا
إن جيت تطلبنا بضي العين
مابنقدر نحن نقول
لا لا
العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة
الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة
روعة سحر الأسطورة
يا سمحتنا الما بنطولة
لو نحن مقامك ماقدرو
أعذارك عندنا مقبولة
بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الل يخليك
ويحرسك من عين الناس الله

عثمان محمد الحسن حتلوب
03-30-2008, 10:51 AM
اغاني رائعة من أداء الفنان عبدالكريم الكابلي :

لوتصـدق
كلمات الأستاذ/ عبد العزيز جمال الدين

أنا لو تصدق
يا شباب عمري المفتق
شلت كل الريد مشاعر حلوة نديانة وخصيبة
واشتهيت يهل وعدك لي هناء وافراح وطيبة
اه لو بتعرف كيف تهش اشواقنا تهتف لعيونك
كيف يلح الشوق ويسأل
كيف ترق اشواقنا ترمز لعيونك
كيف يغالي الشوق ويسأل
ونحن من خلف المدى الفرقنا طول لو بتعرف
نرسم الليل في البعاد جنة لقاء
نبني تعريشة حنان طول بدا
ونعانقه في اعماقنا باقات من مرح
تجعل صبانا الغالي زغرودة فرح
حتى الكلام لوجيتنا ما بنحكيه بنفس الحروف
كلماتنا تتفجر غزل بين كل فاصلة تعيش ظروف
والشوق دوام يغري الخيال يسرح وبى حسنك يطوف
احلامنا تتناثر أمل في كل روضة تضوع قطوف

عثمان محمد الحسن حتلوب
03-30-2008, 10:53 AM
محمد المهدى المجذوب -المولد (المولد الخرطوم 1957-كامله) غناء : الكابلى ----------------

صل يا رب على المدثر وتجاوز عن ذنوبي وأعني يا إلهي بمتاب أكبر فزماني ولع بالمنكر *** درج الناس على غير الهدى وتعادوا شهوات وتمادوا لا يبالون وقد عاشوا الردى جنحوا للسلم أم ضاعوا سدى *** أيكون الخير في الشر انطوى والقوى خرجت من ذرة هي حبلى بالعدم؟! أتراها تقتل الحرب وتنجو بالسلم ويكون الضعف كالقوة حقا وذماما سوف ترعاه الامم وتعود الأرض حبا وابتساماً *** رب سبحانك مختاراً قديراً أنت هيأت القدر ثم أرسلت نذيرا... للبشر آية منك ونورا *** هو عين الله لولا ضوؤه لم نر العالم في شتى الصور جعل الموت رجاء.. وبقاء وغراساً منه لا يفنى الثمر *** صل يا رب على خير البشر الذي أسرج في ليل حراء قمراً أزهر من بدر السماء يقرأ الناس على أضوائه حكمة الخلق وأسرار البقاء .....من إله قد هدى بالقلم علم الإنسان ما لم يعلم *** صل يا رب على المدثر وتجاوز عن ذنوبي واغفر وأعني يا إلهي بمتاب أكبر ليلة المولد يا سر الليالي والجمال وربيعاً فتن الأنفس بالسحر الحلال موطني المسلم في ظلك مشبوب الخيال طاف بالصاري الذي أثمر عنقود سنى كالثريا ونضا عن فتنة الحسن الحجابا ومضى يخرجه زيّاً فزيّا *** وزها (ميدان عبد المنعم) ذلك المحسن حياه الغمام بجموع تلتقي في موسم والخيام قد تبرجن وأعلن الهيام *** وهنا حلقة شيخ يرجحن يضرب النوبة ضربا فتئن وترن ثم ترفضّ هديراً أو تجن وحواليها طبول صارخات في الغبار حولها الحلقة ماجت في مدار نقزت ملء الليالي تحت رايات طوال كسفين ذي سوار في عباب كالجبال *** وتدانت أنفس القوم عناقاً واصطفاقاً وتساقوا نشوة طابت مذاقاً ومكان الأرجل الولهى طيور في الجلابيب تثور.. وتدور تتهاوى في شراك ثم تستنفر جرحي وتلوب في الشباك مثلما شب لهيب *** وعلا فوق صدى الطبل الكرير كل جسم، جدول فيه خرير ومشى في حلقة الذكر فتور لحظة يذهل فيها الجسم والروح تنير وعيون الشيخ أُغمضن على كون به حلم كبير *** والمقدم يتغنى يرفع الصوت عليا وتقدم يقرع الطبل الحميا ورم الذكر وزمزم واستقامت حلقته وانحنت حين انحنى وهوت والطبل نار تتضرم وتصدى ولد الشيخ وترجم حيث للقطب حضور وتداعَى وتهدم *** وينادي منشد شيخاً هو التمساح يحمي عرشه المضفور من موج الدميرة ندبوه للملمات الخطيرة شاعر أوحى له شيخ الطريقة زاهد قد جعل الزهد غِنى فله من رقع الجبة ألوانا حديقة والعصا في غربة الدنيا رفيقة وله من سبحة اللالوب عقد ومن الحيران جند وله طاقية ذات قرون نهضت فوق جبين واسع رققه ضوء اليقين *** وفتى في حلبة الطار تثنى وتأنَّى وبيمناه عصاه تتحنَّى لعبا حركه المداح غنَّى.. رجع الشوق وحنَّا وحواليه المحبون يشيلون صلاة وسلاما ويذوبون هياماً ويهزون العصيا ويصيحون به أبشر لقد نلت

عثمان محمد الحسن حتلوب
03-30-2008, 10:55 AM
أداء الفنان الرائع عبدالكريم الكابلي



ياهاجر اهديك انغام تحكي الأحلام من صابر

أحلام حبي وأملي السعيد وانغام قلبي الشاكي وعنيد
عاهد طيفك وحـرم يريد والطيف مسحور ودايما عنيد
إن زار أو جار بـرضو الفريد نهواك ياحالم من بعيد
نساير

ياساحر عيوني يا عيوني
ياساحر عيوني إنت عيوني
بريـدك يا محالف جنوني
تزيد في الصد وازيد فنوني
واعـاتب لي ودادك ظنوني
واقـول حسنك الهم لحوني
ومهمـا تراضي العاتبوني
أفاخر

عثمان محمد الحسن حتلوب
03-30-2008, 10:58 AM
أداء الفنان الرائع عبدالكريم الكابلي


ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم

عثمان محمد الحسن حتلوب
03-30-2008, 10:59 AM
http://www.rufaaforall.com/board/uploaded/1795_1206860479.jpg

عثمان محمد الحسن حتلوب
03-30-2008, 11:03 AM
http://www.rufaaforall.com/board/uploaded/1795_1206860597.gif

عثمان محمد الحسن حتلوب
03-30-2008, 11:05 AM
http://www.rufaaforall.com/board/uploaded/1795_1206860715.gif

عثمان محمد الحسن حتلوب
03-30-2008, 11:06 AM
http://www.rufaaforall.com/board/uploaded/1795_1206860790.gif

وليد الهادي
03-30-2008, 11:35 AM
بتتعلم من الايام ومصيرك بكره تتعلم
وتعرف كيف يكون الريد وليه الناس بتتألم

متين عرف الهوى قلبك متين صابك بآهاتو
متين سهر عيونك ليل طويله ساعاتو
وحاتك لسه مابتقدر تقاسم قلبى دقاتو

اقابلك وكلى حنيه واخاف من نظراتك ليه
شوق العمر كله يفاجائك يوم فى عينيه
وراء البسمات كتمت دموع وبكيت من غير تحس بيه

وبكره الريد بدون مواعيد يا حياة عمرى
وتقول يا ريتني لو حبيت زمان من بدرى
تعال فرح ليالينا قبل السنين تجري

وليد الهادي
03-30-2008, 11:36 AM
وحياة إبتسامتك .. ياحبيبي وحياة عينيك
كل لمسة في خيالي .. عن جمالك هي فيك
قلبي حاذرك .. و من زمان سائل عليك

قبل ما أشوفك .. كنت فاكر الريد مستحيل
كنت هايم في طريق .. خالي طويل
ليلي دون الناس .. كله آهات و ويل

تشهد الأيام .. ويشهد الليل و النحيب
عمري كله .. عشته وحدي كالغريب
قلبي عاشق.. و دربي خالي من حبيب

لكن يا حبيبي

من يوم ما شفتك .. قلبي للدنيا ابتسم
أشرقت دنياي .. و فارق دربي هم
رحت ألقاك في منامي .. و بيك أحلم

في إنتظارك يا حبيبي .. رايح أرعاك بحناني
ألقى في قربك سعادتي .. و أنسى تعذيبي و هواني
يبغر العشاق من هوانا .. و فرحة الريد و الأماني

ياحبيبي .. عشت لي و عشت ليك
هاك عهدي ياحبيبي .. و هات إيديك
وحياة غرامي .. و حبي ليك
أهدي عمري .. و روحي ليك

وليد الهادي
03-30-2008, 11:37 AM
يا مُنىً ..أهدي إلى المهجة أنفاساً وعُمرا
أهرقت دُنياك في دُنيَايَ أنغاماًً وسحراً
وتَذوَقتُ غراماً منكَ مَشبوباً ومُرا
يا هزاراً رائعُ الطلعة فَتاناً أغَرا
فَجرَ الألحانَ في قلبي إعلاناً وسرا
يا صَباحاً فَتقَ الآمال في الخاطر زهرا
ونَدى يُدفقُ أشواقاً ويغرورق عطرا
يا جناحاً طَوَقَ الأضلاعَ أفراحاً وبشرا
يا شراعاً أوصَلَ الزورق للشاطيء فجرا
ما الذي أهديه إلا ذوب اضلاعي شعرا
وافتتاني واندفاق أغاريديَ خَمرا
قد تنَعَمتُ عَطاءأً منك ثَراراً روياً
وحُنُواً هَدهَدَ الآلام رَفرَافاً نَديا
يا عيوناً كاليَنَابيع شُرُوداً وابتساماً
نَبعت في حَقل أيامي رَبيعاً وسَلاما
وقواماً كالأهازيج تَثَنى وتَسَاما
وانسياب الشَعر مَرأى بيدر صَلى وناما
يا عُيوناً كالغناء العَذب في دفيء العَشية
يا عُيوناً مثل صُبح العيد في الدار الحفيه
كانت الفرحة في قُربك أعراساً من الضوء
وكان الشعرُ طفلاً غَسقيا
فتَبنَاهُ المُغني
وحَباهُ من بريق النَغَم الوَهاج كالبلور زِياً
ورعَى الأزهارَ في كلتا يَدَيه
ثُم ضَاع الطفلُ يا رَباهُ من بينَ يَدَيا
فَتَلَهَفتُ عليه
ومضَى الزَورَقُ بالملاح جيلا
كان الإعصَارُ والبحرُ عَتيا
هكذا دارت بنا الأيامُ
يا طائرَ أحلامي الزَقَاليل
ويا طَلق المُحَيا

وليد الهادي
03-30-2008, 11:38 AM
للشاعر :التجاني حاج موسي

ما أصلو ريده أصبح حياتي
من يوم فؤادي لهواها إنهدي
وأنا عايش أقاوم في الظروف
راجيها تعطف وتحن للنداء
ماكان محال أهديها الغرام
أو أبقي راهب ليها وأعبدها

يا غالية يا زينة حياتي
مشتاق لشوفتك لي زمن
وإنت عارفة شبابي كلو
وهبتو لي حبك تمن
ألقاك متين وحياة سنين
وأتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

وليد الهادي
03-30-2008, 11:40 AM
كلمات :صلاح أحمد ابراهيم

غريب وحيد فى غربته
حيران يكفكف دمعته
حزنان يغالب لوعته
ويتمنى بس لي أوبتو
طال بيه الحنين
فاض به الشجن
واقف يردد من زمن
بالله يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل الليل بالصباح
تحت المطر وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل اريح سكن
وفوت بلاد وسيب بلاد
وان جيت بلاد تلقى فيها النيل بلمع فى الظلام
زى سيف مجوهر بالنجوم من غير نظام
تنزل هناك وتحى يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا
سلام
بالله يا طير قبل ما تشرب تمر على بيت صغير
من بابه
من شباكه
بلمع الف نور
تلقى الحبيبه بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفاى ليها
وحبى الاكيد

وليد الهادي
03-30-2008, 11:41 AM
كلمات :اسماعيل حسن

لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
والهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

وليد الهادي
03-30-2008, 11:46 AM
صمـت الشــوق...

اقول ليكي و لا اخلي صمت الشوق يزيد البي على البيكي

اهاجر في جمال محياك واسيب عينيا لعينيكي

بكون ماسخ كلام الريدا لما يقولو ليك لسان

تتبكم حروف القول و مابتعكس شعور ولهان

يسبح في سعير شوقك على موج الهوا البركان

يحرق في حشا الاحساس ويخلق قدرة الإمكان

أصادق صمتك البواح واكبل انطلاق السيل

من القلب العزف اهاتو بذكراكي عز الليل

آنين صداح من الاعماق يفيض بكل تقيل الشيل

ونكـتم لهفة الاشواق مع الفرح البشد الحيل

أقول ليكي ولا اخلي صمت الشوق يزيد البي على البيكي

أهاجر في جمال محياك واسيب عيني ..لعينيكي

وليد الهادي
03-30-2008, 11:47 AM
بهوى العيون السودة ... وأحب سمار في خدودة

إنت الصباح الضاحي ... إنت الغروب الباكي

إنت المياه العذبة ... إنت النسيم الصافي

بهواك وأزيد في حبي ... مهما تزيد في نوحي

وقلبي راح لقلبك ... نسيتني مالك روحي

كف عيونك عني ... لغة العيون كاتلاني

حب الجمال جنني ... شوق الوصال أضناني

وليد الهادي
03-30-2008, 11:48 AM
ضــــل الـضـحـى الــرامـي ..‏
وشــمــس شــتـويـة دفــايـة ..‏
وريـحة الـبن ، لـما يـفوح فـي قلاية..‏
وفــــــــروة جـــــــدي .‏
صـورة جـدي لـمن جـيت أمـد يـدي :‏
‏(جــــدي.. أديــنـي تـعـريـفة )..‏
‏(بـتـقرا الـحـمدو يــا الـمـبروك )..‏
‏(بـقـرها وشــان تـعـريفه الـقـاه)..‏
بــجـود فـــي الـقـراية كـمـان ..‏
وايـــه يـــا يـمـة والله زمــان !!‏
وســبـحـة ( بــنــت الــفـكـي)‏
والــطــوريـة .. والـــواســوق..‏
وسـعف حـبوبة ، والـكورية ، والحنقوق
وصــوت ( سـعدية ) بـت جـيرانا ...‏
تـشـحـد لـيـهـا فـــي طـايـوق.‏
وصـوت (عرفه) لما تخمج الدلوكة غناية...‏
وحـبـة فـريـك ، لـموه لـي رمـضان
مــصــرور فـــي مـخـلايـة ...‏
صــــور مــحـفـورة جــوايــا.‏
ومــــــــن يـــــــوم داك..‏
ولـــي الـلـيـلة ، ولـــي iiبـكـرة
وبــــعــــد بــــاكــــر..‏
شــان الـزمن غـدار ومـا مـعروف..‏
زمــــــــن مــــكــــار ،
زمـانـا كـلـو خــوف فــي خـوف
وايـــه يـــا يـمـة والله زمــان !!‏
مـشـتاق يـمـه لـي مـلاح الـنعيمية..‏
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب
بـــدور أرجـــع أجـيـكي هـنـاك
ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار..‏
ولو بتدوري احكيلك كيف أحوالي في البندر ،
مـــن ويـــن عـايـزة ابـدالـك ؟؟
مـــو شـيـتـا غـريـب وعـجـيب
ده شـيـتا كـلـو شـيـن فــي شـيـن
هــنـا الـــزول الـعـديل ونـصـيح
وحــاتـك انـــت يـــا الـغـالـية
بـــعـــيــش حـــيــاتــو...‏
يــومــاتـي بــــي وشــيــن..‏
وزولــتــي الــحـتـي حـبـيـتها .‏
لـقـيتها بــراي ، تـحـب زولـيـن .‏
وايـــه يـــا يـمـه والله زمــان !!‏
دي قــشـة عـيـنـى مـــن الـنـوم‏
مــعـاي بـشـيـل هــمـوم بـاكـر
قـبـل مــا أشـيـل هـمـوم الـيوم!!‏
أخــتـهـا خــطـواتـي الأولـــى
أعــــــــدي الــــبـــاب..‏
تــبـدا تـــدق طــبـول الــهـم..‏
خــواطــر تــذهـل الألــبـاب !!‏
وأقـابـلـك يـــا شــوارع الـجـن..‏
وفـــي جــوايـا حــاجـة تــئـن‏
أشـــد وتـــر الـحـزن وأعــزف
تــمـوت غـنـواتـي يـــا يــمـه
ويـخـنـقـني الــغـنـا وأنــــزف
وتـنـتـر فـــي الــعـروق حـمـى
خــيـال بـيـتـنا الـقـديم يـرجـف
صـــــور تــنــزاح وتــتـلـم
وتـــنــاي وتــالــت آيــمــه!‏
واشــوفـك بـــي خــيـال حـالـم
تــشــاوري وتــرقـص الـسـبـحة
مــلامــح الــعـابـد الــصـايـم
تــشـع فـــوق جـبـهـتك سـمـحة
وشـيـيـك يـحـاكي ضــي الـنـور.‏
مـــزدان يــمـه فـــي الـطـرحة
وتـــبــســمــي لــــــــي
امـــــــــد إيـــــــــدي
أقـــول أتــلاقـى يــا الـسـمحة ..‏
يــتـلاشـى الــحـلـم وأصــحـى
ويـــدفــق عـــــرق مــالــح
ويـسـكـن فـيـنـي كـــل الــهـم
واشـــم ريــحـة نـــدم جــارح
وارفـــس عـصـفـورة مـنـجـرحة
فــارقــت الــفـضـاء الــبـارح..‏
وتــنــاي وتــالــت آيــمــة !!‏
وهـــم كـــل الـمـدايـن وهــم ..‏
وهـم غـرقانة فـي زخـم الـحضارة الغم
حــضــارة بـتـحـصد الإنــسـان
وتـــزرع فـــي مـكـانـه نــغـم
وقـصـد الـقـول.. يــا شـايل الـلوم
ويــمــا جــابـنـي لـلـبـنـدر .‏
وحــاتـك إنـــت يـــا الـغـالـية
ده يــــومــــا شـــــــوم...‏
ولا بـسني الـخجل مـن راسي لي كرعي
شـــايـــلــو وأحـــــــوم..‏
وهــادي الـحـالة فــي (الـخـرطوم)‏
زي عــايــش شــقـي ومـهـمـوم

وليد الهادي
03-30-2008, 11:49 AM
حنينى اليك وليل الغربة اضنانى

وطيف ذكراك بدمع القلب بكانى

وقول ياريت زمانى الفات يعود تانى

القاك يا وحيد عمرى وتلقانى

تلقى الريد معاي لحظة مانسيتك ولا نسانى

ومابنساك ومابقدر ولا عايز بعد حبك احب تانى

بهرب من خيال طيفك فى عيني بلاقيه

اعيش ايامى بالذكرة

الم افراح اعيش بيه

متين الليل يصافينى

ونعود تانى تانى تانى من تانى

القاك ياحبيب عمرى وتلقانى

وليد الهادي
03-30-2008, 11:50 AM
وجاى تفتش الماضى خلاص الماضى وللا زمان
وجفت مقلتى الباكية ونامت من سنينى احزان
وجاى تفتش الماضى ....... وجاى

ارجع بالزمن مرة واتذكر حكايتى معــــــــــــــــــاك
تلاقى القصة جات مرةوانى راعيت شعور مضناك
وكل ما تزيدنى فى هجرك اقول ليك زيدنى ما احلاك
لا نفع التوسل ليك ولا هجرانى يوم هماك
وجيت تترجى بالدمعات اسامحك انسى
اغفر ليـــــك
اجفف دمعك الغالى مسامحك ما عشان عينيك
عشان تتعلم الغفران وتصفح لو الزمن دار بيــــــك
وحاول لو قدرت كمان تقدر رقة الحبيب ..... وجاى
وعزة نفسى باقيه عليه اسلم قلبى ليك تـــــــــــانى
سنين الهجر بيناتنا وحاجات تانية حميانى
ورجع الحنين عاودته ليك من تانى ودانـــــــــــــى
ولو مكتوب عليه احب بحب انسان يكون تانى

وجاى تفتش الماضى خلاص الماضى وللا زمان وجفت مقلتى الباكية ونامت من سنينى احزان

وليد الهادي
03-30-2008, 11:54 AM
بحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا

*******

كتير في بعادك دهتني الليالي
أغالب دموعي .. واكابد ملالي
طريقي المنور .. خلاص اضحى خالي
تعال يا حبيبي .. صدودك كفاية

******

زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية

*****

منامي المسهد .. يحل لعيونك
وشوقي المعذب .. يناشد حنينك
تحكم ضميرك .. وترحم ضنينك
فؤادي البحبك .. ما لا نهاية

وليد الهادي
03-30-2008, 11:55 AM
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..

وليد الهادي
03-30-2008, 11:56 AM
ارويني ارويني من ريدك ارويني

ارويني من طهر غرامك
خليني عايش بحنانك
رسل على البعد سلامك
لو درت افراحي تجيني

حلفت يا نعيمي احبك
وادااري الامي في حبك
لو طالت اشواقي وبعدك
الزكرى منك تكفيني

اسبابي ايه انا تظلمني
ويهون عذابي وتهجرني
كلمني عاتبني لومني
امكن تسامح تعفيني

صدقني انا عهدي راعيتو
لا يوم نقضتو ولا نسيتو
انت لو حبي سليتو
ما تنسى سؤلي وحنيني

وليد الهادي
03-30-2008, 11:57 AM
ما رأت عيناى مثالك.. و كيف لا اعشق جمالك
كيف لا اعشق جمالك ..و انت مغرى
زنت بى ادبك جمالك..و انت سحرى
فيك اجمل شي خصالك..و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
بسمتك توحى الاغانى
و اسمى ايات المعانى
فى هواك لاقيت هوانى..و بيهو راضى
معتلى قلبى و لسان
انت ذى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك..
انت رافل فى نعيمك
و بس انال منك جحيمك
و قول لى كيف اظفر بليمك
نارى تطفا..روحى ترفا
فى سما العز ذى كماك
كيف لا اعشق جماك

وليد الهادي
03-30-2008, 11:58 AM
كلمات ... السر دوليب
------------------------
حبيبي ليه قلبي فاكرك وإنت ليه خالي قلبك
خالي خالي والله ما عليه
***
كنت فاكر ألقى عندك الحنان تغمرني بيه
قلبي يرثى ألقى جنبك
الأماني الأماني تدوم عليه
بحنانك تحتويني
وبي ودادك تصطفيني
ليه تسيبني يا ضنيني لدلاك اشتكيك
****
عهدي بيك وأشكي ليك
وتواسيني في آلامك
غيروك بدلوك عن حنيني يا غرامي
لا بقيت تسأل علي لا بتقول واحشاك عيني
أو عذابي رضيته لي يا حبيب أنا راضي بيه
******
إنت لي نور عيني في الليالي تضوي ليا
ذكرياتي وأغنياتي في فؤادي لسه حيه
لو نسيت أشواقي ليك أو شبابي هان عليك
قلبي لسه أملو فيك راجي لو تعطف عليه
****
أي لحظة أي لمحة من حياتي إنت فيها
في كلامي في ابتسامي في الأماني البشتهيها
يا نضاري وإزدهاري يا ربيعي واخضراري
يا حبيبي وإنت داري بالعذاب الإحنا فيه

وليد الهادي
03-30-2008, 12:00 PM
كلمات الشاعر التجاني يوسف بشير

أنت يا نيل يا سليل الفراديس
نبيل.. موفق.. فى مسابك
ملء أوفاضك الجلال فمرحى ..
بالجلال المفيض من أنسابك
حضنتك الأملاك فى جنة الخلد
ورفّت على وضئ عبابك
وأمدّت عليك أجنحة خضرا
وأضفت ثيابها فى رحابك
فتحدرت فى الزمان وأفرغت ..
على الشرق جنة من رضابك
بين أحضانك العراض وفى ..
كفيك تاريخه وتحت ثيابك
مخرتك القرون تشمّر عن ساق ..
بعيد الخطى قوى السنابك
يتوثبن فى الضفاف خفافا ..
ثم يركضن فى ممر شعابك
عجب أنت صاعدا فى مراقيك ..
لعمرى أو ساقطا فى أنصابك
مجتلى قوّة ومسرح أفكار ..
ومجلى عجيبة كل ما بك
كم نبيل بمجد ماضيك مأخوذ ..
وكم ساجد على أعتابك
سجّدا ذاهلين لا روعة التاج ..
ولا زهو إمرة خلف بابك
أيها النيل فى القلوب سلام ..
الخلد وقف على نضير شبابك
أنت مسلك الدماء وفى ..
الأنفاس تجرى مدويا فى انسيابك
إن نسبنا إليك فى عزة الواثق ..
راضين وفرة من نصابك
أو عبدنا فيك الجلال فلم ..
نقض حق الزياد فى محرابك

عثمان محمد الحسن حتلوب
03-30-2008, 12:03 PM
غناء الرائع الكابلي :

أدور حولك باحساسى ربيع بيغازل النوار
وأشيلك جوه أنفاسى عشان تطفى إشتياقى الحار
.......................................
كأنى حداك ظل مشتول على دروب الزمن بيطول
أشوف معناك فى كل زول شرب من طعمك المعسول
وده الخلانى فيك أقول قدر ما يرضى عمرى الحول
كلاماً بالغزل مغزول ولحناً فى البعاد موصول
وكيف ما أشيل هواك فصول وقلبى برؤيتك مأهول
......................................
مسارح صيد مهاوى سيول شديرات حنة فيها حجول
برق عبادى سوى الهول بصد قطعالو ما بى القول
روى اليابس على المبلول قلب فرح الحراير قول
بعيد بين الوفاه مطول وبين حفيان يتب معدول

عثمان محمد الحسن حتلوب
03-30-2008, 12:05 PM
غناء الرائع الكابلي :


كيف يهون عندك خصامى
وترضى من عيني تغيب
وانت بيك اسرار سعادتى
وانت اكتر من حبيب
شفت بيك الدنيا نايره
وعشت فيك املى الخصيب
انت احلى من الامانى
لما تغمرنى وتعربد
واحلى من طيرالخمائل
لما يتمايل يغرد
ومن جميله جديدا تم
لما تثنى وتزغرد
انت يا احلى الحابيب
مابتفوت حبى وتبدد
عشرتى فاقت حنانى
قلبى بيك دايما معيد
وحبى ليك يانور عيونى
كل يوم يخضر يفرهد
ورغم حبى عليك اهون..
ياحنان الدنيا كلو
قلبى بيك دايما معيد
قصدى فى حبك نبيل
حبى اجمل عاطفه ساميه
والله واكتر من جميل
لو وصفتك وقلت نير
قلت انت احب زول
او وصفتك وقلت طاهر
كنت فى وصفك بخيل
نور جمالك ياحبيبى
بادى ماداير دليل
عشت عمرى اغنى ليهو
فى انتظارك لو تميل

عثمان محمد الحسن حتلوب
03-30-2008, 12:07 PM
كل الجمال أداء الفنان الرائع الكابلي :

كل الجمال ياغالي ...في لحظة مودة
نظرة عابرة ...عابرة لبستمك ......
والدنيا تزهر شوق ....شوق يتفجر محنة
والدنيا تزهر شوق ...شوق يتفجر محنة
واحس بجنة في قلبي لما العين تقابلك صدفة
يرتاح خيال ...الكون يجود يرتاح خيال ....
الكون يجود .....كل الوجود يصبح وعود
حتي العدم يثمر نغم ...مااحلا دلك ...اه اه ...وجبرتك
كل الجمال ياغالي ...في لحظة مودة .....نظرة عابرة ...عابرة لبستمك
لوقالو ...لوقالو ليك .....لوقالو ليك ........اوصف جمالك
تفتكر تقدر تقول كل الحقيقة ........؟؟؟؟
ديالحديقة جمالا يازين دور جمالك ...لوتسامحنا ورضينا
وكنا في اجمل حديقة من الورود.....ماانتي لمحة لنور خدودك
وين ..وين صدودك ...وين رنين الضحكة والبسمة وعهودك ؟؟؟؟
وين قلوب الناس وقلبي الشايل وعودك ...الشايل وعودك ......
وبرضو تطلب مني في لحظة تواضع ....اغني ليك .....
لا ...لا ياجميل ده المستحيل ....انت الجمال الشفتو ...اه اه ...الشفتو ....اه اه
في دنيايا مرة ........ وانت الوحيد العيشتو ...اه اه عيشتو ...اه اه ....عيشتو
في قلبي استقرا ....وبقيت حبيب للناس للعدو ......والقريب ....وبقيت حبيب للناس والعدو
يااجمـــــــــــل حبيب .........وبرضو كل الجمال ياغالي في لحظة مودة نظرة عابرة عابرة لبستمك

وليد الهادي
03-30-2008, 12:08 PM
ليه تقول ايامنا راحت وانتهينا
يا حبيبى والله كانت ديك سحابة
لوحصل فى العمر مرة وافترقنا
عى غلطة ونحن نتحمل عذابها
كنت عايش كل ايامك محنة
وانا بحرق كل عمرى فى الصبابة
يا حبيبى ليه ماتبقى حياتنا جنة
ننسى ظلم الدنيا ناخد من شبابها
نبعد الشك من قلوبنا والمظنة
ونمشى فى دروب الامانى المستطابة
لست ادرى هل عذابى ام عذابك كان اكثر
حين شق الدهر بينا والفراق المر اجبر
غير انى كنت ادرى حبى كان اكبر
فلماذا كنت تخشى انت ماضى المسير
كل واحد ليه فى تاريخه ماضى اى ماضى
ليهو ذكرى حب قديمة
وانت عارف لما اخترتك حبيبى
كان فى قلبى جرح يندى بالهزيمة
لكن انت صرت اغلى حب عندى
وكنت راضى معاى بظروفى الاليمة
وكنت راضى بالشقا البتبع خطاى
والماسى المرة فى طفولتى اليتيمة
ليه ما نتحمل ونصبر يا حبيبى
بكرة نلقى الدنيا بى خيرها ونعيمة

عثمان محمد الحسن حتلوب
03-30-2008, 12:09 PM
أداء الفنان الكابلي :

كيف يهون عندك خصامى
وترضى من عيني تغيب
وانت بيك اسرار سعادتى
وانت اكتر من حبيب
شفت بيك الدنيا نايره
وعشت فيك املى الخصيب
انت احلى من الامانى
لما تغمرنى وتعربد
واحلى من طيرالخمائل
لما يتمايل يغرد
ومن جميله جديدا تم
لما تثنى وتزغرد
انت يا احلى الحابيب
مابتفوت حبى وتبدد
عشرتى فاقت حنانى
قلبى بيك دايما معيد
وحبى ليك يانور عيونى
كل يوم يخضر يفرهد
ورغم حبى عليك اهون..
ياحنان الدنيا كلو
قلبى بيك دايما معيد
قصدى فى حبك نبيل
حبى اجمل عاطفه ساميه
والله واكتر من جميل
لو وصفتك وقلت نير
قلت انت احب زول
او وصفتك وقلت طاهر
كنت فى وصفك بخيل
نور جمالك ياحبيبى
بادى ماداير دليل
عشت عمرى اغنى ليهو
فى انتظارك لو تميل

وليد الهادي
03-30-2008, 12:09 PM
كلمات :حسين بازرعة

غرد الفجر فهيا ياحبيبي
واستهام النور في الروض الرطيب
.............
وبغاث الزهر فوح مستطير
ونسيم الروص عطر وعبير
والدنا حب تناهي وشهور
.............
فإلام الصد
وعلام الوعد
والجفا والبعد
............
وفؤاد الصب يشدو كالغريب
غرد الفجر فهيا ياحبيبي
..............
أوتنسي قبلت يكفك لما
لامست جبهتي الحري ولما
هدهدت في مسرح الآلام هما
...........
إنها نوري
غب ديجوري
مهد تبشيري
........
وهي في الدنيا غنائي ونجيبي
غرد الفجر فهيا ياحبيبي
........
مهجتي تزداد في الحب اتقادا
عجبا لاترتضي منه ابتعادا
كفراش يبتغي النار مهادا
..........
يالويل الصب
وعذاب الحب
وإبتئاس القلب
..............
ياأماني يا أنيسي في دروبي
غرد الفجر فهيا ياحبيبي

عثمان محمد الحسن حتلوب
03-30-2008, 12:11 PM
بت ملوك النيل


كلمات الشاعر / سيد عبد العزيز

يا بت ملوك النيل يا أخت البدور

مين لى علاك ينيل فى البدور والحضور



الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

وليد الهادي
03-30-2008, 12:11 PM
كلمات :قرشي محمد حسن


عندما تقفو الأزاهر في الربى

والنسيم الحلو يهفو رطبا

والندامى يسكبون العنبا

يرشفون الكأس حببا حببا

أذكري صبا صريعا مستهاما

لم تعد كأساته إلا حطاما

يا سقاة الراح عن خمري سلاما

أصرفوا الكاسات عني والمدامى

خمرتي في الحب كرم قد تسامى

عجزت عن عصرها أيدي الندامى

خمرتي في الحب أجفان الظبا

يا لقلبي من تباريح الصبا

وليد الهادي
03-30-2008, 12:13 PM
كلمات/حسين بازرعه

أنا والنجم والمساء
ضمنا الوجد والحنين
حف في كأسنا الرجاء
وبكت فرحة السنين
آه يا شاطئ الغد
أين في الليل مقعدي
أين بالله موعدي
*****
يا خطاها على الربا
عطر أنفاسها صبا
تحمل الشوق والصبا
أنا عادني الهم والضنا
انا والنجم والمساء
*****
في الدجى شاق مسمعي
صوتها الملهم النغيم
في الهوى هاج مدمعي
حبها الخالد الأليم
كلما لاح بارق
من محياها خافق
خلدت لحن شهرتي
ألهبت ليل وحدتي
بالأسى والصبابة
****
يا ربا البحر أشهدي
هاهنا كان موعدي
وهنا كان مقعدي
أنا والنجم والمساء

وليد الهادي
03-30-2008, 12:14 PM
حسين بازرعة



لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية

انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..

كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..

حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...

و برضو يحصل..
تنسى عشك ..
في النهاية ..
لا وحبك لن تكون ابداً نهاية..

وليد الهادي
03-30-2008, 12:16 PM
كلمات : حسين بازرعة
***********************

لا تسل عنى ليالى حبيبـــــى لا تسل

لا تسلها فهى حلم عابر طاف بذهنى

لا تسلها كم تعانقنــا علــى رقة لحن


وقضينا الليــلة الاولـى حديثا وتمنى

لا تســل عنــى ليالــى فقد بتنا حطاما

كم حرقناها شعـــورا وامانى وغراما


وســـل الشاطى لما كنت القاك دواما

ونذيب الليل همسا وعناقـــا ومـــلاما

يا حبيبــى انت الهمت اغـانى وجرسى


انت فى وحشة ايامى ندى اورق انسى

انت فى عمــرى ربيعا دافئا يملا نفسى

افلا عدت وعادت قصة الحب كأمسى

وليد الهادي
03-30-2008, 12:18 PM
كلمات : عوض احمد الخليفة
************************

دائما أطيب خاطرك الغالى واسامحك لو نسيت

ودعت من يهواك وقلبه بقربك مهما نئيت ....

كم مرة كم حاول يفرق بينا حاسدا او عزول ..........

كم مره قالوا جنيت عليه بدلت ضوء ايامه ليل

لكنى يا نور العذراى انا ما بضيع حبى قول ..

تلقانى دايما في رجاك وغناى في حبك رسول

اسال عليك الليل ونجمه وحتى انوار الصباح

وكل طائر في سماه اسال مشاعر عن هوانا

وليه حنانك لى راح .......

تلقانى في غاية الألم آمالى تزروها الرياح

حيران اسال نفسى ايه كان السبب واصل الخصام

يمكن اكون في حقك اتلومت في ساعة مـــــلام

لكن ما معقول يكون انا قلبى ليك حفظ الفراق

ما اظنه من يعرف الهوى يعرف عدوه مع السلام

وليد الهادي
03-31-2008, 08:19 PM
لوداير تسيبنا جرب وانت سيبنا
لو داير تحب حب وانساهو ريدنا
******
يوم ترجع تصافي نسامحك ياحبيبنا
ياعايش في دنيا من اوهام خيالك
******
ياتاعب ضميرك ومارتيان لحالك
ماتودر شبابك روق وهدي بالك
رفقا بي قلوبنا ورفقا بي شبابك
******
لو حنيت لقربي او جافيت مزار ي
لو فارقتو دربي هواك في دمي جاري
******
إكبر وابقي قصه ارويها لصغاري
نعيش ونموت عليها واقولو غرام مثالي

وليد الهادي
03-31-2008, 08:21 PM
كلمات / سيف الدين الدسوقي


ليه بنهرب من مصيرنا ونقضى ايامنا فى عذاب

ليه تقول لى انتهينا ونحن فى عز الشباب

نحن فى الأيام بقينا قصة ما بتعرف نهاية

ابتدت ريده ومحبه واصبحت فى ذاتها غاية

كنت تمنحنى السعادة ولى تتفجر عطايا

ولما أغرق فى دموعى تبكى من قلبك معايا

كنا فى ماضينا قوة قوة تتحدى الصعاب

نقطع الليل المخيم ونمشى فى القفر اليباب

كنا للناس رمز طيبة وكنا عنوان للشباب

وهسى تائهين لينا مدة نجرى من خلف السراب

تأنى ما تقول إنتهينا تنهى جيل ينظر الينا

بانى أماله وطموحه ومعتمد أبداً علينا

نحن قلب الدنيا ديه ونحن عز الدنيا بينا

تانى ما تقول إنتهينا نحن يا دوب إبتدينا

عثمان محمد الحسن حتلوب
03-31-2008, 08:27 PM
ننساك انت انت بتتنسي
ما انت روحنا وحبنا
سافرنا في عينيك ولسه
قلوبنا بيك ... متجننه
يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انجم .. موسيقى .. ودندنه
ذابت قلوبنا عليك حنان
وانت بعيون ذوبتنا
غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك يتاملو
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسو لا بتحولو
ننساك ؟؟ هو انت انت بتتنسي

عثمان محمد الحسن حتلوب
03-31-2008, 08:28 PM
كلمة
كلمات... محمد يوسف موسي
اعيش في ظلمة وانت صباحي انت طبيبي اموت بجراحي
بشعري رفعتك اسمى مكانه يا الجازيتني بكسر جناحي

عرفت الحب وفاء واخلاص حنان ووداد ورود وسلام
عشت معاك ليالي جميلة ليالي حنينة كالانسام
كنت معايا ولسه معايا في احلامي وفي الاوهام
وتخاصمني عشان بس كلمة ياما نظمت فيم كلام

لو في الكلمة انا غلطان ياما انت قسيت وغلطت
ياما قلت وياما قلت ياما وياما وياما وياما قلت
لو ارضيت بكلمة فؤادى علشان خاطرك استحملت
عشان بهواك بشوفا رقيقة كلمات جارحة بيها نطقت

كلمتي المست غرورك وفرقتنا يا حبيبي
مش خلاص كفرت عنها بسهري وبنحيبي
دي الليالي المره عشتها وحدي بناري ولهيبي
وبرضو مارضيان تسامح يا صباحى وطبيبي

عثمان محمد الحسن حتلوب
03-31-2008, 08:29 PM
الجرح الأبيض

انت لو داير بكاي الف اهلا يا دموع
مهما القي النار في دربك برضي اشتاق للرجوع

اصلي عايش كل منايا القي في حبك مصير
وانسي في عينيك شقايا وانسي تعذيب الضمير
برضي اوصل لى نهايه تروى ليك عمرى القصير
لى هناى تكتب بداية حلوة زى ضحكة صغير

كنت عايش طول سنيني فى دروب مليانه هم
كنت بشعر يا حبيبي إني مخلوق للألم
لو تصدق إنو عمرى أصلو في يوم ما ابتسم
إلا يوم ما شفتك انت وكنت لي اجمل نغم

انت لو رضيان تسيبني ابقي في دربك وحيد
يسعدك انك تشوفني كل يوم في هم جديد
انا برضي بحكمك علي مهما فى جورك تزيد
ابقي بحرمانى راضى بهواك اموت شهيد

انت لو داير بكاي الف اهلا يا دموع
مهما القي النار في دربك برضي اشتاق للرجوع

عثمان محمد الحسن حتلوب
03-31-2008, 08:30 PM
الفنان / صلاح بن البادية

--------------------------------------------------------------------------------

وشوشني العبير
شعر أبو امنة حامد ..
غناء صلاح بن البادية
---------------------
وشوشنى العبير فانتشيت وساقنى الهوى فما أبيت
يد الحرير ارتعشت بكفىّ بكيت من رعشتها بكيت
صبية ... العطر يشتهيها أمذنب أنا إذا اشتهيت؟
جدائل الليل على كتفيها تهدّلت حولى فما أهتديت
أجمل منها ما احتوى فؤادى فالعبق الصادح مااحتويت
حبيبتى أغرودة العذارى ورنة الأفراح إن غنيت
حبيبتى أنيقة العطايا تهمى هوى إذا أنا غنيت
لا تسألونى كيف كان الملتقى وكيف فى دروبها مشيت
وكيف طاف الثغر فى إبتهال وكيف فى محرابها صليت
سرّ عميق حبها بقلبى ما قلته للناس .. ما حكيت
فإن روى القيثار سرّ قلبىّ قولوا لها ما قلت .. ما رويت
لكنه حين بكى حنينا بكيت من رقته بكيت

عثمان محمد الحسن حتلوب
03-31-2008, 08:30 PM
ليلة السبت - صلاح بن الباديه
----------------------------
طال انتظارى ليلة السبت
يا حلوة العينين يا أنت
أنسيتى وعدك باللقاء هنا
كم مرة بالله أوعدت..
لاتفه الاسباب .. فاتنتى
ولابسط .. الاسباب فاتنتى
كم جئت أمس وكم تعللتى
لو قلتى انك لست اتيه
اسكتى في النيران لو قلت
عبر المدى .. عينى مشردة
ترعى خيالك ربما جئت
تتهامس الاشواق أتيه
وتصيح بى الاوهام .. لن تأتى
هل أبلغوك وشاية كذبا
يا حلوتى عنى فصدقت
ام خفت اعين عازلين لنا
بالحى ترقبنا فا حجمت
ام ان مكروها المّ بك
لا .. قدر المولى تاخرت
فتصورى ما بات يعصف بى
من عاصف اشعلته انت
وجمعت باقات الزهور هنا
ولكم .. بازهارى تزينت
القيتها بجوار مقعدنا الخالى
حزينا اذ تخلفت
وبكى المساء الوردى
وارتعشت كل النجوم .. عشية السبت
وحملت .. اشواقى وعدت بها
متلفحا بالليل .. والصمت

عثمان محمد الحسن حتلوب
03-31-2008, 08:31 PM
حسنك امر -
محمد يوسف موسى
غناء ابن البادية
---------------
حسنك امر احمل صبابات الهوى
وأحضن براي نار الجوى
لاكلّ قلبي ولا فتر
حسنك امر و الشوق بحور
ماليها حد ماليها قيف
احترت كيف اقدر اصل
بالله قول بالله كيف
حسنك امر ... وآ لوعتي
وآ لهفة القلب الرهيف
حسنك امر
مهما صعب درب الوصول
لازم أصل
اتحدى دربك لو يطول
ومين غيرنا نحن البحتمل

عثمان محمد الحسن حتلوب
03-31-2008, 08:32 PM
سال من شعرها الذهب ....
كلمات /أبو أمنة حامد
-------------------
سال من شعرها الذهب
فتدلى وما انسكب
كلما عبثت به
نسمة ماج واضطرب
النسيمات والخصل
فى عناق وفى غزل
نسجت حوله القبل
موكبا يغزل الطرب
فيه من سمرة الأصيل
شعرها المذهب الجميل
ثغرها اليانع البليل
كرزة حفّها العنب
يا حبيبى ... أكلما
قلبىّ المغرم احتمى
بك وانزاح ملهما
عاد كأسا بلا حبب
فاره .. مترف .. لدن ..
فنن.. لا .. ولا فنن
هزنى الوجد والشجن
فى الهوى قلبى إغترب
رقص الورد والزهر
مهرجانا على النهر
سال فى الشط وانهمر
عطره الحلو وانسرب
أى غصن إذا انثنى
فيه تحتفل الدّنا
والثريات والسّنا
غير بدرى إذا احتجب
عشت فى الحب منتهى
التيه .. ولكن بلا انتهاء
تائه .. ذاهل النّهى
شفّنى الوجد والطرب
إن تكن أنت لم تزل
يوم بدر المنى اكتمل
نحن شلناك فى المقل
وقعدنا على اللّهب

عثمان محمد الحسن حتلوب
03-31-2008, 08:33 PM
طبع الزمن
عز الدين هلالي –
غناء ابن البادية
----------------
في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد
تحرق فؤاد عاشق بعز
وتسيبو لي ليل الشجن
اصلو طبعك يازمن
لا راضي انت تغيرو
ولا نحن راضين بالمحن
قدامنا شوف كم زول بكى
قدامنا شوف كم زول تعب
لا مرة ولا يوم اشتكى
ولا قال خلاص صعب الدرب
اهو نحن عارفين الحصل
وبرضه بنقول عاوزين نحب
وبروحنا ماشين للمحن
اصلو طبع يا زمن
شوف ... نحن عارفين
قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرت الف ليلة
وبرضه بنفكر نريد
مع انو عارفين الثمن
اصله طبعك يا زمن
انا ما بقول يا قلبي اقسى
وخلي للحب الدرب
لكن كمان ما تكون عنيد
وتحب ليك زول ما بحب
معقول بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب

عثمان محمد الحسن حتلوب
03-31-2008, 08:34 PM
الجرح الأبيض
--------------
إنت لو داير بكاي الف اهلاً يا دموع
مهما القي النار في دربك برضي اشتاق للرجوع
اصلي عايش كل منايا القي في حبك مصير
وانسي في عينيك شقايا وانسي تعذيب الضمير
برضي اوصل لى نهايه تروى ليك عمرى القصير
لى هناى تكتب بداية حلوة زى ضحكة صغير
كنت عايش طول سنيني فى دروب مليانه هم
كنتا بشعر يا حبيبي إني مخلوق للألم
لو تصدق إنو عمرى أصلو في يوم ما ابتسم
إلا يوم ما شفتك انتي وكنتا لى اجمل نغم
انتى لو رضيان تسيبني ابقي في دربي وحيد
يسعدك انك تشوفني كل يوم في هم جديد
انا برضي بى حكمك علىّ مهما فى جورك تزيد
ابقي بي حرمانى راضى فى هواك اموت شهيد .

عثمان محمد الحسن حتلوب
03-31-2008, 08:35 PM
غنيت للستات
اغنية تراثية
------------
غنيت انا للستات
انا قصدي الإنبساط دائماً
يا اخوانا مع البنات
سافرت اجيب فلوس
واختار منهن عروس عاجلا
سافرت اجيب المال
من جبال تقلي البعاد لازماً
ما حد جاب لي خبر
ده حب البنات يا خال
سبب لنا استخلال دائما
يا اخوانا في البنات
حلمان حلمة الخير
في الجمعة اخر الليل نائما
قالولي انشاء الله خير
وانشاء الله خير في خير
دائما يا اخوانا مع البنات

عثمان محمد الحسن حتلوب
03-31-2008, 08:36 PM
عايز اكون
كلمات محمد يوسف موسى
وغناء صلاح بن البادية
----------------------
عايز اكون بهجه ومسره فى دروب البائسين
وابقى صفقه وغنوه حلوه تسعد القلب الحزين
عايز اكون قُمريه تشدو ترسل الالحان شجيه
تطرب القلب المعنى وتفرح الروح الشقيه
تهدى بنواحا وشجونها وبالجراحات والازيه
لحظه تُنسي الناس وهى تفنيها الاسيه
عايز اكون انا لقمه طاعمه اشبع المسكين وجائع
قضى يومه يكد ويكدح ودخله ما رضيان يطاوع
فى الهجير لازم يقاسي فى الصقيع لازم يصارع
وفى بلاد الغربه عامل فى المصانع وفى المزارع
عايز اكون قمرا بيهدى يضوى للناس السبيل
نجمه فى افق المسافر نجمه للتايهين دليل
عايز اكون مشعل بيرشد يهدى للخير والجميل
ما يهم لو احترقت او انطفيت وطوانى ليل
عايز اكون انا صدر حانى ابقي للمجروح طبيب
احضن الهايم مشرد واحضن العايش غريب
واحضن الطفل اليتيم وابقي زى الام حبيب
ابقى فى عيونو ابتسامه
وابقى فى ثغره الحليب
عايز اكون انا غصن اخضر
غصن يرمز للسلام
غصن من زيتونه اخضر رمز للحب والوئام
غصن زيتون لونو اخضر غصن يشيلو الحمام
واجعل الكون كله اخضر
وكله ..افراح وابتسام

عثمان محمد الحسن حتلوب
03-31-2008, 08:36 PM
حــرف نــــون
----------------

انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل
انا عمرى ما عرفت الهوى ولا سحرنى جمال عيون
ولا حركت فينى العواطف اهوى فى درب الشوق
اتحجر الاحساس فى ذاتى وكنت بغير ما اكون
الليله بدل حالى زول ..زول ببدى اسمو بحرف نون
انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل
اخضر فى دنياى ربيع ازهارو نبتت فى الجفاف
بدت بشاير الخير تجول تتحدى ايامى العجاف
كل الحصل لمحة عيون من ربة الصون والعفاف
خليتنى بقيت اسير غرام لا عاشو بيت لا زيو شاف
من غيرى يستاهل هواك...من زى قلبو عليك بخاف
انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل

عثمان محمد الحسن حتلوب
03-31-2008, 08:37 PM
مى
---
كن كيف شاء لك الدلال فإننى بك معجب
اكثرت فى هجرى وكان الظن ان تترفقا
فوعدتنى بالعطف لكن قد نسيت الموثقا
غيرت فكرى بالبعاد وكان قربك مطلقا
اذكر على بعد ديارى حديثنا فى الملتقى
اما أنا ....اما أنا
فكما عهدتني مخلص ومهذب
ارعى حقوق حبايبى ولاجلهم اتعذب
ولقد كشفت قناع حبى بعد طول تستر
الحب لو بلغ المدى كشفته عين المبصر
وانا الذى حمل الصبابه وحده لم يفتر
وعبدت فيك الله يا ذات النقاب الاخضر
ياحبيبتى ... ياحبيبتى
حبيبتى ذات العيون السود هل لك مطلب؟
هاك الفؤاد هدية منى وقد لا يؤهب
يا اخت من خاض المعارك بالسيوف اللمع
خوضى معى حرب القلوب عنيفة لا تجزعى
نيرانها زفراتى الحراء برغم الادمع
ومقرها المهج الجريحه حين تلك الاضلع
عيناك....عيناك
سيرت عيونى يا منبعا لا ينبض
الحب روض ماهو الا دمع يسكب
ولقد ذكرتك والجمع فى نشوة وضىء
كل بقرب حبيبه يرنو بمقلته ألى
فكلهم القو رحال هموم انفسهم على
لمافاض بى الحنين غدوت اسأل اين مى؟
مى ... مى ... مى
اين مى؟
يا مى
اين مى؟
هى فى رياض النيل فى خمر الصبابة تشرب
وتلهو كما شاء العفاف ويترضى المذهب
حبيبتى ... حبيبتى ..... يا حبيبتى
حبيبتى هل عودت الى ذاك المقر
وصل الهوى من قبل ان تعبث به ايدى القدر
واظل ادفن مهجتى بين طيات الشعر
حتى يهب علايل النسمات من بعد السحر
حواء ما قساك يا املى الذى اترقب
ان الحياة رواية فيها نجيد ونلعب

عثمان محمد الحسن حتلوب
03-31-2008, 08:38 PM
كلمات : مبارك المغربي
أداء وألحان: صلاح بن البادية
----------------------------
ما عشقتك لجمالك
إنت أيه من الجمال
أو هويتك لخصالك
أنت أسمى الناس خصال
أو لي روحك لجلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهاهو
من مناظر السبر صفحة
من رهيد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصح و طريقنا باين
يا شبابنا نقيف نعاين
الأمل معقود علينا
والعمل ظمآن إلينا
بي سواعدنا ونضالنا
في جنوبنا وفي شمالنا
غيرنا مين يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليك تزحمنا الخواطر
نبني مجدك يا بلادي

وليد الهادي
03-31-2008, 08:38 PM
بالمعزه البينا اغلى الصلات
بالهوى العيشناهو خمسه سنين ومات
بالعذاب الشفتو والسر الكتمتو
وباقى الطيبات
استحلفك تترك سبيلى
وسيبنى
واحضن أساي وابكى الزكريات
انا بى حنانى الغالي خصيتك واصطفيك
وحبيتك بكل جوانحى العميقه
انا شلت من اجلك هموم الدنيا
اهديتنى من جراحها بكل طيبه
لسعادتك انت كم ضحيت
واتغربت ماخليت طريقه
فى مسيرى المضنى
من اجل الحقيقه
كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيبي للوطن
لترابو لرمالو للدار الوريقه
لكن حنانك ليا
او حتى مشاعرك نحوى
ماكانت حقيقه كانت وهم
كانت دموع مسفوحه باحرف انيقه
ما باييدى لو ضباب الغيره اعمانى
وزيف لى الحقيقه
انت نبع حنانى انت كيانى
انت الدنيا بهجة وشروقا وكل طيبه
وان حصل زلت خطاى معاك
او ضلت طريقا
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه

عثمان محمد الحسن حتلوب
03-31-2008, 08:40 PM
كنت ناكر للهوى

و كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو

عثمان محمد الحسن حتلوب
03-31-2008, 08:41 PM
يا قلب

يا قلب انا كنت قايلك تبت من تعب السفر
ومن مخاواة القماري ومن شراب موية المطر
تاريك كامن ليا ... بشيتا كتر
تاريك لابد ليا ... بشيتا كتر
ما زمان انا وانت لفينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
*****
يا قليب مالك عليا
ما انت عارف نقطة الضعف القديمة
وزيي ضايق الارتعاش
*****
يا قليب ياما سرحنا
مرة جينا والف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا اجن
وانحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة

عثمان محمد الحسن حتلوب
03-31-2008, 08:42 PM
حبيبتي

--------------------------------------------------------------------------------


عن حبيبتي ..أنا حأحكي ليكم
ضل ضفايرا..ملتقانا
شدُّوا..أوتار الضلوع
أنا بحكي ليكم..عن حنانا
مرة غنت..عن هوانا
فرّحت..كل الحزاني
ومرة لاقت..في المدينة
الحمامات الحزينة
قامت ..أدّتا من حنانا
ولما طارت في الفضاء
رددت ..ألحن رضاء
وكانت أول مرة..في عُمر المدينة
أنو ..نام مكتوم حزينا
تحيا..محبوتي الحنينه

#######

ساوّه ليكم..بإيدينا شاي
وحالبالكم..ضي القمرا
مخبـّيه في جيوب الليل
متى ما تدورو..بترويكم
وما ممكن..تخليكم
تجيب النجمه..تديكم
عشان كان نورا ..ماكفـّي
تجيب ضوا ..يكفـّيكم
وعن حبيبتي ..بقول لكم
ولسه برضي حاقول لكم
يلا.. صفقوا كلكم

عثمان محمد الحسن حتلوب
03-31-2008, 08:43 PM
واحشني
التجاني حاج موسى

واحشني 00
يا الخليت ملامحك في حياتي
يا الرسيت مراسيك جوه ذاتي
الا باكر 00 لما ترجع
انا بحكي ليك عن الحصل
عن بعد المسافة 00وقربها
لمن يفارق زول عيون 00
غاليات عليهو كتير 00 وبحبها
والله احكام 00 يا قدر
والله احكام 00 يا مسافة وياسفر

######

واحشني 00
بس تاني 00لما بتسيبني وتسافر
خت في بالك 00 انو دنياي في مدارك
جد 000 لفافات الصبر انا 00 دفنتها
وحتى المقاطع 00 في غناي طوعتها
وغريبة 00 غنت فرقة لا لا مش فرقة
الله 00 الله تقصد شنو ؟؟
ما عرفتها
بس ممكن اقول 00
تجربة خطيرة جد 00 واجتزتها
لسه 00 واحشني

عثمان محمد الحسن حتلوب
03-31-2008, 08:44 PM
أخاف
حسن السر



أخاف أسال عليك الناس
وسر الريده بينا يذيع
اخاف أكثر كمان ياغالي
من إيديّ إنت تضيع
وأعيش بعدك حياتي جفاف
مواسم ريده مافي ربيع

####

بخاف يا إنت لوجيتك
ألملم في خطاوي الشوق
وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يوم
تشيل ياروحي ترمي اللوم
عليّ وتزيد همومي هموم
تقال جافيك وأنا نسيتك

#####

أريت تعرف
حنيني إليك ياريتك
كمان تعرف
لحدة وين بعزك
وفي أعماقي حسيتك
ياريت إنت تعرف
وبس خايف إذا جيتك
حكاية الريده تمشي تذيع
ومن إيديَّ إنت تضيع
وأعيش بعدك حياتي جفاف
موسم ريده مافي ربيع

عثمان محمد الحسن حتلوب
03-31-2008, 08:44 PM
وعـــــــد

بوعدك ياذاتى يا أقرب قريبه
بكره أهديك دبلة الحب والخطوبه

#####

وعد من قلبي وإردتي
ومن ضميري
مافي زول شاورني
ماشورت غيري
كل كلمه أقولا
بتعذب ضميري
هي البريده
وهي حتواجه مصيري

عثمان محمد الحسن حتلوب
03-31-2008, 08:45 PM
صاحبه
لمّا لا ترحال يحلك


لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشع فيني نورك
والقاك نبتـّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب

عثمان محمد الحسن حتلوب
03-31-2008, 08:46 PM
جسمي انتحل
كلمات ..حسين حمزه
جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاسبب الألم
اعطف علي وارحم عيني..
قالوا الشفادونك عدم
شوف الدموع ماليات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاش حياتو مع الحزن
ضمد جراحو ومره سيبو
ينساها ويــــلات الشجن

عثمان محمد الحسن حتلوب
03-31-2008, 08:46 PM
معاك ببقى الزمان حاضر بجي العالم قريب مني و يكون أجمل
بعيد منك بموت صوتي و يغيب فرح الزمن يكمل
هواك مد الأفق جواي رسم قامة الشمس أطول
و خلاك أخر المرسى و كأنك نجمي من أول

هواك لاقى الوطن جواي رجع صوت الحواري يحوم
بقى الزمن الجديد أخضر و رنت ضحكة نعس جرحي القديم
و ارتاح عرف رمش الليالي النوم
و غسل نبعك ملح دمعي و انزاح الظلام مهزوم

معاك يبقى الزمن حاضر معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرة
و أصبح يقيني معاك هوى و إلفة و جمال فكرة

معاك يبقى الزمان حاضر
أحبك
تدي لعمري الأمان
و ترجعي الشمس النست عمر الزمان

و تعودي بالفرح الأصيل
و تسافري بي من فوق وهاد المستحيل
وا تركيني في حضرة الزمن الجميل
أحبك

عثمان محمد الحسن حتلوب
03-31-2008, 08:47 PM
لا بتشبه
القمر
البتاوق من سما
لا بتشبه
البحر الخدار
وجمالها ماحاق
فى غنا
مشيها زى
قدل البشاير
بى مهل
وحديسها زي
همس النسايم
للنخل ايدينها
صابغن الورد
وسلامها زي
روق الجداول
فى الارض

وليد الهادي
03-31-2008, 08:48 PM
سارحة مالِك يا حبيبة
ساهية أفكارك بعيدة
بقرى في عيونك حياتي
وإنت مشغولة بجريدة
بتقري في إيه كلّميني
ياسلام مهتمه عامله
يعنى لازم تقرى هسا مقالْ
بحاله، وقصّه كاملةْ
كم شهور مرّت علينا
وبينا فرقه شامله
*****
العيون رويانا تبكي
والقلوب مشتاقة امله
*****
أي حاجة تمر بخاطركْ
قصة أو أخبار جديدةْ
عندي ليك خبر أهمْ
جايبو بي أشواق شديدةْ
أسمعي وطاوعيني مرّة
أيوة، ما تخليك عنيدهْ
عايز أقول لكْ
ليه أقول لكْ
ما بقولكْ
مش مخير
ساعة مرت ساعة واكتر
والوقت روّح إتأخر
زى عنادك عايز اعاند
لكن يظهر ما حا اقدر
امرى لله كنت عايز اقول
بحبك يا وحيدة
بقرى في عيونك حياتي
وعاملة مشغولة بجريدة

عثمان محمد الحسن حتلوب
03-31-2008, 08:48 PM
بعض الرحيق أنا والبرتقالة أنت
أبو عركي البخيت
-----------------
الله يا خلاسيه
يا حانةٌ مفروشةٌ بالرمل
يا مكحولة العينين
يا مجدولة من شعر أغنية
يا وردة باللون مسقيّه
بعض الرحيق أنا
والبرتقالة أنت
يا مملوءة الساقين أطفالا خلاسيين
يا بعض زنجيّه
يا بعض عربيّه
وبعض أقوالى أمام الله
من اشتَرَاكِ اشترى فوح القرنفل
من أنفاس أمسيه
أو السواحل من خصر الجزيرة
أو خصر الجزيرة
من موج المحيط
وأحضان الصباحيّه
من اشتراك اشترى
للجرح غمداً
وللأحزان مرثيه
من اشتراك اشترى
منى ومنك
تواريخ البكاء
وأجيال العبوديه
من اشتراك اشترانى يا خلاسيه
فهل أنا بائع وجهى
وأقوالى أمام الله
فليسألوا عنك أفواف النخيل رأت
رملاً كرملك
مغسولاً ومسقياً
وليسألوا عنك أحضان الخليج متى
ببعض حسنك
أغرى الحلم حوريه
وليسألوا عنك أفواج الغزاة رأت
نطحاً كنطحك والأيام مهديه
ليسألوا فستروى كلُ قمريه
شيئاً من الشعر
عن نهديك في الأسحار
وليسألوا
فيقول السيفُ والأسفار.
يا برتقالة
قالوا يشربونك
حتى لا يعود بأحشاء الدفاق رحيق
ويهتكون الحمى
حتى تقوم لأنواع الفواحش سوق
والآن راجوا
فظلّ الدن والإبريق
ظلت دواليك تعطى
والكؤوس تدار
هزّى إليك بجذع النبع
واغتسلى من حزن ماضيك
في الرؤيا وفي الإصرار
هزّى اليك
فأبراج القلاع تفيق
النحل طاف المراعى
وأهداك السلام الرحيق
الشرق الأحمر
والنعمى عليك إزار
نجرى ويمشون للخلف
حتى نكمل المشوار
طاف الكرى بعيون العاشقيك
فعادوا منك بالأحلام
ما للعراجين تطْواح
وليس لأطيار الخليج بغام
النبعُ أغفى وكلّ الكائنات نيام
إلا أنا والشّذى
ورماح الحارسك قيام
متى تجاوزتهم
وثباً إليك أجئ
شعرى بليل
وحُضنى بالورود ملئ
فلتتركى الباب مفتوحا
وحظى في الفراش دفئ
ولتلبسى لى غلالات الشذى
وغناء النبع والأشجار
فلى حديث طويل
مع نهديك في الأسحار
يا برتقاله
ساعات اللقاء قصار
تأملينى في الصباح أطلْ
البحر ساجٍ
وتحفافُ النخيل غزل
وبركة القصر بالنيلوفر ازدحمت
والنحل أشبع كاسات الزهور قبل
واننى الآن أزهى ما أكون
وأصبى من صباى
ومكسياً من النور الجديد إزار
تأملينى فإن الجزر أوشك
إنى ذاهب
ومع المدّ الجديد سآتى
هل عرفتينى؟
في الريح والموج
في النوء القوى
وفي موتى وبعثى سأتى
فقولى قد عرفتينى
وقد نقشت تقاطيعى وتكوينى
في الصخر والرمل ما بين النراجين
وإنى صرت في لوح الهوى تذكار
والآن لا شابعاً من طيب لحمك
أو ريّان منسكب نهديك أمضى
فأوعدينى أن ستدعونى
الى فراشك ليلا آخر
وتطيليه علىّ بشعرك
في زندى
ولونك في لوني وتكوينى
فنيتُ فيك فضمينى
الى قبور الزهور الاستوائيه
الى البكاء واجيال البعوديه
ضُمّى رفاتى ولفّينى بزندك
ما أحلى عبيرك ما أقواك
عاريةً وزنجيه وبعض أقوالى أمام الله.

عثمان محمد الحسن حتلوب
03-31-2008, 08:49 PM
مرسال الشوق
أبو عركي البخيت
-----------------
مرسال الشوق ياالكلك ذوق
أغشي الحبان في كل مكان
قول ليهم شفنا جبل مَره
وعشنا اللحظات حب ومسرّه
بين غيمه تغازل كل زهره
وخيال رمانه علي المجري
لوحة فنان تمحي الأحزان
صُفره وخـُضره ُزرِقه وحُمره
حلوه ونضِره وزفة ألوان
بين غيمه تغازل كل زهره
وخيال رمانه علي المجري
مرسال الشوق
وزهر ناير نادي وبسّام
وزهر ناير نادي وبسّام
بالحيل داير ريشة رسام
جيرانه جداول هيمانه
وصنوبره نادية وريانه
كزمرده في صورة بانه
طرتنا العزيزه العاجبانا
الدرنا تكون هسه معانا
وتشوف بعيونا النعسانه
وتتم الصوره الفنانه
ونقول ياربنا ياقادر
ونقول ياربنا ياقادر
يا واهب كل الشيءالنادر
ياالفنان أمرك صادر
تجمعنا كمان مره ومره
بين الحبان في جبل مره
بين غيمه تغازل كل زهره
وخيال رمانه علي المجري
مرسال الشوق

وليد الهادي
03-31-2008, 08:49 PM
وحياة ابتسامتك ياحبيبى وحياة عينيك
قلبى حاذرك ومن زمان سائل عليــك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات ولويل
تشهد الايام ويشهد الليل والنحيب
قلبى عاشق ودربى خالى من حبيب
قلبي عاشق ودربى خالى من حبيب
لكن يا
حــــبــــيــــبــــــــى
من يوم ماشفتك قلبى للدنيا ابتسم
اشرقت دنياى وفارق دربى الهم
فى انتـــــظـــــــــــــارك
ياحبيى رايح ارعاك بى حنانى
القى فى قربك سعادتى وانسى
تعذيبى وهوانى يبغرو العشاق
من هوانا فرحة الريد والامانى
ياحبيبى عشت لليا وعشت ليك
هاك عهدى وهات ايديك
وحياة غرامى اهدى عمرى
وروحى ليك
انــــا روحى ليك

عثمان محمد الحسن حتلوب
03-31-2008, 08:50 PM
أمونة
أبو عركي البخيت
----------------
كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبيرفي الليل
أعاين في البحر مهموم
ألاقي وجيها شاقي النيل
وفي ساعة التعب والخوف
تشيل خطواتي وأمشي عديل
دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور
تمد إيدينا تمسح
في العصب والراس
أمانه كلاما كان رفرف
وكت ساعة الدرس ياخوي
يطير قلمي
ويزغرد سنـّو في الكراس

وليد الهادي
03-31-2008, 08:50 PM
خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر

عثمان محمد الحسن حتلوب
03-31-2008, 08:51 PM
تعالو نغنى
كلمات د.عفاف الصادق
ألحان وأداء أبوعركى
----------------------
تعالو نغنى غنى الأيام الجاية كتير
ونفرح بيها سمــــا السودان
تعالو نلم ألوان الطيف الفى الخرطوم
أبناء شعبى والفى أم درمـان
تعالو نفكر أيه البحصل فى السودان
الجوع...المرض...الخوف...الشك...
عدم أطمئنان هــد الأنسان
تعالو نقعد نحسب خطونا
مما أخدنا الأستقلال احدى الآن
أتقدمنا ولاأتاخرنا..أتاخرنا ولاأتقدمنا
سؤال مطروح لكل فئة
من فئات الشعب بألف سؤال
دم أجدادنا بحرض فينا أمل حرية..
وبذكرنا عشان مانحافظ على وحدتنا الوطنية
بس مكتسباتهم بصراعاتنا
وبخلافاتنا دفناها وبقت منسية
حقو نشوف من وين بتجينا مشاكلنا..
ومنو البعطل حركة شعبنا بزندية
نجيبو نحاسبو وبديمقراطية
أنا شايف الجوع بيطل من وقت
لآخر وليهو بلدنا سهول
أطفال بتشردوفى الطرقات وبيأكلو
الذل ومنو المسوؤل
والحرب لعينة وممتدة وبتحصد فينا
وياللهول ياللهــــول
وبلدنا الغالية وأم الخير فيها
كمان زار البتــــــرول
أشياءنا بتتناقض وفى الواقع نحن كتير وكتير
بندور فى الحلقة الواحدة كما البلور
نكســـرها كيف الحلقة الواحدة نكسرها كيف
ونمدها جسر يوصلنا
والدنيا عجـــــــــــــــــول
ياحكامنا الدنيا عجول
ياساستنا الدنيا عجول
ياسادتنا الدنيا عجول
ياجنرلاتنا الدنيا عجول

عثمان محمد الحسن حتلوب
03-31-2008, 08:51 PM
بستنشقك
أبو عركي البخيت
-----------------
بستنشقك
وأكتم هواك جواى..على مر الزمن
وتعيشى فى على الدوام
وأبداً..أبداً ما أتنفسك ..
تتخللى الروح والمسام
وأتخطى بيك سخف الصغائر واللئام..
وأحبك تانى ومن جديد
وابداك معاى انا ياسلام وأحدثك
عن الزوا البرسل فيك الأغنيات
ومن الصغر كان بيعشقك
تزدهر فينى الفصول
ولما انم انا بغناك
قامتى بتطول
وابقى قادر انى اتمدد على طول الزمن
ومن المحن
ومن المحن ياعازة يا أم الكرام
وحدة نضالنا بتحرسك..
ومن المحن ياعازة يا أم الكرام
أنا والمعاى بنحرسك..

وليد الهادي
03-31-2008, 08:52 PM
اربعه سنين عاشهم الحب
الليله عيد ميلادهم ياقلب
وجدنا الحار زينة الدار
ابننا البار ابننا الحب
صونو يارب
اربعه سنين تجربه وزاد
مهرجانات حب واعياد
اشتياقات قلبى رياد
انفعالات ليها ابعاد
اربعه سنين عاشهم الحب
الليله عيد ميلادهم ياقلب
طفلنا الحب طفل من نار
طفل بعيش اغرب اطوار
يضحك الحان يبكى اشعار
يامر الناس يمشو
مشوار اربعه سنين
اربعه سنين عاشهم الحب
الليله عيد ميلادهم ياقلب

عثمان محمد الحسن حتلوب
03-31-2008, 08:52 PM
من زمن بعيد
كلمات د.عفاف الصادق وأبوعركى
ألحان وأداء أبو عركى
----------------------
من زمن بعيد شديد خلاص أحساسى بيك فايت الحدود
وأنتى روحك سامية بى وكل يوم بتزيد تجـــود
غبت منك ورجعت ليك..لقيتك أنتى حبيبتى باقية على العهود
وعرفت أنك باقية لى وأنا باقى ليك
وعشت لوعة حب جميل غط المساحات والسدود
تاريك أنتى قدر كده..ومتغلة فينى بلا حدود..
تاريك أنتى الروعة الكلها فى الوجود
مشيت بعيد شلتك معاى سافرت بيك..لقيتك أنتى صباحى نور
بيسبحى فى شرايينى وبستطعم حنين ريدك بخور
ومن قلبا شعوف وشفيق رسلت ليك الشوق عشان يشوفك كيف
لاقاهو شوقك لى فارد جناحوالوريف.. ويتقالدو الأتنين.
بكو وبكو حتى دمع العين سأل شوقى قال ليهو رايح وين
رد شوقى وقال رسلنى زول ملهوف لزول حنين ولوف
تاريك أنتى قدر كده ومتوغلة فينى وبالألوف
تاريك أنتى الروعة الكلها فى الوجود ومتوغلة فينى بلا حدود

عثمان محمد الحسن حتلوب
03-31-2008, 08:53 PM
ثمــــار دمى,
ابوعركى البخيت
-----------------
انت معاي في جواي
غرستك آهة من ثمار دمي
وبنيت منك جمال دنياي
أريدك أريدك.. أريدك
انت فجراً طل فرح ناس
وخط بدمّو كلمة ريد بقت تاريخ
بني وشيد عليه الســاس
أحبك انت مطراً
جا وسقي التيراب
وصبحت بيك حياتو خريف
وجدول فرحة فيك منساب
يناغم قلبي فيك ويقول
تعال نفرش دروب الريدة للأحباب
وزهرة حب .. جزورا حنان غصونا أمان
ثمارا بتدي طعم الريد
وريدا بيسعد الانسان
ومدام ما انت باقى معاي
في جواي
غرســـتك آه من ثمار دمي
وبنيت منك جمال دنياي ،
حأبني الدنيا جنة ريد
وأعطر بيه ديمة غنــاى .

وليد الهادي
03-31-2008, 08:53 PM
جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
بعد غربه وشوق
هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى احبة لو صادقين
سماع اهلا من الاحباب شروق امال
ووصف البهجة بالكلمات محال يتقال
حلاوة العوده غنيناها فى موال
تحكى عن الولف واصلو الولف كتال

عثمان محمد الحسن حتلوب
03-31-2008, 08:53 PM
عبد الحليم
كلمات وألحان وأداء أبوعركى
----------------------------
عبد الحليم الزول القيم ومستقيم..
رحلت مننا دون متستأذن حبايبك ماشى وين
عبد الحليم الراحل الحاضر مقيـم
كنت داير أغنى ليك
وأعرض بين صحابك وبين قبيلتك أهز وأتباهى بيك
أخواتك أنت يزغــردن
طارق يهــز من فوق عزيز
أمك أنت تجرتقك
شيخ مكى يحضنك ويحتويــك
وصحابك فى الأبيض وفى المدائن بيدعــو ليــك
الليلة غناى بجيك حزين..فيهو أسى ومليان أنــيـن
اتمنى من مولاى رب العالمين
برزخك يكون مع البررة الكرام المكرمين

عثمان محمد الحسن حتلوب
03-31-2008, 08:54 PM
الجميل السادة
أبو عركي
------------
الجميل السادة
وضاح المحيا
التفت يوم شفتو
ماقبلان تحية
من دلالو ولا مالو
خلا نيران قلبى حيه
ابتسامة الزول بتنبع من شعورو
كيف تزعل لو تعبر عن سرورو
والبقابلك بيتسم ليك من ضميرو
لو سمحت تجاملو بمجرد تحية
كان أملى تفرحنى منك ابتسامة
وابتسامتك حلوة بتزيدك وسامة
العيون تتلاقى ويتم انسجامها
وكل واحد بيحلم بلحظات هنيه

وليد الهادي
03-31-2008, 08:54 PM
جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد

وليد الهادي
03-31-2008, 08:56 PM
يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضىء عينيه بريق وغموض ومعانى
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها انسى ديارى
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضىء عينيه بريق وغموض ومعانى

وليد الهادي
03-31-2008, 08:57 PM
ياحاسدين غرامنا ياقاصدين خصامنا
شوفو غيرى وغير حبيبى
يادايرين تقولو وماقادرين تقولو
ايه عايزين تقولو فيا وفى حبيبى
قولو وقولو قال مهما تقولو قال
مارايحين تنالو منى ومن حبيبى
قلبين ضماهم غرام
اتنين دنياهم سلام
محال يحصل خصام
بينى وبين حبيبى
عهدى فيه وعهدو فيا
ريدى ليه وريدو لليا
اوصف فيه ويوصف فيا
نصبر كمان نصبر شويه
نشيل املنا نقابل اهلنا
يقولو اهلا خلاص قبلنا
يتم منانا يفرح املنا
ونعيش برانا نعيش فى جنه
لا يقولو قالو لا يقولو قلنا

وليد الهادي
03-31-2008, 08:59 PM
قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك

وليد الهادي
03-31-2008, 08:59 PM
كلمات هاشم صديق


يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف

وليد الهادي
03-31-2008, 09:01 PM
حروف اسمِك

جمال الفال

وراحة البال

وهجعة زول بعد ترحال

وتنّية حلوة للشبال

ودنيتنا ومشاويرنا

وغنواتنا الى ما بتِنقال



حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور



حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق سدرى

وأقيف وسط البلد واهتف

بريدك يا صَباح عمرى

وليد الهادي
03-31-2008, 09:03 PM
بتقول هواي تستبعدو
وتضحى بيهو وتفقدو
ليه كلام زعل انت مابتقصدو
بينى بينك شوق عمر
لانام لا مد انحسر
بينى بينك
لا الشعر قادر يقولو ولا الوتر
وتقول هواي تستبعدو
وضحى بيهو وتفقدو
ليه كلام زعل انت مابتقصدو
ماقلت ليك انا
من قبل ده ساعد عواطفك ساعدة
خليها تهداء شوية مش كده
وتقول هواي تستبعدو

وليد الهادي
03-31-2008, 09:04 PM
اقول ليها عويناتك ترع لولي وبحار ياقوت

مناحات ريد حزاينيه بغازل فيها مأساتي

وفي شرف العبور ليها بموت واكسر شراعاتي

تقول لي غناك حزين غناي حزين

وانا الواهب قصائدي الباكيه للفرحه

وانا البديها شان ريدي وصباي طرحه

قول ليها عويناتك زي سواد قدري

مكحله عمري من بدري

لو بقدر اسافر في بريق لحظك وما ارجع

تقول لي خايفاك تتوجع واتوجع

اقول ليها عويناتك ديار وعدي

مسوره بي جدار صمتك

عذابي معاك بريدك قبل ما اعرفك

ولو بقدر اشيل من الزمن وقتي

بموت في لحظه واوهب ليك عقاب عمري

وليد الهادي
03-31-2008, 09:05 PM
بتتعلم من الايام مصيرك بكره تتعلم
وتعرف كيف يكون الريد وليه الناس
ليه ليه بتتــــالـــم
متين عرف الهوى قلبك
متين فاضت بااهات متين سهر
عيونك ليل طويله ساعات
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
وبكره وبكره الريد الريد بدون مواعيد يزورك
ياحياة عمرى وتقول ياريتنى لو حبيت
زمان من بدرى
وتعال تعال تعال فرح ليالينا وتعال قبل
السنين تجــــرى

وليد الهادي
03-31-2008, 09:06 PM
ماهو باين فى العيون وين حنهرب منو وين
الهوى البعث الليالى العامره بى زاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين

مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد

ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن

اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا

وكــيف بدون حــبك نكـون
وين حــنهــرب منو ويــــن

شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب

انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين

وليد الهادي
03-31-2008, 09:07 PM
كلمات: فضل الله محمد


قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

عثمان محمد الحسن حتلوب
03-31-2008, 09:10 PM
الزيتونة
كامل عبدالماجد
ابوعركى
-------------
الشافه خضره وزيتونة لو شفتو الفرح الفى عيونها
والقمر برقص فى سنونها كان سبتو كلام يا عزالنا
ارتحنوا سبتونا فى حالنا وتتكلموا ليه مالكم ومالنا
مشغول بى دلال وشاغلنا ومفتون بجمال وفاتنا
من بدرى ومسهرنا قول لينا انتى استنا
طبعا كيفن فيك الحنه يا الاصلك ما داير حنه
وكيفن بنوسه تتني وكيفن يصلك بالله سؤالنا
الفيك اتكلموا عزالنا ويتكلموا ليه مالن ومالنا
اللي عشانك ينداح ويتشتت فى عيونك
ويترامى خصل عبر جبينك واتمسح زاد حولينك
وحين رسم البسمه النديانه ختالوا قمر جوه سنونك
دوبني بقيت مفتون لونك وفنان وشارب مكنونك
يا الماك مهتمه بأحوالنا يا الفيك اتكلمواعزالنا
ويتكلموا ليه مالن ومالنا .

وليد الهادي
03-31-2008, 09:12 PM
يامعاين من الشباك
يامعاين من الشباك
يااحلى زول شفناك
ارحم قلوبنا معاك
وشاركنا نحن هواك
يا كامل لاوصاف
ياالكلك جمال وعفاف
عايزين نقول بنخاف
تهرب وما تنشاف
ناوين نزور والديك
نطلب ياحميل ايدك
نوعد بالعمر نفديك
لو العمر يرضيك
ياغالى ليك هوينا
الشباك يشهد لينا
كم مرة رحنا وجينا
لو بالعيون قول لينا
انك ياجميل حابينا

وليد الهادي
03-31-2008, 09:13 PM
السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا

****
يا بدور القلعة و جوهرا
****

صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى

****
يا بدور القلعة و جوهرا

*****

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

****
يا بدور القلعة و جوهرا

*****
عالى صدرك لى خصرك برى
فيه جوز رمان جلى البرا
الخطيبة و ردفك منبرا

*****
يا بدور القلعة و جوهرا

*****
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا

*****

يا بدور القلعة و جوهرا

*****

العيون النوركن بجهرا
غير جمالكن مين السهرا

****
يا بدور القلعة و جوهرا

عثمان محمد الحسن حتلوب
03-31-2008, 09:13 PM
منو القال لى من اول

احب عينيك كان ما أسال

قليبي المرهف الحساس

قال لي تعال وامشي معاي

بريتو وقلت في خاطري

الاقي الحب والقي هناي

ولما خلاص بقيت غرقان

في بحرك انتي يا دنياي

رجعت اقول صحي الاقدار بتجبر ناس

وحكم الدنيا ما بي راي

شوفو الشوق حكايتو معاي

عشان لاقيني زول بكاي

هجر دنياه عشق دنياي

يصحي عيوني من النوم

يشيلها يعدي بيها نجوم

الاقي نجومي شايله الشوق

عشان ناسيها برضو نقول

شوفو الشوق حكايتو معاي

عشان لاقيني زول بكاي

هاجر دنياه عشق دنياي

عثمان محمد الحسن حتلوب
03-31-2008, 09:14 PM
من معزتك أنتي لي

--------------------------------------------------------------------------------

من معزتك أنتي لي

ما بتشبهي القمر البتاوق من سماء
دى ما بتشبه القمر البتاوق من سماء
ولا بتشبه البحر الخدار
جمال ما حاق فى غناء
مشيها زي قدل البشاير بي مهل
حديثا زي همس النسا يم للنخل
أيدين صابغن الورد
وسلام زي ري الجداول للأرض
آهات

ومن معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه

يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة

عثمان محمد الحسن حتلوب
03-31-2008, 09:16 PM
ما بتشبه القمر
للشاعر هاشم صديق

ما بتشبه
القمر
البتاوق من سما
لا بتشبه
البحر الخدار
وجمالها ماحاق
فى غنا
مشيها زى
قدل البشاير
بى مهل
وحديسها زي
همس النسايم
للنخل ايدينها
صابغن الورد
وسلامها زي
روق الجداول
فى الارض

وليد الهادي
03-31-2008, 09:16 PM
انت وانا من حقنا نفرح نطير زى الفراش
لمكان بعيد ما زارو زول قبلنا
انت وانا من حقنا نلملم عذاب الزكريات كان الزكرى تانى تلمنا
عارفنو ظلم الهوى كم غبن قلوبنا وحزنا
يومنا الفرحنا مع الخيال وقلنا الفرح من حقنا
بشرنا بى فال الفراق زى ماحرم عشاق كتيير من قبلنا
انت وانا نبقى عشاق للابد نشيل الغرام فى دمنا لاانت تنسيه ولا انا
انت وانا عاشقين رهاف ساكنين ضفاف شط الامانى وحبنا
انت وانا من حقنانسكن فى الكواكب وفى قصر لغيرنا ابدا مااتبنى
نسامر النجوم يزورنا القمر الحسى لو جافة الظروف ما بغبنا
ورجعنا تانى تانى تانى لقينا الصبر الاصلو مزروع عندنا
انت ياروحى وامانى الزول الجميل الاصلو مخلوق مننا
وشنو الفضل مابقيت انا وباقى الحكايه المحزنه
انسان بريد عينيك كتييير عشق حكايتك وادمنا
لم رجع خطوي ولقاك بقى يكره الغربه المريره ويلعنا
ياربنا ياربنا ياربنا العشنا من ظلم الهوى مايعيشو زولا بعدنا
انت وانا نبقى عشاق للابد نشيل الغرام فى دمنا
انت وانا

وليد الهادي
03-31-2008, 09:17 PM
غيب وتعال تلقانا نحنا يانا نحنا
بنفس الايادى الراجفه المشتاقه لى ساعة سلامك
ماغيرتنا الظروف ولا هزتنا محنه
كم بعنا فى الغرام واشترينا وغير هواك
ماربحنا وياحبابنا وياشبابنا وياربابنا
وياسمحنا تلقانا بنفس القلوب الطيبه
الديمه تطرب من كلامك
تلقانا بى نفس المشاعر الطيبه
الديمه تطرب من كلامك
تلقانا بى نفس القلوب الياما
حزنت لم فقدت ابتسامك
والله بعدك ياغالى لانغنينا لانشرحنا
وتعالينا تعالينا تعالينا
تعال ياانبل عواطف طافت الدار الحزينه
تعال لى نفوسنا انت يامنبع
عذاب وانت يامصدر انينه
تعالينا يانيل البواكى
الكانت بتطرب يازين يوم
تجينا بالخطى الواعده وتزينه
لانسيناك واسترحنا لا لقيناك وفرحنا
انت غيب وتعــــــــــــــــــــــــال

وليد الهادي
03-31-2008, 09:18 PM
اديتك القلب المعذب قلت لى المو بتزيلو
يلقى فى وارف رموشك فرحتو ولحظات مقيلو
تبقى نور تبقى فجرو تمنع الدمعات يسيلو
وهسة لو داير تسيبو حتى باقى عمرى شيلو
بى محنة الزول بلوم دمعة فى الخدين بتجرى
كنت بامل انا فى سماحك الظروف فرقتنا بدرى
انت ماريدى ومناياكل لحظة بتضوى عمرى
وكنت دايرك يا حبيبى لو مره بى االامى تدرى
وهسة لو داير تسيبو حتى حتى باقى عمرى شيلو
فى نهاية لومى برضى بطمع تانى ترجع
كنت راجى الدنيا تبسم لينا بى افراحها ترجع
اصلى عارفك يامناياكل لحظه بتصبح اروع
وانت من طليت على طرفى ما اظن مره دمع

وليد الهادي
03-31-2008, 09:18 PM
انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه

وليد الهادي
03-31-2008, 09:19 PM
ماخلاص قلبى اصبح من عذابك فى الاسى
وهجير شديد وجعاتو ماشافن مساء
يوم القى ابتسامتك ابتسامك والصباح
ويوم القى فى عمقى الجراح
والعطف منك ياسماح يتلاشى راح
عاد اقبل وين واحكى الوجعه
ياتو خديد اشيل الدمعه وياتو حنين يجيب الراح
اشيل كلماتك واسافر اذكر بسيماتك واساهر
خلى طيفك يبقى هاجر يخلينى فى مسحة حزن مابتنطرح
مازى وجيهك كل يوم يصبح سمح يموت جرح
وجيبى جرح وقليبى لامات لافرح
اقبل وين واحكى الوجعه ياتو خديد اشيل الدمعه وياتو حنين يجيب الراح


هسع خايف من فراقك لم يحصل ببقى كيف
زى ورد فى عز نداهو خوفو بكره يزورو الصيف
من عرفتك كنت حاسس الزمن لى مابصيبك
كنت رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه
انت خونى زمانى كلو اوعك يوم تخونها
يازمن علمنى انسى المحال نسيان عيونها

وليد الهادي
03-31-2008, 09:20 PM
فى زول هناك قولة سلام تبقالو روح
فى زول هناك فى عيونو زول بسماتو ابدا مابتروح
فى عيونو الصباح زى الوشاح يتقاطر سماح
زى البرق شايل المطرفى سمانا لاح
فى زول هناك يومو اللزور تظهر زهور ويضحك بدور
فى ليل ظلامنا الماصبوح
كلموهو وقولو ليهو حرفك بنور فى السطور
ويومو الليجى بملالينا كل الدنيا نور
يفرح القلب الصبور المن زمان مليان جروح

وليد الهادي
03-31-2008, 09:21 PM
حــان الـزفـاف وأنــا حـالـي كـيـفن بوصفو

يـا ريـت هـواك لـي مـا انـقسم ولا قلبي ريدك نذفو

قــالـوا الـبـعـيش الـدنـيـا يــامـا تـشـوفـو

تـشقيهو بـي فـرقة عـزيز وبـالحسره ريـقو تنشفو

وإن شـاء الله مـا يـحصل فـراق لـقلوب بـعد ءاتولفو

بـس قـولي لـي أنـساك كـيف وأنـا قلبي ريدك محنو

أبـحر سـنين فـي كـون هـواك والـليله فـاقد مأمنو

وأنـا مـن زمـان عـارف الـبيكون وقـليبى كنت بيقنو

والـليله يـوم حـان الـزفاف أنـا حـالي مـين ما حننو

ولـو ده الـحصاد مـن كل ريد ناس قيس صحيح اتجننو

جـوني الـصحاب وأنـا قالوا لي شافوها في توب الزفاف

شـافوا الـدموع واتحسروا والشوق غمام في عيونها طاف

ومـــش عـــاد حـــرام ســاكـن الـضـفاف

يــنــشـره فــــي عــمــرو الــجـفـاف

طول عمري بزرع في الورود وحصادي شوك آخر المطاف

وليد الهادي
03-31-2008, 09:22 PM
زاد أزاي يا
صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحول

وليد الهادي
03-31-2008, 09:23 PM
لحظك الجرّاح
أذاي فيه ، وفيه الطرب والراح
مناي يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح

وليد الهادي
03-31-2008, 09:25 PM
كلمات: عزمى احمد خليل


عـشان أهلك بخليكِ وأشيل في جرحي ماضيكِ

أحـاول وبـرضى ما قادر عشان أنسى وأنسيكِ

كـتير الـدمعه فـي عـينيك تشوفيني وتخبيها

تـخافي عـلى أشيل همك وعيونك تحكى بالفيها

وقـدر مـا يقولوا ليك عني عشان ريدتنا تنسيها

تـداري الآهـه بـالبسمه وريـدتك لي تزيديها

ودائـمـا ده الـمبيكِ وعـشان أهـلكِ بـخليكِ

غـريبه نـعيش زي الأغراب وما نتهنى بالريده

وكـلما نـشتل الأفـراح تـجي الأقدار تمد إيده

تـشيل أمـل العمر كلو وتبكى عيوني يوم عيده

وصحى القالوهو في الريده بتعرف بس ظلم سيده

وأنـا الـشقيان أرضـيكِ عـشان أهلك بخليكِ

سنيني العشتها في ريدك حرام لا خنت لا خنتي

أغـيب منك سنين وسنين وألاقيك انت بي إنتِ

وقدر ما يلوموني معاك عشاني اللوم كتير شلتي

وكـلما يـقيفوا في دربي أشيلك دمعه في صمتي

وبـس مـجبور أقـول ليكِ عشان أهلك بخليكِ

عثمان محمد الحسن حتلوب
04-01-2008, 09:13 AM
الفنان سيد خليفة

--------------------------------------------------------------------------------

ادريس جماع

سيد خليفه
أعلى الجمال تغار منا
ماذا عليك إذا نظرنا
هى نظرةً تنسى الوقارَ
وتسعدُ الروحَ المعنىّ
دنياى أنت وفرحتى
ومنى الفؤادِ إذا تَمَنىّ
أنتَ السماءُ بدتْ لنا
واستعصمتْ بالبعدِ عنا
هلاَّ رحمتَ متيما
عصفت به الأشواق وهنا
وهفت به الذكرى فطاف
مع الدجى مغنى فمغنى
هزته منك محاسن
غنى بها لمَّا تغنَّى
يا شعلةً طافتْ
خواطرنا حَوَالَيْها وطفنا
أنست فيكَ قداسةً
ولمستُ إشراقاً وفناً
ونظُرتُ فى عينيكِ
آفاقاً وأسراراً ومعنى
كلّمْ عهوداً فى الصبا
أسألْ عهوداً كيف كُنا
كمْ باللقا سمحتْ لنا
كمْ بالطهارةِ ظللتنا
ذهبَ الصبا بعُهودِهِ
ليتَ الطِفُوْلةَ عاودتنا

عثمان محمد الحسن حتلوب
04-01-2008, 09:14 AM
عقد اللولي


يا عقد اللولي اللولي يا بت يا حلوة يا لولي
يا حلاة الشامة في خدك والسن بتضوي اللولي
وين الحلوي وين راحو .. في ليلنا يضوو صباحو
بي بسمة يذيدو عمرنا وكان العزال ارتاحو
امتع بيها عيوني
اضوق من فاها السكر
لكن الحظ العاثر
خلاها تغيب ما تظهر
غشت الجيران لي ثواني
قليبي التاية ودر
في سري اقول يا الله
انشاء الله تغيب لي اكثر

عثمان محمد الحسن حتلوب
04-01-2008, 09:15 AM
الاغنيه التي بكا فيها الراحل سيد خليفه

--------------------------------------------------------------------------------

يوم في يوم غريب



يوم في يوم غريب فيه الشمس لمت غروبه وسافرت
بانت نجوم متفرقه زي الدموع في خد حبيب ودع حبيبتو السافرت
والليل ضفاير حزنو مداها الالم زي التقول عارف النهايه القاربت
والكون حزين خايف الهجير شاف الربيع غابت شموسو وغادرت

شفت الفريق ضامي الفرح في دار حبيب ضميتو في قلبي الحنين
ماتت خطاي ضاع الامل واحترت في خوفي الدفين
عاينت لقيت الحبيب في عرشو في تاجو الحزين
حولو العيون فيها الفرح بس الفرح في عيونو ما قادر يبين
والدمعه في عيني تودع طيف حبيب خلاهو لي غدر السنين


واشتقت لي طيف الدموع ومشيت طريق اسمو المصير
ودعت زهرات الامل ورجعت لي املي الكبير
حسيت شعور الراهب السار السنين بفتش ليه دير
لمن تعب سالت دموعو على الدرب خاف الامل ينهي المسير


يا حلم عيد كلمات خطاب من الحبيب تتبان النهايه
حرفو الدموع سطرو النحيب والحسره كانت خاتيها غايه
خلاني اغرق في المصير وانا لسه عايش في البدايه
اندم على الحلم اللراح واطفي الشموع وابكي النهايه

عثمان محمد الحسن حتلوب
04-01-2008, 09:17 AM
ليل وخمر وشفاه
شعر حسين عثمان منصور
غناء سيد خليفة
---------------------------
أغنيات فى شفاه الحب غنّاها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام
يا سقاة الكأس من عهد الرشيد
ما لكاسى ظمئاً أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة
شعرها ليل تموّج
صدرها الوثّاب هودج
شفةٌ عطشى .. وأخرى هى كأسُ
خمرها نار وجمرة
ليتنى لو ذقتها فى العمر مرة

عثمان محمد الحسن حتلوب
04-01-2008, 09:17 AM
ربيع الحب
شعر اٍدريس جماع
غناء سيد خليفة
----------------
فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوت بالقلب حسرة
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوت بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوت بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوت بالقلب حسرة

عثمان محمد الحسن حتلوب
04-01-2008, 09:18 AM
أنشودة الجن ....
شعر التجانى يوسف بشير
غناء سيد خليفة
-----------
قم يا طرير الشباب
غنّ لنا غنّ
يا حلو يا مستطاب
أنشودة الجنّ
وأقطف لى الأعناب
وأملأ بها دنّى
من عبقرى الرباب
أو حرم الفنّ
صح فى الرّبى والوهاد
واسترقص البيدا
واسكب على كل ناد
ما يسحر الغيدا
وفجّر الأعواد
رجعا وترديدا
حتى ترى فى البلاد
من فرح عيدا
وأمسح على زرياب
وأطمس على معبد
وأمش على الأحقاب
وطف على المربد
وأغش كنار الغاب
فى هدأة المرقد
وحدّث الأعراب
عن روعة المشهد
صوّر على الأعصاب
وأرسم على حسّى
جمالك الهيّاب
من روعة الجرس
واستدن بابا بباب
واقعد على نفسى
حتى يجفّ الشراب
فى حافة الكأس

عثمان محمد الحسن حتلوب
04-01-2008, 09:19 AM
ولى المساء
كلمات: حسن عوض أبوالعلا
-------------------
ولى المساء **ولى المساء
الواله المحزون في جوف الضباب
وانا أهيئ زينتي ..و أعد مفتخر الثياب
آملاً لقياك الحبيب و يصدني زهو الشباب
أمسي مضي بين التحسر والانين
ووسادتي بدلتها بالدمع والدمع السخين
مع تباريح الصباح وبسمة الفجر المبين
غنيت مثل الطير فرح في رياض العاشقين
تسري النسايم عذبه ..
وانا اهيم بلا بلاد
وتقودني الآمال
في دنيا المباهج والخيال
وهناك ارقد في الرمال
ولا اري غير الرمال
غداً أذوب مهجتي بحر انفاس الغرام
أرنو اليك و لوعتي ظمأى تؤجج في الظلام
وابيت أعشق في الدجي
صوتا ينادي في ملام
ابداً اعيش بحبه
أنا غير أحبابي حطام
غداً نكون كما نود
ونلتقي عند الغروب
غداً تعود مباهجي ..
وتزول عن نفسي الكروب
غداً حبيبي قد يعود
غدا حبيبي حتما يعود

عثمان محمد الحسن حتلوب
04-01-2008, 09:20 AM
ياوطني
سيد خليفه
------------------
يا وطنى يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطنى
زيك ما لقيت يا وطنى
فى وجودى احبك وغيابى
ياحليلك وياحليل ايامك
على ليالى زمان
وقلبى عايش لغرامك ما بعد غرام
كانت أيام يا وطنى
زى الأحلام يا وطنى
بتذكر فيك عهد صبايا
على شاطئ النيل
حبيبى جالس حدايا
أسمر وجميل
انا بفخر بيك يا وطنى
بالروح افديك يا وطنى

عثمان محمد الحسن حتلوب
04-01-2008, 09:20 AM
ألمني حنان
شعر عبد المنعم عبد الحي
غناء سيد خليفة
----------------
يوم قسموك يا هم
كتبوا عليك اسمي
لو كان رووك بالدم
يا هم رووك دمي
انا لو رضيت بالهم
مابرضى بي همي
حباني يا أهلي
يا من تعزوني
في الدنيا خاب أملي
في حظي عزوني
أنا لو يحين أجلي
ما تبكوا هنوني
يوم السعادة تفوت
يا ناس تخليني
بين الحياة والموت
يا السعادة زوريني
لو أمروها بالجبروت
السعادة ما بتجيني

عثمان محمد الحسن حتلوب
04-01-2008, 09:21 AM
احلى غرام...واجمل هوى
لا عمرو فات ..
ولا لحظه مات....
ولا انتصر
احلى غرام ...
واجمل هوى ...غرامــــــــــــــى
احلى غرام يا منيتى...
كان لى امل كان دنيتى
انا من سنين راجيك تجى ...
تملى حياتى ووحدتى
قلبى اتولد يحمل هواك
خطا هنا خفقات معـــاك
لا يوم سلاك لا قال نساك
ولا لاجأ فى الاحلام سواك
هدهدتو بى حبك سنـــيـــن
ورويتو بالشوق والحنين
سلمتو ليك وانت الامـــين
على عهد حبى وعشرتى
فى ليله ضاويه تفسض هنا
توجنا ريدنا وحبنا
يا فرحنا...يا بهجنا
بعش السعاده تضمنـــــــــــا

عثمان محمد الحسن حتلوب
04-01-2008, 09:22 AM
احدى اندر الاغاني السودانية
واحلى اغاني المرحوم سيد خليفة لكم اعزائي رغم ابتعاد اسمها عن مرافيء افراحنا


اودعكم





[ودع
اودع كيف
افارق
افارق كيف
ولسه الشوق بعيش فيا
اودعكم لا ... افارقكم لا
لالا انا ما بقدر اودعكم
دموعي بتغطي عينيا

لكين اه..لكين اه
واه بتزود الالام
اودعكم لا...افارقكم لا
بتبقى عشرة الايام
اودع
اودع كيف

لو بالأيد
اعيش بينكم مدى الايام
اغني لكم
وانتو تكونوا لي الهام
ونزرع ريد
وعالم كلو حب وسلام
لكين اه...لكين اه
واه بتزود الالام
اودعكم لا...افارقكم لا
لالا ما بقدر
دموعي بتغطي عينيا
لكن اه
واه بتزود الالام
اودعكم افارقكم
بتبقى عشرة الايام
اودع...اودع كيف



عندي امل
اعود في موسم الامطار
زهور تضحك
وخضرة تتوج الاشجار
الاقيكم
ويصبح فينا احلى نهار
لكين اه...لكين اه
واه بتزود الالام
اودعكم لا...افارقكم لا
لا لاانا ما بقدر
دموعي بتغطي عيني
لكين اه...لكين اه
واه بتزود الالام
اودعكم لا...افارقكم لا
بتبقى عشرة الايام
اودع اودع كيف



في الآخر وداعا
اوعى تنسوني
انا المشتاق
بشيلكم جوا في عيوني
وبطراكم
عليكم الله اطروني
لكن اه...لكين اه
ااااااااااااااااااااااااااااااه...اااااااااااااااا ااااااااه
واه بتزود الالام
اودعكم افارقكم
بتبقى عشرة الايام
اودع .... اودع ... اودع كيف

عثمان محمد الحسن حتلوب
04-01-2008, 09:23 AM
المنديل
رسل لي ..رسل لي
هدية لطيفة خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
لما اسافر يوادع ويشاور
يشاور يوادع ...بالمنديل
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة
بالمنديل

عثمان محمد الحسن حتلوب
04-01-2008, 09:25 AM
يا عيني يا طماعة

ياعيني ياطماعة ماشفتيه قبال ساعة

ليه تاني نمشي نقول ما للزيارة أصول

خليني من الشوق من ذكرتو وآهاتو
داير اعيد أتذكر القالو من كلماتو
حين قلت ليه بتنسى وحتفوتني زي الفاتو
ما شفتي وين وداني وكتين حلف بحياتو

في حبو شفت خلاصي في دربو شفت النور
وبقيت اكوس اعذاري علشان أجيه أزور
ما شفتي كيف كلماتو تأخدني كالمسحور
آمالي تملا الدنيا وأحلامي تبني قصور

إنسان فريد في الرقة والبسمة ما بتفارقو
وراني طعم الدنيا يحفظ عيونو الخالقو
وكتين عيوني يتوهوا بالنظر ليهو بسارقو
ياخدني في موجاتو ليل الضفيرة الطالقو

عثمان محمد الحسن حتلوب
04-01-2008, 09:26 AM
شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***


بابك ما انقفل ونارك تجيب اللم
وما بتحلف تقول غير استريح حرم


***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
عينيك يالصقر في الحارة ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغة ما بتحوم
ود ناسا عزاز جمعوا المكارم كوم
تفخر بيك بنات البادية والخرطوم.


***

عثمان محمد الحسن حتلوب
04-01-2008, 09:33 AM
زيدان إبراهيم


لم تشتاق للمشاعر تملاء دنياك بى عبيرها
ولم تشتاق للعواطف تنسجم تلبس حريرها
وابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
لم تقسو عليك ليالى الوحده والليل يبقى ليل
والنجوم تلمع بعيد تسخر من السهران وحيد
ابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
انت برضك حبيبنا والحنان الفى قلوبنا
اصلو نابع من عيونك
المحبه الفيها لو ما انت ماكانت محبه
وكل اشواقنا ومشاعرنا واحاسيسنا النبيله
انت اهديتا لينا
انت ضيع احلى
ما اهديت ياغالى

عثمان محمد الحسن حتلوب
04-01-2008, 09:35 AM
فى بعدك ياغالى ضنانى الالم

وعشت مع الليالى لاحب لا نغم

ومن لمسات حنانك خلاص تمينا دور

ايام مره خاليه من طعم السرور

كل ماغنى شادى دوبنى الشعور

واقول ياريت حبيبى لو فى الطيف يزور

لو كان التمنى بينفع كل حبيب

ماكان السعاده بقت قسمه ونصيب

ولا قلوبنا الحيارى مع الايام تشيب

ولا عاش قلبى تايه عن حبك قريب

لاتسأل مشاعرك ليه عينى بكن

يوم ودعنى حسنك ولا زمنى الشجن

وباكر ياحبيبى يعلمك الزمن

ليه دنيا المحبه للعشاق وطن

عثمان محمد الحسن حتلوب
04-01-2008, 09:36 AM
في الليلة ديك
في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك…… جيت أقول مبروك عليك

عثمان محمد الحسن حتلوب
04-01-2008, 09:38 AM
باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد

عثمان محمد الحسن حتلوب
04-01-2008, 09:39 AM
شقا الأيام ..
وسهر الليل
بهون لو مرة حسيت بى
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية
شقا الأيام وسهر الليل
وآهاتى الحزاينية
ملازمنى من يوم شفت عيونك الحلوة
ويومها عرفت كيف العين
مكامن ريد
وجرة نمة من دوبيت
ضراعة فاتحة يوم العيد
فرح أطفال
وأهازيج زار
ونقرة طار
وبحة ناى
حزين غناى
ترانيم غنوة دينية
براى والليل
وأهاتى الحزاينية
بيغشاني النعاس مرات
وطيفك يمر
يغافلني
يبدل حزني اشراقات
وأبداء معاك غناوى الليل
وأغالب الدمعة مابيه تسيل
أتارى الليل كمل كلو
عيونك مرة لو طلو
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية

عثمان محمد الحسن حتلوب
04-01-2008, 09:40 AM
حنين ياليل
حنين ياليل ياحنين ياساتر عيون الناس
اهيم فيك واناجيك وسافر فى بحورك دى
لا بتعب من الاسفار ولا بغشانى مرة نعاس
لانى بغازل النجمة غزل فى قوافى منسجمة
وحجوة فصولها منتظمة جميلة تدغدغ الاحساس
براي سهران كمان زيك بلاقى عزاية فى ليلك
اقالب فى النجوم واحكى واغنى ياليل مواويلك
اصارع الموج والتيار اغالب الدمعة ماتنهار
افر البسمة شان تضوى لي فى المشوار
حنين ياليل ياحنين ياساتر عيون الناس

عثمان محمد الحسن حتلوب
04-01-2008, 09:41 AM
هانت الايام عليك ولا هنت عليك انا
وين حنانك ياحنين وين عيونا من الهنا

عدت وراحت كم سنه كم سنه كم سنه

هانت الايام عليك وهان عليك حبى ودادى
كل ماحاولت تبعد كنت بجري عليك ونادى
ليه تقول دايما ظلمتك وانت ديمة بظلمي بادى

كنت بتقولي بحبك الليلة مالك مابتقولا
كنت بتقولي بريدك الليلة مالك مابتقولا

والجحيم والشوق نارو هي من حبك قصادى

عثمان محمد الحسن حتلوب
04-01-2008, 09:41 AM
جميل ما سألنه ولكن هويناهو
بديع فى تدنيه وديع حين تلقاهو
عجيب فى معانيه اذا أدركت معناه
مليح البدر فتان ملاك قد عرفناه
فريد فى محاسنه فريد فى سجاياه
غزال فى تلفته صباح ما وحيناه
جمال فيه إشراق تريح النفس رؤياه
عشقناه ولكن تعبنا إذ عشقناه
سكارى عند رؤيته حيارى عند ذكراه
يعاتبنا بنظرته بلاذنب جنيناه

عثمان محمد الحسن حتلوب
04-01-2008, 09:42 AM
لاتسأل مشاعرك ليه عينى بكن
يوم ودعنى حسنك ولا زمنى الشجن
وباكر ياحبيبى يعلمك الزمن
ليه دنيا المحبه للعشاق وطن
****

المحبه الفيها لو ما انت00 ماكانت محبه
وكل اشواقنا ومشاعرنا واحاسيسنا النبيله
انت ما اهديتا لينا
كيف تضيع احلى
ما اهديت ياغالى ****

عثمان محمد الحسن حتلوب
04-01-2008, 09:43 AM
عيونك مرة لو طلو
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية

عثمان محمد الحسن حتلوب
04-01-2008, 09:44 AM
ماحصل فارقت دربك وشلت املى على السراب
مابحاول يوم اسيبك اواقول انا نجمى غاب

*** *** *****

يحلو لي صبرى الصبرتو فى سبيل حبك حملتو
ماشكيت لهفة مشاعرى فى هواي معاك كتمتو
انت برقة شعورك قلبى ليك انا ماظلمتو
قلبى زغرد يوم لقيتك وانت بى البسمات غمرتو

****** *** ***

كلو بسمة جميلة منك راسمة فى خدك شباب
كلو فتنة جميلة باينة فيها كم انا قلبى داب
يالمحاسنك فايضة رقة لي عذابك مستطاب

****** ** ***

ياربيع بزهورو فايحة فى الوجود مالي سواك
ارعى عمرى الباقى لليا خلى قلبى يعيش هواك

عثمان محمد الحسن حتلوب
04-01-2008, 09:45 AM
داوي ناري والتياعي

داوي ناري والتياعي
وتمهل في وداعي
يا حبيب الروح هب لي
بضع لحظات سراع

قف تامل
مغرب العمر
واخفاء الشعاع

وابكي جبار الليالي
هده طول الصراع
ما يهم الناس من نجم علي وشك الزماع
غاب من بعد طلوع وخبا بعد التماع
اه لو تقضي الليالي بشتيت باجتماع

كم تمنيت ..وكم من امل
مر الخداع
وقفة اقراء فيها لكي اشعار الوداع
ساعة اغفر فيها لكي
اجيال اقتناعي
يا مناجاتي وسري
وخيالي .. وابتداعي
تبعث السلوي وتنسي الموت مهتوك القناع
دمعت الحزن التي تسكبها فوق ذراعي

عثمان محمد الحسن حتلوب
04-01-2008, 09:46 AM
أخونك
أخونك .. هل تصدق أخونك؟
ما أظن أصدق أخونك
لو شافت عيونك إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك؟!
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!
ذكرياتك دايماً أماني
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك

عثمان محمد الحسن حتلوب
04-01-2008, 09:47 AM
ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

عثمان محمد الحسن حتلوب
04-01-2008, 09:49 AM
غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

عثمان محمد الحسن حتلوب
04-01-2008, 09:56 AM
الفنان / الهادى حامد ودالجبل

--------------------------------------------------------------------------------

المدينه

طـلـعـــت مــــن جــــوه احــــزانـى الـــعديـــده
نجـمـة تحى بتــضــوى فى دجى الليلات وحيده
فكـرة فـنــانه وجــديـدة نـظــــره لـماحه وفريده
فـتـشـتـــا عـنـهــا فـى الــقــــري النـائية البعيده
وســألــتــا فـى بـــلاد ومـــدن عديده
ابحرتا فى كل الموانئ اكـوس عليها
أهـــــاتــــى بــيـــهـــا وانـــاجى فيها
مـشــتــاق علىّ المهـا احتويها اشمها
بالـحــنـــــان الــعـــنـدي كلو أضمها
وصـــدفــه فى ابعد وفى اجمل مدينه
وإلــتــقـينا والدهشه هى اللى اتكلمت
وقـبــل الأيــادى العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق ليله فتان
والــفــــرح فــــــاض بــيــهــــا دفاق
والــخـــــيــــال والــــوادى فــتــــــان
طارت الأحـلام عـصـافـيــر غناء للعش الغدير
جنـت أوتــار الطنـابـيـر هـزت النشوة المزامير
وانا بين مصدق وما مصدق إنى بلقاها إلا ياها
هـى ذاتـه حـبيبتى ذاته اللحظة نازل فى حماها
وفى ضـراهـا واتـقـاسـم واتقاسم الاحلام معاها

عثمان محمد الحسن حتلوب
04-01-2008, 09:57 AM
بفرح بيها

بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فووووووووووووق البنيه
ولامست إيد السعاده .. وضجت الأشواق عليها
بفرح بيها .. بفرح بيها

عثمان محمد الحسن حتلوب
04-01-2008, 09:58 AM
مـا اتـعــودتــا اخــاف مــن قـبـلـك
كلمات ..عزمى احمد خليل
مـا اتـعــودتــا اخــاف مــن قـبـلـك إلا معاك حسيت بالخوف
أعـمــل آيـه ما القسمه اختارت وكل الناس حاكماها ظروف
عــارف ويــن خطواتك ماشه وآخري معاك هو المامعروف

يـامــا كـتـيــر فـكــرتـه اصــارحــك واستـنـيـتك تبدأ السيره
لا أتكـلــمــتــه ولا لـمــحــتــه ولا بـيـنـتــه الـريـــده مصيره
والحـنــيــه الكـنــت بـديــتــهــا هـســع بـقــت بتشوفه كتيره
وزي خليتنى اشك فى ريدتى وخفته تكون مشغول بى غيره
أنـا مـن قـبـلـك مـا اتـحـيرتا جيت وريتنى دروب فى للحيره

والله عـشــانـك يـامــا صـبـرتـه لـمـا الصبر فتر من صبري
ولـمـا نـسـيــت الـدنــيـــا وحاتك من أعمارنا سنينها بتجرى
لا اتـلـومـتــه مـعـاك لا لـمـتـك وقلته براك بتحـس بى قدرى
وقـلــتــا عـلـيـك بـكـره بتتغير وألقى فى ريدك فرحـة عمرى
إلا لــقـــيــــتـــك لـســع تـايــه فـى دنـيـــاك ومـتـــوه أمـرى

كـم حــاولــتـــا أعــانــد ذيـــك واقـســى عـلـيـك بكـلمة شويه
إلا وحــاتــك غـصـــبـــاً عـنــي قـبـــل عـنــادى تجـى الحنيه
ودربـــاً سـرتــو مـعــاك بـى قـلــبى منو بلاك ما بتبقي الجيه
مــا فــارقـتــه فـى يــوم ذكــراك وأنـا ذكــراي عـندك منسيه
أنــا مـجــبـــور أسـتـنــى رضــاك وانت أريتك ترضى علىّ

عثمان محمد الحسن حتلوب
04-01-2008, 09:59 AM
فاتت



فاتت وفى السحاب مسراها
لملمت السحاب فى عينى
شان القاها
فاتت فاض فى عينى حنين
وغازل للبرق بضياها
ستفت الفرح لى لقاها
وما لاقت خطاى خطاها
ومن حزنى العلى غنيت
ضحك فى صحوى حزن رؤاها
فاتت يا شوق الولف فى غنايا
ويا حزن الرحيل فى غناها
ولو يسعد خطى الترحال
بيوسع فى مداى اساها
مهما يتوهه الترحال
يهوم بالغياب جواها
فاتت حاترجع هى زى أول
وتفتح بالفرح دنياها
وتقدح قلبى بالآمال
وعارف نبضى جوه دماها
طويل خطو الأمل ممدود
أكيد فى يوم القاها .. فاتت

عثمان محمد الحسن حتلوب
04-01-2008, 10:00 AM
الوعد المستحيل .

أنا كنت قبلِك.. لا غريب !!
ولا كنت عارف لي دار
لا عرفت معنى دهشتين
ولا ضقت طعم الإنتظار
صدقت وعد المستحيل
بنيت على الأوهام مزار.
*************

قلت أغني !!!
صوتي ضاع وسط الزحام
كانت الأحزان معاي
في سكتي وجوّه الكلام
لا الهوان قادر عليه
ولا الفرح في حضني نام
*************

في زمني الحزين
تاره للترحال بداية
الخطى التواهه لاقت
والأماني علينا جايه
لا الزمان حسيت مداه
لا حروفي لقت نهاية

عثمان محمد الحسن حتلوب
04-01-2008, 10:01 AM
افتقدتك

افتقدتك .. يا صبا عمري وشبابي

افتقدتك .. لما زاد الشوق عذابي

افتقدتك .. في أسايا .. في شقايا واغترابي

افتقدت الابتسامة .. والعيون الساحرة يوم يسحر كلاما

اكتبي لي عن سنينك ..

كل يوم والايام تمر بتزيد أنينك ..

اكتبي لي عن مشاكلك ..

قولي لي عن اي شي في الدنيا شاغلك

اي زول في الدنيا لو سالك عليا ..

قصدوا يعرف ايه علاقتك انت بيا ..

قولي باكر ايوا راجع جاي ليا

عثمان محمد الحسن حتلوب
04-01-2008, 10:02 AM
لو شفتي كيف


لو شفتي كيف
بنزف نزيف الورد ..
بالشوك أنطعن
وقتين
عيونك
ما يجن
وألقى المواعيد أنتهن
وأصبح حليف
الصحرا
والريح الحفيف
كنت ..
سابقت الزمن
وانتظرت على الرصيف
أو شفتي كيف
بتر فض خطاي
لمن خطاك
ما تكون معاى
كل الدروب
وكانت تجوب
سكه رؤاي
وانتى فى ضراى
كل الطيوب
كنتى انسرقتى من الزمن
وازدهرتى مع الغروب

عثمان محمد الحسن حتلوب
04-01-2008, 10:05 AM
الجابري


الرسائل
كلمات الصادق الياس


من طرف الحبيب
جات أغرب رسائل
يحكي عتابه فيها
وقال ناسينه قائل
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل

عثمان محمد الحسن حتلوب
04-01-2008, 10:07 AM
نــواعــم / احــمــد الــجــابــرى


زى خدك ناعم
وصدك ناعم
وتتكلم ناعم
وتبسم ناعم
الحب فى قلبك دابو براعم
خلاك احلى وبقيت اغلى واجمل ناعم
ياناعم اه اه اه ياناعم


#########

فى وجدانى تعيش صورتك
يوم والتانى تحكى هوانا
بتخيل انت معايا
القى معاك نعيم دنيانا
فى الحب والريد نحكى حكايه
واقول ليك ...
وقلبى يعوم فى بحور عينيك
وقلبى بحبك وقلبك ظالم
ياناعم اه اه اه اه ياناعم

########

لوتتنكر وقلبك عارف
قلبك عارف للحب شايف
شايف يوم لاقيتك
ومعاى الفرحه اتلقيتك
وما رديت لى وكتين جيتك
لكن عارف عينيك ردو
بحب عينين يسالو ويردو
انت حبيب ناعم صدو
باسم فاتن ناعم خدو
قلبى المشغول مشغول عندو
اصبح هايم
اه اه اه ياناعم
اه اه اه ياناعم

عثمان محمد الحسن حتلوب
04-01-2008, 10:08 AM
سيد الاسم


محبوبى وكتين يبتسم
الدنيا ياناس تنقسم
الفرحه تملاها وتزغرد فيها والشوق يرتسم

########

مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم

########

فى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
#####


يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم

عثمان محمد الحسن حتلوب
04-01-2008, 10:09 AM
يـــادنــــــــيــــــــا / احـمـد الـجـابـرى



يادنيا وحاتك سيبينا
ده القمر اتواضع واتدلى
ياربى ده جاى يعذبنا
وكمان بقلوبنا بتسلى
#######


الرقه بكل معانيها
والذوق ده مفصل بمقاسه
الناس مشتاقه تلاقيهو
فى غيابو كتير تعبو وقاسو
وحديثه الناعم يطربنا
ده العايش فينا باحساسه

#######

لو شفت قوامه بتمايل فى مشيه يرقص ويتنى
لو حتى استعجل فى خطاهو الدنيا الماشية بتستنى
الناس تتمنى من الدنيا و الدنيا المنه بتتمنى

#########

عيونه الناعسه بتتعبنا ووجوده كتير بيفرحنا
ده كلامو البجبر خاطرنا وعتابه حقيقه بيجرحنا
واحزانه العايشه فى جواهو بنشيلها بداله دوام نحنا

عثمان محمد الحسن حتلوب
04-01-2008, 10:09 AM
يا رشا


يا رشا يا كحيل غيثني هواك سباني
يا الأمرضني وما طباني
في خديدك الوح نور رباني
نيران اشواقك لاهباني
وسهام ألحاظك نشباني
من ألحانك تعباني
مهموم تشهق قصرك بان
يتهادى يميل خصرك فريع بان

يا رشا يا كحيل غيثني هواك سباني

هبت لروائح دهشاني
يا نسيم عقد وعود علشاني
قوليه غرامك أغشاني
وأدركني الدمع الراشاني
حسنك شانك والحب شاني
يا نسيم روح بلغ آه وأغشاني
بحق من أنشاك وأنشاني

يا رشا يا كحيل هواك سباني

جمر الأشواق هب قلاني
من إنطفأ بي دمعي البلاني
أنا لا أسلاك لو تسلاني
حبيبي غرامك أبلاني
ملكني هواك وخلاني
فارقت أقاربي وخلاني
حسنك والاك والحب والاني

يا رشا يا كحيل هواك سباني

لهملات حسنوا شجاني
ليك نور ولي نار سارجاني
رقيق اللمحته الجان
في بحور اشواقك زجاني
خاطر بي وما نجاني
أعلم أقبل سعدي وأتاني
لو طيفك في الأحلام ناجاني

يا رشا يا كحيل غيثني

عثمان محمد الحسن حتلوب
04-01-2008, 10:10 AM
حبيبي تغنوا لو شفتو
الجابري
----------
زي زهر الرياض الغضة
طرفوا من المهند امضي
تبكي عيونى لو كان صدا
لو يبسم تسيل الفضه
حبيبي تغنوا لو شفتوا
من نظرات عيونوا تتوه
شايل من الحمامه مشيها
من القمرة حسن وشيها
والاخلاق مجيها جيها
الروضة الخريف راشيها
جميل شعروا المدلى سبيبي
والوجنات تزيد تعذيبي
بدور قربوا ودلالو نصيبي
واحلف غيرو ما فى حبيبي .

عثمان محمد الحسن حتلوب
04-01-2008, 10:11 AM
سامحنى
--------
سامحنى ما تغلط على وهبتك كل ايامي الهنية
قلبى راضى وراجى مستني التحية
مرة جامل مرة منا تنسي المحنة
مرة واصل عندى قربك احلى جنة
جنة نقطف من رياحينها المودة
نزرع الدربين مشاتل ورده ورده
وردة تتحدى المصائب فى دروبنا
وواحدة تغمر بالشذى عاطر قلوبنا
كل ما اخضرت غصونها وفاح عبيرها
تقترب فرحه نهايتو جدلة مصيرها
جيت اسامحك والقى بين حكاياتي الطويله
مرة اكتب خطابي يحمل ليك احاسيسي الجميله
وكل نظرة حب تأكد لعواطفنا النبيله
وكل نسمه تمر بتحمل لى ريدك
جيت اسامحك وانت ما بتبخل بإيدك
ايه حياتي مصيرى نابع من وجودك
كلوا لحظة سعيدة تورق فى عمرنا
كلوا خطوة جديدة حين تصلنا
سامحنى .

عثمان محمد الحسن حتلوب
04-01-2008, 10:11 AM
ناسي الحب
----------
ناسي الحب وقلبك خالى
اعطف مرة حن لى حالى
يا مسهر عيونى ليالى
حبك ما نسيت اياموا
حتى عيونى تروى غرامو
خليت قلبي فى آلامو
واصبحت انتى قلبك خالى
تبسم روحى تبقي سعيدة
واشرب من كؤوس الريدة
والبسمه عنى بعيدة
كان ايه ذنبى مالى ومالى
الريد للأحبة مودة
والصد لى سده بسده
ايام فى العمر تتعدا
ليه نقضيها شوق طوالى

عثمان محمد الحسن حتلوب
04-01-2008, 10:12 AM
الجريف واللوبيا
كلماتالصادق الياس
الجابرى
--------
عندى شوق لى نيلنا
والاهل والطيبة
الجريف واللوبيا
وباقى ذكرى حبيبة
غشة الصفصاف
القايمة عاملة الزريبة
هو المغطى القيف
فوقه روووووووعة عجيبة
ياسواقى بلدنا
وينو صوتك مالو
وينو قارع مويتك
غنى باسم حالــــــــــــــــو
وين غسيل النيل
و شر هدومو فى رمالو
وينو ماضى الحله
وين ومين الشالو
كان زمان ندلى
لما كنا صغار
من فريع لى فريع
نقطع الاثمار
كان بحرنا نعومو
ناس كبار و صغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامى
الظلال فى النيل
وين وين دفيقا
الكنا منه مشيل
وين جداول الموية
الجارية زى السيل
يا بحر حلتنا
فى رمالك ذكرى
لابتشيل الموجه
ولا بتفارق الفكــره
الجريــف و اللـوبيــا

عثمان محمد الحسن حتلوب
04-01-2008, 10:13 AM
هوج الرياح
أحمد الجابري
-----------
هـات يا زمـن
جيــب كـل أحــزانك
تـعـال جيـب المحــن
طــول يا أسى وكتر ينابيع الشــجن
جـرعني كأس من لوعة من الامي
ما المحبوب خـلاص خلاني ليك الليلة راح
خلف لقلبي الحسرة والشـوق والجــراح
خلي النواح
فــاض قــلبـي شـمعة
وحيـدة في هـوج الريــاح
خـلاني ليـك أنا يا زمــن
وخلص شجن
الليـل يهـــود بي
ويبــقى تـلـت الأخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر العواطف غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق من عمري هواه زي أجمل صباح
وكساني بالآمال وشاح
قلبي المتيم بيه بي احلامه باح
تاه في رياضو الرايعة في جنة استراح
لكنه وين الليلة راح واصبحت يا أيام حزين
باكي العيون محتار أقول ماليه حنين
إيه غيرو بدل عواطفو صبح ضنين
إمكن ظنون إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر يالأمل ومهما حصل
أملي الوحيد لحبو مكتوب في الأزل
لايمكن أبداً مستحيل في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي أنا برضي صابر يا زمن
بكل أجزانك تعال
جيب المحن

عثمان محمد الحسن حتلوب
04-01-2008, 10:14 AM
بدون رسائل
-----------
مافى حتى رسالة واحدة بيها أتصبر شوية
والوعد بيناتنا انك كل يوم تكتب .. الىّ
هل يجوز والغربة حارة بالخطاب تبخل علىّ
لما أخر مرة شفتك قبل ما أودع وأغادر
كنت حاسس أنى خائف إنى متردد ..وحاير
داير أتصبر أمامك داير أضحك ومانى قادر
بس دموعك لما فاضت ضيعت صبرى الشوية
وصحت موعدنا الرسايل وين رسايلك وين كتاباتك الىّ
وصرت بعدك يا حبيبى ذرة فى بحر الزمن
بعت للتجار مواهبى بعتها بابخس تمن
وحشة ما بتعرف رسايل وغربة عن أرض الوطن
بس أمل واحد بعيشه لو رسالة تصل ..إلى
بيها أطمن عليكم وتنقذ الموقف شوية
من عتابى أظن عرفت إيه مكانتك فى فؤادى
أنت يا فجر المحبة تستحق شوقى وسهادى
أنت صورة ماضى أبيض ولوحة بتمثل بلادى
بس حرام تبخل علىَّ وتنسى ما ترسل هدية
حتى لو كلمة أحبك في خطاب مسرع إلى

عثمان محمد الحسن حتلوب
04-01-2008, 10:14 AM
ما نسيناك
ابو آمنة حامد
أحمد الجابري
------------
مانسيناك جاي تعمل إيه معانا بعد ما بدلتنا
وماسقيناك أحلي ما في عمرنا
من عواطف مالقيناك جاي تعمل أيه؟
الرهيف قلبو بعيش في شكه اكثر من يقينو
تستبيهو نظرة جارحة وتحترق بالحب سنينو
قلبو عايش في العيون الشاربة من حبو وحنينو
وناكرة حتي إنو إنسان يسعي لي قلبي يعينو
ماكفاهو العذاب الهو فيهو ليه تزيد الأمو اكتر
وليه عينو العمرها ماخانتك تبكي تسهر
وليه توشح فجرو بالأحزان بعد ماقلبو نور
اضحي جرح الفرقة في قلبو الحزين من حبو أكبر
قلبي غافر ليك ذنوبك سيبو بس تنشف جراحو
الحنين العايش لحبك بت تسخر من نواحو
سيبو مرة يغسل احزانو بالأمل يشرق صباحو
وكيف يطير لعشو عصفور منكسر مكسور جناحو

وليد الهادي
04-01-2008, 10:19 AM
اصلي من دنياك مهاجر لي مواني بعاد ضفافه
ذادي ريدك والا ماني رعشة الشوق والمسافه
******
ياما عز الشوق رحلنا لي مرافي ملانه إلفه
وعشنا ياوهج المشاعر بهجه عطرناها عفه
******
هسه يااشواقي جينا زي تقول مابينا عرفه
لما ارحل من عيونك بفضح الشوق سر شقايا
******
الف خاطر في الدواخل يحكي عن مشوار هوايا
إبقي مستنيك وصابر مستني ريده بلا نهايه

وليد الهادي
04-01-2008, 10:20 AM
ياروعه لو عز اللقا فرقنا ياحلوه القدر
دي الروعه قاسم مشترك مابين وجيهك والقمر
******
بيناتنا مشوار من وفا ومطبوع علي القلب الشفيف
انا شلتو ريدك يامناي داريتو في قلبي الرهيف
******
وفردت اشرعة الخيال لي دنيا ماطلاها زيف
ومشيت علي شط الهوي وصابر علي المد العنيف
******
وانتي الملاز لو غبت يوم اشواقي عنك بسالو
مانحنا والشوق والزمن جور الحبيب مابنحملو
******
عشان نعيد خيط الامل لازم جفاك نستحملو
ونرجع الماضي البعيد ومشوار هوانا نكملو

وليد الهادي
04-01-2008, 10:20 AM
عشت ياريدي المثالي
ياعطر فاح في سنيني جدد ايامي الخوالي
ماغريب إئسرني ريدك ابقي رسمك في خالي
لي عيونك والمحنه من زمان شديت رحالي
لابرح طيفك منامي لامعاو غيرت حالي
******
نفحه انت مع الزمن غالي فوق كل الغوالي
اودعك جوه الحنايا
قصدي اتوحد معاك تبقا في الانفاس معيا
******
غنوه في شكل احتفالي
كل ما عادتني سيرتك شوقي اصعد للاعالي
تبقي لقياك في الهواجس ونغمه في وتر انشغالي
واسالك ياسر حروفي انت كان مالك ومالي
خيط مشاعرك ليه غزل في الحرير احتل بالي