المساعد الشخصي الرقمي

مشاهدة النسخة كاملة : كلمــــــــات الأغاني


الصفحات : 1 [2] 3

وليد الهادي
04-01-2008, 09:22 AM
تعتزر لي لازمو ايه الاعتزار
انتي القمر واحساس نبيل
انتي الفرح وشعور جميل
انتي كل الاقتدار
ماتندمي
******
ياما قبلك ندمن كم بنات
ماتحزني
عيشي بكره واهجري الزمن اللي فات
راجيك انا وبي طال الانتظار
انا في رجاك صامد صميد
******
وحاضن هواك ضاميو شديد
******
راجيك انا برجاك هنا
برجاكي لو يوم او سنه
وليك احسو الانتصار
ماتندمي ماتحزني
اصلو الحصل تكرارو مر
******
حرام اضيع كل العمر
اصلو الي فات انسيو خلاص
بي ريدنا بنلاقي الخلاص
لابد نعيش في عش وريف
واكون طريقنا الاخضرار

وليد الهادي
04-01-2008, 09:23 AM
ماكنت بفتكر السنين ذي اي زول بتغيرك
انت القبيل املت فيك قلبي الرهيف اتخير ك
راجيك ياحلمي الجميل تفرح معاي متصورك
******
عملت كل المستحيل رغم الظروف ماافقدك
ورحلت لي اخر البلاد شان اشقي والقي واسعدك
صورتك في خاطري عليك دوام وانا اصلو عمري اتعودك
******
جاييكي سايقني الحنين نتمنا تجمعنا البلد
فردت لي شوقي الشراع افراحي ليك ماليها حد
تلقاني لسع في رجاك حبي يادوبو اتولد

وليد الهادي
04-01-2008, 09:24 AM
ماترحلي خليك معاي
لو ترحلي بزيد اساي
خليك هنا جنبي وحداي
******
اتصبري وحاتقدري وعشمك هواي
بس فكري وراح تعرفي انك جواي
انو الزمن رغم المحن زاب غناي
******
عشت الشجن لمن بكن عينيك معاي
اتمهلي وشيلي الامل
اتحملي انسي الحصل
******
بهديك صباي
اتزكري وعشان هواك هاتفرحي
وهاتقدري ويتم مناي

وليد الهادي
04-01-2008, 09:24 AM
يانسايم الفرحه هبي رددي الشوق ياشوادي
قولي للقيمه المسافره قبل ترحل تمشي قادي
نحنا مشتاقين وحاتك لي ملاك بي طبعو هادي
******
روعة الريد يانسايم لما تتلاقي الايادي
العيون تتشابي بسمه تحمل الريد البشابي
نزرع البهجه في قلوبنا في خديده ويامنادي
******
يانسايم يلا امشي انتي عارفه براك عنادي
روحي للشال نوم عيوني احكي ليهو بي سهادي
قولي للزول البريدك في رجاك لسع بنادي
******
اصلي خايف الشوق اطول ماخلاص كملت زادي
يوم افارق نور عيونك والدموع تصبح مدادي
احكي للنجمات عزابي والفراق في عيوني بادي

وليد الهادي
04-01-2008, 09:25 AM
يازمان الفرقه روح ياجراح الحرقه ابري
بالعذاب العشتو طول بالصبر كملت صبري
******
يازمن ماتزيد عذابي ارحم القلب المعني
بدل الدمعه ابتسامه والجحيم خليهو جنه
******
خلي ريدك اطل ديارنا سوي في قلبك محنه
الحبيب الشلتا ريدو قلبي ليهو اشتاق وحنه
******
يازمن ماتبقي قاسي تجرح احساسنا المسالي
نحنا عنوان للاحبه فيها عهد الريد غالي
******
خلي من فرحك مصيرنا اسعد ايامنا الخوالي
الحبيب العشت ريدو سيرتو بين الروح وبالي

وليد الهادي
04-01-2008, 09:26 AM
انت مازولي البعرفو الملك بالطيبه قلبي
حتي كان اسرني ظرفو
والغرام معناهو واحد مابيخفي عليك وصفو
******
والحنان بالروح مجاوز عمرو ماتجاوزنا حرفو
ديمه نخلص في المشاعر كل احساس ليهو حرفو
هو البيمنحنا السعاده هو البيملي علينا ظرفو
******
نحنا مهما اجور زمانا مافي زولا لينا بجفو
او نلاقي عزيز علينا زي كاننا مابنعرفو
انت فتا براك مكانك في القليب الكنت الفو
******
سبتو في غمرة حماسو ببني فيك اماني عشو
وفجأه دون اسباب رحلت رحت تغدر بيو تغشو
كنت ماصادق في حسك والخجل تتواري خلفو
******
اقسي مافي الدنيا قلبي ابقي ظلما يلقي حتفو
زي غرق في الريح نسيبو قشه فوق الموجه يطفو
برضو اغفر ليك اسامحك اسأل الله عليك لطفو

عثمان محمد الحسن حتلوب
04-01-2008, 09:34 AM
الكاشف :

*** اسمر جميل ***
أسمر جميل عاجبني لونه .. وكحل سواد الليل عيونه
................................................
عالي النخيل ما ضقنا تمره ..اسمر جميل ما حن عمره
جسمي العليل استحلى جمره .. شرع الغرام طايع لامره
..........................................
أسمر جميل بادي الوسامة ..زانت جمال خده ابتسامة
فوق الخدود عاجباني الشامة .. من العيون الله السلامة
.................................................
اسمر جميل فتان بريده .. كل الخلوق تتمنى ريده
فن الدلال ياناس بجيده .. عقد القلوب منظوم في جيده

عثمان محمد الحسن حتلوب
04-01-2008, 09:36 AM
*** وداعا روضتي الغناء ***

وداعاً روضتي الغنّاء .. وداعاّ معبدي القدسي
..........................................
طويت الماضي في قلبي .. وعشت على صدى الزكرى

وهذا الدمع قد ينبي .. بظلم المهجة الحيرى

لماذا الهجر يا حبي .. لماذا الهجر يا حبي ؟

لماذا دهرنا ضنّى .. وشبع روحي باليأس ؟

وداعاً روضتي الغنّاء .. وداعاّ معبدي القدسي
.................................................. ....
نسيتي الماضي ياليلى .. وماضي الحب والطهر

ليالي نقطع الليل .. بحلو النجوى والشعر

نسيتي ليلى إذ كنا .. نفدي النفس بالنفس

وداعاً روضتي الغنّاء .. وداعاّ معبدي القدسي
.................................................. ..
أظل أردد الشكوى .. على ما نلت من وجد

حبيب الروح لا أقوى .. على حمل الهوى وحدي

ولما لم أجد سلوى .. ولما لم أجد سلوى

كسرت ابريقي والدنا .. وسكبت على الثرى كأسي

وداعاً جنتي الغنّاء .. وداعاّ معبدي القدسي

عثمان محمد الحسن حتلوب
04-01-2008, 09:36 AM
*** انا افريقي انا سوداني ***


أنا أفريقي أنا سوداني

أرض الخير ( سوداني ) مكاني

بلد النور والعزة مكاني

أرض جدودي جباههم عالية

مواكب ما بتتراجع تاني

اقيف قدامها واقول للدنيا انا سوداني

................................................

أنا بلدي .. بلد الخير والطيبة

ارضه خزاين .. فيها جناين

نجومه عيون بالخير بتعاين

قمره بيضوي ما بغيب ابدا دايما باين

نوره بيضوي ليالي حبيبة

عليها بغني واقول للدنيا انا سوداني

...............................................

شمسك طلعت وأشرق نورها بقت شمسين

شمس العزة ونورها الاكبر

هلت شامخة زي تاريخي قوية وراسخة

ملت الدنيا وخيرنا بيكبر

شمس ايماني باوطاني

ده الخلاني اقول للدنيا أنا سوداني

عثمان محمد الحسن حتلوب
04-01-2008, 09:37 AM
*** ياصغير ***

يا صغير .. يا محيرني ومتحير

أنا عمري غرامك أنت .. وغرامك عمره قصير

*****************************
الريدة جديدة عليك .. بتبين في كلام عينيك

والشوق فضاح يا حبيبي .. أنا خايف يلعب بيكا

******************************
سبحان الخلقك زينة .. خلاك تتعالى علينا

تتباعد ليه ياظالم .. زي ما حبيت حبينا

******************************
يا الزينة وعاجبك زيك .. مين في الأحباب مين زيك

يا البدر العالي الغالي .. ياالزينة وباهي في حيك

عثمان محمد الحسن حتلوب
04-01-2008, 09:38 AM
*** انت عارف انا بحبك ***
أنتا عارف انا بحبك وبحلفيك ولا ماك عارف بالمرة
انت صارف عني مدة وانا خايف تتحدى
طمنى تعال نبدأ التآلف والتعارف والمودة
يا حبيبى من فضلك طاوعنى جاملنى
لا تخالف واحدة مرة
أنا شايف المحاسن الطرائف فى صمتك فى كلامك
فى عيونك فى إبتسامك فى خدودك فى قوامك
انت جالس انت ماشي انت واقف
انت نائم صغير غرير الطرف حالم ماك عارف
انا طرفى جفا المنام آلف الحب والهيام
مع الجمال بالعواطف فى غرامك استمرا
متين أصادف رضاك على وعلى توالف
هواى مناى حياتى حبك المسرة
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
احس بعظمة وشان كبير أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة حبيبى مرة .

عثمان محمد الحسن حتلوب
04-01-2008, 09:38 AM
*** حيرة ***


حيرته افكاري معاك انت
انت وين يا سيدي

اخذ الرياض لطفك ا سيدي
و النسمه ن ذرفك يا روحي
اسكرني طيب نفسك يا سيدي

يا فتنه يا مغري
يا باسم الزهير
يا طلعت الفجر
يا دنيا من زهري
انت وين يا سيدي

يا الخمر في لونك يا سيدي
ساحرني بعيونك يا روحي
كل شائ جميل دوك يا بدري

يا فتنه يا مغري
يا باسم الزهري
يا طلعت الفجر
يا دنيا من زهري
انت وين يا سيدي

كل الشمس في علياك يا سيدي
سامي و جهرني ضياك يا احبي
اسكرني طيب رياك يا سحري

يا نوري يا ناري
بهماك و ما داري
ناسيني ليك طاري
و ساكن قريب جاري
انت وين يا سيدي

حيرته افكاري معاك انت
انت وين يا سيدي

عثمان محمد الحسن حتلوب
04-01-2008, 09:39 AM
*** حيرة ***


حيرته افكاري معاك انت
انت وين يا سيدي

اخذ الرياض لطفك ا سيدي
و النسمه ن ذرفك يا روحي
اسكرني طيب نفسك يا سيدي

يا فتنه يا مغري
يا باسم الزهير
يا طلعت الفجر
يا دنيا من زهري
انت وين يا سيدي

يا الخمر في لونك يا سيدي
ساحرني بعيونك يا روحي
كل شائ جميل دوك يا بدري

*** فتنة ***


لى حق اذا اتهمتا
فؤادى عندك انت
ياحبيبى انا بيك انفتنتا


حبيب الروح سلمتا
انا بي لو علمتا
انا الامين وافى
وليك ودادى صافى
ياملهمى القوافى
ولكل معنى وافى
زى بسمة الازاهر
فى نظرى ابتسمتا
زي نقشة الخوات
م فى قلبى اترسمتا
ياحبيبى انا بيك افتتنتا


اقوليك اذا سمحتا
انا شايفك
حبيبى شايفك
انا شايفك تبهرج
كل ما ليك لمحتا
كضوء الفجر لحتا
كزهر الروضه فحتا
وزى اغصانا محتا
ياحلو المناظر
و ياساحر النواظر
ان نظروك فرحتا
و بلنذرات جرحتا
يا حبيبى انا بيك انفتنتا

بدر الحسن انتا
وبين الناس عرفتا
ان وصفوا المحاسن
بس معاهن وصفتا
انا بعيونى شفتا
وصادق ان حلفتا
من تاثير عيونك
خديتنى ورجفتا
ومن تاثير عيونى على خديك فقتا
انا انا انا نارى
انا ناري نارى يا تومي

عثمان محمد الحسن حتلوب
04-01-2008, 09:40 AM
*** فتنة ***


لى حق اذا اتهمتا
فؤادى عندك انت
ياحبيبى انا بيك انفتنتا


حبيب الروح سلمتا
انا بي لو علمتا
انا الامين وافى
وليك ودادى صافى
ياملهمى القوافى
ولكل معنى وافى
زى بسمة الازاهر
فى نظرى ابتسمتا
زي نقشة الخوات
م فى قلبى اترسمتا
ياحبيبى انا بيك افتتنتا


اقوليك اذا سمحتا
انا شايفك
حبيبى شايفك
انا شايفك تبهرج
كل ما ليك لمحتا
كضوء الفجر لحتا
كزهر الروضه فحتا
وزى اغصانا محتا
ياحلو المناظر
و ياساحر النواظر
ان نظروك فرحتا
و بلنذرات جرحتا
يا حبيبى انا بيك انفتنتا

بدر الحسن انتا
وبين الناس عرفتا
ان وصفوا المحاسن
بس معاهن وصفتا
انا بعيونى شفتا
وصادق ان حلفتا
من تاثير عيونك
خديتنى ورجفتا
ومن تاثير عيونى على خديك فقتا
انا انا انا نارى
انا ناري نارى يا تومي

عثمان محمد الحسن حتلوب
04-01-2008, 09:41 AM
*** عيوني وعيونك ***



عيوني و عيونك
اسباب لوعتي

اسباب تشوقي نذرتك
و اسباب نفورك نذرتي

هواي يعجز فكرتك
و جمالك يعجز فكرتي

قي الصد تزيد في خبرتك
و في الحب ازيد في خبرتي

دائمآ اراعي لذرتك
هل مره فهته بذكرتي

انت الذي اتعبتني
و انت الذي فيك راحتي

لو آن هلاكي و لي دنيت
احيا و تحل بي فرحتي

كم استغذته و كم شكيت
كم رددت آهاتي
كم ضوه فل افق صده صيحتي

جيوش اشتاقي
هزمتي زادت انتي

يا روحي يا راحي

يا نوري يا ناري يا
يا جنتي

بهوه الهلاك في هواك
ليتخذ العواذر سنتي

يا نوري يا ناري يا
يا جنتي

عثمان محمد الحسن حتلوب
04-01-2008, 09:41 AM
*** الفؤاد المسلوب ***

سالب فؤادي
و ما عليك
و انا في جحيم
مستاف اليك

يا من احبك و اصطفيك
انا لي روح مفتونه بيك

هل مره بين بمنزرك
و اسحر لكل من ينذرك
يا اسما غايات الوجود
كل الخلوق تتشابه ليك

كل الجمال وهبوه ليك
و جعلو السحر في مغلتيك

خلقوك آيه من الجمال
خفه و رشاقه و طيب خصال

يا من بحبك اكتفيت
مفتون هواك
والجرحوني سهام عينيك

اتمنا همس البين اديك
و تسالني عن اعجابي بيك

تلقاني مخلص في هواك
لم اوهب الحب لسواك

يا نور حياتي و دنيتي
ذلموي بلقالوه ليك

ذلموني بلقالوه ليك
ا حبيبي بل قالوه ليك

عثمان محمد الحسن حتلوب
04-01-2008, 09:42 AM
*** انا ياطير ***

أنا يا طير
أنا ياطير بشوفك

فرحان وبتغني
وحبيبك معاك
وحبيبي
غاب عني

أنا ياطير موله
محزون لاني
وحيد
حبيبي غايب

و آه يا طير
و تاني علي مصايب
من ادهى الغرايب
لي اجمل حبايب
صدوا
وراحو مني

أنا ياطير حبيبي
للآلام تركني
وبدلل عليّ
وبالهجران هلكني

زعلان مني صد
وبرايه استبد
اتناسى المودة
واعتاد التجني

ياري
كنت زيك
لو يجدي التمني
حبيبي يكون
معاي

وفي الاشجار نقيل
وبالاغصان نميل
بخفة جناحك
وحرية سراحك

في الافنان
نغني

انا يا طير
انا يا طير بشوفك

عثمان محمد الحسن حتلوب
04-01-2008, 09:43 AM
*** الشال منام عيني ***


الشال منام عيني
و فؤادي جارحه
إنشاء الله يلاقيني
و بهواي أصارحه
نتقابل الإثنين
و أشكي ليه مر البين
لعل قلبه يلين
يعطف على المجروح
و الروح تناجي الروح
و العين تشوف العين
و الأيد تصافحه
أقول يا حبيبي
متين يبقى تقريبي
متين تبقى حاسي بي
ليك بالموده أبوح
بين الرياض و الدوح
جالسين و متآنسين
و أنا و أب عيون ناعسين
في الحب أفاتحه
نقيف في شاطي النيل
يعطف علي و يميل
و أقول له إنت جميل
يا بدر نور و لوح
يا زهر عطر فوح
و لا إنت إسمك مين
قال في إبتسام ياسمين
عبقت روايحه

عثمان محمد الحسن حتلوب
04-01-2008, 09:43 AM
*** انا مابقطف زهورك ***


أنا ما بقطف زهورك
بعاين بعيوني
يا الغصن الفي نهورك
و يا البدر الفي خدودك
مترقب ظهورك
أتأمل في محاسنك
و أتمتع بمناظرك
و أتوسع في فنوني
لعب بي دورك
و أصبحت مسحورك
و عرفت أوزانك
و عزفت ألحانك
أهات تواليني
لازلت مأسورك
و ما قادر أزورك
ملأ العيون نورك
كشف الظلام بسمك
و أتجلى لي رسمك
شخصك ملأ عيوني
أضناني تأثيرك
و ما بشكي لي غيرك
أعياني تفسيرك
يا الرمز الحيرني
و هواك صيرني
أتحدى العزلوني
يا الغالي موهوبك
يا الراقي اسلوبك
الناس يآنسوبك
يا العالي تعليمك
أنا من مظالميك
إيه ذنبي وريني

عثمان محمد الحسن حتلوب
04-01-2008, 09:44 AM
*** باسم الحب ***


حـيـاتى ومـعـاها الـعـطف الـجزيل
بـإسـم الـحـب أقــدم لـيك حـياتى

عـليك يا حب تحياتى عليك أوقفت غاياتى
لـحبى أضـحى بحياتى أحب الحب وأيامه
وذكـرياته وأحـلامه ومـا يوحيه إلهامه

حـياة الـحب أسميها السعادة بكل معانيها
أقـيم ليلاى أغنيها روح يا لليل تعال يا ليل
أحـب فـى كل أوقاتى ألاقى حبيبى يوماتى
أقـول ليه ويقول لى العهود بيناتنا iiمرعية
أقـول لـيه تـعال لى نجلس جلسة غزلية

أمـتع فـيك عـيني أشوفك وأنسى ألامي
وأقول حققت أحلامي على تميل وعليك أميل
فـيك أمـعنت نظراتى وجدتك كل مسراتى
وأفـراحي وملذاتي أحبك وأنسى فيك ذاتي
حبيبي أراعى تقديسك ويرتاح قلبي لحديثك
حديثك يشفى العليل والله يا السامي الجليل
الـحب الـصادق قـليل البشبه حبي النبيل
فـبـدون جـمـيل أهــوى الـجـميل

عثمان محمد الحسن حتلوب
04-01-2008, 09:46 AM
عقد الجلاد


جمال النيل والخرطوم باليل

ياراضعة من نيلين حضنوك من ازمان

يا قبلة الزائرين يادرة السودان

ضمخ شذى الياسمين والورد والريحان

عشاق سمر باليل سحرم جمال النيل

اجمل ليالي هنا لما القمر يظهر

والونسة تبقي غنا والغنوة تتنقل

وتفوت علي امدرمان وهناك تكون اجمل
لوبس تطول ياليل وتزيد جمال النيل

عثمان محمد الحسن حتلوب
04-01-2008, 09:48 AM
اشعار : جمال عبد الرحيم

الحان : طارق جويلي

من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر والاغتراب والدردرة

كان الزمان لسة رضى

والناس ظروفها مقدرة

وانا في القطار اصغر صبي

امال تفيض متفجرة

لما القطار صفر وقف

بهرتني صورة عطبرة

دي محطة الوطن الكبير كانت تضج متحضرة

ونزلت ماشي على الرصيف

اغبش هدومي مغبرة

الهجرة من زمناً قديم زي ساقية فينا مدورة..

عائلة ابوي عبد الرحيم من حلفا جات متهجرة

اديلة او والله رن فجلي

بلد نفاي اموقا كجلي نورين موقو

كن جواب كفاي

دقيتني نفص كورين لوجي

نفس القطارات والسكك

يوم مقبلة ويوم مدبرة

كان عمري 12 سنة

شايل التقيلة مبكرة

رحال بدون زاد لا متاع

كان لي كتاب ومفكرة

لميت شتات بعض الحروف

وقرايتي تبدو مكسرة

من قمت من بيتنا ومشيت

بطاقتي صورة مصغرة

شايل معاي شنطة صفيح حزمة هموم

ولدا متين بقي للسفر والاغتراب والدردرة

عثمان محمد الحسن حتلوب
04-01-2008, 09:48 AM
الأهلــــــــــية

كلمات:محمد ود الرضى

الحان: فاطمه بت بابكر

بسم الله ابتديت متل البرق لاحت

فى الشين والفسل بقينا نتباحت

طال الكان قصير والعالى اتاحت

والصولات حليلن ملكتن راحت

*******************************

مالك يا زمان شبعتنا هولا

لبست الناس تيابا حاشا مى هولا

يات من كان يجي دماعو مبهوله

ولله راحت بقت البواجهولا

*******************************

مالك يا زمان شبعتنا وح ووحيح

صح الدون كضب

كضب العوالى صحيح

يات من كان انا جعلتو لى صليح

عقرب حزّه لى ويا نفسي زين ومليح

*******************************

فى احوال الزمن صار الفكر حاير

والياباك خلو عندو شن داير

فوق اهل الفكر كاس الوحيح داير

نفد سوق النفاق سوق السمح باير

******************************

تب الشباب ان بقا كواس

تب الصبى ان قطع المروة خلاص

تب الشايب ان بقى وسواس

تب الاقربين الاتفاتتو الامغاص

عثمان محمد الحسن حتلوب
04-01-2008, 09:49 AM
الطمباره والغناى

محمد طه القدال


نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

عثمان محمد الحسن حتلوب
04-01-2008, 09:58 AM
الطمباره والغناى

محمد طه القدال


نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

عثمان محمد الحسن حتلوب
04-01-2008, 09:59 AM
عيناك
اشعار : احمد محمد الغالي
الحان : عثمان النو
عيناك لى سقيا وحلاوة اللقيا
ان غابت الاصحاب وتركت مقهورا
عار بلا انخاب
اتلصص السقيا من فارغ الاكواب
عيناك
قلبي عليك يمور يا قارب البلور
من لحنك المكسور
الكف صار عليل
لا يرسم اللوحات ولا يحمل الازميل
ان غابت الاصحاب
وتركت مقهورا عارا بلا انخاب
اتلصص السقيا من فارغ الاكواب
عيناك ......
عيناك ........

عثمان محمد الحسن حتلوب
04-01-2008, 10:00 AM
صوت استحاله
------------------------
المناظر هي ذاتها
والصور نفس المشاهد
الشوارع والبيوت
الاماكن والمقـاعد
والزمان ثابت مكانو
والرقم اللسه واحــد
وحشة الليل البهيم
ولمة الناس الحدانا
قصة الشوق القديم
بدموعها وبي حنانــا
قصة الولد اليتيم
ونفس صوت الاسطوانه
بكره مقتول
جاي مشلول في الدواخل
فجر كذاب
طل من خلف المراحـل
وباب قصاد باب
يتفحتو بالفرح المقابــل
دنيا تتغير
ودنيا ادمنت عشق الثوابت
صوت ينادي الاستحاله
والحقيقه صوتها خافــت
جرح ينزف وقلب دام
ولسه صامت ولسه ساكـت

عثمان محمد الحسن حتلوب
04-01-2008, 10:02 AM
كل مانقول خلصنا الليل

يطلع باكر ليلا" أطــول

كل مانقول كملنا الشيل

تطلع شيلة باكر أتقل

بس نتحمل ونصبر ونأمل

انو الجاى صباحا" أجمل

لكــــــــــــــن كيـــــــــف

وطعم الريد في جوانا اتحول

مرة تشيلك فــــــوق الفوق

مرات تملاك فاقه وضيق

تلقى الدنيا تلم في هموما

تفتح جرحك وأنت تضو ق

تنسى تقول مامنها مـــــنى

دايما بحلم وانأ ممحـــــوق

قلنا كنير الشارع بقصــــر

لما نصــــبر نحنا نــكــون

لما الزول في يوم يتعـــتر

بكـــره القاسو الشافو يهون

وبكره بنمشي ألخطوه الأولي

التانيه التالته

الرابعة الخامسة

فــــــــــجــــــــــــــــــــــأة

نلقي الشارع قسي وأتحجر

نلقي الحلم الفينا أتكـــــــسر

ويبــــــــقى الـــــــــــــزول

مسجون مجــــــنون مغبون

بالــــــــــــهم مسكـــــــون

منحوس ويكوس ويـــكوس

هسه دا شارع ماشى لي وين

لينه عليه سنين وسنين

نمشى كأننا ما ماشين نفتح

سكه نسد اتنين

هوى يا شارع ماشى لي وين

عثمان محمد الحسن حتلوب
04-01-2008, 10:04 AM
حاجه امنه


حاجه امنه اتصبرى عارف الوجع في الجوف شديد

عارفك كمان ما بتقدرى

جاهلك شكى وجاهلك بكي

في بيتك المرق اتكي والشي البحير وما بحير

مابيه ياحاجه الزكاة

طلع الصباح لو ليك مراد ياحاجه ما تطلع شمس والليله عندك زى امس

لسه الرويدى مع الصباح يا حاجه ماجاب ليك خبر كان جوفو زى جوف العيال

من مده داير ليه حجر والله على الزمن الحجر المابي بالصبر اتكرى

ومشيتي لي برج الحمام برجك صفيحتين ما بزيد ومشيتي لي برج الحمام كان تلقي

ليك جوزاً جديد يمكن بعد طلع الصباح يغشاكي زولاً يشترى

هبشتي جاى فتشتي جاى كان تلقي سكر بس محال باقى الرطيل الفي الكرت

ياحاجه سفوه العيال ياحليل زمان وسنين زمان ياحاجه لو تتذكرى

وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب

ياحاجه ناس المويه جوك.. اصلو الشهر روح جرى

بعد صراع وصراع طويل ياحاجه بينك والمحال مالقيتي في داك النهار

شيتا يجو و ياكلو العيال حبة عدس مابسوى شي وينو البصل وينو اللحم

حبة عجين مابسوى شي وينو الدقيق وينو الفحم من جاى لجاى فتشتي

جاى هبشتي جاى لازمك كتير تتقدرى ويا حاجه امنه اتصبري

عثمان محمد الحسن حتلوب
04-01-2008, 10:05 AM
شين ودشن



شين ودشن

حر سيافى شين

شين ودشن كلمةمافى شين

وهظاروا خشن

بسموم وسوافى

تسال شن الحبة الفيهو

الحب في ذاتو مبرر كافي

ماشين ودشن حار سيافى شين

عشان بقعة خراب

مافيها شجر

راويها سراب واطاطا حجر

حصحاصا يولع في الرمضاء

الحب سلطان مسلط نافى

لغيروا مرض لكن شافي

الشعب الحر الفعلو بسر

آب لحما مر

في الزنقة أم لوم قدام ميلين

البسمع فيهم يا أبو مروة

بي فرارة ينط من جوة

يبادر ليك من غير تأخير

دا اخو الواقفة يتعشى الضيف

الحافظ ديمة حقوق الغير

سيد الماعون السالي السيف

الهدمو مترب وقلبو نظيف

لا تسالنى عن حب وطني الفقران وغنى

عثمان محمد الحسن حتلوب
04-01-2008, 10:06 AM
مشاوير المحبة
كلمات الشاعرعماد الدين إبراهيم
-----------------
يا مشاوير المحبة
الكلمة تقلت
والخطيــــــــوات الندية
الغيمة الشالت...دمعة مرة
غــــــــرَ قت أناتا أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مخافة وانزوت في عمق أعماقنا الخفية

يا مشاوير ضيعيني
جدِدي الذاد للمشاوير الشقية
توهي النور و بدِديهو
خلي إظلامك يغيب
كل لحظة فرحة فيا
تبكي إحساسي الحنـيِــــــــن
فتِريـني و دردِريـــني
وأصلي ليك أنا ماني هيِــــــن
كل نهاية تكون بداية
كل وجعة تفرهد الإحساس جوايا
وابقى عايش للعُوينات الوفية
وابقى عايش عمري للصادقيـــن هدية

عثمان محمد الحسن حتلوب
04-01-2008, 10:06 AM
باب السنط
---------------------
ود باب السنط والدكة والنفاج
والحوش الوسيع للساكنين افواج
واللمة التى ربت جنا المحتاج
والنار الدغش
والريكة جنب الصاج
والسكسك المنضوم
حول الجبينة نجوم
والفنجرية تقوم
تقهوج الحجاج
طق طرق يا بن
القهوه كيف ومزاج
طق طرق يا بن
خلي النعدل الراس
ونحصل الترماى

عثمان محمد الحسن حتلوب
04-01-2008, 10:07 AM
حصار
--------------
أقول باٍختصار لأنك كأنك هموم الحصار
أهو بعدت عنك فاٍيه يعني صار
أحبك تصور بكل الحواس
لأنك كأنك براك ٍانت ناس
مشاعلك يضون بما لا يقاس
ويخبن تجاهي ويصيبن نعاس
احبك حمائم لاجل السلام
فوق الغمائم تحلق دوام
وما ألقى منك برغم الهيام
سوى طيف وعودك كلام في كلام
أحبك تصور برغم الحواجز
برغم الأماني الوساع العواجز
اريدك تصور وأفتح نوافذ
يجي الفجر باكر منور وناجز

عثمان محمد الحسن حتلوب
04-01-2008, 10:08 AM
ساجور
--------------
ساجور ما اٍنفكّ فى رحم الغيب ما اٍنفكّ
ما باح الغيم بي سر الضيم والناس نضيم فى الفارغة
ساجور ما اٍنفكّ سؤال فى القمر الخنق فى الحلة
ما اٍندق صفيح
ما اٍنشدّ بليلة
بليلة وفال
ما اٍتغنى مديح
وما فكّ ضفايرك للريح
والناس بتصيح فى الفارغة

عثمان محمد الحسن حتلوب
04-01-2008, 10:08 AM
اٍنتظار
--------------
ياالله هـــوي
تعب اللسان
من الشكيه
و في ألحكي
مسجون برأي
محشور برأي
وسط الشوارع
وفي المدن
مستني زول ما عارفو مين
مستني ريد ما أظن يجي

عثمان محمد الحسن حتلوب
04-01-2008, 10:09 AM
كل الخير
--------------
لأنك عندى كل الخير
وجيهك فرحة الدنيا
ودواخلك زى شعاع النور
عرفتك وكنت زى شفتك
قبل ألقاك
وزى اٍنك بتنبعي من فرح جواى
وتمسحي عن رؤاى الضيم
وتضحكي للزمان الجاى
وتتفجر مسامك ضي
مع الصبح الغشانا شوى
كأني معاك كائن حي
كأنو صفاك كأنو الحل
أفارقك والعمر عندك
زهيراة غشاها الطل
وأحاسيسك بتتكمل
غنيواتك بتتبارك مع
الأيام وتتجمل
أفارقك والزمان أجمل عشان
تشعل ملامحي ضياك كل مانجيمه
تتحول
وشان تفضل ملامحك فيّ زى ماكنت في الاول

وليد الهادي
04-01-2008, 10:10 AM
كلمات: حسين بازرعة

غرد الفجر فهيا ياحبيبي
واستهام النور في الروض الرطيب
.............
وبغاث الزهر فوح مستطير
ونسيم الروص عطر وعبير
والدنا حب تناهي وشهور
.............
فإلام الصد
وعلام الوعد
والجفا والبعد
............
وفؤاد الصب يشدو كالغريب
غرد الفجر فهيا ياحبيبي
..............
أوتنسي قبلت يكفك لما
لامست جبهتي الحري ولما
هدهدت في مسرح الآلام هما
...........
إنها نوري
غب ديجوري
مهد تبشيري
........
وهي في الدنيا غنائي ونجيبي
غرد الفجر فهيا ياحبيبي
........
مهجتي تزداد في الحب اتقادا
عجبا لاترتضي منه ابتعادا
كفراش يبتغي النار مهادا
..........
يالويل الصب
وعذاب الحب
وإبتئاس القلب
..............
ياأماني يا أنيسي في دروبي
غرد الفجر فهيا ياحبيبي

عثمان محمد الحسن حتلوب
04-01-2008, 10:10 AM
فاجأنى النهار
----------
فاجأنى النهار
وأنا ماشى بيناتا
أتساقط باقي حنين
لسه عيونك ياها عيونك
تكسر باب الدم السرى
وتجرى تنعس عشب القلب
وتبكى سماهو فراش
يا ناعس بين الخلوه وريحة الصندل
فلت الطين
النيل قصاها ضفيرتو
وشراها رماد
وفجا حنين
يسرى الحلم الموجوع
لابطلع وقت اللقياء
ولا بهجرنى جواي ضلوع
يا مولود مظلوم في رئتك
ميز ريحة المطره او اٍتخيل بيناتنا رزاز
انا حلفت بنات الشجر
الماطر ماتنزل صفقه
تعرى صفير الريح
يلقى غناهو صرصار
الليل الماكر
همست شجره لتانى شعاع رباني
شاقي الحله
يدخل صرة شافع
ويطلع ايقاع نوبه
اٍحنا حفايه في بلدك اٍتلفتت فوق كتفينا
ود العين ندى وطار
عصفور نبت فينى الريش
صفقت جريت فرحان
ما تغطيني إنا عرقان من وهجي الفينى

عثمان محمد الحسن حتلوب
04-01-2008, 10:10 AM
مناجاة
--------------

يا شبـــــــيهَ البدرِ حُسناً و ضِـــياءاً ومِثالا
يا شبيـــــــهَ الغُصنِ نيلاً وقواماً واعـتِدالا
أنتَ مثلُ الوردِ لوناً و نسيماً ودلالا
طيفُك يا حبيبنا زارنا حتى إذا ما سرنا بالكُربِ زالا

وليد الهادي
04-01-2008, 10:11 AM
كلمات : على محمود

شاغل فكري مالك
يا المفرد في عصرك
ويا الكامل جمالك
شاغل فكري مالك
ومشغول بي دلالك
وماهماك سهادي
وتوليهي وبعادي
حاذر ولا تنافر
ولا عاذل وشالك
****
حجبوك يا مناي
وحسدوني وجفوني
وأغروك بالدعاية
أنا حافظ عهودك
وصابر في أذاي
أنا آمل تجامل
بي عين الرعاية
وترتاح الأعادي
ولي يتم وصالك
****
ليك يا حبيب أصرح
أقبل اعتذاري
ولو في الدهر مرة
فكر في مزاري
تعرف ما ألاقي
ومقدار اشتياقي
ونفرح بي التلاقي
وعلى مر الليالي
يبقى هوانا باقي
وعلي أكون في بالك

عثمان محمد الحسن حتلوب
04-01-2008, 10:11 AM
يا ليلي
--------------
يا ليلي ليلك جن
معشوقك اوه وأنّ
أم مرحى فوق جبلنا
أصلو الاكسير معدنا
الشرب بالكوب والدنه
وكل الغشاهو تهنا
وبعد الارض سهلنا
سقنا وتيرابا شتلنا
تربالنا سامر وغنا
صاح بالجلاله ورنا
مطر الفيوض ما ونا
نبعن سيوف الجنة
توريقنا دور ودنا
وعلج رقابو تحنى
خدموهو اللبسو شرايتو
وكل زول فرش سرايتو
عدد السبعين مضرايتو
صوبروهو غزو رايتو

وليد الهادي
04-01-2008, 10:11 AM
كلمات : قرشي محمد حسن


عندما تقفو الأزاهر في الربى

والنسيم الحلو يهفو رطبا

والندامى يسكبون العنبا

يرشفون الكأس حببا حببا

أذكري صبا صريعا مستهاما

لم تعد كأساته إلا حطاما

يا سقاة الراح عن خمري سلاما

أصرفوا الكاسات عني والمدامى

خمرتي في الحب كرم قد تسامى

عجزت عن عصرها أيدي الندامى

خمرتي في الحب أجفان الظبا

يا لقلبي من تباريح الصبا

وليد الهادي
04-01-2008, 10:12 AM
حبيبي جفا فؤادي

قلبي ليه ينادي

آه هب النسيم يا ظبية

حامل عبير لي

آه لو تعرف البي

ذكراك تثير أشجاني

آه الحب عرفت شقاه

بقيت أسير دنياه

هو الهجرني براه

من غير سبب جافاني

آه الليل يطول لأذاي

بين الأنين وبكاي

لحن الألم في غناي

الشوق يزيد نيراني

آه الجاهلة شبه الصيدة

لون الزهور في خديدة

رغبة هناي في ريدها

الحب كوا وجداني

عثمان محمد الحسن حتلوب
04-01-2008, 10:12 AM
الخرطوم
----------------
يا جمال النيل والخرطوم باليل
ياراضعة من نيلين حضنوك من أزمان
يا قبلة الزائرين يادرة السودان
ضمخ شذى الياسمين والورد والريحان
عشاق سمر باليل سحرم جمال النيل
أجمل ليالي هنا لما القمر يظهر
والونسة تبقي غنا والغنوة تتنقل
وتفوت علي امدرمان وهناك تكون اجمل
لوبس تطول ياليل وتزيد جمال النيل

وليد الهادي
04-01-2008, 10:13 AM
كلمات/حسين بازرعه

أنا والنجم والمساء
ضمنا الوجد والحنين
حف في كأسنا الرجاء
وبكت فرحة السنين
آه يا شاطئ الغد
أين في الليل مقعدي
أين بالله موعدي
*****
يا خطاها على الربا
عطر أنفاسها صبا
تحمل الشوق والصبا
أنا عادني الهم والضنا
انا والنجم والمساء
*****
في الدجى شاق مسمعي
صوتها الملهم النغيم
في الهوى هاج مدمعي
حبها الخالد الأليم
كلما لاح بارق
من محياها خافق
خلدت لحن شهرتي
ألهبت ليل وحدتي
بالأسى والصبابة
****
يا ربا البحر أشهدي
هاهنا كان موعدي
وهنا كان مقعدي
أنا والنجم والمساء

وليد الهادي
04-01-2008, 10:14 AM
كلمات/قرشي محمد حسن

يا حبيبي أقبل الليل علينا
وضفاف النيل قد أصغت علينا
وحباب الكأس ذابت في يدينا
وارتشفناها تباعا فارتوينا
يا حبيبي قلت لي
في اللقاء الأول
بين همس السنبل
وخرير الجدول
في المساء المقبل
سوف تلقاني ولكن ما ألتقينا
أقبل الليل وصمت الليل طالا
وضياء البدر في الأفق تلألأ
والربى أصغت حوالينا الظلالا
ثم ذاب الموج في الشط وسالا
قلت والكأس لديكا
ويدي في خصلتيكا
هاتها من وجنتيكا
وأسقني من كفتيكا
خمرة منها أرتوينا
يوم عدنا وألتقينا

وليد الهادي
04-01-2008, 10:14 AM
الله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
****
تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
*****
تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا

وليد الهادي
04-01-2008, 10:15 AM
كلمات/حسين بازرعه

يا ليالي المصير قولي لخلنا

أوراق الخريف سارت حولنا

يا ليالي الرجاء عودي علنا

إن لاح الضياء يبدو ظلنا

في عرض السما وفي دنيا المنى

يا ليالي الأمل قولي لخلنا

البدر اكتمل والدنيا سنا

لا الجرح اندمل لا عطفك دنا

هناك إنت وأنا هاهنا

يا ليالي المنى هل ما فات عاد

هل أحبابنا علي عهد الوداد

هل إنت وأنا كلنا في السهاد

سواء كلنا

وليد الهادي
04-01-2008, 10:16 AM
صدقيني وحياة غرامنا.. ما كذبت عليك في حبي
صدقيني ابدا ولا حولت عنك مرة....... قلبي
وانت في دنياي امالي واهلي ...... كل صحبي

كل زهرة ندية يانعه .. اءنت رياهاوعبيرها
كل فرحة في فؤادي .. اءنت لحظاتها المثيرة
كل لحظة عمقت في قلبي حبك واحترامك يا اميرة
كفكفت من عيني دمعات الليالي وقسوةالايام وجورها
من بعيد .. من بعيد تكفيني منك .. لفته او طيف ابتسامة
نظرة تفضح سر عيونك فيها نجواها وكلامها
فيها من معني المحبة رقتها وخيرها وسلامها
فيها ما يغنيني طول ايامي عن سور الندامة
كل من جهل الحقيقة .. سالني عن سرك معايا
لكني خايف .. لو ادل الناس عليك يا اغلي غاية
كل واحد في خيالو بكرة يتخيل حكاية
وانت ابعد ما تكوني عن الاقاويل والوشاية

وليد الهادي
04-01-2008, 10:17 AM
تميل خطواتى نشوانا
تعانق دربك الاخضر
وحات الوعه والاهات
يا مشوار ماتقصر

على دربك زرعت الحب
جمـــــــــــــال و كمــــال
ريــــــــــــــــاض وزهـــــور
غزلت صبابه العشاق
امـــــــانى تزيد
صبـــــاح وعـطور
شلت الهفه والاشواق
هيام وســــــــــلام
ومنـــــــــــــابع نور
مواكب روعه وابداعات
سلام وخيال قصاده شعور
مابدلت الايام ولا فى مره اتغير

وحات الوعه والاهات
يا مشوار ماتــــــــــــقصر

امانه تطــــــــــــــــــول وتتجدد
وروعه تبقى لينا حـــــــــــــــدود
عليك مقصر الاعمار و وعود و وصال
ماقسينا نارحــــــــــــــــــرمان
وما عنينا جــــــــور وصــــدود
وكم مرت بــــلاك ايــــــــــــــــام
وقفته فى طريق مســـــــــــــدود
وشوفوا الليله واشــــــــــــــراقات
سنـــــــــــــــــا و نــــــــــوار بيتقطر

وحات الوعه والاشواق
يا مشوار ماتقـــــــــــــــــصر

يا مشوار يا رائع
بدون اول بدون اخـــــــــــــــــــر
معانــــــــــى لا نهــــــــايئــــــــــا
عليك دفق حنان زاخـــــــــــــــــــر
عليـــــــــــــــــــــــك روح

واحضــــــــــــــــــن قلـــب
وابــــــــــــــــهج عين
وســــــــــــــــر خاطـــــــر
فيك يا شوقى ماترتاح
وفيك افضل دوام ســــــــارح
معاك فرهد شباب الحــــــــــــب
ورف على جناح اخضــــــــــر


وحات اللوعه والاشـــــــــــــــــواق
يا مشوار ماتقصـــــــــــــــــــــــر

وليد الهادي
04-01-2008, 10:17 AM
اوعدينى بكلمه منك
واحكى لى عنى وعنك

وين مكانك وين حنانك وين
كنتى سالى وناسى حبى
واحلى ايام عمرى كنتى
ليه عتابك واكتائبك
وانتى فى قلبى وخيالى

اوعدينى بكلمه منك
واحكى لى عنى وعنك
وين مكانك وين حنانك
وين حنانك ويـــــــــــن


الامانى والسعاده
بى حياتك ياحبيبه
والمشاعر زغرده
يوم الخطوبه
رقصه حلوه
وكــــل غنوه
وفرحه فى كل الليالى

اوعدينى بكلمه منك
واحكى لى عنى وعنك
وين مكانك وين حنانك
وين حنانك ويــــــــــن


عدتى وحدك فى النهايه
وعوده حلوه من البدايه
عدتى احلى وحبك اغلى
وانت نادرها وعهد غالى

اوعدينى بكلمه منك
واحكى لى عنى وعنك
وين مكانك وين حنانك
وين حنانك وين؟؟؟؟

عثمان محمد الحسن حتلوب
04-01-2008, 10:18 AM
نـــــــــورا
---------
هيْ .. أقيفِنْ .. ‏
نورا فِيكِنْ
نورا ... نقّاحة الجِّروفْ .. ‏
نورا ... حَلاّبة اللِّبيني .. ‏
للصغيرين والضِّيوفْ ‏
نورا ساعة الحَرْ يولِّعْ .. ‏
تنقلِبْ نسمة وتطوفْ ‏
تَدِّي للجيعان لقيمة ‏
وتَدِّي للعطشان جغيمة ‏
والمَخَلِّي الحال مَصَنقِرْ .. ‏
في تَقَاة اللّيل تَندْقِرْ .. ‏
تدِّي لي باكر بسيمة ‏
تَكْسي للماشين عَرَايا ‏
وفوقا ينقطّعْ هديمه ‏
‏ما عِرفتِنْ ... نورا إنْتِنْ .
.قولِنْ إنتن شِنْ عِرفْتِنْ ‏
نورا بِتْ ا***** ‏
أخيتي .. ‏
نورا أخُتْ كُلّ الغلابة ‏
نورا حاحاية الشّقاوة .. ‏
نورا هَدّاية الضّهابة ‏
الأراضي اليَاما أدّتْ .. ‏
نورا ... بقّتْ من تُرابه ‏
وماشي في الأعماق سحابه ‏
مشتهنِّها .. والله جابه ‏
الله جابه ... الله جابه ‏
للجنوب طبلاً‎ ‎‏ يَهَدْهِدْ ‏
ليل مشاعر ناس تعابة ‏
وللشّمال طنبور يَسَكِّتْ .. ‏
دمعة الميتين كآبة ‏
ما عِرِفْتِنْ نورا إنتِنْ ..
قولِنْ إنتن شِنْ عِرِفْتِنْ ‏
نورا
‏ عايزه تقرأ . قالتْ ‏
فوقا حيطة الدِّنيا مَالتْ ‏
خَتّتْ الكرّاس وشَالتْ ‏
منجلاً صَالَتْ بو جَالَتْ ‏
لامِنْ إنجرحت بو شالَتْ ‏
لي التراب فوق إيده كَالَتْ ‏
ومَرّة يوم في الدُّونْكَا لِدْغَتْ ‏
جاء الفقير بالليل حَوَاهَا ‏
ويوم ملاها الهم قطايع .. ‏
جاء البصير بالنّار كَوَاهَا ‏
ونورا . ما قِدْرَتْ تمانع .. ‏
تقنع النّاس المعاها ‏
مرة شافت في رؤاها ... ‏
طيرة ... تاكل في جناها ‏
حيطة تِتمغّى وتفلّعْ .. ‏
في قَفَا الزّول البناها ‏
في جنينة سيدي سِمْعَتْ .. ‏
شتلة تصقع لي الوَرَاها ‏
الأرض .. ‏
‏ لابُدَّ ‏
‏ ترجع ... ‏
للتِّعِب فوقا ورعاها ... ‏
غيمة ... والنِّيل موجو لاها ‏
والعطش شقّقْ شفاها ‏
الشّمس طَبَقت ضُحَاهَا ‏
الخليقة لقت إلاها ‏
نار
عقاب إنسان مكسّر .. ‏
فوق تَلَكِّيات متاهة ‏
وضَوْ من الله .. رهاب مكتّفْ ‏
في وتيد اللّيل معاها ‏
بين ربوع حَضَره وخلاها ‏
فَسّرَتْ لي النّاس رُؤاها ‏
وقالوا .... جَنّت .... ومو براها ‏
ونورا زادت فوق شقاها ‏
‏ ‏و صَدّتْ الأيام .... تحُشْ ‏
تبني لي عصفورة عُشْ ‏
في السّواقي تشوف عزاها ‏
لما شوقه يسوِّي .. أُشْ !!! ‏
تملا ... تزرعْ ‏
ترعى .. تقرع ‏
للنهار في الليل تخُشْ ‏
عِرْفَتْ الشّقَا والشّقَاوة ‏
إلاّ .... ‏
ما عرفت تغُشْ !!! ‏
شايلة طولة البال من الله .. ‏
ومن أراضينا الإثارة ‏
وماشي تكدح طول نهاره ‏
وترجى لما الليل يَفلِّلْ .. ‏
تسرِق ألمي عشان خداره ‏
عشان صغاره .. ‏
عشان خداره ‏
عشان صغاره .. ‏
ولما ترجع لي دياره ‏
تنزف أحلام الفقارى ‏
من عويناته الحيارى ‏
لي غُبار الحال تقُشْ ‏
فوقو لي الآمال ترُشْ ‏
نورا .... ‏
تقعد ‏
‏ صاحيي تحلم .. ‏
بي بيوت بي نور ودُشْ ‏
وبالمحبة تشُق دروبه .. ‏
ولي قلوب الكل تخُشْ ‏
نورا ... ‏
‏ تحلم بي وجود ‏
ما مشت بينو القيود ‏
أفضل أفضل بي الكتير .. ‏
بي وطن من غير حدود ‏
نورا تحلم بي عوالم ‏
زي رؤى الأطفال حوالم ‏
لا درادر .. ‏
لا عساكر .. ‏
لا مظاليم ‏
لا مظالم ‏
نورا تحلم .. ‏
ولما تحلم ..... نورا ترجِفْ ‏
ولما ترجف .... نورا تحلم .. ‏
ولما ريح الواقع المُرْ .. ‏
لي عشيش أحلاما ينسِفْ ‏
نورا ..... تنزِفْ ‏
وفي الوجود .. وجدانه يهتفْ ‏
حالة .. تقرِفْ .. ‏
حالة تكسِفْ .. ‏
حالة تكسِفْ .. ‏
حالة تقرِفْ .. ‏
وتبدا تقضِفْ .. ‏
ولما تقضِفْ ‏
‏ بالا يهتِفْ .. ‏
وتملا باله أحلام بتلصِفْ ‏
يوم حا تنصِفْ ‏
يوم حا تنصِفْ ‏
نورا .. ‏
لسّه بعيد .. ‏
هناكَ .. ‏
وتبدأ تحلم .. ‏
ولما تحلم نورا ترجِفْ ‏
ولما ترجف نورا تحلم ‏
صاحيي تحلم.. ‏
وصَاحْ بتحلَمْ ‏
صاح بتحلَمْ ‏
بتحلم صاحْ

وليد الهادي
04-01-2008, 10:18 AM
ناس لالا ناس لالا ناس لالا
خلو الاالا والاالا في حالها
خلو الماخطر زول علي بالها


يا ناس لالا ناس لالا ناس لالا
المهموم ومحسود علي همي
المظلوم ومهدور دوام دمي
من الحب ابتليت غير الصد ما لقيت
من النار اصليت من ناس لالا ما سمعت غير لالا
خوف الدنيا جايلها .... جايلهااا

المهجور ومجبور علي هجرو
المغدور ومكتوب علي غدرو
بين الحب واي فاء الاخلاص والوفاء
بين الصد والصفاء ما كل ما راضية بي حالها
سهران وحيران وما نايل .. ولهان وهيمان وما طايل
السمارن يوم طول الليل ما بنوم من النوح والهموم

من ناس لالا ناس لالا ناس لالا

عثمان محمد الحسن حتلوب
04-01-2008, 10:19 AM
المدينة


للشاعر/ هاشم صديق

دي المدينة وديل ايديا
داير اكتب انا في النوافز اه في المنافز
اسمي تاريخي وحكاوي الرحلة في الزمن المعاصر
داير اقول كل الكلام
الما اتفهم لي جاري
لي صاحبي واخويا
ولا اتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا

اه اه يايمه لسه بخوض في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف

مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف

وليد الهادي
04-01-2008, 10:19 AM
كلمات /ابو صلاح



خلي قلبك معاي شوية يا اعــــــــــــــــــــــــــــــــزة حبيبـــــــــــــــــــــــــــــــــــــة لي
واذكريني يا اغلي درة كل لحظـــــــــــــــــــة وكل عشيـــــــــــــــــــــــــــــــــــــــــــــة


في هواك جفت دموعي ... وفيه كم ..كم ذوبــــــــــــــــــــــــــــــــــــــــت ذاتـــــــــي
في رضاك افنيت شمـــــــــــــــــــــــــــــــوعي قلـــــــــــــــت اصدق اغنيـــــــــاتي
في قدومــــــــــــــــــــي وفي رواحـــــــــــــي .. اشدو بي زكراك واهاتــــــــــــــي
املــــــــــــــــــــــــــي اسعد في غرامــــــــــــــــــــك و بيهم يدوم انشــــــــــــــراحي



لكن الايام توالت ... وصبري يا ما طــــــــــــــــــــــال ليالــــــــــــــــــــــــــــــي
احتمل حرقت بعادي في سبيــــــــــــــــــــــــــــــــل حبك واهـــــــــــــــــــــــــــاتي
في رجاك والجنة قربي .... وبرضك ابعد من منــــــــــــــــــــــــــــــــــــــــــــــال ي
حتي والاخبار اسأأأأأأأأأأأأأي .. وانت ادري الناس بحـــــــــــــــــــــــــــــــالي



لمن نار الغيرة تعمـــــــــــــــــــــــي .. قلبي عن نور الحقيــــــــــــــــقة
او اقــــــــــــــــول انساه حبك واكتم اشــــــــــــــــــــــواقي العميــــــــــقة
رغم عن نفسي وظنـــــــــــــــــــــوني تسمــــــــــــــــو عاطفتي الرقيقة
اهدي ليك حبي وسلامي كل لحــــــــــــــــــــــــــــــظة وكل دقيـــــــــــــقة

وليد الهادي
04-01-2008, 10:19 AM
يا قلبي لاتعذبني .. سيب الماضي .. لا تلمم شتاتـــــــــــــــــو
لانبكي من ضيع هواك .. حرٌم جمال ريدو وصلاتـــــــــــــــــو
مع انك شديت بمعناه ... وشديت بحلاة حـــــــلاتـــــــــــــــــو
لكن باع حبك رخيص والغالي ما برخص غالاتـــــــــــــــــو


لا تأسي يا قلبي بكرة مع الليالي تلقي جرحـــــك التـــــــم
لوتسمو في حبك تحس .. براحة في وخز الالـــــــــــــــــم
الحب عطاء ... جزي الكريم يا قلبي عند الناس عــــــدم
صدقني يا المتيم في الحقيقة الحب وهــــــــــــــــــــــــم


الحب وهم وخيال اذا تابعتو بتسهر عيـــــــــــــــــــــوني
الحب شعور واحساس اذا عايشتو .. بتعمق شجــــــوني
الحب ظنون يا قلبي لو ثارت تحطم كل يقــــــــــــــــــيني
كفاية ضيعنا الشباب ودفعنا للحب كل سنــــــــــــــــيني


اسمعني يا قلبي حبيبك تاني لا..لا تتبع خطاهــــــــــــو
اراك بتشتاق لعيونو الضاحكة بتشـــاق لي لماهـــــو
اراك في كل نسمة ندية تتنفس شـــــــــــــــــــــــــــذاهو
خليه يا قلبي .... حبيبك عاجبو فيه وفي دنيــــــــــاهو

عثمان محمد الحسن حتلوب
04-01-2008, 10:20 AM
يابا مع السلامة يا سكة سلامة

في الحزن المطير

يا كالنخلة هامة

قامة واستقامة

هيبة مع البساطة

اصدق ما يكون



راحة ايديك تماماً متل الضفتين

ضلك كم ترامى حضناً لليتامى

خبزاً للذين هم لا يملكون

بنفس البساطة والهمس الحنون

ترحل يا حبيبي من باب الحياة لباب المنون



روحك كالحمامة بترفرف هناك

كم سيرة وسريرا من حولك ضراك

والناس الذين خليتم وراك

وعيونم حزينة بتبلل ثراك

ابواب المدينة بتسلم عليك

والشارع يتاوق يتنفس هواك



يا حليلك حليلك يا حليل الحكاوي

تتونس كانك يوم ما كنت ناوي

تجمع لم تفرق بين الناس تساوي

نارك ما بتحرق ما بتشد تلاوي

ما بتحب تفرق من جيبك تداوي

الحلم الجماعي والعدل اجتماعي والروح السماوي

والحب الكبير



في الزمن المكندك والحزن الاضافي

جينا نقول نفرق نجي نلقاه مافي

لا سافر مشرق لافتران وغافي

وين عمي البطرق جواي القوافي

يا كرسيه وسريرو هل ما زلت دافي

يا مرتبتو امكن في مكتبتو قاعد يقرا وزهنو صافي



يا تلك الترامس وينو الصوتو هامس

كالمترار يساسق يمشي كما الحفيف

كم في الذهن عالق ثرثرة المعالق والشاي اللطيف

تصطف الكبابي اجمل من صبايا

بينات الروابي والضل الوريف

احمر زاهي باهي يلفت انتباهي

هل سكر زيادة ام سكر خفيف

ينده للبنية يديها الحلاوة

والخاطر يطيب

يدخل جنو منو محبوب الشقاوة

يستنى النصيب



الدفو والنداوة السنا والعبير

كالغزلان هناك في الوادي الخصيب

حيث الموية عذبة والغصن الرطيب

كم تحت المخدة اكتر من مودة

للجنا والغريب

عش وعشب اخضر جدول من حليب

يابا ابوي يا يابا

الشمس البتطلع بلت منو ريقا

والنجمة البتسطع فيه تشوف بريقا

الندى في حركتو يطفيها الحريقة

ننهل من بركتو زي شيخ الطريقة

شاييهو وطرقتو والايدي الصديقة

يلا نسد فرقتو حب الناس درقتو

يا موت لو تركتو مننا قد سرقتو

كنا نقول ده وقتو لكنك حقيقة



النفاجو فاتح ما بين دين ودين

نفحة محمدية دفئاً كالضريح

ميضنة كم تلالي جيداً في اليالي

مجداً في الاعالي

مريم والمسيح



قلباً نبضو واصل ما بين جيل جيل

ما بين كان وحاصل او ما قد يكون

ما بتشوف فواصل الا الذكريات

وآلام المفاصل بعضاً من شجون

يابا مع السلامة يا سكة سلامة
في الحزن المطير

وليد الهادي
04-01-2008, 10:20 AM
عاهدتني انك تكون مخلص في بعــــــــــــــــــــــــــــــــدي
وحلفت يا ناسي تصون عهدك وعهــــــــــــــــــــــــــــدي
لو كان صاحبك خدوع في لحظة بعـــــــــــــــــــــــــــــدي
او قرتك كلمة حنان فنكـــــــــــــــــــــــــــــرت ودي

ما اظني يوم اتعب وراك او اسألــــــــــــــــــــــــــــــــك
واسهر ليالي ضني واقول مين حولــــــــــــــــك
كانت كنوز الدنيا ملكك وكنت لـــــــــــــــــــــــــــــك
ومع في جنات الهناء مستقبلي ومستقبلـــــــــــك


عاهدتني ترسل بدمع الشوق خطـــــــــــــــــــابي
مع كل نسمة من البلد تطفئ عـــــــــــــــــــــذابي
وحلفت تسأل كل طاير عن مـــــــــــــــــــــــأبي
لكن نسيت عهدك ووعدك في غيــــــــــــــــابي


احترت يا اهل المحبة وزاد في حــــــــــــــيرتي
اهديه من عمري اشتياقي وكل طيبـــــــــــــــتي
اوصيه بالاخلاص وما يحفظ وصيـــــــــــــــتي
اسكت علي الم وما يرضيه سكــــــــــــــــوتي


وتتبدل الايام يا ناسي وتصطفيـــــــــــــــــــني
اصفح عن الماضي واسامحك كل سنيـــــــني
وانسي عذابي معاك واشيلك في عيــــــــــوني
اصلو الهوي دائي ودنيا .... دائي وديـــــــن

وليد الهادي
04-01-2008, 10:21 AM
كلمات/حسن بازرعة

كل لحظة بتمر على انت فى خاطرى وعينى
انت فى فنى البعيشوه فى المدى فى الابدية

قدر ما احاول اخاصمك وانسى احزانى واساها
واكتم الغير فى قلبي واطوى جرحى فى الحنايا
القي اثرك فى حواسى و خطاى
القى كل الدنيا حولى


فى حياتى قبل انت عشت قصة حب قاسية
لسه ما زالت بقلبي زكرياتها المره باقية

لما احلق فى وجود و كنت بقيك سعادتى باقية
لكن انت هدمت املى

انا لوعارف خصامك لى ايامه بتطول
كنت ما اترددت لحظة لما حار بى الدليل
انسى ظلمك وارجى حلمك
وانسى كل الراح قبيل
اصلوا حبك فوق ارادتى

وليد الهادي
04-01-2008, 10:21 AM
كلمات/ بزرعة



لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية

انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..

كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..

حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...

و برضو يحصل..
تنسى عشك ..
في النهاية ..
لا وحبك لن تكون ابداً نهاية..

عثمان محمد الحسن حتلوب
04-01-2008, 10:21 AM
الفنان / جمال فرفور

--------------------------------------------------------------------------------


أجسامنا ليه جسمين


أجسامنا ليه جسمين ..
روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين

عثمان محمد الحسن حتلوب
04-01-2008, 10:22 AM
خلي القسوه


ما قلنا ليك خليها
النظره دي خليها
اللفته دي خليها
القسوه ما تسويها

عارفينا طبعك لين
واصلك عطوف وحنين
بين حنانك لي
ارواحنا ما تجافيها

البسمه زايده حلاتك
والرقه احلا صفاتك
الجفوه ما من ذاتك
ما بتشبهك خليها

انت الامل والمنيه
ضحكاتك اجمل غنيه
يا احلا زول في الدنيا
وكل الحنان الفيها

عارفني لمن تزعل
والله ما بتحمل
احوالي ليك تتبدل
يبقى الحزن كاسيها

ازيد وازيد في حبك
وافرش ورود في دربك
اقول احنن قلبك
ديارنا تاني تجيها

خليك معاي واتدلل
للفرقه ما تستجعل
ده البينا ما بتحول
لو كنتا يوم ناسيها

اهديك غناي للذكرى
خليهو زاد لي بكره
اصلو الغرام والفكره
انك تكون حاسيها

ما قلنا ليك خليها
النظره دي خليها
اللفته دي خليها
القسوه ما تسويها

وليد الهادي
04-01-2008, 10:22 AM
كلمات : حسين بازرعة
***********************

لا تسل عنى ليالى حبيبـــــى لا تسل

لا تسلها فهى حلم عابر طاف بذهنى

لا تسلها كم تعانقنــا علــى رقة لحن


وقضينا الليــلة الاولـى حديثا وتمنى

لا تســل عنــى ليالــى فقد بتنا حطاما

كم حرقناها شعـــورا وامانى وغراما


وســـل الشاطى لما كنت القاك دواما

ونذيب الليل همسا وعناقـــا ومـــلاما

يا حبيبــى انت الهمت اغـانى وجرسى


انت فى وحشة ايامى ندى اورق انسى

انت فى عمــرى ربيعا دافئا يملا نفسى

افلا عدت وعادت قصة الحب كأمسى

عثمان محمد الحسن حتلوب
04-01-2008, 10:23 AM
بعدك بفرحني لا قربك بريحني
في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذكراك تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي
انت زاد دربي بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
لا بعدك بفرحني

وليد الهادي
04-01-2008, 10:23 AM
كلمات : حسين بازرعة
***************************

أتذكرى فى الدجى الساجى ... مدار حديثنا العذب

وفوق العشب نستلقى .. فنطوى صفحة الغـــيب

وإذ مـــالاح نجم سعد .. نرشف خمـــرة الحـــب

اتذكرى عهد لقيـــانا .. ويوم القبــلة السكـــرى

وقبَّل ثقرى الظامى .. فقــــد لا تنفـــع الذكـــرى

وترقد فى يدى كالطفل .. الثم ثغرك العطـــــرى

وقطرات الندى الرقراق .. تعلو هامـــــة الزهد

والحان الهزار الطلــق .. فـــوق خمـــائل النهر

ولما ينقضى اللـــيل .. وينــعس ساقـــى الخمر

يرف الضوء كالحلم .. يسكــب خمـــرة الفجــــر

اتذكرى قبلتـــى والليـــل .. يــروى طلعـــة البدر

كيف اناملى الحيرى .. تداعب خصلة الشعـــر

وتنعس فى ظلال النور .. تحكم بالهوى العذرى

اتذكرى عهد لقيانا .. ويوم القبلـــة الســــكرى

وقبل ثغـرى الظامى .. فقد لا تنفــع الذكــــرى

عثمان محمد الحسن حتلوب
04-01-2008, 10:23 AM
مشكلة
إسحاق الحلنقي

الروح تروح ما مشكلة ..
تزيد جروحى علي جروح ما مشكلة ..
ينسى الفراش عطر الربيع ما مشكلة ..
ينسى الوديع صوت الوديع ما مشكلة ..
الشاري لو فكر يبيع لو ضاعت الاعمار تضيع ما مشكلة ..
لاتبين شمس لايهل قمر ما مشكلة ..
يبقى السحاب من غير مطر ما مشكلة ..
يرموني في نص البحر تجيبو لي الناس خبر ما مشكلة ..
لو هز صمت الليل برق ما مشكلة ..
والقاش رحل خلا الشرق ما مشكلة ..
لو عمري بالشوق يحترق لو رحت ما جبت الفرق ما مشكلة ..
الدنيا تبقى بدون جليس ما مشكلة ..
تبقى الليالي بدون ونيس ما مشكلة ..
وتنسى ليلى حبيبا قيس ما مشكلة ..
وتنسى العروس اسم العريس ما مشكلة ..
المشكلة
ريدتك بقت هى المشكلة
أدينى حل للمشكلة

وليد الهادي
04-01-2008, 10:24 AM
كلمات : عوض احمد الخليفة
************************

دائما أطيب خاطرك الغالى واسامحك لو نسيت

ودعت من يهواك وقلبه بقربك مهما نئيت ....

كم مرة كم حاول يفرق بينا حاسدا او عزول ..........

كم مره قالوا جنيت عليه بدلت ضوء ايامه ليل

لكنى يا نور العذراى انا ما بضيع حبى قول ..

تلقانى دايما في رجاك وغناى في حبك رسول

اسال عليك الليل ونجمه وحتى انوار الصباح

وكل طائر في سماه اسال مشاعر عن هوانا

وليه حنانك لى راح .......

تلقانى في غاية الألم آمالى تزروها الرياح

حيران اسال نفسى ايه كان السبب واصل الخصام

يمكن اكون في حقك اتلومت في ساعة مـــــلام

لكن ما معقول يكون انا قلبى ليك حفظ الفراق

ما اظنه من يعرف الهوى يعرف عدوه مع السلام

عثمان محمد الحسن حتلوب
04-01-2008, 10:24 AM
انت مافي .
اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

وليد الهادي
04-01-2008, 10:24 AM
كلمات : اسماعيل حسن
**************************

عارفنه ... حبيبى ... عارفنى ... بحبه

ده حـــرام عليكمــ ... تقيفـــو فى دربه

حـــارمنى ليـــــه ... ليـــه والله بحبـــه

وين درب السعادة ... يا الباكين لحالى

دلــونى ... عليها ... انا ساهر ليالى

حتى لو بعمرى ... لو بالروح ومالى

ما شايفين حبيبى ... يحرق فى شبابه

دهي حرام عليكم ... عارفيني حبى ليه

شايفنه بريدنى ... والشوق فىي عينيه

ليل الوحدة قاسى ... وأنا خايفي عليه

يومي تتخلو عنه ... ياما تقولـــوا فيه

يالناسين ضميركم ... وما خايفين عذابه

يوم الحق هناك ... يومي واقفين يفى بابه

يوم يسألكــــم الله ... يالناسيـــن حسابه

حـــارمنى ... ليـــه ... ليــــه والله بحبه

عثمان محمد الحسن حتلوب
04-01-2008, 10:25 AM
روحي ملكك ولا ملكي
سيبني أبكي..سيبني أشكي
غير تبكي الناس وحاتك
عمري ما شفتك بتبكي
لو تجيب القمرة ليا
والشمس ما بين ايديا
مستحيل تقبل عينيا
ترضى من عندك أسية
تبقى واهم لو تفكر تاني تتحكم عليا
ليك زمانك ولي زماني
انت مالك ومال حناني
وليه عليك أبني الأماني
الأماني مضيعاني
سيبني وحدي مع دموعي
أبكي مرة و أبكي تاني
خوفي يا ظالم حبيبك
دمعة المظلوم تصيبك
أحسن أبعد من طريقك
وأقفل الباب البجيبك
و لو بكيت خليني أبكي
ومن دموع عينيا سيبك
روحي ملكك

وليد الهادي
04-01-2008, 10:25 AM
كلمات : عوض احمد الخليفة
************************


عشرة الأيام ما بصح تنساها ...

كانه ما حبيتك وكأنه ما عشناها

وضمانا أحلى غرام .....

ليه تجفى دون اسباب ... من غير عتاب او لوم

اخترت غيري صحاب ... واصبحت قاسى ظلوم

هان ليك فراقى خلاص ... وانا برضى حولك احوم

كان عهدى بيك ترعاه ... واجمــل صلاتنا تدوم ...

آمـــــل المحبة ســـــلام ....

بعــدك أمانى هواى ... بعـــدك جنيته عــــدم

ولا عرفـــت صديق ... لقلبى غير الهــــم

كم غيرى يشدو سعيد ... وانا في هواك مغرم

ورينى ايه ضراك ... لو كان صبرت شوية

واسلم من الأوهـــــام

ما كان فراقنا المر ... في بيتى أو فى ايدي

لكن ظروفك أبت ... وقست ظروفي علي

واتلاشت الأحلام ... وين حسن ظنك بي

ورينى إيه ضراك ... لو كان صبرت شويه

عمر السنين أيام ......

عثمان محمد الحسن حتلوب
04-01-2008, 10:26 AM
يا حمامه.....


يا حمامه مع السلامه ظللت جوك الغمامه

طيري في جوك المعطر
وانشدي شعرك المسطر
قولي للشادن المبطر
زيد دلال وزيد وسامه

انشدي شعري بين دورو
علو يذكرني في خدورو
اوعي يلعب عليكي دورو

يا حمامه مع السلامه ظللت جوك الغمامه

اسأليهو عن المحبه
وعن فؤادي الذي احبا
ليتو يسأل عن الاحبه
مره في عمرو يا حمامه

يا حمامه مع السلامه ظللت جوك الغمامه


الغرام ناسي فيهو ذاتي
فيهو خاطرتا بي حياتي
اين حبي وذكرياتي
اصبحت روحي مستهانه

يا حمامه مع السلامه ظللت جوك الغمامه


كلميني عن الموده
كيف ضاعت وكيف صد
بعد ذلك اذا استبدا
0قابل الجا بي ابتسامه

الجمال يا حمامه فاتن
فيه اروع من المفاتن
كل من يعشق المحاسن
قل ان يوجد السلامه

يا حمامه مع السلامه ظللت جوك الغمامه

وليد الهادي
04-01-2008, 10:26 AM
كلمات حسين بارزعه
********************
لى متين يلازمك في ... هواك مر الشجن

ويطول بايامك سهر ... ويطول عذاب

يا قلبـــى لوكانت ... محبتــــه .. الثمن

يكفيك هدرت عمر ... حرقت عليه شباب

لكن هواه أكبر ... وما كــــان ليه ثمن

والحسرة ما بتنفع ... ومــــا بجدى العتــــاب

أحســـــن .. تخليـــه ... لـــى الليالى والزمن

يمكن يحس ضميره ... ويهديه لــــى الصواب

لكنى اخشى عليه ... مــــن غـــدر الليــــالى

وأخشى الامانى تشيب ... وعشّنا يبقى خالى

وهو لسع في نضارة ... حسنه فى عمر الدوالى

ما حصل فارق عيونى ... لحظة او بارح خيالى

اغفـــر لــه يا حنيــِّن ... وجــاوز لـــو ظلم

ما اصلها الأيام مظالم والعمــر غمضة ثواني

واصبر على جرحك ... وإن طــــال الألم

بى جراحنا بى أشواقنا ... بنضوى الزمن

انا عارفه بكره بيعود ... فى رعشـــة ندم

ننسى الحصل بيناتنا ... والسهر اللى كان

تصبح حياتنا نغم ... وعشنــــا يبتســــم

وتعود مراكب ريدنا ... لـــــى بر الأمان

عثمان محمد الحسن حتلوب
04-01-2008, 10:26 AM
افتتـــــــــــــــــــــــــــــــــــتان


لى حق اذا اتهمتا فؤادى عندك انتا ياحبيبى انا بيك افتتنتا
***************
حبيب الروح سلمتا ما بيا لوعلمتا
انا الامين ووافى وليك ودادى صافى
ياملهمى القوافى ولكل معنى وافى
ذى بسمة الازاهرفى نظرى ابتسمتا ذى نقشة الخواتم فى قلبى اترسمتا
ياحبيبى انا بيك افتتنتا
*****************
اقوليك اذا سمحتا انا شايفك حبيبى شايفك
انا شايفك تبهرج كل ما ليك لمحتا كضوء الفجر لحتا
كزهر الروضه فحتا وذى اغصانا محتا
ياحلو المناظر ياساحرالنواظر
ان نظروك فرحتا وان نظرتا جرحتا
يا حبيبى انا بيك افتتنتا

*******************
بدر الحسن انتا وبين الناس عرفتا ان وصفوا المحاسن بسيماهم وصفتا
انابعيونى شفتا وصادق لو حلفتا
من تاثير عيونك خديتنى ورجفتا ومن تاثير عيونى على خديك فقتا
انا انا انا نارى نار انا نارى تعال ياحبيبى
*********************
ولى حق اذا اتهمتا فؤاى عندك انتا يا حبيبى انا بيك افتتنتا

وليد الهادي
04-01-2008, 10:27 AM
كلمات : حسين بازرعه
********************

كانت لنا أيام ... في قلبى ذكراها

مازلت أطرها ...

ياليتنا عدنا ... أو عادت الأيام

إن أنسى ما أنسى ... ذكراك يا سلمى

فى وكرنا المهجور والصمت قد عم

تحلو لنا الشكوى ... والحب والنجوى

لن أنسى نجواكى والهمسة والبسمة

وحرارة الانفاس ... فى قبلتى لما

ضمتك يمنايا ... يا سعد دنياي

وغفوتى في صدرى ... نشوانه بالأحلام

كيف أنسى أيامى وفكرتى الكبرى

يا وحى الهامى أنا عمت بالذكرى

ذكرى لياليكى ... في خدر واديك

الليل أهواه في شعرك الناعم

لكن تباعدنا دهرا ... وما عدنا

الوكر يا سلمى ... او عادت الأيام

عثمان محمد الحسن حتلوب
04-01-2008, 10:27 AM
كلمــات : اسحق الحلنقي
الحان : علي أحمــد


على صفق العنب اسميــن ..
كتبناهم بدمع العيــن ..
ومرت بينا غيمة فرقة ..
واتفارقنا مجبوريــن ..
ولمــا رجعنا من غربتنا ..
فرحانين مع العايديــن ..
لقينــا الريح محت ذكــرى ..
بكيــنا على ضيــاع اسميـن ..
كتبنا الاسامي زمان ..
واشهدي يا ضفــاف النيـل
طفولتنا القضيناها ..
زغاريد فرحة شاقة الليل..
سنينا تضوي بالآمال ..
وكــل العشنا زاهــي جميل ..
ماشيــن في دروب الريــد ..
نغنــي والأماسي تشيــــل ..
جاتنــا الفرقة زايرة ديارنا ..
في ليلة اللي ما بتنــدار ..
مدت ايــدا شالت زهــرة ..
كانت ضاوية ساحة الــدار ..
خلت بيتــنا لا ضو شمعة ..
لا حــس فرحة لا نــوار ..
سواقيــنا الحنــينة بكت ..
علــى الريـــد الولفــنا صغــار ..

كبرنـــا الليــلة جيــنا نشــوف ..
حكاية حزيــنة لي قلبيــن ..
كنا رسمناهم على صفق العنب اسمــين ..
قايــلين نلقى ماضي الذكرى ..
فوقنا يلالي زي نجميــن ..
لقينــا الريــح محا الذكـــرى وبكينا على ضيـــاع اسميــــن
وبكيـــــــــــــــنا على ضياع اسميـــن

وليد الهادي
04-01-2008, 10:28 AM
كلمات : حسين بازرعه
******************

عشقتك وقالوا عشقك حرام

يا مجدد نور عيونى يا مبدد نار شجونى

ليتهم عرفوا المحبة وعرفوا اسرار الغرام


عشقتك وقالوا لى تعشق وايامك ربيع

تقضى ليلاتك مسهد وابتساماتك دموع

وزاد حياتك يبقى غيره وتطفى من عمرك شموع

وتنسى عشاق اغنياتك وتمسى افراحك حطام

لم يكن حبى متاعا لا ولا كان التياعا

أو لقا او وداعا


حبى نابع من بلادى من جمالها وانطلاقها

أودعت حسن حبيبى من صباها كل باقة

من صفاء الطيبة والكلمة الحبيبة والطلاقة

كل رعشة حرف فيها ترجمت سر العلاقة


يا عوازل كيف تكون الدنيا لو عزَّ الغــرام

عثمان محمد الحسن حتلوب
04-01-2008, 10:28 AM
الما بعرفك

يا قلبي في طبعك ملك .. سامحت كل البدلك
ما عرفو آخرك وأولك .. والما بعرفك بجهلك

يا قلبي دايماً مبتسم .. مهما تعاني وتنظلم
الدنيا أبداً ما بتهم .. فرحك عذابك منقسم

مهما براك عشت الشقا .. الحلوة برضك تعشقا
من غير حليفة تصدقا .. ما بتشكي نارا المحرقة

يا قلبي لو زمنك قسا .. لي وعدو اتنكر نسى
الدمعة دايماً أحبسا .. وكلمة ملام ما بتهمسا

يا قلبي شيل جمر الصبر .. همك سحابة صيف تمر
مدام في باقي من العمر .. أيامك الجاية بتسر

وليد الهادي
04-01-2008, 10:28 AM
شعر السر دوليب
*******************

لو قلتو حبيبي سلانى ...... ودع حبه ونسانى

ما بصدقكم .......!! دا حبيبى الروح بالروح

انا عارف حبه إلى ..... دارى بعطفه على

نسانى غرامى البيا .... قاسمنى الليالى الهنيا

ضم الفؤاد ذكراها ..... أزكى الخيال معناها

ولو قلتو حبيبى سلانى .............. ما بصدقكم !!

غرامنا اسمى غرام ..... ما بطوله أى حسود

زايد مع الايام ....... وتصونه أغلى عهود

حبيبى العهود راعيها ... مهما الزمن طال بيها

لو قلتو لى ناسيها ............... ما بصدقكم !!

خلاص اتجمعوا القلبين ... خلاص اتوحدو الامالين

واصبحنا رغم البين ...... روح واحدة في جسدين

مهما تقولو ظلمنى ...... مهما تقولوا هجرني

لو باع لحبى خدعنى ........... ما بصدقكم !!

دا حبيبى الروح بالروح ..

عثمان محمد الحسن حتلوب
04-01-2008, 10:29 AM
بسماتي

يا الحارم نومي و بسمـــاتي ..
يطول في غيابك أناتـــــــــــي ..
لو كان أنا لي عندك خاطر
رجع وحياتك فرحاتي ..

نسيان الريد عندك ساهل ..
وأكتر من كده تعمل زعـــلان ..
لو كنت معاك أنا متساهل ..
وبعامل فيك بي روح فنان ..
ما تجرح احساسي المرهف ..
انا برضك في الآخر انسان ..

بكرة الأيام حتوريك ..
كيفن لو كنت معاي ..
أنا رغم قساك كنت بأمل ..
في يوم حتحس بالجواي ..
أصلي وحاتك ما بتألم لو طيفك فارق دنيايا ..

وليد الهادي
04-01-2008, 10:29 AM
أشعار: حسين بازرعة



بالمعزة بالمودة البينا
بي أغلى الصلات
بالهوى العشناه بأعصابنا خمسة سنين ومات
بالعذاب الشفته والسر الكتمته وباقي الطيبات
استحلفك أترك سبيلي وسيبني وحدي أقاسي وأبكي مر الذكريات

أنا بحناني الغالي خصيتك وحبيتك بكل جوارحي وعواطفي العميقة
وأنا شلت من أجلك هموم الدنيا قاسيت من جراحها وكل ضيقها
لسعادتك إنت كم ضحيت وإتغربت ما خليت طريقة
وفي مسيري المضني من أجل الحقيقة

كل طائر مرتحل عبر البحر قاصد الأهل حملته أشواقي الدفيقة
ليك ياحبيبي للوطن لترابه لشطآنه للدار الوريقة
لكن حنانك لي أو حتي مشاعرك نحوي ما كانت حقيقة
كانت وهم ... كانت دموع
مسفوحة بي أحرف أنيقة
ما بإيدي لو ضباب الغيرة أعماني وزيف لي الحقيقة

إنت نبع حناني إنت كياني
إنت الدنيا بهجتها وشروقها
وإن حصل زلت خطايا معاك أو ضلت طريقها
هل تصدق تنـتهي قصتنا يا أجمل حقيقة
نحن عشناها بدموعنا وبالضنى في كل دقيقة
ياحبيبي لم تزل قصتنا قصة حب أقوى من الحقيقة

وليد الهادي
04-01-2008, 10:30 AM
كلمات الشاعرين مبارك حسن الخليفة و عوض احمد الخليفة

يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال


انا فيك عشقته الروعه ما احلاه فى الدل والدلال

والمعانى الراسمه نور اشراقة فى عينك ظلال

وابتسامتك لما تأسر قلبى وتحكى عن المحال

تحكى عن شوقك اليا تحكى عن بعد الوصال


من قلبى من اجل المحبه وهبته ليك شعر الغزل

مع انو قدامى الطريق انا عارفو يا السمحه انقفل

مافى قسمه ومافى يا نور قلبى حتى بصيص امل

لا قدرته اقرب من ضراك ما قدرته لى بعادك اصل


يا حبيه ليه قلبك قسى وكتمتى ما تخفيه عنى

انا عشته فى حبك مقيم ما عرفته نكران او تجنى

ما عرفته غير حبك غرام وسبحته فيهو سنين بغنى

سكبتو دمعاتى الغوالى سكبتو حبى وسكبتو فنى



يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال

عثمان محمد الحسن حتلوب
04-01-2008, 10:31 AM
هاشم ميرغنى

انت وانا من حقنا نفرح نطير زى الفراش
لمكان بعيد ما زارو زول قبلنا
انت وانا من حقنا نلملم عذاب الزكريات كان الزكرى تانى تلمنا
عارفنو ظلم الهوى كم غبن قلوبنا وحزنا
يومنا الفرحنا مع الخيال وقلنا الفرح من حقنا
بشرنا بى فال الفراق زى ماحرم عشاق كتيير من قبلنا
انت وانا نبقى عشاق للابد نشيل الغرام فى دمنا لاانت تنسيه ولا انا
انت وانا عاشقين رهاف ساكنين ضفاف شط الامانى وحبنا
انت وانا من حقنانسكن فى الكواكب وفى قصر لغيرنا ابدا مااتبنى
نسامر النجوم يزورنا القمر الحسى لو جافة الظروف ما بغبنا
ورجعنا تانى تانى تانى لقينا الصبر الاصلو مزروع عندنا
انت ياروحى وامانى الزول الجميل الاصلو مخلوق مننا
وشنو الفضل مابقيت انا وباقى الحكايه المحزنه
انسان بريد عينيك كتييير عشق حكايتك وادمنا
لم رجع خطوي ولقاك بقى يكره الغربه المريره ويلعنا
ياربنا ياربنا ياربنا العشنا من ظلم الهوى مايعيشو زولا بعدنا
انت وانا نبقى عشاق للابد نشيل الغرام فى دمنا
انت وانا

عثمان محمد الحسن حتلوب
04-01-2008, 10:31 AM
غيب وتعال تلقانا نحنا يانا نحنا
بنفس الايادى الراجفه المشتاقه لى ساعة سلامك
ماغيرتنا الظروف ولا هزتنا محنه
كم بعنا فى الغرام واشترينا وغير هواك
ماربحنا وياحبابنا وياشبابنا وياربابنا
وياسمحنا تلقانا بنفس القلوب الطيبه
الديمه تطرب من كلامك
تلقانا بى نفس المشاعر الطيبه
الديمه تطرب من كلامك
تلقانا بى نفس القلوب الياما
حزنت لم فقدت ابتسامك
والله بعدك ياغالى لانغنينا لانشرحنا
وتعالينا تعالينا تعالينا
تعال ياانبل عواطف طافت الدار الحزينه
تعال لى نفوسنا انت يامنبع
عذاب وانت يامصدر انينه
تعالينا يانيل البواكى
الكانت بتطرب يازين يوم
تجينا بالخطى الواعده وتزينه
لانسيناك واسترحنا لا لقيناك وفرحنا
انت غيب وتعــــــــــــــــــــــــال

عثمان محمد الحسن حتلوب
04-01-2008, 10:32 AM
اديتك القلب المعذب قلت لى المو بتزيلو
يلقى فى وارف رموشك فرحتو ولحظات مقيلو
تبقى نور تبقى فجرو تمنع الدمعات يسيلو
وهسة لو داير تسيبو حتى باقى عمرى شيلو
بى محنة الزول بلوم دمعة فى الخدين بتجرى
كنت بامل انا فى سماحك الظروف فرقتنا بدرى
انت ماريدى ومناياكل لحظة بتضوى عمرى
وكنت دايرك يا حبيبى لو مره بى االامى تدرى
وهسة لو داير تسيبو حتى حتى باقى عمرى شيلو
فى نهاية لومى برضى بطمع تانى ترجع
كنت راجى الدنيا تبسم لينا بى افراحها ترجع
اصلى عارفك يامناياكل لحظه بتصبح اروع
وانت من طليت على طرفى ما اظن مره دمع

عثمان محمد الحسن حتلوب
04-01-2008, 10:33 AM
انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه

عثمان محمد الحسن حتلوب
04-01-2008, 10:34 AM
ماخلاص قلبى اصبح من عذابك فى الاسى
وهجير شديد وجعاتو ماشافن مساء
يوم القى ابتسامتك ابتسامك والصباح
ويوم القى فى عمقى الجراح
والعطف منك ياسماح يتلاشى راح
عاد اقبل وين واحكى الوجعه
ياتو خديد اشيل الدمعه وياتو حنين يجيب الراح
اشيل كلماتك واسافر اذكر بسيماتك واساهر
خلى طيفك يبقى هاجر يخلينى فى مسحة حزن مابتنطرح
مازى وجيهك كل يوم يصبح سمح يموت جرح
وجيبى جرح وقليبى لامات لافرح
اقبل وين واحكى الوجعه ياتو خديد اشيل الدمعه وياتو حنين يجيب الراح

عثمان محمد الحسن حتلوب
04-01-2008, 10:34 AM
هسع خايف من فراقك لم يحصل ببقى كيف
زى ورد فى عز نداهو خوفو بكره يزورو الصيف
من عرفتك كنت حاسس الزمن لى مابصيبك
كنت رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه
انت خونى زمانى كلو اوعك يوم تخونها
يازمن علمنى انسى المحال نسيان عيونها

عثمان محمد الحسن حتلوب
04-01-2008, 10:35 AM
كلمات هاشم ميرغنى

فى زول هناك قولة سلام تبقالو روح
فى زول هناك فى عيونو زول بسماتو ابدا مابتروح
فى عيونو الصباح زى الوشاح يتقاطر سماح
زى البرق شايل المطرفى سمانا لاح
فى زول هناك يومو اللزور تظهر زهور ويضحك بدور
فى ليل ظلامنا الماصبوح
كلموهو وقولو ليهو حرفك بنور فى السطور
ويومو الليجى بملالينا كل الدنيا نور
يفرح القلب الصبور المن زمان مليان جروح

عثمان محمد الحسن حتلوب
04-01-2008, 10:37 AM
حــــــــــــان الــــــزفـــــاف

حــان الـزفـاف وأنــا حـالـي كـيـفن بوصفو

يـا ريـت هـواك لـي مـا انـقسم ولا قلبي ريدك نذفو

قــالـوا الـبـعـيش الـدنـيـا يــامـا تـشـوفـو

تـشقيهو بـي فـرقة عـزيز وبـالحسره ريـقو تنشفو

وإن شـاء الله مـا يـحصل فـراق لـقلوب بـعد ءاتولفو

بـس قـولي لـي أنـساك كـيف وأنـا قلبي ريدك محنو

أبـحر سـنين فـي كـون هـواك والـليله فـاقد مأمنو

وأنـا مـن زمـان عـارف الـبيكون وقـليبى كنت بيقنو

والـليله يـوم حـان الـزفاف أنـا حـالي مـين ما حننو

ولـو ده الـحصاد مـن كل ريد ناس قيس صحيح اتجننو

جـوني الـصحاب وأنـا قالوا لي شافوها في توب الزفاف

شـافوا الـدموع واتحسروا والشوق غمام في عيونها طاف

ومـــش عـــاد حـــرام ســاكـن الـضـفاف

يــنــشـره فــــي عــمــرو الــجـفـاف

طول عمري بزرع في الورود وحصادي شوك آخر المطاف

عثمان محمد الحسن حتلوب
04-01-2008, 10:38 AM
زاد أذاي يا
صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحول

عثمان محمد الحسن حتلوب
04-01-2008, 10:39 AM
لحظك الجرّاح
أذاي فيه ، وفيه الطرب والراح
مناي يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح

عثمان محمد الحسن حتلوب
04-01-2008, 10:40 AM
عـــــشــــان أهـــــلــــك
كلمات
عزمى احمد خليل


عـشان أهلك بخليكِ وأشيل في جرحي ماضيكِ

أحـاول وبـرضى ما قادر عشان أنسى وأنسيكِ

كـتير الـدمعه فـي عـينيك تشوفيني وتخبيها

تـخافي عـلى أشيل همك وعيونك تحكى بالفيها

وقـدر مـا يقولوا ليك عني عشان ريدتنا تنسيها

تـداري الآهـه بـالبسمه وريـدتك لي تزيديها

ودائـمـا ده الـمبيكِ وعـشان أهـلكِ بـخليكِ

غـريبه نـعيش زي الأغراب وما نتهنى بالريده

وكـلما نـشتل الأفـراح تـجي الأقدار تمد إيده

تـشيل أمـل العمر كلو وتبكى عيوني يوم عيده

وصحى القالوهو في الريده بتعرف بس ظلم سيده

وأنـا الـشقيان أرضـيكِ عـشان أهلك بخليكِ

سنيني العشتها في ريدك حرام لا خنت لا خنتي

أغـيب منك سنين وسنين وألاقيك انت بي إنتِ

وقدر ما يلوموني معاك عشاني اللوم كتير شلتي

وكـلما يـقيفوا في دربي أشيلك دمعه في صمتي

وبـس مـجبور أقـول ليكِ عشان أهلك بخليكِ

عثمان محمد الحسن حتلوب
04-01-2008, 10:41 AM
هاشم ميرغنى-مختارات بقلم ولد مسكين

--------------------------------------------------------------------------------

تلقانا بى نفس القلوب الياما
حزنت لم فقدت ابتسامك
والله بعدك ياغالى لانغنينا لانشرحنا
وتعالينا تعالينا تعالينا
تعال ياانبل عواطف طافت الدار الحزينه
تعال لى نفوسنا انت يامنبع
عذاب وانت يامصدر انينه
تعالينا يانيل البواكى
الكانت بتطرب يازين يوم
تجينا بالخطى الواعده وتزينه
لانسيناك واسترحنا لا لقيناك وفرحنا
انت غيب وتعــــــــــــــــــــــــال

عثمان محمد الحسن حتلوب
04-01-2008, 10:43 AM
تخدعنى بى كلمات غرام وابقى مقتول انا بالكلام

اسير فى سجنك لى زمن مكتوب على النوم حرام

بقيت اخاف من الفرح لانه بعده بجى الخصام

لانى عارف انى فيك والا فينى وانا الملام

جيت تقول البينا راح ما اصلوا رايح من بدا

ما اصلوا صرخات من غريق حتى البحر ما برددا

وعشمى فى الزمن العنيد غنواتى فيك ما يخلدا

خلفت فى قلبى الجراح خلفت فيه ذكرى وصدا

عثمان محمد الحسن حتلوب
04-01-2008, 10:43 AM
حلفت لو حييت تاني
اغرقكم سؤال بالشوق
اضفر جدايل حرفي رقة وذوق
اخلي عيوني لمباتكم
تولع زي قمرنا الفوق
واغنيلكم واغنيلكم تقودوني
كان يرجع عمر مسروق
وشان احكليكم الفرحة
الاصلو ما طافت ببال مخلوق
ونخنق عبرة الاحزان وما
تلقالها تاني حلوق
وزرورني في حلمي
ومنه ان شاالله تب ما افوق

عثمان محمد الحسن حتلوب
04-01-2008, 10:44 AM
مات الهنا قبال يتم اول سنه..
وانا كنت زى الما مصدق فى يوم هواك اصبح ضنا
لكنى جيت بى طيبتى ديك القى النهايه المحزنه

انا ما بلوم يوم الزمن ولا برمى دمعه على الظروف
لكن بعيش كل الشقى وبندم على زولى الولوف
ياريتوا من ساعتها ديك ياريتو ما كان ليك ولوف

ضيعتى فرحوا بعتى عزت ريدك اصبح منو خوف
لكن عزاي انا ما براى قالوا البعيش ياما يشوف

ما بصدق لو قالوا لى حبك سراب
سقيت عينيك محنتى دوبت فيك كل الشباب

لكن عينيك ما راعوا لى ولا حسوا يوم انى فى عذاب
سافرت ليك ضحيت عشانك فتحت ليك قليبى باب
ضيعتى عزت ريدى ليك دفنتى فى جوة التراب

رغم الاسى رغم الاسف رغم البيطعن فى القلب
ماظن اجيك واترجى فيك ولا بيك يجمعنى الدرب
مابقيت خلاص داير الخلاص من دنيا ما بتعز محب

ولاداير اعيش زي كل زول هو يعنى الا الناس تحب
مــا ضـــاع مــا مـــات مـــا راح

عثمان محمد الحسن حتلوب
04-01-2008, 10:45 AM
فرض الحبيب دلاله وتمنعا
وأبى بغير عذابنا أن يقنعا

ما حيلتي وأنا المكبل بالهوى
ناديته فأصر ألا يسمعا

وعجبت من قلبي يرق لظالم
ويطيق رغم إبائه أن يخضعا

فأجاب قلبي لا تلمني فالهوى
قدر وليس بأمرنا أن يُرفعا

والظلم في شرع الحبيب عدالة
مهما جفا كان المحب المولعا

ولقد طربت لصوته ودلاله
واحتلت اللفتات منه الأضلعا

البدر من وجه الحبيب ضياءه
والعطر من ورد الخدود تضوعا

والفجر يبزغ من بهاء جبينه
والشمس ذابت في العيون لتسطعا

يا رب هذا الكون أنت خلقته
وكسوته حسنا فكنت المبدعا

وجعلته ملكا لقلبي سيدا
لما على عرش الجمال تربعا

سارت سفينة حبنا في بحره
والقلب كان شراعها فتلوعا

لعبت بها ريح الهوى فتمايلت
ميناؤها المنشود بات مضيعا

والموج تحت شراعها متلاطم
ما صان ود العاشقين وما رعى

يا موج رفقا بالسفين وأهله
ما كان ظني أن تكون المروعا

يا موج ناداني الهوى فأطعته
فاهدأ وقل لسفينتي أن تُسرعا

فالوصل غاية ما أريد ومطمعي
ومبرر لك في الهوى أن تطمعي

يا صاحبي خذ لحبيب رسالتي
فعسى يرى بين السطور الأدمعا

بلغه أني في الغرام متيم
والقلب من حر الفراق تصدعا

ما في النوى خير لنرضى بالنوى
بل إن كل الخير أن نحيا معا

وليد الهادي
04-01-2008, 11:05 AM
كلمات / قاسم الحاج

لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة من ضمن الاحاجي

بيها يتهنو و ينمو واحرسم طول ليلي ساجي

والقي في راحة نفوسهم بسمتي وطول ابتهاجي

- - - - -

لو اعيش طول عمري نسمة .. أو مع الايام سحابه

اهطل ادي الدنيا بسمة .. أروي وادي واسقي غابة

لو اعلم طفل واعــد .. لسه ماعـِـرف الكـتــابة

أبقى شجرة ظلالها ورافة .. تحتي نايمين ناس تعابة

- - - - -

أشقي والقي وابقي بهجة .. في النفوس لكل مناضل

ابقي للمعتل علاجو .. وابقي للفــلاح ســنابــل

ابقي للثـُـوّار سلاحم .. اعتي من قذف القنابل

وابقي للكادح المـُـلوَّح كلُ حل موفــور وعـــادل

وليد الهادي
04-01-2008, 11:07 AM
لم تشتاق للمشاعر تملاء دنياك بى عبيرها
ولم تشتاق للعواطف تنسجم تلبس حريرها
وابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
لم تقسو عليك ليالى الوحده والليل يبقى ليل
والنجوم تلمع بعيد تسخر من السهران وحيد
ابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
انت برضك حبيبنا والحنان الفى قلوبنا
اصلو نابع من عيونك
المحبه الفيها لو ما انت ماكانت محبه
وكل اشواقنا ومشاعرنا واحاسيسنا النبيله
انت اهديتا لينا
انت ضيع احلى
ما اهديت ياغالى

وليد الهادي
04-01-2008, 11:08 AM
فى بعدك ياغالى ضنانى الالم

وعشت مع الليالى لاحب لا نغم

ومن لمسات حنانك خلاص تمينا دور

ايام مره خاليه من طعم السرور

كل ماغنى شادى دوبنى الشعور

واقول ياريت حبيبى لو فى الطيف يزور

لو كان التمنى بينفع كل حبيب

ماكان السعاده بقت قسمه ونصيب

ولا قلوبنا الحيارى مع الايام تشيب

ولا عاش قلبى تايه عن حبك قريب

لاتسأل مشاعرك ليه عينى بكن

يوم ودعنى حسنك ولا زمنى الشجن

وباكر ياحبيبى يعلمك الزمن

ليه دنيا المحبه للعشاق وطن

وليد الهادي
04-01-2008, 11:08 AM
في الليلة ديك
في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك…… جيت أقول مبروك عليك

وليد الهادي
04-01-2008, 11:10 AM
كلمات التجاني حاج موسى
الحان عمر الشاعر

باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد

وليد الهادي
04-01-2008, 11:10 AM
التجاني حاج موسى
الحان عمر الشاعر
شقا الأيام ..
وسهر الليل
بهون لو مرة حسيت بى
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية
شقا الأيام وسهر الليل
وآهاتى الحزاينية
ملازمنى من يوم شفت عيونك الحلوة
ويومها عرفت كيف العين
مكامن ريد
وجرة نمة من دوبيت
ضراعة فاتحة يوم العيد
فرح أطفال
وأهازيج زار
ونقرة طار
وبحة ناى
حزين غناى
ترانيم غنوة دينية
براى والليل
وأهاتى الحزاينية
بيغشاني النعاس مرات
وطيفك يمر
يغافلني
يبدل حزني اشراقات
وأبداء معاك غناوى الليل
وأغالب الدمعة مابيه تسيل
أتارى الليل كمل كلو
عيونك مرة لو طلو
يزول كل الوجع وأرتاح
وأغرد زى كنار صداح
وتبقى الدنيا فى عينى
أزاهر وغيمة وردية
ولو سلمت مرة على
سلامك ليا عيدية

وليد الهادي
04-01-2008, 11:11 AM
هانت الايام عليك ولا هنت عليك انا
وين حنانك ياحنين وين عيونا من الهنا

عدت وراحت كم سنه كم سنه كم سنه

هانت الايام عليك وهان عليك حبى ودادى
كل ماحاولت تبعد كنت بجري عليك ونادى
ليه تقول دايما ظلمتك وانت ديمة بظلمي بادى

كنت بتقولي بحبك الليلة مالك مابتقولا
كنت بتقولي بريدك الليلة مالك مابتقولا

والجحيم والشوق نارو هي من حبك قصادى

وليد الهادي
04-01-2008, 11:12 AM
ماحصل فارقت دربك وشلت املى على السراب
مابحاول يوم اسيبك اواقول انا نجمى غاب

*** *** *****

يحلو لي صبرى الصبرتو فى سبيل حبك حملتو
ماشكيت لهفة مشاعرى فى هواي معاك كتمتو
انت برقة شعورك قلبى ليك انا ماظلمتو
قلبى زغرد يوم لقيتك وانت بى البسمات غمرتو

****** *** ***

كلو بسمة جميلة منك راسمة فى خدك شباب
كلو فتنة جميلة باينة فيها كم انا قلبى داب
يالمحاسنك فايضة رقة لي عذابك مستطاب

****** ** ***

ياربيع بزهورو فايحة فى الوجود مالي سواك
ارعى عمرى الباقى لليا خلى قلبى يعيش هواك

وليد الهادي
04-01-2008, 11:13 AM
اجمل حبيب للروح اجمل حبيب للروح
قلبى اصطفاك وماقادر اعرف ايه اسباب جفاك
الزاهى لونك حبيت عيونك وعشقته طبعك وجمال فنونك
ورد الخميله ناضره وجميله بالفل عبيرها ومالى غيره
انا ليك وافى وانت المجافى ايه اسباب جفاك

يعيش ليالى فى خيالى ديمه ونعيش حياتنا هانيه ونعيمه
دائما اشوفك بين الازاهر تتهادى تايه وانا طرفى ساهر
فيك ياملاكى قبلان هلاكى ايه اسباب جفاك


وحيات عيونك الباسمه لى ونضار خدودك الكم نديه
وحيات شبابك مالى وصيه غير بس حنانك ورضاك على
سيب الجفا وارحم كفى ايه اسباب جفاك
اجمل حبيب للروح ,,,, اجمل حبيب للروح قلبى اصطفاك
وماقادر اعرف ايه ايه اسباب جفاك

عثمان محمد الحسن حتلوب
04-01-2008, 02:07 PM
كلو بمضى
كلمات د.. على شبيكه
الحان.. السنى الضوى

كلو بمضى وكلو بى الايام بروح
لا سعيد دامت ليهو فرحة ولا حزين دام ليهو نوح
لاهية بينا الدنيا لاعبة فيها نتغرب نتوه
القلوب بالشوق تحرق والجروح تشفى الجروح
كلو بمضى ومهما تقسى مصيرى انسى
انت ماشفت الصباح كيف بطل زى احلى همسة
يضوى بنورو الروابى ويضيف فى كل حسنى لمسه
وتنطلق ارواحنا فيه بى شراع ماليهو مرسى
وننسى او نتناسى انو كلو صباح لابد يمسى
كلو بمضى وكل ايامنا الخوالى
وكل ليلة بكرة تمضى
زى فصول دنيانا فى موسم رحيلها
والسنين واحلامنا والعشره النبيلة
تبقى ذكرى وفى صحارى الفرقة واحتنا الظليله
برضى ماضى ابتعادى وريدى زادى
ورحلة الاشواق طويله

عثمان محمد الحسن حتلوب
04-01-2008, 02:08 PM
حنان النيل


قوم يا طريرَِ الشباب غنى لنا غنى
يا حلو يا مستطاب أنشودك الجنى
وأقطف لى الأعناب أملأ بها دنى
من عبقرى الرباب أو حارم الفن
صح فى الربى والوهاد واترقص البيدا
واسكب على كل ناد ما يسحر الغيدا
وفجر الأعواد رجعا وترديدا
حتى ترى فى البلا من فرح عيدا
وأمسح على زرياب وأطمس على معبد
أمشى على الأحقاب طف على المربد
اغش كنار الغاب فى هدأة المرقد
وحدث الإعراب عن روعة المشهد
صور على الأعصاب وأرسم على حسى
جمالك الهياب من روعة الجرس
واستدن بابا باب واقعد على نفسى
حتى يجف الشراب فى حافة الكأس

عثمان محمد الحسن حتلوب
04-01-2008, 02:09 PM
طريق الامل
كلمات ...محمد طرنجة
الحان... السنى الضوى

ليه نندم على الماضى وزمانا الراح
وليه نشكى من الالم فى كل صباح
مادام حاضرنا فيه طريق ملان افراح
طريق مفتوح طريق زاهر بنور وطنى
محل ما اروح الاقى النور مصادفنى
انسى الفات وكل الكان مؤلمنى
والقى حبيب جمال رؤياهو يسعدنى
تعال ياحبيب تعال وابعد عن الاوهام
وماتفكر فى يوم تحتار مدى الايام
مادام الدنيا فيها النور وزايدة سلام
وكل الكون ربيع اخضر امل بسام

عثمان محمد الحسن حتلوب
04-01-2008, 02:10 PM
الجمال والحب في بلادي
شعر : سيد عبد العزيز
لحن وغناء : رمضان حسن


الجمال والحب في بلادي
والحضارة إزدهارها وإنتشارها
في المدارس والنوادي
العلوم العالية والفنون الراقية
جمالها بادي
ينبي عن أثار قوة الأفكار
والأيادي
الأنجزت أعمال وخلدت تذكار
في جبين الوادي
سوداننا العاجبنا رسمه
في نفوسنا مقداره يسمو
الطيور غنت بي أسمه
وكم صايح ينادي
أسمك يابلادي
هتقت به الجنود
وغنتبو الشوادي
في بلادنا مناظر الطبيعة
حافيها السحر الحلال
في الشرق المينا العظيمة
بيها الثغر بسم الدلال
والغرب حرست مداخله
الهيبة حصون التلال
وجنوبها ينافس الشمال
حيوية وعظمة وجلال
في بلادنا القرى والمدائن
أثر النعمة عليها باين
وتاني محل العين تعاين
تشوف بهجة وروح وإعتدال
في منظر جذاب ودادي
أحي السودان وأرضه
والأرض الطاهرة النقية
أحي السودان وأهله
أهل العبقرية
أهني السودان بشعبه
طوح النفس الأبية
الوافي راعي المحارم
أكرم من الغيث مكارم
وأصلب من الحده صارم
إن في الحرب وإن مسالم
يمتاز بالروح القوية
مقدام ومن طبعه هادي

عثمان محمد الحسن حتلوب
04-01-2008, 02:11 PM
فَلَق الصباح
كلمات خليل فرح


فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل
السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

عثمان محمد الحسن حتلوب
04-01-2008, 02:12 PM
لو أعيش


كلمات / قاسم الحاج

لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة ضمن الاحاجي

بيها يتهنو وينمو واحرسهم طول ليلي ساجي

والقي في راحة نفوسهم بسمتي وطول ابتهاجي

لو اعيش طول عمري نسمة لو مع الايام سحابه

اهطل ادي الدنيا بسمة اوري وادي واسقي غابة

لو اعلم طفل واعد لسه ماعرف الكتابة

ببقى شجرة ظلالها ورافة تحتي نايمين ناس تعابة

اشقي والقي وابقي بهجة في النفوس لكل مناضل

ابقي لمعتل علاج وابقي للفلاح سنابل

ابقي للثوار سلاح اعتي من قذف القنابل

وابقي للكداح الملوح كل حد موفور وعادل

عثمان محمد الحسن حتلوب
04-01-2008, 02:13 PM
بين الليلة وبين يوم باكر
شتلة إلفة ومضت خاطر
شوق الناس البذروا بذورم
منتظرين المطرة تخاطر
هبّت نسمة مساها حِنيّن
ربطتت بينا وبينا أواصر
تبقى الكلمة ونحنا نغادر
تفضل شايلة الثمر الطيّب
ويبقى حضورك لي يغيّب
والأيام ترحل لي باكر
الإحساس البينا حقيقي
نوروا يضوّي طريقي
ترسى مراكبي وإنت تروقي
غصن الفرحة يخضّر باكر
والأحساس بي باكر يكبر
في أعماقنا ويصبح زاهر

عثمان محمد الحسن حتلوب
04-01-2008, 02:14 PM
إسم الأغنية: الخرطــــوم بدونك
إسم الشاعر: السر عثمان الطيب
إسم الفنان: حنان النيل

الخرطوم بدونِك!!
ضهباني ..
وتفتِّش لى واحات عيونِك
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

عثمان محمد الحسن حتلوب
04-01-2008, 02:15 PM
أبقى واصل
كلمات ..خالد شقورى

لـيـــــــنـا واصــــل يـا حـنـيــــــن وابـقـى واصل
الــدرب قـــدامــك أخـضـــر والوداد البينا واصل
والعيون الفى انتظارك شوقها زي مطر الفواصل

ما فى اروع من رسائل تحكي بي تحنان فصولا
ما فى أجـمــل مــن مـقـاطع انت بالأشواق تقولا
البـلــد مـنـتـظــره جـيـتـك فارده غاباتها وسهولا
والكـلـيــمــات الـتـطـمــن نحن منتظرين وصولا

بـيــن حـكــايـاتى السعيدة قصة من أشواق فريدة
جايـه لا لـون لا ملامـح زى نجوم طاشه وبعيدة
لا هى غـنـيـة ولاها منية ولاها إحساسات جديدة
ما الـبـحـسـو مـع عـيونك حاجة اكبر من قصيدة

كلـمـة مـنـك لـو تـعــاتـب أغـلى من كل الغناوى
والـبـتهمسو بين سطورك عندي بى كل الحكاوى
الـحروف الفى انتظارك رافله فى الزى السماوى
عـارفه إنـو الـغـنـيـة غـيـرك يا حنين ما بتساوى

عثمان محمد الحسن حتلوب
04-01-2008, 02:17 PM
الخرطــــوم بدونك




الخرطوم بدونِك!!
ضهباني ..
وتفتِّش لى واحات عيونِك
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

عثمان محمد الحسن حتلوب
04-01-2008, 02:30 PM
انا السودان
انا السودان جمال اشراق وعيديه
انا السودان بضي شمسو النهاريه
انا النيل الصحي بوافي بغني مع المراكبيــــه
انا عيون المها الضوت تحاكي الطلعه ورديه
انا السودان جمال في لوحه صوفيـــــــــــــــه
روائع دنيا للاطفال بيعيشوا نشئه دينيــــــــه
اغاني الفرحه لي وطننا تزف في ليله قمريه
انا السودان علوم وحضــــــــــــــــــــــــــــاره
صحوت غضبه ذنجيـــــــــــــــــــــــــــــــــــه
بيجري في دمي حس عربـــــــــــــــــــــــــي
ونفوس بالتقوي مهديـــــــــــــــــــــــــــــــــــه

عثمان محمد الحسن حتلوب
04-01-2008, 02:32 PM
الفنان / كمال ترباس

--------------------------------------------------------------------------------

أمى .. الله يسلمك
التجاني حاج موسى

أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

أمى يا دار السلام

يا حصنى لو جار الزمان ،

ختيتى فى قلبى اليقين

يا مطمنانى .. بطمنك

أمى .. الله يسلمك

خيرك على بالحيل كتير ،

يا مرضعانى الطيبة بالصبر الجميل ،

سا سعد أيامى وهناى

لو درتى قلبى ، أسلمك.

أمى .. الله يسلمك

أنا مهما أفصح عن مشاعرى

برضو بيخونى الكلام

وقولة ( بحبك )

ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك ..

عثمان محمد الحسن حتلوب
04-01-2008, 02:33 PM
الماضى ..
التجاني حاج موسى

وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟

أرجع بالزمن مرة وأتذكر حكايتى معاك ..

تلاقى القصة جد مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات...

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى

عثمان محمد الحسن حتلوب
04-01-2008, 02:34 PM
أظلم من ظلم ..
التجاني حاج موسى
كم شفت من مجهول مصير

وشفت ياما شفت كم

انا شفت ناس ظالمين كثير

بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم

عثمان محمد الحسن حتلوب
04-01-2008, 02:34 PM
كلمات عوض جبريل


ما تهتمي للأيام ظروف بتعدي..
طبيعة الدنيا زي الموج تجيب وتودي..
ما تهتموا للايام..

وما تهتمي أصلو الناس حياتا ظروف ..
بتتعود تغير كل خط مألوف..
مصير الزول حياتو ياما فيها يشوف..
وفي دنيانا بنلاقي الفرح والخوف..
وما تهتموا للايام..

مصير الزول عشان يفتح طريق يادوب ..
بكون زادو البشيلو معاهو شوق مشبوب..
عشان يلقا إنتصارو يا زمن محبوب..
يضوق المرة ويتوشح بي صبر أيوب ..
ومهما تظلم الأيام ضياها الفال ..
وما تهتمي للأيام ظروف بتعدي

عثمان محمد الحسن حتلوب
04-01-2008, 02:35 PM
بدينا معاه
تلاقينا وتعارفنا وفارق دربي لفه وفات
لانو طريقنا ما واحد وانو ظروفنا مختلفات
وفات حسيت بى قلبى معاهو فى الدقات مع الخطوات
بدينا معاه قصة ريد غريبه خلاص لانها من طرف واحد
بحب التانى بى اخلاص وبدينا معاه قصة ريد
يوم والتانى من بدرى ويوم والتانى هو فى زهنى
أقابلو واشكي لى حالى المانع ما يبارحنى
تمر دقايق الساعه واقف انا مستنى الله بدينا معاه قصة ريد

عثمان محمد الحسن حتلوب
04-01-2008, 02:36 PM
سيبني في عز الجمر ,سيبني في عز الجمر
انت من حولي تمر انت عارف انو عارف انو اه صبري فات حد الصبر سيبني في عز الجمر


كلو ماتلاقيني او على تهجرني سيبني في عز الجمر
ماتكون بالقاسيوبالحنان شيلني سيبني في عز الجمر
ماتقول حبيتك عشان كدا جاهلي
وما تقول حبيتك عشان كدا جاهلني
كن تمام صدقني مرة يتامل في

سيبني في عز الجمر انت من حولي تمر انت عارف انو عارف انو اه صبري فات حد الصبر سيبني في عز الجمر


ياغرام في بحورك كم من قريب مجافي سيبني في عز الجمر
برضي في مشواري ماشي في احزافي سيبني في عز الجمر
داير اعيش في ريدو وفي حنانو سابني
داير اعيش فريدو وفي حنانو سابني
اليالي بتضحك والحزائن مافي

سيبني في عز الجمر انت من حولي تمر انت عارف انو عارف انو اه صبري فات حد الصبر سيبني في عز الجمر


ياظلام الليل العلي ما اديلوا
ياظلام الليل العلي ما اديلوا
طال بعاد افراحي والالم طال ليلو ياحليلو حنانا وريدنا بالوليلو
الخواطر تبكي و العيون كحيلو

سيبني في عز الجمر انت من حولي تمر انت عارف انو عارف انو اه صبري فات حد الصبر سيبني في عز الجمر

عثمان محمد الحسن حتلوب
04-01-2008, 02:37 PM
مدد



اديني من ريدك مدد ماالشوق بحرماليهو حد
اديني من ريدك مدد ماالشوق بحر ماليهو حد
انا في هواك درويش غرام ماالشوق بحر ما ليهو حد
مدد مدد مدد اديني من ريدك مدد
مالو ****فك يزور او مرة شخصك جاني جد
هي مالو طيفك يزور او مرة شخصك جاني جد
كان استرحتا من العذاب كان هلى لي نجم السعد
مدد مدد مدد اديني من ريدك مدد
يا ارقى من همس النسيم يااحلى من طعم الشهد
خايف عليك من العيون خايف عليك من الحسد
مدد مدد مدد اديني من ريدك مدد
انا هواك درويش غرام ماالشوق بحر ماليهو حد
مدد مدد مدد اديني من ريدك مدد
مرات اقول انسى العزاب اقفل كتابك للابد
القاك انسان للعيون ملكتنا الروح والجسد
مدد مدد مدد اديني من ريدك مدد
انا في هواك درويش غرام ماالشوق بحر ماليهو حد
مدد مدد مدد اديني من ريدك مدد

عثمان محمد الحسن حتلوب
04-01-2008, 02:38 PM
ماليا غيرك حياة
يا اسمر يا رمز الضياء
انت حياتى
يا فاهم يا دارس معنى الحياة
من ادبك ليك حارس من غير رياء
يا باسم ياناعس
يا ملاك يا لابس توب الحياء
انت حياتى
في حسنك الملون
وكم من سحر مكون
واحي النعاس الفي جفونك
واحي الظهر في عيونك
اعجبتا بيهو
ونظمتا فيهو
انتاحياتي
معلونك الاسمر
ورد الخدود محمر
لا بودرة لا احمر
الوان محاسنك زى ماءالحياة
ماشوهوك بفصادة
على الخدود السادة
طبيعى خلقة ربك
ما دايرزيادة

عثمان محمد الحسن حتلوب
04-01-2008, 02:39 PM
أعالب دمعي وأتصبر
اغالب دمعى واتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمااااااان قالو الغرام قسمة
حقيقة القسمة بالايد
مصيرو الحى يعود تانى
ويهل فى سمانا اجمل عيد

عثمان محمد الحسن حتلوب
04-01-2008, 02:40 PM
ياريت ياريت ياريت ياريت
سألوني عن حبي انكرتا ما أقريت
شافوهو متخبي في عيون تقول ياريت
ياريت ياريت ياريت ياريت ياريت
لوكان حبيبي أباح واعلن عن هواه صرح
كان الفؤاد ارتاح وانا كنت ليهو مشيت
ياريت ياريت ياريت ياريت ياريت
حاولتا اكتب ليك واصور الاحســـاس
وأقول كلام في الريد زي النجوم والماس
تعبتا تعبتا القى حرووف ما سمعو بيها الناس
سبتا الكلام وبديت تاني اقول
ياريت ياريت ياريت ياريت ياريت
ياريتني اقدر ابوح واقليهو ياعمري انتا الحبيب الروح
لكني خايف اقول يبعد مني يروح
عشان كدا استكفيت وكفاية اني هويت
لما الحنين فاض بي تاني اقول
ياريت ياريت ياريت ياريت ياريت ياريت
ياريت ياريت ياريت ياريت
ياريت ياريت

عثمان محمد الحسن حتلوب
04-01-2008, 02:40 PM
تختصرني
انت عارف الريد لما اجبرني
ليه ليه تختصرني

ليه يا انساني
رحت تنساني

اصلو عن شخصك
ما نطوى لساني

ليه ليه تختصرني
انت يا مياس

ليك عندي قياس
انت روح شعري فى غزل حساس

حساس ليه تسيبني
سيبني من ناس ديل

يا نعم والديك
سيبني من ناس ديل

ياوحيد والديك
مرة افهمني

واترك القال ليك
قال ليك تختصرني

ليه ليه تختصرني
تختصرني

انت عارف الريد لما اجبرني
ليه ليه تختصرني

ليه يا انساني

عثمان محمد الحسن حتلوب
04-01-2008, 02:41 PM
أنا شفته الملاك
بأيدي سالمتو
بهرني بنورو
خلاني مأسورو
إن ضعت في بحورو
أنا عقلي فارقتو
****
لو طلاك صباحو
أو ضماك جناحو
حقيقة القلب بشفى
وتاني طيب جراحو
كمان لو شفته لونو
سحرو الفي عيونو
تدور ترحل في كونو
من حسنو ولطافتو
****
الراقي في وسامتو
مرسومه ابتسامتو
تفوق البدر صورتو
أية الحسن هامتو
دلال من غير تعالي
رقه وزوق مثالي
زي الدر بلالي
في أصلو وداعتو
****
من يوم ما ليقيتو
كل الفات نسيتو
في قلبي اصطفيتو
دون الناس هويتو
صار لحياتي معنى
في أحلامي جنه
بس الحظ تجنى
شال قلبي وسعادتو

عثمان محمد الحسن حتلوب
04-01-2008, 02:42 PM
اغنية صباح النور عليك يازهور
***********************
صباح النور عليك يازهور
صباح يوم يقاس بدهور
~~~
يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور
~~~
زهر طاهر مالمغرور
عليه جناح الرضا مفرور
صباحه سعادة بكل سرور
جماله يغني عليه سرور
~~~
نظرتك جالس بين خدور
بدري هناك أنكشفوا بدور
تفوق نيشان ممتاز في صدور
العظما المثلوا أعظم دور
~~~
جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور
~~~
يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور
~~~
فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور
~~~
أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

عثمان محمد الحسن حتلوب
04-01-2008, 02:43 PM
اغنية بتخيلك

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

و بتخيلك

عثمان محمد الحسن حتلوب
04-01-2008, 02:44 PM
اغنية القمرى

القمري في صباحك اهز الروح نواحك
اسل الروح نواحك
لوتقدر تجامل لو عايز تجامل
رسل لي جناحك

رسل لي جناحك لي يوم ما بزيدو
اسافر بيه وامشي لي زولي البريدو
ابل في الشوق في قربو وجيش الهم ابيدو

لو جاك يوم عزولنا وشوش ليك خايف
عايزك تابا لي وتحرمني الجناح
عارفو حسود و جاهل وما بدور لي نجاح

لو قال ليك بسرقو وبمشي بعيد و ينجع
يسكن جم حبيبو وما منظور دة يرجع
بحلف ليك بربي و قوتك عيشة عيشة
ارجع ليك جناحك كامل ريشة ريشة
و ما بسرق جناحك وما بكتم صراحك
لي لحظات فريدة وعايز يوم اعيشا

عثمان محمد الحسن حتلوب
04-01-2008, 02:45 PM
مــــلوك الــــــــــــعز

ليك حق باللون الفيك تعتز ليك حق باللون الفيك تعتز...

وتهز الناس بعيونك هز... وتهز الناس بعيونك هز

لو شايف روحك هي العاجباك .. لو شايف روحك هي العاجباك وحياتك أنحنا ملوك العز

الحسن الآثر بكرة بروح صدقني جمال الناس في الروح

الروح هي الوردة الما بتجف ... في أي عمر تلقها تفوح

اتنازل عن طبعك مرة وما تنسى الناس كدا بالمرة

تسرح في عيونك تتغزل ... تسرح في عيونك تتغزل

يوم تصحا يكون عمرك مرة

اتلما تعال على أحبابك ... خلي النوار يعرش بابك

أبسم لي الدنيا بتبسم ليك قبال ما يضيع لون عنابك

وليد الهادي
04-20-2008, 06:30 PM
من زمن .
عبد العزيز محمد داوود..
.........................

من زمن مستني عوده قلبي راحل
كنت بكتب ليهو بقلبي الرسائل
قلت فيهو اشعاري وإتعذب ضميري..
كل كلمه حنان يفيض يغمر سطوري
وكل حرف كتبتو من اعماق شعوري..
افتكرتو يرد رسالتي يرد يطمني في خطابه..
ما خطر في بالي يأسرني بعتابه..
وينسي اول مره اغراني بشبابه..
وكل ما ادلل بزيد اعجابي بيه..
حبيبي كل ما ادلل بزيد اعجابي بيه..
كنت شايف الجنه في نظرات عينيه ..
حبيبي كان جميل من قلبه لو يرحم عذابي..
الدليل انا شايفه عايش في خطابي..
وكل ايام عمره ولحظاته الهنيه..
حاول يخفي شعوره .. ويدلل علي..
ومن زمان .. انا من زمان ..
من زمن مستني عوده قلبي راحل
كنت بكتب ليه بقلبي الرسائل

وليد الهادي
04-20-2008, 06:40 PM
يـانـجوم الليل اشهدي عـلـي لوعتي وتسهُّدي
عـلـي بُـكاي و تنهُّدي
من ليه حُسن الكون هُدي النـافر الجـافي الهَدي
يـا عـيني يوم تشاهديْ اقريْ السلام و استشهدي
يـا عـيني دمـعك بنِّدي قـول الـعـوازل فنِّدي
انـا لـي غرام يامعاندي في زهـرة الخـد الندي
قـمـراً حـماني تهجُّدي وتركـني فـاقد منجدي
آه مـن صفارو العسجدي وعينو المِتِل عين الجدي
ياعـيني ابـقي اترصدي عسي توجدي ما تقصدي
مهـما جَرح قلبي الصدي هو برضو غاية مقصدي
يامـن خـرقت عـوايدي ونظـمـت فيه قصايدي
لو عـمري شيئاً في يدي لوهـبتـو ليك ياسيدي

وليد الهادي
04-20-2008, 06:41 PM
انـت حـكمة انـت آيـة و لاّ انـسـان انت صاحي ولاّنايم ولاّ طرفك من طبعو نعسان
انـت راحي انـت روحـي انـت انسان عـيـنـي يـا صــاحي وانـت احـسـان
انـت نـادي انـت هـادي انت ميسان انـت ظـافـر انت ضـافر اسـود وفـرسان
انـت شـادن انـت لادن انـت فـتّـان انـت ضـامر انـت سـامر انـت هـتّـان
انـت نـادر انـت نـاضر انـت بستان انـت صـافي انـت نـافي زور و بـهـتان
ياحـيـاتي يامـمـاتي هـاك سـطران الصـبـابة ومـر عـذابا و قـلبـي اقـران
انـت سـاهي انـت لاهـي انـت بطران فـي دلالك فـي جـلالك ياسـامي وكـران
ياصـفـايـا يا وفـايا هـاك بـرهـان عـن غـرامي و طول هيامي السابني ولهان
عـزّ قـربك امـا بـعدك مـالو لي هان قـلبـي خـافق هل توافـق قـدري ينـهان
يا حـبيـبي كـون طـبيبي امري حيران طـول نهـاري ثم ليـلي سـاهي سـهران
طـال عـذابي صاح غرابي جوّي عكران دمعـي هـامي شوقي نامي و فرشي نيران
انـت حـالي انـت عـالي انـت سلطان انـت سـاطـع و انـا ساجع بي غناك طان
طـال انيـني فـاق حنيني الحان لأوطان والـيلـومـني فـي هـواك ياسيدي غلطان

وليد الهادي
04-20-2008, 06:41 PM
الشادن الكاتلني ريدو هلك النفوس و الناس تريدو
مـالو لو يـرحم مـريـدو
في الكون وحيد والكون وحيدو فـيـه لا يـوجـد طـريدو
نـظم القلوب في سلك ريدو لبسـن قـلايد في وريـدو
الجيل قديمو علي جديدو بيه اعـترف مـعدوم نديدو
فاق السلاح وفضح حديدو نـقرابي فـي صفحة خديدو
يصعب علي وصف فصيدو صـعبان علي انظـم نشيدو
دا غزال وسارح بين صيدو يازيد مـحال شركك يصيدو
انسان كحيل ناعس هجيد جيد الغـزالة كـأنو جـيدو
مهما اقول والقول اجيدو انا وصفو كـيف اقدر اجيدو
كلما اقول الحظ يعيدو نحس الزمان يشرح سعيدو
القطر دانيهو وبعيدو هو هلال صيامو ويوم عيدو

وليد الهادي
04-20-2008, 06:43 PM
دمعة الشوق كبي حـكـم حـبـي ارعـي نـجم الليل
نسمة الاسحار ليلي طال هبي انـا مـسـاهـر ونـومـي متخبي
انتحل جسمي والمحال طبي مـصدرو الزهرة الفي نواحي سهيل
انشغال فكري وانعدام لبي وشـحـوب لـونـي كـلو من حبي
انشغل بالي انتزع قلبي امـا امـالـي طـوحـت بالمـيـل
صدري مزماري والدموع شربي انطـرب كـلما ذكـرو يخـطر بـي
مالو جافي نفور مابدور قربي وانـا مـالي دوام لـي خـيالو اميل
حين قوامو يميس للغصون يسبي وازدهـار محـيو للبـدور يـخـبي
في جمالو تشوف حكمة الرب زي سـواد حظي جوز دواعجو كحيل
يابديع الزي وازهر اللون ياخفـيف الـروح يا سـما الصـون
خلقك مولاك زينة للكون حـبـب الارواح فـي هـواك اجميل
عهدي بيك ياجميل دأبك الحلم اري هـجـرك لـي نـير الظـلـم
انت عارف نوع حبي ليك سلمي شوقي مهما ازداد برضي شايفو قليل

وليد الهادي
04-20-2008, 06:44 PM
بـــرضي لـيكَ المولي الموالي وفـيـكَ لازم الصـبـر الجـميل
لـو تـحول دون قـصدي العوالي برضي اخوض في بحوري واوالي
لـيـك اخـراج درري الـغـوالي وانـشـي شعري وزجلي وموالي
اشـدو واحـدي واهـدي الحوالي في ثـنـاك قـليـل يا جـمـيل
يـاسـمـا الغـايات يـامـلاكـا ومـن تـطـاول لـي نيل علاكا
عــشــت دُمْ ياحـلية حـلاكا يا حـياة انفـسـنا وهــلاكـا
لـو صـليت فـي النـار ماسلاكا قـلبـي راضـي و هـاك الدليل
إنُّـو صـابـر و حـامـل بـلاكا مـرّة ارحـم يـكـفي القـلـيل
جـدَّ وجــدي وآن انـفـقـادي ديـما هـايـم رايـح وغـادي
بحـري دمـعي وفي النار رقادي يطـفي نـاري الماء في اعتقادي
مـالـو زادا وزاد فـي انتـقادي عـاذلـي فـيـكَ وعُدِم الخـليل
خـلـي نصـحك يا خـالي غادي عـن صـراط الحـب مابـمـيل
كـيـف افيق و اسمع نصح هادي ياالـغرامـك اوجـب سُـهـادي
اعـيا جـدي واعـيا اجـتـهادي ايـه يفيـد يـاليـل فيك جهادي
جـمـري قـايد وانا روحي هادي لـي خـروجـا فـضـل القليل
يالـفراقـك لي كـيانـي هـادّي مِـنِّـي لـيك الشـكر الجـزيل
تشـكـي كـتر النـوح العَيـالك ديـما تـطـرا ايـام زاهـيالك
مـرة تـهدي تقـول الحـيـالك كالنـسـيـم اليـتّـم عِـيالك
قـاسـي فـاتـك هـاتك و يالك مـن مُـرائـي وصـدقك قـليل
انـت عـاشـق وبـالجـد خيالك مِـنُّـو سـاكن ظـلاً ظـلـيل
يا مـنـايـا ظـروفـي العصيبة حـايـلة دونك ومـاليّ صـيبة
قـالي هـاك اقـوالاً مـصـيـبة كـل نـفـساً تـوجد نـصـيبا
واليـصـيبا المـولي اليـصـيبا بالـقـدر كـم عـزَّ الـذلـيل
كـم ربـوعـاً اجـدب خـصـيبا ومـافـي فجـراً مـا عقبو ليل
المـكـارم خـلقـي الجـمـيله والمـحـامـد ســالك سـبيلا
وديـمـا شـارب مـن سلسبيلا مـن اخـاير اخـيـر قـبيـلة
و مـن اعـالي العـايـلة النبيلة كـل صـميـماً لصـمـيم بديل
واللــيالـي حـيـنا و قـبـيلا للجـلـل مـعـدود الجـلـيـل

وليد الهادي
04-20-2008, 06:45 PM
ياجـوهـر صـدر المـحافـل روحـي معـاك اتلـطفـيـلا
* * *
مالـنور الـفي حـليـهو رافل في حُـق نـهدو قـلوبنا قافل
كالظـبي الفـي مـقـيلو غافل تـارة يميـل والتـانية جـافل
وجـهو يــنور والبـدر آفـل فـوق للـبدر يزيــد نفـيلا
* * *
يــالنـور خـدك لاح مـقابل للـشعر الـطال لـيلو سـابل
سـهـم الحـاظك ليـنا نـابل بـي كل شي دون هجري قابل
ينسـب نـوحي عـلي البلابل وانــت القــمرا بتنـسبيلا
* * *
ليك جوز عين نعسـان وكاحل خصراً يمـيّل وصـدرو راحـل
لـي وجـداً لي جسـمي ناحل بـحر الشــوق مـاليه ساحل
بيـني وبـين الـنوم مـراحل ويـن للطيــف انا القي حيلة
* * *
الـفـرع الـبـتـّنـي راتـل طيرو ينوح في غصـونو حاتل
وهـو نـديم لي فكـري شاتل الاسـد الـفي القيــد ينـاتل
يـتـأكد مـاليـهـو كـاتـل غـير مكـحـول ظبـي النتيلة
* * *
ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة
* * *
يالـمـرنوع الـكـتفو هـادل في دروعو ولمـعـاصمو جادل
انـا سـاهر والـليـل سـادل شـرط الـحاكم يبــقي عادل
لا اقــبل بـهـواك مـبـادل كيف اعشـق وارضـي البديلا
* * *
امـنـع طيفـك لي يـقـاتـل داخـل قلبي انا لــيك مـنازل
يالائــم لاتـبـقـي عـاذل انا في الحـب لي روحـي باذل
العـاشـق يـسـمع لي عاقل خلـّي نصيــحـتك عني زيلا
* * *
فوق الجـمـر و دمـعي باهل كيف نار تشــعل في مـناهل
ضاق بي الكـون مع انو ماهل نومي تصعّب ووجـدي سـاهل
لو بي حـالة دهـري جـاهل في الانجـم اســأل سـهـيلا
* * *
لـي طيـفك مالقــيت وسائل غير بسط النســمات رسـائل
اغـرب شـي واعـجب مسائل حلـم الصاحـي ودمـعو سائل
لو شـكيـت في امـري سائل الـبدريـن كـونـك مـثـيـلا
* * *
زايـد شـوقي ودمـعي هـامل جمر الحب لي جـسمي شـامل
حتـي الطـيف لـي لا يـجامل مـع كـلاً مــا كــنت آمـل
دمــي تحـننـي بيـه الانامل هل يرضـيك كـدا ياجـمـيـل

وليد الهادي
04-20-2008, 06:46 PM
سيدة شباب الكون ومدينة احلامي انا بالغرام ممكون
ياروحي راعي روحي زاد وجدي طال هيامي
هاك شعوري ترجميه قبال تتم ايامي
مر يا نسيم الليل ما لي سواك دليل
شيل حبي وسلامي وسيب العزول مركون
فيك املي فيك حياتي وفيك التهاب غرامي
ليك في عذابي حكمه ولي في هواك مرامي
سهران حزين ووجيع والحب غذا الارواح
كل جيل بسلمو جيل
وبعد انتها الاجيال في قبري ليها سكون
عاودني يانسام في عودتك مرامي
تشفيني اخبارك اصبحت قلبي دامي
سهران وجسمي عليل وليك السياده براك
اسرني بي التدليل ومهما اقاسي معاك
برضى ليك اكون
انا برضي ليك اكون

وليد الهادي
04-20-2008, 06:47 PM
اوصف خدوده ولا اوصف عيونو انا
مهما اصف محاسنو احتار في فنونه
محاسنو غريبه في دنيانا مافي
الصيد لو يوالف محبوب قلبي جافي
يغزاك بي هواهو ويبخل بي دواه
مهما صد نافر مابنعشق سواه
لواسفر جبينه وغنن مطربينه
وكل شئ في الطبيعه جميل تلقاه دونه
البان ما بمثل لون وانقسامو
الزهر يغير يحسد حسنو وابتسامو
البدر يذوب خجلا ساعت انقسامو
معدوم معدوم الحبيب معدوم
معدوم في مثالو بين حسنه وخصاله
لابس ثوب عفافو وفي سويداي سكونه
بسمت ليالي العيد في بسمتك عيدي
ما بخشي فيك وعيد ايام هناي وريدي
اه لو سمرنا يدوم ما بين كمانه وعود

وليد الهادي
04-20-2008, 06:47 PM
فريـع البـانة المِـنْ نسمة يـتـمـايل حـاكى المـنقسمة
نار قـلبي بتوقد من وسمه تلـمع فـي خـديدا وفـر بسمه
الفـم الزي خاتم نص قسمة يالـمـاك داريه بَـي الغي قسمة
حـبـوب الفـاطـر دُرّيـة وسـطـك يتـلاعب بـحـريـة
الجـبـهة تـلاصـف بدرية والحـالة البَـيّ مـاها مـدريـة
وسـطـك خـاتم بـي زندو و صـديرك قـايم الديـس جندو
صـديـرك قـلع مـن عندو واكـتـافك فوقو ياروحي بتسندو
زُمـرُّد لـونـك اخــضـرّ دا الـولّـع قـلـبي و آخ ضـرّ
انـا جسمي فـدايتك ما ضرّ لـو كـان اتـدقـق واتـضـرا
الجيـد الوافـر كلـجـامه فـاقـت اعـرابـا و اعـجـاما
كالمـهرة العاصية في لجاما لقـلوبنا لحـاظك ياروحي رجامة
يا ريـل ابـزازك مـا نوعا مـن خـز وعسـجد مـصنوعة
قالـت لي اعطافا المرنوعة هي ثماري ولكن ياحبيبي ممنوعة

وليد الهادي
04-20-2008, 06:48 PM
يارشـا ياكـحيل غـيثني الـــهـوي ســبـانـي
يالامـرضـني ومـاطبّاني في خـديدك يلوح نور ربّاني
نيـران اشـواقك لاهبـاني وسـهام الحـاظك ناشـباني
مـن ضمن الحالة التاعباني مهضوم كشحك وصدرك باني
يتهادي يميس خصرك فريع بانِ
مـن شـفت الحسن الفتّان نـومي ترحّل ووجدي أتاني
ومـاجيش حـبك غـطّاني بـسـهامو المـا بتخـتاني
مـال صـدرك لحشاك تاني وحشـاك مالبو فريع بستان
يتكّل في فروعـو يبوس تاني
لو لي الشُعرا قصيد ومثاني مـابجيد وصفك غير لساني
في فـؤادي الحـب مسّاني واصبح بِي هـواك وماساني
مابـصـح مـنّك تـنساني لوغاب شخصك عن انساني
غير شك اوصاف حسنك مؤانساني
هـبت لِي روايح داهشاني يانسـيم عقّب عود علشاني
قـول ليه غرامك أغشاني وادركـني الدمـع الرشّـاني
حسنك شانك والحب شاني يانسـيم روح بلِّغ واغشاني
بـحـق مـن انشـاك وانشـاني
ايه يامـلاكاً حسنو شجاني ليك نوره ولي نار سارجاني
طـرفي اللمحك هوّ الجاني فـي بـحور اشواقك زجّاني
فـيك خاطر بي وما نجّاني اعلم اقـبل سـعدك وجاني
لو في الاحلام طيفك ناجاني
جمر الاشواق هـبّ قلاني مـاانطفي بي دمعي البلاّني
انا مـابسلاك لو تـسلاني واوصـف لمحاسنك تسلاني
غـلّبني هـواك وخَـلاَّني فـارقت اقـاربي وخِـلاني
حسنك والاك والحب والاني

وليد الهادي
04-20-2008, 06:49 PM
يا سـمـير بِـي نـظرتك اوفي المِعاد العـيـون الشـافـتـك مـا اسـعـدا

مـن هواك انا جسمي دايماً في ارتعاد امّـا نـومي الفرّ مـا مـنـظور يُعاد
يكـفي وجـدي ويـكفي هجري والبُعاد ِرق وجـود وانظر لي راحات قلبي عاد
لـو رضـاك ينـجز حظوظي يساعدا

زاد غـرامـي و عيـشي قط ماليّ لاد يـانُسِّـيم غيـثني مـن الـم الجـلاَّد
جيب لي طيب الجسمو أحلي من الجلاَد تسـري بـين اكـمام بسـاتين البِلاد
مـافـي زهـرة و الا عـزمك قـالدا

يـانُـسيِّم نـومـي قـلّ وزاد عـناد اسـتعـد اصـبَـح عـليـك الإستناد
اجتـهـد فـي سرعه زي قدح الزناد تلقي سيّاف لـحظو صاحي وطرفو ناد
احـتـفِـلبـو و لِـفُّو بـي توب النَدا

قـولُّو يـاالمكحول طبيع من غير ثماد يالصـديرك شـال ثمارو وخصرو ماد
ياالمـحـجّـب فـي غُرف ذات العماد لـو سهام عينيك صدف راسي الجماد
غـير شـك دكَّ الحـجـاره و هَـمّدا

صـرت اعـجب دمعي ليه ملأ المِهاد صبري ولَّي وشـوقي دايما في اجتهاد
الغرام بي جيوشو لي حصون قلبي هاد طـرفي خاصم نومي و انطفي بالسهاد
ماشـكيـت الحـب شكيت ما اللي هَدا

لـيـلِي طـال عـتَّم نشر توب الحَداد مـن نـجـومه تـوشح الدُرر الجُداد
طــرفـي سـاهر يـتلو آيات الوداد الشـجـر اقـلام جـميع و النيل مِداد
لـو كـتـب اشـواقـي ليك ما عددا

وليد الهادي
04-20-2008, 06:50 PM
يـالـيل ابـقالي شـاهد علي نار شوقي وجنوني
ياليل صــار ليك معاهد طـرفي اللي منامي زاهد
دنا لي ســهرك واشاهد فوق لـي نجمك ظنوني
ياجمـيل لي سهري واجد واراك نـايم وهـاجـد
ميـن لـي عيـنيّ ناجد دمـّاعـي الغـرّقـوني
بـرّاق سنّــك يسـاعد الغـيـم المـزنو راعد
ســاكن قـلبي ومباعد تشـتاق شوفتك عيوني
لاتكـون بالنـظرة جاحد حـلمـك في الميّة واحد
منـّك لـي قلـبي شاهد وبـين ايديك يا حنوني
حـبك في الجوف يطارد مـابيـن صـادر ووارد
ياحـبيبي الليّ مـارض اشـواقـك ضـيـعوني
حـبك لـي عـقلي فاقد شوقك جـوّا جوفي واقد
قـلبي اللـي حلمو فاقد نـظراتـك يأســروني
قلبك علي ظـلمي عاقد شـوفتك راحتي ومنوني

وليد الهادي
04-20-2008, 06:50 PM
يام جبين بدري والله مابدري
آن اوان حظي ام علي بدري
طيبة فيديني تهت في ديني
روحي في ايدك ولا في ايديني
قالت لي في ايدي بيها مفدية
نظرة في شلوخي سادة في الدية
روحي مجلوبة وليك مسلوبة
اما في ديتي ماكي مطلوبة
حاجبا الشهري والخديد زهري
زي سواد عينا حظي طول دهري
العيون كاحلة والرشيم احلي
فاطرا الدري مخزن النحل
دري تقصيبا سهمي مابصيبا
طش صيادا ماخبر صيبة
جن رصيدة سهمو مابصيدا
روق ضمير طيبة عارتو الصيدة
الايدين فطرة من حرير اطري
والضمير قبضة مابزيد قطرة
جل انشاك رقق احشاك
من تقل ردفك الضمير شاكي
النظم كاري واصلو تذكاري
حق نهيد فيه طابلة افكاري

وليد الهادي
04-20-2008, 06:54 PM
وجه القمر سافر يضوي شعاعو نور وافر
يابدر سائلك جاوب ليش اخوك نافر
من حيّو السباع تنتر من رمشو السهم طافر
ريم يسحب لي سيف لحظو وآخر بالسلاح غافر
يادمع ادفر ودع ياقليب سافر
شوقي لي ضافر
هل بي نظرتك اظفر يامن بالقلوب ظافر
اعلم لولا ما طرفك للبيض الرغام شاهر
انسان عيني كاد يغرق في ماء خدك الزاهر
نورك يتوقّد لعيون الخلوق جاهر
ظلمي شي ظاهر
اشراق الفجر يشهد علي طرفي العليل ساهر
كاحل طرفك الناعس والجيد بالاسيس عامر
مجدولات ايديك صدرك رجّح طبق الضامر
زدني من تيهك طايع ليك يا آمر
زهرة السامر رفقاً بمجنونك ياليلة بني عامر
في دولة صباك تايه يااللي عشقي ماك فاكر
اصبح مسكنك قلبي الفي كل ثانية ليك ذاكر
ان رأيت محيك يالبي نظرتك ماكر
ليك اكون شاكر
امّ الافق بيك تقنع لا تولد شمس باكر

وليد الهادي
04-20-2008, 07:03 PM
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال

وليد الهادي
04-20-2008, 07:19 PM
كلمات : ليلى المغربي

انا طفل الإعانات أنا جيل المعاناة
ويومي...ماله بعد وعمري ...ماله وعد
فكيف ترونها تبدو
***************
***************
وارضع من شكاياتي
خيام الريح ابياتي
واحجاري اثاثاتي
ارود الرمل لا ابني به بيتا لاحلامي
ولكني افتش عن قتاتات الإغاثات
فصوغوا وقع موسيقاكم المحزون
من رجع استغاثاتي
فقرض الخيز....... قرص الشمس
ينأي عن حشاشاتي
وراء سرابه المؤود لهفاتي ولهثاتي
فمن جوع الي سقم ومن سقم الي جهل
تداول دورة الإيام
نقماتي ومأساتي
وهذا القحط لم يترك
سوي حزمات عيدان
أخبئ نأيها من عنزتي العجفاء
في أسمال ارداني
فأنفث فيه اشجاني
لكي اجتر نفثاتي
أطفلا بت أم كهلا
فعمري شق من
عمر المقاساة ومأساتي
فلا لغو ولا لهو
و لا ركب و لا ارض
ولا جمع لاشتات
وتسرق بغته الآهوال
أفراحي .... براءتي
أديروا آلة التصوير
في أنحاء مأساتي
تروا آثار مسغبتي
وتذكارات متربتي
وتعجزكم مؤاساتي

وليد الهادي
04-20-2008, 07:28 PM
أعمليك أيه لو ترجع لى تانى

أفرش ليك ورودى وأنظم لك أغانى

أعزف ليك عود..ويغرد كمانى

يا أحلى الوجود...يا أغلى الأمانى

ما كنت الودود حنين ووافى

من خلاك صدود .. وراك التجافى

كم أوفيت وعود حبيت تبقى صافى اليوم بتعود يوم فرحى وزفافى

وليد الهادي
04-20-2008, 07:32 PM
كان نفسى اقولك من زمان

بالكاتمو فى سرى ومكتم فى حشاى مدسوس سنين
كان نفسى قولك من زمان بالشايلو فى عينى معزة وفى القلب

ريدا يخاف الغربة والشوق والحنين
زاملنى زى خاطر الفرح وكتين يقاسم الهم عذاب
وقتين مدامعى تكون جزا وتفتح مباهج الليل ظنون
*****************************

كان نفسى اقولك من زمان

سطوة محاسنك عندى ما كسرة جفون وكت العيون تعبرنى زى خاطر المسا
سطوة محاسنك ما الرخام الفى الحرير وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم لى طيبتى بى لفظة حنان
وكتين مشاعرك تنسجم فى عمرى تنفح قلبى بى رعشة امان
سطوة محاسنك عندى وقتين شوقى يصبح فى هواك.. ليل عزة ما بتعرف هوان

***************************

كان نفسى قولك من زمان عينيك وحاتك غربتى وأهلى وبلادى الفيها ضائع لى زمن..

عينيك وحاتك شوقى لى زولا ولوف.. من بعدو ساب عينى سهن
وأنا كنت دايرك من زمان أشرح حكايتى معاك الِـف
أحكيك وأزيد القول ولف وأتمنى لو قلبك عرف كان من زمان

من قبل مافى قلبى يتحكر زمان الفرقة فى جرح لأسى

من قبل ما حرف الحقيقة الحلوة يتبدل عسى ويصبح امانى كتيرة فى خاطر الحنان

كان نفسى اقولك من زمان

وليد الهادي
04-20-2008, 07:34 PM
زمن بروح
وزمن بجى
لا شهراً بفوت
زى شهراً بجى
والصبح يغوص
فى ليلاً بجى
والليل فرح
صبحاً بجى
ود حامد اشهق
للخير يجى
للخير بجى

وليد الهادي
04-20-2008, 07:43 PM
كلمات : السر احمد قدور
الحان ابراهيم الكاشف


يا حبيبي قوماك ننفرد
على مقرن النيل الظليل الروض بسم والطير غرد والطقس لا حر لا برد
الشمس ديك بانت شروق هنا يا الحبيب نجلس نروق وسط الزهور العاملة روق
تبسم اشوف دنيا وبروق بعدين نقوم للنيل نرد ونلاعب الموج ياجميل
انا نادوا لي سيدس انا نادو

نور الصباح بدا وانتشر ومن المنام صحت البشر اما السولقي بدت تسوق
والقمري غني بكل ذوق اجمل صباح زاد قلبي شوق انت الحياة وانا ليك عشوق
ليك طاب زماني الى كشر وريني ليه ناوي الرحيل انا نادو لى زولي انا نادو

شوف توتي يا المحبوب بدت كالطفل باكي يتنهد
ضماها داك النيل الشفوق
والطير عمل فى نخيلها سوق
وصحت الطبيعة بدت تفوق
الشمس طلت شوفا فوق .. فسحتنا يا سيدي لنقضت .. لازم نعود عند الاصيل لازم نعود

وليد الهادي
04-20-2008, 07:44 PM
حبيبي اه وقلبى تاه فى يوم الزيارة
الدنيا وعمارة ... الجنة ونعيما .. بزهورا وثمارا
الناصع بياضا و الفاتح صفارا .. والغامض خضارا
يصد فى خدود يضون .زوخدود بدون امارا
يرسل لون ملون .. احمر .ز اصفر .ز اخضر فاتن يا سمارا
حبيبي اه ... وقلبى تاه فى يوم الزيارة
التفت واداني بسمة تزرب الدهر ازدهارا
مثلت فيها الوداعة وخفة الروح والمهارا
ده الجذب قلبى بفنو.. نظرة منى .ز ونظرة منو
واحدة منى التانية منو
وارتفعت الحرارة .. والتهبت العواطف واصل النار شرارا
حبيبي أه .. وقلبى تاه فى يوم الزياة
شال منام عيني وسابنى وحدي اشكي وجدي وارسل الاهات مرارا
ماهو البى لانو لسه نونو
حولو ناس بالعيد يهنو ناس متابعين نور يغنو
وانا روحي ليهو توه .. داعيها حالى تشوف
هايمه فى ليلا ونهارا
وانت يا الناعسات عيونك الله لعيوني السهارا

وليد الهادي
04-26-2008, 11:45 AM
يا مشاوير المحبة
الكلمة تقلت
والخطيوات الندية
الغيمة الشالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَـخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهو
خلى إظلامِـك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية
وأبقى عايش كل لحظة نور هنية

وليد الهادي
04-26-2008, 11:48 AM
الأهلية كملت يا حبيب راحت
يا حليل شمس المحنة الغرَّبت طاحت
@@@@@

بسم الله إبتديت متل البرق لاحت
في الشين والفسل بقينا نتباحت
طال الكان قصيِّر والعالي إتاحت
والصولات حليلِن مَلَكَتِنْ راحت
@@@@@

مالك يا زمان شبَّعتنا هوله
لبَّست الناس تياباً حاشا مِي هولا
يات من كان يجي دمَّاعو مبهوله
والــ لله راحت لقت البواجهوله
@@@@@

مالك يا زمان شبَّعتنا وِح ووحيح
صِح الدون كِضِب .. كِضْب العوالي صحيح
يات من كان أنا جعلتو ليَّ صليح
عقرب حزَّ ليَّ يا نفسي زين ومليح
@@@@@

في حِوال الزمن صار الفِكِر حاير
والياباك خلُّو عندو شِن داير
فوق أهل الفِكِر كاس الوحيح داير
لفت سوق النفاق سوق السمِح باير
@@@@@

تُب الشباب إن بقى كوَّاس
تُب الصبي إن قطع المروة خلاص
تُب الشايب إن بقى وسواس
تُب الأقربين الإتفاتتو الأنفاس

وليد الهادي
04-26-2008, 11:49 AM
حاجه امنه اتصبرى عارف الوجع في الجوف شديد

عارفك كمان ما بتقدرى

جاهلك شكى وجاهلك بكي

في بيتك المرق اتكي
والشي البحيِّــر وما بحيِّــر

مابيه ياحاجه الزكاة

طلع الصباح لو ليك مراد
ياحاجه ما تطلع شمس
والليله عندك زى امس

لسه الرويدى مع الصباح
يا حاجه ماجاب ليك خبر
كان جوفو زى جوف العيال

من مده داير ليه حجر
والله على الزمن الحجر
المابي بالصبر اتكرى

ومشيتي لي برج الحمام
برجك صفيحتين ما بزيد
ومشيتي لي برج الحمام
كان تلقي ليك جوزاً جديد
يمكن بعد طلع الصباح
يغشاكي زولاً يشترى

هبشتي جاى فتشتي جاى
كان تلقي سكر بس محال
باقى الرطيل الفي الكرت

ياحاجه سفوه العيال
ياحليل زمان وسنين زمان
ياحاجه لو تتذكرى

وسمعتي صوت جاك من بعيد وبعد قليل بابك ضرب
وسمعتي صوت جاك من بعيد شالك تعب ختاك تعب

ياحاجه ناس المويه جوك.. اصلو الشهر روح جرى

بعد صراع وصراع طويل
ياحاجه بينك والمحال
مالقيتي في داك النهار
شيتا يجو و ياكلو العيال
حبة عدس مابسوى شي
وينو البصل وينو اللحم
حبة عجين مابسوى شي
وينو الدقيق وينو الفحم
من جاى لجاى فتشتي جاى هبشتي جاى
لازمك كتير تتقدرى
ويا حاجه امنه اتصبري

وليد الهادي
04-26-2008, 11:51 AM
اشعار : احمد محمد الغالي

الحان : عثمان النو

عيناك لى سقيا وحلاوة اللقيا
ان غابت الاصحاب وتركت مقهورا
عارٍ بلا انخاب
اتلصص السقيا من فارغ الاكواب
عيناك
قلبي عليك يمور يا قارب البلور
من لحنك المكسور
الكف صار عليل
لا يرسم اللوحات ولا يحمل الازميل
ان غابت الاصحاب
وتركت مقهورا عارا بلا انخاب
اتلصص السقيا من فارغ الاكواب
عيناك ......
عيناك ........

وليد الهادي
04-26-2008, 11:53 AM
للشاعر/ هاشم صديق
الحان / عثمان النو

دي المدينة وديل ايديا
داير اكتب انا في النوافذ اه في المنافذ
اسمي تاريخي وحكاوي الرحلة في الزمن المعاصر
داير اقول كل الكلام
الما اتفهم لي جاري
لي صاحبي واخويا
ولا اتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا

اه اه يايمه لسه بخوض في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف

مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف

سامي الشريف
05-06-2008, 08:11 AM
علمتني معنى الحياة يا أبو العيون الحلوة

عرفتني سحر الجمال وين منبعو
سمعتني نغمو الجميل ما اروعو
شوفتا النجوم في سناياك يلمعو
لحظات واشراق الجمال ودعو
يا ابو العيون الحلوة

عرفتني أهوى الجمال وأقدسو
وأيقظ مشاعر الناس عليه لو كان نسو
حب الجمال زي الهوى البتنفسو
لكن بخاف من العيون لو كان قسو
يا أبو العيون الحلوة

يا آية من صور الجمال المشرقة
يا جزوة من نار الغرام المحرقة
يا نجمة في طول الليالي مؤلقة
وقلبي الرهيف بي علاك لمن ارتقى

سامي الشريف
05-06-2008, 08:32 AM
الشاغلين فؤادي .. وفايقين تائهين

يكفي البي زارف .. دمعا ما يقيف

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمها اجتمع

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الصلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

سامي الشريف
05-06-2008, 08:39 AM
والله نحنّ مع الطيور.. الما بتعرف ليها خرطة

ولا فى إيدا جواز سفر نمشى فى كل المدائن

نبنى عشنا بالغناوى .. وننثر الأفراح .. درر

والربيع يسكن جوارنا والسنابل تملا دارنا

والرياحين .. والمطر

والحبيبة تغنى لينا

لا هموم تسكن دروبنا

ولا يلاقينا الخطر

إلاّ باكر يا حليوة لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى والله نحنّ .. مع الطيور

الما بتعرف ليها خرطة ولا فى إيدا جواز سفر

سامي الشريف
05-06-2008, 08:40 AM
خاطرك الغالى

دائما أطيب خاطرك الغالى واسامحك لو نسيت
ودعت من يهواك وقلبه بقربك مهما نسيت
كم حاول يفرق بينا حاسدا او عزول
كم مره قالوا جنيت عليه بدلت ضوء ايامه ليل
لكنى يا نور العذراى انا ما بضيع حبى قول ..
تلقانى دايما في رجاك وغناى في حبك رسول
اسال عليك الليل ونجمه وحتى انوار الصباح
وكل طائر في سماه اسال مشاعر عن هوانا
وليه حنانك لى راح
تلقانى في غاية الألم آمالى تزروها الرياح
حيران اسال نفسى ايه كان السبب واصل الخصام
يمكن اكون في حقك اتلومت في ساعة مـلام
لكن ما معقول يكون انا قلبى ليك حفظ الفراق
ما اظنه من يعرف الهوى يعرف عدوه مع السلام

سامي الشريف
05-06-2008, 08:42 AM
أوعديني بكلمة منك
وأحكي لي عني وعنك
وين حنانك؟ وين مكانك؟ وين ؟؟
كنتي سالية وناسية حبك
وأحلى أيام عمري قربك
أيه عتابك وإكتآبك
وإنتي في قلبي وخيالي
الأماني والسعادة
في حياتك يا حبيبة
والمشاعر زغردت يوم الخطوبة
رقصة حلوة في كل غنوة
وفرحة في طول الليالي
عدت وحدك في النهاية
وعودة حلوة من البداية
عدت أحلى وحبك أغلى
وزدت نضرة وعهد غالي

سامي الشريف
05-06-2008, 08:43 AM
اعزة حبيبة

خلي قلبك معاي شوية يا اعزة حبيبة لي
واذكريني يا اغلي درة كل لحظة وكل عشية

في هواك جفت دموعي وفيه كم ..كم ذوبت ذاتي
في رضاك افنيت شموعي قلت اصدق اغنياتي
في قدومي وفي رواحي اشدو بي زكراك واهاتي
املي اسعد في غرامك و بيهم يدوم انشراحي

لكن الايام توالت وصبري يا ما طال ليالي
احتمل حرقت بعادي في سبيل حبك واهاتي
في رجاك والجنة قربي وبرضك ابعد من منالي
حتي والاخبار اسأي وانت ادري الناس بحالي

لمن نار الغيرة تعمي .. قلبي عن نور الحقيقة
او اقول انساه حبك واكتم اشواقي العميقة
رغم عن نفسي وظنوني تسمو عاطفتي الرقيقة
اهدي ليك حبي وسلامي كل لحظة وكل دقيقة

سامي الشريف
05-11-2008, 08:02 AM
يا ريتنى لو أقدر أقول

فيكِ الكلام الما انْكتب

واجلى المقاطع بالدهب

وافرد صباح حُسنِك وشاح

يمسح عذاب عمرى المسطرّ باللهب

بريدك...

كلمه كان رفّت

يِهش ثغر النجوم ويسطعَ

ولما ينادى همس الشوق

يقيف كل الزمن ويسمع

عيونك ديل عيون أهلى

حُنان زى نغمة فى مقطع

وطُهرِك تاج جواهرهُ العزه

وانتى العزه ليك تركع

بحبِك يا صباح العيد

ويا فَرَح العريس السار

واحِسّك فى سما الأزمان

شمس بِتضَوى للمشوار

زمان يا حلوه ساقنى الليل

وغِبْتَ وضعتَ فى الأسفار

ولّما لقيت عيونك ديل

بديت اعشق عيون الدار

وَحَاة ريدى اللى شاف طيفِك

كتير قُباّل يلاقى ويشوف

جراح الماضى بيك نامت

وغابت كلُ رعشة خوف

بحبك ومافى غيرك نور

يهِل ويغمرُ طريق الشوف

وما فى بَلَاك نور بِسْطَع

ولا فرحاً يسوقنى يطوف

سامي الشريف
05-11-2008, 08:07 AM
المهرجان

رفا قلبي بي جناح النسايم
راح وشاف جمالك
شاف جمالك وانت نايم
شافك لقاك أجمل ملاك
روضة ربيع غطت نداك
يا وردة أحلى من الزهور
مالو القمر يا حلوة خلاهو الظهور
رسلتا قلبي اليك هناك
جاني ورجع محتار معاك


أحتار أنا .. أحتار أنا

أنا عمري وين .. أنا حبي وين
أنا أنا قلبي وين .. أنا عمري وين
عمر المعذب كم سنة
احترت في عمرك سنين
يوم الهناك ويوم الهنا
و بقت حياتي مقسمة
نص في الأرض ونص في السما
وانت القمر وأنا كلما
زح السحاب ألقاك تميل
فيك الدلال و أصلو الدلال حق الشباب
وانت السحاب حجبك كتير
و أنا في الأرض يا روحي حارقني الهجير
أحتار أنا .. أحتار أنا

تنسى ليــــــــــــــــــه
و أنا قلبي بتذكر كتير
يوم لقيتك و هويتك
و انت وريتني الحنان
الحنان في أحلى نظرة
في ابتسامتك في خيالي أحلى ذكرة
بالاشارة لفتة عابرة
شوفت حبك كنتا خايف كنتا قايل
الجميع عارفين محبك
و العيون راصداني لمن أبقى جنبك
بتبقى ذكرى فيها انت
فيها قلبي وفيها قلبك
فيها يوم المهرجان .. أحلى يوم المهرجان
أحلى من عمر الزمان


أحتار أنا .. احتار أنا

سامي الشريف
05-11-2008, 08:10 AM
ما هماك عذابنا

لا دموعنا وشقانا

نهديك المشاعر وتخون الأمانة

عارف ريدنا ليهو كم قاسينا فيهو

لو غاب من عيونا دقيقة دقيقة نخاف عليهو

أصبح لينا مرسى نرتاح في عينيهو

تمشي تخونا إنت تقول تتهنى بيهو

في ساعة غيابك نسأل وين تكون

وسدناك رموشنا وشلناك في العيون

كيف يرضيك ضميرك تتنكر تخون

العشرة الكانت ببتحدى الظنون

سبتا مصيرنا ضايع مرساه العدم

في بحور السراب بالدمعات وهم

عشان آمالنا فيك قلبنا ما ظلم

خلاص عرف الحقيقة

وما بفيد الندم

لا هماك عذابنا

لا دموعنا وشقانا

نهديك المشاعر وتخون الأمانة

سامي الشريف
05-11-2008, 08:12 AM
طيبة الأخلاق

يا طيبة الأخلاق فراق حبيبي الما بنطاق
الريد يا طيبة الأخلاق ليه يا دنيا تختاري
تشيلي حبيبي من جواري أنا القدمت تذكاري
وليه حطمت آمالي معاك يا طيبة الأخلاق
قادر ربنا الخلاق أداكي الخلقة والأخلاق
هايم وليك حبيب مشتاق ويا تومتي الزمن فراق
يا طيبة الأخلاق
كلام الناس كتير هوه كتير لا حوله لا قوه
وحبنا في الفؤاد جوه يا ربي تنصف الخوة
معاك يا طيبة الأخلاق
أنا جسمي الكلفته أنسلب وانا قلبي الغذيته انجذب
جبت الجمر فرشته وتوب الصبر فصلته
عملت تياب وفصلته
معاك يا طيبة الأخلاق
ليه يا حنينة بت أمي أموت نشفانة من دمي
أموت سهيانه في همي أموت وتعزو ناس أمي
أموت ريدي معاك تمي
معاك يا طيبة الأخلاق

الله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى

تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي

تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا

سامي الشريف
05-27-2008, 12:35 PM
بت العرب النوبية
الشوق من حاصف لا قاصف
اتلم يهز ليك يا نوراى
يادرقة وسيف
ياحصنا كيف
من شر الصيف والشتا ضاراى
يا شملة غز بقت جواى
عدت بى ضلام بحرا عاصف
يا بت العرب النوبية
ويا بت النوبة العربية
بى شملة نخوة بجاوية
او شجرة الصحوة الزنجية
دسينى من الزمن الفارغ
من ريح المتعة الوقتية
من شر الساحق والماحق
بين دبش المدن المدعية
والليل إتحكر بيناتنا
كحل بى ديشو عويناتنا
يا شمس الناس المسبية
الجوع .. العطش .. الغد واحد
الفقر الضارب زى سوسة
الخوف والحالة المنحوسة
يا بحر الحاصل لاك ناشف
لا قلمى الفى ايدى عصا موسى
الناس عوجات تحرس ترجى
ترجعبو سلاح وانوار زينة
بنبان تواليت افات وسكى
للناس الدمنا بنزينا
يابت الناس الصالحين
الذمم المشرية الطالحة
شتان بين دينك وبين دينا
يا نورة شليلك مافات
جاييك يتزود من غلبك
القمر الطيب يفضحنى
تنبحنى سجونك وآهاتا
كجنا سجونك لولاك
منعول الزمن الخلاك
سلمت الوطن الهمباتة
على كيفك كيف بتحكم
ياسوس تكنك ما بتعلم
بى حال البتألم وساكت
يا حال الساكت وبتألم
بتفتق جرحك يوم تبرا
تتلم وقيدك يتحطم
وين عادك هارب من بكرة
وخطو التاريخ البتقدم
رغما من عنت الايام
والزمن الجهجاه الفاجع
بى النفس النازل والطالع
ولا واحد من شعبى مضارع
سميت ومشيت وما متراجع
ترتالاها تكوسلها فى الجيه

سامي الشريف
05-27-2008, 12:38 PM
من بعد ما عز المزار
والليل سها وملت نجومو الإنتظار
والشوق شرب حزن المواويل
وإنجرح خاطر النهار
وبقيت أعاين في الوجوه
وأسال عليك وسط الزحام
قبال أتوه
يمكن ألاقى البشبهك
ما الليل براح
والشوق تعالي بيندهك
شايلاهو وين النيل معاك
عصفورة جناحتها النجوم
وأنا بي وراك
بسأل عليك مُدن .. مُدن
وأعصر سلافة الليل حزن
بسأل عليك في المنفي
في مرفأ السفن
إمكن طيوفك أخريات الليل تمر
تملأ البراحات للحزين طول العُمر
ما نحن بين الأمنيات والتضحية
بين المعزات والعذابات في الحياة
بينا الهوى إخلاص على قلبي إنكوى
وكلام كثير قلناهو آخر الليل سو ى
إنو راح نتلاقى لو طال النوى
لكن كلامنا الكان وكان
خايف يكون شالو الهوى

سامي الشريف
05-27-2008, 12:39 PM
يبقى بعدك في الأسى
وتبقى أنت الظالم القاسي النسى
وغصب عني أزيح ظنوني
وأقول عليك أنت المسامح
وفوق شجوني أعيش زمان بالفرقة جارح
عارفني منك
لا الزمن بقدر يحول قلبي عنك
لا المسافة ولا الخيال يشغلني منك
تحرمني منك
لا الزمن بقدر يحول قلبي عنك
لا المسافة ولا الخيال يشغلني منك
تحرمني منك
المواعيد لا بتجيب منك تودي
لا رسالة تجبني منك
لا خبر طمني عنك
وأنت سايق فيني ظنك
رغم إنك أنت عارف إنو منك
لا الزمن بقدر يحول قلبي عنك
يا هوى الشجن الأليم
خليتني في الألم النعيم
وأبقي في كل المدائن
سكتي وسفري الجحيم
وأنت سايق فيني ظنك
رغم إنك إنت عارف إنو منك
لا الزمن بقدر يحول قلبي عنك
لا المسافة ولا الخيال يبعدني عنك

سامي الشريف
05-27-2008, 12:46 PM
صفوة عاشقيك
صلاح حاج سعيد

قلت ليها
إيدي في إيديها
دمعة حزن سالت
جاي منك وماشي ليك
يا مداين غربة طالت
لو مدارات نجمي ضلت
سكة السفر إستحالت
كوني في دربي الحقيقة
الدايمة ليها مشاعري مالت

قلت ليها
وكنت راجع لي عينيها
من أسى الزمن المسافر
في المشاوير العصيبه
من متاهات الأماسي
من متاهات الحزن
مضمناها وحبيبه
بيني لا بينك مسار
لا محطات إنتظار
لا مواعيد قريبة
إنتي يا الفرح الحقيقي
المستحيل
هدهدي الصبر الجميل
وأمسحي الألم المخيم
في مدارات الرحيل

قلت ليها
الحقيقة الضائعة
بين قلبي وعيونك
إني لا قادر أفوتك
لا أجيك
وإني عارف بدونك
أبقى كلمة حب تزف
البشرى في ساعة مجيك
وإنت عارفة
ياني أكثر زول بريدك
ياني صفوة عاشقيك
ياني أكثر زول بحبك
ولسه بحبك متيم ومبتلى
وريدك زادني حيرة على العلي
لا مراكب القدرة خبت قلبي عنك
وإنت لا قلبك نساني
ولا خلاني
وقلت ليها

سامي الشريف
05-27-2008, 12:47 PM
لمحتــــــــــــــــــك
لمحتك
قلت بر آمن .. بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم

كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
أخاف
غيم المنى الشايل
تسوقو الريح .. ويتفرق
أخاف .. وأخاف

وأشد ساعد على المجداف
وأجيك بى قدرتى الباقية
حطام إنسان موسّم بى شقا الدنيا
ومقسّم قلبو فى الأحزان
أجيك فنان
أشد أوتارى .. وأحكيلك
حكاية إنسان وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف
الضفة ترجع بيك .. قَبـُل ألحق
أخاف
غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق

سامي الشريف
05-27-2008, 12:49 PM
على بابك
على بابك نهارات الصبر
واقفات ...
بداية الدنيا هن واقفات
وكم ولهان وكم طائر
بعد نتـّف جناحو وراك
لملم حر ندامتو .. وفات
قطع شامة هواك من قلبو
إلاّ هواك نبت تانى
وعلى بابك وقف تانى
غمايم شاقة حضن الليل
مسافر فيها وحدانى
وبدون جنحين
يغنيك الهنا .. المافى
ويغنيلك رهافة حِسو
يفنى على جليد آمال
ويحلم بالشتا الدافى
وقدر ما يمشى
فى سور الزمن خطوات
يلاقى خطى السنين واقفات
يلاقى هواك نبت تانى
وعلى بابك وقف تانى
وملا الساحات

سامي الشريف
05-27-2008, 12:52 PM
ليه بتسأل
ليه بتسأل عني تاني بعد ما شلت الاماني
روحت خليتني لزماني وانت عارف علي جاني

لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني

امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني

سامي الشريف
05-27-2008, 12:53 PM
مالك مجافي الناس عايش براك في غربه؟
أنحنا ناس جيرانك قضينا عُشره وصحبه
من يوم سكنت قصادنا مالك بعيد ما بينا
لا بترعى حق الجار لا العيد بجيبك لينا
واصلنا وأدخل بيتنا عشان نجيك وتجينا
أصلو الصلات الطيبة واجب عليك وعلينا
من يوم سكنت الحي معانا ليك شهور
لا بتمرق لا بتجامل لابتقضي مره تشوف
وحتى الطيور بتوالي وتعيش وحيد مكسور
دايرين نوالفك نحنا وانت الولف مابيهو
الجار بخاوي الجار بإلفي ايدو والما في ايدو
الناس توالف الناس منو البعيش وحديهو
أنحنا ما قصرنا وانت العليك سويهو

سامي الشريف
06-19-2008, 10:06 AM
الشاعر محمد ود الرضي طبعا كتب قصائد كثيرة جدا منها الغزل والمدح والحماسة والخ ..... من القصائد ويحكى ان زوجته قد تزمرت منه وقالت له لقد كتبت قصائد كثيرة الا انا ما كتبت فيني اي قصيدة قام شاعرنا علي طول كتب قصيدة ست البيت وقال فيها

ست البيت البيت بريدها براها ترتاح روحي كل ما تراها

قالت جارتها مجاوراها تجي شايلة وتجي مزاوراها
تلحـظ احتياجنــــا براهـــا ونشكــر سعيها بي وراها

ما قالت بقيت حبوبة وتركت بوختها المحبوبة
لو جات من رياحها هبوبة بتحي عروقك المهبوبة

مي العزاية دائما حادة مي الغبشة المغبرة سادة
مي اللهفانة بي وراء المادة دي اللي البوخة ديمة موادة

ليه ما اشكرها مطاوعاني حافظة لي متعتي وحافظاني
حاوية من الانوثة معاني ومهما ابقي مر بالعاني

لو كان يوم حبيب وصل لي الكرم العريض يوصل لي
منها قط خلاف ما حصل لي بس ازعاجها لي قوم صلي

سامي الشريف
06-19-2008, 10:09 AM
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
*******
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
******
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

سامي الشريف
06-19-2008, 11:13 AM
يا اماني وجار زماني لو اراكم اصبح سعيد


نور جناني وقبلة حناني ياجواهر عقد الفصيد

بغبتتي ان لم تعلمان هاك شرحي وهاك فيرماني

ديمه ساكن دمعا عماني كيف اصنع؟ كيف علماني

يا امان روعي خير زماني هل اراك لو امدا بعيد

فاق حنان الامات حناني ليك ..بلغيرك عناني

يوت مفكر عاضض بناني حتي انكر حالي الدناني

يا حبيبا حبك ضناني ان اموت في حبك شهيد

يا امان روعي ويا عواني من لهيب الشوق الشواني

البيروي الناس ما رواني طاب لي في حبك هواني

لو تخلد وجدي التواني لا يزحزح عهدي الوطيد

كان خيالك مره اصطفاني شفني وما عود شفاني

هو الحبيب مهما جفاني يا حبيبا فيك عمري فاني

لا اقول من نارك كفاني بل اقول هل من مزيد

مالو فر قلبي وبصري راني لي لايح نور أخضراني

يبقي بسم المحبوب طراني يبقي ذكر السبب العراني

يبقي حسب وامل يراني الله قادر يدني البعيد

أنا صادق في حبك

لطفى احمد عمر
06-21-2008, 11:16 PM
جلبت ليك من بلاد الله البعيدة
صنوف من الوجد المُــــــــلِح
دُرْت القـــــاك بالســــــــــــمح
كــنت اصـــطاد فــى الظــهيرة
مــــن مــناقــــــير الكنـــــــــار
بوصـــلات سِــــككْ الاغـــــانى
و مــن قــرى الليـــل القصــية
انتشــــل عـطــــــر الامــــانـى
لــــو ألاقــى اللـون أدِســـــــو
لــما يغـــرس فــينى حِسٌُــــــو
لـــــــى مــلاقــــاتك هـــــدِيــة
و اتفقـــد الرعشـــة المعْــبَية
فى إيدِيٌَا

لطفى احمد عمر
06-22-2008, 11:59 PM
لـــيه غــبتِ يالقمـــرا
نركـــب جـــياد الــليل
***
ينشـــرَ بينـــا صـــباح
سفـــر العتامـــير لـيل
***
نرجــاك فـى المطـــرة
ارجــع تعــال يا شــليل
***
درع الامــــيرة سِــــرِق
ســــوٌُهو حـــدوة خـــيل
***
بحـــر العطاشـــا نشــف
نشـــرب بواقــى الســيل
***
صد لى ملامحك يا حـراز
ريــح العـوارض غــرٌَبت
***
فـرتق ضفايرك فى الرزاز
جــية العصــافــير قـرٌَبــت

rufa3ia
06-23-2008, 03:01 AM
كلمات اغنية : بخاف- ابوعركي البخيت

بخاف

بخاف أسال عليك الناس

بخاف أسال عليك الناس

وسر الريده بينا يذيع

بخاف أكثر كمان ياغالي

من إيديّ إنت تضيع

وأعيش بعدك حياتي جفاف

آه مواسم ريده بينا مافي ربيع


بخاف يا إنت لوجيتك

ألملم في خطاوي الشوق

وأزور بيتك

يقولو عليّ حبيتك

بخاف لوبرضي غبت عليك

تقول نسيت وجافيتك

بَهـِم لو صدفه لاقيتك

درب حِـِلـِّتنا جابك يوم

تشيل ياروحي ترمي اللوم

عليّ وتزيد همومي هموم

تقول جافيك وأنا نسيتك ؟؟؟

أريت تعرف

حنيني إليك ياريتك

كمان تعرف

لحد وين بعزك

وفي أعماقي حسيتك

ياريت انت تعرف

ياريت انت تعرف

وبس خايف إذا جيتك

حكاية الريده تمشي تذيع

ومن إيديَّ إنت تضيع

وأعيش بعدك آه حياتي جفاف

مواسم ريده مافي ربيع

rufa3ia
06-23-2008, 03:05 AM
زول بريدك زيي مافي


لو تخاصم أو تجافي

تبقي لطبعك منافي
يا زمن ريدي الخرافي
وزول بريدك ذي مافي

شلت ريدك في الحنايا
شفت فيك احلام صبايا
انت يا ريدي ومناي
حبي ليك والله صافي
وزول بريدك زي مافي

انت لو عارف الحقيقه
دنيا غيرك ما بطيقها
اصلي سارح في جمالك
وبهوى في عينيك بريقها
وزول بريدك زي مافي

الله يحفظ ليك جمالك
وديمه رافل في دلالك
يالبديع معدوم مثالك
وبيك تزدان القوافي
وزول بريدك زي مافي

عباس حمد
06-23-2008, 06:51 AM
يا مداعب الغصن الرطيب


يا مداعب الغصن الرطيب

فى بنانك ازدهت الزهور

زادت جمال ونضار وطيب

****

يالمنظرك للعين يطيب

تبدل الظلمات بنور

وتبدل الأحزان سرور

إن شافك المرضان يطيب

****

تعجبنى والشىء العجيب

هادي وأليف ماك النفور

بى عفتك صنت السفور

والحسن والأصل النجيب

****

انا وانت فى الروض يا حبيب

راق النسيم وحلى للمرور

بقى أحلى من ساعة السرور

وأدق من فهم اللبيب

****

والروضة فى موقع خصيب

حضنوها واتلافوا النهور

ترى فيها انواع الزهور

من كل لون أخدت نصيب

****

يانع ثمارها ونص وطيب

أِبه بربات الخدور

الإتبرجن فى يوم حبور

زادن جمال ونضار وطيب

****

فى الروض غنى العندليب

ورددوا غناه الطيور

ترتيل أناشيد الحبور

وفتيانها يوم عيد الصليب

****

دنت الثريا بقت قريب

بين السلوك فى تانى دور

فى ثانية كم سطعت بدور

وأهلة كان نوعن غريب

****

شىء ينعش الروح فى الأديب

ويحيى روح ميت الشعور

للقاك تنشرح الصدور

ويفرح القلب الكئيب

راشد بلال
06-24-2008, 12:08 AM
الجـــريده

سارحة مالك ياحبيبة وساهية أفكارك بعيدة
بقراء في عيونك حياتي وإنت مشغولة بالجريدة
***
بتقري في إيه كلميني ياسلام مهتمة عاملة
يعني لازم تقري هسع مقال بحا له وقصة كاملة
كم شهور مرت علينا وبينا بعد فرقة شــاملة
العيون رويانا تــبكي والقلوب مشتا قة آملـــة
***
آي حاجة تمر بخاطرك قصة أوآخبار جديدة
عندي ليك خبر أهم وجايبه بأشواق شديدة
أسمعي وطاوعيني مرة أيــوه ماتخليك عنيدة
عايز أقولك..ولا أسيبك أقري أحسن في الجريدة
***
عايز أقولك..ليه أقولك.. مابقولك مش مخير
ســاعـة مرة.. ســاعة وأكثر والوقت روح تأخر
زي عنادك عايز أعاند لكن يظهر يظهر ماحاأقدر
أمري لله..كنت عايز أقولك ب ح بك ياوحيدة
بقري في عيونك حياتي وإنت مشغولة بالجريدة

راشد بلال
06-24-2008, 12:10 AM
البدر السامي

بدري سامي علاه مافي زول بسواه
حبه شاغل فكري وكيف أميل لسواه

بدري ساطع نوره يسحرك تصويره
تآسـرك نـظراته ويـسكرك تعـبيره
في الجمال والرقة مـا وجـدت مثيله
هو الجمال بي زاته ماالصعب تصويره
في فـؤادي أحـسه وبي عـيـوني آراه

لـو تكـلم غـنـأ صوتـه كـله محـنـة
أو تبـسم ثـغـره في ابتـسامه الجـنـة
أو تـمـايـل عـوده كـالقـصـون يتـنى
زاهـي بين أتـرابه بالجـمال والفتـنة
ده الفريد في عصره مافي زول بسواه

من شمائلك تشهد أنت أصلك مفرد
في محاسن غيرك مابطيب لي مشهد
شـوقـي لرؤيـاك كـل يـوم يـتـجـدد
وإن نـظـرت جـمـالك الخـدود تتورد
وإن وقـفـت حـيالك قلـبي ويـن ألقـاه

راشد بلال
06-24-2008, 12:12 AM
أعمل ليك إيه!!

أعمل ليك إيه لو ترجعلي تاني
أفرش ليك ورود وانظم لك أغاني
أعزف ليك عود ويغرد كمانِ
يا أحلا الوجود ياأغلى الأماني
^^^^
ما كنت الودود حنين ووآفي
إيه خلاك تجور وراك التجافي
كم أوفيت وعود حبيت وانت صافي
في اليوم التعود..يوم فرحي ونجأتي
^^^^
نار الحب نعيم ومر الحب حلوه
بالشوق الكتير .. قلبي تعذبوه
درب الحب طويل براي ما بقدره
ياأحباب تعالوا..تعالوا وأسألوه
^^^^
من كاسات محنة ومن ينبوع حنان
ينثر بيتنا جنة والوجد اللي كان
كنت نعيم حياتي وكنت منى الزمان
كيف هان ليك حبي ودمعي الغالي هان
^^^^
أحييت الفؤاد الماتت زهوره
واتوسد رماد إتهدت قصوره
بعد ما سعده غاب وغابه معاه دوره
في لحظة حنان تتبدل ظنونه

راشد بلال
06-24-2008, 10:55 PM
د لا ل
إن قلت والله بحبوني يزداد دلآلم ويسلوني
وإن قلت خليتو هواهم يشكواالهوى ويلوموني
أعمل أنا إيه ياناس فيهم إيه ذنبي حيرتوني
= = =
إن رحت أشكي وأتظلم أو أبكي حبي وأتألم
واقول خلاص توب ياقلبي من حبو مرة وأتعلم
ألآقي أحلامو تجيني من عز منامي وتصحيني
= = =
بغير عليها من روحي وتزيد مع الغيرة جروحي
أصبر وأقول إمكن بكرة تطراني وتقول ياروحي
لكن يفوت بكرة وبعده و تسيبني لسهدي ونوحي
= = =
مقسوم علي أرضى بعزابو ووقد بنار حبي شبابو
وتنور أيامو سنيني كل يوم يقول قلبي حبابو
ولمن يشوفني بديت اسلاه يضارى ويقول الهوى جابو

راشد بلال
06-24-2008, 11:01 PM
أول نظرة!!

رشقتني عيونه..وأثرتني فنونه
وبقيت مجنونه من أول نظرة
***
هي أول نظرة لم أخذ حذره
غير أنى هويته وفي قلبي آويته
قدرت جماله وأغراني دلاله
أوريه فنوني..ويوريني فنونه
من أول نظرة
***
الحب والنضرة والتيه والجبرة
هم مصدر شوقي..ومصيبتي الكبرى
بالحب أبلآني وكمان خلاني
أجيد أشعاره .. حبيبي شعاره
جمال يسحرني..بي لونه ولونه
***
فيك يا ذو الإمرة عاجباني رشاقة
وتبسيمة وسمرة..في عيونك خمره
الليل والقمرة ضدين اجتمعوا
وثمارك ينعو..بي قامتك رنعو
ديل حواري زمنا وحسان الجنة
بالنسبة لحسنك..إيه يعني يكونوا!!

rufa3ia
07-02-2008, 12:30 AM
الشاغلين فؤادي .. وفايقين تائهين

يكفي البي زارف .. دمعا ما يقيف

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمها اجتمع

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الصلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

راشد بلال
07-03-2008, 02:49 PM
بين الريد والهوى ..

قـالـوا بتـحبه!! قـلت: ليهـم مالـو!!
دا ايدو على ايدي..الهناء مشينالو
وحققنا أحلامناوكل عاشق عقباله
****
بين الريد والهوى..عشنا أيامنا سـوى
مـا قاسينـا النـوى..ما احـلاك ياهـوى
الهم راح وانطوى عش ريدتنا استوى
بين أيـديـه هنـايا .. فـي عينـيه منـايا
حققنا أحلامنا ... وكل عاشق عقباله
****
بيني وبينه حكايـة ... ما ليهـا نهـاية
واحلام دنيايا
لو شفتـوه معايا .. خـطوه الحالم آيـة
يروي محاسنه رواية
كم ضؤت دنيايا .. نـور دربي برايا
حققنا أحلامنا ... وكل عاشق عقباله
****
أنا بحـبه وأكتر .. يا مـا هـوايا بيكبر
ياما مشاعري بتسكر
حبه النامي الأخضر..راعيناه وازهر
في قلبينا ونور
والعزال كدناهم .. في لحظة نسيناهم
حققنا أحلامنا ... وكل عاشق عقبـاله
****
قـالوا بتحبه !!

خال هيثم
07-08-2008, 11:31 AM
واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى

خال هيثم
07-08-2008, 11:36 AM
زاد ازاي لعبيد عبد الرحمن :

زاد أذاي يا صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحول

خال هيثم
07-08-2008, 11:37 AM
صالح عبد السيد (و المعروف بأبو صلاح)
اسمها : يا ليل أبقى لي شاهد
بصوت الفنان الراحل القامة عبد العزيز محمد داؤود
يـاليل ابقالي شاهد علي نار شوقي وجنوني

ياليل صار ليك معاهد طرفي اللي منامي زاهد
ده انااللي شهري اشاهد فوق لي نجمك ظنوني

يـاجميل لي سهري واجد واراك نايم وهاجد
بـين لـي عيني ناجد بي دموعي غرقوني

لاتـكون بـالنظر جاحد حلمك في الميه واحد
مـنك لـي قـلبي شاحد بين ايديا ياحنوني

خـده البي مطارقه فاصد جامع كل المقاصد
طـرفه الكحول وراصد بي سهامو لالموني

بـراق سـنك يـساعد الـغيم المزنه راعد
سـاكن قلبي ومباعد تشتاق شوفتك عيوني

حـبك في الجوف يطارد مابين صادر ووارد
يـاحبيبي الـلي فـارد نـظراتك يـأسروني

خال هيثم
07-08-2008, 11:39 AM
المجروح ... للشعار سيد عبد العزيز ...

انة المجروح
يا أنة المجروح
يالروح حياتك روح
الحب فيك يا جميل
معنى الجمال مشروح
للحب لهيب فى الجوف زى الزناد مقدوح
منه الجبابرة تلين لصوت بلابل الدوح
وتصاحبو النسمات تفضل معاها تدوح
بين نغمة الأشواق ومحاسن الممدوح
الناس تحب رؤياك بالخاطر المشروح
حورية فى السودان بحبى ليكى أبوح
يا عنب جناين النيل أتمنى منه صبوح
وانشد فؤادى الضال بين الرياض مذبوح
وأرى الهلال فى ظلال تلك الخميلة يلوح
أنا لو ضمنت رضاك اكون سعيد ممنوح
يا من تسر رؤياك تفرح وتنسى النوح
تكسى النهار بجمال خديك جمال ووضوح
منه الغزالة تقيف فى موقف المفضوح
من الوله للقاك دمعى الغزير مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقة تفوح
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج بنموج
عدل الطبية جعل جور الحبيب مسموح
يا ملفت الأنظار يابسمة المفروح
وانا أهدى ليك الحب حب من فؤاد مجروح
حب الشحيح للمال حب الجبان للروح

خال هيثم
07-08-2008, 11:40 AM
مشوار الحكاوى

كلمات : يوسف محمد
غناء : حمد الريح

لو عارف عيونك توهت العيون
رقصت المشاعر وغنى معاها كون
شفنا الدنيا حلوه فى رموشها وسرحنا
وصابحنا الامانى واتمدد فرحنا
والحنيه هلت فى دنيانا طلت بامر العيون
موال برضو غنوه بس من نظره حلوه
عاشت فى خيالنا فى وجادنا سلوى
واترسمت سنين فى قليبنا الحنين
وتلاشت شجون
لما معاها نسرح ونتوه فى الغناوى
ويداعب خيالنا مشوار الحكاوى
تتلاقا امنياتنا ونقول اغنياتنا
فى اجمل عيون

خال هيثم
07-08-2008, 11:46 AM
*** سمح العلم ***

كلمات : هيثم عباس
الحان : هيثم عباس
اداء : حرم النور

يايمه كان ماسا اراده

سمح العلم سمحه الشهاده

ياحليلو نحنا قطرنا فات

زمان كان والدك يعاكس

لاتقرى لاتدخلى المدارس

ماقلنا بنحيا قدر ده كلو

ونشوف بنات جيل واعى دارس

ياحليلو نحنا قطرنا فات

الواحد من ســـ 14 ــــــن

ادوها للفى تجارتو شاطر

ابوكى اديهو من غير اشاروك

من غير تشوفى تقولى حاضر

احمدن انتن الله سيدكن

تابن الدارنو غيركن

تختارن الشئ الفى مرادكن

تقررن انتن مصيركن

قريتن الجامعة ورطنتن

انجليزى لبط معجن

النصو عربى وشيتن تانى

بتفهمنو براكن انتن

ياحليلو نحنا قطرنا فات

والله لينا يا الماقرينا

ياالانترنت سويتا فينا

اريتك كان جيت فى زمنا

كان للوصائد ملينا

نقول قسمتنا كده نسميها

انا حبوبه قريب للميه

لاببقى دكتور لاوزيره

انفعنى محو الاميه

خال هيثم
07-08-2008, 01:53 PM
سالب فؤادى

سالب فؤادى وماعليك

انا فى الجحيم مستاف اليك

يامن احبك واصطفيك انا ليا روح مفتونه بيك
هل مره بين بمنزرك واسحر لكل من ينذرك
يااسما غايات الوجود كل الخلوق تتشابا ليك
كل الجما ل وهبوه ليك وجعلو السحر فى مقلتيك
خلقوك ايه من الجمال خفه ورشاقه وطيب خصال
يامن بحبك اكتفيت مفتون هواك والجرحونى سهام عينيك
اتمنى همس البين اديك وتسالنى عن اعجابى بيك
تلقانى مخلص فى هواك لم اوهب الحب لسواك
يانور حياتى ودنيتى ظلمونى بالقالوهو ليك
ياحبيبى بالقالوهو ليك

خال هيثم
07-08-2008, 01:57 PM
الطمباره والغناى

للشاعر/ محمد طه القدال

لحن الاستاذ/عثمان النو



نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

خال هيثم
07-09-2008, 01:11 PM
اعزرينى ( للمبدع جمال فرفور )
أعذريني الدمعة ديّه...حتبقى آخر دمعة ليّه
تاني لو قربت منك.....يبقى ليك الحق عليّ

أعذريني محال أعاود....تاني ريدتك وأمشي ليها
ولا أرحل في عيونك....والطفولة الضاجّة فيها
كيفك أريدك وانتي أصلك....ريدتي ما حسيتي بيها
بالبعاد ما تعذبيني......أعذريني وأعذريني

ما قدرت مرة واحدة......بالغلط أغلط عليك
وانتي عمرك كلو ظالمة.....والدليل غفراني ليك
عارفو قلبك ما معاي.....برضي شاغل قلبي بيك
بالحنان ما تعشميني......أعذريني وأعذريني

من زمان وأنا راجي منك....كلمة بيها تفرحيني
وانتي ما فرحت قلبي......كنت ديمة تجرحيني
قسمة الزول ما بتفوتو....والبجيني معاك بجيني
لو بكت منك عيوني......سامحيها وأعذريني

خال هيثم
07-09-2008, 01:19 PM
بعد الفراق


بعد الفراق ما عدت تاني تهمنا

إيه الحصل تكتب جواب مضمونه انت تذمنا

ما قلت في ساعة الوداع مافي أمل ح يلمنا

اخترت إنت طريق طويل سكتنا ما زي سكتك

لابس المظاهر والغرور في نص الطريق بنزلك

إيه الحصل تكتب جواب وعايزنا نحن نقدرك

ما قلت في ساعة الوداع إنت النجوم وايدينا ما بتحصلك

إنحنا ما درنا الفراق والله ما درنا الفراق البيه جيت فاجأتنا

عايشين علي ريدك سنين في لحظة جيت بس خنتنا

إيه الحصل تكتب جواب عايز نواصل ودنا

ما قلت في ساعة الوداع مافي أمل حيلمنا



عاش من شافك


عاش من شافك وين ايامك

يا الدسيت جواي احلامك

جيت زي اروع غيمة ورحت

وين وديت في الصيف انسامك

يالعلمت قليبي يغني يشتل كيف

الدنيا تمني عاش من شاف وين

ايامك يالدسيت جواي احلامك

ريدتك كنته بشوفه بعيده

يوم طليت تورني سلامك

الايدين بشوقن نادن والعينين قالنه

كلامك عاش من شاف وين ايامك

خال هيثم
07-09-2008, 01:20 PM
ايامنا.....
ايامنا في الفواد ذكراها
ايامنا حبي كيف ننساها
ايامنا وما نحن لسواها
ايامنا وللممات نطراها
يا النسيت ايامنا ايامنا
حققنا فيها غرامنا ايامنا
.....
ايامنا في الفواد الجوه
ايامنا كنا دايما سوا
ايامنا يا ام جبينا ضوا
ايامنا يا النسيت الخوا
يا النسيت ايامنا ايامنا
....
ايامنا في الجزيره العايمه
ايامنا والليالي الحالمه
ايامنا والعوازل نايمه
ايامنا والمحبه الدايمه
يا لنسيت ايامنا ايامنا
حققنا فيها غرامنا
....
ايامنا يا النسيت يا حليلا
ايامنا دي الجميلا جميلا
ايامنا طول نهارا وليلا
ايامنا وكم مشيت لي قيلا
يا النسيت ايامنا ايامنا
حققنا فيها غرمنا
....
ايامنا عشنا فيها غرمنا ايامنا...

خال هيثم
07-09-2008, 01:22 PM
كل ماسألت عليك

كل ماسآلت عليك صدونى حراسك

ردو الجواب قاسى مع انى من ناسك

ردو الجواب قالو كم غيرك احتالو

غير صدهم لاشئ مننا نالو

ياقاسى ياقاسى هل يرضى ماقالو

كان انتا ماهاميك ولا حرك احساسك

ياغالى ياغالى يالديمه فى بالى

وجفاك حارمنى من لهجك الحانى

انافى هواك ياجميل تتحطم آمالى

انا برضى بستناك والصبر يحلالى

كل ماشذاك يسرى فى قلبك السحرى

ييقظ لهيب الشوق والهوى العذرى

اهواك ودارى هواك لوينقضى عمرى

اناعمرى بادئ على عطفك واحساسك

خال هيثم
07-09-2008, 01:25 PM
الودعو ارتحلو

الودعو ارتحلو شالو الهنا ورحلو

ليه يعنى خلونا مارسلو وسالو

ان قلنا نطراهم تالمنا ذكراهم

ان قلنا ننساهم كيفن بننساهم

عارفين طبايعنا فى عيونا شلناهم

ماعرفنا درب الشوق من يوم عرفناهم

ترجع خطاباتهم مافيها ذكرانا

ماحسو بى شوقنا واقدارنا ورانا

نحنا ناس طيبه شعورنا انسانه

ونضحى بالريده وقلوبنا علشانه

ياحليل محبتنا حليله اياما

مرت بدون ذكرى ماظلت غمامه

ياما سعينالا مشينا قداما

فتحنا ليها قلوبنا حفظنا الزاما

الودعو ارتحلو شالو الهنا ورحلو

ليه يعنى خلونا مارسلو وسالو

ان قلنا نطراهم تالمنا ذكراهم

ان قلنا ننساهم كيفن بننساهم

الودعو ارتحلو شالو الهنا ورحلو

ليه يعنى خلونا مارسلو وسالو

خال هيثم
07-09-2008, 01:28 PM
خدعتني

خدعتنى بدلالة ورمتنى بنبالة
اسرتنى بجمالة ورمتنى بنبالة
خلتنى هويتا وقالت لي لا لا لا
انظر ياخى شوفة وانظر شوف جمالة
قدر ما اعاين ما لاقيت مثالة
يا القاعدين معاها ويا الجلسن قبالة
لونك اسمرانى اخدر زرعى لا لا لا
لونك اسودانى او سودانى شالة
لونك لون افريقيا ياملكة جمالة
يا النايرات خدودها والفارع قوامة
الحلوات شفايفك حلاوة الابتسامة

خال هيثم
07-09-2008, 01:38 PM
كتر في المحبة

كتر في المحبة زيد الريدة حبة
نحنا اتنين أحبة وإلا الشوق مخبا
من قمنا وربينا والشوق سامي بينا
جمعتنا العواطف وخضرت سنينا
لو تعرف يا غالي هواك هو الباقي لينا
ما دام انت راضي تاني ولا علينا

وكتر في المحبة وزيد الريدة حبة
نحنا اتنين أحبة وإلا الشوق مخبا

خلي الناس في حالة ما تسمع قوالا
يا سيد اللطافة ريدتك ليهم محالة
صايباني العيون ورامياني بنبالة
بريدك وانت ريدني الناس زعلانة مالة
لو فاكر حبيبك ما تطول بعادك
أسأل كل عاشق مين الزيي رادك
يا سيد اللطافة أبقى على ميعادك
وكتر في المحبة وكتر في ودادك
وكتر في المحبة وزيد الريدة حبة
كتر في المحبة

خال هيثم
07-09-2008, 01:39 PM
صمـت الشــوق...

اقول ليكي و لا اخلي صمت الشوق يزيد البي على البيكي

اهاجر في جمال محياك واسيب عينيا لعينيكي

بكون ماسخ كلام الريدا لما يقولو ليك لسان

تتبكم حروف القول و مابتعكس شعور ولهان

يسبح في سعير شوقك على موج الهوا البركان

يحرق في حشا الاحساس ويخلق قدرة الإمكان

أصادق صمتك البواح واكبل انطلاق السيل

من القلب العزف اهاتو بذكراكي عز الليل

آنين صداح من الاعماق يفيض بكل تقيل الشيل

ونكـتم لهفة الاشواق مع الفرح البشد الحيل

أقول ليكي ولا اخلي صمت الشوق يزيد البي على البيكي

أهاجر في جمال محياك واسيب عينيا ..لعينيكي...

خال هيثم
07-09-2008, 01:42 PM
خدعتنى بدلالة

************
خدعتنى بدلالة ورمتنى بنبالة
اسرتنى بجمالة ورمتنى بنبالة
خلتنى هويتا وقالت لي لا لا لا
انظر ياخى شوفة وانظر شوف جمالة
قدر ما اعاين ما لاقيت مثالة
يا القاعدين معاها ويا الجلسن قبالة
لونك اسمرانى اخدر زرعى لا لا لا
لونك اسودانى او سودانى شالة
لونك لون افريقيا ياملكة جمالة
يا النايرات خدودها والفارع قوامة
الحلوات شفايفك حلاوة الابتسامة

خال هيثم
07-09-2008, 01:46 PM
ســــــــــــــــــــــــــافر

سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..

خال هيثم
07-09-2008, 01:49 PM
كلمات عوض جبريل .....
ما تهتمي للأيام ظروف بتعدي..
طبيعة الدنيا زي الموج تجيب وتودي..
ما تهتموا للايام..

وما تهتمي أصلو الناس حياتا ظروف ..
بتتعود تغير كل خط مألوف..
مصير الزول حياتو ياما فيها يشوف..
وفي دنيانا بنلاقي الفرح والخوف..
وما تهتموا للايام..

مصير الزول عشان يفتح طريق يادوب ..
بكون زادو البشيلو معاهو شوق مشبوب..
عشان يلقا إنتصارو يا زمن محبوب..يضوق المرة ويتوشح بي صبر أيوب ..
ومهما تظلم الأيام ضياها الفال ..
وما تهتمي للأيام ظروف بتعدي

خال هيثم
07-09-2008, 01:56 PM
رحلة عيون
عثمان خالد
وغناء الفنان صلاح بن البادية

ننساك انت انت بتتنسي
ما انت روحنا وحبنا
سافرنا في عينيك ولسه
قلوبنا بيك ... متجننه
يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انهر .. موسيقى .. ودندنه
ذابت قلوبنا عليك حنان
وانت بعيون ذوبتنا
غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك اتغزلوا
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسوا لا بتحولو
ننساك هو انت انت بتتنسي

خال هيثم
07-09-2008, 01:59 PM
الى مسافرة
كلمات الشاعر عثمان خالد
الحاان وغناء الفنان حمد الريح

يا قلبى يا مكتول كمد
أعصر دموع ....هاك غنوة لى سيد البلد.....يا حليلو
حليلو قال سايب البلد... يا حليلو
حليلو كيفن يبتعد ... يا حليلو
كيفن نسيبو يروح بعيد... يا حليلو
فى رحلة مجهولة الأمد ... يا حليلو

كل العمر كان لحظة واحدة نشوفو والشوق يستجيب
نسكر نغيب
نسكر نغيب ..من لطفوا..من دلو الحبيب
من لونو زى كرز المغيب
الراقى محلو السمر
دى شفايفو زى ياقوت ندر
من شكلو زى نص القمر
مبتل مثير
مبتل مثير ....مخلوق عشان أحلى الزهور
وأشواقنا تتعطر تطير..من نفحة من مجرى العبير
من لمسة من جيدو النضير
من بسمة من ثغرو المثير
الفيهو أيام السمر
بيهو القلوب كم تأتمر لو مرة سيد الناس أمر
بنظرة بتدوب حجر ...لى بسمة بتضوى العمر
يا حليلو .... يا حليلو
حليلو قال ناوى السفر ...كيف الوداع لامن يحين وقت السفر
أهديك زهور ...حاشاى وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان...وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا عشان استريح..والدنيا بعدك مابتسر....يا حليلو

خال هيثم
07-09-2008, 02:03 PM
الشاعر الدبلوماسي سفير السودان بباريس صلاح احمد ابراهيم (رحمه الله )

يامرية
ليت لي ازميل فدياس وروحا عبقريا
وامامي تل مرمر
لنحت الفتنة الهوجاء في نفس مقاييسك
تمثالا مكبر
وجعلت الشعر كالشلال بعض يلزم الكتف
وبعض يتبعثر
وعلى الاهداب ليلا يتعثر
وعلى الاجفان لغزا لا يفسر
وعلى الخدين نورا يتسكر
وعلى الاسنان سكر
وفما (كالاسد الجوعان ) زمجر
يرسل الهمس به لحنا معطر
وينادي شفة عطشى واخرى تتحسر
وعلى الصدر نوافير جحيم تتفجر
وحزاما كلما قلت قصير هو
كان الخصر اصغر
يامرية
ليت لى ازميل فدياس وروحا عبقريا
كنت ابدعتك بيدية
يامرية
ليتني في قمة الاولمب جالس
وحوالي العرائس
وانا في ذروة الالهام بين الملهمات
فاذا ما سرت النشوة فيّ
اتداعي وانادي يابنات
نقروا القيثار في رفق وهاتوا الاغنيات
لمرية
يامرية
ما لعشرينين باتت في سعير تتقلب
ترتدي ثوب عزوف وهي في الخفية ترغب
وبصدرينا بروميثيوس في الصخرة مشدودا يعذب
فبجسم الف نار وبجسم الف عقرب
انت ياهيلين
يامن عبرت تلقاءها بحر عروقي الف مركب
ياعيونا كالينابيع صفاء ونداوة
وشفاها كالعناقيد امتلاء وحلاوة
وخدودا مثل احلامي ضياء وجمالا
وقواما يتحدى كبرياء واختيالا
ودما ضجت به كل الشرايين اشتهاء ياصبية
تصطلي منه صباحا ومساءا غجرية
يامرية
انا من افريقية
صحرائها الكبرى وخط الاستواء
شحنتني بالحرارات الشموس
وشوتني كالقرابين على نار المجوس
لفحتني فانا منها كعود الابنوس
وانا منجم كبريت سريع الاشتعال
يتلظى كلما اشتم على بعد تعال
يا مرية
انا من افريقية جوعان كالطفل الصغير
وانا اهفو الى تفاحة حمراء
من يلمسها يصبح مذنب
فهلمي ودعيها
وانبئيها
انها لم تحترم رغبة نفس بشرية
أي فردوس بغير الحب كالصحراء مجدب
يامرية
وغدا تنفخ في اشرعتي انفاس فرقة
وانا اذداد نأيا
مثل (بوليس)
وفي الاعماق حرقة
ربما لا نلتقي من بعد هذا
يامرية
فتعالي وقعي اسمك بالنار هنا في شفتية
ووداعا يامرية

خال هيثم
07-09-2008, 02:05 PM
عـــــقد اللــــــــــولى:

يا عقد اللولى اللولى يا بت يا حلوة يا لولى
يا حلاة الشامة فى خدك والسن بتضوى اللولى


*****************

وين الحلوين وين راحو فى ليلنا يضوى صباحو
بى بسمة يزيدو عمرنا وكان العزال يرتاحو
يا عقد اللولى اللولى يا حلوة يا لولى

*****************

أمتع بيها عيونى وأذوق من فاها السكر
لكن الحظ العاثر خلاها تغيب ما تظهر
يا عقد اللولى اللولى يا بت يا حلوة يا لولى

***************

غشت الجيران لى ثوانى قليبى التايه ودر
فى سرى اقول يا الله ان شاء الله تغيب لى اكثر

يا عقد اللولى اللولى يا بت يا حلوة يا لولى

خال هيثم
07-09-2008, 02:09 PM
جعفر السقيد

لسان الحال


معذرة.. لو معاك منى الكلام حـــــره
معليش الخطاب كاتباهــــــو مضطرة
حـــــــــــرام والله مننـــا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـــت مع البطان الهم للعيون غرة
بيخاف الغرق الغاص ورا درة
قالو أدب الصغار والعقــــدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالى محتضرة
وإنت الفى النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــــت لا عرفـــــــت ولا مرق برة

الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب

اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب

قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب

فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب

سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب

والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب

لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب

حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب

خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب ..

خال هيثم
07-09-2008, 02:32 PM
عفواً ...
الشاعر / الفاتح ابراهيم بشير
اداء الفنان / جعفر السقيد



انا قلبى شان ينساك دايرلو تانى زمن

عفوا حبيب قلبى ما انت لى وطن

انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه آه كان ليك

هو الصابر المسكين راجى اليالى تروق

لا كلّ لا ملّ لا عاتب المعشوق

كل القدر قالو ياناس كتلنى الشوق

والضقته فى دنياى ما ضاقو قط مخلوق

انا يا خلائق آه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته كفاك

والصابنى يالمريود بالعين محال ينشاف

لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمينى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكتّ انا تتكلم الاطلال

وآخر المطاف بالليل سافرت باستعجال

لا طلت بلح الشام لا ضقت راحة البال

برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتلو عشو شمال شالت صغاره جنوب

خال هيثم
07-09-2008, 02:41 PM
عم الزين
الشاعر / الفاتح ابراهيم بشير
اداء / جعفر السقيد

يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطتك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير
===========
كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلائل
==========
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار
===========
لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح
===========
عتدي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف
===========
حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين
===========
عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق
هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام
===========
بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك-

خال هيثم
07-09-2008, 02:44 PM
ود حمد احمد
الشاعر / الفاتح ابراهيم بشير
اداء الفنان / جعفر السقيد


زول في وضوحو بلا الشمس ود حمد احمد يارفاق
من شب قام درفون صغير سوالو جو الناس عرش
يا هو الركيزة الفي الفريق زول حوبة شقيش ما يمش
تلقاهو قدام الرجال حاشاهو كلمتو ما بتطش
من شب قام زولا قنوع ما زك يوم درب القرش
وما شالو حق زول بالغلط وما بيرضي سمعتو تنهبش

في ليلة كان راقد حزين وسارح في الزمن الوحش
كيفن بعد كان حالو زين والسوق مفرهد ومنتعش
مرت عليهو سنين عجاف خلت ضماير الناس تطش
بس فجأة سمع الباب يدق ويا الله قام من الفرش
بي سرو قال إن شاء الله خير واطرافو كلها ترتعش
فتح البوابة بلا نفس وقدامو كان ود الفتح

قال ليهو ادخل قالو لا انا حالي ما داير شرح
قال ليهو جيت والعشم سايقني يا اب رايا سمح
وقفت قصاد بيتي الظروف حلفت يمين ما تزح
البيت معاهو المدرسة خلني بي ايدي ازح
والنخلة هادي قدر تشيل ياخدوهو قبال يصطبح
قال ليهو بس نقع البنوك سلفية والحال ينصلح
قلبة وقلبتين يا رفيق وبعدين نشيل نحن الربح

يا إمة نقع الفتل ما الدنيا اصلو فرندقس
يوم انت طاير في السماء ويوم تحبو في جمر الفلس
بس قوي قلبك يا رفيق ونضمك يكون عجوة محس
من بعدو كان درت النجوم تلقاها في شهقة نفس

قبال كمان تصحى الشمس مشى للخزين ود العوض
قال ليهو إلا تمشي معاي اولادي ديك اكلو القرض

اتماسكو الاتنين سوا ودحمد احمد داير يطير
مرات يجك ومرات يخب ومرات تحسبو زي عزير
بس فجاء في لمح البصر لقى نفسو قدام المدير
نفذلهم كل الشروط وفيهم شرط قاسي وعسير

كان الشرط إيه الضمان ما البنك منهجو برمكي
صاحبنا قام رهن الارض الشاربة من دمو الزكي
مداهو معنى الانتماء والضحكة في الزمن البكي
ذرات ترابة تقولو لا والدنيا غرقت في البكى
وين تاني تلقالك حضن ياويك وكتين تشتكي
مين السواي البفهمك يا حمد احمد غير حكي

انا ياني امك يا جناي من قمت زي تمر الفكي
يومو اليشيل فوقك تعب لا بد فوق انا تتكي
لا بد ترجع لي صاد لو حتى في اخر العمر
ربيت اعمامك وابوك وما احتاجو لاعند القبر
يا ابني لا ترهني هو يا ابني عضي الصبر

ود حمد احمد بي اختصار خلط البيصلح بالبضر
ما همو ايه باكر يكون ما طالا حقق للغرض
شال القريشات وانطلق وفي جيبو شيك سمو السند
مبسوط ويضحك منشي وصاحبك يخوجل في البلد
اولادو دايرين يابا جيب صاحبنا يدي بلا عدد
البت تجيهو المدرسة صاحبنا يدي بلا عدد
الحاجة همها توب سمح صاحبنا يدي بلا عدد

لامن شهور الجن مضن لقى نفسو مخنوق بالمسد
الشيكا باقي وقيتا جا اقصاهو لا يوم الاحد
ودحمد احمد انضرب بقى يجري زي القنقرد
مرات يفوتك في السلام مرات يسوى بكى وحرد

بس فجاة صاحبك اختفى همل عقابتو وشرد
ما راعي احساس الورا وما راعي لى البت والولد
ولي زوجتو الممكن تضيع في زحمة الزمن النكد

خال هيثم
07-09-2008, 02:48 PM
( راجع ليــه )

راجع تقول أهلا وسهلا وياهلا .. ؟؟
وانتا الزمان ساعة نعم قلتا لا ..
راجع تسوق كلمات حنين ومجامله ..
وترمي الملامه على الظروف المخجله ..

راجع ليه ؟؟

والله لو تمشي السما .. ونجومه لي تنزلا ..
وتاخد من الأرض الإذن .. ورمالا تاني تشكلا ..
وتجاوب الحار والصعب .. قبال تعرف الأسئله ..

راجع ليه ؟؟

أنا مابسيبك تاني يوم تدخل حياتي تغلغلا ..
لا إنتا مخلص في هواك ..ولا قلبي ناقص بهدله ..

راجع ليه ؟؟

خال هيثم
07-09-2008, 02:51 PM
لو اعيش زول ليهو قيمه
اسعد الناس بى وجودي

ذى نضاره غصن طيب
كل يوم يخضر عودى

وابقى زولا ليهو قيمه...

ابقى دار لى كل لاجىء
او حنان جوه الملاجىء

ابقى للاطفال حكايه
حلوه من ضمن الاحاجى

بيها اتهنو ونـــــــــــــــــــومو
واحرسم طول ليلى ساجي

والقى فى راحه نفوسم
بسمتى وطول ابتهاجي


لو اعيش طول عمرى نسمه
او مع الايام ســــــــــــحابه

اهطل ادى الدنيا بسمه
اروى وادى واسقى غابه

لو اعلم طفل واعد
لسه ماعارف الكتابه

وابقى شجره ظلاله وارفه
تحتى ناس نايمين تعابه


اشقى والقى وابق بهجه
فى النفوس لى كل مناضل

وابقى للمعتل علاجو
وابقى للفلاح سنابل

وابقى زولا ليهو قيمه ....

خال هيثم
07-09-2008, 03:00 PM
ليه بتسأل .........
ليه بتسأل عني تاني بعد ما شلت الأماني
رحت خليتني لزماني انت عارفه علىّ جاني
لو بتفتكر الليالي تداوي غلبي
ولا تاني ترجع الافراح لقلبي
انت واهم يا حبيبي
دي اللـــيالي أمــرَّ ليه من دموعي الفي عينيه
وكل لحظـــة تمـر عليه تنقص الايام شويه
وتطفي شمعاتي القليله وافضل ابكي واقول حليله
في الدمـوع أنا كل ليله أدفن اشواقي وحناني
من حياتك ســرّ حياتي كنــت أجمــل أمنياتي
عهــدي راح ما اظنه آتي وما فضل غير اغنياتي
مرة اضحـك ومرة ابكي مــرَّة اتحـمّل اســاي
مرّة أهــرب منُّه واشكي واعتبـــر حبّك حكـاية
وعشــت فيها بكل روحي وارتضيت سهديّ وجروحي
كنت داري وكنت دوحي وانطفيت يا نــور زمــاني-

خال هيثم
07-09-2008, 03:06 PM
المصير ............
ليه بنهرب من مصيرنا
ونقضى ايامنا فى عذاب
ليه تقول لى انتهينا
ونحن فى عز الشباب
نحن فى الأيام بقينا
قصة ما بتعرف نهاية
ابتدت ريده ومحبه
واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا
كنا فى ماضينا قوة
قوة تتحدى الصعاب
نقطع الليل المخيم
ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة
نجرى من خلف السراب
تأنى ما تقول إنتهينا
تنهى جيل ينظر الينا
بانى أماله وطموحه
ومعتمد أبداً علينا
نحن قلب الدنيا ديه
ونحن عز الدنيا بينا
تانى ما تقول إنتهينا
نحن يا دوب إبتدينا

خال هيثم
07-09-2008, 03:07 PM
جمال الدنيا

بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي
رياض وزهور على خديك
بديعة بتخلب الأنظار
تزيد فوق الجمال الفيك
معالم كلها اسرار
تخلي الدنيا في عيوني
جمال وكمال بيتجدد
أمل بسام بيحدوني
اغني اليك واتودد
ولحني الغالي اهدي اليك
وانبت للوجود أزهار

ياحبيبي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير غنيت من شوقي إليك

خال هيثم
07-09-2008, 03:10 PM
أغنية المهرجان للفنان الراحل ابراهيم الكاشف
كلمات السر قدور

رف قلبى لى جناح النسايم
راح وشافك وشاف جمالك
شاااف جمالك وانت نايم
شافك لقاك...اجمل ملاك
وردة ربيع ...قطاك نداك
يا وردة أحلى من الزهور....
مالوا القمر ياحلوة خلاهو الظهور
رسلت قلبى ليك هناك
جانى ورجع محتار معااك
احتار انا ...احتار انا
..................................
انا حبى وين ....انا عمرى وين
عمر المعذب كم سنة ؟؟؟
احترت فى عمرك سنين
يوم الهناك ولا الهنا!!
اضحت حياتى مقسمة
نص فى الأرض نص فى السما
انت القمر وانا كلما زح السحاب ألقاك تميل...
فييك الدلال وأصلو الدلال حق الشباب
وانت السحاب حجبك كتييير وانا فى الأرض يا روحى حارقنى الهجير
بتنسى ليييييه
وأنا قلبى بيتذكر كتير
يوم لقيتك ......وهويتك
وانت وريتنى الحنان
الحنان الفى أحلى نظرة .....وابتسامة
فى خيالى احلى ذكرى
بالأشارة ....نظرة عابرة
شفت حبك
كنت قايل ...كنت فاكر
الجميع عارفين محبك
والعيون راصدانى لمن ..ابقى جمبك
وتبقى ذكرى ..فيها انت وفيها قلبى وفيها قلبك
وفيها يوم المهرجااااان
أحلى من عمر الزمان

خال هيثم
07-09-2008, 03:14 PM
الاهليه
كلمات:محمد ود الرضى
الحان: فاطمه بت بابكر
بسم الله ابتديت متل البرق لاحت
فى الشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت

مالك يا زمان شبعتنا هولا
لبست الناس تيابا حاشا مى هولا
يات من كان يجي دماعو مبهوله
ولله راحت بقت البواجهولا

مالك يا زمان شبعتنا وح ووحيح
صح الدون كضب
كضب العوالى صحيح
يات من كان انا جعلتو لى صليح
عقرب حزّه لى ويا نفسي زين ومليح

فى احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير

تب الشباب ان بقا كواس
تب الصبى ان قطع المروة خلاص
تب الشايب ان بقى وسواس
تب الاقربين الاتفاتتو الامغاص

خال هيثم
07-09-2008, 03:28 PM
الطمباره والغناى
للشاعر/ محمد طه القدال لحن الاستاذ/عثمان النو
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه

خال هيثم
07-09-2008, 03:31 PM
تبتبا
اشعار محجوب شريف
الحان شمت محمد نور
تبتبا تبتبا تبتبا تبتب
باكر تعرف تقرا وتكتب
وياما ترتب
نحنا بنحلم وكم نتمنى
هي تحقق كل ما تحب
تبني حياتا الند بالند
اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك
تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط
بكرة حا يبنوا مدائن ضو
ما بيعكر صفو الجو صفارة حرب
تشطب من قاموس الدنيا
الضرب الشك الخوف
ينعموا كم بالشم والشوف واغاني الحب
افتح بابك آمن تب
زي ما النهر بيلقى مصب
اي حمامة بتلقى الحب
تلقى الورده الندى في الكم
تلقى حداها جناها الام
يرضع صافي حليب الحب
نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد
مد البصر الامل يمتد
العمل يشتد البنا ينتم الغنا يمتد
هدهدا هدهد
اكتبي اكتبي الف المد
حمام وسلام وسعادة بجد
اكتبي اكتبي ياء المد
سرير وعصير وعبير ينشم
اكتبي اكتبي واو المد
حقول وعقول تقرا المجهول كتاب الغد
اكتبي علم وسلم
لا حد يئن لاتسمع بم
لا ينزف دم
لا يعجز رد
لا يعجز طب
لا دمعه في خد
تبتب

خال هيثم
07-09-2008, 03:33 PM
حاجه آمنه
كلمات : عبد الوهاب هلاوى
اللحان : شريف شرحبيل احمد
حاجه امنه اتصبرى عارف الوجع في الجوف شديد
عارفك كمان ما بتقدرى
جاهلك شكى وجاهلك بكي
في بيتك المرق اتكي والشي البحير وما بحير
مابيه ياحاجه الزكاة
طلع الصباح لو ليك مراد ياحاجه ما تطلع شمس والليله عندك زى امس
لسه الرويدى مع الصباح يا حاجه ماجاب ليك خبر كان جوفو زى جوف العيال
من مده داير ليه حجر والله على الزمن الحجر المابي بالصبر اتكرى
ومشيتي لي برج الحمام برجك صفيحتين ما بزيد ومشيتي لي برج الحمام كان تلقي
ليك جوزاً جديد يمكن بعد طلع الصباح يغشاكي زولاً يشترى
هبشتي جاى فتشتي جاى كان تلقي سكر بس محال باقى الرطيل الفي الكرت
ياحاجه سفوه العيال ياحليل زمان وسنين زمان ياحاجه لو تتذكرى
وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب
ياحاجه ناس المويه جوك.. اصلو الشهر روح جرى
بعد صراع وصراع طويل ياحاجه بينك والمحال مالقيتي في داك النهار
شيتا يجو و ياكلو العيال حبة عدس مابسوى شي وينو البصل وينو اللحم
حبة عجين مابسوى شي وينو الدقيق وينو الفحم من جاى لجاى فتشتي
جاى هبشتي جاى لازمك كتير تتقدرى ويا حاجه امنه اتصبري

سامي الشريف
07-10-2008, 02:34 PM
ياجـوهـر صـدر المـحافـل روحـي معـاك اتلـطفـيـلا

مالـنور الـفي حـليـهو رافل في حُـق نـهدو قـلوبنا قافل
كالظـبي الفـي مـقـيلو غافل تـارة يميـل والتـانية جـافل
وجـهو يــنور والبـدر آفـل فـوق للـبدر يزيــد نفـيلا

يــالنـور خـدك لاح مـقابل للـشعر الـطال لـيلو سـابل
سـهـم الحـاظك ليـنا نـابل بـي كل شي دون هجري قابل
ينسـب نـوحي عـلي البلابل وانــت القــمرا بتنـسبيلا

ليك جوز عين نعسـان وكاحل خصراً يمـيّل وصـدرو راحـل
لـي وجـداً لي جسـمي ناحل بـحر الشــوق مـاليه ساحل
بيـني وبـين الـنوم مـراحل ويـن للطيــف انا القي حيلة

الـفـرع الـبـتـّنـي راتـل طيرو ينوح في غصـونو حاتل
وهـو نـديم لي فكـري شاتل الاسـد الـفي القيــد ينـاتل
يـتـأكد مـاليـهـو كـاتـل غـير مكـحـول ظبـي النتيلة

ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة

يالـمـرنوع الـكـتفو هـادل في دروعو ولمـعـاصمو جادل
انـا سـاهر والـليـل سـادل شـرط الـحاكم يبــقي عادل
لا اقــبل بـهـواك مـبـادل كيف اعشـق وارضـي البديلا

امـنـع طيفـك لي يـقـاتـل داخـل قلبي انا لــيك مـنازل
يالائــم لاتـبـقـي عـاذل انا في الحـب لي روحـي باذل
العـاشـق يـسـمع لي عاقل خلـّي نصيــحـتك عني زيلا

فوق الجـمـر و دمـعي باهل كيف نار تشــعل في مـناهل
ضاق بي الكـون مع انو ماهل نومي تصعّب ووجـدي سـاهل
لو بي حـالة دهـري جـاهل في الانجـم اســأل سـهـيلا

لـي طيـفك مالقــيت وسائل غير بسط النســمات رسـائل
اغـرب شـي واعـجب مسائل حلـم الصاحـي ودمـعو سائل
لو شـكيـت في امـري سائل الـبدريـن كـونـك مـثـيـلا

زايـد شـوقي ودمـعي هـامل جمر الحب لي جـسمي شـامل
حتـي الطـيف لـي لا يـجامل مـع كـلاً مــا كــنت آمـل
دمــي تحـننـي بيـه الانامل هل يرضـيك كـدا ياجـمـيـل

سامي الشريف
07-10-2008, 02:35 PM
الشادن الكاتلني ريدو

هلك النفوس و الناس تريدو مـالو لو يـرحم مـريـدو
في الكون وحيد والكون وحيدو فـيـه لا يـوجـد طـريدو
نـظم القلوب في سلك ريدو لبسـن قـلايد في وريـدو
الجيل قديمو علي جديدو بيه اعـترف مـعدوم نديدو
فاق السلاح وفضح حديدو نـقرابي فـي صفحة خديدو
يصعب علي وصف فصيدو صـعبان علي انظـم نشيدو
دا غزال وسارح بين صيدو يازيد مـحال شركك يصيدو
انسان كحيل ناعس هجيد جيد الغـزالة كـأنو جـيدو
مهما اقول والقول اجيدو انا وصفو كـيف اقدر اجيدو
كلما اقول الحظ يعيدو نحس الزمان يشرح سعيدو
القطر دانيهو وبعيدو هو هلال صيامو ويوم عيدو

سامي الشريف
07-10-2008, 02:38 PM
عازة في هواك
خليل فرح

عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال

وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال

عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال

عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال

خال هيثم
07-15-2008, 04:04 PM
سالب فؤادى

سالب فؤادى وماعليك

انا فى الجحيم مستاف اليك

يامن احبك واصطفيك انا ليا روح مفتونه بيك
هل مره بين بمنزرك واسحر لكل من ينذرك
يااسما غايات الوجود كل الخلوق تتشابا ليك
كل الجما ل وهبوه ليك وجعلو السحر فى مقلتيك
خلقوك ايه من الجمال خفه ورشاقه وطيب خصال
يامن بحبك اكتفيت مفتون هواك والجرحونى سهام عينيك
اتمنى همس البين اديك وتسالنى عن اعجابى بيك
تلقانى مخلص فى هواك لم اوهب الحب لسواك
يانور حياتى ودنيتى ظلمونى بالقالوهو ليك
ياحبيبى بالقالوهو ليك

خال هيثم
07-15-2008, 04:06 PM
الليل مابنومو

الليل الليل مابنومو كانى انا حارس نجومو

طول ياليل وهود

عاجبنى طول الليل

الليل نسيمو عليل

الليل سكونو جميل

الليل به النساك تتامل الافلاك ياليل
الليل به العشاق تتذوق الاخلاق

تتناجى بالارواح لشده ماترتاح
مادايره تانى صباح

الليل الليل مابنوموكانى انا حارس نجومو

انا راصد كواكبه تائه
فى ظلامه سابح
فى خيالو سارح
وماعاشق جمالو
بس لى فيه ذكرى
وماخد عنه فكره
يكون فيه التلاقى
وانظر فيه حبى
الحابيهو قلبى ينظر مايلاقى
بالله عيرنى سماع
احكيك حبى الضاع
وتغير الاوضاع
هويت محاسن انسان
فى غايه الابداع

عاهدنى حبيته

ووجدت عهده خداع

قلت ليهو الوداع

ياحبيبى الوداع

الوداع الوداع

ياسميرى الوداع

rufa3ia
07-18-2008, 06:46 AM
في الليلة ديييييييييييييييييييك

زيدان ابراهيم

في الليلة ديك لا هان علي أرضى و أسامحك

ولا هان علي أعتب عليك

شلتَ الجراح و الابتسامة وكل حرمان اليتامى

جيت أهنيك و أصافحك…… جيت أقول مبروك عليك

و مديت يميني بلا كلام

ما قدرت قدامك أقيف

ورجعت حابس أدمُعي

*******
في الليلة ديك

و الناس تشارك فرحتِك

حسيت بأني غريب هناك

وغريبة أنتي في دنيتك

حسيت معاني الفرقة حسيت …… بالوجود ماخد سواد من حنتِك

شفت الدموع خلف الرموش

مكبوته بى حسرة وضياع

ورعشة الكف الخضيض

مقرونة بي نظرة وداع

جابُ القدر في سِكتِك

****
في الليلة ديك

جيت أهنيك وأصافحك

جيت أقول مبروك عليك

rufa3ia
07-19-2008, 10:48 PM
يانديدي يازمان الاعنية الجاية وجديدي
اي صوت راجيهو صوتك واي شريان فيك وريدي
الزمن قاسي الملامح وانت نوارة قصيدي
------
ما اشتكيت لي وردة غيرك
وما لمست سوى حريرك
وكلما هاجت شواغل مانشدت بدل مصيرك
-------
شوفي كيف الدنيا اخضر من زمان
وعايني كيف الافق اوسع من مكان
--------
هل فجرك يامصابيح انطفي
تاني وين ضيق المحل لو انت في
---------
اي صوت راجيهو صوتك واي شريان فيك وريدي
الزمن قاسي الملامح وانت نوارة قصيدي

سامي الشريف
07-21-2008, 01:07 PM
يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل
يا زهرة طيبك جانى ليل
اقلق راحتى وحار بى الدليل
امتى اراك مع الخليل
واجلس امامكم خاضع ذليل
دايما انوح واقول حليل
صفى القلب القدره جليل
كيف لا اسهر واكون عليل
انا فى الثرى وهو فى الاكليل
يا الليك عفافك دايما زميل
يا المن طيبك طيب زهر الخميل
لو مر نسيمك على الف ميل
يخلى العالم طربا ثميل
يا اهيف يا ذا الطرف الكحيل
يا الصدرك عالى وخصرك نحيل
مناى فى الدنيا قبل الرحيل
ارى شخصك لكن مستحيل
يا زهرة روضك يبعد عن الـ
عاشق ومحال للقاك ينيل
بستانك نضير ساقيه نيل

سامي الشريف
07-24-2008, 11:26 AM
لسان الحال


معذرة.. لو معاك منى الكلام حره
معليش الخطاب كاتباهو مضطرة
حرام والله مننا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـــت مع البطان الهم للعيون غرة
بيخاف الغرق الغاص ورا درة
قالو أدب الصغار والعقــــدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالى محتضرة
وإنت الفى النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــــت لا عرفـــــــت ولا مرق برة

الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب

اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب

قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب

فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب

سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب

والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب

لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب

حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب

خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب ..

سامي الشريف
07-24-2008, 11:27 AM
حال اللسان

أنا ما كنت داير الاغتراب .. لكني مجبور ابتعدت
حسيت متل غمز الحراب... وفي أنه الصبر النكد
أرجع وأقول إنتي السبب..
قلتيها لي ما بترضي بي عيشة وسط
دايرها فوق عيشة رغد
قاريهو في عيون الصغار.. طلباتم الما ليها حد
حسيتو في عيناك سؤال احترت ما لاقيلو رد
نظراتك الحادة النبال.. سيطان بتلهب في الجسد
وانا كنت صابر زي بلال كان ردي ليها أحد.. أحد
**

الكاتمو في جواي كتير من حرقتو الجوف اتهرد
ما كنت قاصد أقولو ليك لكن لسان الحال سرد
ما بنسى يوم ودعتكم وبي حسرة غادرت البلد
ختيت على جرح الفؤاد .. فُرق البيات والولد
ما اعتدت أفارق للصغار.. والوجعة فرق الفي المهد
زفر القليب آهات حزان.. حسيتبو جواي ارتعدت
كان انتي شوقك لي بحر.. كيفني انا المكتول كمد
خليت لك الروح والقلب.. سافرت بي باقي الجسد

عارفك حريصة على العيال.. فوقك بعد الله اعتمدت
في الحارة تسوي لك رجال .. للمايلة والمحتاج سند

اتغشن القالن وراي.. هلن لي نجمات السعد
ما اتغربن وضاقن معاي ..مر عيشة الهم والنكد

لو عني كررتي السؤال ..أنا بني وبين الفرحة سد
سهّيت وغايتو علي حال .. يعلمو الفرد الصمد

عزّابي في قاطوع صغير.. في ضيقو زي ود الأحد
في السوق صباحات الله خير .. حايم وازازي بلا غرض

الزي بيهو الليل يطول.. يتقلى فوق جمرو الوقد
اتوقعي البجي ليك يقول.. في الغربة محبوبك فقد

البي ده ما بيغباهو زول.. يحكيهو طرفي الما غمد
سنتين افتش في كفيل.. لي حالي فد زول ما نشد

في التالتة رب العزة قال.. حامدنو حلال العقد
مكتب ولا كان في الخيال .. في الفارهـ الدور قعدت

عربية والراتب كبير.. ورابطلي خرزة من الحسد
بليت عروق قلبي المرير.. عِزة ورفاهية وسعد

لكني يا حظي التعيس.. تميتلي شهرين واترفدت
قالوا الوظيفة اتعممت.. محجوزة لي أهل البلد

شوفي الضرايب فوقي كم .. كان جيت أفكر في البلد
وزي الكلام ده يزيدني هم .. ويرفع لي إفراز الغدد

قوليها لا تهابي الحروف.. كان في غيابي الشوق برد
البي ده كلو من الظروف.. والله ما لي فيهو يد

اليبقى في فرش الحرير.. ماخدنو من فك الأسد
بي ضحكة في ابواب جحيم.. لي دمعة اتبلابه خد..

أنا شان رضاك أرحل بعيد.. لي غربة لي دمعة وسهد
وأنا فيها ساهي البال شريد.. أفكاري فيكم وفي البلد

سامحيني لا تابعي الظنون..ما زلنا بيناتنا الوعد
والغربة من أجلك تهون .. وطعم العذاب يصبح شهد

جوابك الظاهرو الوداد.. كاتباهو بي دمع الحرد
يجي ردو في نفس المعاد.. نتلاقى طيارة الأحد

الكاتمو في جواي كتير من حرقتو الجوف اتهرد
ما كنت قاصد أقولو ليك لكن لسان الحال سرد

سامي الشريف
07-28-2008, 12:21 PM
بدور القلعة أبو صلاح
----------------

العيون النوركن بجهرا
غير جمالكن مين السهرة
يا بدور القلعة وجوهرا
السيوف الحاظك تشهرا
على الفؤاد المن بدري انهرا
اخفي ريدتك مره اظهرا
نار غرامك ربك يقهرا
صيدة غيرك إيه الجسرا
تستلم أفكارنا وتأسرا
حال محاسنك مين الفسرا
ياالثريا الفوق أهل الثرى
عالى صدرك لي خصرك برا
فيه جوز رمان جل البرا
الخطيبة وردك منبرا
الشعور البسطل عنبرا
الرشيم والرشمة الخضرا
زي فريع في موية منضرا
هل حبيبي نسى ام لي طرا
ياأم شلوخا عشرة مسطره
جلسة ياأبو الحاج اتذكرا
ورنة الصفارة إتفكرا
وهبة بمزيكتو حكرا
كم طرب أفكارنا وأسكرا

سامي الشريف
07-28-2008, 12:22 PM
أسمعنى نشيدك
محمد علي عبدالله
----------------
أسمعنى نشيدك
ورينى كمان فى الفن تجديدك
يا حمام الدوح
أسالنى أفيدك
عن حالى البى وأحسبنى شهيدك
ولهى ما بفيدك
أبقالى رسول أو خذنى فى أيدك
أترك تهديدك
أسمعنى درر وواظب ترديدك
وين القى نديدك
يا جالى الهم زيد شجوى وأزيدك
عقب تغريدك
يا ساجع الدوح خلينى أريدك
وأًلا ليه بريدك
وألأ بس روحى يا حمام فى وريدك
لا تخش هجيرك
سافر يا حمام مولاك يجيرك
سارع فى سيرك
لو لى جناح أنا كنت وزيرك
رحماك فى صعيدك
أندب حظى وأدنى لى بعيدك
يوم عيدى وعيدك
يوم الأيام لديارى تعيدك

سامي الشريف
07-28-2008, 12:22 PM
الليلة لا قيته
الشاعر سيد عبدالعزيز
------------------
الليلة لا قيته
القلب حباه
وبالشكر واليته
ما عشقت هندامه وقامته وتواليته
أنا عاشق أخلاقه وقدرته جليته
ياليته يشعر بى ياليته ياليته
بالزمة با مدهش
وجدانى هزيته
منى الفؤاد بالصد صدعته وأذيته
وأن حلفونى بأسمك عن ضررى عزيته
ليه ودى بالهجران يا حبيبى جازيته
أنا لو ضمنت رضاك
كان شخصى هنيته
وبيك تم لى أملى
الفى الكون تمنيته
وأقول صريح للناس يا ناس السعد ظنيته
عرج على بعد ما خلاص العمر أفنيته

سامي الشريف
07-28-2008, 12:23 PM
الناحر فؤادى
ودالرضي
-----------
الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه إنضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى وأكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر

سامي الشريف
07-28-2008, 12:24 PM
شفنا حبيب بنريدو غير علة
اهلا بيهو الهلال هلا

الحزن ولى كوكب الاحلام في السماء اتعلا
اهلا بيهو الهلال هلا
نور حبيب الروح النور الحلا
اب قمر دورين في الارض واتدلا
اهلا بيهو
الحبيب جانا بي نغيم الريدة المطربة اشجانا
اهلا بيهو
من سهام العين بي شوفتو نجانا
والمحبة الطاهرة لبسنا تيجانا
اهلا بيهو

نسال المولى يحفظنا من العين
ولينا يتولى
اهلا بيهو

نلقى في الدنيا الهيبة والصولة
يتم منانا نفوز بي رضا المولى

سامي الشريف
07-28-2008, 12:25 PM
أم جمالاً يشفى السقيم
سيد عبدالعزيز
------------------
يا أم جمالاً يشفى السقيم
مريضك كيفن دواه
فى صراط الحب مستقيم
قلبى لكن كلت قواه
يا أم جمالأً يشفى السقيم
طال عذابو الليكن غوى
حق نبينا وموسى الكليم
فر عقلى وشالو الهواء
يا الحشيمة وذوقك سليم
كيف علاجى ودائى الهوى
ما بفيدنى فكى أو حكيم
طبى ليمك ما لى سواه
لو نظرتى نظرة حكيم
ما رأيتى العالم سوى
كفى عنى الصد الأليم
بى يا ما الهوى قد لوى
من فراقك ربك عليم
جد شوقى وعودى اتلوى
يا الجويهلة وقدرك عظيم
حسنك أبدع عن ما اتروى
زى سناك الدر النظيم
يافريع البان الروى
هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى
يا الوحيدة وأصلك كريم
طار منامى وقلبى انكوى
يا أم طباعاً فى ذاتها ريم
أدركينى وسيبى الجوى

سامي الشريف
07-28-2008, 12:25 PM
أنا ما معيون
الشاعر سيد عبدالعزيز
-----------------------
أزاى وداوى خدود وعيون
يا ناس .. أنا ما معيون
حليف آلآم وعيونى عيون
دائى عظيم ودواى مصيون
سامى بعيد عن العيون
وانا عقلى بقاله رقيب وعيون
أغنى عليها وأبدى فنون
أفوق الساجعة حنان وجنون
أأمل ليمها الما مظنون
وسيف هجرانها على مسنون
تجدنى مغيب وحولى شجون
كانى اسير فى حب مسجون
أملى بكل قماح معجون
موتى دنى وسببى العرجون
زينة زكية حراك وسكون
تامى جمالها الما ملكون
لو عبرنا صفاتها تكون
هى أول غانية تضوى الكون
عفاف وترف فوق القانون
دلال وسبات وهياب وحنون
فى فاهاه الدر منظوم مكنون
ومدام ومسك وعسل مشنون
ناعمة جسيمها حرير ووهون
طبيعة بطيب الند مدهون
عزيز أرواحنا لذاك يهون
ملى اذا أًبح مهيون
لمكلة جنوده خدود وعيون
لحاظة تخيف قايد المليون
وترهب عنتر ونابليون
ليها سلامى بعد ما يصون
عاشق حب قمر محصون
وبعد ما غنى الطير فى غصون
يبقالها سمير وسرير وحصون

سامي الشريف
07-28-2008, 12:26 PM
أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

سامي الشريف
07-28-2008, 12:26 PM
جارو اهلك
لشاعر / محمد علي عبدالله
--------------------
جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر