المساعد الشخصي الرقمي

مشاهدة النسخة كاملة : كلمــــــــات الأغاني


الصفحات : 1 2 [3]

ابوالنجوم
08-22-2008, 01:07 PM
الملام
لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام
تسلمي أختي يعطيك ألف عافية ياسلام عليك انا ياغرامي وصلت بيك في الدنيا لي حد الغرام........

خال هيثم
08-24-2008, 03:55 AM
حسنك بديع
خليفة الصادق

حسنك بديع معدوم مثالك ...
حير قلوبنا وصف جمالك ..
يا بهجة يا فرح الحزين ...
آمنت زيك ما بكون ..
خطوك نغم يوحي الأغاني ..
تتهادى زي الناس مكانك ..
عليك قليل كلمة جميل ..
وصفك تحتار فيه المعاني ...
حسنك بديع معدوم مثالك ...
حير قلوبنا وصف جمالك ...

يا بهجة يا فرح الحزين ...
آمنت زيك ما بكون ...
أجمل عيون فيك شفتها ...
عيون المها مابتشبها ...
مني الكلام بيضيع دوام ...
قدامك ألقاهو إنتهى ...
حسنك بديع معدوم مثالك ..
حير قلوبنا وصف جمالك ..
أمرك مطاع أبداً يا زينه ..
إنتي الجمال والناس علينا ..
بسمك سنا ولفظك غنى ..
كم بيهو يا سمحة إنتشينا ..
حسنك بديع معدوم مثالك ..
حير قلوبنا وصف جمالك

خال هيثم
08-24-2008, 03:57 AM
صابرين
محمد طه القدال

يا حزن الغنى ... صابرين ..
من بعد الضنى ... صابرين ..
على وعد المنى ... صابرين ..
برجاك يا وعد الحبيبة ..
بلقاك في الفرحة القريبة ..
بشراك يا أم الثنى ... صابرين ..
يا حزن الغنى ... صابرين ..
من بعد الضنى ... صابرين ..
على وعد المنى ... صابرين ..

لا ليل ولا حزن طايل ..
لا صد ولا دمع سايل ..
لا هم جاك يا أم نفايل ..
النيل فاض وإنحنا ..
نيلين وحزنك وحلمك أنا ..
فرعين شايلين جنى ... صابرين ..
ســـــــــــــلامات ..
عشرات حبابك ... سلامات ..
يسلم شبابك ... سلامات ..
شايل سحابك ... سلامات ..
القبلي شابك ... سلامات ..
وهواك هنا ... صابـــــــــرين ..
عاشقين ترابك ... سلامـــات ..
يا حزن الغنى … صابـــــــــرين ..

خال هيثم
08-24-2008, 04:00 AM
بطرى اللي آمال و غاية
و ما بتحمي المقدور وقاية يسلم نهجي من الرماية

سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح

فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح

دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح

ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري

خال هيثم
08-24-2008, 04:01 AM
الريده خوه



جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مُرُوَه

خوه ايه بتبكي سيدا و خوه بتسهر ليالي الاّ دي الخوه الجديده

و الكلام القلنا سوا بي دموع الشوق كتبتوا

و الزمن شن فينا سوا ؟؟

انت ما زولي العرفتو و الوداد

ما بدورلو قوه

و البفوز بي هواك بختو

جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مروه

خال هيثم
08-24-2008, 04:04 AM
المشكله

الروح تروح ما مشكلة ..

تزيد جروحى علي جروح ما مشكلة ..

ينسى الفراش عطر الربيع ما مشكلة ..

ينسى الوديع صوت الوديع ما مشكلة ..

الشاري لو فكر يبيع لو ضاعت الاعمار تضيع ما مشكلة ..

لاتبين شمس لايهل قمر ما مشكلة ..

يبقى السحاب من غير مطر ما مشكلة ..

يرموني في نص البحر تجيبو لي الناس خبر ما مشكلة ..

لو هز صمت الليل برق ما مشكلة ..

والقاش رحل خلا الشرق ما مشكلة ..

لو عمري بالشوق يحترق لو رحت ما جبت الفرق ما مشكلة ..

الدنيا تبقى بدون جليس ما مشكلة ..

تبقى الليالي بدون ونيس ما مشكلة ..

وتنسى ليلى حبيبا قيس ما مشكلة ..

وتنسى العروس اسم العريس ما مشكلة ..

المشكلة

ريدتك بقت هى المشكلة



ادينى حل للمشكلة ..!

خال هيثم
08-24-2008, 04:06 AM
أعذريني


أعذريني الدمعة ديّه...حتبقى آخر دمعة ليّه....
تاني لو قربت منك.....يبقى ليك الحق عليّ....

أعذريني محال أعاود....تاني ريدتك وأمشي ليها..
ولا أرحل في عيونك....والطفولة الضاجّة فيها....
كيف أريدك وانتي أصلك....ريدتي ما حسيتي بيها..
بالبعاد ما تعذبيني......أعذريني وأعذريني.....

ما قدرت مرة واحدة......بالغلط أغلط عليك.....
وانتي عمرك كلو ظالمة.....والدليل غفراني ليك...
عارفو قلبك ما معاي.....برضي شاغل قلبي بيك.....
بالحنان ما تعشميني......أعذريني وأعذريني.....

من زمان وأنا راجي منك....كلمة بيها تفرحيني.....
وانتي ما فرحت قلبي......كنت ديمة تجرحيني......
قسمة الزول ما بتفوتو....والبجيني معاك بجيني....
لو بكت منك عيوني......سامحيها وأعذريني

خال هيثم
08-24-2008, 04:08 AM
الشريف مبسوط منى

عشان انا بريد فنى

مشيت ليهو باحساسى وبى طبعى الاساسى

محتشمة ملتزمة خاته توبى فوق راسى


اللكزس هدية ما علاقة شخصية

انا عرضى حافظاهو وما بدور لى وصية

الليلة والليللة السافر يا حليلا

اللكزس الفين وسبعة موديلا


سودانا حافظاهو ما رميت مستواه

خليتو لى ناس نيجيريا اللقى هواهو

لقونى مافيشة قطعو قايلنى كيشة

مشيت بى دعوة خاصة ما اتخففته ريشة

خليت الحكومة فى قلوبنا مرسومة

انا من الناس حسودة والله مظلومة


هناى وهناية امسكو القناية

المارسيدس ولكزس وبكره الهمر جاية

الحين والماتو عرفو فنى وغلاتو

والغالى بى غلاتو فى نيجيريا بضوق حلاتو


وجيت مالكم سكتو يبستو واتبكمتو

وجيت لى وطنى تانى والعاقل يطلع شجرتو

الليلة والليلا اعصابكم يا حليلا

الروزرايس جاية الفين وتمانية موديله


هناى وهناية امسكو القناية

المارسيدس ولكزس وبكره الهمر جاية

غناية من جوه مليان اغانى قوة

سيد الغرام كوبانى وامجد حمزة خوه

اللكزس هدية ما علاقة شخصية


انا شرفى حافظاهو ما بدور لى وصية

اللكزس الفريدة وفى العربات بريده

مهما الناس يقولو ياها اجمل حقيقة

حسدونى المعاية فى روعة غناية

موهوبة من قمته ما بى حظ عمايا

نيجيريا يا حليلا وعقولكم يا حليلا

خال هيثم
08-24-2008, 04:10 AM
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
*******
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
******
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

خال هيثم
08-24-2008, 04:12 AM
والله يابا حرام
والله يابا حرام وريني ايه زنبي
عشان انت تقسي علي تطعني في قلبي
ومن غير قصد ياابوي تكتل كمان حبي
من حقني صدقني راح يسالك ربي
حرااااااااام حرااااااااااااااااااام
يايابا خليني اختار شريكي براي
شاورني من قبال يايابا تدي الراي
وصدقني تسعدني يا يابا فيي دنياي
وتكون صحيح يا ابوي بتريدو ليا هناي
حرااااااااااام حراااااااااااااام
يايابا لي قليب مرهف رقيق حساس
وانا عندي اغلي حبيب حبييتو بي اخلاص
وكيف يرضي ليك يا ابوي حبي الجميل ينداس
حرااااااااااااااااااااااااااام حرااااااااااااااام
حراااااااااااااااااام حرااااااااااااااام

خال هيثم
08-24-2008, 04:14 AM
بتقولي لا
بتقولي لا لقليب عليك يقطر حنان ويذوب وله
بتقولي لا ومتين مجيك ما اظنو لا لا بيحملا
بتقولي لا يابهجه ياغاليه ياست القلوب يامذهله
********
وحياه شبابك ذبت في عينيك حنان ومغازلا
سافرت في رحله مشاعر ملهمه ومتأملا
شفت الورود من وجنتيك غيرانه جات متوسله
حتى القمر غار من صفاك واصبح يردد في الصلاه
وجاك المساء يؤدي الفروض داعب شفايفك وغازلا
شال لون جميل من وجنتيك مسح خدودو وبللا
واصبح يلملم في النجوم ينظم عقود او يغزلا
طرز لجيدك بالحرير احلي العهود وبتقولي لا
************
انا بيك بدغدغ في القلوب يا حلوه احرف واشتلا
املاها رقه ودندنات وعناق حنان ومبادلا
انا بيك لو قلبك يحن عالم يجن من الوله
اهديك حنان ما اظنو كان في الدنيا او كانت صله
وازرع هواك بين النجوم روضة حنان وادللا
واحكيك لحون ياغاليه لا انسابت ولا عود غازلا
واخلي كل الكون يقول فنان يذوب في مذهله
بتقولي لا يالهفة المشتاق ويا طعم الحلا
وبتقولي لا........

خال هيثم
08-24-2008, 04:17 AM
أغنية ليه حياتنا اخترت غيرا
كلمات الشاعر حسن الزبير
غناء/ الرائع الطيب مدثر

ليه حياتنا اخترت غيرها
فيها أحلامنا وكلامنا
فيها حاجتنا الصغيرة
كيف تغطي الصورة صورة
ريدنا داك يا سيدي كلو يبقى ماضيك بالضرورة

ايه لقيت فيهو الجديد
ريدتو من حاجات بقولا
او ليك قرب اماني بينا ما قادر تطولا
هل قدر يكسر غرورك
هل هو في الاحلام بزورك
هل هو بالجد بيعرف لعبة الريد واصولا
هل صحيح راقي ومهندم
هل ببكي الريد عيونو
هل عرفتو ما بتندم
في الليالي القاسي طولا

الف مبروك يا مخير
انت بتبيع المشاعر
البصر دون البصائر
والاصل ما ببقى صورة

خال هيثم
08-24-2008, 04:21 AM
انت مافي

انت مافي اي حاجة بتبقى مافي ت مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

خال هيثم
08-24-2008, 04:23 AM
اسمعنا مره



اسمعنا مره اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره

ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا
انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر

نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

خال هيثم
08-25-2008, 01:20 AM
رسالة من الآخرة
الشاعر: علاء الدين أبو سير


ســــــــارة من الآخــــــــرة بكتـــــــــــب ليك تحية
من حبيب مات يوم فراقك الا نارك لســــــة حية
من جهنَّـــــــــم ليك بكتب رغــــــــــم آلامى العلى
أقلب الأحزان مباهج كان يخــــــــــف ألمك شوية
عارف إنى أنا فى قليبك وعـــارفو قلبك لسة لىَّ
وعارفو باب سكـــــــــــة فرحنا سدتو الإيد القوية
أهلك القايلين سعادتك تبقى فى العيشـــــة الثرية
شالو فرح الدنيا خلوك ثبكى بالدمعـــــــة السخية
رغم أفكارن بريدك ريدة ظـــــــــــاهرة ومو خفية
واختلاف الفكر عمرو ما فســــــــــــــد للود قضية
حالتى من غيرك تمحن عيشـــــة فى نار سرمدية
مافى زول أحكيلو حالى وإنتى مــاك عارفة العلى
سارة مابقدر ألومــــــــــــــــك إنتى ما اتلومتى فياَّ
والبزح فى الواطة قاعد ما بتطـــــول قدمو الثريا
سارة أمسحى سيل دموعك.. وعيشى لحظـاتك هنية
والفرح فد مرة قالوا عنــــــــدو فى أعمارنا جية
أوعى تحزنى يوم زفـــــــافك إنتى ما شبه الأسية
الاَّ أقدارك معــــــــــــاندة وإنتى ليها دوام ضحية
افتقدتك فى إحتضارى يوم أحاطـــــــت بى المنية
وقالوا فى الليل المضَّلم يفتقد قمــــــــــــر العشية
سارة طاريك ما نسيتك وكيفن أنســــــــاك يا بنية
كـــل يوم سهران وحاتك بين قوامــــــــك والمحيا
لو مرادى أقوم وأجيكى شان أوصيك كــم وصية
الا خايف تتفتق تنزف جروحا ً لســـــــــــة نية
سلمى لى على قليبـــــــــــك ومنى أقريهو التحية
وخلى يطرا البينا دايماً منِّو كان فضــــــــلت بقية
ســــــارة خاب فيك التمنى فى حياتــــــنا الدنيوية
وبرضو يبقى أقدارنا تسمح ونبقى فى الفردوس سويا

خال هيثم
08-25-2008, 01:22 AM
أفـتـقـدتــك / شعر الفاتح ابراهيم



يــا حـبـيـبـى أنـا افـتـقـــدتــك لـمـا طال الشوق علىَّ
انت عارف روحى غيــرك لا بتمـوت لا بتبقى حيه
يــا حـلـيــلـى أنـا كـنـتـا قايلك زى زمان مهتمى بيه
فى الـحــزن تـحــزن مـعـاى ويوم أغيب تسأل على
بـاخـتــصـــار انــا كـنـتـا قايـلك انت اقرب منى ليه
انــت اتــاريك بـى مشــاعــرك مـسـتـقر فوق الثريا
الصــــبــاح الـفــى عـيــونـك باعنى لى بحر الأسيه
سابـنـي بـيـــن شـطـآنوا هايم جارى لى عند العشيه
لانى قـادر اقـول كـفايه ولانى راضى أكون ضحيه
والمصـيــبــه أنـــا كـان جـنـيـت ولا بكيت هيه هيه
كل مصـيـبــتى هــويت عيونك فى زمن ظالم شويه
يكره الـحــب والـتـصــافـى يـعـــشـق الجفا والرزيه
الطيور وكــتــيـــن تـغــــنى الــزهـــور تصبح نديه
إلا عــاد كـيــفــن تـغـــنى وعــيـنها فى عين الحديه
افتقدتــك وانـت عـــارف زي يــعــشــق بــالسجــيه
مسـتــعــد مــا عـنــدو مانـع يهدي ليك الروح هديه
مـاب يــهـــادن مــابــيـــســـاوم ومـا ببيع أبد قضيه
لو تموت الـــدنيــــا فــوقـــوا يــرتـكـب مليون جنيه
افتقدتك يا منــايــــــــا يـــــا ســعـــــد روحى الشقيه
افتقدتك لما فاضت بى همومى والأمور لاجت عليه
افتقدتك يا صــبــاحى والظـــلام ضـــامى الـعــشـيه
افتقدتك يا نصــيــرى والـعـــزول عـاصـــب عينيه
افتقدتك الــف مـــره لــمـــا شـمـتــــو اصحـابى فيه
شفت كـيــف أنا افـتـقـــدتــك لـحــظـــة الألـم العتيه
انـتــــا مـــاك جايــب خبـيـري ماك مفكر تبقى جيه
حــتــى يـــوم لاقـيــت صـحـــابـك منك اتوقع تحيه
إلا وآخــيـــــــــبــة رجـــاى واحــــلال الحسره بىّ

خال هيثم
08-25-2008, 01:24 AM
الزمن

الشاعر علاء الدين أبو سير
الزمن مهما كان عنيد شكل أفعالو وصورا
برضو ننسى سواتو ونقول قسمة والله مقدرة
كل يوم يرولينا بى فن قصة مختلفة مغايرة
بحكى من أفعالو واحدة .. بس مثال ما داير أحصرا
عاش منعَّم بين والدين ريدتو فيهم متفجرة
شبَّ بين والد كان عطوف وبى حنان والدة مبطرا
أسرة غرتُو كل الحنان وليهو سقاية محدرة
ولفَّ دار دولاب الزمن والقدر يتّمْ ميسرة
مات أبوهو الكان حنين وليهو كان الضل والضرا
خلى لى أم ورثت الهم والنحيب ودموع ممطرة
خلى لى شابة اترملت زهرة يا دوبا منورة
لسة فى ريعان الشباب حلوة أمورة وآسرة
فلتة من عالمنا الضنين مستحيل تانى يكررا
قررت تتحزم تقيف جم وليدا تكونلو الضرا
وتنْسِى إنو فقد أبوهو وتبقى هى الراجل والمرة
رغم جو الهم والنكد مهدت لو طريقو وقرة
ورغم إنو زمانا غالى كان بتقعدلو مذاكِرة
كان بتحلم بى وليدا يبقى كان كبتن طائرة
والاّ يصبح باشمهندس والاّ يتخرج دكترة
والوليد أصبح كبيِّر وفاتا يا دابو العاشرة
والزمن غيَّر كل شى الا والدتو ما غيرا
زادا فى نظر الكل سماح وفى عيون النَّاس كبرا
مرة يوم الحلى جاطت وقالو إنو سعيد دايرا
كان سعيد راجلاً مهذّب يملك الجاه والسيطرة
قام طلب إيد أم الوليد ونِيْتُو صافية لبن طاهرة
دار يكون لها راجل أمين ويبقى والد لى ميسرة
حست إنو أماما إمتحان قاسى بين إتنين خيرا
ختت الشافع أماما ومغريات الكون بى ورا
بين وليدا الفارق كبير وبين قروش وحُلِى وأسورة
رفضت الفكرة وبى أدب رسلتو جواب معذرة
ورتو إنها داب وليدا وفى العرس ماها مفكرة
يوم سعيد نادى الشويفع رغَّبو وقال ليهو واغرى
جيب لى قلب أمك يا ولد ولينا طلباتك آمرة
كان طلبت الشى المستحيل يبقى ممكن شان خاطرة
كم فرح ميسرة وإنبسط ولى ديارن فرحان جرى
فتحت أمو أحضانا راجا شان تضمو يطيب خاطرا
وبين ضلوع أمو الحنينى غِّزَّ سكين لى آخره
وانتزع قلب أمو عجلان من محل ريدتو موكرة
وماتت الأم جم وليدا فوق دموم سالت طاهره
وشال قلب والدتو بين ايدى وزوَّد السرعة وكترا
ومن كتر سرعتو قام وقعد وما عرف حاجة وما درا
غير سمع قلب أمو ينضم وفيهو كم أنَّات عاصره
بى كلام أشبه بالبكا ومن حلق ساداهو عبره
يا جناي إن شاء الله طيب بى وقعتك متأثره
كان كلام قلب أمو تيار فى دواخل الوجدان سرى
رغم إنو يفيض محنة.. ضاق طعم كلماتو مُرّه
حسَّ إنو فعل جريمة مستحيل تلقى المغفرة
سلَّ سكين داير يموت وفى وسط ضلعو يوكرا
دار يموت كان يرضى الضمير أو يكون للزيو عبره
الاَّ تانى قليبا نادا .. رجِّع السكين لى ورا
ولا تكتل أمك مرتين .. يا جنايا كفايا مرة

خال هيثم
08-25-2008, 01:26 AM
الشاعر الحاج محمد سرالختم

وفاء
وفاء ليه بتردي المويه انت حرام عليكي تشيــلي
ماكان حقو تملي الباقة شان هي عليكي فاضية تقيـلي
انت الزيك ما بخدمو ضمه الا بس الظـــروف عزيلي
والضيف ان جاء للشايقية رابع يوم وقعت طويلي
وما برضاكي تمرقي بره بعض الناس نفســـو رزيلي
راجنــك تمرقي يشوفو كـيف ايد الله فيكي جميــلي
قالوا المويه من ايديك دوو يشفي الرويحتو عليلي
لوبلقالي منها شربة في السنــة مرة تشفي غليلي
عودك حكمة السواهو زودو فوق ندايدو خصيلي
ضيعو وســوه لي خــوفي ينعقد اوعي تنسي تميـلي
وحيلك كلو في عينيك والايد ما خلق لهاحيـلي
ايديك تتعــبه الهبابه والعين متعيباله قبيــــلي
جاتني امس العشيب لبيه تشكــي من الزعل تشكيـلي
قالت انت شلتي جمالنا خليتي لنا حاجه قليــــــلي
ليه يدوكي بي ماعونو شان زي ماك دايرة تكيلي
وعارفك من زمان يا عيني اصلك نا بتعوسي عديلي
تكشفي حالي للدايرنو ما برضيك شئ غير بهديلي
الشئ قبل لساني يقولو حالا دمعة دمعة تسيلي
لو ما انت شن وراني عينا ناعسه والا كحيلي

خال هيثم
08-25-2008, 01:28 AM
ما اظن

الشاعر محمد النصري


مـا تظــن انـا بـي وراك ابـقـي زي عـصـفـور كـســيــر
ما ظني ابقي بين صمتي وهواي طول زماني اسير اثير
اللي مـهــد لـيــك طـريــق لـســه قـلــبـك كــان كـبــــيـر
بكــره يـديــنـي الامــان ابـقـي فـي الـســمـــوات اطـيــر
ما اظني
الـطـــريـــــــق السـبـتـو لي وقـبـل مـــا نوصــل نهـايتو
تـقــدر الـخـطــوات تـواصـلـوا حـتـي لـو تـرجــع بدايتو
الهـــوى الشــايــلاه الـدواخـــل صاحي ما بتكمل روايتو
فــوق اعـــالــي الــــروح ترفرف بالاماني الحلوه رايتو
ما اظني
انـتــا لـو فـــاكــر الـمــشــاعـر تبكي يوم تغشـانا ذكري
الـحــظ الـمــشـــــدود وانـــــــــادي كـلـمـا اقـراك واقرا
الـقـــلـيـب الـضــو دربـــك وخـتـــه فـي جـــواك ذكـرى
بـكـــره يـــزرع ورده تــاني وحـــولـه تـكـبــر الف زهره
ما اظني
لا تـظـــــن بالــسـاهــل انـسـي وابـقــي زيـك سكة تاني
الـمـشــاعــر مـهـمـــا تـقــسي ومهـما من الـريـد نعاني
مــافـي زول بـيــن يــــــــوم وليله بـيـدفن الكانت اماني
إلا مــا بـفـضــل اشيــلك طــــول حــياتي وهــم واغاني
ما اظني

خال هيثم
08-25-2008, 01:31 AM
كان املي

أنا ليها كان أملي وأمانى حياتى فى الدارين
إلا ظـنونا والـعـزال محـو الحـلم الرعيتو سنين
شلت هـواهـو فى الأعـماق وفى قلبى العليها أمين
وفى أحلام ليالى الـغـربة وفى أنات غريب وحزين
وفى فجر الصبـاح الـباكى فـى أهـات يتيم مسكين
وفى أنفاس عـميرى الباقى فى قيم الضمير والدين
واسـترجـع مـعاها الذكرى واشكيلا الفراق والبين
وأحـدثا عـن مآسى الغربة واشواق الفؤاد والعين
واصنـاف العـذاب الـشـايفو والنار البقت نارين
وما كان حبى ليها خداع ولى غيرا الحنان واللين
وأبدا مـا عـشـقت خـلافا وما قلبى البشيل إتنين
ولا ســويــت مـشــاعرى شواطى للتايه من الوزين
ولا شـيدت للـريـد قـبـله بـيهـا ألملم الضالين
وحات البينا كـان عـامــر وحات الجوه لسه دفين
ما حـبـيـت مـعاهـا إنـسـان ولا جـبـت نوم شقين
ومـديـت صبــري فـى الأيام بدل واحد بقن صبرين
ده كلو عـشان أتم مـشوارى وارجع للعديل والزين
وزى ماكـان تـعـد أيـامـا تسـأل عن رجوعى متين
وتحلم بـالـعديل والـحـنه والعش البفوح ياسمين
وتبسم لى خـيال أحـلامــا بى قـلباً ملايـكى حنين
وتـرقــص بالـفـرح تـتـني تـتـمايل شمال ويمين
عليها أنا كان يطير قـلـبى زى عصـفور بلا جنحين
ويـنـزل فـى ديـارا يـغـنى يـتـمنى ويقول آمين
ويمسح من عيونا الدمعه مـن جـوفا وقـليبا أنين
وحتى الروح تسافـر ليـهــا والإحساس رفيق ومعين
شن فضل معاى فى الغربة غير جسدى وسهد العين
يساهرو مع الحبيبه النايمه والعهد الوثاقو متين
ويحلموا بالطبول والزفه والعقد اليباركوا الدين
ويعـملـو لـى تلاقى ارواحنا والفرح البزيل حزنين
ولـمـا وصـلـت قـبـل سـلامى كان الناس بتسأل وين
واتلـمّ الـشــتات فـى دارنا من كل الـقبايل هين
وابتدت الخلوق تـتـبـاري زى الـعادة فى التخمين
أريتـم عرفوا حالى البى واريتم كانوا بس عارفين
إنو هواها روح لى روحى وإنو قـلـوبـنا متعاهدين
وإنى أنـا ما بسـيـب إنسانة شالت ريدي سته سنين
وما بنـسـي البسيـمه الحلوه والسمح الكلامو رصين
والـذكـرى الصـداها بحـسـو فى أعماقى ليهو رنين
الا الـعادة مـا بتـتخلى لـلناس الـدوام فـارغين
لـفـوا الحلى بى أركـانا جـاطـوهـا وملوها طنين
قـالـو تحـت أخـتـرت حـلـوة مـن أجـمـل الحلوين
ليه صـدقـتى يا مـسـكـينه ناساً كان متين صادقين
واسـتعجلتى مـا أتـأكـدتى مـرقتى الكــلام الشين
وقلتى العود خلاص إنشـق والطـق سمعتـو الأضنين
وإنى أنا ما بسـاوى تـرابك السارت علي الكـرعين
وإنى من رموز الكـانوا دايـماً للـعهـود خـاينين
وخـميتي الـرمـاد وبـكـيتى وسيلتى الدموع نهرين
بدل ما تـمد أياديـك زهـرة شـربت من نزيف قلبين
وكـبـرت فـى رعــايـة الـريـدة طـالت طلعت فرعين
بـدل مـا تـقـولى سـلامـه لومـا قـلــتـى مشتاقين
أرهـفـتـى الـســمـع صـدقـتى للناس البجوك واشين
وصــاحـبتي الـبجـوك يـتسـلو ما فكرتى ليه جايين
ورسـلـتى الـعـزول بـرسـالـة حـادة واحد من سكين
وقلـتى خـلاص نهـيـتى البينا قلتى وقلتى لى آسفين
سـفـاينك ما بتلم فى ساحلى والشاطى الهجرتو سنين
وفـى لـحـظـة غـضب إخترتى فى لحظة عذاب وأنين
والـدرب الـصـبــرت عـشـانو فى آخرو اتفرق دربين
ما إنـتى الـبراك ابـحـرتى عـز الهيجة بين موجتين
وحاتك لى قلب مجـروح ومـحـروم من مُنى العاشقين
جـمال الدنيا يـا مغروره إلـفه وريـدة بين إتنين
تعالى نعـيـد سنيا الـضـايعه نرجع للعديل والزين
وأحسن ننسى كل الـفـات قـبـل ما يفوت عمرنا حزين
ومهما يقسى قلبـك إنـتـى ويـفـضـل فى عنادو سجين
بكره مصيرو لى يعـود ويرجـع تـانى لىّ يـلـين
لأنو الريده جمرة نار يعـيـش فى الجوف رمادا سنين

خال هيثم
08-25-2008, 01:55 AM
المواجع

لما نبكى من المواجع قلنا نرتاح فى بكانا
قولى كيف نرتاح ونحن نبكى من شدة هوانا
الليلة رحلة الأشواق بعيدة والشواطئ بعيد مكانه
حتى فى بر الأمانى السنين هدت قوانا
كنا نحلم بمداين فيها نرتاح من شقانا
قولى كيف نرتاح ونحن نبكي من شدة هوانا
القدر طاوع قلوبنا وخلى بحر الريد حدانا
ونحن ماصدقنا قمنا نشرب فوق روانا
دى المشاعر فينا فاضت غرقت فرحة صبانا
ما النعم مرات بتشقى والله بالريد إبتلانا
مرة طلت دارنا غيمة ونحن ياما الريد غشانا
شايلة فى الخاطر محنة جات تعيش الريد معانا
جات تصب فى الريدة ريدة لو قليل يبرد جوانا
كيف يا غيمة نرتاح ونحن غلبنا فى هوانا
ما غريبة على البريدو يلقوا فى الريده المهانة
ياما كتير أحبه غرقوا فى بحور الذل عشانا
فى الحقيقة الريدة مره ضقنا مرها فى غنانا
ماهو قيس بكى من هواهو مانحن برضوا الريد أذانا
يا زمن لو تصفى نصفى فى البوادى يعم صفانا
والعيون تصبح مرافئ فيها نرتاح من عنانا
رحلة الهم بينا طالت ملت التسيار خطانا
نعمل آيه ما نحن غلبنا فى هوانا

خال هيثم
08-25-2008, 01:58 AM
حبل الوصال
حاتم حسن الدابي

تاريهو ريدك كان كلو جور ونفاق
كذابه ضاحكه على يا ناكره للميثاق
وين جدول التحنان الكان بيروينا
الضحكة ليك عنوان يا حليل عناوينا
بدلتى كل الكان ماتت أمانينا
كانت هى فى الأحضان اليوم على الأعناق
ضاعت عهود الريده ليه تبقى كذابه
حلم العديل والزين اصبح حكم غابة
يا زهرة الياسمين ما عدتى خلابه
دهبن لقيتو لجين الحق على الصياغ
كان الضمير مرتاح من جور بنات حواء
قلب الهوى النباح لا حول لا قوة
سمكرتو و المفتاح ضيعتو فى هوة
لا قلتا لزول ضاع لا يوم فتحتا بلاغ
تاريهو جرح مابيبرى بى دكتور
كل التسوى الليد يتحملوا المجبور
جرحاً صبح تأبيد جوه القليب مهجور
تلت علي القيد زعزعنى فى الأعماق
التوبه يا قاسين لى تاني ما فى رجوع
واشكى العلى لى مين والبوح حرام ممنوع
اخفيهو تانى يبين عبرة وسروح ودموع
قالوا القلب والعين بحر الهوي اللداغ
اسف زمانى الضاع درب الرجوع قاسى
وانا تانى ما بنصاع لى لوعة احساسى
سر الدواخل زاع وانا زولى لى ناسى
قلب المحنة خداع إنشره فى الآفاق

خال هيثم
08-25-2008, 02:06 AM
إستحلفك بالريد

استحلفك بالريد .. أوعك تفارقني
لا تسيبني في الأحزان أبحر .. تغرقني
**
ياروحي مشغول بال .. محتار أنا ومحتار
ما بهون فراقك يوم .. ألم الفراق تاوار
**
يا المستحيل بٌعدك .. يا الحار فراقك .. حار
قلبي الحنين أصبح .. موطن هواكا .. و دار
**
دنيايا غير عينيك .. ليل مسدل الاستار
فيهو ألقى روحي ، بلاك ، مسجونة دون أسوار
**
وانت معاي أنغام داؤود .. بلا مزمار
تسكر حنايا الروح من كاس ندى الأزهار
**
استحلفك بالفيك .. وبالفيّ موقد نار
بي صرخة في الأعماق دار تفضح الأسرار
**
بي دم دموع عيني وبي دمعك المدرار
يرويك ويرويني ويخنق غنا الأوتار
**
بالإلفة حلفتك .. بالخوة .. حق الجار
أوعك تسيبني تفوت وترميني للأقدار
**
خايف عليك وعلي .. من جور زمن غدار
خايف من الأيام ودولابن الــدوار
**
لا .. لالا .. لا ترحل .. كوس للقعاد أعذار
دابن خطاي وخطاك في الريد بدوا المشوار

خال هيثم
08-25-2008, 02:08 AM
جن الريده

أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
خشت فجأة أميمة حياتو وصارت بينو وبينا محبة
قلبو إختارها عشان معروفة زولة حنينة وراقية وطيبة
دسو الريد في السر بيناتُن وخلّو حبيس دفين ومخبا
وكيف تنضارى متل أشواقن وليه زي ريدُن يوم يتخبأ
وبعد أعوام وصلتلو رسالة جواب مليان تقيل ومعبا
قبال ما يفتحو عرف الراسل باينة وظاهرة رسائل وهبة
أخوهو الليهو زمن متغرب تسعة سنين قضاهن غربه
مرسل ليهو تذاكر وفيزا دايرو يجيهو هناك في طيبه
طار في الأول أحمد فرحه كلم كل الناس والصحبه
لما إتذكر أميمة حبيبتو فجأة إنتابو شعور بالخيبه
لكن قرر إنو يسافر سرعة يعود ويتم الخطبه
لأنو الغربه طريقه قصير وفيها يهون تحقيق الرغبه
جاتو اميمة حزينة توادعو جاتو تجفف دمعو الكبه
جاتو توصي عشان ما يقوى لا ينساها هناك في الغربه
جاتو تطمنو إنو ح يفضل ريده الخالد مهما غبه
حافظه عهود الريدة البينُن ومهما كان ح يظلو أحبه
أهدتلو المصحف شان يرعاهو من العين والهم والكربه
لبّسه عهد الريد في جيده عقد ممهور بصورة الكعبه
قامو إتوادعو زين إتباكو فات خلاها وحيدة وخبا
سافر شال همو وأحزانو بعد أيام في المملكة غبا
لاقو الناس يا زول كيف حالك بالأحضان قام سالم وهبه
قالو نصاح ناس أمي وأبويا مشتاقين راجنلك أوبة
قالو أحمد: سافر يا وهبه غير جوَّك وروِّق حبه
أمك ياخي تلاهي عليك لاخالالا ضريح لاقبه
السودان مشتاقلك كلو ضفاف ورمال سواقي وتربه
وحتى النيل فرحان راجيك تجي وتنهل من مويتو العذبه
بعد أيام كان وهبه هناك بين أصحابو وأهلو وأحبه
في حضن أمو الطول منو في حيشانو الواسعة الرحبه
قالتلو أمو أخوانك كبرو وما فضلنا زول يتربه
بس فضلي أشوفو جديدك وكتين لسع حيه وطيبه
إختارولو بنيي سميحي تشع حيويه ورونق وهيبه
أديبه وراقيه وكلها عفه وبرضو أهل وقراب في الحسبه
يوم العرس الحي صباحي فرح مطبوق والناس منطربه
شاق الليل صوت كم زغروده وحس طنبور ودليبن ربه
إلا في واحده حزينه وباكيه سايله دموعا دوام منسكبه
الفي دموعا سؤال بيحير وفي آهاته أسرار محتجبه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لي بلد الغربه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بي لهفه ورغبه
شاف قدامو الما متوقع هم الكون فوق راسو إنصبه
شاف السلسل عهد الريده نفس السلسل وصورة الكعبه
شاف قدامو أميمه حبيبتو كانت قاسيه وقاضيه الضربه
شاف أحلامو تضيع قدامو بعد ما كانت منو قريبه
كانت لحظه تفيض بالدهشه شاف الدنيا كأنها تسبح
كورك أميمه...أميمه وصنقع صنقع ودنقر.. ودّر وغبى
وجن أحمد في نفس اللحظه وجن الريـد ما أظن يتخبا

خال هيثم
08-25-2008, 02:17 AM
التعيس
أنا مالـــى دون النــاس مســــــــوده أيـــــــــــــامي
لاضــو لــي نــــــــبراس فـــى ظلمـــــه أحلامـــــــي
ليـــه دون خـــلايق الله حظي التعيـــس مســــــود
يـوم الفـــــــــرح طـــــل مــــات قبـــل مــــــا يولــــد
فتحـــــــــت للأحـــــزان وســـــاعة الفــــرح غمـــــد
اتغتــــا بيـــهم أســــاي متوســــــــدة الامـــــــــــى
بـاب السعـد مقفــــــول مـــــا أتلقـــــــا المفتـــــــاح
مـــات الشعــــاع مكتول صبـــح السعــــد مــــــا لاح
لمتيــن معــاي يا غـــول يـــــا طـــــــــارد الأفـــــــراح
كل ما أتفتــح لـــي باب ألقــــــــاك قدامـــــــــــــي
صبحـــاً يشـــــع قـدام طولـــــــــــت أهــــــــــاتيبو
شـــايفاه فــي أحــلام عطرنــــي بــــــي طيبــــــو
يظـهر لـى فجـأة ظـلام جــــــــــــارات جلاليبــــــــو
يكشـحني بـــي أوهـام تحرمنــــــي نســــــــــامي
قدامــي كـــل النــــاس أفراحــــــها مــــــا ونـــــــت
عايشين سماح أحساس بيـــــهو الطيـــــــور غنــــــت
الكــــاس يلاقــي الكـاس ذي مــــــــــا هـي إتمنــــت
عنـــدي الأمــاني يبـــاس مــــــــات القبيــــل نـــــامي
كـل الخطــى الثابتــــات تتماشـــى لـــى قــــــــدام
وأنــا لـو حظيت خطـوات بيردهــــــــــــا الــــــــــهدام
البعــدي عـــدى وفـــات متوســـــــــد الأحــــــــلام
وأنــا مــالي ليــه راجعات طوالـــــــــــــى أقدامــــــــى

خال هيثم
08-25-2008, 02:19 AM
اصبر يا قلب

كيفن أصـــبر قليـــبى.. وكيفـــــــــن أعمــل حسابى
ما دام عشمى فى نظــــــرة .. والعندو النظرة مابى
بجرو غنايا أحكى ليكم .. تعالو أسمعـوا يا صحابى
حكــــاية الشافعى البريدا .. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ .. وحاتكــــــــم جنيت دابى
بقيت لمان ليها أفارق .. أفارق عقـــــــلى وصوابى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل.. خدودك زهر الروابى
تتعلق بين عيونا .. ورموشـــــــــــا البى فوقا كابى
قليبى يفارق ضــــــــلوعى .. يلاهى عليها ويشابى
بعيد مابيقــــــــــــدر يقاوم.. بريق البسمة السحابى
صديرن لما يتفـــــرَّ .. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو .. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

خال هيثم
08-25-2008, 02:21 AM
لو رجعت وايدني فاضي
يابا ما راح تبقي راضي
والبلد ما بتبقي راضي
ونفسي ماراح تبقي راضي
والنخيل الكان بشابي
يهش ينادي يصد يقبل مني غادي
والدروب الكان بتفتح ضفتين
احضانها نادي
عليها اه تسب خطايا
تكب ترابها علي قفايا
تقوم تعتر لي جوادي
والقلوب الكان بتفرح
تكشح الشوق في الايادي
جيتي ليها بلا ابتسامة
تبقي زي جيت الغمامة
للاراضي الغبشة فاضي
با نخل ياطين سلام
يا غلب في المغربية
لما تتزمر صبية والا حبوبةً قبيلك
باركة لي امي الشهادي
في التراب الراجي لي
تنقلب بي شد علي
وتنكسر قدر الولادي
يا غلب لو عدت فاضي
للغمت في ايدي موادع
او عصر حق الزوادي
يا بحر مابي الزيادي
يانخل ياطين سلام
ياضراع في التقله يكدح
يامدارس ياحدادي
ياغبش صر ياغلابة
يامقاطيعاً في وادي
وضالتن ضلت في وادي
وداي كفرن فيني شعوت
خيل قراطيسي ومدادي
من مداين غيمة دافق
نيل سلام يروي البوادي
او يبل ريق امي يمة
شوقي جاي اشواقي غادي
مشتهيكن نشتهيكن
في صهاري ايامي يلمع
في ضلاما يبق وشيكم
وفي خطاوي الناس بفتش
لو اصادف يوم مشيكم
وحد ما اعاين في عيونن
ما الاقي متل عيونكم
وغربل الالوان وحاتكم
ما لقيت يا يمة لونكم
ما انتو لونكم لون بلدنا
لون جناينا لون سماها
لون ترابا و لون نخيلا
لون قماريها وهديلا
وضفتينا الماسكا نيلا
وبينا هادر زي مسيره
انتو صوتكم صوت بلدنا
صوت تواريخا وضميرا
وصرختو الدواية العزيرة
وباقي زي نار الهجاير في حطب
غابة الظهيرة

خال هيثم
08-25-2008, 02:23 AM
المن الله واصل


إيه فى إيدنا غير ما نبكى .. نشكي البينـا حاصـل

تبكي إنتـى وأنــا اللإتبـكـى .. الـمـن الله واصــل

إيه فى إيدنا غير ما نبكى .. نشكي البينـا حاصـل

تعاتبيني وتهـيَّـج نــارى .. قـولـة مــاك مـواصـل

إنتى ما عارفة السبـب مـن أهلـك الباقيـن عـوازل

كاسو فراقنا بس دايرنى .. أحيا غريـب وهامـل

وأنا أرحم لىْ فـراق الدنيـا .. شان عينيهو ساهـل

أريتن عرفو روحى بلاكـى روضـاً زهـرو زابـل

ياخي من تلـقـاك تفـرهـد تـانـى .. زى الصـابـا وابــل

تلاقـى الفرحـة فـى عينيكـى .. للأشـواق تـغـازل

فوق جدول أمل يتجـارى .. يـروى الريـد مشاتـل

زى ما إنتـى تسألـى عنِّـى .. عنِّـك برضـو سائـل

وصورتك عايشة فى وجدانـى طالـع وبيهـا نـازل

ألقاك فـى الصبَّـاح وإشراقـو .. فـى نغـم البلابـل

فـى كلمـات كتبتهـا ليكـى .. تــب مــا قــالا قـايـل

تسـألـى بالبسيـمـة التـايـهـا .. كـيــف بالله عـامــل

أخاف حزنك وأخبى البى معاكى أضحك وأجامل

عمرى العشتو كلو وراكـى .. بـى أحزانـو حافـل

لـكـن الصـبـر يــا روحــى .. كــل الفيـهـا زايــل

لو بقدر أسيبك وأمشـى مـا أصبـح جسمـى ناحـل

ولا بـاريـتَّ درب الـريـد .. ودرب الـريـدة قـاتـل

ولا شقَّتْ مراكب آمالـى .. لججن غير سواحل

ولا أمسيتَّ أنادى دموعى .. والليل نجمـو راحـل

هـم دايريـن يفرقـو قليبـى .. شافـو عليكـى مـايـل

ومنـو الفيهـم يفـرق النسمـة .. مـن زهـر الخمـايـل

مهمـا أشقـى أضـوق المُـرَّة .. لـلأهـوال أقـابـل

أبداً يا كتاب حبى المقدس عندى مابيقراكـا جاهـل

خال هيثم
08-25-2008, 02:35 AM
حبي كان زادي

حـبـى أنــا لـيــك كـان زادى وكـان جوه الحنايا دفين

كـتّ بـضـــارى مـن الـنـاس وخايفه عليهو من العين

عـلـيــهــــو كــت بصــوم وافطر عليهو بكابد النارين

كـــت بـحــســب سنـيـن الغربة لما تعود تجينى متين

وكـــت بــــرجــاك فــوق الـنــار لما وكت لقانا يحين

نونس فــى بـراءة أطفال وفى الحب نروى ننهل زين

وكـلــمــا يــوم يـــزيـــد البـيــنا لـمـا بقينا قاب قوسين

اتارى أنا كت فيك مخـــدوعه وكم من زي مخدوعين

مــا قــايــلاك حـبــيـــب آلاف وقـلـبـــك قبله للضالين

ومــا قــايــلاك بتـنسي حبيب صبر راجيك سته سنين

وســاهـــر كـم لــيـــالــى طــوال يـتقلب شمال ويمين

كـيــفــن يـهــون عـليك تنساهو زولاً كان عليك حنين

وتـشــغــل بــالـك الأشــواق لــمــّن تـزبــــل الياسمين

كــت دايــراك بـسـمة عريضة فى وجه الزمان الشين

وكــت دايــراك سـاعة الحاجة تبقى ليّ دخرى خزين

كــت دايــراك مـقــنــع حـوبــه وكتين المضارى يبين

وكــت دايــراك فـارس احـلامى تـشاركنى ونتم الدين

وكــت دايــراك أمــل بـســام يــزيــل ألم البعاد والبين

كــت دايـــراك شـريـك الروح واخدمك حافية القدمين

وكــت بـحــلــم بك انت معاي مجرتق بالعديل والزين

جنـبـك فـى يــمــيـنــك قــاعــده نـسمع فى دقر يا عين

تـبــشـــر زيــن مــع الأصحــاب وتتشـبـل من الوزين

أنا الأبـحــرت راكــبه الموج اكيد مرسايا بين موجتين

وداعــاً يـا زمـن ظــالـــــم وبــالأفــــراح عـليّ ضنين

وداعــاً يـا قـــلــب قـــاســـي لا بـيــحـــــــن ولا بيلين

وداعــاً يـا ســراب خــداع محال ما بيروي عطشانين

وداعــاً يـا كــلام معـســول حــدو ومكـمـنـــو الشفتين

وداعــاً يـا سحـابـة صيــف شايلى مطر ضليلا رهين

تبـشــر بـى خـريف جايـيـنا ياما الناس رجوهو سنين

كل زولاً يـفـكــر فـيــهــا مـا مـعـــروفـة تـنــزل وين

وألف سلام عليك يا قلبي المـسـالم وديمه طبعو حنين

يتـاورو الـشــوق ويلعـب بيـهو تنحر فى حشا السكين

تـعــاودو الـذكــري تــنــتـر جوا حالو يحنن المسكين

أخــيــراً مــى لـيــك سلام وقبل ما تجف دموع العين

وقـبــال مـنــى مــا تـعـــدى وقــبــال الفـراق ما يحين

بخيت وسعيد عليك إن شاءالله يـبـقالـك عـمــار وبنين

وقـلـبى أنـــا خـلــى فـى أنـاتو بـعـدك ياما راجى أنين

ولو كــان يــا قـلــب حـبـيـت بـعـدو بعـد قسمت يمين

مـا يـنــتـــمّ لــيــك مــراد لا تضـوق لا حلو ولا زين

وتفضل طول حياتك تبكى طول عمرك تعيشو حزين

وعـمـرك مــا تجـيـك سـعــادة مـا تـتـهـنــا قـول آمين

وتـــانـى الحـب عليك حرمان ووعد الحر أمانه ودين

خال هيثم
06-05-2010, 12:03 AM
احساسي بيك
الفنان الطيب عبدالله



احساسي بيك لو عارفا

يا ست العيون ما بتسرحي

ما تزيدي نيراني العلي

قلبي الرهيف ما تجرحي

عينك سفر مشوار عذاب

ارهق خطايا واتعبا

لوضعيتا في سكة هواك

في الدنيا ناس الحب شقاها وغلبها

في الدنيا ناس الحب شقاها وعذبها

خلاها في ارض الوطن متغربة

عينيك بدور فيها السفر

بسرح مع عينيك كتير واتاملا

عينيك كون ينبوع شجون

لمن تتوه ما اجملها

كيفن يهون اقسا واخون

اجمل عيون واتجاهلا

وحيات عيونك انا ما بخونك

لا لا والف لا .......

خال هيثم
06-05-2010, 12:09 AM
كلمات اغنية : مسكينة المحبة
للشاعر :الصادق الياس

الفنان الطيب عبدالله




راح زمــان كــــان ليك مكانه
وكنت أقرب منى لى
وفــجــــأة أتــغــيـــــــرت
انــت ورحت تتكبر على
يا ماطال صــبــرى وهديتك
وقلت يوم حالك تسيبه
مانفع فـيـــك الــتــوســـل
انـت زول برخص حبيبه
وابـتــديـت افـكــر لعـمــرى
الـحـق الـفـضـل اجيبه
لو ضميرك راضى سيبنى
قلبى رضيان بى نصيبه
قبل مـا تـغـــيــر دروبــك
كـنــا بنمـاسيـك نصابحك
رحت ترخص بى مقامنا
يلا بيعنا وشوف مصالحك
ما بنعاكـســك فـى طـريــقـك
بالعذاب ما بنصارحك
بالعملته انـت فــيــــــــنـــــــــا
الله يـا ظالم يسامحك
كم سـهـــرت اللــيل شقاوة
وسرت ليك مشوار يفتر
لو بـيـنـفـــع أو بـيـــشــفـــع
شــوقى فى دربك يخدر
كــم غــلطـت وشـوقى
سـامح تانى يوم القاك مقصر
والله مـســكــيـنـه الـمــحــبه
تمشى لى ناس ما بتقدر

خال هيثم
06-05-2010, 12:10 AM
يا غالية يا نبع الحنان

يا غالية يا نبع الحنان
يا حبيبو يا ست الحسان
انا حبي ليك فاق الظنون
واخلاصي باين وباقي مع الزمان
خليني جنبك ياحبيبة
قلبي مات ماتقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
برضو اللي في دمي بيسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص اليك
دايرك تكوني شريكة لي
واكون معاك واخلص حبيب
يا غالية يا نبع الحنان
يا غالية يا ست الحسان

سمل الحلفاوى
06-24-2010, 08:22 AM
أنا يا طير ..أنا يا طير ..بشوفك
فرحااااااان ..فرحان وبتغني
حبيبك معاك ..وحبيبي غاب عني
أنا يا طير موله ..محزوناً لأني
وحيد حبيبي غايب
و آه يا طير ..وتاري علي مصايب
ومن أدهى الغرايب لي أقرب حبايب
صدو و بعدو مني
أنا يا طير حبيبي للآلام تركني
بتدلل علي وبالهجران هلكني
زعلاااااان..مني صدى..حبيب روحي
وبي رأيو استبدى
اتناسى المودة واعتاد التجني
يا ريت .. يا ريت
لو كنت زيك لو يجدي التمني
حبيبي يكون معايا
وفي الأشجار نقيل و بالأغصان نميل
وفي خفة جناحك وحرية صراحك
و في الأفنان نغني..

اغنية جميلة تسلم على البوست الجميل التوثيقى

ابوبكر محمد
07-22-2010, 12:13 PM
تحت فيحاء الخميلة كنا والأطيار تغني
ترقص الأطيار تمنى بيننا أوجه جميلة
***************
كلما العصفور يغرد
والنسيم يهفو ويبرد
تزدهى الأقمار تورد
واحدة صاحية
وواحدة وسنى
وواحدة فاترة فاتنة حسنه
فى غفلة الدهر أختلسنا
نحن بيناتن جلسنا
جلسة ما منظور مثيلها
**********
عندما أتلاقت عيوننا
تهنا
واتوافت ميولنا
وأنضوينا
بين أحضان الجنينة
فوق أعشابها الحنينة
من سلاف الحب رشفنا
أرتوينا
و قلنا :..
يا ساقينا لحظة أم كؤوس الراح
سقينا
ورحت تلعب بى
عقولنا
كلما قامتك تميل وترنو عيناك الكحيله
*********

الغيم أرسل سدوله
ونسيم شمبات يأرج
ويعرج من حقوله
جداول الموية كابه
ونسايم العزرى هابة
كل زول مفتون بى زوله
عيون لى عيون محاربة
وشفاه لشفاه مقاربة
وزى ما الناس يقولوا
خليهم يقولوا
حلات الجمعة يومها
وحلو شمبات مقيلها

مجدى الامام
08-16-2010, 09:15 PM
أبوى ان شاء الله لي تسلم
ابوي يالطيب الانسان
ويا دراق سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان
وزي الوادي فى الصحراء
تدل التائهه الطشه
وتبقى قداحه للضيفان
تعشى اللسه ما اتعشى
ابوى قادوس سواقى النيل
ونخلاتن تهش للدنيا شاربات
همبريب الليل
سديد رايك أبويا يا أب راي
ويالقلبك تملى معاي
ومهما اقول عليك من قول
ابوى ما بيوفي ليك غناي

ابوشروق
08-16-2010, 11:05 PM
أنا ما معيون

أزاى وداوى خدود وعيون
يا ناس .. أنا ما معيون
حليف آلأم وعَيونى عُيون
دائى عظيم ودواى مصيون

سامى بعيد عن الليون
وانا عقلى بقاله رقيب وعيون
أغنى عليها وأبدى فنون

أفوق الساجعة حنان وجنون
أأمل ليمها الما مظنون
وسيف هجرانها على مسنون

تجدنى مغيب وحولى شجون
كانى اسير فى جب مسجون
أملى بكل قماح معجون

موتى دنا وسببى العرجون
زينة زكية حراك وسكون
تامى جمالها الما ملكون

لو عبرنا صفاتها تكون
هى أول غانية تضوى الكون
عفاف وترف فوق القانون

دلال وسبات وهياب وحنون
فى فاهه الدر منظوم مكنون
ومدام ومسك وعسل مشنون

ناعمة جسيمها حرير ووهون
طبيعة بطيب الند مدهون
عزيز أرواحنا لذاك يهون

أملى اذا أًصبح مهيون
لمكلة جنوده خدود وعيون
لحاظة تخيف قايد المليون
وترهب عنتر ونابليون

ليها سلامى بعد ما يصون
عاشق حب قمر محصون
وبعد ما غنى الطير فى غصون
يبقالها سمير وسرير وحصون

محمد وهب الله
08-18-2010, 08:54 AM
ابداااااااااااااااااااااااع ومافي كلام

سارا عبدو
01-16-2011, 11:09 AM
من شدة الشوق العلي

من شدة الشوق العلي ما قدرت اكتب فيك حرف
من لهفة اللوعة في عيني يا روحي داير اعترف
الا الحروف تصعب علي لمن تزور عمق الولف
***
انا كنت حاسس بيكي في جواي قبل ما اعرفك
انا كنت داير احكي ليك عن البحس عن البدسو واوصفك
الا الكلام صعبان ما لاقي ليه حروف جديدة توصفك
***
انا لسة تايه في دروب حبك بناشد في مشاعرك عن لقا
واسبق خطاي شان اوصلك يمكن تعوضي لي ايام الشقا
يا اريت تكوني بحور حنان واجيب مشاعري بكل شوق واغرقا

دبليو آآر
01-21-2011, 02:16 AM
بسحروك./.خليل اسماعيل

في بنات الجيل بشوف حسنك فريد
فيك قوام زي الغصن وكتين يميد
والجمال الفاتن الفات الحدود
ربنا يغطيه من عين الحسود
والله خايف في مشيتك يسحروك
بسحروك يا السمحة لو شافو الخدود
ولا شافوا الأعين المكحوله سود

خوفي بس ياسمحه ماتصيبك عيون
بسحروك في البسمه لو شافو السنون
والسمار الباقي ليك ياحلوه لون
والدلال والروقه والنغمه الحنون
ياشبيه الحور بخاف مايسحروك
بسحروك يا السمحه لو شافو الخدود
ولا شافوا الاعين المكحوله سود

العجيب كل البنات منك تغير
شافن الجسم اللطيف زي الحرير
والغزال حاسدك عشان فيكي الضمير
والهلال من نور جبينك يستعير
بسحروك الناس عشان ما بشبهوك
بسحروك يا السمحة لو شافو الخدود
ولا شافوا الأعين المكحوله سود

ياسرفهمي
05-09-2011, 05:51 PM
:smilie20:

somia
01-18-2012, 11:34 PM
تندلقى حن
مرات جغاك بلا اذن
شن تلقى ان ماتت عيون اللهفة..؟!!
و الشوق داير يجن..
غنيتلهن لمن موهدب فزتبن
ختيتلهن رغم المخاوف امنهن
ناديتلهن فهمنى شى
و شابتلهن اضحك و ارن
و انا اقسى كيف..؟؟
ما يانى فيهن و منهن...

الصادق عبدالله ضرار
01-22-2012, 11:39 PM
خوف الوجع ... محمود عبدالعزيز

منـــك طلع خوف الوجع
سيبك بلاش ماتبقي خوف
ابقــــي الصمود ماتبقي زيف
ابقـــي احتمال نبض الحروف
ماتبقي خوف ابقـــي الصمود
،،
منك بدت خطوات مسير عمري المعطر بغناك
فرح السنين اعتز بيك شـــان انتي فال ونبيل هواه
دفقك بحر سيل الخريــــــف زاخات تهش منك سنة
يالضحكه فـــي الزمن الوجيع عمري البريدك وفي رجاك
ماتبقي خوف ابقـــي الصمود
،،
ابقي المباهج والضريــح خلينا في ضـل نستريح
نعبر مدن اعمق خيال نتغنــي باللهج الصريــــح
السمحة الجاية ومــافي خوف الجاية من كل الظروف
مرسومه في لوحــــــة جمال مرتاحه في قلبي الجريح
ماتبقي خوف ابقـــي الصمود
،،
انسي احتمال طولـــت مجيك عاودينا في أجمل فجر
يالقادله في توب العفاف بي هيبه خايله عليك تجــر
راجين عيـــونك لو تبين في روعة مشوارك عصر
بي لهفه نفرح وليـــك نقيف لمن خيال طيفك يمر
مـــاتـبــقـــي خـــــــوف

سمل الحلفاوى
03-25-2012, 05:08 PM
http://www.youtube.com/watch?v=wonbE7XTlh4

نوار
11-02-2012, 12:28 PM
كلها جميله والله دى دليل قوى على روعة شعرنا السودانى .. أجهل حب شباب اليوم للاغانى الغربيه والعربيه .. لا أقول خلوها بس شوفو كلمات أغانينا دى وإتمعنوها أكيد ح تعجبكم.. دمتى رفاعه مدينتى الغاليه

maya
11-17-2012, 03:31 PM
ليه حياتنا اخترت غيره
فيها احلامنا وكلامنا فيها حاحاتنا الصغيرة
كيف تغطي الصورة صوره
و ريدنا داك يا سيدي كلو ابقي ماضيك بالضرورة
ايه لقيت فيهو الجديد
ريتو من حاجات بقوله
و لا ليك قرب اماني بينا ما قادر تطولة
هل قدر اسبر غرورك
هل هو فى الاحلام بزورك
ولا هو البجد بيعرف لعبة الريدة و اصوله
هل صحيح راغي و منهدم
هل ببكي الريد عيونو
هل عرفتو ما بتندم
في الليالي القاسي طوله
الف مبروك يا مخير
انت بتبيع المشاعر
مالبصر دون البصائر و الاصل ما ببقى صورة

maya
11-17-2012, 03:34 PM
على صفق العنب اسمين
كتبناهم بدمع العين
ومرت بينا غيمة فرقة
واتفارقنا مجبورين
ولما رجعنا من غربتنا
فرحانين مع العايدين
لقينا الريح محت ذكرى
بكينا على ضياع اسمين
كتبنا الاسامي زمان
واشهدي يا ضفاف النيل
طفولتنا القضيناها
زغاريد فرحة شاقة الليل
سنينا تضوي بالآمال
وكل العشنا زاهي جميل
ماشين في دروب الريد
نغني والأماسي تشيل
جاتنا الفرقة زايرة ديارنا
في ليلة اللي ما بتندار
مدت ايدا شالت زهرة
كانت ضاوية ساحة الدار
خلت بيتنا لا ضو شمعة
لا حس فرحة لا نوار
سواقينا الحنينة بكت
على الريد الولفنا صغار
كبرنا الليلة جينا نشوف
حكاية حزينة لي قلبين
كنا رسمناهم على صفق العنب اسمين
قايلين نلقى ماضي الذكرى
فوقنا يلالي زي نجمين
لقينا الريح محا الذكرى وبكينا على ضياع اسمين
وبكينا على ضياع اسمين

maya
11-17-2012, 03:36 PM
دعوه المظلوم بتوصل وانت ظلمك ما بفيدك
كيف يهون الريد عليك تظلم البريدك
كنت زي النسمه اول كنت ياما حنين علي
كان حنانك من حناني كان وسادتك ضي عنيا
يوم مشيت خليتني رحتا بعن ايامي الهنيه
الظلم يا نور عيوني ما جديد في الدنيا دي
الجديد في الدنيا انك تبقي ظالمني وبريدك
كنت وانت معاي بتحلف انو شكل الدنيا تاني
فجأه جات القسوة منك زودت قسوه زماني
تاني ما تقول لي زمنا هو اللي ظالم هو اللي جاني
الزمن مظلوم معانا في الدقايق والثواني
وانت ياريت يا وحيدي تطري يوم دمعه حبيبك
انت ما بتحمل تفارق كيف تكون الفرقه لمحه
كنا حلوين يا حبيبي الزمن ايامو سمحه
السماحه اللي في عيونك كنت بيها بنوم واصحي واي فرحه بدونك انت عمري ما حسيتا فرحه غايتو صابر لليالي تحن في يوم تعيدك وانت ظلمك ما بفيدك

maya
11-17-2012, 03:42 PM
يا سر مكتوم في جوف أصداف …
فتشت عليك بقليب نزاف أبحرت ليك بلا مجداف
لا خبير يهدي ولا دليل وصاف يا سر مكتوم في جوف أصداف
راجياها الريح وكتين ما تطل على موجه تمرجح زهرة فل تشيلها تروح والدنيا تنوح على قمراً مات في مطر الليل يتم نجمات بكاها السيل
يا عمر مرسوم في كف أقدار ياخطايا الطال بيها المشوار محسوب ليك تمشي براك خطى الأحزان
مكتوب ليك آه ودمعة شوق ظمأن
مرسوم ليك سهر العاشقين وليك سهران
ياسر مكتوم في جوف أصداف الريح القاسية عنيدة تمام طفت القنديل الكان مقدوح من دمع الليل
رمت القنديل الكان نديان في جوف النيل
رسمت أحزان وسؤال حيران في عيون أيتام
يا سر مكتوم في جوف أصداف

نوار
11-17-2012, 08:17 PM
جاي تفتش الماضي خلاص الماضي ولي زمان
وجفت مقلتي الباكيه ونامت من سنين احزان

######
ارجع للزمن مره واتزكر حكايتي معاك
تلاقي القصه جد مره وهل راعيت شعوري معاك
وكل ما تزيدني في هجرك اقول ليك زيدني ما احلاك
لا نفع التشفع ليك ولاهجراني ما هماك
######
وتجي تترجي بينا ميعادعاد اسامحك انسي اغفر ليك
تجفف دمعتو الغاليه واسامحك ماعشان عينيك
عشان تتعلم الغفران وتصفح لو زمن جار بيك
وحاول لو قدرت كمان تقدر رقة الحابيك
#######
وعزة نفسي مابيه علي اسلم قلبي ليك تاني
سنين الهجر بيناتنا وحاجات تانيه حامياني
ولو رجع الحنين عاود وليك من تاني وداني
ولو مكتوب علي احب احب انسان يكون تاني

عفراء عمسيب
10-30-2013, 07:31 PM
معذور لو قلبي اشتهاك
ما إنت عارف فرقتك ما بيحملا القلب الهواك …
معذور…
دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني ألحق بيك سريع نتلاقى والأشواق هناك
جاييك هارب من سنين جاييك واقع في حواك
غلبو النواح يوم فُرقتك بالدهشة خانس إتعبر
ما بين نوازع الروح إليك هايم وبين حُكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر
ما كان هو فاهم يومو داك إيه ضحكة البرق اللصف
ولا كان هو شايف للهموم الجاية واقفات ليهو صف
ولا كان هو حاسس بالغرام الباني في الغيم إتنسف
لقى نفسو فجأة بلا وجيع مفجوع ومفقوع بالأسف
يا ريتو كان وقف الزمان قبال تروح صدَّ ورجع
ما كان غشانا الحزن يوم لا فُرقة بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صِبح يومها التزور مُره ووجع
معذور